![]() |
ياقو قلبك على الصّده ويا صُبرك
وياوسع صدري على صدك ويا صُبري وياطول عمرك بذاكرتي وياكُبرك وياشيب عيني بشيّب عاد ذا كُبري والله لون حمل صبري فوقك..ان تبرك والله ولو تعتذر منت بعلى خبري ان ما جبرك الغلا ما اقدر على جبرك ياللي على ارض الوفا ما شبرك بشبري تزعل وترجع وتلقاني على خبرك وانا انكسر لك واجيك ادوّر لجبري طيفك وذكراك طيلة غيبتك سبرك وشوقي لشوفتك طيلة غيبتك سبري امحق وليف ومحبه والا اقول ابرك حسبي عليك اعشقك وانت اتحفر قبري |
البارحة ربي كتب لي ومريت ..
..دربٍ عليه بروق الأحباب لاحت جيت المكان اللي جمعنا وخفيت .. .. وقامت جروحي للجوارح وصاحت ياليتني في لفة الدرب زليت .. .. كان العيون من الدموع استباحت التم غيم الدمع من يوم لفيت .. .. وورقا القصيد لشوفة الغيم ناحت وضحكت ماأبغي الناس تدري يبالفيت .. .. لكنها غصبٍ على العين ساحت حارت دموعي في عيوني وصديت .. .. وأرمشت مابيها تبين .. وطاحت وعقبه برق في العين براق .. واسقيت .. .. خدي ووناتي بصدري تلاحت وأنا أحسب إني في فراقه تشافيت .. .. وان عبرتي من مدخل الزاد زاحت اللي يحسب إني على البعد سجيت .. .. والا ان عيوني للرقاد استباحت ياليتني من قبل لا أحبه اقفيت .. .. والا ان دروبي عن دروبه تناحت أهون علي من البكا والتناهيت .. .. وأشلا من سدودٍ على الناس باحت عرفت كيف الحي يفرق عن الميت .. .. وعرفت قيمة نعمتي يوم راحت قولوله اني عقب بعده تدانيت .. .. ورجلي عن دروب المعافين شاحت البعد نار وطاعة العذل كبريت .. .. يقصر على بعده .. ترى الكبد فاحت |
ابغيك وابيك واباك وابغاك .... جمّعتها لرضاك واختار فيها
شف ويش منها يتبع احكاك ورضاك .... واللي لك اسقي مسمعك لا ضميها غديت (افر)احكاي واساير احكاك .... وانا تشّرف لكنتي واهتويها مضمونها ودي بشوفتك واهواك .... ياللي دروب اهل الردى ما تجيها صانك ولي امرك وحبك وداراك .... لاقدر ردع الحظوظ ومجيها نفسك مهذبها وعز الله ربّاك .... مايدري ان جيش الهيام يغزيها والله قسم يبلاك بي وانت يبلاك .... باللي سواتي في العرب يرتجيها محبة (ن ) ذربه من القلب تكساك .... محبة (ن) صدق الهوى يكتسيها يامرك قلبك بالوفا لي وتنهاك .... ناس (ن) على لاماك تفرك يديها رزين عقل ومن مزايا مزاياك .... نفسك تحب وعفتك تمتطيها وتطيع عقل (ن) ما بعد زل واغواك .... مشاعرك تعصاه ..وانت تعصيها ماشفت منك الا عيونك ويمناك .... محبة (ن) راع الردى ما يبيها يقبض فوادي لا تخيلت فرقاك .... ياشف عين (ن) ما سواك يعنيها وياعزوة اخوانك ومطلب هذولاك .... ناس (ن) محبة والدك تدعيها ناس (ن) تخدم ابيك كله لعيناك .... وهو يحسب ان الله عليه يهديها ياجعلها تفدى على الارض ماطاك .... والله بمن هو مثلها يبتليها لكن لعب في ياوليفي تغّلاك .... ونفسي غلاك من الصدود يحديها تبطي علي وانا هنا واتحراك .... وكبدي لواهيب الصبر تشتويها اجمّع علومك امن هناك وهناك .... والله لو انها تنشرى لا اشتريها وعذرك (انا لاهي) يا ويش اللي الهاك .... لاهي ومر(ن)منت لاهي تليها كانك مشكك في الوفا والغلا هااك .... جوالي اقر القائمه كل ابيها رقمك مع الصادر ولا وارد اسواك .... والناس في اللي ( لم يرد عليها ). واياك واياني...واياني اياك .... من غيبة (ن) من دون عذر يحميها |
رب أخ لم تلده أمك في هيئة خوي
