|
واخييييييييييييييييرا تسلمين يا حياتي
|
مشكوره حبيبتي على هالبارت
بس وااااااايد عنووونووو يالله ننطر التكمله مو تطولين علينا |
thaaaaaaaaaaaaaaaaaaanks الغلا على البارت ....
و الله يوفقكم إن شاء الله .... |
يسلمووو بنوتات على ردودكم العسل ...
|
هاي بنات الموضوع نايس
والي حابة تتعرف تجي دردشة بنات .كوم هنا>>>http://www.banaat.com/vb/showthread.php?t=74256 |
غاليتي
بكل حق انتي رائعه تسعدينني دائما بكل صدق اسعد كثيرا لرؤية كل زء من أزائك سيدة القلم يا رائعه دمتي متميزة ودامت روعة اجزائك وانتظر القادم |
مشكووورهـ ع التكملهـ ....
بانتظار التكملهـ .... |
وين التكمله ؟؟؟؟
واااااااااااااااااايد طولتي علينا |
http://www.3bnat.com/vb/uploaded/337_1165065885.gif قمت الصبح الساعة 8 .. مع إني مارقدت عدل .. وأحس إني مصدعة .. فكرت أشم اشوية هوا بره في الحديقة عند الورود البيضة .. خذت شاور حاروطلعت من غرفتي وأمشي بهدوء .. وما شفت حد في القصر كأنه فاضي .. بس يمكن هاي في الصبح .. كل الحركة في الليل لأنهم مصاصين دم .. وقبل ما أطلع من الباب للحديقة .. تذكرت إني كنت أبي أتكلم مع رفيجاتي .. فركضت حق غرفتي وخذيت الجوال معاي .. وطلعت ابسرعة ولما نزلت على الدري .. فكرت أروح مكتب فهد اشوية .. مادري يمكن قاعد .. http://www.3bnat.com/vb/uploaded/337_1165065885.gif دشيت لمكتبه .. لكن ما كان في أي حد .. ولفيت عشان أطلع ولا أحصل فهد ويهي !! نقزت من مكاني لما شفته .. فهد : صباح الحب ! أنا : ..... أأ ...خرعتني مع ويهك ! فهد : خخخخ ..ليش أنا وحش ؟ وبإبتسامة خبث قلت له : امممم .. تقريبا ..! فهد : بل! عيل باكلج ! أنا : لالا ! فهد : امبلا ! بسوي منج شوربة ! .. اوه لي لي ..! ليش ما لبستي هذيك الشغاب ؟! أنا : ..من الصبح ؟! فهد : اي .. عادي .. أبي أشوفه عليج ..! أنا : شفته أمس ! فهد : لي لي ..! أنا : هاا .. فهد : يللا عاد .. أنا : … امممم .. انزين .. فهد : فديتج ! …. ابسرعة رحت ابعيد عنه .. هف هف .. تنفسي يا بنت .. رحت ابسرعة غرفتي وخذيت الشغاب اللي على شكل نجمة والجنية ولبستهم .. وشفت نفسي في المنظرة .. وطلعت بعدها من الغرفة .. ونزلت ابسرعة من الدري ورحت أشوف إذا كان في مكتبه .. لكنه ما كان موجود .. خلاص مو لازم .. بروح بقعد في الحديقة .. http://www.3bnat.com/vb/uploaded/337_1165065885.gif طلعت بره القصر .. ورحت بين الورود .. وكنت مستانسة بالجو الحلو بين الروايح الخفيفة والهادية ..وأنا أمشي والجو مغيم .. وكانت اتيي نسايم خفيفة وباردة وتحرك أوراق الشيّر .. طلعت جوالي واتصلت على رقم رفيجتي نورة .. زين إني ليحين حافظته .. نورة : ألو .. أنا : ألوووووو ! نورة : … ؟!.... أنا : اشفيج ما عرفتيني ! نورة : .. اوه ! لالا امبلا عرفتج ! أنا : شلونج ؟! نورة : تمام .. وانتي شلونج وشخبارج ما صرنا انشوفج يالقاطعة ..؟! أنا : ... اممم .. ابخير .. مادري كنت مشغولة هالأيام .. نورة : اها .. أي ! وشخبارج مع .. فارس ! يه ذي فتحت السالفة .. ! أنا : أوه .. امممم .. يعني .. ماشي .. الحال ..