|
يا الله نحن يالسين نستنى ... ...
|
في إنتظارك هدباء
|
في انتظااارك على احر من الجمر
|
........................ننتظرك!!
|
هدباء والله تأخرتي في الباقي
والله مستنياك بسرة ارجوك |
..وينج وااااايد تاخرتي علينا..
..وقصتج وااايد واااايد حلوه.. ..وانا انتضرج لا تتأخرين علينا.. ..وانشالله انج خلصتي الجزاء.. اختج الكواريه |
مشكوووووووووووووووووره................
الصراحه واااااااايد حلوه......."170: |
:013: هلاااااااااا وصلتكم بالجزء العاشر و عسا ياربي ما طولت عليكن وااايد و اولاً هلاااا بكل من شرفنا بالقصة وهو عضو يديد و انتو الاحلى و الاروع بتواجدكم معااااي .. ادري متشوقيييييييين حيييييييييل بس اتركم مع الجزء يقولون الكلام الوااايد يعصب الواحد لمن اهو متشوق لشي موووه (( وقت ممتع مع الجزء )) و أحلى سبــــــــــــــــــــــرايــــــــــــــــــــس لكم _"_ الجـــــزء العـــــاشـــر _"_ ريم و أهي عاطية جاسم ظهرها و مقابلة النرس أبتسمت وسط تعبها:_ الحمدالله ما نشكي باس و تعبنا راحة عشان الحباب. النرس ليلى:_ أن شاء الله ما يشوفون شر و يقومون بسلامة. ريم:_ الشر ما ييج ان شاء الله عن اذنج. مشت ريم و اختفت بلمح البصر عن انظار جاسم و تركته حاير من تكون هلبنت اشلون اربكته هلكثر و هزت كيانه و اختفت اشبه بالطيف العابر او السراب الي كل ما يلحقه بالنهاية يختفي عن عينه .. و طى راسه و التفت بعينه لوين ما كان عمه راقد و تحيطه الأجهزة و صوت دقات قلبه تظهر من خلال أحدى الأجهزة إلي موصلة لجسمه.... النرس دخلت على ناصر عاينته و طلعت تلقاها جاسم وهو يستوقفها... جاسم:_ لو سمحتي. النرس ليلى:_ أمر. جاسم:_ ممكن سؤال. النرس ليلى:_ أكيد تفضل. جاسم:_ من تكون هلبنت إلي كانت أهني من أشوي. النرس ليلى:_ تقرب للمريض إلي أنت جاي له. جاسم:_ ممكن أعرف أسمها الكامل. النرس ليلى:_ ريم سعد بن فارس. جاسم وهو يناظر بقوة بعين النرس:_ شنهوووووو؟؟ النرس ليلى:_ عسا ما شر اخوي تقرب لك البنت شي. جاسم وهو مب عارف شلي قاعد يصير و لا قادر يستوعب شي التف عن النرس و سند جبينه على الجدار وهو يسكر عينه و يتذكر عيون ريم لمن تعلقت بعينه يتذكر ملامحها ويها الي حمل كل الجمال الرهيب معقولة تكون بنت عمي الي رفضتها معقولة هذي نفسها ريم الياهل معقولة هذي الي وصوها حرمتن لي يالله يالله شلي قاعد يصير... النرس ليلى و اهي تناظر جاسم بستغراب:_ السموحة اخوي بس باين ازعجتك. جاسم وهو يلتفت لنرس:_ ها لالا حشاج انا الي اسف اذيتج معاي مشكورة ما تقصرين السموحة عطلتج عن شغلج. النرس ليلى:_ لالا كل واحد تامر على شي. جاسم وهو بدى يحس بالعرق الي يزخ من جبينه بحرارة قوية:_ لالا مشكورة. النرس ليلى:_ العفو. مشت النرس و تركت جاسم لحاله وهو حاس الدنيا اشلون قاعدة تدور بيه شلي قاعد يصير عمره ما توقع تكون بنت عمه جذي.... بعد لحظات استرخى اشوي وهدء من نفسه لاحظ خلو الممر من النرسات تسلل لغرفة عمه بهدوء ليما دخل و راح لحذال عمه حط بيده على شعر عمه و تم يمسح على راسه:_ أسف ارحمني يا عمي ما كان هذا الي ودي يصير ياريتك تعرف بلي قاعد يصير لي عمي تكفى اصحى و كلمني احمل معي همي من وين الاقيها والله من وين اشلون ارد البيت و يغمض لي جفن و انت بين اوجاعك ونين و اشلون ارفع راسي بين الخلايق و الاهل و انا الي وطيته بفعالي و سواياي ياليت ما صار الي صار و ياليت قلبي يقبل و يرضى بكل شي... سالت دموع جاسم على خده لأول مرة .. بينما كانت ريم تراقب جاسم من الدريشة الي برة الغرفة و قلبها ما زال بدقات عنيفة يدق و ينبض كانت تبي تعرف من هذا من يكون كل ما تناظره تنشد له اكثر و تحسه اقريب لها قرب القلب لروح.... جاسم وهو يمسح ادموعه حس بعيون تراقبه مسرع ما رفع راسه لقى المكان خالي و حتى الدريشة ما كان حذالها احد لكن هلحساس بقى معاه فودع عمه بطريقته و ظهر من الغرفة وهو يراقب بعينه المكان اشبه بلي يدور على شي ماهب لاقيه.... مسح بقايا دموعه الي مبللة اجفونه و مشى وهو اومطي راسه و يتحسس للجو البارد يتخلل بجسمه.. ما كان ملتفت للي بقباله تمشي بتجاه معاكس له .. و لحظات و يصطدم ببنت .... جاسم من دون ما يلتفت للبنت:_ أوه سوري قصدي ( توقف لسانه عن النطق لمن ناظر البنت و اهي اموطية عينها نفسها الي لقها عند عمه و عرفها انها بنت عمه ) قصدي السموحة منج. ريم إلي كانت تجهل بأن الي جدامها اهو نفسه ولد عمها جاسم ابتسمت بتعب و بانت ملامحها الملائكية الي تسحر الناظر لها:_ ماكو مشكلة كلن منا ويخطي و ماهب بضرورة يقصد مسموح يا اخوي. جاسم وهو يناظر بدقة طيبة كلامها و منطقه و ترنم بصوتها المخملي لمن تكلمت بنعومتها ما كان بيده الة انه يسرح بجمال ريم و ينسى حاله و الواقع... ريم و اهي المحت عيون جاسم المعلقة عليها شبت من الحيا و تلونت خدينها بلون الخجل الوردي الي حلى ملامحها و اشرق ويها ببياض رهيب... ريم:_ السموحة منك عن أذنك. جاسم ينتبه لحاله بعد ما مشت ريم بخطوتين عنه و أستوقفها:_ لحظة. ريم أرتجفت ولتفت له وعينها بالأرض:_ لبيه. جاسم:_ تقربين لعايلة بن فارس. ريم و أهي متفاجأة من سؤاله لكنها ردت عليه:_ أيه .. ليش انت تعرفهم. جاسم ارتبك و لقى أجابة بسرعة عشان ما تحس على ارتباكه ريم:_ تقريباً. ريم:_ أهااا تشرفنا و الله. جاسم:_ كل الشرف لي السموحة عطلتج. ريم:_ لا أبد و الله. جاسم:_ أوكي في أمان الله. ريم:_ في حفظه ورعايته. مشت ريم بخفتها و جسمها المهزول من الضعف و بقصرها الحلووو و الجنان عليها متجهة لغرفة عمها تم جاسم يناظرها لمن أختفت عن عينه و نفض هلأفكار إلي تدور بباله و التأثير إلي تركته فيه ريم من جمالها و مشى وهو يفكر بس وين يروح بهلوقت المتأخر .... .................................................. ................................................ وصلت ريم لغرفة عمها و دخلت عليه بهدوء و راحت حذاله و استرخت على الكرسي القريب من السرير و مدت يدها بنعومة و عانقت يد عمها و حطتها على خدها و مالت براسها و بدت تهمس بلسانها تقرى عليه قرآن... و بالها حمله نسيم اليل للحظة ما تعلقت عينها على عين جاسم و راح بالها بعيد و أهي تذكر بريق عيونه و جماله و دقة تراسيم ويهه الي يمتلك أجمل الملامح الرجولية الروعة.. و كان لأول مرة ريم تلتقي بانسان يمتلك دقة هتراسيم الروعة بملامح الويه حسته ماهب من البشرو اشبه بالملاك... ريم ناظرت عمها و أهي تهمس لنفسها:_ ما تصحى و تكلمني يا عمي و تزيح عني حيرت البال من هلي زارك بنص ليل الظلام و هز كياني و ترك قلبي يدق بدقات عمره ما دقها من صغر سنه... .................................................. ............................... جاسم اخذ تكسي و توجه لبيتهم إلة كل ما يتقرب من مسافة بيتهم يزيد دق قلبه من الخوف الي يحتويه وهو خايف شرح يصير لمن يلقى هله و ابوه بذات لكنه بعد فترة و صل بيتهم و دخل بهدوء اول ما دخل لقى البيت كله يحتويه الظلمة و الهدووء سكر الباب و قفله و صعد بهدوووء لغرفته و ارتاح لمن سكر باب غرفته ... رمى بحاله على السريره و سكر عينه و كأنة هلملاك إلي ناظرها تنتظره يسكر عينه و تلوح له بجمالها مرت عليه ريم بجمالها بعينها برونقها الي تميز بالجمال الملائكي اشبه بالهوى الي يمر على عينه و يهز قلبه بقوة فتح عينه ليمسح هصورة من باله لكن تعاكست مشاعره مع ارداته و بدى قلبه يدق بلهفة و كل مشاعره كانت تنغمر بملامح ريم .. أنزعج نوعاً ما من هذا الشي و قام على حيله و بدل اهدومه و رمى بجسمه و باله مشغول يفكر بشنو لو ينشغل بشنو بحال عمه و الله موقفه الي رح يواجه فيه ابوه لكن رجعت له ريم تلوح ببريق عيونها و كل ما يتذكرها تهدء انفاسه و يزداد قلبه بدقات غريبة و مشاعر غريبة تم على هذا الحال لمن رقد من التعب و ترك كل شي على الله... " حياتنا ما بين ميل و تعديل " دنيا تدور و ما لها مستقرا " غريبة الأطوار من جيل إلى جيل " لأحلو يومٍ يعقبه يوم مرا " و الناس فيها أجناس جملة و تفصيل " ما هم سوا ما بين خير و شرا مرت الدنيا بظلمتها على كل من رقد وهو بقلبه علة و شوق و لهفة و ضيقة من حاله و مشغول باله جمعت هدنيا كل الهموم على قلوب بشرها و ريحتهم بليل ما احتو فيه كدرها لمن اصبح بنوره و يشرق معاه يوم جديد يحمل مصايبها من فجايع و مسرا... أول من صحى في بيت أبو وليد أهي نوف مثل العوايد بدلت و طلعت من غرفتها تلاقت بخوها محمد يطلع من غرفته... محمد:_ صباااااااااح الخيييييير. نوف ببتسامة:_ بسم الله اعذو بالله منك من صباح الله هنشاط الله يطلعنا. محمد:_ شسوي اخوج رياضي و روحه رياضية نشيط دوووم. نوف:_ عن اتفلسفل و قولي على اساعة كم بتمشى للمستشفى عند عمي. محمد:_ و الله ما ادري الخبر عند وليدوه. نوف:_ عيل عن اذنك اروح امر على غرفة جاسم و من بعدها انزل تحت. محمد:_ براحتج سي يو. نوف:_ عن هلهذر الي ماله معنى و اذلف. محمد:_ مقيولة ماهب متثقفة. نوف:_ تصدق طالعة عليك ما اعرف الة يس و نو. محمد:_ هههههههههه خانج التعبير ما اظن اني هلدرجة غبي. نوف:_ ان قلت عنك ملعون ما اغلط و لي سلمك تركني لحالي. محمد:_ نويييييييييييف. نوف و اهي تنفزع من صرخة محمد:_ و ابو رماح ياخذك و يلفك كم مرة قايلت لك لا تفزعني جذي. محمد:_ واي وااااااي بس اقول مشعل يسلم عليج. نوف و اهي حارت شتسوي توطي راسها من ذكر مشعل الي خجلها او تزف اخوها على نحاسته... محمد:_ واي واااااااااااااااي سويتها يا مشعلو و خجلت البنت اقول عن اتدلع نويف و ذلفي لمقامج المقدس غرفة جسوووم. نوف:_ حقييييييييييير و رح تظل حقييييييييييير. و مشت عنه و اهي بعزمها على غرفة جاسم فتحت الباب مثل عوايدها بهدوء برغم تعرف من خلو الغرفة لكنها وقفت على رجلينها و اهي تفتح عينها على وسعهن و تناظر الراقد على السرير و ما كانت مستوعبة دخلت برجلينها و اهي تمشي و تجر معاها صدمتها لمن وصلت لجاسم و لمسته بذاك الوقت حست انها بعلم ماهب بحلم لكن اشلون وصل و متى وصل و شلي خلاه يرد معقولة يعرف بلي صابه عمي و عرف بكل شي صار زين من وين له يعرف اذا ما يرد على اتصالات زياد و لا محمد و لا وليد... جاسم وهو يتقلب فتح عينه و التقت عينه بعين نوف و ارتبك قلبه لمن ناظر نوف... نوف و اهي تبتسم و تترنم بصوت مليان حنان و شوق:_ الحمدالله على سلامتك جاسم. جاسم وهو يزيح نظره عن نوف الي خجل منها و اول من يواجهم الي لهم الحق في عتابه على كل الي سواه.. جاسم:_ الله يسلمج. نوف:_ من امتى واصل. جاسم وهو يقوم على حيله و يسكر الباب ويلتف لنوف:_ من امبارح الساعة 2 في اليل. نوف:_ وليش ما خبرت احد. جاسم:_ لأني ما كنت حاسب لهردة . نوف:_ و شلي خلاك ترد. جاسم وهو موطي راسه:_ سامحيني نوف على كل الي صار والله مالي ويه بينكم على كل الي سويته بس وصلني خبر عن الي صار بعمي و ما كان بيدي حيلة غير ارد البلاد و لا ازيد الهم و المصايب هم اكثر. تـــــــــــــــــابـــــــــــــــــــــع |
نوف و اهي تروح لجاسم و تمسك ويهه بيدينها و ترفعه:_ ما عاش الي يوطي راسك يالغالي انت راسك مرفوع جدام الكل و مالك ذنب بلي صار هذا المقدر و المكتوب و حنا مالنا عرضة على الي مقدره رب العالمين. جاسم:_ إذا أنتي هذا كلامج تهقين كلام ابوي جذي. نوف و اهي تاخذ نفس بقوة:_ ابوي .. الله يسامحه على كل الي صار. جاسم يمسك ويه نوف و يلفه بتجاه عينه:_ نوف شلي صاير اكو شي صار غير حادث عمي و مخبينه. نوف:_ مالي غير الة اخبرك بكل شي لانك انت الأحق تعرف بكل شي. جاسم:_ تكلمي نوف حرقتي قلبي لا تفزعيني اكثر شصاير عسى ما شر. نوف:_ اسم الله على قلبك من الحرق و عسا الله ما يفزعك العمر كله. جاسم:_ تكفين نوف تكلمي لا تركيني جذي. خبرت نوف جاسم بكل الي حصل و جاسم كل ما يسمع ينطعن بقلبه اكثر و يحط لوم كل شي صار على نفسه و يحط بباله اهو السبب في كل شي و لازم يتحمل كل الي صار... جاسم بعد ما سكتت نوف وقف وهو بقوة قهر بقلبه:_ أنا السبب بكل لي صار انا الي سيرت الأمور بسفري و خليتها تنقلب جذي كل الحق علي انا. نوف:_ لا جاسم لا تقول جذي انت مالك ذنب توكل على الله و هو وحده العالم بلحال و المسهل الأمور لعباده اذكر الله يا جاسم و تعوذ من بليس. جاسم:_ اشلون ابعد الذنب عني و انا الي انذبحت لشوفت عمي بالمستشفى و الجروح تلمه من كل صوب و ناحية. نوف:_ انت زرت عمي بالمستشفى؟ جاسم وهو موطي راسه و بسرعة لمح البصر توصل ريم بملمحها على باله:_ اول ما وصلت المطار طلعت منه و توجهة على المستشفى و من بعدها ييت البيت. نوف:_ و شنو اخباره ما سألت عن حاله. جاسم وهو يحس بالارتباك يتخلله من مرور ذكرى ريم على باله و جمالها الي يهزه كل ما يتذكرها:_ و الله انشغل بالي بشوفته و كان كل همي اشوفه و اكون حذاله و نسيت اسأل عن حاله. نوف:_ ماعليه لا تشغل بالك ياخوي هونها بالصبر و تهون الدنيا ما تستاهل ازعلك و اهمك و كدرك فيها و على مصايبها الي تبتلينا فيها كل يوم بعد يوم. جاسم:_ كلام سهل يا نوف لكنه بالفعل تراه حيل صعب لكن الله بالعون. نوف:_ و النعم بالله. و يفجأهم محمد بدخوله و يوقف على رجلينه و يناظر جاسم... محمد بصدمة:_ أنت من وين طلعت نويفوووه من وين هذا ية. جاسم:_ الدنيا يابتني. محمد:_ جسوم انت متى وصلت من فرنسا. جاسم:_ امبارح اليل الساعة 2 في اليل. محمد:_ اقول تعال زين اضمك و اكفخك على سواتك. نوف:_ عمره ما بيوزم هسبال. محمد وهو يضم جاسم:_ سباااااااال علييييييج يأم كشة روحي زين عدلي شكلج لا ان خذاج مشعلوه بيتفزع. نوف:_ ياربي اشعندك انت اليوم كل ثانية و ياييب لي طاري مشعل ولد عمي. محمد:_ شسوي الريال متوله لازم اعذر حاله و احسسج فيه اشوي ياظالمة دقي عليه سمعيه صوتج بس لا تصرخين في اذنه تراه وااايد يتفزع ويلي عليه الناعم. جاسم وهو يضحك و سط حاله المتعب:_ ههههههههه هذا انت حمود ما تيوز حرام عليك لا تخجل البنت. نوف:_ لا و الله انت بعد الثاني مصدق لي عمرك مع هلمينون انا انزل تحت ابرك لي لا اطيح في طوشتكم انتو الاثنين و يلا تطاققو ما اوصيكم. محمد وهو يضم جاسم:_ اشلى نتطاقق الة نتباوس مو جذي جسووووم. جاسم:_ حمود اثقل اقول بسك من حركات الحريم. محمد:_ أن شاء الله عمي يلا معاي درب تنزل تفطر معانا امي و الله ان شافتك الحين لا يصيبها تجليط قلبي. جاسم:_ نزلو انتو انا بروح اول اصبح على ابوي اكيد اهو بالمكتب. نوف و محمد ناظرو بعض .. نوف:_ جاسم اذكر الله قبل لا تدخل على ابوي. محمد:_ هههههههههه نعنبو ليش رح يشن الحرب و تروح ارواح. نوف:_ اعوذ بالله من شياطينك حمود مب وقت غشمرتك انت تعرف ابوي بلي صار بينه و بين عمي و السبب سفرت جاسم. جاسم:_ لا تشيلون هم انا قدها و اقدود و ان رفض عذري ابوي مالي بارض هلبيت من لحظة ما يرفض يسامحني. نوف:_ لا يا جاسم لا تقول جذي اذكر الله لا تزيد الهم هم ثاني. جاسم:_ لا ألاه إلة الله أنتي لا تشيلين هم و إلي كاتبه ربنا رح يصير رضينا و الله عارضنا. نوف:_ الله يستر.. محمد:_ الله معك بالعون. طلعو نوف و محمد عشان ينزلون تحت و جاسم بدل اهدومه و نزل اول ما نزل تلقته امه بصدمة لمن شافته و راح لها بالأحضان يلمها... أم وليد:_ يمه يا جاسم وينك يا ولدي ليش تبي الهجر عنا يا ولدي ليش كل ما ربي يقربك من قلبي انت تبتعد اشلونك يا يمه عساك طيب شخبارك. جاسم وهو يبوس راس امه:_ ابخير يا يمه و ما عاش الي يبعدني عنج بس هذا حال الدنيا يا يمه انتي عساج على القوة ان شاء الله ابخير. ام وليد:_ ما اشكي باس دامك حذالي. جاسم:_ اقول يمه وينه ابوي. ام وليد و اهي تتكدر:_ الله بالعون يا ولدي ان جانك رايد تشوف ابوك تراه بالصالة. جاسم وهو يدق لقبه بقوة لمعرفة ابوه بمنطقة اهو اقريبة منها:_ اهاا اوكي رايح اصبح عليه. أم وليد:_ زين العقل تسوي يا يمه اذنك معاك. ما طاعها قلبها تمشي ام وليد و تمت واقفة تناظر شلي رح يصير و ماسكة قلبها من الموقف الي رح تجوفه بين زوجها و ولدها لانها عارفة حق المعرفة بان ابو وليد حامل بقلبه على ولده على الي سواه... مشى جاسم بخطوات مترددة و وهو يجر معاه الخوف بطراف جسمه و يدعي ربه بكل خطوة ان الله يعينه على كل شي.. وصل الصالة و بان بكل جسمه جدام ابوه و ابو وليد اموطي راسه يقرى بالجريدة اليومية... جاسم بصوته :_ صباح الخير يا ابو وليد. (( جاسم من بين اخوانه الي دوم يناشد ابوه بأسم ابو وليد و قليل ما يناشده يبه فكان ابو وليد يميزه من بين عياله )) ... لمن سمع ابو وليد الصوت انهز قلبه و ما كان بيده الة و يرفع عينه ليلتقي بعيون ولده... ابو وليد وهو ينصدم من تواجد ولده جدامه ... جاسم وهو موطي الراس ينزل لركبت ابوه:_ اسموحة منك يبه السموحة منك. ابو وليد بقوة قلب يوقف و ينزاح عن ولده:_ هذا جزاتنا يا جاسم هذا جزاتي لني ربيتك و كبرتك تخون هلك و توطي راسهم بالقاع. جاسم:_ رجيتك يا يبه لا تردني السموحة منك عارف بكل الي سويته و عارف بخطاي بس هذا المقدر و المكتوب و مالنا عرضة على الي يقدره العالي بسماه. ابو وليد بصلابة قلبه و قسوة كلامه لولده و محمد و نوف كانو موجودين و ام و ليد ماسكة قلبها... ابو وليد:_ انا ما ربيت عيال عشان يخونون تربايتي و يوطون راسي بالقاع و اشهد الله ان مالك ارض بهلبيت دامني موجود. نوف تصرخ بقوة:_ لاااااااااااااااااااااااااا لا تقولها يا يبه لا تكفى لا تقولها ليش يا يبه تسوي فينا جذي اولها عمي و تاليها جاسم تكفى يا يبه انت ابونا و ذخرنا انت الي تلمنا و تجمعنا تكفى لا تفرقنا و تشتتنا و انت حي بهدنيا و عايش بنبض قلبك بينا. و يظهر صوت وليد من على الدرج وهو ينزل و يبان للكل بصلابته و برجوليته كونه الولد العود بين اخوانه... وليد:_ أن تحملت اتهين عمي و أتذله و ماتحس فيه و قسوتك تنثرها علينا و تقلب الحال ما بتحمل تهين جاسم وهو إلي أغلى من روحي يا يبه الدنيا ماهب تمشي أبقسوة و بظلم و ماهب بكل المواقف القسوة تنفع يا يبه مو هذي تربايتك لنا وشلون تعاكسها جدامنا. ابو وليد وهو ينطعن بكلام بنته بلول و صدمته من كلام ولده وليد لكنه يواجهه بكل صلابة جدام الكل:_ جاسم..البيت يتعذر خطاك فيه مالك بأرضه دامني موجود فيه. وليد:_ بس يا يبه..