ما تنتهي مدته ولا صلاحيته وأنا ويش ابغي من الشخص القويم السوي الا احترامه لشخصي في علانيّته والنفس قد تنطوي على ما قد تنطوي ماني بربه أعرف اللي في نفسيّته حديث خير البشر في شرحه النبوي أعمال كل امرئٍ على حسب نيّته وأنا مثل من طموحه للعلا منتوي ولا تعدى طموحه حد سطحيّته لكن لو أن راس مالي فالبنوك ضغوي حمدت ربي على نعمة عبوديّته مثل الشبح الأحمر اللي عند مصطفوي اللي فريدٍ فتركيبه ونوعيّته عشقت لي بنت وأثر الليل ليل سروي وان راح الليل دربي ويش تاليّته واثر الغرام الذكوري كنّه الأنثوي متفشي وكل منهم فيه خاصيّته قالت من أنته من أنته قلت رجال بدوي ثقافته ما هي تعارض على حبيّته سحاب له ضجيج ودوي يا ما اشر بغترته وطاقيّته جباننا لترفع سهم المنايا يا وي يظهر له بموقفٍ تفخر به بنيّته قالت من رجال يام مزبنين الخوي قلت ولد عم بن حثلين وحميّته قالت يا جن الغلا لو شفت ذيب يعوي قلت أتعشاه لعيونش يا جنيّته لكن ظلم السنين وقلبي المكتوي تثر علي خوة الطيب وعقليّته وقريحة الشاعر المبدع ما هي ترتوي ويثبت احساسها حسب مزاجيّته يا فاتنه سكّر زياده وسكر شوي ابشرب زيادته وابشرب شويّته تعبت أسدد فوائد حبك الربوي والحب أناني ولا يدري بأنانيّته أحلى بنات المدارس ثالثه ثانوي ذراي قلبي وقلبي له نظريّته عن خلقها لو درا وزيرنا التربوي خلا من أخلاقها منهاج تربيّته في وجهها الأمتحان الصعب الشفوي سماحة أب القتيل اللي رفض ديّته وفي جيدها لذة المدن فعيون قروي وفقلبها طهره وطيبه وعفويّته على شفاها مخارج اسمي اللغوي وسويكي حروف اسمها في ميداليّته هي همي الشهري وتحصيلي السنوي المثقل بنزوات يوميّته احتلت احساس خفاقٍ ما حوله ذوي وأعضائي الباقيه تطمح لشرعيّته يا جعلها تعيش حتى عقدها المئوي وتشارك القلب في فرحة مئويّته وصالها دموي وافراقها دموي كن هتلر مورث الها من دمويّته الشين ف أتفه زوايا حسنها منزوي بالعكس تشكي ظروف القهر أقليّته والا على الزين حيل الله يا قلبي قوي الزين هي موطنه الأصلي وجنسيّته في جيدها فوضويّة شاعرٍ فوضوي وفعينها قسوة الفارس وحنيّته خذيتها من يديني وجات تهوي وصارت في يدي ما هي حيّه ولا ميّته لو اني الشجره اللي للغصون تحوي ما فيه غصن ماهي دابه ولا حيّته لو انها الألتهاب القاتل الرئوي قلت الوعد جنة المسلم يا حوريّته ايعزها الشوق لين تخضر وتستوي وتعيش من حسنة المسلم ومن سيّته واثارها بنت حوا فاتنه وتغوي جت تأخذ الثار من قلبي وذريّته |
انا ينتابني احساس وشعور بقلق واحباط
وانا يالله دخيلك من قلق يدعوللاحباطي وليفي سلم راسك والبقاطه شغلة البقاط وانا ماني بقوط ولاعلي من كل بقاطي ليامني بغيت اضحك معاك شوي لاتشتاط سوالفك الجميله تشبه الجلسه على الشاطي عليك الله واكبر من تموزالاولي لشباط تمغط والغلا في خاطرابن الذيب مغاطي يابورمشن خبطني من قريب خبطة المخباط ونبط ضربته في اقصاء الضمير الحي نباطي على شان الهواوي والفراق القاز والمشخاط لو ان قلب الهواوي يشتعل من دون مشخاطي ليامن قلت احبك من حدود الحرص للافراط تلفت لي تلفات الكبر وتقول خراطي وانا ياجعل ربي مايوفقني ماني بخراط غرامك في ضميري كنه الاجمرة ارهاطي يااروع من كتابة شكسبير وفلسفة سقراط غلطت او ماغلطت اللي سواتك يدمح اغلاطي ولو تقبض علي شرطة دبي بنادي الظباط ترى القلب ادمنك وانت السبب لاصار متعاطي |
فديت كبد الهنوف اللي من اللمسة
تكسر كن الخمر مصنوع في حناياها وارثة القلب لا ثمنه ولا خمسة والذ واشهى علووم الحب واحلاها هي غد .. من قوت يوم رغيف امسة في ساعة لا تذكرها تماناها تحب غيري !ّ! ثلاثه .. اربعة .. خمسة لهم لا احاسيس وانا لي ثناياها |
ماهوب كالأتي ولا كالاتي اجيبها مثنيت(ن)مربوعه والمومن اللي ماهو بمرأتي ماني بضامن سيفه وفاروعه اكسر عيون الشاعر البناتي واللي يفتل شاربه فربوعه واوقف الحالي وريحي عاتي والعب بحسبتهم وهم مجموعه وش كان حال الشعر قدام اتي سؤال ومحير كذا مطبوعه مجلة(ن)ماهي تلامس ذاتي لاهي بمقروءه ولا مسموعه الذ منشيتات منشيتاتي والبحر والابداع والموسوعه لكن صباح الخير يامولاتي فريد من تركيبه ومن نوعه يالفارقه دايم على البناتي والفاتنه جدا"ولكثر روعه لايسمع السلطان تصريحاتي يهل وضاح اليمان ادموعه ياسيدة حسناتي وسيئاتي والشوق والفرقاء وكثر اللوعه قرأني وانجيلي وتوراتي والوصل من جدوله لي ينبوعه تجبرني ارفع لسماء نظراتي مشاعري لمواصلك مدفوعه الله يعطيني على نياتي ومن الرذيله والرداء مرفوعه مبدع وبيت(ن)واحد من ابياتي تفخر بنشراته كذا مطبوعه |
