|
مشكوره على البا رت روعة واتمناجود تلتقي بنتها آآآآآآآآآآآسفة على التأ خير مو بيدي الأختبارات او ان شاء الله كلنا نجيب علمات زينة |
واااو بارت رووعة حماس
يا رب ليان ترجع لأمها بانتظار البارت القادم |
الله :52yicz: |
لآزلنا فَ الآنتظظآر (ق)(ق)
|
مساك ورد ياحلوة المعذرة اخذني الشغل بقرا اللي فاتني واوعدك برد هنا
مع اني علي يقين بابداع كتابتك كالاجزاء السابقة |
ما زلنا بالانتظار ض1 ض1
أتمنى أن تكوني بخير ق1 ق1 |
ما زلنا ننتضر :hm: |
فروسه وينك؟؟ |
اقول فارسة القلوب تاتخرتي على البارت الجاي
احن ننتظر |
فرووسه ترآ نسييت نص الرواييه
يلآ عآآد ويينك ماصآت لك شهريين مانزللتي البآآرت |
السلام عليكم ورحمة الله
كيفكم ان شاء الله بخير مدري بصراحه وش اقول بس احب اشكر كل اللي تابعوا الروايه واستمروا رغم انقطاعها انا فارسه عضويتي الاولى راحت علي وسجلت بعضويه ثانيه ايميلي انسرق وانا دايم ما امسح الرسايل نهائيا فاتوقع اللي سرق ايميلي غير كلمة المرور لان عضويتي بثلاث منتديات ضاعت من ضمنها هالمنتدى ادري تأخرت مره بس بهالاجازه سافرنا وبرمضان سافرنا وغير كذا العضويه انسرقت عشان كذا تلخبطت كثير وحاولت كذا مره ادخل بس يطلع كلمة المرور غلط لما عرفت صديقتي امس قالت سجلي مره ثانيه بالمنتدى بصراحه كانت الفكره هذي غايبه عن بالي اتمنى اللي يتابعوني مايزعلون علي لاني بصراحه حاسه اني طولت كثير عليكم بس ماكان في يديني شي قالت لي اختي ارجعي نزلي الروايه بمنتدى ثاني لاني بصراحه تحطمت لما ماقدرت ادخل بس رفضت اني انزلها بمنتدى ثاني قبل ماتكتمل هنا لان لكم الفضل بعد الله في استمراري فيها بتشجيعكم لي ارجع واعتذر مره ثانيه على تأخيري في تنزيل البارت لاني بصراحه خجلانه من كل اللي تابعوني حقكم علي وان شاءالله ينزل كل بارت بوقته وتقبلوا تحياتي |
وهذا هو البارت اتمنى لكم متابعه ممتعه
(الجزء الثاني والعشرون ) إحساس بالغربة وضيقة خُلق واطْياف انتظار =مرّت وجيه وكنها ما هي وجيهمناسبة يومي يمر وكني ادخل من حصار ليا حصار =اصعب مراحل وقتي اني خاسر الليكاسبه يا كثر ما ترسل يميني غيض لاطراف اليسار =والوقت من زود انشغالي فاقدالإحساس به احاول انزف للفضا دمعة و يشربها نهار =يشرق على قلبي سعادة باعتباريحاسبه ما مَرّ وقت إلا أقاوم والبس ثياب الوقار =حتى ولو في داخلي ثورة مشاعرراسبه صوتٍ على بعد المدى نادى يفجّرني شرار =يابعد ذاك الصوت لكن مااستفاض الياسبه وايضا وجيه تزورني ترقب شموخ الانكسار =كان انكساري مثل عيد يسولفون الناسبه لا صارت الغربة مشاعر تستثير الاحتيار =كيف اليدين تصير للآلام آلهحاسبه ياوقتي اللي كلما طال السهر فيه… استدار =مرة نجاح و تسعة و تسعين مرة... راسبه طيب..وش اللي ما بعد يا قاسي الأيام صار =يمكن ضروفي ما هي وهذا الزمنمتناسبه إحساس بالغربة وضيقة خلق واطياف انتظار =ووجيه مرت بعدها ..تقبل وجيهمناسبه في لندن قررت هند ونورا انهم ينزلون للسوق راحوا على سيارة هند تمشوا وماخلوا محل الا ودخلوه ولاخلوا شي في انفسهم هند : نورا شوفي هالفستان وش رايك فيه نورا : واااو يجنن بتاخذينه هند : لا وش رايك اخذه لجود نورا : من جدك انتي جود ماهيب طايقتنا بالاساس تبينها تاخذه هند : ماعليك بتشووفين وش اسوي نورا : على راحتك هند : تعالي ابي ادور عليه بوت نورا : شوفي هذا حلو هند : ايوه لونه مناسب اوك يالله مشينا راحوا وحاسبوا عليهم وطلعوا خلصوا غراضهم وطلعوا من السوق هند : ترى بنمر شقة جود نورا : اوك بس انا ماراح انزل هند : مومشكله راحوا لشقة جود نزلت هند دقايق الا وهي راجعه نورا باستغراب : رجعتي بهالسرعه هند : خلاص اهم شي سلمت اللبس نورا : قابلتي جود هند : لا نورا باستغراب : اجل من سلمتيه له هند: عطيته وحده بالشقه اللي جمبها وقلتلها تسلمه لها اذا رجعت لانها ماهيب في الشقه نورا : اها يالله عاد خلينا نرجع للشقه حدي تعبانه وابي انام عند جود رجعت للشقه بعد ماتعبت من الفراره تحس بوحده من بعد ماكانوا البنات مالين وقتها قررت تدور على عمل بس مالقت شي لما جات بتدخل تونيا _لبنانيه_ : لو سمحت جود : احم اهلا تونيا : تفضل جود_ياليل هذي وش تبي بعد لايكون معجبه _>>> عايشه الدور ناظرت للصندوق اللي كان مغلف : ايش هذا تونيا : مدري فيه بنت جات وسلمته لي وقالت اذا جا صاحب هالشقه سلميه له جود: اها مشكوره خذت الصندوق ودخلت وهي كلها فضول تبي تشوف وش فيه فتحت الصندوق ولقت بطاقه مكتوب فيها =========== تبغاني ابتعد عنك وأنساك عطني مثل قلبك وأسوي سواتك =========== اعجبنا هالفستان بس ماراح يناسبنا اكثر منك تقطعينه بالعافيه حياتي خواتك : هند ونورا ................ نزلت دموعها وهي تقرا المكتوب اشتاقت لهم طلعت الفستان وكان قصير لحد الركبه لونه بني وفوقه بالطو بيج فيه حزام بني محروق وتبعه شنطه وبوت بنفس لون الحزام راحت وخذت لها شاور بعد التعب طلعت ولبست الفستان وكان شكله رهيب عليها خذت شال بني ولفته على شعرها ناظرت نفسها بالمرايه لمتى بابقى كذا لمتى اهرب من الواقع ليش اعذب نفسي واعذب اخوي وابوي في قبورهم يمكن راحه لهم انهم ماتوا وخلوا هالدنيا اللي مافيها الا الهم والغم نزلت دموعها ليش ادور الحزن بكل مكان ليش اترك الحاظر واتمسك بالماضي ليش انا سلبيه دايم عشت نصف حياتي وانا بغربه تعلمت الكثير واكثر شي تعلمته ماكل شي يبقى على حاله وكل شي بهالدنيا فاني ومصيره للهلاك ليش مالتفت للناس اللي احبهم الا بعد فوات الاوان ليش اضيع كل فرصة فرح بحياتي انسدحت على سريرها وهي تفكر وش تسوي بكره لازم ترضى بالواقع وتبدا حياتها من جديد ونامت وهي غرقانه بافكارها اللي مالها نهايه ولا لها بدايه عند فارس وصل لندن وهو متحمس لاخر حد على طول خذا له تاكسي وتوجه لشركة ناصر نزل عند الشركه وراح وجلس على رصيف مقابل بوابة الشركه مباشره جلس مركز على الداخل والخارج وهو يتمنى يشوف الشخص اللي حفظ ملامحه من كثر ماهو شاف صورته بالجوال 7 7 7 7 7 ناظر بساعته وهو يتأفف بطفش متى بيطلع هذا له ساعه ونصف تقريبا وهو ماطلع حس بتعب :شكلي بروح انام وارتاح ولاحق عليه راح وهو حده تعبان يبيله بعد يشوف له فندق لانه ماحجز شي في الشركه كان قاعد يفكر ياربي وين هذي راحت معقوله تكون طلعت من لندن نفسي ادري وصلها خبر وفاة جواد ولا لا رن جواله رد: الو ليان : بابا وينك خلاص طفشت ابي اروح لمدينة الالعاب ناصر : حبيبتي ليان خلاص قلتلك بالليل نروح ان شاء الله انا الحين عندي شغل ليان : بس انا طفشانه ناصر : روحي اجلسي عند التلفزيون بالليل اوعدك راح اطلعك ليان بزعل : بس مليت من التلفزيون ناصر : خلاص بشوف لك احمد اذا كان فاضي ليان : بس قاطعها ناصر : ليان حبيبتي انا مشغول الحين مع السلامه بشوف لك احمد سكر الجوال وهو مرهق ذبحه التفكير وليان مو راحمته ومايقدر يرد لها طلب ثواني ورجع الجوال يدق رد بضيقه : ليان حبيبتي انا وش قلت انا الحين عندي شغل خلاص باتصل على احمد ولا انتظري لحد الليل واوديك انا للي تبين :.............. ناصر : الو ليونه :.......تدري وش اتمنى الحين ناصر باستغراب :انت :اتمنى اني في مكانك الحين وربي اخلي كل اشغالي واوديها للي تبي ناصر : هلا فهد وش اخبارك فهد بتنهيده : مانيب بخير ناصر : اذكر الله ياخوك وخل عنك وساوس الشيطان فهد : ناصر مليت عاد متى ترجع ليان ناصر : اصبر علي توني ماقدرت اقولها الحين فهد : متى ياناصر تعبت من الانتظار ناصر : انتظر وقت بس وهي اللي بتكلمك بنفسها فهد : اذا مو قادر تقولها انا بجي واقولها ناصر بسرعه : لالا يافهد ولاتفكر ابد انا بقولها وانت اجلس الشركه ماحد فيها غيرك فهد : مستعد اترك الدنيا كلها بس ترجع لي ليان ناصر تو عرفت قيمتها والله فقدتها تكفى لاتتأخر قول لها ياناصر اخاف يصيرلي شي وانا ماعوضتها ناصر : اسم الله عليك ابد ولايهمك بقولها بس اصبر علي وقت فهد : ناصر مو قادر اصبر والله كل يوم اتحلم فيها ووصية جواد معذبتني تعبت ياناصر ناصر : فهد صبرت كل ذا السنين ماتقدر تصبر شهر او شهرين فهد بصدمه : شهر او شهرين للهدرجه صعب عليك تخبرها ناصر : فهد حس فيني خايف عليها والله خلها الحين تستانس من زمان نفسها تجي لبريطانيا فهد : ابي اسمع صوتها خلها تكلمني ناصر : وش تبيني اقولها اقول ابوك يبي يكلمك صعبه يافهد فهد بضيقه : ناصر لاتقفلها بوجهي ترى وربي اترك كل شي واجيك واللي يصير يصير ناصر : لا خلاص بقولها صديقي ولا دكتورك يبي يتطمن عليك بس لاتخبرها ابد بالحقيقه فهد : ماعليه بس ابي اسمع اليوم صوتها ناصر : طيب اوعدني انك ماتخبرها فهد : ليش ياناصر وش اللي ببالك ليش مو راضي ترجع بنتي لي ناصر بربكه : فهد وش هالكلام الله يهداك انا قلت بس خلها لوقتها فهد بتنهيده : اوعدك ياناصر بس لاتتأخر ناصر : اوك اذا طلعت من الشركه بروح للبيت واخليها تكلمك فهد : اوك ناصر : توصي على شي عندي الحين اشغال ولاتحاتي بنتك بترجعلك بس في الوقت المناسب فهد : ابد سلامتك مع السلامه ناصر : مع السلامه في السعوديه راح للمكان على حسب الوصف كانت بين الرياض وبين القصيم دخل مع بوابة المزرعه اللي كانت مفتوحه وكان فيه طريق يوصل للبيت الشعبي اللي بوسطها كان بيت شعبي قديم مره راح ودق الباب دقايق وفتح الباب ولد صغير نزل لمستواه سامي : وش اخبارك يابطل الولد وهو يصافحه : الحمدلله بخير سامي : وين بابا الولد : ابوي داخل حياك تفضل سامي بتعجب من تصرف هالصغير وثقته بنفسه يتكلم وكأنه رجال : لا حبيبي نادلي ابوك