بس .. أنا كنت أبي أقولج على شي .. نورة : قولي .. أنا : .. اممم .. ماعرف أخاف انتي تفهميني غلط .. ماعرف شلون أفهمج الموضوع صح .. نورة : أشوف قولي .. أنا : .. امممم .. لما قبل كنت دايما أسولف لكم عن فارس وسوالفه .. وانتي وانتصار كنتوا دايما تضحكون علي وتقولون إني أحبه .. أما أنا كنت أصارخ عليكم وأقولكم لااااا مستحيل ! .,. أما في داخلي كنت أحس بشي اتجاهه .. نورة : .. اها .. كملي .. أنا : .. بس .. هالأيام أحس إني .. أظن إن اللي أحسه بإتجاهه مو حب ..طبعا انا ما كنت أبي أتسرع وأقول إني أحبه .. لأن يمكن ما أحبه صج .. اتعرفين احنا مراهقين ! نورة : هههه .. اوكي..؟ أنا : .. ووو .. أحس اللي كان بينّا صداقة ومودة .. وأنا اللي كنت أوهم نفسي إني يمكن أحبه .. نورة : امممم .. شكلج طحتي على واحد ثاني عشان جي ! أنا : ... !_! .. لااااااا شتقولييييييين !!! نورة : هههههههه! أنا : لالالالالالالا ! مو هاي اهو السبب .. بس أنا يعني .. أوهوووو توهقت شقولها ألحيــــــــن ..؟!؟ أنا : لالا صدقيني مو اهو السبب .. أنا بس .. كنت أظن إني أحبه .. نورة : ايوا كنت حاسة من البداية هالشكل .. أنا : شلون ؟! نورة : انتي أصلا شكلج زهقتي من البنات .. قمتي حصلتي فارس .. وصار كنوع من التغيير ..وبعد الشي اللي ساعد إنه كان طيب .. صح ولا لا ..؟ أنا : ..... أأ ... مادري ... نورة : .. وبعد أظن إنها العاطفة .. انتي متعاطفة وياه لأنج شايفته مسكين وحبوب وطيب ولا تبين تزعلينه ومادري شنووو .. أنا : .. أأ ... اهاااا ... يمكن .. يعني أنا كنت أتعاطف وياه .. نورة : ايوا .. شوفي يا ليلى .. لا اتعبين نفسج وايد وتفكرين بهالسالفة .. أنا : .. أوكي .. أدري أنا .. اللي بيصير راح يصير .. .. أوه ! أقول شخبارج انتي مع انتصار ؟! نورة : .. اممم .. الصراحة .. ألحين احنا متخاصمين .. أنا : .. أوهوووو .. أما انتوا الثنتين وايد فاضيين ! أصلا السالفة اللي انتوا تتهاوشون عليها أكيد سخيفة ماعندكم سالفة ! نورة : شنسوي بعد .. أنا : انزين .. ما قلتيلي .. اشصااار مـــع .. ولد عمج ..! ... سالفة ولد العم مع نورة طويـــــــلة يمكن من سنواااات ! اهي اتحب ولد عمها اللي يكبرها بـ 9 سنوات ! طبعا اهو ما يعرف .. وكله نورة كانت اتقول لي عنه ..مثل ما أنا كنت لها عن فارس .. نورة : ... ايه .. اف يا ليلووه السالفة اختربت ! أنا : ليش اشصااار ؟! نورة : .. تدرين إن اهو مرة كان موجود عندنا .. وأنا أقعد أسوي هالحركات .. مثلا أقعد كل خمس دقايق أقز فيه .. تدرين انتي .. أنا : .. ايوا .. وبعدين ..؟! نورة : عاد في حد لاحظ .. مو حد وبس .. إلا الكل ! أنا : بل ! شلون ؟! قوليلي ! نورة : اففف .. بعد ما راح من بيتنا في زيارة .. كنت في غرفتي ولا أخوي ياني وصدمني واهو يتكلم عن سالفة اعجابي له ..! وكان يقول إن كلنا ملاحظين .. وإن ولد عمي يبين عليه إنه وحدة ثانية .. فلا تقعدين اتسوين هالحركات .. اثقلي اشوي ! أنا : ... ؟!؟!؟ ... ول ول ول ! نورة : أما أنا كنت في سابع نومة .. ولما فاجأني بهالشي .. قلت أكيد اهو بعد عرف هالشي .. أنا : انتي مع حركاتج ! يعني ما تقدرين تمسكين نفسج ! لا تسوين جي ولا اهو ابروحه بيشرد عنج وبياخذ هاي اللي حاطها في باله ..