أحد مثلك أنا ما القى رجل مثلك أبد ما حد
على شعبه سطع نوره مثل بدر اليالي السود أنا لاجلك كتبت الشعر وفضلك سيدي ممتد على طول المدى نبقى لشورك طايعين جنود |
لعب الزمن ما هو مثل باقي العاب
إلعب على كيفك واذا تروم لا تْتوب بَيْجيك يوم وْتندفن تحت لِتْراب عقب الدفن بَتْعَرْف وش يعني لْعوب لو نك فَتحت أبواب لك غَالقٍ باب ولو نك تعرف العيب العيب عَذروب بديت أكتب واجلب كْتاب بكْتاب آخذ معَانيهن واخلّيهن بْصوب إذا الشِّعر يا ناس قِدْ جاب ما جاب وان جاك شِعري بالفعِل جَاك مَكْتوب هذا وانا أرقى على كل مرقاب أسري بليل الضدّ من فوق عَرقوب هذا وانا أشّر وهي تطير أسراب بيض الحَمام تطير ما تحمل ذْنوب هذا وانا تايب وإبليس ما تاب هذا وانا أنعَت وهو ضَيّع دْروب هذا وانا أضحَك وهو يضحك بْناب ثوبي ستير وصاحبي عَاري الثوب هذا وانا اعدّ الخَطا عَد لِتْراب ينعد كيف انعد وهو كان محسوب بعض البشر تحسب على كيف الاسباب وبعض البشر من دون سِبّه ومطلوب كلٍّ يحَسْب احساب وآنا احسب احساب وْكلٍّ يجي باسلوب وآنا لي اسلوب بَابٍ فتح من بَاب والباب كَذّاب بَابٍ إذا يفتح ترى الباب مَكْذوب هذا وانا اغنّي وانا اقول سَحّاب سَحّاب يَمطر صوب وانا أمطر بْصوب مثل العروق تجيس وتدق الاعصَاب أو مثل سَاحِر طار في الجو مجلوب من هو يأمِّن يمشي بْليل في غَاب بعض العَسَل يا صاحبي سَمّ مَشْروب هذا هَدفيه صبته وْصَاب بصواب صوب الذي صَوَّب ولا صاب مَصيوب بحرٍ غزير وْطامي البحر عَبّاب ونَارٍ تطَفّي نَار من حَرّ لاهوب حَدٍّ عليه عيون والناس رقّاب وْحَدّ اختفى لو كان بالحيل مَرقوب حَدٍّ يشلّ سلاح وْحَد شايل حْراب حَدّ يعشق شْروقٍ وْحَد يعشق غروب حَدٍّ يشيل الهَم في ضَرب الاصحاب كل من ضَرب في يوم له يوم مَضروب أنا معَادِل آخذ الحُب لاحباب وْكلٍّ يحب الطيب .. الطيب محبوب قالوا سَهَل إنّي أنا أفتح الباب وانا هويت الصعب لو دارت حْروب لعبَه وانا ألعَب على كل الالعاب طبعي أنا غَالب ولا آكون مَغْلوب |
مستحيل أنساك هذا مستحيل مستحيل أنساك والله للأَبَدْ
من يعاشِرْ شخص مثلك ما يميل لا ولا ينوي على غيرك أحَدْ يا جميلٍ في جميلٍ في جميل يا فريد اللون في جيدٍ وْخَد ترتسِمْ في وجنتك شمس الأصيل وجمرتينٍ بينهن صَفّ الَبَردْ والعيون الدعج والرمش الظليل ونور وجهك منّهن نور اسْتِمَد تهت في حبّك مثل تُوْه الضليل وزادت جْروح الَحَشا جْروحٍ جِدَدْ ولا ولا عن حبّك أرضى بالبديل وْكَنّ باقي الخود تكمالة عدَدْ لي يسير الدرب يوصَلْ لو طويل أو مِثِلْ ما قِيْل من (جَدَّ وَجَدْ) |
عَوّضوك ْبغيابي لا تقول انّي َوحَشْتك
لا تجاملْ دخيلك في شعور يْعَنيني بَسّ يكفي كفايه لا تمادى عَرَفْتك خَاين الحب مَا له في فوادي حَنيني إنت ياللي بعيني حِلْم عمري رسَمْتك وكيف تجرح خفوق يعشقك من سنيني أحسبه زاد حبّي في غيابي وْحسَبْتك ما تجاهَلْ وِدَادٍ كان بينك وْبيني كَم سَهَرت الليالي وكم ليله سَهَرْتك وكم ليله خَيَالك نام في وسط عيني وكم قل لي دخيلك كم ليل اْنتظَرتك كم قل لي تِفَضّل، كم صَدّك يجيني كنت تجري بْدَمّي لا نزَفْته نزَفْتك كنت ساكن خيالي، داخلي مِحتويني من كتَبْ الحروف الأبجديّه كتبتك "لامَه" إن كان تبغي أوَّلْ الحرف "سيني" |
خلاص يعني كل شَيّ انتهى وراح خلاص يعني ما بقينا حبايب يعني وعودك كلها كانت مْزاح والاّ انت ما لك في المحبّه رغايب وين العهود ووين لحظات الافراح يعني تلاشت مع هبوب الهبايب القلب بعدك من له اليوم يرتاح من بعد ما هو في محبّتْك ذايب ياما على شانك تحمّلت الاجراح وياما جروحي من صدودك عطايب سرقتني عن جملة الناس يا صاح والفكر عندك ماخذنّه نهايب خِلّك يحبّك يا بَعَدْ سِيْد المْلاح إن رحت عنّه راودنّه مصايب خَلّك معه دام الهوى حيل نضّاح والواش رِدّه يا هوى البال خايب |
لا تتصل لي ولا ترسل لي حروفك ..