ابيه الولد : يارجال حياك اقلط الوالد داخل سامي بابتسامه : انت وش اسمك الولد : انا اسمي محمد سامي : عاشت الاسامي انا اسمي سامي محمد : عاشت ايامك حياك اقلط دخل وهو يناظر بالبيت من داخل كان بيت متهالك وحالته حاله ياربي وش يبي في هالبيت مايصلح لشي ابد دخل المجلس ورحب به ابو محمد راعي البيت ابو محمد : محمد رح جب القهوه سامي : لاوالله انا جاي ابيك في موضوع وبروح عندي اشغال ابو محمد : ماعليه يارجال تقهوى وقل موضوعك سامي : لا والله كثر الله خيركم صدقني انا مستعجل ابومحمد : على راحتك وانا اخوك سامي : معك سامي تاجر اراضي بصراحه اعجبتني المزرعه والبيت وحبيت اشتريها حدد انت القيمه وانا جاهز ابو محمد : شف وانا اخوك لو انك جايني في شي ثاني كان لو تبي عيوني ماتغلى عليك بس في هذا اعذرني حنا مالنا غير هالبيت وما اقدر ابيعه سامي : لو تبي الملايين انا جاهز ابومحمد : والله كان نفسي اخدمك بس هذا البيت غالي ولا اقدر ابيعه اعذرني سامي : انت فكر بالموضوع وهذا رقمي وان شاءالله بيهديك ربي ابو محمد : حياك الله في أي وقت بس مثل ماقلتلك البيت هذا ما اقدر ابيعه سامي : باعطيك في المزرعه والبيت 5 ملايين ابو محمد : ماتقصر بس البيت مابي ابيعه سامي : انت فكر ثم ردلي لاتسرع انا الحين باروح عن اذنك ابو محمد : ماتشوف شر في لندن طلع من الشركه وراح للبيت وهو يحاتي وشلون بيخلي ليان تكلم فهد خايف لايتهور فهد ويخبرها بكل شي وصل البيت ودخل وكان باستقباله ليان اللي كانت طفشانه وودها تروح تتمشى ليان وهي تبوسه : اهلين بابا بليز بابا ابي اطلع طفشت جلسها ناصر بجمبه : ليان حبيبتي الليل نطلع اوك لاني تعبان الحين مره تبيني اتعب اكثر ليان بزعل : لا خلاص ناصر : ليونه تذكرين دكتورك اللي بالمستشفى ليان : أي دكتور ناصر : الدكتور اللي عالجك كلمني وهو يبي يكلمك يتطمن عليك ليان : متى ناصر : الحين اكلمه واخليه يكلمك اوك ليان : اوك اتصل على فهد وهو ماوده يتصل بس مايبيه يتهور رد فهد بلهفه : هلا ناصر : هلا فهد فهد : هلا وين ليان يالله خلها تكلمني ناصر : طيب ياخي انت دايم كذا مستعجل فهد : ياخي من يوم سكرت منك وانا كل شوي اناظر الجوال متى تتصل وتقول وش فيني مستعجل ناصر : طيب بس على الوعد فهد : اوك بس عطنيها ناصر : يالله ليان كلمي الدكتور ليان ببرائه : اسم الدكتور فهد كان قاعد يسمع سمع صوتها وهي تنطق اسمه هذي بنته اللي عمره ماتكلم معها عمره ماجلس معها صحيح يشوفها بس من بعيد لبعيد ليان : الو .... الو مو قادر يرد لسانه منربط مو عارف بالاساس وش يقول لها ليان : بابا تجمد كل شي حوله حس حتى قلبه وقف نبضه ليان : بابا مافيه احد ماحد يرد علي للحضه حس انها تقصده حس بطعم الابوه بصدق للحضه وقف قلبه من الخوف بس بنفس اللحضه حس بفرحه كان ينتظرها من زمان ناصر : ليان قولي الو ليان : قلت بس ماحد فيه ناصر : قولي مره ثانيه بيرد عليك كل هذا وهو قاعد يسمع شجع نفسه ورد فهد : الو ليان : الو ابتسم بحنان والعبره خانقته : كيفك ليان ليان بخجل : الحمدلله فهد : فيه شي يعورك ليان : لا فهد : طيب مرتاحه ومستانسه بلندن ليان : ايوه فهد : ناقصك شي ليان : لا حس بقهر يبيها تسولف يبيها تكلم وهي ترد بردود مختصره فهد بتهور : سولفيلي بابا قولي كل شي عنك كان ناصر حاطه على السبيكر وقاعد يسمع لما وصل لهالكلمه سحب الجوال وسكر السبيكر ناصر : هلا دكتور فهد بغضب : ليش خذيت الجوال ناصر : اوك انت وعدتني فهد بضيقه : وعدتك اني ماخبرها بس ماقدرت امسك نفسي طلعت هالكلمه غصب عني وبعدين ماتوقع هالكلمه بتثر فيها ناصر : طيب توصي على شي فهد بسرعه : عطني ليان مابعد خلصت ابي اتطمن عليها ناصر : ليان بخير ولله الحمد لاتخاف عليها فهد بصوت عالي : ناصر عطني ليان بتكلم معها ناصر : ليان راحت لامي ماهيب عندي الحين وبعدين الحين بنطلع بروح امشيها وعدتها اني اطلعها فهد بخيبه : طيب توني ماسمحت من سوالفها ناصر : لاحق يافهد لاحق سكر فهد الجوال لانه مو قادر يتحمل يحس الحزن والهم والضيقه كاتمين انفاسه رمى جواله بضيقه بعد ماسكر فهد في وجهه باين ان فهد ماعاد فيه صبر لازم يلقى جود باقرب وقت قبل مايضيع عليه الوقت v v v v |
ليان : بابا بتطلعني الحين
ناصر : لا انا قلت لك بالليل ليان : بس انت قلت للدكتور انك بتطلعني الحين ناصر : لاحبيبتي ابيه يسكر عشان اروح انام عشان اقدر اطلعك بالليل بهالوقت دخل احمد : سلام يالحبايب ناصر : وعليكم السلام وينك فيه من الصبح هايت احمد : الله يسامحك انا هايت توني طالع من غثى الجامعه ناصر وهو قايم : الله يعينك احمد : وين رايح ناصر : بروح انام تعبت من الصباح وانا في الشركه والليل باطلع بليان احمد : تغديت ناصر : ايه الحمدلله تغديت بالشركه احمد : خلاص روح نام نوم العوافي راح ناصر واحمد قعد يسولف مع ليان ليان : احمد انت بتروح معانا صح احمد : وين له ليان : للملاهي احمد : اوك ماعندي مانع ليان بفرحه وهي تناقز : واااااااو واخيرا بروح اتمشى احمد بضحكه : لهالدرجه فرحانه عشانك بتطلعين للملاهي ليان : ايه بابا ماطلعني كله في شغله احمد : طيب هو مشغول انا اطلعك كل مابغيتي ليان : لاهو قالي بطلعك لما نوصل على طول وما وفى بوعده حتى قال للدكتور من شوي الحين بنطلع لما قلتله يالله خلنا نطلع قال نطلع في الليل انا قلت للدكتور كذا عشان يسكر بس احمد باستغراب : أي دكتور ليان : دكتوري اللي عالجني كلمني حتى وسلم علي احمد يجاريها : والله وش قالك ليان : قالي يعورك شي مستانسه في لندن وناقصك شي بعدين لما قال لي يالله بابا سولفي علي خذا بابا الجوال احمد بشك : ليش خذا الجوال ماخلاك تسولفين ليان : مدري بابا مايبيني اسولف حتى انا مستحيه احمد : ليش مستحيه من دكتورك ليان : ايوه مستحيه مابي اتكلم حتى لما كلمته في البدايه مارضى يتكلم على طول مدري وش فيه هالدكتور ماعجبني احمد :ههههههههههههههههههههه ليش ماعجبك ليان : كذا احمد : يالله مو مشكله انا بروح انام عشان اروح معاكم بالليل ليان بطفش : اووووووووه كلكم بتنامون احمد بضحكه : ليش ماتبينا ننام ليان : لا انا طفشانه وانتم تنامون احمد : خذي اللاب حقي واجلسي عالنت لين يجي الليل ليان : والله احمد : ايه بس لاتخربينه تراني اعرفك ملقوفه لو لقيتك ماسحه شي و لامخربه شي مارحنا للملاهي بالليل ليان : لا بس بجلس العب احمد : اوك خذيه في الرياض دخل الشقه وهو هلكان طول اليوم وهو يشتغل راح لابو محمد وطلب المزرعه والبيت ورفض بس بيروح له مره ثانيه وراح لبيت فهد وحط نفسه انه مضيع وانه مو من اهل السعوديه وطلب يوصف له طريق الشرقيه صحيح انه كان طلب غبي جاي في وسط حي سكني ويطلب منه يوصفه طريق الشرقيه بس مالقاله عذر عشان يتكلم معه الا هاذا حتى قال انا سامي لما صافحه بس هو ماطراه يعرف بنفسه حس انه واحد كريه وانه مستحيل يتحمل ولو دقيقه يصير صديقه ويسحب منه أي معلومه بس هو جايبه جايبه لو حتى عن طريق زوجته راح ورمى نفسه على السرير وهو هلكان من التعب غط بالنوم وهو يفكر وشلون يوصل لفهد في لندن كانت نورا تكلم اهلها نورا بعصبيه : اسمعيني فاتن انا قلتلج اعرف وشلون اتصرف معه بس شنو هالسلبيه اللي عندج حقج ماتعرفين تاخذينه فاتن حبيبتي اللي يتكلم عليج ردي عليه بدال الكلمه عشر ولاتهتمين في احد مادام هم ماقدروج لاتلعبين دور الطيبه ترى مايضيع في هالزمن الا الطيب فاتن : نورا تعرفيني ماعرف ارد اخاف من عمي نورا بصراخ : ليش تخافين خايفه من منو من عمج هاللي ماعنده سالفه فاتن : بعدين جاسم عمره مارفع صوته علي ودايم حاشمني ودايم يعتذر عن كلام خواته وامه مابي ارفع صوتي على عمي قدامه وقدام فاطمه هم مايستاهلون نورا : طيب قوليلي وبكل صراحه فاتن : اقول شنو نورا : انتي تحبين جاسم فاتن :...... نورا : اها يعني تحبينه فاتن : لاتيبين شي من خيالج انا ماحبه بس احترمه نورا : طيب لو يخطبج من دون تدخل ابوه بتوافقين فاتن :لا نورا : ليش فاتن : عمي وامه وخواته مايحبوني نورا : قلتلج من دون تدخل امه وابوه وخواته فاتن : ............ نورا : يعني موافقه فاتن : انتي لاتكونين قاعده تخطبين حقه نورا : لا بس استفسر فاتن: خليج من هالسالفه ووقفي عمي عند حده مايقدر عليه الا انتي بعد الله نورا : اوك خلي عمي علي توصين على شي بعد فاتن : ابد سلامتج نورا : الله يسلمج يالله في امان الرحمن فاتن : مع السلامه سكرت من اختها واتصلت مباشره على عمها ويالله رد ابوجاسم: الو نورا:السلام عليكم ابو جاسم : وعليكم السلام منو معاي نورا : معك نورا بنت جاسم بن سالم ابوجاسم باستهزاء : والله حسبالي جاسم بن سالم بنفسه نورا : كيفك عمي ابو جاسم : بخير وش عندك خلصيني اذا تطلبين فلوس ماعندي نورا : اذا على الفلوس مايحتاي عندي يكفيني ويكفي اهلي والله لا يحدني على احد بس بغيتك في موضوع ابوجاسم : وش عندج خلصيني نورا : عمي تعرف واحد اسمه سليمان الحمد ابوجاسم بصدمه : ايش نورا : سليمان الحمد ابو جاسم : لا ماعرفه منو هذا نورا : هذا واحد متعاقد مع شركة الخيال وله جزء من ارباح الشركه مدري عاد هذي شركتك ولا شركه ثانيه لها نفس الاسم ابو جاسم : طيب المطلوب مني نورا : لا بس حبيت استفسر ترى انت عمي ويهمني امرك تعرف عاد سليمان هذا تجارته كلها حرام بحرام وسمعته دمار واخاف عليك منه ابوجاسم بعصبيه : مومحتاج لخوفك ومره ثانيه لابغيتي تمسكين علي شي تثبتي من التهمه قبل ماتطلقينها نورا ببرود : اسمعني يابو جاسم انا حشمتك بما فيه الكفايه وكله عشان ابوي ولا انت