بآآآآآآآك لكم بعد غيبه طويله جدن جدن :w00t2:
و هذآ البارت ، و مسااامحه جدن على التأخير :character0283:

pa r t 8

بسمة قعدت في صدمة شديدة جداً .. و قررت تتصل في وحدة من ربعها
تفضفض لها ، و لكن للأسف .. تعودت تفضفض لإيمان .. ف ما عندها غير إيمان
تفضفض لها ..!!!!
بسمة صآر لها نص ساعه تقريباً تلف في أسماء الموبايل و تعيدها تدور وحدة ثقه
تكلمها .. و كل مره تلف .. توقف يدها عِند (sis amoon) .. ف .. قررت تتصل !

بسمة تتصل على تلفون بيت إيمان .. محد يرد ..
قطعت الأمل ..
ف قررت تتصل على .................................................. ................ علي !

--

نرجع لعِند المستشفى ..
الزوار تحمدوا لعلي بالسلامة ..
و رآحو ... كلهم ،
و علي قعد بروحه يطالع برنامج بالتلفزيون ..

فجأة .. رن تلفونه .. [ رنة .. وش جاه .. لراشد ] ..
المتصل رقم غريب
علي رد .. سمع وحدة تصيح .. : مسامحة اختي .. بغيتي شي ؟
بسمة: إنت علي ؟
علي: إي نعم .. من معاي ؟ مو متعود يدقون علي بنات!
بسمة: علي .... انا متضايقه وايد ... ف فتحت الورقة الي فيها رقمك .. و دقيت ..!
علي: من انتي؟
بسمة: معقوله ما عرفتني ؟ آنه بسمة !
علي: بسمة؟ شفييييج ؟؟
بسمة : إيمان .. أغلى خواتي .... سبتني و خاصمتني .. و تقول إني ما احبها إلا لمصلحة ..
... و كملت له السالفة ..
علي: إنزين و هذي البنت ليش تسوي جذي؟
بسمة: أهي تسمي روحها [ عاشقة إيمان ] و إيمان ما تحبها .. و عايشه عبالها إن ربع إيمان
الي يشوشونها عليها ... و آنه أولهم .. ف تبي تبعدنا وحدة وحدة عن إيمان ...
علي: و هذي "إيمان " مهمة بالنسبة لج ؟؟
بسمة: شلوووون مو مهمه؟ إيمان اختي و قلبي و صديقتي و كل شي ... إيمان ساااكنة
قلبي برووووحها .. محد غيييرها !!
علي: محد ؟؟!
بسمة سكتت شوي .. تستوعب الموضوع .. إن هذا علي اللي يحبها و محد غيرها .
و هو بالمستشفى بين الحياة و الموت عشااانها ..
بسمة: هاه .. لا قصدي بانسبة لربعي و خواتي .... لا تفهم علي غلط ...بليييييز
علي: ليش أفهم غلط !!!!! قلبج ساكنته وحده و بس ... آنه ما لي أهمية فيه ...
بسمة: علي كفاايه اللي فيني ... لا تسوي جذي ..
علي: أها اوكي .. خل اللي ما عندها ثقه فيج تنفج ..
و صك الخط بويهها ..
بسمة صاحت صياااح ... محد صاحه من قبل بالكوون !!!!!!!!

--

مر 3 أيام على هالحال ...
و بسمة ما تطلع من دارها و ما تاكل .... و مبندة تلفونها .. و ما تقعد
على المنسجر ... مقفلة عليها الباب ... و ما تستقبل أحد من ربعها!! و لا من عائلتها ..
بس تصيح ... و تشرب مااي ..

نوح ، و أحمد حاولو يكلمونها بس هي راافضه ...
و خصوصاً إن المشرفة اتصلت تسأل اهلها ليش بسمة غايبة 3 أيام ..
ف سكتوا المشرفة بإنها مساافرة مع أمها .......

بسمة تتذكر كل شي .... و تصيح مرة ثانية ..

----


اليوم الرابع للحادثة .. بالمدرسة .. قبل لا يطق الجرس الصبح ،

إيمان قلبها يعورها من يوم اللي صارت فيه السالفة .. وخصوصاً بسمة .. ما قاعد
تستوعب إنها تسوي جذي ..