مابا سوى تمسح ارقامي من اللسته .. عجزت اداريك و امشي رغبة شفوفك .. ما فيه درب لكسب لرضاك ما دسته .. عقب الخيانه تجيني تشرح ظروفك .. انت الذي حبنا تحت القدم دسته .. جملت كراسة التعبير بوصوفك .. لا و حسافه قصيد ٍ فيك كرسته .. ابعد بطيفك عيوني ما تبي شوفك .. تراك جرح الخفوق بجد لامسته .. لو كان بعض الخيانه ساكن بجوفك .. عذرت قلبي و عاطفته وسوسته .. صحيح انا كنت احبك و اعشق طيوفك .. و ان جيت قلبي بغربة هم ونسته .. ان رحت يا صاحبي كملت معروفك .. شجعت قلبي على بعدك و حمسته .. لا يا زمن ماني بناقص من صدوفك .. وش عاد باقي معي يا وقت ما حزته .. يا قلب لا تنحني لأحد ٍ وانا اشوفك .. وش لك في بنت ٍ فنون الغدر دارسته .. عدلك و ميلك تساوت والسبب خوفك .. من واقع ٍ يكشف اللي فيه مارسته .. والله لأخليك عقبي تصفق كفوفك .. و اشرّب اللي تغطرس كاس غطرسته .. بوقفك في طريق الغدر و اطوفك .. دام الغدر هو هواك اللي تنفسته .. بس انتظر لا تناظر لحظة وقوفك .. اخاف اضعف و ارد اسمك على اللسته . |
لعيونك اللي علمت قلبي الطيش
والبسمه اللي نورت لي مكاني ورموشك اللي كنها للعدو جيش اني لأخلي الليل له شكل ثاني دامك وصلتي والحكي صار بشويش وشلون انا ماأقول شعر وأغاني طفل المشاعر بيننا عله يعيش يلقى له ام ٍ تحرسه واب حاني وشللي دخل بالنوم ووسادة الريش ما دام حضنك ضمني واحتواني طيفك يشاركني على لقمة العيش ان ما لقيته ف المحاني لقاني والعاذل اللي قال لي قلت له ايش رح رح ترى مالك لوى ياأناني تبغاني انساها وانا احبها ليش من جدك انساها وأضيع زماني |
يامشعل القلب تكفى.. خفف شويه
القلب من كثر صدك ويلي لحاله دامه يحبك ولا له غيرك بغيه وش له تحطه فدنيا الهم و تناله؟ أنت حبيبي لقلبي نوره و ضيه تحلا بعيني و قلبي صرتتحلا له وأنت ربيع الخفوق وسمشه و فيه وإن حب غيرك خفوقي.. بقطع اوصاله |
تفرقنا السنين و نجتمع والجرح نفس الجرح
على درب الفراق دموعنا تسبق خطاوينا شرحت ظروفنا للوقت لكن مافهم للشح صبرنا و الصبر جمره ورا الاظلاع كاوينا ترى وجه المتيم لو تبسم لاتحسبه مرح امانيه اتهاوى من عيونه مثل امانينا نبي من ذاكرياته في محيط العاطفه كم صرح لكن هاج المحيط ومالقى له ساحل و مينا ياناس العيد ماله لونولاله طم ولاله فرح واذا قلتوا وش الاسباب قلت الله يعافينا نالوم الوقت و القصه ماتبغي جمع والا طرح لأن العيب..من ربي خلقنا ساكن فينا ؛ ؛ ؛ |
اليوم عيد اليوم اغلا من العيد ..
اليوم هذا غير عن كل الاعياد .. واليله احلى موعدن في المواعيد .. تاريخها يحمل معه عيد ميلاد .. ميلاد كل حسن والمجد والغيد .. الزين فيها كاملن والغلا زاد .. ميلادها سموه شيخ المواليد .. المجتمع يفرح به جموع وافراد .. كنها غزال داخلن قادت الصيد .. كل الضبا من خلفها جات تنقاد .. والبحر يحسبها على السير في البيد .. شوف البحر من حسنها صا حساد .. هي اغلا عنقودن مابين العناقيد .. بنت الشيوخ الي من امجاد لأمجاد .. الشوق يحضنها من الايد الي الايد .. متسيده لن السياده للأسياد .. يا مالها يقض على فرحة العيد .. ياليتها في صحه لها دوم ينعاد .. اليوم عيد اليوم اغلا من العيد .. اليوم هذا غير عن كل الاعياد |
فمان الله يادرب على الهجر يتحراني
خذاني الوقت من جنبي ولا جاني ولا جيته قصيدي يا قصيدي اسكن فقلبي طرف ثاني قبل يسكن بيوتي جنه وتمسي عفاريته تعال اسال نجوم الليل يا هاجر من الهنائي وانا اعلمك بالوقت الطويل كيف قضيته !! بغيت اقوى على بعدك وراح الصبر ما مداني اهز الشوق وان طاح الوله بالحضن ضميته ربيعي يا خريفي يا شتاي وصيفي الهاني تراك انت الفصول وهجرة الشعر وتشتيته فضت كل الشوراع مالقيت اللي يترياني مثل طفل طلع يلعب ورد ومالقى بيته تحداني تحداني حبيبي لا تحداني انا لو لاك لحن الهجر والفرقه ماغنيته تمنيتك وقلت في خاطري ليته تمناني وانا مو كل واحد شافته عيني تمنيته على كيفك تذكرني وعلى كيفك تناساني وانا طاريك ولا يوم في قلبي تناسيته زرعت ورده حمره تزين كل بستاني ودفنت القلب في تربت مشاعرنا وخليته انا المجني عليه الي يقدر طعنت الجاني لانه جرحه يذكرني بطاريه لي حسيته فمان الله يا دربن على الهجر تحراني خذاه الوقت من جنبي ولا جاني ولا جيته |