مثل ما قال لج أخوج .. اثقلي .. عشان ما ياخذ ولد عمج فكرة عنج .. نورة : اف ! ادري ! .. أنا : أي عاد حاولي أكثر هالمرة ! لأن صادوج خلاص .. وإذا يا بيتكم مرة ثانية .. لا تقعدين اتسوين حركات غبية تكشفج ! سااامعة !؟ نورة : اوكي اوكي .. أنا : ..اف .. الحب يبط الجبد ! ليش كل قصص الحب مأساوية جذي .. عشان جذي قبل ما كنت أتوهق في أي سالفة حب .. كنت أشرد عشان ما أحب أي حد .. وأعاني نفس البقية .. بس ليحين ما وصلت لهالمرحلة .. يمكن نورة موقفها أصعب مني .. لأن اللي اتحبه مو حاطها في باله .. أنا : نورو .. أنا بسكر ألحين أوكي .. نورة : اوكي .. أنا : يللا أورفواار ! نورة : مع السلامة .. سكرت الجوال ..وفكرت اشوي بسالفة نورة .. وبعدين بـ فارس .. وبعدها .. في فهد .. وفيني .. بحاول إني ما أعقد السالفة أكثر ..اللي بيصير .. راح يصير مع الوقت .. ما راح أحاول أتحكم بالزمن .. مهما حاولت .. الزمن اهو اللي يتحكم بحياتي .. مو لازم أستعيل على أي شي .. الأحداث بتصير بنفسها .. http://www.3bnat.com/vb/uploaded/337_1165065885.gif حسيت بيوع فدشيت داخل القصر ورحت علطول للمطعم وقبل ما أدخل من باب المطعم شفت الخدامة وقال لي إن الريوق جاهز .. لما دشيت داخل شفت فهد كان قاعد يتريق .. أنا : ميو ميو ! فهد : اوه قطيوتي ! تعالي تريقي حبيبتي ! أنا : شنو بتأكلني عظامة !؟ فهد : لالا .. انتي قطوتي اللي تاكلين فواكه وخضرة وكل شي ! وأنا أقعد في مكاني قلت : أوه يعني قطوة متطورة ! فهد : ايوا ..حتى إنها اتعرف تستعمل كمبيوترات ! أنا : .. ههههه .. فهد : فديت الضحكة ! http://www.3bnat.com/vb/uploaded/337_1165065885.gif |
سوووووووووووري بنات عالتأخير والله اسفه بس بصراحه نسيت:020: :(
وانشالله مره ثانيه ما راح اتأخر.... ملاحظه القصه منقوله ... |
من زماان و انا انتظر بليييز لا تطولي
|
مشكوووووورة والله بس لا تنسينا
|
ثانكسـ ع البارتـ ....
بانتظار التكملهـ .... |
مشكوره ويعطيج العافيه
بس لا تنسينا مره ثانيه |
ثااااااانكس حبي على البارت ......
|
........؟؟
|
؟!؟!؟!؟!؟!؟!؟!
|
جنج نسيتينا مره ثانيه ؟!؟!؟!؟!؟!؟
بلييييييز لا تطولين |
http://www.3bnat.com/vb/uploaded/337_1165065885.gif
حتى بعد ما كليت ما حسيت بتحسن .. ليحين مصدعة .. شكلي يبيلي رقدة هع ! كانت الساعة 10 الصبح .. وشردت من الريوق ابسرعة وفهد يقول لي .. فهد : وين حبي ؟ ما كليتي ..؟ قلت له .. أنا : اممم .. أنا تعبانة مالي نفس آكل مع إني يوعانة .. بروح برقد اشوي .. ورحت لغرفتي .. وفتحت الدريشة .. وخليت اشوية هوا بارد يدش الغرفة .. ورقدت عالسرير وتميت نص ساعة صاحية وأتقلب .. وبعدها .. رحت فيها .. http://www.3bnat.com/vb/uploaded/337_1165065885.gif سمعت صوت الجوال يرن .. مع إني ماحطيت منبه ..؟! شفت الساعة كانت الساعة 3 العصر .. والصداع راح .. أشوه ..! شليت الجوال وكان في حد يتصل .. كان .. فارس ! رديت وأنا مو واعية .. أنا : ألووو ... فارس : وخييي ! اشفيه صوتك صاير شين ! أنا : شين بعينك ! توني قايمة من النوم ! فارس : ههههه لالا انتي صوتك شين أصلا ..! أنا : أرجوك أرجوك ! شوف نفسك قبل يالجربوع ! فارس : هااا ؟ انا جربوع ؟ أجل انتي جربوعة ! هههههه! أنا : جربوعة لما تاخذك ! ..لحظة لحظة ..! مو جنك كنت في السعودية !؟ فارس : ايوا .. اليوم الصبح جيت .. أنا : اها ..وأكيد قاعد في فندق الشرتون .. فندق الفاشلين ! وأنا أسولف مع فارس وأتهاوش وياه كنت مجابلة الطوفة .. ولما لفيت على ورا شفت .. فهد ! بطلت عيوني على وسعها .. بس ابسرعة رجعت طبيعية .. وفارس ينادي بالجوال .. : هييه ليولة ! يالدبة ردي ! ليش ساكتة !؟ ليووووولة!! أنا : ها ها ! شنو .. فارس : أوكي شكلك مشغولة .. لما أخلص كل شي بالفندق بكلمك أوكي ..؟ كنت أطالع فهد واهو يبتسم .. فارس : أوووكي ليوووولة ؟!؟ أنا : أوكي اوكي .. فارس : يللا أشوفك بعدين يالحلوة ! مع السلامة .. أنا : مع السلامة .. سكرت الجوال .. وابتسمت حق فهد .. فهد : امبين إنج توج قايمة .. أنا : .. ليش ؟ فهد : لأن شعرج صاير منفوش ! هاهاهاهاههههههه!! ابسرعة عدلت شعري بأصابعي .. وأنا أطالعه ورافعة حاجب ..! فهد : شكلج متهاوشة بالسرير ! خخخخخ! أنا : ههاااااي ! وايد يضحك ! فهد : أمشطه لج ؟ خخخخخ.. أنا : وخر انزين يالدب ! تتطنز بعد هااا ! فهد : يه أتغشمر وياج يا لي لي ! أنا : لا تتغشمر معاي ! ماحب غشمرتك اللي مثل ويهك ! فهد : يه ! بس أنا أحب اتغشمر وياج .. لأني أحبج .. أنا : ههاااا ..! فهد : ايه ..لي لي .. تبين تطلعين اليوم مكان ؟ أنا : وين ؟ فهد : كيفج أي مكان ..؟ أنا : .. مادري .. فهد : عادي قوليلي وين تبين اتروحين .. أنا : .. مادري .. فهد : اوكي اشرايج في .. مطعم ؟! أنا : .. امممم .. مادري بفكر وبقولك بعدين .. فهد : أوكي براحتج ..إذا ما حصلتيني اتصلي علي عشان نطلع .. أوكي؟ أنا : أوكي .. وقبل لا يطلع من الباب .. فهد : .. ايه ! .. ترى الجو بارد .. إذا بتطلعين بره في الحديقة ولا أي مكان .. لبسي شي ثقيل .. أنا : أوكي .. لما طلع استغربت اشوية لأنه ما سألني مع منو كنت أتكلم ..؟! يعني كان امبين من كلامي إني أكلم واحد .. مو وحدة ..! ليش يعني اهو ما يهتم ..؟! ما يغار ؟!؟ أوووف من هالـ دراكولا !! مرات ما أفهمه ..! .. بس يمكن صج اهو ما يهتم ..؟! ولا يغار علي .. أما فارس حتى لما اسولف مع رفيجاتي يقعد يتحلطم ويقول إني مو معطته ويه .. والمصيبة الأكبر لو درى إني كلمت .. أو فكرت .. بواحد .. يموووت من الغيرة .. أما فهد .. صج إنه بارد ! ويبط جبدي ! ليش ما يغار علي ؟! اهىء اهىء ..!؟! ... يمكن لازم أسوي شي عشان .. أعرف إذا كان صج يحبني .. بس شنو ..؟! http://www.3bnat.com/vb/uploaded/337_1165065885.gif |
انشالله يعجبكم البارت اليديد وسوووري عالقصور..
|
واخييييييييييييييييييييييرا مشكورة على البارت |
مشكوووووووووووووووووووووووووره
القصه كل مالها وتحلو |
مشكورة غناتي على البارت الحلو ...
|
يسلمووووو بنوتات على ردوركم...
نورتوا.... |
مشكووووووووووووووووووووووووورة
ع البارت الحلو بس لا تتاخري علينا |
فارشه بنوته تاخرتي علينا بالبارت : (
لا يكون نسيتينا مره ثانيه ؟؟؟ |
لا ما نسيتكم حبايبي ...
