|
واخييييييييييييييييييرا تسلمين يالغلا الله يعطيج العافيه
بانتظار التكمله اختك الفردوس |
و أخييييرا الحمد لله بس بعد أكثر من أسبوع و بعدين جزء صغير وااايد بلييييز نزلي جزء كبير هالخميس ... أرجوووك .. أو بليييز عطيني الموقع إلي ماخذة من القصة.. أنتظرك غلاتي
|
الله القصه مره روووعه بليييييييز كملوها
يلا يلا بليييييييييييييز بموت ابي التكمله وكملوها اسرع من البرق بلييييز |
مو شكلكم طولتو علينا لي أكثر من 10 أيام أنتظر... أرجوكم يالغاليات بسرعة قبل ما ننسى القصة لأني أتابع غيرها أربع أو خمس قصص ...
بليييز استعجلو شوي ...ع الأقل كل خميس نزلو جزء عشااان خاطرنا.. و هذا أقل شيء بس خلوه طويل شوي.. |
وييييييييييييينك plzzzz لا تتاخريي
|
بــل بـــل ! اشقلت أنا ! شنو هالشي الغبي اللي قلته ! أوه أوه اشبيصير فيه !؟ أشوفه ساكت ومتفاجأ ! فهد : .. !_! .. اتحبين ؟! من اهو !؟ أنا : .. أأأ ... امممم .. أأأأأ ... اهو ؟ اممم .. اهو اهو اهو ... واحد ! فهد : لا صج ! عبالي وحدة ! أنا : .... أأ .. لا يعني .. شيسمووونه ... فهد : ها .. من اهو؟ يللا قوليلي ! أنا : .. أأ .. ليش تبي اتعرف ؟! موب قايلتلك ! فهد : لي لي .. ليش ما تبين اتقولين من اهو !؟ أنا : .. أأ .. بس .. أنا ... وحتى قبل ما أكمل كلامي .. كأني سمعت صوت شي مثل غصن يتكسر ! ابسرعة لفيت ويهي على صوب الصوت ..! ولا شفت حد ما توقعت إني أشوفه في هالوقت ! ولا هالمكان ! أنا : .. طــــلال !؟! انت انت .. شتسوي اهني ؟! بعدين تذكرت إنه ليحين ما يعرفني بالضبط إن أنا نفس الـ ليلى من النت ! فسكرت حلجي ... علشان ماقول شي غبي ثاني ! أنا وفهد وقفنا واهو جا صوبنا .. طلال : أهلين ! .. همممم .. فهد ممكن كلمة اشوي معاك .. فهد : أوكي .. فهد قام من مكانه وراح عند طلال واهما راحوا ابعيد عني .. لتكون سالفة عني أنا ؟؟ هممممم .. وقبل ما أكمل تفكيري الجوال رن .. شفت من كان متصل .. المها .. رديت وقلت : ألووووو المها : .. هلا والله أنا : أهلين .. المها : امممم .. ليلوه أنا : نعم ؟ المها : اممم .. ليلوه تراني متمللة ولاعارفة شسوي ! يعني هاي وقته ؟ تبيني اسولف ويااها وأنا طالعة مع فهد ! أنا : ... أأ .. انزين امممم .. مها ؟؟ أنا أنا .. بتصل فيج بعدين لأني طالعة بره ألحين مع حد .. أوكي؟ المها : ها ؟ طالعة مع ميــــن ؟! أنا : مع مع .. مع اللي يبي يتزوجني ! وانتي شيخصج ! المها : وي عاد أقول موولت عليج ! أنا : مولت شنو هاي خخخخخ مالت عليج انتي ! المها : ههههه فديتني أنا ! أنا : لا تفدين روحج كم مرة قلت لج ! المها : وي كيفي كيفي أنا ! أنا : واي بطني يوعانة ! المها : وي انتي عندج بطن أصلا !؟ أنا : أي بين ضلوعي ! المها : خخخخخخخخ حلوة حلوة أنا : أي أكيد ! المها : زين دبوه وين رايحة !؟ أنا : أنا .. امممم .. مادري ! .. لالا قصدي يعني عادي طالعة مكان مثل .. مثل .. حديقة ! وو.. المها : انزين ...؟ أنا : .. وبس ! .. وانتي شتسوين ؟ المها : امممم .. ولا شي .. قلت لج متمللة .. شفت فهد كأنه بيخلص كلامه مع طلال فقلت خلني أخلص ابسرعة ! أنا : زين أنا بتصل فيج بعدين خلج متمللة جذي يللا مع السلامة ! المها : زين لا تتاخرين .. بااااااي ! اف شنو هاي من متى يتكلمون .. بس شكلها سالفة مهمة .. ليحين ما خلصوها .. خلني أنطر بس .. وقفت اشوي وطالعت وراي وبعدين لفيت مرة ثانية على صوب فهد وطلال وأشوفهم يتكلمون .. وفجأة بدون ما أحس في حد جا وراي ومسكني بيده وبيده الثانية حطها على حلجي ..!!! تفاجأت فما قلت شي إلا لما حسيت باللي يصير واهو يسحبني داخل الغابة !! مسكت ايدينه وحاولت أشيلهم لكنه كان أقوى مني ! ( كلهم أقوى مني بهالقصة ! ما يصير ! ) وحاولت أنادي فهد بس اهو كاتم علي مااااقدر !! واهو يسحبني وأنا أحاول أفك نفسي منه .. تذكرت لما كنت اصغيرة واخوي كان يكتم علي بيده على حلجي وعلى خشمي .. فما قدرت أتنفس ! وتذكرت شلون كنت أخليه يهدني ويضحك ! طلعت الساني اشوي وقمت أدغدغ ايده !! ( هههههاااااي ! ) عاد اهو شكله يتعذب ! لكنه تحمل ولما وصل مكان فيه جماعة من الرياييل ! هدني ابسرعة وشل ايده ! قاموا اهما امسكوني ابسرعة .. وواحد منهم سكر حلجي بربطة وعيوني بعد .. ( اشسالفتهم كلما يخطفوني يسكرون حلجي وعيوني ! ) وربطوا ايديني وريولي وشلوني معاهم وحطوني في سيارتهم ورا .. أما أنا تعبت فتميت ساكتة عشان أسمع شيقولون .. لكن ولا واحد كان يتكلم كلهم ساكتين ( يمكن عصابة الأطرش ! ) http://www.3bnat.com/vb/uploaded/10521_1156404813.gif بعد مدة من السكوت واللف والدوران بالسيارة .. وقفوا وطلعوا كلهم وطلعوني وياهم وشلوني طبعا لأن رابطين اريولي ! كأنهم بطلوا باب لمكان ودخلوا منه وودوني داخل وبطلوا باب ثاني وحطوني على الأرض وسمعت اللي شايلني راح طلع وسكر الباب علي وقفله ! حاولت أحرك راسي عشان الربطة اتطيح من عيوني .. فكانت مثبتة عدل فقربت ويهي من كتفي وحاولت أشيلها اشوي اشوي .. (كأني قطوة اتلحس نفسها ! ) وحركتها من مكانها عشان أشوف أنا وين .. وطالعت حوالي وشفت بس غرفة عادية مافيها ولا شي .. والغرفة ظلمة ما يبين إذا كان في شي أصلا .. بس دريشة وحدة اتكفي عشان اتنور جزء من الغرفة.. وشفت في زاوية كأن في شي يلمع .. مشيت على ركبي اشوي اشوي مثل البطة ! وصلت عند الزاوية وشفت اللي كان يلمع كان .. سكين ! خخخخخ صج إنهم أغبيا ! رابطيني وحاطين سكين بالغلط ! بس لحظة ! .. شلون بمسك السكين ألحين وأنا ايديني ورا ظهري !؟ انسدحت عالأرض وحاولت أييب ايديني من ورا لجدام .. قعدت أتلوى عالأرض وحاااالة ليما قدرت أييبهم جدام ! ومسكت السكينة .. لكن ما قدرت أقص اللي رابطين فيه ايديني .. فمسكت السكينة بيديني الثنتين وقصيت الحبل اللي بريولي .. وبعدين حطيت السكينة على الأرض وخليتها واقفة بين ريولي .. ويبت ايديني وقعدت أقص الحبل منهم بعد محاولات انقص.. وشليت الربطتين اللي على حلجي وعلى عيوني .. هف هف ! تعبت بعد كل هاي أخيرا فكيت عمري ! ابسرعة قمت ومعاي السكينة ليحين .. وطالعت بره الدريشة .. وشفت مجموعة رياييل يتحركون بكل مكان .. شكلهم عصابة