والله لاخلي السنين الماضيه تعني و اوادع الناس و ارجع و اخذ المعنى يمكن حبيبي اذا غنيت يسمعني قبل البحر يا قلوب الشوق يبلعنا .. و اللي خذاني و عيا ما يرجعني و الدرب مجهول و التفكير ضيعنا يدفعني الشوق لو اواصله يدفعني تبادل العشق و هو سبت دوافعنا تدرون قلبي على هجره ما طاوعني الناس تعذل و حنا ماتسمعنا لا قلت احبه تراه الصاحب المعني و اللي مع الهجر طبعا ً ماهو ب معنا .. لا قال دعني و انا ماقلت له دعني يالين سالت من الفرقا مدامعنا حتى في يوم الموادع يوم ودعني بكت جميع الليالي من موادعنا .. الله يمتعك بالقاي و يمتعن بلقاك و السحب تمطر من تمتعنا والله لاخلي السنين الماضيه تعني و اوادع الناس و ارجع و اخذ المعنى .. يمكن حبيبي اذا غنيت يسمعني قبل البحر يا قلوب الشوق يبلعنا اللي خذاني و عيا ما يرجعني و الدرب مجهول و التفكير ضيعنا |
أوّل عشقتك آنسه ... واليوم ، آسف .. يامدام = نخلة غرامك أضمرت .... صعبه تعوّد مثمره
: : : صعب أتجاهل واقعي ،، وامشي معك دربٍ ظلام = ماكل غيمه بالسما .... تبرق وترعد ممطره : : : صعبه بعد ( حكم الزمن تستأنفي ذاك الغرام = من وين أبصنعلك ( غلا )واشواق قلبي مدبره : : : مافي سجود الا ( السهو ) ياغافله بعد السلام = ومافي شبيه لرجعتك الا (( اعتكاف المقبره )) : : : لاتزعجيني وازعجك .. جرحي على وجه التئااام = وكسري جبر ،، لوهو خطا .. ماودي ارجع واكسره : : : انسي معي ( ياآنسه ) عفواً انا قصدي مدام =شخصٍ عيونه انعمت ... ماله ومال المنظره |
ماكنك الا شوق في بحر نسيان
كل المشاعر قبل لا قلت لبتك! قبل المحبة تمتلك حس الانسان كل الحواس الخمس ياشوق حبتك قبل لا اتعنون صرت لروح عنوان مدام لي في وسط الاحساس رفتك من سبتك غيرت انا اسم حمدان لين اعرفوني باسم فزاع سبتك! انت بمكان ويطلع البدر بمكان واذا طلعت يضيع نوره بهيبتك! منت بلون الشمس وقت المسيان استغفر الله الشمس بالنور صبتك كن العمر لحظة اذا معك سهران وكن السهر عمر في لحظات غيبتك! ان جيت صوبي صرت لك دار واوطان وان رحت عني صرت بعدك وقربك |
يا وقت يا شاري الفرح من نفسي المخدوعه أبيع لك وارجى الأمل في البسمه الخداعه إذا حسبت اللي عطيتك ضعت في مجموعه أعطي ولا حصلت من ذاك العطا أرباعه يا قنبله وسط الحنايا في الحشا مزروعه دايم اداريها واخاف إن تنفجر في ساعه ما دامت الفرحه علي بسبتك ممنوعه يا وقت وش يفرقك عن فعل الردي واطماعه سبة هنوف لا سرت ليلي سرى بجموعه شوق ووله مع عبرة في خافقي نزاعه خل ملكني في ميادين الهوى وشروعه عيني له مصيفه وفي روض الحشا مرباعه طيبه جذبني له وماشي راضي في طوعه والا لغيره لا حشا ما لي أبد من طاعه يا عين حر قدتحقق م البعاد طلوعه في رمش عينك عاشقك متحدي مضياعه والعنق هو عنق الدماني لا انفرت مفزوعه والا غزال سامع صوت القنيض وراعه قلبي لشوفك كم يفز وينصدم بضلوعه بتشتت شعوري ويصعب يا ضنيني رجاعه محبتك لا هي بمنحوته ولا مطبوعه تسري بدمي ثم تغذي لي الجسم با جماعه نفسي من بعادك تراها يا الغلا موجوعه من هو يحس بحالة محب تزيد اوجاعه ما هوب انا اللي تفضحه عينه ولا دموعه لو ان عيني من صروف حكايتك دماعه |
أخاف انك ===> تخاف اني <=== ( أخاف ) من البشر ماجيك !! =وانا ( خايف ) عليك .. وحكيهم .. ماكان خافيني