مروة: إيمان .. إيمان ...
إيمان لفت ويهها لمروة .. : نعم ؟؟
مروة: بسمة هذا اليوم الرابع الغايبة فيه عن المدرسة .. و قاطعة كل أشكال الاتصال
فيها .. ما تدرين شفيها ؟
إيمان: هاه؟ اليوووم الرااابع ؟؟ يعني بسمة خلال الايام الي طافت ما داومت ؟
مروة: اقوووولج غايبه و قااطعه كل اشكال الاتصال فيها ..... و بيتهم يقولون إنها ما تاكل و مو
راظية تكلم أحد .. و قافلة عليها الدار و بس تصيح ، ليش إنتي ما تدرين؟
إيمان: لا .. و شلون عرفتي هالمعلومات عنها ؟
مروة: دقيت على تلفون بيتهم .. إيمااانو من صجج ما تدرين؟ شلووون عايشه 4 أيام بدون
بسمة .. و لا تدرين عنها ؟ ليش بينكم شي ؟؟؟؟؟؟؟؟
إيمان :...........
مروة: إيمان شفيج ؟؟
إيمان تطيح دموعها ... . : بسمة غدااااره .. غداااره !
مروة: هيي انتي شفيج .. الي قاعده اتكلمين عنها هذي بسمة ..
إيمان تقول لها اللي صار و تصيح ..
مروة تهدئها : بينج و بين إيمان عشرة عمر خمس سنوات .. يعني معقووله أي وحده غريبه
مني و الطريج بتيي تخربج عننها و انتي تعرفينها زيين ؟؟
إيمان سااايلنت !
مروة: أنا بخليج الحين .. اتمنى تراجعين نفسج .. لأن بسمه مستحيييل تكون جذي !

إيمان تفكر زييين في الموضوع .. و تقرر تزور بسمة و تعتذر منها .. لأن هذي هي الطريقة
الوحيدة اللي بتقدر تتواصل فيها معاها .

--
بعد المدرسة .. إيمان تروح لبيت بسمة .. و تطق الجرس ،
نوح فتح الباب : إيمااان ؟ هذي انتي ؟ شتبين عقب اللي سويتيه بأختي ؟ شتبين أكثر؟
مو حرام عليج ؟ أي وحدة بتجذب عليج بتصدقينها .... و تجذبين بسمة ؟؟؟؟؟؟؟
إيمان و هي تصيح بصوت مخنوق: نوح تكفى ... بمووت ... بس أبي أجوف بسمة و اعتذر منها ..
نوح: بسمة ما تفتح الباب لأحد .. ولا تاكل .. مستحيل بقدر أقنعها تفتحه .. لو سمحتي
رجعي من المكان الي يتي منه .. بسمة ما عندها قلب تستقبلج !

أحمد سمع صوت بنية تكلم نوح .. فراح يجوف ..
أحمد: إيماااان ؟؟ الله ياابج .. وينج أربع أيام غايبه عن بسمة ؟
إيمان: ....
أحمد: آنه دريت باللي صار .. و لكن الله يابج ........ بسمة نفسيتها معتفسه فوق تحت ..
إيمان: أحمد تكفى .. بس أبي أجوفها ..
أحمد: حياااج ..


أحمد يدق الباب على بسمة و إيمان صوبه دموعها على خدهآأإ !
احمد: بسمة .. ممكن تبطلين الباب .. في وحدة يايه تزورج ..
بسمة بصوت مبيوح من الصياح و مخنوق: قوووومو عني .. ما ابي اجوف احد ..
عقب اللي صار ما ابي أجوووف أحد .. أموت احسن و لا هذي الأذيه !!
إيمان ما استحملت .. طقت الباب بقوة على بسمة: بسمة فتحي الباب ..
بسمة حست إنها تتخيل صوت إيمان من الي صآر .
بس قامت بتفتح الباب ..
بسمة حالتها مأسااااة. .... ويهها أصفــــر من قلة الأكل .. و تحت عينها أسوووود لأنها ما تنام ..
و حدها ذبلاانه ...
بسمة بخفة تفتح الباب. . لقت إيمان جدامها ... و تمت في صدمة ..
إيمان لمت بسمة و هي تصيح ..... بسمة للحين على وضعها ما تحركت و لا سوت و لا شي ..
إيمان قامت عن بسمة : بسمة .. بسمة تكلمي !
بسمة حست الأرض ما تسعها .... دااار راسها ........... و أغمى عليها ..
أحمد شالها .. و وداها المستشفى هو مع إيمان ونوح ..
إيمان تصيح طول الطريج و هي ميودة بسمة ... وأحمد شوي و يدعم من السرعة ...

