|
بسم الله مب بشر جاسم اعوذ بالله من هالامثال
مشكوووره اختي ننتظر التكمله لاتتاخرييييييييييييييييييي يالغاليه الله يعطيج العافيه اختج الفردوس |
هلا والله قلبي اادي نورتي
لا توصين حريصه كلكن حبيباتي وكلكن خواتي الغلا |
البارت(26) 7 7 7 7 7 طلع جاسم عشان يبشرهم بالخبر انهم موافقين بس ساروه وموزه جافوه يوم ضربها ووقفن يجوفنها ..مها رفعت عيونها و جافتهن تريد تشرد بس مسكتها ساروه مها: دخيلج لا تضربينى (و اتصيح) ساروه(انصدمت): لالالا (مرتبكه) لا تخافينى مابسوى شى موزه: انتى بخير مها: هيه بكون بخير ساروه: شو اسمج مها: اسمى مها ساروه(انصدمت يوم شافتها): انتى مها (تقول فى خاطرها ماشا لله محلاها صدق جميله بس حرام كل هذا العذاب تعيشه ) موزه: ايييه ساروه ساروه: هااا موزه: نسيناهم داخل ساروه: هيه ماعليه (اطالع مها) ليش ماتيلسين معانا انتى عروس احين مها: ما اقدر خالتى بتصارخ على ما اقدر اسمحيليه الحين سيروا داخل اذا جافتنى ارمسكم بتذبحنى ساروه: ليش انتى ماسويتى شى غلط مها(اطيح على ريولها اتصيح و تترجى ساروهو موزه): دخيلكن سيرن داخل مافينى على الضرب كل يوم ساروه: انتي حرمه اخويه محد بيقدر يضربج و لا حد يقدر يسويبج شى موزه: مها نحن وياج انتى اى سنه جامعه مها: كنت اداوم فى الجامعه شهرين بعدين مات المرحوم من بعدها ماخلونى اداوم ساروه: ماعليج و انشا لله تتوفقين فى حياتج مها: امين بس ممكن تسيرن الحين لانى بصراحه بديت اخاف ساروه+موزه(يبتسمن): انشا لله ::++طلعن ساروه وموزه من المطبخ سايرات صوب الصاله جافن جواهر و لمياء يضحكن من الخاطر و مستانسانت بعد::++ اول مايلسن موزه وايد حز فى خاطرها الموقف وام جاسم اطالع البنات ... وترمسهن لمياء: انا انشا لله يوم بتخرج بسافر برع ميروه: لا و لله نوره: صدق بسافر وياج جواهر : يمكن اهلج مايخلونج (تاشر على موزه) هذى اختج ميره ميروه: هيه نعم موزه اختى والى عدالها بنت خالتى و هذى اختى نوره لمياء: ما عندكم اخوان ميروه(هذى ليش تسال): هيه عندى حمدووه: هيه عندها اخوان ليش تسالين لمياء: بس اسال (بدلع) نوره: ههههه اقول حبيبتى ماعليج منهن هذيل يهال ساروه: نحن هب يهال .. يسن البنات يسولفن الا مها الى تمت فالمطبخ عشان تطبخ عشا حق الضيوف ..او حق الى بيخطبونها .. ::++اما فى ميلس الرياييل ::++ اتفقوا خلاص انهم يخطبون ويملجون بعد ما قالهم جاسم انهم موافقين وقروا الفاتحه وملجوا بقى الفلوس طلع بومحمد الفلوس الى كانن فى الظرف و حطهن جدام جاسم تم امبطل عيونه على وسعهن معقوله فهاذب السرعه دفعوو المهر بومحمد: هذا مهر البنيه عطها اياااه عشان اتزهب عمرها جاسم: نحن شو اتفقنا بوخالد(معصب): هذى فلوس البنت مب انته طالب 100.000 جاسم: هيه هذا حقنا و من اليوم تقدر اتشلها فهد: انا قلتلك بسويلها عرس خليفه: اقوول بووويه شل الفلوس الحين (طلع من جيبه ظرف) وهذى 7000 حق البنيه بومحمد: عطنى الفلوس خليفه(يطالع خليفه) خليفه: انشا لله يدى (عطاه الفلوس) بومحمد: شباب خلاص على بركه لله مبروك يافهد والحين سيروا وردوا بعد اشوى الشباب: انشا لله بومحمد: بارك لله فيكم جاسم: و انا بومحمد: انته بتسير تزقرلى مها جاسم: بناتنا مايطلعن عند الرياييل بومحمد: انا حسبه ابوها وسير نادها (يطالعه بعيون غضب حتى جاسم خاف و فز من مكانه) جاسم(بخوف): انشا لله ::++طلع من الميلس وهو خايف ساير صوب المطبخ::++ اول مادش جاف مها تعدل فى الجدر و تحطه اهناك و تزين الصينيه هذى عشان العشا جاسم: مهووووي مها: نعم جاسم: سير اتلبسى يد المعرس يباج مها: هاااا شو جاسم(يصرخ عليها): مثل ما سمعتى مها: انشا لله سارت مها و تلبست كندوره مغربيه جديمه لان مايفصلولها ملابس حق العيد و لا شى بس لمياء وجواهر ...وهيه تمشى عدال جاسم فتح لها الباب و قالها تدخل واشر بومحمد حق جاسم الى خاف من جاف عيونه بومحمد ..طلع جاسم من الميلس ويلس عدال سيارته ..اما مها يلست بعيد اشوى عن بومحمد . بومحمد: تعالى يابنتى تقربى انا حسبه ابووج مها: انشا لله (تقربت من بومحمد) بومحمد: يابنتى انا اخترتج من بين خواتج حق حفيديه مها:...................(منزله راسها) بومحمد: بنسويلج كل شى لان اخوج يريد ياخذ مهرج له ولامه مها:.................................(نزلت دمعتها) بومحمد(يطلع ثلاث ظروف كلها فلوس): خذى هذى لج لا تراوينهم اايااه مها(اتصيح): بيضربونى و لله ياعمى بومحمد: ازقرينى يدى مها: و لله يايدى بيذبحونى ما اريد اخذهم (اتصيح) بومحمد: محد يقدر يسويلج شى بعد 10 دقايق بيدخل عليج المعرس ونتى لابسه جذا مها: كنت اسوى عشا بومحمد(منصدم): شووووووووو انتي عروس اليوم مها(اتصيح): مب حاسه انى عروس خالتى بتذبحنى اذا يلست ساعه بومحمد: يودى هالفلوس ومسحى دموعج ولا تخافين مها: صدق يدى بومحمد(يبتسم): هيه نعم مها: لله يخليك لى انشا لله (تحب راسه) بومحمد: يالله يوديهم وسيرى الحين مها: ما اريد المعرس يجوفنى بومحمد: ما خبروج شو اسمه مها: لا بومحمد: اسمه فهد مها: فهد بومحمد: هيه ريلج اسمه فهد مها(مستحيه): انشا لله بومحمد: يالله اجوف احين سيرى بدلى ثيابج و نترياج مها: انشا لله ::++طلعت مها من الميلس ::++ اول ماطلعت شافها جاسم وتقرب صوبها جاسم: شو قالج مها: ماقالى شى سير يباك احين الباقى باييون جاسم: اوووف منج يالله ذلفى عن ويهى مها سارت بدون ماترد عليه جافتها ام جاسم تريد اتسير حجرتها ووقفتها ام جاسم: هاوين سايره الناس يبون يتعشون مها: خالووه مب زين اجابلهم جذا وملابسى وصخه ام جاسم انزين جلبى ويهج احين مها: انشا لله سارت مها فوق وجافت صندوق وايد حلو على الشيريه و كانت ميره و موزه وساره ورى الباب اول مادخلت شهقت : شو هذا ؟؟!! منو يابه البنات: نحن ميروه: يالله لازم انرتبج مها: بيذبحونى و لله ساروه: لا منو قال يالله عاد مها: هذى الظروف عطانى اياهم يدى بومحمد البنات: فديته ياربى هذا ابونا كلنا فاهمه مها: تصدقون قالى اسم الى بيخطبنى البنات: فهد مها: شودراكم ساروه: لانه اخوى و اعرفه مها: اخوووج موزه: هيه اخوه يالله لازم انزهبج عشان بعد العشا بيدخل عليج مها(مستحيه): انشا لله خلونى ايود هذيل البنات: يالله ::++حطوا العشا حق الرياييل و الحريم البنات نزلن عن مها ::++ بعد ما خلصوا عشا و تعشوا طلب بومحمد بان المعرس لازم يجوف حرمته والكل وافق ..يلس فهد فى الصاله وهو خايف يحس باحساس غير طبيعى ..نزلت مها وكانت ملاك.. ام زايد اول ماجافتها حبتها على خدها و الكل استغرب من رده فعل ام جاسم وبناتها ماسلمن عليها ...مها حبت راس خالتها(حرمه ابوها) الى دزت مها ومسكتها ميرووه ميرووه: ماعليه يالله دخلى الحين يترياج اهناك مها(ترتجف): هااا ساروه: يالله دخلى ::++البنات دخلن مها الميلس::++ اول ماجافها فهد وقف يطالعها وقلبه بيطلع من صدره سار صوبها .. فهد: مبرووك مها مها(رفعت عيونها و انصدمت): انته فهد(يبتسم): هيه انا مها: ............................(ماكانت متوقعه) فهد: ادرى انج منصدمه بس بقولج كلمه وبروح مها: تفضل؟؟!! فهد: مها لا تتحسبين اني باخذج عشان شفقه لا مها: عيل فهد: لانى بصرااحه احبج و ياليتج اتساعدينى مها(مستحيه): كيف تحب وحده ويها وجسمها كله ضرب فهد: الحب مايعرف شى اسمه كيف و كيف .. مها:..........................