: : : إذا كان ( الكلام ) ............. اللي يقولونه ( علي )...... يرضيك ! => فنا مرضى ( عليك ) .. وكيف ؟ حكيٍ فيك .. يرضيني : : : انا .. مقدر .. على فرااااقك ... ولاودي .. ( معاي ) ابليك .. =وانا ( بلياك ) ... من ربي .. كلام الناس .. باليني : : : أعرف انك ===> تعرف اني <=== ( أحبك ) .. مابها تشكيك .. =ولكنك .. ( بنفس الوقت ) تنسَ انك ( نظر عيني ) : : : انا .. مسمح .. بهالدنيا ( لأمّك ) ... نفسها .. تأذيك .. =>> عشان .. أسمح .. لمن وده .. يفرق .. بينك وبيني : : : نعم .. مجنون .. مابيهم .. يقولوا : ( ربنا .. يشفيك ) => مادام .. ان حبك جنووووني ... ( عسى الله لايشافيني ) : : : ولكني !!! .. ( ومع هذا ) .. ابقطع ,, جيتي ،، ماجيك ... => عشان .. ان قيل لك ... ( قاااااطع ) ... تعذر .. قووول : يغليني[/POEM] |
أنساك كلمه مالها أيّة وجود بمرجعي
والقلب لامنّه نوى غيرك حبيبي بامنعه تنتابني ذكراك ما بين الوعي واللا وعي ما كنّك الاّ بحر حلمي والمشاعر الأشرعه من وين تطلع كنّك الاّ تقول يا شمس اطلعي يتنفّس الفجر بنفس حسنك ويشرق مطلعه مع إن فرعك لو رميت الشمس به عيّت تعي إن الدجا يسري لها من دون ما تتوقّعه إن الدجا يكنز عبيره للنسيم المطلعي كلّه على شان النسيم المطلعي يلعب معه يمتد ليلي واشعلك شمعة غلا بين اضلعي ويمر بي طيفك ويتناثر بصدري واجمعه تحتاج تتعبني وأنا أحتاج لك وأنته معي بعض المشاعر تتعب المشتاق لكن ممتعه موقعك من قلبي تدلّه بس حدّد موقعي وبعدين خذ قلبي وفي دنيا غرامك ضيّعه وإن طاب لك شوقي وطاب لصوت همسك مسمعي القلب لك والشوق في عروقي بكيفك وزّعه القلب ملكك والفصول الأربعة من مطمعي دام التقت في مبسمك كل الفصول الأربعه |
لا جنون الحب ينفع في بواد الإحتمال
احتمال يكون ضايع واحتمال إنه يبين الخيال أصبح حقيقة والحقيقة من الخيال شوف يعني كيف باجر ضاع من عمر السنين لا محبه يا قليل الحب من غير اتصال ولا تواصل بيننا يمشي على ما تشتهين كم عجزت أفهمج والله لو أفهم الجمال يمكن الإبل تفهم من قبل لا تفهمين |
ما درت عن حبها ياليتها تدري **** ليتها ياليتها لو قدرت مره
ان قلبي من كثر شوقي ملا صدري **** وان صدري من كبر قلبي نفذ صبره من (صباح الخير) لين الشمس ما تسري **** ومن (مساء الخير) لين نصير في بكره والغلا في داخلي مثل النهر يجري **** ليتها تدري بغلاها داخلي شكثره هي تحسب اني طلبت الشهره بشعري **** والله ان حبي لها نساني الشهره من يقول ان الشعر بيزيد من قدري **** بس انا شعري لها بيزيد من قدره ليتغزلت بحلاها يصطفق بحري **** والقصيد يروق لي في عجزه و صدره وان بديت الوصف دوم اختار في امري **** م الجبين او م العيون او أ وصف الغرة والخدود اللي من الله لونها زهري **** وفمها من زود زينه زاد في صغره مشيها لو هو فتني والله بعذري **** قدها المياس يشبه ميلة ألزهره كل شي فيها من الله خلقته مغري **** وقلبها خيره يغطي دايماُ شره العطر هو يشتريها لو نوت تشري **** وردة ٍ والورد دايم يعرف بعطره هي هواي وهي بعد لي قلبي وعمري **** وابتسامة خاطري لو خانت العبرة ليتها تدري عن اللي يدور في صدري **** وليتها تدري بغلاها داخلي شكثره |
ياعمري الدنيا ماتسوى تنام وخاطرك زعلان
ولابه شي يستاهل يخلي قلبك يعاني طلبتك كان لي خاطر تبعد عنك الأحزان فديت أعيونك الحلوه تبسم لو على شاني حبيبي صار لي مدة أشوفك تايه وحيران وانا والله لا شفتك حزين تزود أحزاني أنا احبك ولا ودي تعيش بدنيتك ندمان ترى ألأيام محسوبة وتالي هالعمر فاني تصدق بسمتك والله تفرح خاطري الولهان يطير من الفرح قلبي واصير بعالم ثاني والى من شفتك بضيقة أحس اني انا الغلطان أعاتب نفسي بنفسي ولو ما كنت أنا الجاني غلاك بداخل أعروقي ولا يوصل غلاك انسان يمر الوقت ويثبت لك غلاك ان الله أحياني أضحي بعمري لعيونك...تنام انته وانا سهران وانادي جروحك لقلبي تجي واحد ورى الثاني . |
ألا ليت الزمن يرجع ورى