و يقاطعه جاسم بكلامه... جاسم وهو يوقف:_ وليد ( وهو يأشر له يترك له المجال يتكلم و يلتفت لبوه و يوجه له الكلام) حسبت لكلمتك يا يبه قبل لا تنطقها بلسانك و عارف ان هلبيت مالي ارض فيه و هم انا اقول لك انا راحل عن عينك و ان ردتني تراني لك بالوفا واصل. ابو وليد الي انهز من طيبة قلب ولده لكنه مشى وهو يترك الكل بمصيبة ثانية تنسكب على قلوبهم مثل حرة النار الي تركها تشتعل على حال ناصر اشعلها مرة ثانية على حال جاسم... نوف و اهي تروح لجاسم و تمسكه:_ تكفى يا جاسم لا تروح عنا مالنا غيرك. جاسم:_ اظنج يا نوف سمعتي الي سمعته انا و سمعتي الي ذبح قلبي تكفين لا تخليني بهلبيت لحظة تراني ما اتحمل انهان اكثر ان جاني غالي عليج تركي الله يحطني بعينه و يحفظني بدربي و يسر لي حالي بهدنيا. نوف:_ ياربي ليش كل هذا يصير لنا ليش ياربي ليش. جاسم وهو يمسك نوف:_ هذا المقدر و المكتوب و ما ابيج يا نوف تكونين ضعيفة انا الي علمتج على القوة لا تخيبيني في شي ربيتج عليه و الله ما تذكرين قبل لمن يطقج حمود و انتي ما تبجين عشان اني انا قايل لج الي يبجي اهو الضعيف و انتي لازم تكونين قوية و ما تبجين. نوف و أهي تضم أخوها :_ بتوله عليك. جاسم:_ و انا اكثر بس عهدن علي ما انساكم و كل يوم تجوفوني. أم وليد و أهي تبجي راح لها جاسم وهو يبوس يدينها و يضمها:_ انا من لي سواج بهدنيا يا يمه لا تبجين و الله دموعج غالية علي يالغالية. ام وليد:_ و شلون ما ابجي و ولدي ماله رمسى بهدنيا مصايبها تحول عليه من كل صوب و ناحية وين رح تعيش يا يمه ما تحمل فراقك ما تحلم ترقد و انت بعيد عن عيني و قلبي. جاسم:_ ابد و الله يا ام وليد انتي بالقلب و الروح و العين و ما انساج و مرساي بينكم و ارضي بقلوبكم و الله ما تبوني. محمد:_ حشانا في احد يرفض الغالي. جاسم وهو يبتسم:_ انا رح اكون بالمزرعة دوووووم و مرساي بيها دوووم لمن الله ييسرها لي. نوف:_ زين العقل تسوي جاسم عشان من اتوله عليك اقدر اشوفك. جاسم:_ و من قال بحرمكم من شوفتي ابد و الله مالي قلب احرمكم من شوفتي و قلبي ما يطيعني اعيش يومي و انتو ابعاد عن عيني. نوف:_ طول عمري اقول هلجسوم بعد روحي و محد مصدقني. محمد بغشمرة:_ نويف ترى ولد عمج يغااار ( يقصد مشعل ). نوف تناظر محمد عشان لا امها تلتفت.. محمد:_ زين زين درينا. جاسم:_ يلا انا الحين اخليكم. نوف:_ لحظة لحظة على وين يا شيخ اول ازهب لك اجناطك. جاسم:_ زهبيهم بس يزهبون سوي لي مسكول على تلفوني و بيي لهم انا عندي مشوار اصغير رايحه و ارد لهم. ام وليد:_ على وين يا يمه من الصبح. جاسم:_ انا ولدج يا يمه و تربايت يدج و ما علمتي قلبي ينسى احبابه رايح اطل على عمي. ام وليد:_ الله ييسر لك دربك طمني على عمك يا يمه. جاسم:_ من عيوني في أمان الله. الكل:_ في حفظه و رعايته. وليد إلي كان قابض على يده من قهر قلبه بلي يسويه ابوه و الي ذابحه بان الكل يواجهه بالطيبة وهو و لا يحس بغيره تم يناظر جاسم بعيون حايرة و قلبه على اخوه... جاسم يتقرب لوليد و يحط يده على كتف اخوه:_ بالطيبة و الصبر الي بليا احدود كل شي يهون يا وليد ادري ماحد يرضى بشي الي يصير بس ماعليه هذا المكتوب. وليد:_ و الله قهر و الله قهر. جاسم:_ لا تنسى يا وليد مالنا عرضة على الي يصير تراه هذا الي كاتبه رب العالمين. وليد وهو يبتسم لجاسم و يحسسه بانه للحين ما نسى ربه:_ و النعم بالله. طلع جاسم و محمد إلي خبى عبرته جدام الكل أستأذن و راح لداره و سكرها على حاله و أنهارت أدموعه ليش أبوه قاسي هلكثر ليش ليش ما يحسب للي رح يصير بسبب قسوته هذي علينا ليش الله يسامحك يا يبه الله يسامحك... تـــــــــــــــــــــــــــــابــــــــــــــــــ ــــــــــــع |
في المستشفى وين ما تحمل اكبر خبر يمكن يوسع صدر عايلة بن فارس كلها برجوع ناصر بسلامة و تعدى مرحلة الخطر و صحى من الغيبوبة و أول من لقى ريم حذاله و عينها من السهر حمر... نقلوه لجناح خاص و صحته عال العال و ريم إلي ما كانت الدنيا تزيح الفرح عنها لشوفت عمها براحة جسدية كلياً ... ناصر:_ و الله تعبتكم معاي. ريم:_ شنهو شنهو أقول عدل لي كلامك هذا أحسن لك أتعبك راحة يالغالي و عن اتدلع الزايد و من اليوم ما نبي تعب فاهم شنو. ناصر بدلع:_ يا ويلي قلبي تحبيني. ريم:_ ههههههه دلييييييع. ناصر:_ عليج. ريم و أهي يدور ببالها سؤال عن إلي زار عمها أمبارح و ما ارتاح لها بال و الة لمن فجتها:_ اقول عمي. ناصر:_ عيونه. ريم:_ سلامة عيونك بس ممكن سؤال. ناصر:_ اكيد تفضلي. ريم:_ بصراحة امبارح لمن رقدت معاك زارك ريال اول مرة اجوفه بس اصارحك وااايد و سيم و اهو طويل و ابيض و شعره طويل و اسود و كان لابس بنطلون و قميص حلووو و انيق و ملامحه ما اخبي عليك يعيق الطير من السمى.. ناصر وهو يدقق بوصف ريم لريال و ينصدم:_ من صجج هذا وصف الريال إلي شفتيه. ريم:_ أيه يصير أعرف منو هذا. ناصر:_ لحظة أمتى زارني. ريم:_ على الساعة 2 في اليل. ناصر:_ لا مو معقولة يكون أهو. ريم:_ زين منو هذا. ناصر حس على ريم من وصفها لجاسم إلي شك فيه ناصر بأنه عجبها فأهو من الله يبيها تحب جاسم فشلون يقول لها انه جاسم و يخليها تكرهه ضعف فخبى عنها هذا الشي:_ هذا صديقي من الدراسة. ريم:_ اهااا. ناصر وهو يفكر اشلون جاسم وصل البلاد و من خبره بلي صار اكيد رفيجه راشد ماحد غيره بس معقولة وصل بهسرعة و شنو صار بينه و بين ابو وليد يالله اشلون الحين اعرف كل شي... و يفجأهم طلال بدخوله... طلال بفرح:_ هلاااااااااااااااااا عمي شلونك اشلون الصحة الحمدالله على السلامة طيحت اقلوبنا عليك. ناصر ببتسامة وهو يضم طلال:_ اسم الله عليكم الله يسلمك و يخليك. طلال:_ شنو الحين تمام أن شاء الله ما حاشك تعب. ناصر:_ لالا ابخير و عافية و نسأل عنكن. طلال:_ سألت عنك العوافي ها شتبي بعد عندك اشوف وحدة تقول حرمتك ماهب بنت اخوك. ناصر ببتسامة:_ فديتها ريمان تحبني شلك فيها. طلال:_ ايه مب لله المدح عبالك ما اعرفك. ناصر:_ عن الفضايح طلول اشفيك انت علي. ريم:_ لا فضايح و لا شي سالفتك و عارفينها بس يلا طلال و صلني البيت تراه صحى و بدى يتدلع علينا. ناصر:_ طالع شتقول هذي بدال ما تحمدني على السلامة. ريم:_ طمااااااع . ناصر:_ مزاااجي بس صج صج ريم شخبارها. ريم تبي تحرج عمها:_ منو. ناصر:_ ريمااااااان عن النحاسة. ريم:_ هههههههههه ما تشكي باس و تسلم عليك. ناصر:_ عرفت بلي صابني. ريم:_ ايه تعرفني ما اخبي عليها شي. ناصر:_ ايه مقيولة رادرات لاسلكية بس اكيد ما اهتمت للي قلتيه. ريم:_ ويه هذا الي ما يدري عن خبرها. طلال:_ عمي لا تظن تراني سمعت لولووووه تقول ان هناء لمن عرفت عنك تضايقت بالحييل. ريم:_ بصراحة امبارح كل اشوي و تدق تسأل عنك ما رقدة لخمس الفير. ناصر وهو اشوي و ينفرط من الضحك على الكلام حس روحه بيطير من الفرح:_ زين اشوي اشوي علي لا تخلوني اصدق عمري. طلال:_ الله يهنيك. و فجأة يرن تلفون ريم.. ريم و أهي تلتفت لتفونها:_ بنت حلال والله. ناصر بخبال:_ منو هناء ؟ ريم:_ أيه. ناصر:_ تكفييييين تركيني ارد عليها. طلال:_ ايييييييييوااااااااه راحت البنت وطي. ريم:_ لا عمي اخاف تحطها فيني . ناصر:_ ماعليج انتي عطيني. ريم:_ عمييي. ناصر:_ اقول بليييز عشاني. مدت يدها ريم بتلفون لعمها .. و ناصر تلقاه وهو متونس من قلب.. ناصر بصوته الرجولي الي يحويه اثار التعب:_ الو. هناء أرتجفت من الصوت..ماهب غريب عليها سمعته من قبل بس مب وااايد... هناء:_ الو .. السلام عليكم. ناصر:_ و يا هلا و عليكم السلام. هناء:_ هذا مب رقم ريم بن فارس. ناصر:_ أهو نفسه . هناء:_ ممكن أخوي لو سمحت اذا ما فيها كلافة تناشدها لي. ناصر وهو زعل ليش قالت اخوي.. ناصر:_ افاااا ماكو شخبار ماكو الحمدالله على السلامة. هناء و أهي تنصقع من الكلام و عرفت انه ناصر وقفت على حيلها و اهي ترتجف و العرق بدى يزخ من جبينها و خدينها يتلونون بلون الخجل الحللوووو عليها... ناصر:_ اسموحة اذا احرجتج هناء بس شخبارج شمسوية. هناء:_ أ أ الحمدالله أبخير .. أن شاء الله أنت أبخير ش شخبار الصحة أن شاء الله تمام. ناصر وهو يبتسم على هناء و أهي تتكلم اشوي و تروح فيها من الخجل:_ أنا بصحة وعافية دامج أنتي أبخير بس أقول هناء ليش هلكثر تستحين . هناء و أهي اشوي و تطلع روحها من جسدها تمت ساكتة ما عرفت شتجاوب... ناصر:_ على العموم ادري أني اربكتج معاي بس حبيت اسمع اخبارج منج و دامج ابخير الحمدالله و الله يخليج ان شاء الله. هناء و اهي تضايقة ليش ان ناصر رح ينهي المكالمة:_ لالا عادي كل واحد لا اربكتني و لا شي و الحمدالله على سلامتك قبل اخباري... ناصر:_ مشكووورة كلج أصل و ذوق السموحة مرة ثانية و نلقاج على خير رح اترك لج ريم في أمان الله. هناء:_ بحفظه ورعايته. ناصر:_ هناء. هناء طارت من الفرح لمن سمعت اسمها على لسانه:_ لبيه. ناصر:_ تحملي بحالج. (( طلال اشوي و ينفرط من الضحك على عمه )) هناء:_ أن شاء الله و أنت أكثر. ناصر:_ من عيوني مع سلامة. هناء:_ الله يسلم غاليك و مغليك. اخذت التلفون ريم :_ الووه. هناء كانت ساكتة تتذكر صوت ناصر ريم:_ هنوووووووي اجوف اخذج الحبيب بصوته. هناء:_ واااي عسل صوته عسل اقول عطيني اياه مرة ثانية. ناصر وهو يناظر ريم و يضحك و تجيه ضربة بخفة على كتفه من طلال:_ عمي مو جنة زودتها. ناصر:_ سكرها يا معود اقول لك تخسبكت اول ما سمعت صوتي. طلال:_ من حقها انت تخبل الي ما يتخبل لو انا بنت من زمان رميت حالي عليك. ناصر بغمشرة:_ عن التميصخ طلول. طلال:_ مقيولة مالك مزاجنا الحبيبة اخذت المزاج كل ابوه. ناصر:_ حلالهاااااااا. ريم و اهي تبتعد عن هذرة ناصر و طلال و توقف بغرفة الثاني للأستقبال لضيوف الي تبع غرفة عمها:_ و عساج ابو رماح ما تستحين انتي عز الله انكم ميانين اشفيكم انتو لالا ما تتوالمون. هناء:_ و الله ذبحني صوته. ريم:_ طالع هرقلة و انا اقول الي بطيح فيها زف عشان خليت عمي يكلمها. هناء:_ صج انج غبية فتحتي عيني على المخبى اشلى عاطية عمج يكلمني. ريم:_ شسوي اهو الي اصر علي. هناء:_ الة شخباره الحين. ريم:_ الحمدالله ما يشكي باس لكن امزودها وااايد يتدلع. هناء:_ واااااي حلاله. ريم:_ عز الله يا هنوي خربج الحب بسواليفه ما اخبرج جذي. هناء:_ مو شغلي كل من عمج هذا الوسيم الطويل. ريم:_ هههههههههههههههه الله يغربل ابليسج على هلكلام سكتي لا يسمعج و يروح في خبرها. هناء:_ لالا لا تفضحينا و يسمع الي اقوله بعدين يقول من جدام الله الله و من ورة يعلم الله. ريم:_ ههههههههه قردة تحسبها عدلة اقول مو جنج مصختيها عن اذنج ترى الحين برد البيت و الله تعبت من الرقدة بالمستشفى امبارح و على الظهر الساعة 3 ادق عليج عندي لج سالفة. هناء:_ اوكي يلا بااااااي. ريم:_ بااااااااااااي. ريم و أهي ترد لداخل عند ناصر و طلال:_ ما تستحون تهذرون ما تخلوني اتكلم بالتلفون. ناصر:_ السموحة منج عمتي اقول وين نعالج طربقيه على راسي بعد الي تكلمج ما علمتج الأصل و الذوق احترميني يا ختي اشفيج علينا. ريم:_ اشوف مو جنة المزاج تعدل. طلال:_ كلة من الي خليتيه يكلمها فرت له مخه 180 درجة. ريم:_ طلال اقول ردني البيت لا اجابل اينون عمك الثاني كافي اينون هناء. ناصر:_ وااااااي حتى اهي تعرف لينون الحب. ريم بدلع و غرور:_ ارفيجتي برئية لكن حسبي الله عليك الي خربتها و علمتها على سواليف الحب. ناصر:_ انا يا المنحوسة علمتها و الله قلبها. ريم:_ اقول عن الهذر الزايد ريح لك بعد الظهر الاهل بيجونك. ناصر:_ ما بتيي هناء. ريم:_ ياربي عليك اقول في أمان الله. و حملت جنطتها ريم و طلعت .. طلال:_ ذبحتنا يا خي مو حب هذا اينون. ناصر:_ طلال تعال اقول لك زين. طلال:_ خير. ناصر:_ تدري أن جاسم وصل الديرة امبارح على الساعة 2 في اليل. طلال يتفاجأ:_ شنهو جاسم بالديرة من قال لك. ناصر:_ أنا مب متأكد بس ريم قالت لي امبارح زارك واحد و وصفته لي على الساعة 2 في اليل ما طول و طلع من عندك بس ما عرفته. طلال:_ احلف جاسم جاف ريم. ناصر:_ و الله ما ادري جافها او لا بس انا بجوف السالفة و أنت لا تتكلم الحين اوكيه. طلال:_ اوكي في امان الله. ناصر:_ في حفظه و رعايته. طلع طلال و التقى مع ريم بالممر و أنزلو و لمن وصلو لسيارة .. ريم ألمحت الي التقت فيه امبارح و عرفت انه رفيج عمها من الدراسة لكن من ناظرته ارتجفت لا شعورياً و رجع قلبها يدق مثل امبارح بقوة و الة يلتفت طلال لجسام و يتأكد من كلام عمه ناصر و يصدم ريم بكلمته... طلال:_ جاسم .. جاسم بن فارس. ريم و أهي ترفع عينها لخوها و تناظره يناشد الي التقت فيه امبارح وهو يلتفت لطلال.. ( وقفت ريم و أهي تناظر الموقف إلي جدام عينها و عقلها ماهب مستوعب شي )... طلال وهو يبتعد عن السيارة و يترك ريم لحالها و يتجه لجاسم و جاسم إلي ما أنتبه لتواجد ريم مع اخوها التف لطلال و ابتسم له اول ما جافه... تـــــــــــــــــــــــــــــابــــــــــــــــــ ــــــــع |