(ماعرفت اترد) فهد(طلع الخاتم الالماس): هاتى ايدج مها: ليش ؟؟! فهد: شو ليش بعد حد قالج انى باكلها مها(تبتسم والاول مره): لا فهد: عيل هاتى لبسها الخاتم و طلع عنها و دخلن الحريم عليها و ام جاسم كأنها تتوعدلها ...بعد ماتعشوا و خلاص اتفقوا و روحوا من بيت المرحوم ...ام جاسم بعد ماراواحوا سارت حق مها ام جاسم: يالله سيرى رتبى اغراضج مها(بخوف): هاااا ليش ام جاسم: بتطلعين من البيت مها: وين برووح ام جاسم: ما عرف بس يالله طلعى مها(تصيح): خالوووه وين اسير فى نص الليل ام جاسم(تسحبها من شعرها ): الحين تطلعين من بيتى لمى اغراضج و طلعى (تفرها على الارض) جاسم: يالله قبضى الباب لمياء: خلوها تاخذ اغراضها مبرووك مها جواهر: مبرووك ام جاسم: سمعتينيه محد موقف نصيب بناتى غيرج مها: استغفر لله يا خالتى شو هالكلام ام جاسم(تعطى مها طراق): تعالى علمينى بعد الرمسه (تصرخ تنادى الخدامه) ميسى يا ميسى ميسى: يس مدام ام جاسم : هذى طلعيها برع البيت ميسى(منصدمه): ازين ام جاسم: يالله كلكم رقاد عيالها: انشا لله سارت مها حجرتها فوق و هيه تصيح من الخاطر وين اسير ياربى حطت اغراضها مع الظروف الى فيهم فلوس مع ملابسها وبطلت الباب ام جاسم وهيه معصبه.: اشوفج اهنيه يالله طلعى من بيتى مها: ازين ام جاسم: اترياج لبست مها عباتها و شيلتها ويايه تبى تطلع ادزها ام جاسم لين ماطاحت من على الدرى ونزل الدم من راسها وهيه تصيح وقفت مها وبطلت باب الحوي وطلعت و هيه خايف الظلام كان يخوف وهيه ترتجف من الخوف كل ماتجوف سياره تسير ورى النخل ....تذكرت مها ان ساروه عطتها رقم تلفون بيتهم وطلعته من الشنطه ياربى اتصل الحين شو بيقولون الناس... سارت صوب الدكان ووقرت انها تتصل ... توووووووووووووووووت تووووووووووووووووووووووت مها: الحين الساعه عشر محد بيرد على (كانت تريد تسكر بس سمعت صوت حد يرمس) عبدالله: الووووو مها: السلام عليكم عبدالله: و عليج السلام مها: موجوده ساره عبدالله: هيه نعم لحظه سار عبدالله يريد يزقر ساروه جاف فهد ساير الصاله و هو يضحك مستانس مايدرى المسكين ان مها طردوها من بيت ابوها ...وصلت ساروه الصاله بعد مازقرها عبدالله سارووه: ووويه هلا المعرس فهد: هلا سيرى ردى على التلفون ساروه انشا لله ::++ترد ساروه على التلفون::++ ساروه: مرحبا مها: هلا مرحبا ساروه ساروه(مستغربه): هيه نعم مها(تصيح): انا مها ساروه(فتحت عيونها واطالع فهد): مهااااااااااااااااااااااااااااا (فز قلب فهد وتقرب صوب التلفون) مها(تصيح): سارووه لحقينى انا خايفه ياسه فى الظلام بروحى ساروه: انتى وين فهد: هيه و ين ساروه: لحظه (تلتفت على فهد) صبر خلنى افهم عليها فهد: يالله ترانى و لله واصل حدى ساروه: وينج احين مها(قاطعه من الصياح): انا صوب الدكان سارووه: شو الدكااان ليش مها: طردونى ساروه: شوووو ومتى ::++دخلت ام زايد وزايد مستغربين اشفيه فهد::++ ام زايد: اشفيك معرس و جذا فهد: امااايه مها متصله ام زايد(بخوف) خير شو مستوي زايد: شو استوى فهد: ما ادرى اتريا ساروه تسكر عشان افهم شو السالفه ساروه: خلاص احين باييج مها: لا تتاخرين دخيلج سارووه: انشا لله حبيبتى (سكرت عن مها) فهد: شو السالفه ساروه: صدق انهم نذلين زايد: ليش شو السالفه ساروه: طردوها المسكينه من البيت و الحين ما تعرف وين اتسير الكل: شووووووووووووووو فهد: صدق ترمسين ؟؟ ساروه: هيه والله ... (تلف على امها)اماايه خلينا انسيرلها دخيلج البنت بتموت من الصياح و من الخوف ام زايد: يالله يابنتى زايد: لا اله الا لله شو هالناس فهد: ولله بيجوفون زايد: لا تسوى شى خلهم على لله .. ساروه: يالله امااايه بنتاخر ام زايد: انشا لله طلعت ساروه و امها صوب مها وجافوها ياسه حليها و رى النخله ويوم جافتها ام زايد حضنتها و يلست مها اتصيح من الخاطر وام زايد وهيه تهديها ..ركبت مها السياره وياااهم ...وسارو البيت .................................................. . هاه شرايكن فهذا البارت حييلووو ولا هب حيلوو اتريا رايكن فهذا البارت الغلا |
يسلموو يالغلا عالبارت الحلو ..
و بانتظار التكملة بفارغ الصبر ..... |
مشكوره لمرورج دمعه عاشق (^_<) احين بكمل البارت (27) 7 7 7 7 مها تمت اتصيح اول ما جافت ام زايد ..ساروووه ما رامت تتحمل شكل مها وهي تصيح ركبوا السياره و فهد كل ساعه يتصل على امه وامه ماترد على التيلفون ام زايد قلبها تقطع على البنت ما تعرف شو تسوووي اتصلت ساروه على بيت يدها عشان تخبرهم .. تووووووووووووووت توووووووووووووووت ساروه: الوو السلام عليكم خليفه: هلا و لله هلا ساروه(ماقدرت تحبس دموعها): خليفه (وقفت بعيده عن امها) خليفه(بخوف): شو فيج سارووه سارووه: خليفه لو تعرف شو استوى خليفه: لا تخوفينى شو استوى قولى عااد ساروه: تعرف مها الى خطبناها حق فهد خليفه(يرفع حياته و يشوف يده و اهله): شو فيها مها ساروه: طردوها اهلها من البيت خليفه: شوووووووووووووووو (منصدم) ::++وقف خالد عدال خليفه عشان يعر شو السالفه::++ خليفه: وين انتوا احين سارووه: نحن عندها الحين بناخذها بنوديها بيتنا خليفه: خلاص عيل تماااام ياينج ساروه: و لله خليفه: هيه انا كم سويره عندى (يضربه خالد عشان يوطى صوته) ااااااااااااااااااااااااااى ساروه: شو فيك خليفه: لا ماشى الحين بكون عندكم انا و خالد و نصووور ساروه: اتريااااك خليفه: اتغشى ساروه: انزين تعال اول خليفه: الحين يايينج ياقمر حياتى انتى .. ساروه: خليفه بس عااااد خليفه: خلاص ياينج ::++بند خليفه التلفون و لف على اهله::++ لف خليفه على اهله شو بيقول لهم طردوها ..بومحمد كان حاس ان فى شى و يلس يطالع خليفه وخليفه بند التيلفون و ويلس مجابلنه .. بومحمد: ولدى شو فيها سارووه خليفه(مرتبك): يدى ... بوخالد: شو فيك ارمس خليفه ناصر: شو السالفه خليفه (يطالع خالد) خالد انته بعد شو فيك خالد: و لله ما ادرى ..ما اعرف شو من الناس هذيل الحيوان مستحيل يعق ضنااااااااااااه بومحمد: طردوها من البيت صح خليفه(منزل راسه): هيه نعم طردوها و الحين سارووه و عمتى عندهااا ام خالد: يالله ياوخيتى ام زايد ما تستاهلين بومحمد(معصب): ما صابها شى ؟؟!! بوخالد: ابوويه قم انسيرلهم بومحمد: يالله (يطالع خليفه) ها ما بتودينا نشوف قمرك خليفه(مستحى): هيه بسير بومحمد: عيل يالله خالد: ناصر اتصل على فهد ناصر: اكيد عرف بالسالفه خالد: هيه صح ::++طلعوا كلهم من البيت (بيت بومحمد) اما ام زايد يلست تهدى فى مها::++ ام زايد: يا بنتى يا مها استهدى بالله بتيلسين فى بيتنا مها(تصيح): لالالا خالووه ما اريد ساروه: وين بتسيرين؟؟!! مها: ما عرف بس شو بيقولون الناس خطبوها وسارت بيت ريلها ام زايد: انا ما على من رمسه الناس ونتى معزتج من معزه فهد و الى مايطوله بايده يطوله باريوله سارووه: هيه صح...... اووه اماايه فهد من الصبح يتصل ام زايد: سيرى هاتى التيلفون بتصلبه .. ساروه: انشا لله (سارت صوب السياره ادور التلفون اول ماحصلته عطته امها) ام زايد: ناولج لله الجنه ساروه(تحضن امها و مها): ويااكم (تبتسم) ::++تتصل ام زايد حق فهد الى يتحرقص من الصبح::++ ام زايد: الوووو فهد: ووووووووووينكم من متى و انا اتصل ام زايد: ياولدى انا اهنيه فهد: شو اهنيه لله يهديج يا امااايه هااا و ينها مهاااا ام زايد(اطالع مها و هيه تبتسم): العروس عندى ؟؟!! فهد: يبوها البيت ام زايد: ياولدى نتريا يدك الحين فهد: ازين انا احين طالع مع عبوود ام زايد: اتريااااك عيل فهد: خلاص برااايج ::++بند فهد التيلفون وطلع مع عبدالله وبومحمد وصل مع عياله ::++ ساروه يالسه ترمس مها وسوالف الا واشوى اتجووف سياره خليفه الى فزت من جافتها و تغشت قبل لا يجوفها ..