وإلا الليالي تدور ... ويرجع وقتنا الأول وننعم في بساطتنا زمان أول أحس انه زمان فيه صدق شعور .. نحب ونخلص النيه وتجمعتا محبتنا زمن مافيه لاغيبه ولاحتى كلام زور .. ياليته بس لو يرجع ونسترجع طفولتنا صغار وقلوبنا بيضا تعيش بعالمٍ محصور .. ولا نعرف أبد أغراب ماغير عيال حارتنا صحيح صغار بالتفكير لكن ماعلينا قصور .. نخطط نكسر اللعبه وتسعدنا شقاوتنا نروح المدرسه بدري ونضحك داخل الطابور .. نحاول نزعج العالم بروحتنا وجيتنا وعشان نأخر الحصه نخبي علبة الطبشور .. نشاغب بس في الآخر تميزنا براءتنا نحب الضحك والبهجه نحب ننط فوق السور .. نفرفش ليه ما نفرفش ؟ مادام الضحك عادتنا ولكن دارت الأيام وبان الخافي والمستور .. وصار الهم متعلق على قمة سعادتنا كبرنا وصارت الدنيا تصف أحزاننا بالدور !! وتهدينا الألم والهم غصب عن عين رغبتنا تعبنا من بلاوينا أحد ضايق وأحد مقهور !! وكلآ غارق بهمه و بالآخر تشتتنا وأنا ماأقول غير إنه ألا ليت الزمان يدور .. ويرجع للورى فترة نعدل وضع عيشتنا |
الكبر لله ودوم ابن آدم صغير
مهما تعلى مكانه يرجع لأصله من طين ربي خلقنا كيف نتغير دام الخطايا تزود طيننا بله انسان مخلوق دايم طبعه يحير تتبع خطاويه تلقى شغلته شغله احيان تلقى ضميره صاحي وخير واحيان من قسوته مايعترف ب أهله ياأبن آدم احذر زمانك دامك مخير لو ترجع احسن مدامك ب أول الزله سهله تخون الغرايز قلبك النير لكن عقلك يوافق ما هي بسهله |
لعيونك اللي علمت قلبي الطيش
والبسمه اللي نورت لي مكاني ورموشك اللي كنها للعدو جيش اني لأخلي الليل له شكل ثاني دامك وصلتي والحكي صار بشويش وشلون انا ماأقول شعر وأغاني طفل المشاعر بيننا عله يعيش يلقى له ام ٍ تحرسه واب حاني وشللي دخل بالنوم ووسادة الريش ما دام حضنك ضمني واحتواني طيفك يشاركني على لقمة العيش ان ما لقيته ف المحاني لقاني والعاذل اللي قال لي قلت له ايش رح رح ترى مالك لوى ياأناني تبغاني انساها وانا احبها ليش من جدك انساها وأضيع زماني |
يمه00يايمه00فديتك لاتخليني
بعثرني الهم وابغى يديك تجمعني يمه افهميني تراك ان مافهمتيني مافي شخص بهاالدنيا بيسمعني ماعدت انا طفلتك00كبرت شوفيني خليك يمي ترى الاطماع تتبعني لاتدلليني 00ابي منك تدليني وابي يدينك تداعبني وتصفعيني لانهد حيلي ابي عطفك يقويني ياما كلامك على الشدات شجعني وان جيتك ابكي ابي منك اتهديني مابيك تبكين00 ابغى العقل ينفعني يامملكة عطف ياعطر الرياحيني براثن الهم 00والهوجاس تلسعني بسمتك عندي الى من ضقت تكفيني وارضاك عني عن الاحزان يرفعني اسمى العلاقات تربط بينك وبيني ياللي احضانك ان ضاق الكون تاسعني لك احترامي وحبي والوفا000فيني وفيك اروع الحب مايخطي ويخدعني |
بريال عارضته على السوق iiبريال
من باعني برخيص والله iiلأبيعه من يشتري رجّال قصّر iiبالافعال باع العهود الماضيه iiللخديعه رجّال يسوى له ثمانين iiرجّال كل الصفات اللي ملكها iiفضيعه له ضحكةٍ تشبه لضحكات الأطفال ذيبٍ ونظراته حنونه iiوديعه وله فزعةٍ منها المجانين iiعقّال وفجوج لا ضاقت عليّ iiالوسيعه ياما عدل عوجا ثقيلات iiوطوال وأنامعاقبته غيورٌ iiصريعه والله يسوى له ثمانين رجّال والخبل مثلي لا زعل يب iiيبيعه ******** |
لوني سئلت الروح ما لقي جوابه
عزاة ياوقت (ن) مضي دون مصلوح قلب (ن) قفل عن كل مخلوق بابه دونه ودون اللي يبي غربه الروح قلب (ن) ولو جار الزمن ما خطابه بينه وبين الفرح يا غربتي شوح الناس ما تدري عن اللي سطا به أضحك بوجهه وداخلي تنزف جروح من زود حزنه طار منه صوابه عاف الحياة وفارقت روحة الروح اللي قتلني من صدوده وعذابه يدري و أنا ادري عبرتي ترفض البوح عطشانه واشرب صحاري سرابه عزاة ما مرت ولا لحظة فروح كان الزمن الي بدا وانتهى به ما فادني؟ كني عن الحب منزوح واعيش وقتي بين هم وكآبه و أنا الغريق وفي البحر مركبي لوح يكفي عذاب اضن ماهي طلابه وش فايدة تجريح حسم (ن) بلا روح |
العيد باكر أسعد الله iiممساك