بس رفيجتي الي تكتب الروايه ليحين ما حطتها .... واول ما تحط البارت بحطه لكم من عيوني...<<< لا من خشمج خخخخخ |
مشكورة .... بس
|
http://www.3bnat.com/vb/uploaded/337_1165065885.gif
ألحين أنا وين أحصل رياييــــــل ..!؟! أبي أعرف إذا كان في منافس حق فهد .. هل هالشي بيخليه يغار ؟! لما كان تركي موجود ما شفت فهد مهتم لهالدرجة .. بس يمكن كان يعرف إني ماراح أحب تركي ..بس شاللي يخليه يعرف أصلا ..؟! يا إنه واثق زيادة .. أو إنه أهبل .. أو إنه أصلا ما يحبني ! ..عشان جي ما يغار ؟. . ولا اهو من النوع اللي ما يغار ؟! .. أصلا في ريّال ما يغار ؟! للحظة وقفت تفكير وضحكت على نفسي ..! أحس إني مرة متزوجة..! عشان إني أدور على طريقة أخلي فيها فهد يغار .. في هاللحظة جا فارس فبالي ..امممممم.. بس إني ألعب بحبلين وخاصة فارس بالسالفة ..شي خطر ..! مابي أجازف .. بس مافي غير فارس اللي أعرفه .. لكن ليش ألعب عليه ..مسكين ..بروحه يعاني مني ..وجفاي له ..لا .. مابي أدخل فارس بالموضوع عشان ما يتعذب أكثر .. شكلها سالفة الغيرة ما راح تنفع .. لكن إذا ما عرفت إن فهد يغار علي عيل شلون بتأكد من حبه ..؟!؟ أنا دايما أحل مشاكلي بالعقل .. عشان جذي مابي شي يخترب ويكون له عواقب بعدين .. لكن أنا قبل قلت .. إني أبي أهد هالسالفة للوقت .. والوقت شكله بيسوي عمايله فيني ... كنت قاعدة على طرف السرير وأنا سرحانة ..بعدما الخدامة يابت لي الغدا وتغديت في الغرفة .. تذكرت اللي خذته من محل السحر .. لبست الجنية والنجمة وشفت نفسي في المنظرة .. مشطت شعري ورفعته فوق بالعيدان اليابانية .. ونزلت خصلتين اطوال من جدام ..وصرت مرتبة وشيك ! في شكلي ولبسي .. ماحب الإهمال الزايد ولا الزركشة الزايدة ..! .. بكل بساطة .. أحب الأناقة ..! بعدين فكرت .. ليش بس شعري ؟! .. يمكن أطلع إذا صار لي نفس .. خلني أبدل ملابسي .. ولبست بنطلون وسيع فضفاض يابس فيه جيوب وايد ولونه بيج .. وتي شيرت أسود ضيق نوعا ما .... مع إن التسريحة ما تناسب مع اللبس ..بس يللا عيزانة أغير..! (وتوني أتكلم عن الأناقة ..! هع ! ) http://www.3bnat.com/vb/uploaded/337_1165065885.gif رحت بعدين عند الدريشة عشان أسكرها .. ويات نسمة هوا باردة خلتني أتقشعر وقبل ما أسكرها شفت شي اصغير يطير في الهوا بعيــــد .. ركزت فيه وكأنه كان .. يكبر .. يكبر .. ويكبـــــر ...! وعرفت الشي كانت دانة ..! لكنها كانت قاعدة على مخمة وتطير عليها ! بطلت عيوني وماعرفت شالسالفة ..كنت واقفة بمكاني جدام الدريشة .. وأشوفها اتقرب أكثر وأكثر علطوووول صوبي وأنا ليحين واقفة ..! "أنا قلت من قبل إن الدريشة كان لها حدايد .. لكن شكله فهد شلهم ألحين .." وقبل ما تدش من الدريشة صرخت علي وقالت : وخرييييييييييييييي!! وقبل ما تنضرب فيني أنا ابسرعة نزلت تحت واهي عدت فوق ودشت الغرفة ..! وطارت فوق السرير واهي قاعدة ليحين على .. المخمة ! دانة : هااااي! أنا : .. هـ .. هـ ... هاي .. دانة : أوه لبستي الجنية ! ..ها ما صار شي لحد ألحين ؟ أنا : صار شي ؟ .. ليش المفروض يصير شي ؟! دانة : ايوا يدتي ما قالت لج ؟! تذكرت اشقالت لي المرة العيوز وقلت : اها .. لالا ما صار شي .. دانة : اممم ..عيل لما يصير .. قوليلي أوكي ..؟! أنا : .. أوكي .. بس ..شتسوين اهني ؟! دانة : أوه صح ! ههههههه .. نسيت ..كنت بس أبي أطلع اشوي .. وفكرت أمر على قصر فهد .. أنا : اها .. دانة : اشفيج ؟! شكلج مهمومة اشوي ..؟! أنا : ههه .. لالا مافيني شي .. بس قوليلي .. شلون اتطيرين على هالـ مخمة ؟! هههههه! دانة : مخمة ؟!؟ أنا : خخخخخ .. أوكي .. بقول مكنسة أحسن .. دانة : لا هاي قديمة بس ليحين اتطير ..تبين اتجربينها ..؟! أنا : .. امممم .. بس وين في الغرفة ؟! مافي مكان! وإذا بره أخاف أطير ولا أرجع ..! دانة : ههههههههههههه! أوكي أنا بعلمج ولا تخافين .. أنا : أوكي! http://www.3bnat.com/vb/uploaded/337_1165065885.gif بعد ما قعدت على المكنسة ودانة قالت لي شلون أتحكم فيها .. كانت اتطالعني وأنا أرتفع اشوي اشوي .. وقربت من سقف الغرفة .. كنت أحس إني مو متوازنة وأتمايل يمين ويسار .. وماسكتها بيديني الثنتين بقوة عشان ما أطيح .. دانة : أوكي ! قدرتي تتحكمين فيها .. ألحين كل اللي باقي إنج اتطيرين بره! طيرتها بثبات لحد الدريشة .. ووقفت وتميت أطالع بره ..