اما خليفه جافها و هيه تتغشى لانه شغل اليتات صوبها ويلس يضحك ...نزلوا كلهم من السيارات ..بومحمد تقرب من مها .. بومحمد: ها بنتى شحالج مها: يدى (نزلت راسها) بومحمد: من اليوم انتى بنتى و هذيل اخوانج مها: انشا لله ام زايد: حرمه ولدى بعد ؟؟!! بوخالد: وبنتى بعد انا ؟؟ مها: لله لا يحرمنى منكم (تصيح و اطيح فى حظن بو محمد) خليفه يطالع سارووه عرف انها بتصيح من الموقف الى جدامها خطف جدام يده الى رفع راسه و يعرف انه ساير صوب سارووه .. خليفه: شو فيج ؟؟!! ساروه(تصيح): ما اعرف قم قم ؟؟!! خليفه: وين قم قم ساروه: سير مناااااااااااااااااااااك خليفه (تنزل من على الرصيف) ::++التفت خليفه جاف سياره مسرعه يايه صوب ساروه امره و يسحبها من ايدها صوب الرصيف ::++ خليفه(يصرخ عليها): مينونه انتى اذا شلتج معاها تتحسبينها بتردج للدنيا ساروه(اطالع خليفه ): خ ..خل...خليفه (تصيح) السياره كانت مسرعه خليفه(يسحبها من ايدها): تعالى من اهناااك ام زايد: ووووووووووويه يا خليفه اشعنه صيحتها خليفه: برااايها بومحمد: خلوووووووه برايه ساروه: هههههههههه هيه صح برااايه خالد: توج اتصيحين ساروه: لا بس سكت خالد: يا سلام على الغلا بين القلوب بومحمد: و لله كلكم نفس المعزه ناصر(يطالع سياره فهد): هذا فهد ؟؟!! ام زايد: انا قلتله وين نحن بومحمد: زين سويتى يا بنتى .. ::++نزل فهد من السياره ساير صوبهم::++ فهد: ها شو استوى بومحمد: السلام على لله ياولدى فهد: سامحنى يدى و لله حقك على (يحب راسه) بومحمد: حصل خير ياولدى فهد(تقرب من مها): شو سوا فيج مها(نزلت راسها): .......................................... ام خالد: خلوها عندنا فى البيت لين يوم العرس فهد: لا بتيلس عندنا ناصر: كيف جيه بومحمد: يا فهد و انا ابوووك مايستوي خلها تيلس عندنا فهد(يطالع مها): شو قلتى مها: ما اعرف و لله بومحمد: بيتنا و بيتهم واحد يابنتى اذا تبين بيت خالتج ام زايد براايج ما بجبرج سارووه: هيه قولى بيتنا يالله قولى خليفه: ايييييييه سارووه فضحتينا بسج ساروه: متى هااا؟؟!! الكل: بدينااااااااااااااا مها: يدى بومحمد انا بيلس عند خالتى ام زايد بومحمد: بارك لله فيج خالد: يعنى ما تبين بيتنا مها(مستحيه): ...................... فهد(يغمز حق خالد): اييه على ما اظن هذى حرمتى ناصر: هههههههههههههههههههههههههههه عاشوا و لله خالد: عيل وينه زايد فهد: اتصلوبه الشركه بوخالد: ولله محد تعبان غيره ماسك الحلال كله بومحمد: بارك لله فيه و لله يحفظكم يالله كلكم بيتوكم اشوف الكل: انشا لله بومحمد: يا ام زايد ما اوصيج ام زايد: فى عيونى يابووويه ::++عربنا كل واحد سار بيته ومها سارت بيت ام زايد::++ فهد وصل قبلهم البيت عشان اذا كان زايد هناك يخبره بس وصل ماجاف حد غير البشكاره خمس دقايق من وصل الا سياره ام زايد وبنتها و مها وصلوا ...اول مانزلت مها رفعت عيونها جافت بيت كبير اول مره تشوف مثله فى حياتها ... ساروه: مها هذا بيتج من اليوم وفوق ؟؟!! مها: مشكوره يا سارووه ام زايد: يالله يابنات ندخل الساعه 12 ساروه+مها: انشا لله (يطالعن بعض ) ::++دخلن وجافن فهد يالس فى الصاله::++ ام زايد: فهد اشعنه يالس اهنيه سير ارقد ساروه: اذا عاد ياه رقاااد (اطالعه و تبتسم ) فهد(مرتبك): لا...يعنى ..جيه ....خلاص بسير ::++يدخل عليهم زايد::++ زايد: السلام عليكم (يطالع مها) الكل : و عليكم السلام زايد: اشحالها عروستنا اليوم مها(منزله راسها): بخير ربى يسلمك فهد: هذا زايد قبل لا يستوي اخونا ابونا (يحط ايده على جتف اخوه) مها: كيف يعنى ساروه: يعنى هو ربانا من توفى الوالد مها: بس هو صغير زايد: هههههه هيه صح انا صغير بس من صغرى و انا شايل المسؤوليه عن امى ام زايد: هيه يابنتى و انتى الحين حسبه اخته و حرمه اخوه فهد: هيه نعم مها: و لله ما اعرف كيف (ساروه تحط ايدها على ثم مها) ساروه: دخيلج لا تكملين شو قلنا الحين انتى عروس ووراج زهبه يعنى كل اسبوع فى دبى ام زايد: انشا لله يا بنتى زايد: ووينه عبدالله ::++دخل عبدالله فى هالوقت::++ عبدالله: انا اهنيه (يطالع مها) مرحبا شحالج مها: بخير فهد: هيه و بعدين الكل: هههههههههههههههههه ام زايد: يوم بتستوي حرمتك غار عليها ساروه: هيه و لله (تمسك ايد مها) تعالى براويج غرفتنا انا و نتى مها: و لله زايد: هيه يالله سيرى وياها مها(اطالع ام زايد): خالتى اسير ام زايد: هيه يابنتى عندنا اهنيه سوى الى تبينه و ساروه مثل اختج فهد: عاااد منو بيسكر حلج ساروه ساروه: اسكت يالله (تسحب مها من ايدها) يالله تعالى انسير مها: تصبحون على خير الكل: تصبحين على خير ساروه: تصبحون على خير ام زايد: لله يجعل صباحكم بخير ::+الساعه 12 الكل سار يرقد ::++ فى هالوقت المتاخر الكل راقد الا شخص واحد حمدووه يالسه ترمس مع حمد على الماسنجر و هيه مستانسه . العيناويه: ها شو قلت الكاسر: عن شو ؟؟!! العيناويه: شو عن شو الكاسر: و لله ما ادرى انا حاير بصرااحه العيناويه: حمد الكاسر: عيووونه العيناويه: شو الى يجذبك فى البنيه الى تريد تحبها الكاسر: اريدها تكون صادقه مع نفسها وبعدين معاااى العيناويه: اهاااااااااااا الكاسر: حمده ودى اقولج مشاعرى العيناويه: تفضل قول ؟؟!! الكاسر: انا احبج اول ماقرت العيناويه هذى الكلمه ارتجفت ومحت طيف زايد من خيالها مره وحده ...هذا الوقت الى اقول فيه مشاعرى حق حمد العيناويه: حمد الكاسر: اسف اذا هذى الكلمه اذا سببت ازعاج لج العيناويه: لا يا حمد بس فى خاطرى شى الكاسر: تفضلى ياروح حمد انتى العيناويه: انا احبك بعد الكاسر: صدق و لله العيناويه: هيه احبك احبك الكاسر: فديتج و لله العيناويه: فديت روحك نا الكاسر: ما كنت متوقع انج بتحبينى العيناويه:ليش يعنى ؟؟!! الكاسر: بس جذا العيناويه: حمد الكاسر: عيووووووونه العيناويه: باجر وراى جامعه واريد اروح ارقد الكاسر: انشا لله بس عندى طلب صغير العيناويه: شو ؟! الكاسر: اخاف تردينى العيناويه: شو انزين الكاسر: اريد اجوفج العيناويه: شووو لا لا لا صعبه الكاسر: محد بيدرى العيناويه: اخاف حد يجوفنى وياك الكاسر: السياره مخفى محد بيجوفج العيناويه: ماادرى الكاسر: حاولى انزين العيناويه: بشوف يالله بخليج الكاسر: يالله برايج .................................... هذي اخره حمدووه نست زايد وراحت حق حمد بس حد بيدرى من اهل حمدووه انها تحب حمد وشوه بيسوي زاايد لو عرف ان حمدووه اتحب غيره وهووه الي يمووت فيها بس هو يخفي هذا الشي اتريا الرد والتوقعات والراي الغلا |
هااااااااااااااااااااااه وين الردوود (>_^) (^_<) (>_^) بس تعالن ماتلاحظن ان بلوونه حمرا هب موجوده فالمنتدى عسى ان يكوون المانع خير اامين |
يسلموو عالبارت الحلو يالغلا ..و اسلوب رائع جدا..