بعد الفصح .. الدكتور قال تحتاج لمغذي ..... و أدوية بيكتبها .. و إنها تمر بحالة نفسية
عاطفية صعبة ... تحتاج تقعد جم ساعة بالمستشفى ..


في نفس الوقت ، علي بنفس المستشفى كان بهاليوم بيترخص .. ف مروة كانت وحدة
من الموجودين معاه .... عشان ياخذون أغراضه .. مروة تمشي بالممر مع علي ...
و تتحمد له بالسلامه .. مروة فجأة جافت إيمان تصيح و أحمد و نوح واقفين معاها ..
مروة: إيمااان ؟ أحمد ؟ نوح ؟ شفيييكم؟؟
الكل :....
مروة: تكلمووو .. بسمه فيها شي ؟؟؟
علي انصدم لما سمع إسم بسمة .............. و لما جاف إيمان ..
أحمد : بسمة داخل .. مغمى عليها و ناقصة تغذيه و نوم ... و تمر بحالة نفسيه عاطفية صعبة..
تحتاج تقعد جم ساعه بالمستشفى ..
علي شوي و يصرخ ... بس تحمل نفسه و مادخل على بسمة .. لأنه كان مقهوووور
من إيمان ,.. و كان يطالعها بنظرات غيرة ...

الدكتور: تقدرون تدخلون عليها ... فرد فرد .. البنت قعدت ..
إيمان: تكفون يا جماعة .. خلوني أدخل عليها ..
نوح: حياااج

إيمان طقت الباب بهدووء .. و دخلت ...
بسمة: إنتي ؟ عقب اللي صار يايه ؟؟؟ شنووو تبين أكثر من جذي ؟
إيمان: بسمة آنه ...
بسمة: دكتوووور .. نرس .. أحمددددد طلعووها .. ما ابي اجوفها طلعوووها !
إيمان تسد حلج ببسمة بيدها: بسمة اسمعيني للنهاية .. آنه احبج و مستحيل اتخلى عنج ...
و اللي صار للحيني مو مصدقته ...و آنه ندمااانه على اللي سويته فيج ...
بسمه: آنه ما فيني شي .. اصلا الحين بطلع من المستشفى ..... انتي ما ابيج ... قومي
عني . كااافي .. كااافي ..
بسمة تسحب الدوا و تطلع من الغرفة ... توقف بصدمة لأنها جافت علي واقف مع مروة ..
أحمد: بسمة شتسوين ؟ رجعي مكااانج... إيمان اللي تبينها يبناااها ..
بسمة: آنه ما ابي أحد .. مااا ابي أحد .....
نوح سحب بسمة لداخل .. و طلع إيمان من الغرفة عشان يهدأ بسمة .ز

خااارج الغرفة .. أحمد عصب من وجوود علي طول الوقت ..
أحمد: أخوووي ... بصفتك من واقف هني ؟ هذول ربعها إنت منو ؟
علي: هاه ... لا آنه واقف مع مروة .. ما يصير أهدها بروحها ..
أحمد : تقدر تروح ، إحنا موجووودين ..

علي: ............... إن شاء الله



نهاية البارت

هَـلَـآ وَغَـلَـآ ..

يَاقَلْبِــے عَ بَـسْمَــہ !

تِگْـسِـررْ الْخَآآطِر ..

هِـےَ وَإِيْمَآنْ وَعَـلِـےْ « مَآخَلِيـتْ حَـدْ ^^"


نِنْتَظِـرْ الْبَآآرْتْ الْجَآيْ ..
لَـا تِتْأَخَرِيـن غَـلَـآيْ }~