وطالعت تحت .. وشفت الإرتفاع .. كان يخرع ..! أنا : ايش لو طحت هاا ؟! دانة : عادي .. بتموتبن ! أنا : هاااااا ! دانة : هههههه أمزح معاج .. أنا : أوكي عيل تعالي معاي .. دانة : أوكي .. نزلت اشوية عشان تقدر دانة تركب معاي ..كانت تبي تركب جدام بس أنا قلت لها تركب وراي عشان أنا اللي بطيّر المكنسة .. ولأني أبي أشوف المنظر بشكل أوضح .. هع هع ! دانة : أوكي جاهزة ؟! أنا : .. افاا عليج جاهزة من يوم انولدت ! يللاااااا!! دانة : هههههههه! طيّرت المكنسة بشكل أسرع وطلعت بره الدريشة وأنا شاقة الحلج! ودانة كانت حاطة ايدينها حوالي ..وقالت : واااو! انتي أقوى مني .. أنا أتذكر أول يوم لي وأنا أطير .. كنت خايفة وايد ! ابتسمت لها ..وكان شكلي واثقة وقوية .. بس قلبي كان اشوي ويطلع بره من قوة ضرباته !! حسيت بحرية وأنا أطيـــــــــــــــــــــــــر .... وكل مرة أزيد السرعة .. الجو كان بارد وكان يبرد أكثر وأكثر والشمس تغرب والليل يبتدي ..والهوا البارد يضربني وحسيت ببشرتي كأنها تتجمد .. لكن حرارة قلبي كانت كافية إنها تدفيني .. يمكن من الخوف..! شفت إن الدنيا بدت تظلم .. وما كنت أبي أروح مكان بعيد في هالمكان الواســــع الغريب .. أنا : دانة؟ دانة : نعم ؟ أنا : انتي متى تبين ترجعين ؟ دانة : عادي أي وقت .. أنا : اها .. بس ما نبي نتأخر .. دانة : ليش؟ خايفة ؟ أنا : لاااا مو خايفة .. بـــس ... كنت أفكر في فهد .. أنا نسيت أقوله إني طالعة أصلا .. بس أكيد ما بيقول شي .. أنا : دانة ؟ دانة : ها .. أنا : ..انتي بس ابروحج قاعدة مع يدتج ؟ دانة : ايوا .. أنا : وفهد دايما ياخذمن عندكم أشيا سحرية ؟! دانة : اممم يعني .. أنا : من يجيكم غير فهد للمحل ؟! دانة : .. امممم .. يعني مصاصين دم .. ووحوش من كل الأنواع .. وفي نادرا ناس عاديين .. أنا : اها ..دانة ؟ .. انتي توج اصغيرة .. بس قوليلي .. دانة : شنو أقولج ؟! أنا : أكيد انعجبتي في حد .. وحبيتيه صح ؟ يعني مو حب صجي .. بس حركات المراهقين .. اتعرفين ! دانة : ههههههه .. اممممم ..لا ما انعجبت في حد .. أنا : ..وفهد ؟ دانة : ........... أنا : صدقيني انتي بعمرج أول ما تشوفين حد يهتم فيج بتقولين إنه يحبج .. ولو بعد ما قلتي إنه يحبج .. ممكن انتي اتظنين إنج اتحبينه .. دانة : .......أنا ما قلت إني أحب فهد .. أنا : أوكي مو حب .. بس إعجاب ؟ صح ؟ دانة : .... اممممم .... يمكن ... أنا : اها ..ويعني هالإعجاب ....مو مضايقج في شي ؟ دانة : امممم .. ما فهمت ... أنا : أوكي ..خلاص .. بس مرة من المرات في حد جا محلكم ويعني .. حطيتي عينج عليه ؟! دانة : خخخخخ .. امممم .. يعني .. كم واحد .. أنا : اهااا ! .. هههه .. أوكي أوكي .. عرفت إن إعجاب دانة لفهد مو عميق لهالدرجة .. ومادام اهي بهالعمر .. وتنعجب في أي حد .. عيل يمكن أول ما تشوف حد يعجبها أكثر من فهد ... يمكن ما تهتم فيه ..وبتروح للي يعجبها .. حب مراهقات .. ممكن يكبر ويكبر .. وممكن في ثانية ينتهي .. شوفوا من يتكلم بس !! .. توني عمري 17 سنة وأتكلم جذي ..!؟ صج إني عيوز ! وأنا سرحانة ومع الهوا البارد ما كنت أحس بيديني .. ومرة وحدة انفلتت مني المكنسة ومالت مقدمتها على تحت .. لكنها ليحين بين اريولنا وما قدرت أتحكم فيها ..فطاحت على تحت وتمينااااا انطيــــــــــــــــــــــــــــــــــــــــــــح ..... أنا + دانة : آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآــــــــه !!! http://www.3bnat.com/vb/uploaded/337_1165065885.gif |
ثانكسـ ع البارتـ ..!! :)
بانتظار التكملهـ ..!! :) |
يسلمووو عالرد
|
يسلمووووو خيتوووووو
|
مرسي الغلا على البارت و ننتظر التكملة ... بـ فارغ الصبر ...