و بانتظار تتمة القصة.. |
مشكوووره لمرورج
حبيبتي دمعه عاشق انشا الله قاسرع وقت بكمل البارت الغلا |
تسلمين على البارت الرائــــع فرحتي ما توصف بمها الحلـــوة و أخيرا راح تتزوج فهد:) مشكــــورة حبيبتي الغاليه و نتريـــا اليديـــد منج |
مشكوره لمرورج
حبيبتي العشوقه انتي الاحلى والاروع انشا الله تستانسوون معاي فالبارت الياي الغلا |
البارت (28) 7 7 7 7 7 ضهرت حمدووه من المسن و تفكيرها كله فى حمد الى احتل فكرها و قلبها و مسح زايد من خيالها للأبد عقت عمرها على الشبريه وتمت اطالع السقف و تفكر فى كلامه ياربى يريد يجوفنى انزين كيف مستحيل اطلع من الجامعه بجرب الا مره و حده و بعدها خير انشا لله بس ما اقدر و لله ما اقدر ماشى غير انه يعطينى وقت افكر فى هالشى ..رقدت حمدوه و هيه تفكر و تفكر ... ::++الصبح الساعه 10 فى بيت ام زايد::++ مها كانت واعيه الصبح تعدل الريوق فى المطبخ و ام زايد اول ما شافتها تقربت منها .. ام زايد: صبحج لله بالخير مها(تحب راس ام زايد): و انتى بخير خالتى ام زايد: شو تسوووين مها: اسوى ريووق خالتى ام زايد: سيرى اتلبسى بنسير نتشرى لج ملابس بنقرب فى العرس انشا لله مها: خالتى انا عندى الظروف الى عطانى اياهم يدى بومحمد ام زايد: عطيهم فهد بيفتحلج حساب فى البنك اذا تبين ::+يدخل فهد المطبخ مستغرب::++ فهد: السلام عليكم (يطالع مها) شو تسووين فى المطبخ ام زايد: و عليكم السلام قاعده اتسوى ريوق فهد: ليش تسووين مها: بس انا احب اسوى ريوق فهد: يالله سيرى بدلي ملابس بوديج السوق ام زايد: بتوديها فهد: هيه نعم ووعى ساروه بالمره وياااج ام زايد: يالله يابنتى سيرى مها: بس خالتى فهد: لا بس و لا شى يالله سيرى (يبتسم حق مها) مها: انشا لله ::++طلعت مها من المطبخ ::++ طلعت مها من المطبخ و هيه مستانسه جافت زايد نازل من على الدرى سلمت عليه وسارت فوق توعى ساروه ...اول ماوعت ساروه عطت مها تنوره و قميص روعه كانوا عليها و عبايه وشيله من خنجى .. مها: شو هذا كله ساروه خلاص بلبس من الى عندى ساروه: بس جب يالله تلبسى مها: هههه يالله ازين ::++يسمعن فهد يزقرهن::++ سارووه: وووووويه بسرعه مها: يالله ازين نزلن البنات من فوق ويلسن اشووى فى الصاله يتريقن ودخل وراهن عبدالله .. ام زايد: ها يا مها اتشرى كل الى تبينه مها: خالتى و لله ما اريد شى زايد: شو هالكلام بعد انتى عروس اشترى الى تبينه فهد: ماعليج منى انا خذى الى تبينه عبدالله: وين بتسيرون ؟؟!! فهد: بسير المول مع البنات و بتلاقا مع ناصر اهنااااك ساروه: وخليفه زايد: شو تبين فيه انتى ساروه(برطمت): ما اباااا شى فهد: ما اعرف يمكن اى مع ناصر ساروه(ترفع ايدها فوق): انشا لله ام زايد: شو رايج احطه لج عند الباب ساروه: هههه تسوين خير فهد: يالله ازين قومن مافينا على الزحمه ساروه+مها: يالله ام زايد: يا ساره ما اوصيج على مها اتنقوا كل شى تباه لان يدج متصل و قال العرس بعد اسبوعين زايد: لا و لله م زايد: هيه و لله فهد(فاتح عيونه مب مصدق): لا و لله ...لله يبشرج بالخير ياربى عبدالله: عقبالى يارب ام زايد: لين يعرس زايد ما بيوزك عبدالله: ليش ؟؟!! ام زايد: بس (اطالع فهد) يالله ياولدى ود البنات و دير بالك عليهن .. فهد: انشا لله يالله اجوف جدامى ++::فى سياره فهد::++ اول مادخلت مها سياره فهد يلست في الكرسي الي ورى ساروه ومارامت تقاوم ريحه العود الى فى السياره ومها كانت اتجوف فهد وهو يمشى ويرمس فى التيلفون ويضحك و تمت اطالعه لين ماوصل باب السياره وايدها على قلبها صدق هذا القلب بدى يعشق هالانسان ربى يخليه لى ..اول مادخل عدلت يلستها و تسمعه يرمس ناصر ... فهد: عنلاتك يالخاام اترياااك فى المول ناصر: منو معاااااااااااااااااك فهد: وياى ساروه و مها ناصر(يعلى صوته عشان يسمعه خليفه): وووويه ساااروه شو سيرها وياك ::++انقبض قلب خليفه و تقرب من ناصر::++ فهد: شو اسووى يا اخى انته شكلك تبا تحضر جنازتى اليوم ههههههههه ناصر: لا بسم لله عليك (خليفه يحط اذنه عدال ناصر عشان يسمع) تصدق واايد ملاقيف فهد: هيه و لله (تسحب ساروه التلفون من اذنه) ساروه: لا و لله تتحسبنى صمخه ناصر: سارووه (يسحب خليفه التلفون) خليفه: هااااااااااااااا سوويره ساروه: خلووف تعال المول خليفه: انشا لله ياينج ساروه: صدق خليفه: هيه و لله ساروه: ازين بقولك (يسحب فهد التيلفون) فهد: هههههههههههههههههه خلوووف خليفه: ليش تسحب التيلفون فهد: كيفى مب جانك انته وياها خبز وجبن خليفه: ههههههههههههههههه اندوك ناصر بنخاويك فى المول فهد: زين و لله تعال خليفه: انشا لله بسير اتسبح عيل براايك (يعطى ناصر التلفون) ناصر: مرحبا الساااااااااااااااع فهد: مرحبتين يالله اتريااك فى المول ترانى ناصر: انشا لله فهد: برااايك عيل ناصر: من قدك يابوووك معرس بعد اسبوعين فهد: ههههههههه عقبالك ناصر: منو هذى الى تبانى فهد: اصلا كل بنات العين يتمنن ناصر بن خالد يعطيهن نظره ناصر: احم احم فهد: يالله عيل ههههههههههههه ناصر: برااايك ::++سكر فهد عن ناصر++ :: فى سياره فهد كانت اغنيه عيضه المنهالى رفجه عرب اول ماسمعها طول على المسجل ورفع عيونه فى المنظره عشان يجوف مها الى عرفت انه يقصدها بهاالاغنيه ((و لله مايسونك يالغالى يالمزيون كلهم عسى يفدونك لى بالعدل يسعون ارفج انا بعيونك رفجه عرب يوفون لو كلهم ينسونك ما انساك مها يكون وش هى حياتى دونك ياليتهم يدرون انك نسخ مظنونك و انك نظر العيون لو مثلى ينظرونك و بطيبك يحسون اكيد ما يحبونك يا غايتى بجنون ..و لله ما يسونك يالغالى يالمزيون ..كلهم عسى يفدونك ....يسحرنى زاهى لونك و حيايك المقرون والشعر لى عمتونك ليل الدجى مسكون شفت الهنا فى كونك و اصبحت بك مفتون لزمن على اصونك و اعاهدك ماخونك ..و لله مايسونك يالغالى يالمزيون كلهم عسى يفدونك ...)) بعد ماخلصت الاغنيه رفعت مها عينها وحطتهم فى عين فهد ..اول ماصلوا الباركنات جافوا سياره وراهم كانت سياره ناصر و خليفه ..بعد ماوقفوا دخلوا كلهم المول و هم يضحكون... فهد:و ين بتسيرون اول ساروه: بسير لايف ستايل بعدين سبلاش بعدين خليفه: بعدين الحريبى ناصر: ههههه كمل ساروه: شوفيك انته الحين فهد: ساروه بدينا ما عرف منو محتشره على الصبح اوين قول حق خليفه ساروه(مستحيه): و انته ما تخلى شى فى بطنك (سحبت مها و سارت عنهم) فهد: ياربى ياهالبنت ناصر(يطالع خليفه): اييييييييه خلووف فهد: اشفيك سرحان هيه اكيد شايفلك حد من الغراشيب نحن ما نصيد خليفه: الا غرشوب سكن قلبى من زمان (يطالع اخوه ناصر الى فهم شو قصده) فهد: لا و لله زين عيل ناصر: حد منكم يسير مع البنات فهد: انا بسير ناصر: انته تعال (يطالع خليفه) سيرلهم يالله خليفه: انشا لله برايكم سار خليفه صوب ساروه ومها اول ماوصل وقف عدال ساروه .. خليفه: شو تسووين ساروه(خافت): بسم لله الرحمن الرحيم خوفتنى خليفه: لا و لله حلفى انتى بس ساروه: مابحلف (اطالع مها) شورايج فى هذا مها: حلووو خليفه: بسير اجوف اهناك ساروه: وين خليفه: اهنااااااك (ياشر صوب البنات) ساروه(معصبه): لا ماشى خليفه: اش اش فضحتينا ههههههههههه ساروه: لا ترمسنى خليفه: و لله كنت امزح معاج ساروه: هه شكلهن البنات بعدهن مسيطرات عليك (اطالعه بعيونها الى بدى الحزن يظهر) خليفه اتيبس مكانها مايعرف شو يسوى اول مره فى حياته يحس انه يجرحها بدون مايدرى و منو يجرح يجرح سارووه.. سارووه : (اطالع مها) عذرينى مها انا مجبوره اقول هالرمسه و اتمنى ما توصل حق فهد مها: صدقنى ما بتوصل .(تبتسم) خليفه: ساروه انا اسف و لله بس كنت اريد اجوف ردت فعلج ساروه(تنزل راسها): بس انته تجرحنى جذا خليفه: شوفى (ياشر على قلبه) انتى اهنيه و انا احبج و لله ساروه ساروه(حطت ايدها على ثمها): خلووووف بيسمعونك خليفه: خلهم يسمعونى شو يعنى مها: هههههههههههههههه ساروه+خليفه: تضحكين بعد مها(تقربت منهم): شو فيكم (اطالع ساروه) الحب الصادق مب عيب ياساره ساروه: صدق مب عيب بس خلينا نخلص الحين خليفه: يالله بترياكن .. ............................................ هذي اخره الحب الصادق بس شوه اخره حمدووه شو بيستوي بينها وبين حمد الي تبى تعرف اتابعني فالبارت الياي الغلا |
يسلموو عالبارت يالغلاا ..