ماتستحق انا عارفه كل شي وللاسف معي الدليل اللي يثبت كل شي ان ابعدت عن اهلي ولا عرفت كيف اتصرف معك ابوجاسم بصدمه : انتي قاعده تهدديني الحين نورا : افهمها مثل ماتبي بس صدقني انا جاده في كلامي واعتقد انت اكثر واحد عارفني بهالنقطه ابعد عن اهلي وجاسم متى مايبى فاتن يجيني هو بنفسه مايحتاي تكون انت الواسطه يالله عن اذنك عندي اشغال سكرت وهي مرتاحه على اهلها لانها تعرف عمها جبان وماعنده الا هالشركه وفروعها اكيد بيخاف مايبي يخسرها بجهه ثانيه من لندن لبست الفستان نفسه اللي ارسلوه البنات لها لبست حجاب وتلثمت بالشال اللي مع الفستان طلعت وهي مرتاحه حتى لو شافها احمد واللي معاه ماراح يعرفونها قررت انها تروح تتعشى بنفس المطعم اللي كانت تشتغل فيه بنفس الوقت قرر ناصر يطلع ليان وامه ويروح معهم احمد يتعشون بالمطعم اللي كان يشتغل فيه احمد بعدها يطلعون للملاهي طلعو مع غروب الشمس للمطعم خذت لها تاكسي وراحت للمطعم بعدين فكرت انها تروح للبنات وتعتذر منهم وتجلس معهم احسن اذا راحت للمطعم بتبقى لحالها اعتذرت للتاكسي وخلته يرجع ويوصلها لشقة البنات وصلت الشقه حاسبت التاكسي ونزلت وهي خايفه يردونها البنات دقت باب الشقه بس مافيه رد دقت الجرس ونفس الشي مافيه رد اتصلت على هند هند وبصوت عالي : الو حست انها بمكان عام لما سمعت الازعاج فماحبت تقطع عليهم جوهم جود : معليش دقيت بالغلط سكرت الجوال ورجعت المشكله التاكسي راح لو راحت من البدايه للمطعم وريحت راسها راحت مشي لين طلعت من المنطقه السكنيه وقفت عالشارع لين جا تاكسي ووصفته المطعم ............ النهايه ....... انتظروا الاحداث اللي راح تغير مسار الروايه في البارت القادم يوم الجمعه ان شاءالله |
فــاآآآرســه :ها::ها: معقوووول ؟ :Emoticons-plus.com:Emoticons-plus.com عوووودآآآآ حميييييدآآآ ق1ق1 اهم شي انتي بخير ق1ق1 بصراحه فقدت الآمل :××: بس الحمدلله :hm: نرررررررجع للروايه بلييييييييز فارسه خلي فهد وليان وجوود يجتمعوووون حزنت ع فهد :cray::cray: يللللللا بانتظارك :sg.15::sg.15::sg.15: |
ياهلا فيك روفيتا
مشكوره حياتي انا تمام ادري والله طولت بس ان شاءالله ماتتكرر في البارت الجاي ان شاءالله راح تتغير الاحداث انتظروني ......... |
وعليكم السلام ورحمة الله وبركاته ، |
^
فر و و و و و و و و و و و و و و و و و و و و و و و و و و و و و و و و و و و و و و سه :"(::"(::"(::"(::"(:ق1 مَ انسى لمَ قلتِ بكمل الروآيه يوم الآحد أو الآثنين . . وجيت من أخر أختبآر لي مبسووووطه ؛ وكلي أمل أعرف وش يصير و تخلص الروآيه في الآجآزه :s3: ! والحين ؛ صآحبآتي كل مَ قآلولي تتآبعين روآيآت ؟ أقولهم . . لآ :boxed: ! وربي كنت حدي متضآيقه أبي أخلص هذي بعدين أقرأ غيرهآ ض1 ؛ مع ذلك كنت متأكده إنك بَ ترجعين أيآم المدرسه :هق: و الحمد لله ع السلآمه ق1ق1ق1ق1ق1ق1ق1ق1ق1ق1ق1ق1 فرحت برجعتكِ والله :هيا: نرجع للروآيه . . ض1ض1ق1 سآمي هذآ مَ أعرفه @_@ ! ومدري أصلاً مين هو @_@ !! . . برجع أقرأ الآجزآء الظآهر إني نسيته :××: . . فهد :#: ! يَ رب مَ يشوف ليآن و لآ يكلمهآ و لآ تدري أصلاً عن القصه !!! مسوي طيب و بريء ؛ مع نفسه ض1ض1ق1 . . نآصصصر . . أول مَ قريت أسمه مدري مييين @_@ !! بعدين عرررررفتتته :ewqqq: . . إن شآء الله يقآبل ججود ؛ ليوووونه :هق: . . وهه ؛ إن شآء الله تقآبل أمهآ . . ولآ تعرف جود إن هذي بنتتهآ ق1ق1ق1ق1ق1ق1 المهمممم ض1ق1ق1ق1 . . إنهم يتقآبلون ض1 . . أحمد . . @_@ ! - فروسسسه كملي ق1ق1ق1ق1ق1ق1ق1 متحمسين أقوآآآ شيء ض1 |
فستان السماء
سوسو ياهلا فيكم حبايبي اعذروني فديتكم على التأخير بس ماكان في يديني شي واقتراح صديقتي جا متأخر يسعدني انكم تستمرون معاي الله لايحرمني منكم ان شاء الله ماتشوفون الا اللي يرضيكم بس حرام احس انكم حاقدين على فهد والله رحمته سوسو حياتي سامي هو صديق محمد اللي يحاول يساعد جود ارسله محمد للسعوديه عشان يشتري البيت والمزرعه ويدور على ليان اذا كنتي تذكرين بالنسبه لبارت الجمعه ان شاءالله ينزل بوقته انتظروني .... |
فروسة
هلا اخبارك :همف: اشتقنالك مرة :9daf6d8b8708a209c3d والبارت مرة روعة(ق)(ق) او ننتضر البارت الجاي :sg.13: |
يلللللللا فروووسه |
انين طفله ياهلا فيك
اشتاقت لك العافيه حياتي روفيتا الحين انزل البارت |
( الجزء الثالث والعشرون )
عرفت أبكي من الفرحه عرفت أضحك من الأحزان عرفت ان الدموع أرحم وأصدق من يواسيني عرفت ان الوهم دربي ولا به من يقدرني عرفت ان الزمن خوان عرفت ان العيون اللي بكت لي أمس جت اليوم تبكيني!! في الرياض نوره : طيب بيعها وش تبي فيها خمس ملايين مو قليله متعب : من جدك انتي مستحيل اطلع من بيتنا ومزرعتنا اللي عشت فيها طول حياتي نوره : بس خمس ملاييين بتعوضك كل شي متعب : امي تحب هالمكان مستحيل ابيعه نوره : على راحتك بس صدقني هذي فرصه جتك من ربي متعب : اللي ربي كاتبه بيصير في لندن عند البنات سكرت الجوال وهي مستغربه نورا : منو هند : تخيلي جود متصله علي نورا : شنو تبي هند : مدري لما قلت الو على طول قالت غلطانه وسكرت الجوال ماعطتني فرصه نورا : يمكن صج غلطانه هند : مدري بس حتى اذا كانت غلطانه هذا يعني انها للحين تفكر فينا وارقامنا للحين عندها لازم نستغل الفرصه نورا : شنو نسوي يعني هند : مدري بس بكره بروح لها واللي يصير يصير نورا : اوك نجرب شنو ورانا في المطعم دخلو وجلسوا على طاوله قريبه من الباب طلبوا عشاء وقعدوا يتعشون وكل واحد يسبح في افكاره الخاصه احمد "معقوله جواد يكون نفسه هو اللي مات لو مو هو وينه طيب " ناصر " ياربي وينهاهالجود معقوله طلعت من لندن ولا يمكن درت باخوها وصار فيها شي او سوت بنفسها شي " ليان "تفكيرها محصور بالملاهي ومتى بتروح لها " الجده ام ناصر " تفكيرها محصور بالسعوديه وشوقها لها ومتى بترجع من الغربه " بهاللحضه دخلت جود وكانت صدمتها لما شافت احمد وناصر على طول رجعت وطلعت من المطعم وقفت بذهول وخوف بعدين استوعبت انها متحجبه وماراح يعرفونها وهذي فرصتها عشان تعرف منهم هذولاء ووش عرفهم بجواد راحت وجلست على طاوله وراهم طلبت لها طلب بسيط لانها مو مشتهيه شي بس ماتبيهم يحسون فيها خصوصا ان مافيه خليجيات كثير بالمطعم في هذا الوقت على طاولتهم ليان : بابا يالله خلاص كلينا خلنا نروح للملاهي احمد : لا مافيه خلينا ناكل تونا يابنت انتي ليش مستعجله التفت ناصر على امه : يمه انتي مرتاحه هنا امه : ايه يمك مرتاحه ماعليك مني بس ليان تبي الملاهي دق قلبها بعنف وهي تسمع الاسم معقوله احمد عنده بنت واسمها ليان بس هو ماخبرني ولا قالي شي " افهمت السالفه غلط لان احمد رد على ليان لما كلمت ناصر " تعلقت عيونها بليان وعيونها غرقانه بالدموع يعني بنتي يمكن الحين بعمرها ومثل برائتها الحين صارت تتابع ليان وتتابع ملامحها وتعابير وجهها ليان : يالله عاد ابي الملاهي ناصر : يالله انا خلصت احمد : وانا ام ناصر : انا مخلصه من زمان يالله خلونا نمشي قامو وطلعو من المطعم بعد ماحاسب احمد اللي حلف ان الحساب يكون عليه حاسبت وطلعت وراهم خذت لها تاكسي وتبعت سيارتهم لحد ماوصلو الملاهي نزلت وراهم وراحت تتابع ليان من وين ماتروح وكانت امنيتها ان ناصر يفارقها لو دقيقه بس لازق فيها ماخلاها ولا ثانيه حتى انه ماجلس مع احمد وامه بس يتابعها اما ليان ماخلت ولا لعبه الا ولعبت عليها وهي حدها فرحانه كانت واقفه وراه وتسمع سوالفه مع ليان ناصر : ليونه مين تحبين بابا ولا احمد ليان : انا احبك اكثر لانك بابا واحب احمد لانه صديقي " يعني ليان ماهيب بنت احمد بنت ناصر طيب منهو هذا ناصر ووش عرفه باخوي جوادالله يرحمه " ناصر : طيب بابا انتي قلتي لاحمد عن دكتورك فهد ليان : ايوه قلتله وقلت انه ماعجبني ناصر : ايه قالي ليش ماعجبك فهد ليان : كذا ماعجبني يالله بابا خلنا نروح نلعب بعد جود " فهد؟؟؟؟ وش هالصدف العجيبه بس اللي اعرفه ان فهد مو دكتور مستحيل يقصد فهد ولد عمي " كان مع ناصر بيبسي لليان مسكها مع يدها ومشى معها جا بيعدل جاكيتها بيده اللي ماسك فيها البيبسي وانكب على ملابسها شي بسيط ليان : يووووووه بابا وسخت ملابسي ناصر وهو كاتم ضحكته : انا اسف بابا ماكان قصدي تعالي نروح لدورة المياه تغسلينه كانت ليان لابسه سكيني اسود وجاكيت صوف فوشي لين الفخذ وجزمه فوشيه خذا ليان ووداها لدورات المياه حقت النساء ناصر : يالله بابا ادخلي وغسلي ملابسك هذي دورات نساء ما اقدر ادخل ليان : بابا ماعرف عادي ادخل ماعليك منهم ناصر : لا بابا مايصير ادخلي وغسلي ملابسك انتي خلاص كبيره اعتمدي على نفسك ليان بزعل : بس انت اللي كبيته على ملابسي مو انا ناصر بابتسامه : ماعليه يالله روحي اذا ماعرفتي اجيك انا كانت تسمع كلامهم كله وكانت فرحتها ماتوصف لانها بتختلي بليان لما دخلت ليان دخلت وراها راحت ليان وفتحت المويه وحطت في يدها مويه وصارت تمسح ملابسها جات جود : وش تسوين ياحلوه ليان :......... جود : كذا بيجي في ملابسك مويه وحنا برد وبتمرضين ليان :......... جود : وين بابا ليان : برا جود : طيب ماما ليان :...... جود : حبيبتي خلي ماما تنظفه هي اللي بتعرف ليان : ماما مو هنا جود: اجل وينها ليان : مدري قرصها قلبها : وشلون ماتدرين ماجات معاكم لندن ليان : لا ماما بابا طلقها وانا صغيره ولا اعرف شكلها حتى جود وهي ترجف : طيب اغسله لك ليان : انتي وين امك جود : انا امي في البيت خليني اساعدك حبيبتي ليان : لا انا اعرف جود : ادري انك تعرفين