|
شوكررررررررا |
يسلموووووووووووووو ع البارت
ننتظر التكملة |
تسلمون على مروركم وردودكم العسل..
|
وين الجزء احنا في الانتظاااااااار |
يالله تعبت وانا انطر
|
http://www.3bnat.com/vb/uploaded/337_1165065885.gif
أنا + دانة : آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآــــــــه !!! مسكت المكنسة مرة ثانية وحاولت أتحكم فيها لكن ليحين كنا انطيح .. أما دانة ما انتبهت لها ..دانـــة طااااااحت بعيــــــد ..!! أنا : داااااااااااااااااااااانـــــــــــــــة !!! وأنا أطيح كنت ماسكة المكنسة بقوة وقدرت بعد محاولات إني أتحكم فيها وأخليها اتطير مرة ثانية ..! ابسرعة وأنا في حالة ذهول كنت أدور على دانة ..! شفتها واهي ليحين اتطيح .. وخفت لا توصل الأرض ....! بكل سرعتي رحت لها وأنا خايفة ..ولما وصلت لها قدرت أطير تحتها وأخليها تتعلق فيني .. خففت من سرعتي عشان تقدر تقعد على المكنسة .. وساعدتها بيد وحدة إنها تقعد على المكنسة.. كانت اتشاهق وراي وأنا مثلها .. أنا : آآآه .. عالأقل أول يوم لج كنتي خايفة .. أنا أول يوم كنت بموتج ..! دانة واهي ليحين اتشاهق انفجرت ضحك : ههههههههههههههههههههههه !! http://www.3bnat.com/vb/uploaded/337_1165065885.gif كان الطريج طويــــــل لين ما وصلنا للقصر .. والوقت امبين إنه تأخر وايد .. رحت وأنا أطير صوب دريشة غرفتي .. لكنها كانت مقفلة ! حاولت أبطلها لكن ما قدرت .. شكله في حد قفلها من داخل .. دانة : مقفلة ؟! أنا : أي .. خلنا انلف وندش من ورا عند باب المطعم .. لفينا حوالين القصر ونزلنا على الأرض .. وشفنا داخل المطعم كان فهد قاعد يتعشى .. عاد تفشلت إني أدش جدامه وأنا متأخرة وشاردة بدون لا أقول له .. فقلت لدانة خلنا انروح من الباب الرئيسي .. وركبنا مرة ثانية عالمكنسة وطرنا عشان اندش ابسرعة .. ولما وصلنا .. وحاولنا انبطل الباب .. لكنه كان مسكر بعد ..!! أنا : أووووه .. يعني مافي مفر .. لازم اندش من المطعم .. دانة : أوكي مو مشكلة .. بس راح اتدشين ابروحج .. أنا : ليش ؟! دانة : لأني برجع البيت .. ولا كان ودي أكمل السهرة عندج ! أنا : هههه .. أوكي براحتج .. دانة : يللا تعالي بوصلج ورا القصر بسرعة .. وعقبها .. بشــــــررررد ! طرنا لين المطعم مرة ثانية ..ونزلتني دانة واهي بدورها شردت مثل ما قالت .. تميت خمس دقايق بره في البرد وأنا أطالعه ياكل .. مرة ياكل ومرة يمسك جواله ويتأكد منه .. ليكون ينطرني أتصل ..!؟ وبعدها تذكرت إن جوالي كان وياي طول الوقت ! دخلت ايدي في جيبي وطلعته .. وكتبت مسج وطرشته لفهد .. قلت فيه ..: فهودي .. أنا نسيت أقولك إني بطلع .. وما كنت أعرف إني بتأخر جي .. بس .. طالع بره دريشة المطعم .. ولما شفته يقرا المسج .. وطالع علي .. وتفاجأ ..! وأنا عطيته ابتسامة هبلة .. ورفعت ايدي وحركتها واقوله : هااااي ! قام و بطل الباب الزجاجي الصغير في هالواجهة الكبيرة للمطعم .. وقال: لي لي !؟ دشيت داخل المطعم والابتسامة الهبلة ليحين ما راحت عن ويهي .. فهد : لي لي وين رحتي ؟! .. دورت عليج في غرفتج وما حصلتج .. ودورت في كل القصر ولا حصلتج ..؟! أنا : ..أأأ .. أنا ...