بانتظارج.. |
تسلمين حبيبتي على البارت الأكثر من روعـــة جزاج الله ألــــــــــــف خيــر .. و ننتظر البارت اليديد |
اليوم ما بقدر اكمل الباقي
انشا الله يووم الخميس بكمل البارت 29 و 30 و 31 وانشا الله لو الله راد بكمل بعد 32 اتريني هب ماتردن علي الغلا |
أنا هنا
مشكووووووره حبيبتي الغلا على إهتمامك فيني وأنا في الويك إند ما أمداني أقراء البارتات إالي نزلت واليوم أو بكره إن شاء بكمل قراءه وإن شاء الله أرجع زي أول واحسن |
الحمد لله كملتهم
وجهت نظري عن جميع البارتات أم جاسم ((اللهم ابد جميع من هم مثل أم جاسم)) .....وبس وحمدوووه بصراحه هي قاهرتني بس هي إلي بتفوت زايد عليها وفهد الله ييسر له ويقدر يسعد مها والله يديم حب خليفه وساروه للأبد ومشكوووووووووووووووووووووووووووووووووووووووووووووو وووووووووووووووووووووووره حبيبتي على البارتات الأكثرمن رائعه وتراني انتظرك يوم الخميس مع التكمله إن شاء الله |
اووووووووووووووووووووووووووووه حبيبتي بلونه حمرا
وينج من زمان كلكن حبيباتي لا تزعلن بس بلونه حمرا كانت متابعه القصه من الاول عشان جيه اهتميت فيها حتى انتن لو بتابعن قصتيه بهتم فيكن وانشا الله اهمتم فكل الي بيتابع قصتيه الغلا |
أنا هنا ما رحت بس يوم الخميس والجمعه كنت طالعه أرجع البيت وانوم أقوم من النوم وأطلع على طول والله إنتي اكثر وحده مشتااااااااقه لك
والله إن لك معزه في قلبي ما يعلم فيها إلا الله سبحانه ويالله ترى أنتظرك يوم الخمييييييييييييس على احر من الجمر ولو تقدرين تنزلين لو بارت 1 بس اليوم او بكره اكون لك من الشاكرين |
مشكووره على الاجزاء الرووعه
حمدوووه من جد تنرفز شخص ماتعرفه تقوم تحبه والله قهر مهاا مسكينه بس ربي عوضهاا بفهد ان شاء الله ينسيهاا العذاب اللي شافته على يد اهلهاا ننتظرك بالتكمله |
مشكوووووووووووووووووووووره على البارت يالغاليه
ننتظر البقيه |
يسلموووووووووووووووووووووووووووووووو ننتظر البارت الجديد
|
حبيبتي الغلا ويينك؟؟ تأخرتي المهم طمنينا عليك قبل البارت
|
انا بخير حبيبتي بلونه
بس انشا الله البارت بييكن يووم الخميس لين ما اكمله وااسفه للتأخير الغلا |
لا عادي بس إدخلي طمنينا عليك هذا أهم شي عندي
وأنتظر البارت ترى بكره الخميس |
هلا حبيبتي بعودتج لينا و نحنا منتظرين البارت اليديد لا تطولين :pleasantr |
b:7
اقتباس:
|
يسلموووووووووووووووووووووووو إنشالله أحاول انا قلت بحاول اني اعيش لبكره خخخخخخخخخخخخخخ ثكرا
|
يسلموووووووووووووووووووووووو ننتظرك
|
مشكووووووووووووووووووووووره لمروووووووووووركن كلكن بنات ومشكوره لمتابعتكم حق القصه |
البارت (29) ساروه ماخلت شى فى المول الا و اشترته حق مها الى استحت و خليفه سوالف ويا سارووه ..اتصل فهد حق خليفه و قاله يطلعون لانهم بيسيرون البيت و قبل لا يظهرون حط خليفه فى ايد ساروه كيس باريس غاليرى اشتراه حقها هديه و يلست اطالعه وهو يبادلها النظرات ...طلعوا من العين مول صوب البيت وساروه فرحانه من الخاطر لانها جافت خليفه اول ماوصلت البيت هيه و مها سارن فوق لان محد فى الصاله ..اول مادخلن حجرتهن عقت ساروه بعمرها على الشبريه و اطالع السقف و هيه مب مصدقه ...مها انتبهت عليها ويلست عدالها اطالعها .. مها: ساروه ساروه: لبيه ؟؟!! مها: شو فيج تفكرين لا يكون فى خليفه ؟! ساروه: ما اسرع ما لاحظتى ههههههههههههههههه مها: ههههه ليش ما الاحظ وين عيونى فى شعرى ؟؟ ساروه: هههههه لا يا حرمه اخوى المصون بس كيف يعنى عرفتى مها: صح انى فى حياتى ما عشت الحب و انى فقدته بس انا حاسه فيج انج تحبين خليفه صح (تلتفت اطالع ساروه) ساروه(منزله راسها): هيه صح بس سر بينى و بينج مها: اكيد ساروه: انا صح و لله واايد احبه مها: لله يهنيج ساروه(تغمز لها): امين ::++سمعوا صوت ام زايد تزقرهم عشان ينزلن ::++ مها: خالتى تزقرنا يالله خلينا انسير ساروه: انشا لله نزلن الصاله وجافوا المفاجأه خليفه عندهم فى البيت مع خالد و ناصر واخوانها طبعا .. ساروه+مها: السلام عليكم ساروه: هههههههههههههههه خالد: هههههههه شو انتقلت العدوى من حمدوووه ساروه: لا بس جذا خليفه: هيه تضحكين لانج شفتينى صح ساروه: لا منو قال خليفه: انا ام زايد: لا تبدون الحين انتوا الاثنين (اطالع زايد) زايد ياولدى اتصلت حق خالك سعيد زايد: اتصل بس تيلفونه مغلق خالد: غريبه اول امس متصله بس كان يرن مايشله ام زايد: و لله بديت احاتى ناصر: متى العرس خالوه ام زايد(اطالع مها وفهد): على الاسبوع الياى فهد(منصدم): شو وليش ماقلتيلى مااشتريت شى خالد: ليش الريال عنده زهبه فهد: لا يعنى بسير اتحلق عبدالله: هههههههه احلف انه بس زايد: لا يحلف و لا شى (يطالع مها) ها مها خلصتى اغراضج مها(اطالع فهد الى رد عليها بانها تجاوب زايد): هيه خلصت بعض لاشياء تقريبا ساروه: ما يهمكم خليفه: بنجوف شو بتسووين فى عرسج ساروه: و لله هذا يعتمد على حسب ما يعطونى اهل المعرس خليفه(يبتسم): سيرى لمى اغراضج ساروه: وليش خليفه: بنسير بيتنا خلاص عرسنا اليوم ام زايد: هههههههه و لله انك خليفه: و لله تراها تقول يعتمد ساروه(مستحيه): خليفه اسكت عاااد خليفه(حس انها مستحيه): هيه و شو بعد فهد فهد: لا ماشى خالد: اقول خالوووه متى بتيون بيتنا ام زايد: و لله ما ادرى ياولدى ساروه: باجر ناصر: تبينها من لله خليفه(يضرب ناصر عشان يسكت): تعالى حياج لله من اليوم لو تبين عبدالله: سمعوا انتوا وين من اليوم ساروه: خلاص تم خليفه خليفه: شو تم ساروه: باجر بنيكم زايد: عاااد خلاص و قعتى انتى ساروه: هيه و ليش عندك رمسه ثانيه زايد: لالالالا ماشى ام زايد: بخليكم عيل يا عيالى (اطالع مها) تعالى يا بنتى معاى ساروه: و انااااااااااااااااااااااااا ام زايد: انطمى مكانج كلام كبار هذا ساروه: شو بتقولين غير اهتمى فى ريلج و حطيه فى عيونج خليفه: لا تخلينه يطالع برع ساروه: هيه و لله و سويله غدا و طباخ و مطباخ و كل شى ام زايد: حسبى يالله على ابليس ملعونه عثرج زايد: و انا اشووف ههههههههههههههه خالد: عاد خليفه مايقصر العن خليفه+ساروه: شو بلاكم (يسو يطالعون) خليفه: ليش تقولين معاى نفس الكلمه ساروه: انته الى قلت ناصر: بس بس انتوا الاثنين ام زايد: من رخصتكم يا عيالى بنسير انا و مها الكل: لله ويااج ساروه: لله يعينج يا مها بقرا عليج الفاتحه ام زايد: وابوويه عليج انا لسانج ما ادرى شوفيه اليوم الصبح محتشر قولى حق خليفه و جدامه لسان طويل ساروه(مرتبكه): بس فضحتينا اماااايه فهد: ما عليه امااايه اضطرابات خليفه: احم احم مب جانهم يسالون عنى وايد ساروه: شو قصدك ؟؟!! خليفه: مب