بس عشان مايجي مويه كثير في ملابسك ليان : اوك جود : طيب تقدرين تفسخين هالجاكيت عشان اغسله كويس ليان : لا مابي اغسله كله برد جود : ادري حبيبتي اقصد عشان اعرف اغسل الوصخ بس وماتجي المويه على الجاكيت كله ليان : بس انا مالبست من تحته الا بدي جود "وهذا المطلوب " : عادي حبيبتي لاتستحين انا مثل اختك ليان : بس انا ماعندي اخت جود : اوك مثل امك ليان : اوك _ فسخت الجاكيت وعطته جود اللي تجمدت بمكانها وهي متأكده ان اللي قدامها بنتها ناظرت للشامه اللي بكتفها ليان كان في كتفها شامه كبيره من كانت صغيره جود وهي مخنوقه : انتي من وين ليان : من الرياض جود : طيب وش اسمك ليان : انا اسمي ليان ناصر وانتي وش اسمك جود : انا اسمي غاده ليان : حلو اسمك جود : انتي احلى حبيبتي غسلت جاكيتها زين بعدين لبستها اياه وضمتها بقوه وهي تتمنى لو تدخلها داخل صدرها وتخبيها عن العالم ليان : مشكوره جود : العفو حبيبتي انا احبك مثل بنتي ليان : انتي عندك بنت جود: ايوه عندي بنت تشبهك مره وفي عمرك وحلوه مثلك ليان : طيب وينها ابي العب معها جود : لا انا ماجبتها معاي مره ثانيه ان شاءالله انتي مين جاي معاك ليان : جدتي وبابا واحمد صديقي جود بابتسامه : صديقك وش كبره ليان وهي تمد لسانها :كبير كبر بابا جود : طيب كيف يصير صديقك ليان : لاني احبه عشانه دايم يلعبني ويجيبلي اللي ابي جود : طيب تروحين معاي لان بنتي تعبانه وهي بالشقه الحين تبي احد يلعب معاها ليان بخوف : لا بروح لبابا ينتظرني عند الباب جود : ليان حبيبتي لاتخافين برجعك لبابا بس تشوفين بنتي ونرجع ليان : لا مابي خلاص بروح جات بتروح مسكتها جود جود بيأس : طيب لحضه خلينا نسولف ليان بخوف : مابي بابا ينتظرني جود : طيب خلاص بنجلس هنا لاتخافين بس سولفي علي ليان : مابي اسولف ابي اروح العب جود" ياربي انا لازم اخذها الحين لو طلعت من هنا بتروح مع ناصر ولا راح اقدر اخذها لازم اتصرف " جود: ليونه قلبي انتي خايفه ليان : لا انا ما اخاف من احد وبابا هنا جود : طيب انتي تحبين بابا ليان : ايوه كثييييييييير جود : وماما تحبينها ليان : ........ جود : ها ليونه تحبين ماما ليان : لا ما احبها لانها تركتني جود بصدمه : بس هي ماتركتك ليان : الا حتى لو اموت ماراح تدري عني _ للحين كلام صديقتها في بالها _ جود بصدمه : ايش سحبت ليان يدينها من جود وراحت تركض لناصر وهي خايفه صحيح انها حبتها بس خافت لما قالت نروح للشقه لان جدتها دايم تحذرها من الحراميه واكيد هذي من الحراميه جلست على الارض ضمت نفسها وقعدت تبكي هذي هي بنتها قدامها بعد هالسنين بس وشلون تاخذها وشلون تثبت للكل انها بنتها خذا ناصر ليان : ماشاءالله شفتي صرتي كبيره وتعرفين تغسلين ملابسك ليان : لا مو انا اللي غسلته غاده غسلته ناصر : منهي غاده ليان : وحده في الحمامات ناصر بابتسامه : اهم شي انك غسلتيه وبس يالله نروح لامي واحمد وبمكان ثاني من الرياض كان قاعد يراقب البيت صار له وقت يراقب البيت يبي يعرف نظام هالانسان المتقلب بس الظاهر ان مافيه فايده شكله بيدخل عليه من مدخل ثاني بس خله يخلص من مشكلته الثانيه راح لمزرعة متعب لعله يكون رضى ويبيعه البيت والمزرعه عشان على الاقل يتفرغ لهالفهد اتصل على محمد في طريقه سامي : الو محمد : الو هلا سامي سامي : كيفك وكيف الشباب محمد : كلنا تمام بشرني عنك وكيف الاوضاع عندك سامي : الحمدلله بس الاوضاع معقده شوي على فكره ابو محمد شكله مو راضي يبيعها رحت له مرتين ورفض محمد : وفهد وش اخباره سامي : فهد مافيه حيله بس خله علي اعرف اتصرف معاه انت قلي الحين وش اسوي مع ابو محمد محمد : تقصد متعب زد الفلوس سامي : انت تعرفه محمد : ايه اعرفه من زمان لما كنا صغار عالعموم زد الفلوس لين يرضى سامي : اوك بحاول والله يعيني انا الحين داخل عالمزرعه توصيني شي محمد : ابد سلامتك بس شد حيلك سامي : لاتوصي حريص يالله مع السلامه محمد : مع السلامه دخل واستقبله متعب متعب : هلا حياك سامي وهو يصافحه : الله يحييك كيف الحال متعب : الحمد لله كيف احوالك انت سامي : والله تمام بس انتظر موافقتك متعب : تقهوا الحين ويصير خير سامي : يعني فيه امل ان شاءالله متعب وهو يمد فنجال القهوه : تقهوا سامي : تسلم متعب : الله يسلمك الا ماقلتلي وش تبي في المزرعه والبيت اذا خذيتها سامي : اعجبني مكانها وبرمم البيت متعب : يعني مانتب هادم البيت سامي : والله عاد انا بشوف بس اتوقع اني ماراح اهدمه متعب : انا بصراحه مستغرب اصرارك عليها مع اني قلت مافيه امل ابيعها سامي : لا ان شاء الله ربي بيهديك وبتبيعها وانت اطلب وانا حاظر القيمه انت اللي تحددها متعب : السالفه ماهيب سالفة فلوس بس هالبيت له غلا عندنا كلنا لاننا ولدنا فيه وكبرنا فيه فصعب علي ابيعه سامي : لك 7 ملايين وش قلت متعب : تدري انا اشتغل في مصنع في جنوب الرياض والمنطقه هنا بعيده اروح لشغلي من الساعه 5 الصباح عشان زحمات الرياض ولا ارجع الا خلاص قدني ميت وطفشان من نفسي ومن هالزحمه سامي : الله يعينك طيب مو احسن تبيع هالبيت وتروح تشتريلك بيت قريب من شغلك متعب : انا فكرت كذا بعد خلاص على بركة الله سامي بفرحه : الله يريحك واخيرا ياخوي مابغيت يالله اجل خير البر عاجله متعب : الحين سامي : ايه معي الاوراق بس توقع عليها ونخلص متعب : طيب لازم شهود سامي : خلاص اجل اجيك بكره بالفلوس وانت تجيب شهود متعب : على بركة الله سامي : على اتفاقنا 7 ملايين متعب : على الاتفاق سامي : يالله عن اذنك متعب : وين تقهوا سامي : خلاص تقهويت كثر الله خيرك متعب : ماتشوف شر سامي : مع السلامه متعب : مع السلامه طلع واتصل على طول على محمد يبشره واخيرا بيتفرغ لفهد في لندن في الجامعه بدت المحاظره وجود للحين مادخلت حسوا البنات بخوف ياربي مو من عادتها تغيب عن الجامعه بالعكس دايم ملتزمه بمحاظراتها لما خلصت المحاظره وطلعوا البنات اتصلت هند على جود بس ماردت اتفقوا انهم يطلعون ويروحون لشقتها اكيد فيها شي واكيد ماكانت غلطانه امس يوم اتصلت يمكن كانت محتاجه لشي طلعوا من الجامعه وراحوا لشقتها دقوا الباب بس مافيه احد تعبوا وهم يضربون الباب والجرس بس لامجيب هنا حسوا فعلا بالخوف عليها جلسوا بالسياره ينتظرونها ترجع وهم خايفين عليها لايكون فيها شي بس مايقدرون يسوون شي عند جود راحت تتبعه لين وصل ليان لمدرستها طبعا ناصر دخل ليان بمدرسه عربيه وهذا بيكون اول يوم لها فيها لانها ماكانت راضيه تدرس فيها بس اقنعها ناصر لما دخلت ليان ا لمدرسه تبعته تبي تشوف وين بيروح عشان ترجع للمدرسه لانها مخططه تاخذ ليان اليوم حتى لو تضطر تنومها وتنحاش بها كانت مع تاكسي وقالتله يتبع ناصر مشى ناصر وطلع من الشوارع العامه وبدا يدخل في مناطق فقيره وهي تتبعه بمسافه تكفي انه مايشك فيها لما جا بشارع مافيه احد وهي تتبعه فجأه لف بسرعه واعترض طريقهم هنا تجمدت ووقف قلبها من الخوف هذا وش يبي لايكون عارفني نزل ناصر وجا وفتح باب التاكسي الخلفي ناصر : عسى ماشر اختي اشوفك تتبعيني انعقد لسانها من الخوف هزت راسها علامة لا ناصر بثقه : جود ممكن تتفضلين معي ابيك في موضوع مهم لالالالا الى هنا وكفايه انا بحلم اكيد هذا وش عرفه فيني حتى يعرف اسمي لا مومعقوله هزت راسه بـ لا وهي خايفه ناصر : جود ممكن تنزلين نتفاهم جود بصوت يرجف : انا مو جود انت وش قاعد تقول ناصر : للاسف انا اعرفك ماتقدرين تكذبين علي فإذا كنتي تبين ليان تعالي نتفاهم جود ودموعها تسيل من الخوف : انت وشلون تتجرأ تاخذ بنتي وبعدين وش عرفك فينا ناصر بابتسامه : على فكره انا كنت عارف انك تتبعينا امس من يوم كنا في المطعم والحركه اللي سويتها مع ليان كنت متعمد ان اكبه وكنت عارف انك تبعتينا لين البيت وعارف انك تتبعيني من يوم طلعت اوصل ليان لمدرستها جود : وش تبي مني ومن بنتي ناصر : تعالي معاي نتفاهم جود : لا ماراح اجي معك اتركني لو سمحت وعطني بنتي ناصر : اوك براحتك مشى متوجه لسيارته لما شافته راح بدون اهتمام نزلت من السياره جود بصوت عالي : انت من تكون عشان تاخذ بنتي واساسا وشلون وصلت عندك عطني بنتي والا اشتكيت عليك ناصر ببرود : خليهم يعرفون انك حرمه بعدين اشتكي جود وهي تبكي : عطني بنتي وش تبي مني ياخي حرام عليك حرمتني منها كل هالسنين خلاص كفايه ابي بنتي ناصر : اوك بعطيك اياها بس قبل لازم استأذن من ابوها لازم اخبر فهد جود بخوف : لا لا لاتخبره تكفى ناصر : اوك تعالي معاي نتفاهم جود : طيب نروح لمكان عام وانا بتبعك ناصر : اوك مشوا راجعين وراحوا لمطعم دخلوا وجود خايفه ماتدري منو هذا ووش يبي جلسوا على طاوله ناصر : وش اطلبلك جود : مابي شي خلص قول وش تبي مني وعطني بنتي ناصر : يعني تبين اطلبلك مثلي جود بنرفزه : قلتلك مابي شي ناصر : اوك نادى الجرسون وقاله يجيب 2 عصير برتقال ناصر : ايوه وين كنا فيه جود : شوف لاتقعد تلعب معي ترى مو فاضيه لك ناصر : تدرين ان ليان تتوقع ان امها مطلقه جود : ايوه قالتلي ناصر : وتتوقع اني ابوها وماتعرف فهد ولا تعرفك جود : .......... ناصر : وفهد حاليا يطالب فيها يبيها ترجع له جود بخوف : لا لاترجعها له ناصر : بأي صفه ما ارجعها له هو ابوها في النهايه جود : بس هي تتوقع انك ابوها تكفى لاياخذها فهد ناصر : طيب لي متى بتبقى معي جود : لهالدرجه مو متحملها ناصر : مو كذا انا اتمنى انها تبقى معي بس ابوها له حق يطالب فيها جود : وانا امها انا اللي بآخذها مو هو ناصر : واذا درى فهد انك هنا وجهاد درى تتوقعين انهم بيخلونك جود : لاتخبرهم