كنت .. فهد : انا زعلان منج .. ليش طلعتي جي بدون ما تقوليلي .. وأنا اللي أدور عليج بكل مكان ولا حصلتج .. وأنا اسمع كلامه وماقدر أطالع في عيونه .. صج فشلة ..! أنا : .. اناااا .. امممم .. نسيت أقولك.. بعد شسوي .. وبعدين تأخرت لأني كنت وايد ابعيدة .. فهد : ليش وين رحتي ؟! أنا : .. رحت مع دانة .. مادري وين بالضبط .. بس نسيت لأني كنت .. أطير .. فهد : اتطيرين ؟! اشلون اتطيرين بعد ؟! أنا : .. بالـ .. بالـ .. بالـ .. فهد : بالـ .. شنو ؟ أنا : .... بالمكنسة ! فهد : ههههههههه!! أنا : اييييي ! فهد : هههه .. أوكي .. بس أنا زعلان منج يا لي لي .. أنا : ازعل ! فهد : هااا ؟! أهون عليج يعني ؟ أنا : ..... فهد : اييي ! وانا اللي عبالي إن لي لي اتحبني ! أنا : ..... فهد : لي لي ؟! أنا : .. نعم .. فهد : ليش ترتجفين ؟! من البرد ؟! توني أنتبه إني بردانة .. و مو بس ايديني اللي كانت ترتجف .. عاد فهد ابتسم ومسك ايديني مع بعض .. وصار يفركهم ويدفي ايديني .. وأنا أطالع على صوب .. ماقدر أحط عيوني بعيونه واهو يطالعني جي .. كنت بموت من الحيا ..! قلت في خاطري .. : مو لازم اتدفيني .. بروحها نظراتك خلت ويهي يحترق !! فهد : هههه .. أنا : .. احم .. اشفيك ..؟! فهد : لا..بس .. اممم .. شفت بنت حلوة وطويلة واقفة بره .. انصدمت .. قلت اشياب هالبنت فالليل عند هالقصر المهجور ! وأنا ويهي ليحين يحترق قلت بصعوبة .. : اشدعوة ! .. ماعرفتني ؟! فهد : امممم .. للحظة بس .. بس قلت بعدين .. هاي لي لي الحلوة اللي أنا أعرفها ..! وأنا مستانسة ! .. انا أشوف نفسي عادية .. بس مادام فهد يشوفني حلوة .. عيل واااايـــد زيـــن !! فهد : لي لي .. أنا زعلان منج .. بس أنا راح أسامحج تدرين ليش ؟! أنا : .. ليش بعد ..!؟ فهد : لأنج قلتيلي فهودي ..! http://www.3bnat.com/vb/uploaded/337_1165065885.gif بعد ما قعدت وتعشيت .. قمت .. فهد : لي لي .. وين رايحة ؟! أنا : .. اممم .. بروح فوق .. برقد .. فهد : زين قعدي وياي .. بنكمل السهرة ..! يوووه سهرة بعد ! لالا خلني أشرد بس ..! أنا : ها ! .. لالا انا تعبانة .. بروح برقد .. فهد : ليش حبيبتي ؟ ما تحبين تقعدين وياي ؟! أنا : .. أأ .. لالا مو جي .. بس يعني لأني .. مصدعة .. ووو ...برقد .. فهد : اوكي براحتج .. وأنا طلعت من المطعم بسرعة البرق ! وتنهدت .. زين إني شردت .. وطلعت لغرفتي .. http://www.3bnat.com/vb/uploaded/337_1165065885.gif مع إني مو تعبانة .. بس كنت منسدحة على السرير وأفكر بكلام فهد ..وابتسامة شاقة ويهي ..!! وفجأة وأنا عايشة في الأحلام الوردية .. حد يطق الدريشة ..!! خفت ..! لكن كنت شاكة إنها ممكن اتكون دانة .. فقمت من السرير وفتحت الدريشة .. وصج طلعت دانة ! .. أنا : اشفيج ؟! مو جنج قلتي إنج بترجعين ؟! دانة : ... أي .. بس .. انا .. خايفة .. أنا : من شنو ؟! دانة : .. البيت بعيد وايد .. تقريبا ساعتين .. والوقت متأخر و.. ظلمة .. ويمكن في وحوش شريرة ! أنا : خخخخ.. اوكي اشرايج تقعدين عندنا اهني ..وبكرة ترجعين ؟ دانة : أي أكيد ! يعني بتخليني بره !؟ أنا : ههههه .. اوكي أوكي .. يللا دشي .. دشت دانة الغرفة .. وعلطول طبت في سريري !! ابتسمت ورحت الصوب الثاني ودشيت السرير .. طبعا سهرة بنات .. أكيد بتكون متروسة وناســــــــة ..! لكــــن الليلة صار شي .. ما كان على بالي ...!! http://www.3bnat.com/vb/uploaded/337_1165065885.gif |
غناتي " فراشه بنوته " مشكوره على التكمله ...
بس شو الشي ألي صار ؟؟!!! ..... لا تتأخرين علينا حبيبتي... |
| الساعة الآن 11:22 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.