قصدى شى ساروه: هيه تحسبت بعد (اطالع خالد) اقول خالد وينها حمدوه (زايد بدى قلبه يدق من سمع اسمها) خالد: و لله يا سويره فى بيتنا ياسه على النت اكيد خليفه: مب جانك قلت سويره ؟؟!! زايد: هيه صح خالد: ياويلى منكم شو هالغيره ناصر: عادى يتفاعلون وياك (يطالع فهد) صح فهد فهد: ولله انهم فلم هندى تصدق عبدالله: صدقت و لله ساروه: اممممممم زين عيل تبون تشربون شى خالد: لا و لله نحن ساييرين الحين خليفه: وين تبا ناصر(يغمز له): بنسير المول ساروه: شو تبون تودونه المول الظهر كلوا بعدين سيروا زايد: انودى منووه ساروه: خليفه بعد منو ؟؟!! خليفه: وليش يعنى فهد: نصوور تابع الفلم الحين ناصر: حاضرين ليش لا نحن عندنا شى غيره .. زايد: بس انتوا الاثنين ساروه: شو ماتخاف على نفسك شو رايك اربطك فى المول مب احسن خليفه: لا خلاص مب راايح (رن تلفون خليفه الى كان عدال عبدالله) عبدالله: وووويه خلوووف اندوك حد من غراشيبك خليفه(يطالع سارووه): انزين هات اجوف منو (يوم جاف الرقم طالع ناصر الى فهم ان المتصل لطيفه محد غيرها ادرك الموقف وخذ التلفون) ناصر: وويه خلوووف هذا ربيعى انا عاطنه رقمك خليفه: اندوك رد عليه ساروه: ردوا عااد بتتعازمون ناصر: هات انا برد عليه خالد: لا انته و لا هو بيرد خلوه يضرب لين يشبع زايد: احسن بعد ساروه(اطالع خليفه): ازين مستر خليفه خليفه: ههههه شو تبين ساروه: ماشى ايلس و لا تسيرون مكان بسير ايبلكم ايس كريم زايد: زين و لله تبردين على فوادنا ساروه: خلاص اتريونى الكل: انشا لله ::++طلعت ساروه من الصاله صوب المطبخ ::++ اما فى الصاله خالد كان معصب من خليفه ما افتك من هذى لطيفه والا شو سالفته . خالد: اقدر اعرف هيه ليش متصله خليفه: و انا شو لى فيها اكثر من مره اقوللها لا تتصل (رن تلفونه) هذيه اتصلت زايد: و لله انها تافه (يطالع خالد) اهزبها خالد خالد: هااات التلفون خليفه خليفه: اندووك ناصر: جذا احسن و لله صدقنى (يرمس خليفه) ::++يرد خالد على التلفون::++ خالد: الووووو نعم لطيفه: ممكن خليفه ؟؟!! خالد: لا هب ممكن اقولج يابنت الناس ممكن لا تتصلين بصراحه اذيتينا لطيفه: شو تقول انته خليفه يحبنى لا يكون انته ناصر و الا خالد خالد: ويااج خالد طال عمرج لطيفه: اوووف ممكن تعطينى خليفه خالد: مايريد يرمسج فاهمه لطيفه: هو يحبنى ؟؟!! خالد: اى حب يابنت الناس ماشى ريال ياخذ وحده مرمسنها بالتلفون انتى فاهمه لطيفه: لا تيلس تنصح اريد ارمس خليفه خالد: ما بترمسينه و اذا اتصلتى على التلفون هذا قسم بالله بسير اوديه عند اهلج لطيفه(خايفه): تهددنى خالد: اهددج انتوا البنات ما ايبكم الا العين الحمرا لطيفه: بتشوووف خالد: شو بتسووين يعنى بتفضحينى و الا بتخبرين على اهلى لطيفه: تطنز خالد: اسمعى يابنت الناس البنت مثل الشال الابيض كل شى يعيبها اما الريال مثل الشال الاسود لا تسوين حق اهلج فضحيه و ديرى بالج عليهم لطيفه:....................................... خالد: على ما اظن وصل كلامى و ماعندى كلام غيره لطيفه: وازين خالد: مع السلامه لطيفه: صبر (سكر التلفون فى ويها) ::++بعد ما سكر التلفون شل البطاقه من التيلفون وطلع وحده ثانيه و حطها وعطاها خليفه::++ خليفه: بطاقه يديده خالد: هيه نعم زايد: و لله احسن لك يا خليفه شو تبا فيها خليفه: الحمدلله ارتحت ناصر: عقبالنا ما يشترون لنا بطايق خالد: ليش لا اصلا انا من زمان اريد اعطيها خليفه بس الحمدلله وصل الوقت المناسب ::++دخلت سارووه الصاله::++ ساروه: وصلت الكل: يا مرحبا فيج قربى ساروه: صدق انكم مخبل خليفه: حتى انا (يبتسم) ساروه: عاد انته الزعيم خليفه: هيه ما عليه لله يسامحج زايد: ساروه ساروه: ول الحين بتينى هزبه ..هااااااااااااا زايد: ويعاااااااااااااااااااااااااه خالد: هههههههههه عطينى ايس كريم ساروه: تفضل (عطت خالد وزايد الايس كريم وبعدين فهد وناصر و عبدالله) خليفه: واناااا سارووه: هذووه تفضل خليفه: العمر ايااام و ايامى ثوانى و عشت عمرى كله بلذه عمرها و مابلانى غير ذاك الى بلانى قمت احسب ايااامها و انسى شهرها .. ساروه: قلت خذ الايس كريم مب قلتلك غن خالد: عااد تعرف خلووف ضربت على عوقى الجسمى خليفه(يطالع ساروه): غانى تحسد مفاتنها الغوانى ثغرها الصبح و دجى لليل بشعرها عدلت فى ثغرها كرب و دمانى يعل كل الحسن فدوه عن ثغرها ناصر: روووعه صوووتك خليفه: هيه ادرى بعد شو عبدالله: مالقيتوا تمدحون غير خليفه ساروه: مافيه شى ينعااااب عبدالله: ماقلنا شى خالد(وقف): يالله ساروه: ايلس خالد: ان شاء لله ههههههههههههه ساروه: يالله خليفه خلص ايس كريم لان اخوووك جانه حرمته بطير عن البيت خالد: ههههههههههه اى حرمه انتى بعد زايد: ساروووه سارووه: هااا شو فهد: قولى نعم عنلاتج ساروه: خليفه فهد: طالع هذى خليفه(ياكل ايس كريم): لبيه ؟؟!! ساروه: باجر لا تروح مكان خليفه: تعرفين يعنى حرمتى ما ترضى اتم فى بيت ابوويه قالتلى تعال نيلس فى بيت اهلى ساروه(عصبت و تضربه على ظهره): خلها تنفعك خليفه(غص بالايس كريم): احم غربلات بليسج كنت بموت ساروه(وقفت): يالله يا خليفه الى تاخذها تموت قبل لا تجوفها خليفه: شو هالغيره الى نازله من السما ناصر: اييييييييه خلوووف زايد: حرااام لا تدعين عليها شو سوت فيج ساروه: مالكم خص فينى (سارت يلست مجابل التلفزيون) خالد: ههههههههه و لله انها ما تتغير خليفه(وقف): بسير اراضيها زايد: لا و لله ههههههههه و نحن سمنديجه خليفه: انطم مكانك خالد: عيل بنترياك برع خليفه: ازين ::++طلعوا الشباب كلهم من الصاله الا خليفه::++ تقرب خليفه من ساروه وهو يعرف انها زعلانه .. خليفه: سارووه سارووه: شو تبا الحين بعد خليفه: لا تزعلين منى عاااااد ساروه (تلتفت اطالعه): لا و لله رمستك شورايك فيها خليفه: لا تستوين حساسه جذا تعرفين انى احبج وااايد صح و الا لا ساروه: هيه خليفه: خلاص عيل ساروه: لا تروح باجر مكان خليفه: انشا لله من عيونى تامرين بشى ساروه(مستحيه): لا اطالع منيه و مناااااك و لا .............. خليفه: اهتم فى عمرك و لا تهمل نفسك و دير بالك على نفسك ساروه: هههههههه خلاص عيل خليفه: اشوفج باجر عيل ساروه: انشا لله خليفه: مع السلامه ساروه: يحفظك ربى خليفه: لج انتى بس ساروه(مستحيه): انشا لله ..................................... صج ان حب سارووه وخلووف حلوو لو توقعاتكن بتكون OK بتعيش سارووه وخلووف للأبد الغلا |
مرحبااا بعودتك يالغلاااا
والجزء فن وروووعه بس سؤالك من جد يخووف ان شاء الله مايصيبهم شي ويتم حبهم ويتوج بالزواج ساره وخلوف هم حلى القصه ننتظرك....... |
يسلمو يالغلا عالبارت ..الحلو ..