ناصر : طيب واذا قالي فهد وين وديت بنتي جود بيأس : قله انخطفت ولا ادري وينها ناصر : لا والله وادخل في مشاكل مالها نهايه جود : طيب انا ابي بنتي ناصر : انا بخبرها انك امها جود بلهفه : متى ناصر : اليوم اذا تبين بس ماراح تاخذينها جود : لا تكفى ابيها الله يخليك ناصر : واقولها اني مو ابوها بعد وش تقول جود : لا قول انك ابوها مابيها تدري ان فهد ابوها ناصر : طيب وشلون طلقتك وانا ماتزوجتك اساسا ووش بقول لامي جود : قولها أي شي بس ابي بنتي ناصر : على فكره امي تدري انها بنت فهد جود : بس مابتخبرها صح ناصر : مدري جود : طيب وش اسوي هز كتفه : مدري جود : طيب عطني بنتي بعدين انا بسافر برا بريطانيا وانا اللي بتصل في فهد وبقوله ان ليان معي بس اهم شي ماتقابل معاه مو مهم يعرف انا وين اهم شي مايلقاني ناصر : انتي عارفه انه مأمني عليها وبصراحه مابي اخسر صديقي ولا ابي اخسر ليان اذا فيه حل يرضي جميع الاطراف ولا انا اسف ما اقدر اسلمك اياها جود بعصبيه : أي حل واي زفت مايهمني رضا أي احد ابي بنتي وبس ناصر : هذا اخر كلام عندي انا اسف ما اقدر افرط في تعب السنين اللي راحت 12 سنه تروح كذا بلاش مستحيل جود بصدمه : وش تقصد يعني فهمني انت وش تبي بالضبط لاتقعد تلف وتدور اذا تبيني احاسبك على كل ريال دفعته على بنتي انا مستعده بس عطني بنتي واتركنا بحالنا ناصر : انا مو محتاج للفلوس وبعدين لو بتدفعين كل ريال دفعته على ليان بتموتين ماخلص دينك جود : طيب وش تبي بالضبط ناصر : مابي شي بس مابي اخسر ليان وفهد جود: وشلون يعني ناصر : قصدي ابي ارضي فهد وابي تكون ليان قريبه مني دايم مو مستعد اخسر ثنيناتهم جود : ترضي فهد وشلون يعني ماراح تعطيني ليان ناصر : لا بعطيك اياها بس بعد ما استأذن من فهد ولازم تكون ليان قريبه مني دايم جود بقهر : انت قاعد تستعجزني ليش ناصر : يابنت الحلال وش رايك يعني اعطيك البنت واروح اقول لابوها مدري وين بنتك رحت بها معي للندن وضيعتها وش بيكون موقفي جود وهي تبكي : الله يخليك الله يسعدك يارب ويخليك لامك تكفى عطني بنتي ناصر : صدقيني انا ودي اعطيك اياها بس فكري بموقفي قدام فهد لازم نفكر بحل جود : طيب قلتلك انا بتصل عليه وبقوله ناصر : حتى ولو في هالحاله بخسر فهد وليان جود بيأس : طيب وش تبي اسوي عشان تعطينياها ناصر : انتي الحين روحي وفكري بحل وانا بعد ومن هنا لين تنحل السالفه اذا بغيتي تشوفينها اتصلي علي هذا رقمي عطاها كرت فيه رقمه وراح خذت الكرت وراحت تركض وراه : لحضه ناصر وقف ناصر : هلا جود : طيب بآخذ جود عندي لين نفكر بحل ناصر : لا آسف ماقدر اذا بغيتي تشوفينها ماراح امنعك بس انك تآخذينها لا ماقدر جود : تكفى ناصر الله يخليك والله ماراح اهرب فيها بس خلها معي ناصر : معليش جود ماقدر انا الحين مشغول عن اذنك ركب سيارته ومشى وفي نفسه " والله مالومك يافهد لاصرت تحبها كل هالكثر " جود " وربي ماخلي بنتي معك لو اخطفها ونشوف من اللي بيخسر يااستاذ ناصر " خذت تاكسي وراحت مباشره للمدرسه وهي تفكر وشلون تآخذ بنتها وتنحاش بها لمكان ماحد يلقاها فيه عند هند ونورا هند : ياربي وين راحت هالبنت نورا : طيب اتصلي عليها مره ثانيه ترى تعبت من الانتظار هند : اتصلت بس ماترد نورا : اتصلي مره ثانيه اتصلت هند بس مافيه رد هند : مافيه رد نورا : طيب نبلغ الشرطه هند : تستهبلين انتي تبين تضيعينها نورا بخوف : طيب وش الحل هند : باتصل على محمد هو اللي بيساعدنا نورا : اوك اتصلي خلينا نشوف اتصلت هند على محمد وصلت المدرسه راحت لادارة المدرسه وطلبت من المديره تشوف ليان المديره : حضرتك تقربيلها ايه جود بتهور : انا امها المديره : بس ابوها حذرنا ماحدش يشوفها او ياخدها من المدرسه غيره جود : طيب ابي اشوفها بس الله يخليك ابي اقولها شي المديره : اعذريني اختي ماقدرش جود : طيب انتي مو مصدقتني بس بقولك قصتي والله انا صادقه انا امها بس هو مايعرفها ولا يقربلها المديره : اعذريني انا ماعرفك ولا اعرفهوش ما بئدر اعمل حاقه جود : اسمعيني والله هم اخطفوا بنتي من كانت صغيره مني وتو امس شفتها الله يخليك لاتحرميني منها بس خليني اشوفها خليني اكلمها المديره : بس كدا انا بتحمل المسئوليه وانا مش متأكده ازا كنتي بتئولي الحقيقه ولا لا جود : طيب تعالي معاي بس بقول لها كلام والله ماراح اخذها بس لازم تدري اني امها المديره : طيب حضرتك ليش ماتشتكي عليهم وعن طريق تحليل الـdna راح يثبتوا انها بنتك وراح يتحاسبوا على اللي عملوه جود : لا الله يخليك انا هربانه ومتنكره ومابي احد يعرفني المديره : اذا كده مائدرش اعملك حاقه انا اسفه جود وهي تبكي : تكفين الله يخليك ابي اشوفها واتكلم معها الله يخليك هذي بنتي والله بنتي المديره : والله مئدرش هذا عملي وما اقدرش اخالفه جود بانهيار : طيب بشوفها من بعيد الله يخليك المديره : الله يخليك ممكن تتفضلي ماقدرش اساعدك والله طلعت جود وهي منهاره مستحيل يبعدوني عنها بعد ماحصلتها مهما صار مستحيل اخليها معهم النهايه ........ انتظروني في البارت الجاي يوم الجمعه ان شاءالله |
لآ لآ لآ لا !!!!!!!!!!!!!!!!!!!!
بعد مَ عرفتهآ و كلش . . يقولهآ مآبي أخسر فههد ! من زييييييينه عآد :××::××::××: ! و ليآن . . أحسهآ برييييييييييييييئه :هق::sg.15::sg.15::sg.15::sg.15::sg.15::sg.15::sg. 15::sg.15: و جود هذي :ها: ! وش بلآهآ !!! خلآص يختي فكري و كلميه ؛ إن كآن ربآهآ 12 سنه وش بيسوي فيهآ الحيين :××: ! و ربي بآرت وقفني على أعصصصصآبي :52yicz: ! و يوم الجمعهه بعييييييييييد مررره ؛ تكفين خليه الآثنيييين = "( ! تعرفييييين متحمسيييييييييين أقوآ شيء والله :flower01::flower01::flower01::flower01::flower01: :flower01: |
شكورة فروسة :ewqqq:
اويسعدني اني ثاني من قراء البارت :هيا: او ننتضر البارت الجاي على احر من الجمر :Emoticons-plus.com |
حمآآآس بصراحه ×× جوود متهووووره لو صبرت شويا ممكن ينحل الموضوع ×× ليآآن يَ قلبي عليها ماتدري عن شي ض1ض1 ×× فهد كان قاهرني ف البدايه بس الحين حزنت عليه ×× ناصر موقفه صععععب ×× بانتظآآآرك فارسه |
آ أ إ :××:
حححمـآإأآس كملي بسسس’ـرعهـ |
ياهلا فيكم حبايبي مشكورين على التعليقات
بالنسبه للبارتات والله ما اقدر انزل بارتين باسبوع عندي كليه وبيصير علي ضغط وبصراحه ما افتح النت كثير في ايام الاسبوع البارت اكتبه في دفتر كل مافضيت او كنت في محاضره ومو رايقتلها طلعت الدفتر وكتبت البارت فعشان كذا بيكون كل جمعه بارت جديد اما بارت اليوم فانتظروني عالساعه تسعه ان شاءالله لان للحين يبغى له اضافات وتعديل راح انزله ان شاءالله تسع الليل ويسلموووووووو كثير على المتابعه |
اووكي اهتمي بدراستك ق1ق1ق1 واحنا بانتظارك :sg.15::sg.15: |
بَ توفيق في درآستكِ يَ الغلآ :sg.15:
ننتظركِ :هق: |
بنات كتبت نص البارت وهو موجود عندي الحين باللاب بس باقي نصه تو مابعد كتبته
لاني اكتب بدفتر بعدين انزله عاللاب بس الحين مجتمعين بنات خوالي ويبون يطلعون احتفال باليوم الوطني مابي انزل نصه بعدين انزل الباقي كذا بيطلع مو حلو عشان كذا ممكن تعذروني في هالوقت الليله راح انزله بعد ما ارجع والله مابي افوت الطلعه اعذرووووووووووووووووووووووووني بيطلعون الحين |
^
أوكِ ننتظركِ ق1 بس لآ تطولييييييين ض1ق1 |
هاي رجعت لكم على مارجعنا وكتبت الباقي وضبطته اكيد طولت فاعذروني
راح انزله الحين ...... |
(الجزء الرابع والعشرون )
الضحك ماهو علامه مستريح والبكي أحيان مايوحي بحزن خذ مثل مني: أنا قلبي جريح وأبتسم لك من غرابيل وشجن وان بكيت يجوز أبكي من صحيح من جرح، من ظلم، من صدمة زمن أو يجوز أبكي علشان أستريح أو نتيجه شوق أو خلٍ طعن طلعت جود وهي منهاره مستحيل يبعدوني عنها بعد ماحصلتها مهما صار مستحيل اخليها معهم محمد :وشلون يعني ماجات هند : مدري ياخي اقولك ماجات في الجامعه والشقه ماهيب فيها محمد : طيب امس يوم كلمتك وش قالت هند : على طول يوم سمعت صوتي قالت معليش غلطانه وسكرت محمد : خلاص انا بشوف وين راحت هند : بس تكفى اذا لقيتها طمنا محمد : ان شاءالله سكر الجوال وهو يفكر وين راحت هذي اتصل على جوالها بس مافيه رد طلع يدور عليها وهو مايدري يفكر في من ولا من اما جود طلعت من المدرسه ووقفت تنتظر متى يجي ناصر ياخذ ليان وهي ناويه تخربها وتعلم ليان اول ماتشوفها في السعوديه اختار اقرب غرفه له وصبغها من جديد وشرى غرفه واكسسوارات لها وضبطها بالكامل حتى انه اشترا ملابس لها دخلت عليه وهو جالس على السرير ويناظر الغرفه بسرحان ساره : هذا وهي مابعد جات اجل لوجات وش بتسوي بتفرش الارض بورود فهد ببرود : ليه عندك مانع لو افرش الارض بورود ساره : لا ابد مو انا جدار بهالبيت فهد بلا مبالاه : زين انك عارفه وضعك ساره بقهر : طيب نوف وطارق ابي اغير غرفتهم بعد فهد : ليه وش غرفتهم ساره : مافيها شي بس ابي اغيرها خلاص صارت قديمه فهد : قديمه وهي توني مغيرها العام اللي راح ساره : طيب واذا صار الخير كثير الحمدلله فهد : واذا الخير كثير بتسرفين ساره : طيب وش معنى شريت غرفه جديده لبنت اللي ماتتسمى فهد بنظره: عدلي لسانك لا اقصه وبعدين كبري عقلك كلهم عيالي وماراح افرق بينهم اللهم ان غلا ليان من غلا امها ساره بعصبيه : ترى ذبحتني غلا امها وغلا امها والله ماشفت غلاها يوم دمرت حياتها ولا شفتك ترددت يوم باست رجولك ترجاك ولاشفتك اهتميت يوم شبعت منها رميتها وخليت اخوها يصبح بكف ويمسيها بكف فهد بصراخ وهو يرجف : بــــــــــــــــــــــــــــــــس كم مره قلتلك لاتذكرينها على لسانك الوسخ ساره بلا مبالاه : لا عاد يالنظيف على فكره تتوقع حتى لو كانت حيه انها تفكر فيك او تحبك يعني هي قبل اللي صار تكرهك فما بالك بعد اللي سويته وسواد وجهك وش بيكون شعورها ناحيتك عطاها كف : بس ولا كلمه مابي اوسخ يدي بدمك اذلفي اطلعي برا بيتي البيت يتعذرك ساره بصدمه : انا تعطيني كف وتطردني ليش الحقيقه مؤلمه لهالدرجه الى هالدرجه ماتبي تذكر ماضيك تلعب على نفسك انت فهد وهو يضغط على راسه : اطلعي برا مابي اشوفك براااااااا ساره : اوك انا طالعه اخليك مع ماضيك اللي مايشرف واذا تقدر ترجع الزمن وتعدله ترى احسن كثير على الاقل ماراح اتورط فيك راحت ولمت اغراضها وهي ماتدري وين تروح من سنين وهي متحملته لان اهلها مايبونها بس الحين وش تسوي في لندن جالس بمكتبه يخلص بعض المعاملات دخل عليه السكرتير السكرتير : طال عمرك فيه واحد هنا يبي يدخل ناصر : بس انا ماعندي مواعيد الحين مع احد السكرتير : ايه بس هذا حاولت امنعه بس هو مصر ناصر : وش يبي طيب السكرتير : مدري بس يقول انا اعرفه معرفه شخصيه وابيه بموضوع خاص ناصر باستغراب : منو هنا يعرفني طيب خلاص خله يدخل شوي ودخل الرجال سلم عليه ناصر : تفضل بس اعذرني ماعرفتك الرجال : ايه انت ماتعرفني بس انا اعرفك من مده قصيره ناصر – يستهبل هذا - : تفضل وش موضوعك الرجال : انا اسمي فارس بن عبدالله صديق جواد الله يرحمه ناصر : أي جواد فارس : جواد بن خالد ناصر : من يكون هذا لحضه الاسم هذا مار علي من قبل بس وين سمعته فيه مدري بصراحه فارس : يعني تبي تقنعني انك ماتعرفه ناصر : ليش يعني لو كنت اعرفه كنت بـ انكر فارس : طيب وليان ماتعرفها ناصر : أي ليان بعد فارس : مدري بنت منتشر انك ربيتها ناصر بصدمه : أيــــــــش ؟؟؟ فارس : وش فيك مصدوم وكأن السالفه مو صدق ناصر : هالاشخاص ما اعرفهم اذا جاي عشانهم ما راح افيدك بشي فارس : طيب تعرف فهد ؟ ناصر : لايكون انت محقق وانا مادري فارس : على فكره ترى انا دريت عن ليان من جهاد فلا تفكر تلف وتدور ناصر باستغراب : طيب واذا صارت عندي وش المطلوب مني فارس : ابي اعرف انت ليش ربيتها ناصر : والله انا ماعندي عيال وزوجتي متوفيه الله يرحمها ويوم عطانياها فهد فرحت وربيتها على انها بنتي فارس : طيب هي ماسألت عن امها ولا قلتها ان امها ميته ناصر : لا ماسألت وبعدين لا ماقلت انها ماتت هي تحسب اني مطلق امها لانها تتوقع اني ابوها فارس : طيب وفهد مافكر في بنته ابدا ناصر : عاد هذا شي راجع له فكر ولا مافكر فارس : طيب ابي اشوفها ناصر وهو يقلب في الملفات قدامه : انت صديق جواد الله يرحمه وعلى عيني وراسي بس قولي بأي صفه تقابل ليان فارس : بأني صديق خالها ناصر : والله طيب وينه خالها ووينها امها فارس : المهم ابي اشوفها وبس ناصر : اسف ما اقدر اخليك تقابلها فارس : هذا وانا ابي اخذها معي ناصر باستهزاء : هه والله على اساس تبي تهون علي الطلب الاول ابتسم فارس : صدقني انا مايوقف في طريقي شي فخلينا نبدا بدايه حلوه ناصر : اعتبر كلامك هذا تهديد فارس : عشان كذا اقولك خلينا نبدا بدايه حلوه ناصر : لا عادي خليك على كلامك الاول وانا مستعد فارس : حتى لو بديت من ليان ناصر : من ليان ؟؟ فارس : ابسط طريقه اكشف لها الحقيقه ناصر : اوك انت قابلها بعدين اكشف لها الحقيقه وبعدين ليان ماراح تصدقك للحين صغيره _ وباستهزاء _ وعلى فكره ماتتأثر بالافلام الامريكيه كثير فارس بحزن : عندك خبر كيف جواد الله يرحمه عاش حياته ناصر بلا مبالاه : اساسا مااعرف جواد الا من كلام فهد بس اتوقع انه عاش حياته مبسوط لدرجة انه كان حلمه الشهره وحققها فارس بقهر : والله.. تتوقع انه عاش حياته براحه وسعاده ليه وانت خليته يعيش حياته بسعاده حسبي الله ونعم الوكيل انا كنت معاه من كنا صغار خطووه بخطوه وكنت معاه في حزنه وشلت معاه همه وللحين انا مواصل طول حياتنا كنا نبحث عن جود وليان صحيح جواد مات لكن جود مثل ماهي اخته هي اختي وبنتها بنتي ووالله اللي خلقني مارتاح الا اذا شفت يدها بيد امها ومجتمعين مع بعض لحضتها اكون حققت حلم جواد ناصر _ اجل لو تدري ان الثنتين بين يديني _ : ليه لايكون حصلت امها فارس : هذا شي مايخصك المهم اليوم ابي اخذ ليان ناصر : خلصت موضوعك فارس : شو ماسمعت ردك ناصر : اتوقع انك عارف ردي فارس : اوك بينا الايام ياستاذ ناصر ناصر : الله معاك طلع فارس اما هو ضرب على مكتبه بقهر هذا من وين طلع بعد .. عند محمد لف لين تعب بس ماحصلها في الاماكن اللي يتوقع انها تكون موجوده فيها بس ماكو رد راح للشقه ونفس الشي مو موجوده حس بعجز وهو مو قادر يسوي شي كل اللي قدر عليه انه جلس ينتظرها عند الشقه لين ترجع عند جود شافت ناصر لما جا نزل من السياره ودخل المدرسه ركضت وركبت في السياره في المرتبه الخلفيه وتخبت خذا ناصر ليان وطلع ركب السياره وركبت ليان معاه لما مشى سمع صوت وراه : كيفك ليان التفت بصدمه وليان متفاجئه : غاااااااده ناصر بصدمه : انتي من وين جيتي وكيف ركبتي هنا جود : انا كنت انتظر هنا من الصباح لاني ابي اخبر ليان بكل شي واللي يصير يصير مستحيل اخليها معك بعد ليان : بابا انت تعرفها جود : ليان هذا مو.... قطع كلامها بصرخته : هييييي خلاص وقفي ... وقف بقوه ونزل فتح الباب الخلفي وسحبها ابعد من السياره وهو ماسكها بيدها ويسحبها معه جود : هيي انت وش تسوي فك يدي ناصر بعصبيه : انت مجنونه يعني ماتدرين ولا تجاهلين ان ليان مالها وقت طالعه من غيبوبه تبين ترجعينها فيها جود بعصبيه : لاتتوقع انك بكلامك هذا راح توقفني مستحيل اخليها معك اساسا انت خاطف ولو اشتكيك كان امداك الحين في السجن ناصر باستهزاء : روحي اشتكي ابي اشوف كيف بتسجنيني جود : انت عارف ليش ساكته عنك عشان كذا اقصر الشر وعطني بنتي ناصر : اظن كلامي كان واضح ولايحتاج لاعاده لاتحديني اعاند تركها وراح لسيارته ومشى وخلاها وراه اما هي من القهر جلست على الرصيف تبكي وتدعي عليه بس لما تتذكر ان ليان معاه تدعي ان ربي يوصلهم سالمين في سيارة ناصر صدعت ليان راسه بالاسئله كيف انه يعرف غاده بس هو عالصامت ولافكر يجاوبها وهو يفكر بهالانسانه العنيده اكيد وش ينتظر من وحده عاندت الكل ووقفت في وجههم وسافرت وعاشت لوحدها سنين وقدرت تعيش مع انها لسى صغيره شوناضر بالمرايه ولفت نظره شنطه بالمرتبه الخلفيه يوووووه شكلها خلت شنطتها وشلون الحين تتصرف اكيد جوالها وفلوسها وكل شي بالشنطه اتفت على ليان : ليونه عطيني الشنطه اللي ورا التفت ليان : مين هذي شنطته ناصر بابتسامه : لغاده ليان : يوه نستها خلنا نرجع يابابا عشان نعطيها لها ناصر : طيب عطيني اياها خذا الشنطه طلع الجوال وانصدم من كثرة الاتصالات لم يرد عليها شوي اهتز الجوال لما ناظر شاف "الاسمر يتصل بك " استغرب رفع الجوال من الطرف الثاني تكلم بسرعه : جود انتي وينك خوفتينا عليك انتي بخير مسك بريك بسرعه وهو يسمع نبرة الخوف في صوت الطرف الثاني من يكون هذا ووشلون يعرف حقيقة جود معقوله فارس ايه فارس اسمر بس الصوت غير يمكن الجوال مغير صوته : جود وش فيك ماتردين ترى والله بهذلتينا ماخلينا مكان الا وبحثنا عنك فيه وين رحتي وينك الحين فيه اجيك ناصر بهدوء : انت مين : ..... هذا الجوال وشلون ترد عليه وبعدين وين صاحبته ناصر : تقصد صاحبه انت مين : انا صديقه محمد قله يرد علي الحين بسرعه ضروري وبعدين انت مين ناصر _ اها يعني مو فارس طيب مين محمد بعد ياليل الشقى : انا بعد صديقه محمد : حياك ممكن تعطيه الجوال الحين ناصر : اسف ما اقدر الحين لانه مشغول محمد : اقولك ابيه الحين ضروري ناصر : قلتلك مشغول اتصل بوقت ثاني عن اذنك قفل في وجهه وهو يقول في نفسه وهذا المنافس الثالث ياناصر طريقك طويل عند جود جلست على الارض وهي تعبانه ياربي الطريق طويل ولامعها جوال ولا فلوس لاي تاكسي حسبي عليك ياناصر كانك تبي تقضي علي فجأه وقفت سياره عندها نزل من السياره : تعبت وان ادور عليك ليش مابقيتي في مكانك يومك ناسيه شنطتك يعني ماتوقعتي اني برجع لك اذا شفتها جود باستهزاء : اذكر اني مو كاهنه ولا عالمه بالغيب عشان اعرف ااذا بترجع او لا ناصر : قومي اركبي جود بنرفزه وتعب : عطني شنطتي وتوكل ناصر : لا ابيك في موضوع وعندي كم سؤال ابيك تجاوبيني عليها وغير كذا ابيك تقابلين امي وتقابلين ليان جود بفرحه وهي توقف : صدق ناصر : ايه جود _ جنيت على نفسك يا استاذ ناصر : يالله طيب خلنا نروح ناصر : بس ماتخبرين ليان لين يجي الوقت المناسب جود _ ايه هين _ : ماعليه اهم شي اجلس معاها ناصر : راح تكونين غاده اوك جود : اوك ركبوا وتوجهوا لبيت ناصر في السعوديه جالسه في غرفتها قبل 12 سنه هذي هي ماتغيرت وهذا هو نظام البيت ماتغير اللهم امها وابوها واخوانها معاملتهم تغيرت وبشكل كبير صحيح انها ماتوقعت انهم راح يسمحون لها تدخل ولاكن بالعكس سمحوا وهذا شي مفرح انهم للان معتبرينها بنتهم بس حقيقة مشاعرهم تجاهها هذا اللي ذابحها لدرجة انهم يعاملونها كأنها هي والجدار شي واحد اسسا كأنها مو موجوده معقوله مانسوا اللي صار بعد هالسنين كل اللي صار المذنب الوحيد فيه هو جود هي اللي خربت حياتها ثم هربت واكيد عايشه حياتها براحه بس امنيتي اعرف وينها وكيف حياتها اتمنى من كل قلبي انها تعيسه مثلي اكرهك ياجود من كل قلبي في جهه ثانيه ضمت جودي وهي تحاول تحصل بنتها فيها ناظرت لعيونها نفس العيون اخذت من عمتها كثير وينك ياجود تشوفين سميتك اكيد ماراح حبينها لان ابوها جهاد