طلال:_ هلاااااا ولد العم هلا بجاسم شحالك شمسوي الحمدالله على السلامة. جاسم وهو يعانق طلال بضمة قوية:_ هلا بالخوي و الله عساك على القوة ان شاء الله حنا بخير و بعافية دامكم بصحة و الله يسلم غاليك و مغليك. طلال:_ وينك يا اخي ما تبين و لا نقدر نلاقيك. جاسم:_ و الله الدنيا بمشاغلها و مصايبها شاغلتنا و الله العالم انا شنو مسوي بهدنيا. طلال:_ لالا هونها يا ولد العم و اتهون ما بعد كل مصيبة الة راحة. جاسم:_ ياريت ها اشوفك عند عمي. طلال:_ لا وين انه قبل لا اروح الدوام مريت على ريم امبارح كانت راقدة مع عمي خديتها و الحين رح اوصلها البيت. جاسم وهو من سمع بذكرى ريم أرتجف و حوال يخفي ارتباكه جدام طلال:_ عيل شخبار عمي. طلال:_ روح و جوف بعينك ترى حاله رح يزيح عنك هلهم كله. جاسم:_ بس انا سمعت انه بحالة خطرة. طلال:_ جاسم ماكو شي يصعب على رب العالمين ترى ناصر بخير و ما يشكي باس و ناقصته شوفتك. جاسم:_ تسلم و الله يلا في أمان الله. طلال:_ في حفظه و رعايته. مشى جاسم وهو بباله تنرسم ريم بملامحها و يحس قلبه بدى يحمل ذنب ثاني وهو بنه ظلم ريم الأنسانة إلي رح يتم ضميره يأنبه على كل إلي سواه لها .............................. ريم من صوب ثاني لمن عرفت هذا جاسم ولد عمها أنصدمت و طول السيارة كاتمة مشاعرها و حتارت و حتار قلبها شيقول و شنو يحجي اهي من جافت جاسم و حسته سرق منها شي غريب و كل من تلاقيه قلبها يتدفق بقوة مشاعر دافية اتجاه هلأنسان معقولة بالنهاية يكون ولد عمها و شلون تعاكس كل الي تحسه بتجاهه بكرها إلي حملته له لمن صاب عمها الحادث و لمن عرفت بسفره و بكل الي صابهم من بعد رفضه القاطع لتنفيذ الوصية .... طلال وهو يلتفت لريم و اهي سرحانة و باين بالها بعيد و مشغووول.. طلال:_ بلاهم بعض الناس حاقرينا و لاهين بالتفكير. ريم ببتسامة:_ لا شنو حاقرينك بس و الله تعبت من امبارح بالمستشفى الرقدة تتعب. طلال وهو يبي يجس النبض اذا ريم جاف جاسم او لا... طلال:_ عرفتي إلي لقيناه بنزلتنا من عند عمي عند الباركات. ريم و أهي ترتبك:_ هاه ايييه لالا ما عرفته منو هذا. طلال وهو يحس ريم تجذب و ارتبكت اول ما ياب طاري جاسم:_ ليش ما سمعتيني و انا انشده. ريم:_ لا. طلال وهو مستغرب على انكار ريم التام لعدم معرفتها بجاسم:_ ما ابي اصدمج وااايد بس هذا ولد عمي ابو وليد جاسم. ريم و أهي تشتعل بلون الخجل من انذكر اسم جاسم:_ صج و الله. طلال:_ ادري اول مرة تجوفينه بس ها شنو رايج فيه. ريم:_ ما شاء الله صار ريال قبل اذكره شصغره الله يخليه لهله. طلال وهو يتكلم بجدية:_ ريم في شي اسمه مقدر و مكتوب يعني شي مجبورين فيه و لازم يحصل و جاسم تراه لو اعتلى لسابع سما ولو هاجر لاخر بلاد بلعالم يبقى شي اسمه حليلن لج يعني اهو الي رح يكون زوجج مثل ما وصو يدي و يدتي الله يرحمهم.. ريم:_ و شلي ياب طاري هسالفة يا طلال. طلال:_ انا حبيت افاتحج بهلموضوع عشان اخبرج بأن توقعي دام جاسم رد البلاد فمن المأكد بعد قومة عمي بسلامة رح تتم تنفيذ الوصية. ريم:_ بس إلي باعني برخيص بتراب ينباع و جاسم هذا الي تتكلم عنه جرحني و جرح قلبي و هان نفسي جدام الكل و ما رح اقبل فيه بالأصل اهو من نفسه ما يبيني. طلال:_ عارف بكل شي بس مثل ما قلت لج زواجكم شي مقدر و مكتوب و مالنا عرضة على الي مقدره رب العالمين. ريم:_ الله كريم. طلال:_ اذا تبين تنهين هلموضوع من حيث ما تبين تتكلمين فيه تراه بقلبج عمره ما رح ينتهي. ريم و اهي تنكر صدق كلام طلال:_ ما يهمني الي رماني. طلال:_ الله يهديج بس. ريم و اهي تلتفت وصلو للبيت:_ يلا اجوفك على خير. طلال:_ على خير أن شاء الله. اطلعت ريم من السيارة و طلال متنوس لمن لاحظ خجل و ارتباكها على ذكر جاسم و لمن كانت ترد عليه كأنها تعاند قلبها و تقول عكس إلي بداخله... مشت ريم و أهي تحمل معاها بقلبها مشاعر تنولد بثورة أحساس قوية و ما تعرف ليش بذات تشتعل اكثر لمن تسمع بذكر جاسم و لد عمها و كان كل خوفها تكون مشاعر معزة فشلون هدنيا تخليها تعز من جرحها و ذلها من صغر سنها و ترك اهلها يقسون عليها و يحرمونها من الدراسة و من كل شي عشانه و بالنهاية يرميها و لا يهتم بيها... .................................................. ............... بالمستشفى وين ما توه واصل جاسم لعمه و ناصر كان مسترخي على السرير و مسكر عينه يرتاح... دخل جاسم بهدوووء و نشر المكان بريحت عطره الروعة ناصر وهو مسكر عيونه تحسس لرحيت جاسم و فتح عينه ليلتقي بجاسم إلي كان واقف يناظر عمه... جاسم وهو وطى راسه اول ما جاف عمه وهو يحس بتأنيب الضمير على الي سواه بعمه... ناصر بفرحة كبيرة توسع صدره:_ جسووووووووووووم وييييييييييينك متى وصلت شحالك الحمدالله على السلامة. جاسم وهو يرفع عينه و يروح لعمه و يضمه:_ كاني معاك شنو ويني وصلت امبارح اول من سمعت بلي صابك سامحني يا عمي سامحني ترى مالي ويه جدامك و جدام الاهل بعد كل إلي صار. ناصر:_ لا يا جاسم تعوذ من بليس و شياطينه و لا تقول جذي و ما أبيك تحط الوم على حالك انت مالك ذنب هذا الي كتبه رب العالمين و لازم يصيبنا و نتحمله. جاسم:_ هاه شنو اخبارك الحين. ناصر:_ متوله عليك يا مسود الويه. جاسم:_ ههههههههه امبارح زرتك بس كنت بالعناية الخاصة. ناصر وهو يناظر جاسم:_ قبل كل شي جسوم شلي شاافته عينك و قلبك امبارح لمن زرتني. جاسم وهو يقوم و يبعد نفسه عن عين عمه:_ و لا شي شفته ييت لك و تطمنت عليك و رديت البيت. ناصر:_ جسوووم هتخبي ما بينفعك عبالك ما أدري أن ريم كانت راقدة عندي أمبارح. جاسم:_ منو ؟ من هذي ريم بعد تطلع. ناصر:_ أذبحك أنا أذبحك يقول لي منو ريم من تطلع هذي من يعني بنت عمك و عن اتهيبل علي. جاسم:_ بس انه امبارح ما جفت احد. ناصر:_ ياربي و يجذب علي بعد انزين اذا قلت لك انها لمن صحيت الصبح قعدة معاي تسولف و خبرتني بأن واحد زارني امبارح على 2 في اليل و وصفته لي انا عرفته انك انت بس ما قلت لها. جاسم:_ ليكون البنت القصيرة الي لقيتها امبارح. ناصر:_ اهي نفسها. جاسم سكت و وهو يسترجع ذكر ريم و قلبه يداعبه مشاعر غريبة اتجاها. ناصر:_ يالمنحوس حرام عليك سويت فيها كل شي و وريتها مصايب الدنيا من صغرها يلا عاد قولي توقعت تكون بهشكل ريم و لا شنو. جاسم:_ ااااااااه عمري ما توقعت بنت عمي بهشكل و لمن جفتها و عرفت انها ريم انصدمت. ناصر:_ و منو خبرك بأنها ريم. جاسم بخجل:_ يلا عاد انت تعرف تحرشي الزايد سألت النرس و قالت لي اسمها ريم سعد بن فارس. ناصر:_ يا حليلتك مداك تخبلت عليها و سألت عنها بعد قايلك ريم تينن و اقبل فيها لكن انت ويا هعقل الغبي ما يقتنع. جاسم بنظرة قوية:_ شنو تخبلت عليها ياهل انا لمن سألت عنها كنت ابي اعرف من تكون عشان راقدة عندك لأني اول مرة اجوفها بين حريم هلي و بس لا تبعد تفكيرك بشي ثاني. ناصر:_ جسوم نكران المشاعر ماهب زينة لك و اذا تبي تبدي هلحكرات علي احذرك ترى بتتكفخ من الزين. جاسم:_ هههههههههه زين خلنا من هسالفة تدري انا الحين في وين ساكن. ناصر بستغراب:_ شنهو شقاعد تتكلم. جاسم:_ ابوي رفض يسامحني و حرم علي دخلت البيت و انا حملت اجناطي و رحت المزرعة و اهناك مستقري. ناصر:_ شنهوووووووووو اعوذ بالله استغفرالله استغفرالله ليش يا اخوي تسوي جذي ليش. جاسم:_ لا تقول جذي ابوي معاه حق بلي سواه و انا استاهل. ناصر:_ بس الأمور ما تنأخذ جذي يا جاسم الدنيا ماهب سايبة أهي. جاسم:_ اهو اعرف بتصرفاته وهو حر و اذا كان غلطان بالأخير الدنيا رح تعلمه أنه غلطان بلي قاعد يسويه. ناصر:_ الله يهديه بس و يهدي الكل. "" مر الوقت بين جاسم و ناصر و السوالف تاخذهم عن كل شي و من بعدها أستأذن جاسم ليترك عمه يرتاح و أتجه لبيتهم يمر على جناطه "" وصل جاسم و سوة مسكول لنوف على تلفونها.. أطلعت نوف و الدريول معاها يحمل الجناط و اركبت السيارة... جاسم وهو يناظرها:_ اشلى زاهبة وين بتروحين. نوف:_ عبالك انا ما عندي قلب و الله امفكر بخليك لحالك لا عيوني انا رايحة معاك المزرعة و اضبط لك كل شي اهناك و ما ارد الة لمن اسوي لك شي تاكله اكيد يوعان. جاسم:_ لالا لا تكلفين على حالج. نوف:_ عن التميصخ قال تلكلفين على حالج اقول يلا مش زين. جاسم وهو يضحك:_ شسوي فيج بعد طيبة و مالج حل. نوف:_ عن الهذر الة شخبار عمي. جاسم:_ بتنصدمين اذا قلت لج عمي نقلوه للجناح الخاس و طلع من العناية الخاصة. نوف بفرحة قلب شكبرها:_ احـــــــــــــــــــــــــلف جسوم ما اصدقك اعرفك تجذب. جاسم:_ ههههههههه شجذب عليج اقول لح توني رايح عنده و كاهو يتغشمر مثل عوايده. نوف:_ عليك بالله بعد الغدى تاخذني عنده. جاسم:_ من عيوني بس اشوي اشوي علينا لا تاكلينا الله لنا ايييه اكييد بعد نصور الغالي قام بسلامة وين لنا احنا. نوف و اهي تطق جاسم على كتفه:_ طماااااااع ياربي عليك الله يعين ريم لمن تاخذك. جاسم وهو ما عرف شيسوي لكنه انفجر من الضحك و حب يسويها مقلب في نوف:_ هههههههههه و من قالج بناحسها مثل ما بناحسج لا عيوني هذيك ريم ايه عمري حرمتي مو انتي يالمنحوسة. نوف و اهي تناظر جاسم:_ الله وكبر الله وكبر احين هرقلة اهو الي يحجي جذي اقول مب مصخنة كأنك. جاسم:_ ههههههههههه صدقتي انتي ويا ويهج انا امزح معاج. نوف و اهي تمد برطومها:_ اعرفك ثقييييييييل ما تنطاق. جاسم:_ شسوي طبعي في احد يتخلى عن طبعه. نوف:_ يااااااااااااااربي زين اقول. جاسم:_ هلا عيوني. نوف:_ وااااااااي تراني استحي واحد بجمالك يقول لي جذي. جاسم:_ ههههههههههههه. نوف:_ فديت هضحكة و راعيها زين اقول ممكن افاتحك بموضوع. جاسم:_ أكيد تفضلي. نوف:_ يمكن يزعجك بس تراه موضوع زواجك من بنت عمي. جاسم يتذكر ريم و يبتسم لا أرادياً و كأنة لمن تذكر عيونها داعبه شي حلو قاعد يتحسسه في قلبه اتجاها... نوف:_ بسم الله بلاك اتبسم شقايلة انا. جاسم:_ لالا بالعكس لا يزعجني الموضوع و لا شي أمري شلي خلاج تتذكرين هسالفة. نوف:_ ابي أعرف رايك. جاسم:_ رايي بصراحة يمكن يتغير عن قبل اول ما سمعت الموضوع بس توها الناس على رايي. نوف و اهي تقفز لجاسم:_ يعني شنو يتغير يعني بتوااااااافق. تـــــــــــــــــــــــــابــــــــــــــــــــــ ــع |
جاسم:_ اقوووووووووووول بلا ينون علي انا قلت لج توها الناس على رايي ممب معناتها بوافق. نوف:_ ثقييييييييييل ما يعرف يفرح قلبي هلمسجين. جاسم:_ صبري ترى الصبر زين يقولون و الفرح ان غاب عنج اليوم باجر يزورج. نوف:_ ماااااااااااااالت عاد يزورني من ناس غيرك مو منك. جاسم وهو تعلم حركات حمود:_ اشقصدج يعني من مشعل. نوف:_ هي هي اجوف تعلمت لي من حركات حمووود. جاسم:_ شنسوي لازم نتعلم مو هذا حمووود. .................................................. .................................................. . الوضع بدى يتداخل ببعضه من المشاكل و المواقف الصعبة هل يمكن للفرح يدخل وسط اقلوب هلبشر بعد ما دخلهم الحزن ؟ هل تتوقعون تصرفات جاسم إلي بدت تتغير مع ذكر ريم تدل على شي ؟ و شنو تتوقعون ريم تواجه مشاعرها إلي حستها لجاسم بعد ما عرفت أن إلي جافته يكون جاسم ولد عمها ؟ و هل رح يتم حال القطيعة بين ابو وليد و ولده جاسم و بين اخوه ناصر ؟ و يتم السؤال الأول و الأخير هل رح تتنفذ الوصية إلي تركوها اليد و اليدة و بسببها بنت حيات ما توقعوها ؟ و معقولة تكون مصايب الدنيا الي تحل عليهم تكون اهي لعبة النار الي تجيس أحفاد عايلة بن فارس ؟ نعيش معاهم بلحظاتهم و نسري معاهم بالحزن و الفرح و نقدر نقول ان عرفنا كل حياتهم أنتظرووووووووني بالجزء الحادي عشر و اتمنى كفيت و وفيت و يمكن الجزء قصييييير بس سامحوني كل هذا علشانكم أستعجلت بالجزء لعيونكم لأنة ما هان علي انتظاركم يطول و لا تنسوني بعد الجزء الله الله مب تقرونه و تمشون ابي راااااااااايكم و في أنتظرا تواجدكم المنور دوووووووم على أحر من الجمر .but4. تحياتي .. ريماني الفوارس .. |
الجزء راااااااااااااااائع وحلللللللللو
بليييييييييييييز كمليه بسرعه لا طولي علينا |
اقتباس:
و أنتي الأكثر من رااااااااااااااااااائعة و الأحلى تسلمين و الله و عسا الله لا يحرمنا من تواجدج العطر بينا و من عيوني أبتدي بالجزء الحادي عشر بس بالهون بالهون علي تحياتي .. ريماني الفوارس .. |
من جد جزء اكثر من رائع ...