ولا شي .. وكان في واحد بينهم واقف ويكلمهم .. ومرة وحدة لف ويهه على الدريشة ! وأنا تفاجأت وبسرعة نزلت راسي ! أوه ليكون شافني ! بعد كل هالتعب عشان أفك عمري ويصيدوني مرة ثانمية ! ما يصير ! اهىء اهىء ! وخرت عن الدريشة وتذكرت إن الجوال معاي ! ابسرعة طلعته واول ما طلعت اسم فهد عشان أتصل عليه ولا الباب طراااااااااخ !! تبطل فجأة وبقوة ! وانا تصرقعت والجوال طاح من يدي .. ! واللي بطل الباب كان اللي لف ويهه علي وشكله شافني ! شافني وعيونه مبطلة عالآخر ! وقال : ذكية ! بهالسرعة فكيتي عمرج !؟ زين إني شفتج ودشيت قبل لا تشردين بدون ما أدري ! جا صوبي ودنع عالأرض وشل الجوال .. وعطاني اياه !! استغربت ليش يعطيني الجوال ؟ ما يخاف إني بتصل ولا شي ؟! ؟؟؟ : مستغربة أي !؟ عادي أصلا حتى لو حاولتي تتصلين .. ما راح تقدرين لأن مافي إشارة اهني ! وبعد مو لازم اتخافين .. لأن أنا اللي أنقذتج من الدراكولا الشرير ! أنا : لا! .. انت .. ؟؟؟ : أنا بس خطفتج عشان أبعدج عنه .. لأنه راح يأذيج ! أو يموتج ! اهو واحد شرير لكن إنتي ما تعرفين ! والمفروض تشكريني لأني راح أرجعج لبيتج ! أنا : لا ! اهو مو شرير ! انت اللي ماتعرفه ! انا أعرفه أكثر منك ! ؟؟؟ : هممم .. انتي ما راح تفهمين .. يللا دليني وين بيتكم .. ؟ أنا : .. اممم .. انا ما دله ! ؟؟؟ : بل ! شلون ما تدلين !؟ أنا : .. بس .. ماعرف في الشوارع كلش ! ؟؟؟ : انزين عطيني رقم واحد من هلج .. وأنا راح أتصل فيه من مكان ثاني عشان يدلني .. أنا : .. بس .. مو حافظة ! ؟؟؟ : عطيني الجوال بشوف ! أنا : لا هاي الجوال ما حطيت فيه أرقام غير أرقام أصدقائي .. ؟؟؟ : همممم .. اتجذبين علي ولا انتي ما تبين اتروحين البيت !؟ أنا : .. لا ! .. أي ! .. لالا يعني أبي أروح .. بس ماجذب أنا ! ؟؟؟ : عيل عطيني الجوال بشوف بنفسي ! أنا : .. خلاص عيل هاك ! عطيته الجوال عشان يتأكد بنفسه .. حاس في الأرقام اشوية .. وتم يطالع الشاشة اشوي .. ؟؟؟ : منو فارس ؟ أنا : صديق .. ؟؟؟ : عيل يمنكن يدل بيتج ؟ أنا : لالالالالالا ما يعرف هاي توني متعرفة عليه !! ؟؟؟ : اها ؟ .. امممم .. رقم فهد ؟ ابتسمت ابتسامة خبيثة وقلت له : تقدر تتصل فيه إذا تبي ! ؟؟؟ : هاهاهاه ..! .. لا أحسنله ما يعرفني ! على العموم .. انتي بتقعدين اهني مدة اطول من المفروض .. لأن عندي كم شغلة أبي أسويها .. ومو لازم اتعرفين شنو اهي بالضبط .. وهو يتكلم واحد من العصابة دش وياب وياه صحن فيه أكل .. كمل كلامه وقال : تأقلمي في .. غرفتج ! .. ولا تظنين إن فهد بيي اهني وبياخذج .. احنا بنحميج ! ولا تنسين ! اهو الشرير موب أنا !! وطلع من الغرفة ومعاه اللي كان شايل الصحن .. اف ! اف اف اف افففففففف ! شنو هاي هاي غرفتي !؟ بقعد اهني وباكل مثل القطوة من الصحن !؟! اف لين متى بتم اهني ! وليش يقول إن فهد ما راح ايي اهني !؟ وبعد اهو غلطان ! مستحيل فهد يأذيني أو يكون اهو الشرير ! بس لان دراكولا قالوا إنه شرير ؟! لكن فهد .. أنا ماعرفه إلا من مدة قصيرة .. لكن يمكن سوى أشيا من قبل خلتهم يفكرون إنه شرير ...؟؟ ليكون اهو صج شرير !؟ وأنا طول هالوقت كنت عايشة بوهم !؟! http://www.3bnat.com/vb/uploaded/10521_1156404813.gif |