و بانتظار التتمة ............ ارق تحية دمعة عاشق |
http://www.al-wed.com/pic-vb/55.jpg
اه اه اه صارلي هواية ما داخلة على القصة الامتحانات دا تموتتني اليوم قريت الاجزاء وحبيبتي روعة البارتات كثثثير وان شاء الله سارة وخليفة وميرا وخالد يتوج حبهم بلزواج وان شاء الله فهد ومها يتزوجون ويعيشون بسعادة وحمدة تدرك غلط موقفها وتراجع نفسها وتحب زايد شلون ما يحبها واحنا في انتظار البارت 30 على احر من الجمر مع الشكر اختك الؤلؤة المكنونة http://www.al-wed.com/pic-vb/55.jpg |
هلاااااااااااااااااااا ومرحباااااااااااااااااا
ملاااااااااااااااااااااااااااااااااااااايين نورتن حبيباتي وايد تولهت عليكن وفرحت لأن القصه عيبتكن وانشا الله تعيبكن لين الاخر مع توقعاتكن الحلوه الغلا |
يسلموووووووووووووووووووووووووووووووووووووووووووووو وووووووووووووووووووووووووووو
|
نورتي حبيبتي
@a@n@g@e@l@ وانشا الله تكن القصه عيبتج الغلا |
مشكووووووره حبيبتي الغلا
على البارت الرهيييييييييييييييييييييييييييييييييييييييييييييي ييييييب والله يديم حب خليفه وسارووه محبتك:بلونه حمرا |
مشكــــورة حبيبتي الغالية على البارت اليديد الأكثــر من روعـــة و إن شاء الله ما ينتهي الحب اللي بين خليفة و الساروه :angel: و ننتظر البارت حبيبتي لا تطولين عليــــنا |
البارت (30) طلع خليفه و على ويهه ابتسامه فهمها ناصر و خالد ..طلعوا كلهم من البيت سايرين صوب اشغالهم ..اما فى بيت بومحمد نرجع حق حمدوه الى ياسه تخطط عشان تجوف حمد الى اصر عليها ورضت بالامر الواقع و اتفقت انها تسير المول و تشوفه اهناك صوب الباركنات .. على الساعه 8 فالليل طلعت حمدوه مع الدريول صوب العين مول وقالته يترياها و لا يتحرك جافت سياره اودى عليها رقم ازرق بوظبى نفس الوصف الى وصفه حمد حقها ..تمت تمشى و بالصدفه مشت جدام سياره زايد الى من جاف البنيه طلع من السياره وعرف انها حمدووه جافها تدخل سياره اودى و سياره منو حمد يلس مصدووم ما عرف شو يسووى الا و اشووى حس بعزه نفسه تنهان جاف السياره تحركت ...وتبعها .. ::++فى سياره حمد::++ حمد: شحالج حمده حمده(خايفه و مستحيه بنفس الوقت): بخير ربى يسلمك حمد: ما بغينا انجوفج حمده: ماصارلنا اسبوعين من نعرف بعض حمد: هيه صح حمدوه(شافته ساير صوب الفندق): انته وين ساير حمد: الفندق عشان محد يجوفج حمدوه: شو بس انته قلت بنوقف فى باركنات المول حمد: لا بصراحه انا اخاف اوقف اهناك (ويسمع صوت حد يدعمه من ورى السياره ) ::++وقف حمد ونزل ::++ جاف زايد و عيونه كلها غضب و شرار يمسكه زايد من رقبته و يضربه ذاك البوكس الى طيره(والله ان زايد ما يستاهل) وسار صوب الباب الثانى و فتحه اول ما جافته حمدوه حطت ايدها على ثمها و يسحبها من ايدها و يعطيها طراااق(احسن والله انها تستاهل) زايد: ليش جذا اتسوووين هاا ليش حمدوه(تصيح):................................. زايد: ما تبين ترمسين على سواد ويهج منو يايبنج المول قولى (يصرخ) حمدوه(ترتجف): الد د د رريو الدريول زايد: ما توقعت منج هالشى لهدرجه... انتى شو من البشر حمدووه: و لله اسفه انا اعرف الى سويته غلطت (تصيح) زايد: لا تصيحين ما بتنفعج دموعج الاسف كنت احسبج انسانه غير عن الباقى بس طلعتى و حده ما تستاهلين حمدوه: زايد انا زايد: جب و لا كلمه و لا تقولين اسمى على لسانج دخلى السياره حمدوه: ازين دخلت السياره ووقف زايد جدام حمد زايد: ماتوقعت تخون ربيعك فى عرضه حمد: انته فاهم الموضوع غلط زايد: اى غلط و انا جفت بعيونى حمد: ليش هذى من تكون زايد: ليش ماقلتلك انها اخت خالد حمد(مصدوم): شووو زايد: الاسف شوهت صورتك كنت احسبك انسان مخلص و طلعت خاين فمان لله حمد: زايد اسمعنى زايد: روووح لالالاه ركب زايد السياره وسار صوب المول وجاف سيارتهم واشر على حمدوه انها تنزل وتسير البيت ..نزلت وركبت سيارتهم و هيه متغشيه و دموعها على خدها اول ماوصلت البيت تحمد لله انها ماجافت حد فى الصاله وسارت فوق حجرتها ..طاحت على الكرسى اتصيح و تصيح ياربى زاايد معقوله ما اصدق اخافه يخبر خالد و بعدين بيذبحنى ولله بس فى عيون زايد شفت كلمه عتاب صدق انى احب زايد بس هو الى تخلى عنى .. ::++ فى سياره زايد::++ وقف زايد صوب باركنات العين مول و حط راسه على السكان ونزلت دمعته غصبا عنه معقول ياحمدووه تسووين جذا معقوله انا مب مصدق حرااام شو الى يستوي ما اقدر استحمل الى انا فيه كنت احسبج تحبينى عثرج انسانه استغفر لله شو يالس اقول انا بعد .. فى هالوقت يرن تيلفون زايد وكان خالد الى متصل اول ماجاف الرقم خذ فتره لين مارد عليه بعدها استسلم ورد زايد: الووو خالد: شو وينك عنبووه ليش ماترد زايد: لا و لله خليت التلفون فى السياره خالد: هيه ما بتخاوينا فى بيت حمد مع الشباب زايد(تذكر موقف حمد): لا تعبان انا خالد(مستغرب): اول مره زايد: خالد ما اريد اروح و لله تعبان و مشغول بعد خالد: مشغول فى شو زايد: فى معاملات فى الشركه لازم اخلصهم خالد: لا و لله عيل خلاص بستسمحلك منه زايد: حصل خير ++:: بعد ما سكر خالد::++ زايد يلس يفكر يحليلك ياخالد ماتعرف شو استوى احسن لى ارد البيت وارتاح ....اول مادخل جاف ساروه و ابتسم لها وسار فوق ... ساروه(اطالع مها): شو فيه ؟؟!! مها: سيرى شوفيه ساروه: هزرج مها: هيه عيل شو يالله سيرى ركضت سارووه ورى زايد قبل لا يسكر مسكت الباب .. زايد: ساروه شو تبين ساروه: اريد ارمسك ممكن ادخل زايد: دخلى ساروه: ازين (سكرت الباب وراها) زايد: شو تبين ساروه: زايد انته شى فيك زايد: لا ما فينى شى لا تخافين ساروه: انته فيك شى بس ماتريد تخبرنى زايد: انا مصدوم بس ساروه: مصدوم من شو زايد زايد: شفت شى ما توقعتها (يرفع عيونها يطالع من الدريشه) شى يهز القلب ساروه: زايد لا تخوفنى شو مستوي زايد: احمد ربى يا ساروه انى انا الى ربيتج ساروه(مستغربه): الحمدلله زايد: تعرفين انا اشقايل علمتج واريد اطلب منج طلب ساروه: تفضل اخوى و امرك واجب زايد: وانشا لله تنفذين الى اقوله لج يا سويره ما اريد امووت من داخل اكثر ساروه(خايفه): بسم لله عليك قول زايد: اباج تحافظين على سمعتج و سمعه اهلج ترانا شوفتج وشرفج ساروه(تبتسم): زايد ممكن ارمس بعد ما خلصت زايد: تفضلى ساروه: بعد ماتوفى المرحوم انته الى ربيتنى حتى بوجوده و علمتنى الصح من الغلط و لا تفكر فى يوم انى بغلط و احط راسك فى لارض لانك ابوى و اخوى (تحبه على راسه) زايد: لله يبارك فيج و الحين فهمتى كلامى ساروه: هيه نعم و حط ايدك فى ماى بارد منى انا زايد: انشا لله ساروه: بخليك عشان ترتاح و لا تنسى باجر بنسير بيت يدى (تذكر زايد حمدوه و موقفها) زايد: يصير خير ساروه: يالله برااايك ::++طلعت ساروه من حجرة زايد ::++ وقفت ساروه فى المرر اشوى تفكر شو فيه زايد مب على عوايده يعنى ما بيتعشى شو نزلت تحت عند امها بعد ماسمعت صوتها ...