والله مدري وين خدٍ جلسته وين انت ياللي عيدنا في iiمحياك كف القدر من ضيقة الخلق iiبسته من يوم ما لوحت لي كف iiيمناك لليوم دمعي بالخفا ما iiحبسته ومن يوم ماذوقتني حر فرقاك والياس زرعه في حياتي غرسته شريت لي ثوبٍ علي شان iiلقياك والثوب راحت موضته iiمالبسته وشريت عطرٍ ما زهاني iiبلياك أربع سنين بعلبته iiمالمسته ودفتر قصيدٍ كل يوم iiيترجاك مافيه يومٍ ماسهرت ودرسته |
انت ناسي ولا لي بالمخاليق غيرك
من عرفتك وانا راضي بحالي سعيدي ما يهم المعرفة بين ناس(ن) وبيني ياللي في روحي عاش حبك وحيدي ما شكيت الليالي يوم احبك حبيبي حتى حزني بشوفك صار بالفرح عيدي أيه ادري انا ادري ما تدوم الليالي ليه افكر وانا اللي حاضن الكف بايدي الغلا والمحبة دايم(ن) لك بقلبي ان تباعدات ابا قطع من فراقك وريدي ما بالغ كلامي انته تعرفه من عرفتك اعيش العمر عمر(ن) جديدي |
كانك تسمي كل شوقي لك هروب
عن دنيتي عن كل شي(ن) خذلني انا اعشق الجرح دامة لك دروب واعشق عذاب(ن) في طريقك جمعني يا ادمي ماني على الحب مغصوب كم واحد(ن) حولي ولا أحد(ن) شغلني جيت امتظلم من زماني ومتعوب وكثر الولة والشوق يمك دفعني جيتك طريد(ن) ضايع الحق مسلوب وكل العدالة في الخلايق تجني جيتك غريب (ن) بين هل ناس محسوب اعيش حي وكل شي(ن) قتلني جيتك حزين(ن) ما لقى بين القلوب احد(ن) يحاول يمسح الهم عني جيتك هريب(ن) ضايع(ن) كلي ذنوب ياللي غرامك عن طماني رفعني وصرت الغرام اللي به الفرح مكتوب عمر السعادة يوم شوفك كتبني هذي انا ودك المزايا والعيوب اما قبلني بحب ولا رفضني |
مقفي ومازلت انتظر منك ميعاد
لو تجرح احساسي بهجرك فلا اتوب ليلي شقا واشعار واحزان وسهاد وليللك فرح واحلام وفنون وطروب قلبك يعيش احلى لياليه يا سعاد وانا حشاي بنار هجرانك يذوب ويللك من الله زاد منك الهجر زاد وقلبي من الفرقا جريح(ن) ومصيوب للحب عند الغير موت(ن) وميلاد لو سد(ن) درب(ن) بالهوى تطرق دروب وأنا معك عمري غدا(ن) جهاد في جهاد ياللي بقلبي وين ما رحت منصوب لا سامحك ربي على لحظة ابعاد قلبك بصوب وقلبي العاشق بصوب |
ويلاه طالت بي مشاوير الاحزان
دايم اترجم خيبة العمر غربه باقي بروحي باقي(ن) بعض انسان نصفه حقيقة وباقي النصف كذبه تمضي حياتي بين رغبة وحرمان وبين اللقا والبعد اضيع غربه عيبي خيالي رافض(ن) كل ما كان يرسم دروبه لي ولا ذاقت قربه في لحظة (ن) اعيشها صدق وجنان مر(ن) يقرب ومر يبعدني يبعدني دربه اللي قتلني كل ما صحت ولهان لحظة لقانا ياهي بالحيل صعبه لا نافع(ن) لقيا ولا حولي أنسان بين السما والأرض معلق بحبه |
كلن تمنى في حياته أماني
وأنا أتمنى أمنيه إني أموت مظلوم في دنيا بها الله بلاني عايش ولكن عايش إنسان مكبوت عايش يتيم ماعرفت الأماني غصب علي أقبل أنا الظلم بسكوت الحظ ضدي والبشر والزماني باسبابهم همي بدى يلوتني لوت حسره طوت قلبي وحزن طواني الين حزني صار بالصدر منحوت حتى حبيبي خان حبي وحناني وحط بفمي علقم وأنا مذوقه توت خان المحبه صار شخص أناني وحرم علي حتى أتصل أسمع الصوت مادام صرحي إنهدم مع كياني وش تنفع الصرخه إذا فايت الفوت أيوب لو ساعه يكون بمكاني ماكان في صبره ترى تكتب بيوت الموت أرحم من حياتي أعاني ولاظن فيه أرحم عليه من الموت ياسعد قلبي كان موتي لفاني ويازينها لاصار جسمي بتابوت يارب حقق لي أنا هالأماني أرجيك يامنجي نبيك من الحوت ومادام مسموحه علينا الأماني عندي أمنيه وحده أنا ودي أموت |
ودي أنا أفرح مثل كل المخاليق
ودي أحس بفرحتي لو دقايق مليت أنا من عيشة الهم والضيق وزود على الضيقه بقلبي حرايق ومليت أنا أشكي علتي بالطواريق ومليت أدور فزعة بالرفايق ناديت لين إنه نشف فيني الريق ولحد سألني ليه وشفيك ضايق يلعن أبو دنيا تذل المخاليق ويلعن أبو وقت يذل الخلايق دنيا بها كذب وزيف وتلفيق دنيا بها زيف المشاعر حقايق صبري نفذ وماعاد أنا لصبر أطيق عجزت أنا أفرح مثل كل الخلايق |
الساعة الآن 10:49 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.