بس والله جهاد ندمان ياجود ارجعي شوفي حالنا من بعدك والله كلنا ندمانين ارجعي ياجود وشوفي اخوك اللي ناوي يلحق اخوه يبي ينهي حياتي وراه ماحد مريحني ياجود ارجعي وشوفي امك يانور عيونها دفت كرسيها وبنت ولدها في حضنها وراحت تشوفه لعل وعسى يطلع من عزلته دخلت وحصلته جالس على سريره وسرحان يناظر في الفراغ امه : جهاد يمه لي متى وانت كذا فز جهاد : هلا يمه ليش عنيتي نفسك وجيتي هنا امه : جهاد ياولدي حالك ماهو عاجبني ولا عجب دانه حرام اللي تسويه بنفسك اطلع وغير جو ترى الدنيا كذا اخذ وعطى وهذي امانه وربي خذاها مايجوز تعترض على القضاء والقدر جهاد بحزن : احس يمه اني السبب باللي صار لاخواني مو قادر انسى صورتهم مع بعض ولاصورت نهاية كل واحد منهم امه وهي تبكي : اذا كان احساسك كذا اجل انا وش اقول وانا اللي ضميتهم ببطني وحميتهم عن العالم لمدة تسع شهور راقبت حركتهم وراقبتهم وهو يكبرون قدامي لعبت معهم وبكيت معهم مرضت عنهم وجعت عنهم وفي النهايه ضاعوا مني بس عندي امل ان جود بترجع جود مستحيل تخلي امها حتى لو قست عليها اعرف جود ياجهاد جود قلبها مايعرف الزعل مايعرف الحقد يمكن تعاتب بس تحقد لا ياولدي جهاد صدقني جود مو زعلانه عليك جهاد بتعب : طيب وجواد امه : الله يرحمه مستحيل هذا التوأم كل شي فيهم منسوخ هم روح وحده في جسدين لاتخاف يمه جواد ماراح يزعل عليك صحيح انهم عاشوا بعيد عن بعض بس هم مايتغيرون صدقني يمه جهاد وهو يبوس يدها : راح انتظر اليوم اللي يجمعني بجود عشان اعوضها لاخر عمري امه : طيب اهتم بنفسك مابي افقدك انت بعد كفايه فقدت الثلاثه قبلك جهاد : الله لايحرمني منك النهايه ......... انتظروني في البارت الجاي والمفاجئات اللي راح تصير فيه |
ياي البارت روعة واسعدني اني اول :هيا:
من قراأ البارت ود علية او توقع<<< حطي تحتها مليون خط :هاع::#::××: ان جود تأخذ بتها ( ليان ) او ترجع الأهلها:××::#::9daf6d8b8708a209c3d تراش شوقتيني للبات الجديد والمفاجئة الي فية :#::××: ننتضر لا تأخري :sg.15::sg.13:(ق) أنين طفلة |
فروووووووووووووووووووسه ق1ق1ق1ق1
من زمان عنك :9daf6d8b8708a209c3d كيف حالك ؟ المهم .. بصرآآحه بارتات حمااااسية جداً ق1 لآ تعليق .. أنتظر البارت الي بعـــــــــــدوو ق1 |
يَ ربي من هالجو و و و د :#: !! من جد جآيبتلي أنوآع النفرزززززززززززه :#: ! لو أنهآ عندي بس لأكفحهآ ع طريقتهآ و عنآدهآ و أسلوبهآ :#: . . من جدد مَ تنعطى وجهه :#::#::#: :××: لـ درججة أن فهد صآر يدخل مزآجي أككثر منهآ :××::××: ! و شسسمه و ودي لو تدق على هنند ونورآ يمكن تتعدل الآمور = \ و محممد و فآرس . . مدري شموقعهم من الآعرآب :هاع: ! و نآصصر ق1 أحس أنه طيو و و و ب (ق)(ق)(ق) ليوننه . . لبى البريئئئئئئئه :9daf6d8b8708a209c3d:sg.15: من جد تزنن ض1ق1 حبيتهآ من ققلب :هق: ننتظركِ فروسسه :ewqqq:ق1ق1ق1ق1ق1 |
ياهلا فيكم حبايبي
مشكورين على الردود الحلوه على فكره والله الموقع يعلق معاي ومايفتح صاير بطيء ومزحوم اليوم الحين بنزل البارت اتمنى يعجبكم |
(الجزء الخامس والعشرون )
محٺٱج ٵضمڪْ ۈ ../ ٵٺڕڪْ ٱڵدمع ېڼڛٱب ..! ۈ ../ ېڪْٺب عڵى خدېبلـَآۈې ڛڼېڼې ..! وصلو البيت ناصر : على فكره ترى احمد هنا جود بربكه : طيب ويعني ناصر : مدري قلت ابي اخبرك عشان ماتنصدمين بوجوده جود : وليش انصدم ناصر : لانه كان صديقك قبل بس لاتخافين ماراح يعرفك اذا انتي مالفتي انتباهه جود _ هذا عارف كل شي عني : مابي اقابله ولا اتكلم معه بجلس مع امك وليان ناصر : طيب واذا كان جالس معهم الحين جود : اتوقع مو عشان حنا في بريطانيا تتغير طباعكم اللي اذكره انه بالسعوديه الحريم مايجلسون مع الرجال ناصر بابتسامه : اوك انزلي يالله ولاترتبكين قدامه عشان مايعرفك انزلت جود وهي خايفه ومرتبكه ياربي وش اسوي لو قابلته وعرفني دخل ناصر وهي تمشي وراه استقبلتهم ليان تركض : بابا ضمها ناصر : ياعيون بابا ها وين جدتك واحمد ليان : جدتي واحمد جالسين بالصاله التفتت على جود : غاااااده ابتسمت جود بربكه : اهلين حبيبتي ليان بضحكه : بابا انت تعرف غاده ناصر : ايوه اعرفها ليان : خلاص غاده الحين اقدر اروح معك لشقتك واشوف بنتك هي تعبانه للحين ولا تشافت ابيها تلعب معي ضحكت جود بربكه : ها ايه للحين تعبانه بعدين تشوفينها ناظرها ناصر بطرف عينه جود بربكه : لاتناظر كذا ترى ماسويت شي ناصر بضحكه : طيب انا وش قلت جود :ماقلت شي يالله ندخل ناصر : يالله _ قرب منها وبهمس _ اشوف انك من الربكه ماخذه وضع الدفاع لاتخافين محد بيهاجمك جود : اقول بلا تفلسف ويالله خلنا ندخل ضحك : يالله امشي دخلو وكانت ام ناصر واحمد جالسين بالصاله لما شافوهم وقفوا باستغراب ناصر : السلام عليكم امه واحمد : وعليكم السلام ناصر : يمه هذي سكرتيرتي غاده سيارتها متعطله وعزمتها عالغدا عسى عاد ماتغديتوا وخليتونا امه : والله يامك انا واحمد وليان تغدينا بس خلينا غدا بروح اجيبه تغدا انت وغاده _ التفتت على جود _ حياك يمه تعالي اجلسي جود بفشله : ان شاءالله خالتي قامت امه بتروح تجيب الغدا : وانت الله يهديك ليش ماتصلت علينا وخبرتنا ان معك ضيفه ناصر : عادي يمه غاده ماهيب غريبه ماعليه بتغدا انا وياها وليونه ليان : بس انا تغديت ناصر : ماعليه تغدي معنا مره ثانيه عشان تكبرين بسرعه ليان : طيب بس انا شبعانه ناصر : ماعليه زيادة الخير خيرين احمد بضحكه : ياخي وش فيك عالبنت تقولك شبعانه ناصر : ياخي بنتي وانا حر فيها احمد : لا والله تراها صديقتي ليان : خلاص طيب لاتهاوشون انا بروح مع غاده احمد : شوف بس الثقه اقول توكلي على الله ماتشوفين شر ناصر وهو يضحك : بعدي والله يابنتي احمد برفعة حاجب : عساه دوم هالروقان ناصر بابتسامه : امين الحمدلله انا دايم مروق احمد وهو يقوم : ايه ياعله دوم يالله اخليكم تغدو بالعافيه ناصر : الله يعافيك ... يالله غاده تعالي نتغدا جود : اوك راحوا عالطاوله وجلسوا وام سمير وام ناصر يحضرون الغدا جلسوا يتغدون وجلست ام ناصر معهم قعدوا يسولفون وجود مستمعه بس وعيونها مافارقت ليان شوي وضرب جرس الباب قام ناصر بس وقفته امه : وين ناصر : بروح افتح الباب امه : لاخله بتروح ام سمير انت اجلس مع غاده راحت ام سمير شوي وجات : فيه شاب بدو اياك يام ناصر ناصر باستغراب : منو ام سمير : والله مابعرف بس بيئول ان اسمه فارس وقف ناصر بصدمه : أيـــــــــش امه بخوف : وش فيك يمه ناصر بربكه وهو يناظر ليان وجود : لا مافيه شي انا بطلع له يمه انتي لاتروحين جود : لحضه ناصر التفت ناصر بحده : لاتطلعين لحضه شوي وراجع وليان خاصه لاتطلع راح مستعجل وهو معصب ناظرت امه لجود : غاده تعرفين منهو فارس وليش ناصر معصب جود : لا والله ياخاله مادري فجأه وكأن احد مصحيها من النوم وقفت بسرعه وراحت تركض ام ناصر : غاده لحضه بس جود راحت تركض طلعت للحوش وسمعت ناصر يهاوشه ناصر : الزبده ماراح تاخذها فياليت تبعد عنا احسن لك فارس : طيب ليش معصب كذا كل اللي بغيته اني اكلم امك لايكون امك ماتدري بالسالفه ناصر بصراخ : وانت وش دخلك تدري ولا ماتدري الظاهر انك ناوي على الشر يا استاذ فارس فارس : ابد مانويت على الشر ولاشي كانت جود تسمع كلامهم هذي فرصتها تخبر فارس ايه هذا فارس صديق جواد واكيد بيساعدها بس لحضه فارس واعرف تفكيره اكيد يبي يردني للسعوديه لا مستحيل مابي ارجع لفهد وجهاد لا مستحيل بس فارس مستحيل يضرني لانه يحب جواد ولو اكيد جهاد ارسله يبحث عني وحتى لو جهاد ما ارسله جواد كان يبيني ارجع لاهلي وفارس اكيد بيحقق امنيته لا مستحيل اخليه يدري اني هنا بس كيف ابعد انا وليان عنه وهالناصر ناشب فيني جات ببالها فكره رجعت للبيت ركض دخلت وحصلت ام ناصر وليان للحين جالسين عالطاوله جود بربكه : خالتي لاتخافين هذا صديق ناصر وهو يشتغل معنا بالشركه وبينهم سوء تفاهم امم خالتي ناصر يبي ليان بوديها له بعدين برجع لك ام ناصر : ماعليه يمه بس عساهم مايتهاوشون جود : لا خالتي لاتخافين الحين هم بيطلعون ويبون ليان عشان تطلع معهم ام ناصر : خلاص روحي ياليان لابوك ليان : اوك خذت ليان وطلعت وهي تحاول تلهيها بالسوالف عشان ماتسمع كلام ناصر وتروح له جود : ليان وش رايك نتسابق ليان : نتسابق وين جود : من هنا للباب ليان وهي تضحك : طيب جود : ماعندكم باب ثاني غير هذا ليان : الا ورى البيت ليش جود بفرحه : حلووووو عشان تكون المسافه كبيره ونشوف من اللي بيسبق ليان : بس بابا يبيني بيطلعون ويخلوني جود : اساسا هم راحوا وقالو جيبي ليان والحقينا يالله خلينا نروح اذا سبقتيني رحنا لهم واذا ماسبقتيني بنجلس هنا لين يجون ليان : هم وين رايحين جود : رايحين للملاهي ليان : والله يالله اجل انا اكيد باسبقك جود : يالله خلينا نشوف راحوا يركضون وجود تركض ورى ليان تبيها تقدم عليها من جهه ثانيه كان احمد نازل من الدرج احمد يسأل ام ناصر : وين الربع ام ناصر : والله يمك ناصر متهاوش مع صديقه وقاعدين يحلون السالفه برى وغاده خذ تليان وطلعت لهم احمد : أيــــش _ معقوله يكون فهد جا هنا بياخذ ليان راح يركض برى طلع وحصل فارس وناصر قاعدين يتكلمون وكأن بينهم حرب احمد باستغراب : ناصر من هذا ناصر : هذا وحد بيني وبينه مشكله وقاعدين نحلها فارس برفعة حاجب : ومنو هذا شكله بعد مايدري بالسالفه ناصر وهو حده معصب : هييييييه انت تراك طولتها فارس بهدوء : عالعموم يا اخ ناصر لي رجعه بس صدقيني في المره الثانيه ماراح اطلع من هنا الا وهي بيدي ناصر : حلم ابليس بالجنه اقول توكل راح