نزلت بسرعه اول ماوصلت سلمت على امها و يلست عدال مها ... ام زايد: شحالكن ؟؟!! ساروه: بخير امااايه مها: خالوه شو هذا كله ؟! ام زايد: هذى لج يابنتى مها: بس خالووه و لله واايد ساروه: شو وايد بعد بعد باجر بيودينا فهد دبى يا سلام ام زايد: لا و لله متى قاللكم ساروه: انا سالته بس قال بيشاورج و لان العرس مب باقى عليه شى بنشترى فستان العرس من اى مصمم فى دبى و الا تعالى شو رايج ؟؟!! (اطالع مها) مها: ما اعرف و لله ام زايد: لا تستحين يابنتى الحين بيدخلون المندوس الى شريته لج و بحط اغراضج بنفسى مها: عسانى ما انحرم منج (تحب راس خالتها) ام زايد: انتى وسارووه واحد ساروه: هيه واحد بس صح مها خلاص انا و نتى خواااات حتى لو حرمه اخوى مها: انشا لله ..ربى لا يحرمنى منكم ::++دخل فهد فى هالوقت::++ فهد: السلام عليكم الكل: و عليكم السلام .. فهد: حد جاف زايد ؟؟!!(يطالع مها وساروه) ساروه: زايد فى حجرته يمكن رقد فهد(مستغرب):لا و لله شو فيه زايد ام زايد(خايفه): شوو فيه ولدى (كانت تريد توقف وقفتها ساروه) ساروه: امااايه اشفيج زايد مافيه الا كل خير لا تكبرين السالفه و هيه صغيره ام زايد: اشفيه كلمج ؟!! قالج شى ؟؟!! ساروه: هيه كلمنى فهد: شو قال انزين ساروه: قال اريد ارتاااح تعشوا ؟؟!! ام زايد: مب طبيعى ولدى بسير اجووفه ساروه: اماايه بلاج الحين مها: ساروه خليها تسير اتجوفه ساروه: بس يا مها فهد: لا بس و لا شى اماايه سيرى جوفيه ام زايد: برايكم (وهيه تمشى ) يالله ياولدى اشفيك ::++حجرة زايد++:: اول مره من توفى ابوووه تنزل دمعه من دموع زايد مب مصدق الى استوى جدامه او ماقدر يستوعب ان حمدوه تقدر اتسووى جذا يلس يتجلب يمين يسار بس شكلها و هيه خايفه كان مرسوم على السطح و الطراق الى عطاها ايااه مستحيل ينساه حط ايده مثل اليهال على ويهه ويصيح بقوه و اندافع......... زايد (مزيون العين) ينهد حيله و يضعف بهذى الطريقه ....اااااااااااااه يا حمدووه ليش تسوين جذا فينى انا حبيتج من بين بنات العين كلهن و اخترتج شريكه حياتى شكلى غلطت وشو غلطت بعد هذى بنت خالى و على حق عليها ااااه ياربى ....دموعه ماوقفت ودخلت امه و جافت الغرفه مظلمه سكرت الباب و بعدين ولعت اليت جافت زايد منسدح على الشبريه و يطالع فوق ودموعه على خده ما انتبه على امه الى تقربت منه و هيه خااايفه .. ام زايد: زااايد ياولدى اشفيك؟؟!! زايد: ماشى و لله ام زايد: ليش كنت اتصيح ولا اراديا طاحت دمعته على خده ويلتفت على امه و عدل يلسته وسار صوبها وحط راسه على ريولها: اماااايه انا تعبان و لله تعبان (يصيح) ام زايد: بسم لله عليك ياولدى اشفيك قولى اناديلك فهد هو تحت يحاتيك زايد: لا ما اريد ام زايد: اشفيك ياولدى قولى زايد(ييلس على الكرسى): اماايه و لله قلبى يعورنى من داخل فخاطرى اموت و افتك من الدنيا ام زايد: استغفر لله العظيم لا تقول جيه ياولدى اذا انته مستغنى عن نفسك انا هب مستغنيه عنك زايد: انشا لله (يحط ايده على راسه) ام زايد: تريد عشا زايد: لا ما اريد ام زايد: ما يستوي ياولدى لازم تتعشا اخوانك بيحاتونك زايد: ماعليه ام زايد: زايد ايلس اقرى لك قران اشويه تريح قلبك و تستريح زايد: انشا لله امااايه ام زايد: يدك يريدنا باجر عنده زايد(تذكر الموقف): انشا لله بس متى ام زايد: انشا لله على عشر الصبح بنسير زايد: يستوي خير انشا لله ام زايد: ها ما تبا تتعشى زايد: لا برقد ام زايد: خلاص ياولدى برااايك اذا نزلت فالليل بتلقى عشاك فى الميكرويف زايد: انشا لله طلعت ام زايد من حجرة زايد الى يلس يفكر كيف باجر بيجابل حمدوه الى هدته و خلته انسان ضعيف .... ::++فى الصاله::++ نزلت ام زايد اول مادخلت الصاله سألها فهد عن اخوه .. ام زايد: مايريد يتعشى و لله انه هالولد شى فيه فهد: ماعليج اماااايه انشا لله بيكون بخير بس وينه عبوود ام زايد: ما ادريبه ::++يدخل عبدالله::++ عبدالله: انا اهنيه فهد: ولد حلال عمرك طويل ام زيد: امين يارب العالمين (اطالع ساروه و مها) اتجهزن باجر بنسير بيت يدكم ساروه: يا سلااااااااااااااااااااااااااااااااااااام عبدالله: ليش قلتيلها ؟؟!! ام زايد: اشعنه عبدالله: باجر من الفير وااعيه فهد: عفانا لله ساروه: نعم نعم ؟؟!! مها(وقفت): خالتى احط عشااا فهد: يلسي الخدامه بتحطه (يطالع مها) ام زايد: ليش يابنتى بتيبينه ترى فى خدامات مها: انشا لله خالوووه ساروه: تريد تعشى الريل مب نحن فهد: عيل انسه ساره انتى ما بتعشينه ريلج عبدالله: من المطعم بتيب اكل و بتقول انها مسوتنه ساروه: و لله الى يبانى لازم هو يطبخ عبدالله: هيه تعالى يا ابووج تمى فى بيتج احسن ساروه: عدال على الحرمه الى بتاخذها عبدالله: اماايه بتختار لى مها: خالوووه ام زايد: هلا يابنتى مها: متى بتردون باجر من بيت يدى فهد(يطالع مها): انتى اول وحده بتركبين السياره مها: بس استحى ؟؟!! ساروه: وابووى عليج انا شو تستحين بنيلس مع حمدوه و موزوه و ميرووه عبدالله: كلهم دلعتهم ساروه: ليش انته مب لاقى حد ادلعه فهد: اووهوووو بس عاااد هذووه وصل العشا ام زايد: هذا من طباخ مها و ساروه عبدالله: سارووه تطبخ معقوله فهد: و النعم فيها اختى ؟؟!! ساروه: لله يخليك ياخوى ولو انى قطعت البصل بس وقلبت الاكل بس مها الى متعبله كل هذا ام زايد: و لله انها حرمه يالله تعشوا و كلكم رقود ماشى سهر باجر من الساعه عشر عند يدكم الكل: انشا لله تعشوا عربنا وكلهم سار حجرته عشان يرقد فى حجرة ساروه ..........مها يالسه تفكر و اطالع برع تقربت منها ساروه: مها ؟؟!! مها: هلا ساروه ساروه: فى شو تفكرين مها: لا و لله ماشى بس..... ساروه: بس شو ؟؟!! مها: احس انى مثجله عليكم ساروه(تضرب كتفها): لا و لله منو قال هالكلام مها: انا ساروه: ماماتى انتى حرمه اخويه فاهمه يالله رقدى مها: شو زعلانه؟؟!! ساروه: هيه و ليش ما ازعل بعد شو مها: سوويره عااد ساروه: ............................. مها: عشان خاطر خليفه ساروه: ااااااااااااااه لا تضربين على العوق و لله بصفعج مها: ههههههههههههههههه بس هيه نقطه الضعف ساروه: ههههه قولى و لله يالله رقدى مها: انشا لله رقدت مها بعد ما اختفت مخاوفها وانها بتواجه مستقبل كله حب و حنان مع فهد الى بتتحمل مسؤوليات كبيره ... ................................. خلص هذا البارت بس لا تنسون ان باجر بيروح زايد على بيت يده كيف بيجابل حمدووه او كيف بيرمس مع اخوانها معقووله زايد يفضح حمدووه الي تبى تعرف شوه الي بيستوي اتابعني فالبارت الياي الغلا |
اقتباس:
تسلمين اي والله مرة أعجبتني وفي انتظار البارت والله أحلا قصة قريتها في هذا المنتدى |
| الساعة الآن 03:28 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.