مقاطع ابكتني ومقاطع ادخلت الفرح لي ... جزء رااااااائع تسلميييييين عليه .. ننتظر البقيه .. اختك :بلونه حمرا |
اقتباس:
الله يسلم غاليج و مغليج يالغالية أنتي الرائعة بمرورج الحلوووووووو لا تحرمينا من تواجدج دوووووووم تحياتي .. هدباء .. |
روووووووووووووووووووعهـ
هدباء يا قمر واللـــــه انك مبدعــــــــــــهـ بمعنى الكلمهـ ويسلموووو وفي انتظاااااااااااار الجزء الجديد |
والله الجزء اكثر من رائع
القصة كلها حلوة مش الجزء بس وانتضر في الباقي |
جناااااااااااااان البارت
حلو حلو حلو تسلميييييين يا الغلا ع البارت الرووووووووعه في إنتظار البارت الجديد |
مشكوووووووووووووووووره .................
على هل قصه الرااااااااااااااااائعه.......... مع تحياتي (عاشقة الامارات).......... |
اسلاام عليكم... تسلميــ خيتووووو"هدباء":010: ... قــــــــــــــصة وااااااااايد حلوة ... تستاااااهلين هديه:041: ... خخخخخخخخخخخخخخخخخخ:006: |
تسلمين على الجزء الرائع الي يحويه الفرح ..
والصراحة كل القصة جميلة وأحداثها شيقة .. وأحس اني عايشة مع الناس الي فيها .. الصراحة عرفتي تكتبينها.. سلمت أناملكي .. بس عندي لج طلب صغير:- أرجو انج تستعجلين في تكملة القصة ترا فيني حماس أعرف شو بيصير .. تقبلي مروري ... |
يسلموووووووووووووووووووووووووو الله الله هذا العهد فيكم و الله تفجأت لمن دخلت و لقيت الصفحة كلها ردود من بعد الجزء يسلموووو مرة ثانية و الله يعطيكم العافية و عسا الله لا يحرمني منكم و أنتو الأحلى و الأروع يالغاليات حبر اليل تسلمين لي و الله أنتي القمر كله soma تسلميييييييين و أنتي الأكثر من رائعة يالغالية حبر وردي و الله تواجدج كان يفرحني دووووم و تسلمين على تواجدج بينا دوم عاشقة الإمارات العفوووو و انتي الي مشكورة على تواجدج الحلو و المنور معانا "RoRo" يسلموووووووو تواجدج أهو أحلى هدية لي و أنتي الأروع يالغلا عصفورة الأقصى ما طلبتي شي يالغالية من عيوني بس بالهون بالهون علي كل شي بالراحة يكون حلووووو و يسلمووووووووووووووو تحياتي .. ريماني الفوارس .. |
Wo0o0o0o0o0o0o0o0o0o0o0o0o0o0o0o0o0W
ماشا الله القصة روووووووووووووووووووووووووعة * * * * * * معـ تحياتيـ : جرحـ الإبتسامة |
اقتباس:
يسلمووووووو على مرورج الحلووووووو و أنتي الأروع يالغلا تحياتي .. ريماني الفوارس .. |
هدبــــــــــــــــاء
قاصتنا المبدعه أهلا بكِ مجددا في هذا الجزء حدثت تطورات كثيرة وجمعت بين الحزن والفرح رائعه في الوصف وغي الحوار جمعتي بين الوافع والخيال وجعلتنا يتملكنا الشعور بحقيقه القصة وهذا ان دل دل على اتقانك للفن القصصي رائعه ياغاليه وبارك الله فيك ودمتي بحب مدينة الحب |
هدوب ......... ويسلمووو ياعمري على الجزء....... وشدي حيلك في الجزء اللي بعده نبغاه أحسن من هالجزء..... وقليله كلمة أبدعتي وخاصه في مشاعر ريم وجاسم..... |
اقتباس:
أهلاً بتواجدكِ المتجدد بين صفحاتي مدينة الحب لا أستطيع سوى أن أشكركِ على تواجدكِ الدائم بين أسطر و صفحات قصتي الأولة و كم أسعدني أنها قد حازت على أعجاب الجميع كم و كم حلمت أن تكون قصتي من يحوز عليها الأعجاب و كم و كم أبدعت بقلمي لانثر لكم كل أحاسيسي و أجعل ما أكتبه أهو المتميز دائماً و كم كان تواجدكم أجمل ما ألقاه بين صفحاتي دمتي لنا يا مدينة الحب و دام لنا تواجدكِ بيننا لا حرمنا هذا الأبداع المتألق بين صفحات المنتدى و مواضيعه المتميزة تحياتي .. ريماني الفوارس .. |
اقتباس:
هلااااااااا و الله فيج نورتي بمرورج الحلوووووووو الله يسلم غاليج و مغليج من عيوني أشد حيلي و رح أوعدكم أن شاء الله يكون الجزء الي بعده احلى بواايد لأني ناوية عليه من قبل و ان شاء الله رح يكون طويييل يعني رح تكون احداثه واااايد تسلمين و الله تحياتي .. ريماني الفوارس .. |
الله يخليج يهدوب ..
إنج ما طوليين علينا في الجزء الي بعديه .. ترى نحن على أبواب الإمتحانات ... شكرا .. آسفة على الإزعاج.. |
السلام عليكم
سلمت أيدين مبدعتنا الغاليه هدوووووووووووووووووووووب جزء جنان يلا الحمد الله على سلامت الغالي نويصر ما يشوف شر بس لا تطولي علينا أبغى أعرف شو حيصير بجسوم ورمرم يلا ناطرينك على أحر من الجمر وباليز لا تطولين أختك قمر |
اقتباس:
الله يسلم غاليج و مغليج يالغالية أنتي الأحلى بتواجدج معانا من عيوني هذي قبل هذي ما أطول عليكم بس ترى الجزء الحادي عشر وايد طويل يمكن رح أتأخر عليكم فيه بس لا تستعجلوني عشان يكون الجزء حلوووو تحياتي .. ريماني الفوارس .. |
امووووووووووووووووووووووت فيش هدوبا
مشكوررررررررررررررررررررررررررره قلبي الجز جنااااااااااان والله ما بقيتي تخلصي اختبارت اوكي يالله منتضرين الجز الي بعده تسلمين لنا يااحلى كاتبه في المنتدى |
قصه رااائعه بمعنى الكلمه والمفروووض يعطونك تميز عليها انا مرررررررهـ اندمجت معها مرهـ وان شاء اللهـ ننتظر منك تألف ثاني
تقبلي مروري كول على طول |
اقتباس:
نورتيييييييييييييييييييييي و الله و تسلمين و الله لي العفو ولو ما سوينا شي غير الواجب و بصراحة الامتحانات ماخذتني طول الوقت بس مب معناتها ناسية القصة بالعكس تراها اهي على بالي دوم و الله يسلم غاليج و مغليج يالغلا مرورج كان حلوووووووو بين صفحاتي لنا الشرف بتواجدج معانا و بينا تحياتي .. ريماني الفوارس .. |
اقتباس:
أنتي الرائعة يالغالية و نورتينا بتواجدج الحلووووووووووو معانا تسلميييييين على هذا المرور و الطلة الحلووة و الله يعطيج الف عافية و عسا الله لا يحرمنا من تواجدج دووم تحياتي .. ريماني الفوارس .. |
ريمـــــــــــــــان حبيبتي عجلي علينا شوي بلييييييييييييز
|
هدوووب مو كأنك تاخرتي شوي؟؟
الله خليك كمليها |
ريمان وينك تأخرتي كتير
مش شوي يلا عجلي حبيبتي |
يلااااا هدوووب الإمتحانات رح تبدأ
وبدي أقرأ الجزء قبل الأمتحانات |
| الساعة الآن 05:08 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.