فارس وركب سيارته وفحط بوجيههم احمد باستغراب : هذا منو ناصر : ماعليك منه انت وش نزلك مو قلت بتنام احمد : سمعت الضجه ونزلت الا ليان ماجاتك ناصر بخوف : ليه هي ماهيب بالبيت احمد : لا تقول خالتي غاده جابتها لك ناصر بصدمه : أيـــــــــــــــش راح يركض هي ماطلعت من الباب الامامي لاني واقف عنده اكيد بتطلع من الباب الخلفي مستحيل تفوت هالفرصه وبتنحاش بليان احمد يركض وراه ومو عارف وش السالفه احمد : ناصر ياخي فهمني وش السالفه ناصر وهو يركض : مافيه شي روح لامي واجلس عندها احمد بعناد : لاماني رايح بروح معك طلع من الباب الخلفي وراح يركض على الشاررع يدورها ياربي هذي وين راحت عند جود كانت تركض ورى ليان وهي تكلمها : يالله خلينا نتسابق لين الشارع العام عشان ناخذ تاكسي ليان وهي مستمتعه : يالله اتحداك تسبقيني ناصر : احمد روح جيب السياره بسرعه رجع احمد يجيب السياره وهو مو عارف وش السالفه خذا السياره وراح وخذا ناصر اللي اصر انه هو اللي يسوق وقعدوا يدورون على ليان وجود ناصر : اكيد بتروح للشارع العام عشان تاخذ تاكسي احمد : ياخي فهمني وش السالفه ناصر بعصبيه : ياخي ممكن تسكت شوي انا الحين مو فاضي سكت احمد وهو مايدري وش هالعاصفه اللي جات راح للشارع العام وهناك شافها ماسكه ليان بيدها وواقفه تحاول توقف تاكسي وقف بجمبها ونزل وهو معصب ناصر بعصبيه : ممكن اعرف وشلون تتجرأين وتسوين هالحركه هذا حقي يوم وثقت فيك جود وهي ترجف ومعصبه : اتوقع من حقي انت اللي وشلون تتجرا وتاخذها لا وللحين تبيها تكون عندك ليان باستغراب : بابا ليش تهاوشون انا كنت بجي انا وغاده لكم في الملاهي ناصر بعصبيه : انا ماقلتلك لاتروحين مع احد غيري انا واحمد احمد : ممكن تفهموني السالفه ناصر وهو معصب : مو لازم _ سحب ليان بس جود تمسكت فيها بقوه وقعدت تبكي _ ناصر : انتي وش تبين حنا مو اتفقنا ليش كذا تعاندين جود : انت اللي ليش تبي تحرمني منها مو كفايه السنين اللي راحت هنا فهم احمد السالفه قال بصدمه : معقوله انتي امها ناصر بصراخ : احمممممممد ممكن تكرمنا بسكوتك جود وهي تبكي : احمد الله يخليك لاتخليه ياخذها مني احمد _ مايناديني باسمي كذا الا شخص واحد ياربي مو عارف وش السالفه ليش كل شي متكركب كذا : لما شافته ماتكلم قعدت تبكي بصوت عالي : والله حرام عليكم ليش تحرموني منها خلوني ارتاح معها لبقية حياتي والله تعبت وانا ابحث عنها ولما حصلتها تحرموني منها حرام عليكم تكفون خلوها معي تكفون طلبتكم احمد : طيب هدي هدي ياختي ماراح يصير الا الخير ان شاءالله ناصر : جود الله يخليك انا قاعد افكر بحل ليش الا تبين تعقدينها يعني مو واثقه فيني الى هالدرجه جود : مابي فارس ياخذها مابيه يشوفها الله يخليك ابي ابعد انا وبنتي عنه ناصر باستغراب : وش معنى ليش ماتبين فارس ياخذها جود : بس اكيد اذا درى عني بيرجعني غصب للسعوديه الله يخليك مابيه يدري اني هنا ناصر : طيب ان شاءالله ماراح يدري بس هدي وخلي ليان تروح معي الحين بوصلك الحين لشقتك وارتاحي وانا بفكر بحل جود : اوعدني انك ماتبعد بنتي عني ناصر : اوعدك وهذا احمد شاهد احمد : وانا اوعدك اذا ماجابها لك انا اللي اجيبها جود : طيب خلوها معي الحين والله ماراح اهرب بها بس ابيها تقعد معي اليوم بس الله يخليكم ناصر : لا اعذريني ما اقدر اصبري صبرتي طول هالسنين ماتقدرين تصبرين لايام جود وهي تبكي : والله تعبت من الصبر تعبت خلاص احمد بشفقه : خلاص اوعدك اني اجيبها لك وتجلس معك يوم كامل جود بلهفه : طيب متى احمد : قريب قرب ناصر وخذا ليان بس ليان تمسكت بجود ناصر باستغراب : ليان تعالي يالله بنروح ليان كانت مخبيه وجهها في جود بعدتها جود وانصدمت يوم شفت دموعها جود بخوف : ليان حبيبتي ليش تصيحين ليان وهي تبكي : انتي ماما صح جود وهي تشاركها الصياح : ايوه حبيبتي انا امك انا ماما يابعد روحي خلاص حبيبتي وربي ماحد يفرقنا مره ثانيه الا القبر ليان وهي تضمها : ماما لاتخليني مابي اقعد بروحي جود : لا حبيبتي مابخليك بس روحي مع بابا الحين وبكره اجي وآخذك ليان وهي تتمسك فيها بقوه وتصارخ : لا لا تروحين وتخليني مابي ناصر : ليونه حبيبتي ماراح تخليك بس هي عندها شغل الحين وبكره اوديك لها ليان تبكي وتصارخ : مابي مابي ابي ماما تقعد معي احمد : ناصر تكفى عشان ليان خلها مع امها اليوم ناصر : بس قاطعه احمد : لابس ولا شي فكر بليان حرام عليك لاتكسر قلبها ناصر بهم : خلاص اخليك مع ماما اليوم بس لاتصيحين جود وهي تبكي وتضم ليان لها : الله يخليك لامك ويفرح قلبك مثل مافرحتني ناصر : طيب مو احسن تقعدون سوا عندي بالبيت جود : لا لا تكفى ابي اروح لشقتي ابي اجلس مع بنتي براحتنا الله يخليك افهم شعوري ولو مره احمد : ناصر الله يهديك تراها امها وش خايف عليها منه ناصر بتعب : طيب يالله تعالوا اوصلكم ركبو السياره كلهم احمد وناصر قدام وليان بحضن جود في المرتبه الخلفيه وطول مشوارهم وليان ماوقفت اسئله لجود ماما وين كنتي وليش تركتيني وماراح تتركيني صح في جهه ثانيه قبل ساعتين اتصل على البنات وطمنهم على جود وانها بخير مع انه مو متأكد اذا كانت فعلا بخير ولا لا للحين ماقدر يروح من عند شقتها يبي ينتظرها لين ترجع يبي يتطمن عليها مايدري منوهالرجال اللي كان معها اكيد بيشك انها بنت لانه قال جود ياربي لا يكون كشفتها ياليل انا وش سويت شاف سياره جات ووقفت عند الشقه وقف بلهفه بس صدمته يوم شاف الرجالين اللي معاها وهي بالمرتبه الثانيه والمصيبه انها لابسه لبس بنت يعني يعرفون انها بنت منهم هذولاء راح بسرعه للسياره جود كانت بالسياره وضامه ليان سمعت ناصر يقول : جود منو هذا اللي عند شقتك التفتت وشافت محمد متوجه لهم من الخرعه دفت ليان عنها ونزلت بسرعه وسكرت الباب عشان محمد مايشوف ليان لازم تحمي ليان من أي احد محمد بخوف : جود منهم هذولاء جود بربكه : هاه هذا نـ قاطع كلامها احمد اللي نزل من السياره : حنا اصدقائها انت اللي من تكون محمد باستهزاء : لا والله صدمتني بصراحه احمد على المود : والله انا اسف اني صدمتك بس عسى ماتعورت محمد : تستهبل انت ووجهك احمد : الحين انت ليش جاي ناوي تهاوش محمد : اسمعني احذرك من انك تقرب من جود ترى والله تكون نهايتك احمد : تكفى خوفتني ناصر وهو يوقف بينهم : خير اللهم اجعله خير وش صاير محمد بقهر : انت من تكون ووش عرفك بجود ناصر بهدوء : انا اسئلك هالسؤال بعد محمد : رد علي وشلون تتجرأ وتقرب منها يعني عشانها ببلاد غربه تحسب ان مافيه احد وراها ناصر بابتسامه : تبي تقولي انك انت تحميها محمد : مو شغلك احميها ولا لا بس لو اشوفك مقرب منها احش رجولك حش ناصر بتهور : المفروض انا اللي اقول هالكلام يا اخ محمد : لا وباي صفه ناصر : بصفة اني ولد عمها التفتت جود عليه بصدمه اما محمد ناظر جود بصدمه محمد : جود هذا منو جود بربكه : هاه محمد بصوت عالي : اقولك هذا منو جود بخوف : ولد عمي محمد بصدمه : أي واحد منهم جود : خالد .. ايه خالد ولد عمي محمد : كذابه ناصر : وليش تكذب ان شاءالله اتمنى انك ماعاد تقرب منها يا استاذ احمد : يالله ممكن الحين تهوينا محمد بقهر : صدقوني ماراح اخليكم لي رجعه جود عارفه من يكون محمد خافت انه يضرهم ركضت وراه ومسكت يديه محمد وقف لحضه وقف محمد : نعم جود جود بخوف : الله يخليك لاتضرهم الله يخليك يامحمد محمد بجديه : جود قوليلي الصراحه هذا ولد عمك جود : ايه ولد عمي ومابيك تضره لانه بيساعدني ويرد لي ليان محمد : اذا على ليان انتي منتي محتاجه لواحد مثله انا الحين ادور عليك ولما احصل ليان راح اجمعك باهلك ان شاءالله بس لاتذلين نفسك لولد عمك لاني اعرف كرهك لعيال عمانك جود : لا لاتعب نفسك هذا ولد عمي واجبه يساعدني لاذليت نفسي ولا شي انت بس خلاص عيش حياتك ولا تشيل همي محمد بقهر : جود لاترفعين ضغطي اقولك انا فعلا الحين لي ناس يبحثون عنها لي شالا تبين تذلين نفسك جود : اقولك ماذليت نفسي ياخي خلاص خلني بروحي محمد : جود وش اللي صارلك تغيرتي كثير جود بعبره : هذي حياتي وانا حره فيها ياخي اتركني بحالي محمد : ومع هذا مو مصدقك فيه شي جابرك على انك تمشين وراهم جود : محمد ترى تعبت منك ياخي خلاص لاعاد تتدخل في حياتي تكفى اتركني اعيش بهدوء محمد بابتسامه قهر : اوك على راحتك على العموم كنت خايف عليك واحاتيك بس من كلامك اقدر ارتاح لانك اكيد مرتاحه معاهم جود وهي منزله راسها : ايه الحمدلله مرتاحه معهم تقدر تروح وانت مرتاح محمد : اوك اجل ماتشوفين شر اوعدك اني ما اضايقك جود : الله يعطيك العافيه محمد وهو رايح : وياك رجعت وحصلت الاثنين يناظرونها واقفين عند السياره جود : خلاص الحين باخذ ليان وبادخل روحو انتم ناصر : وش يطمني انه ماعاد يرجع جود : لا محمد اعرفه مستحيل يضرني ناصر باستهزاء : اتمنى يكون قد الثقه جود : لا تطمن قدها ان شاءالله خذت ليان ودخلت لشقتها اما هم يوم دخلت راحوا واحمد مو فاهم السالفه وناوي يجلس لناصر جلسه ويعرف كل شي النهايـــــــــــــــــــــــــــه ....... انتظروني الجمعه القادمه بإذن الله |
اعذروني عالتأخير
واتمنى لكم متابعه ممتعه |
فروووووووسة ق1ق1ق1 أيش هذا البآآآآآآآرت الجميل ق1 جود هذي أحس سببت مشاكل وفي النهايه الكل بيروح عنها ومحد واقف بجنبها .. ليان ق1ق1ق1ق1 محمد .. هو وآقف جنب جود بس أحس جود قلبت عليه شوي ! ناصر ق1 أحمد ق1 أنتشظر البات الي بعـــــــــــــــــــــــــــــــدوو ق1 |
| الساعة الآن 08:02 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.