مشكوووووره على التكمله
ننتظر الباقي اختك الفردوس |
وي لييييييه وقفتي هني :mad0256: واللي يسلمك لا تتاخرييي ترااا زمان عنك
نتريااااااااااااك |
ياي
اهلين بنات .. اول شيء ... الف الف ومليييوووون شكر على هالقصة ... ثاني شيء ... اختي عشوقة .. عاشقة كورنيليا .. تصرفك خطأ يوم انتي اخذتي القصة ونسبتيها لنفسك .. لكن ما اقول انا عنك اي شيء .. اقصد كلام بين خوات مو مضارب .. انا اقول انه ممكن انتي غفلتي وقلتي انه مو احد داري ولا شيء وممكن ابليس لعب عليك وقام يوسوس فيك ليما اخذتيها ... لكن انا متأكده انك مرة نادمه .. اقصد تأسفتي وخلاص .. اعترفتي ما كابرتي .. والاخت (صاحبة القصة الاصلية) جزاك الله خير على مسامحتها .. وفعلا الدنيا ما تسوى نحط شيء بيناتنا .. كافي الحين بنات .. لا تعيدوا القصة... خلاص هي سامحتها .. والله يعافيها ..:) .... وبس:msn_tongu ارجوا تكملين القصة باسرع وقت لاني دخت اوانسجمت معاها (خخخخخ) ومشكورين كلكم :) |
أرجووكم استعجلو يالغاليااااات
|
بنتــــظار التـــكملهـ ..,,
|
تسلم كاتبة القصه على هذي الكلمات الجميلة ألي كونت جملة حلوه و بــ التالي صارت بين أيدينا قصة في قمت الروعه .....
و الأخت ألي تنقل القصة لج جزيل الشكر غاليتي على نقلك ..... و أنا انتظر البارت اليديد بــ فارغ الصبر حبيبتي .... لا تتأخرين علينا حبوبه .... |
السلام عليكم
الحقيقة قصة روعة اشكر كاتبتها عليها انا متبعاها من مدة بس قولت ارد بعدين اتمنى تكملونها بسررررررررررررررررررررعة من أنا ؟ |
http://www.3bnat.com/vb/uploaded/10521_1156404813.gif حاولت أتصل وايد لكن ما كان في إشارة كلش .. لكن بعد كم محاولة صار الاتصال ! وكلمت فهد وقلت له يطلعني من اهني ! وهو عصب وقال إنه بيي علطول وياخذني وقال إنه راح يشرب دم رئيس العصابة !! قلت له مو مهم المهم إن أطلع من اهني اف مليـــت !! سكرت وما صارت دقيقة إلا وفهد بطل الباب ومن فرحتي ركضت وضميته ! وصرت أناقز وأتنطط وأقوله يللا يللا خلنا نطلع هيييييييه !! وما وعيت إلا وأنا أبطل عيوني وأحصل نفسي عالأرض !! كان حلم !! تنهدت وقعدت وعدلت شعري بأصابعي .. وأطالع في هالغرفة اللي صار لي خمسة أيام فيها ! في اليوم الثالث صارت مهزلة بره ! مجموعة من المصاصين العاديين ياو اهني .. وأنا كنت أطالع بره الدريشة وشفتهم .. وصاروا يتكلمون مع العصابة وشوي شوي أصواتهم ترتفع ويبتدون يتهاوشون ! ومسرع ما بدوا يذبحون بعض ! والعصابة اذبحت كل مصاصين الدم ولا هدت ولا واحد منهم .. وفي هالأيام الخمسة كل يوم رئيس العصابة .. اللي بالمناسبة اسمه .. سلطان ..! .. كل يوم يعطيني محاضرة ! إن فهد شرير واهو طيب وهاي عصابته بس عشان يحارب الفساااد ومادري شنووو ! وأنا كم مرة شكيت بفهد .. لكن دايما أتذكر إنه ما سوى شي مو عاجبني ولا يضايقني وكان طيب وياي .. فأرجع مرة ثانية أقول حق سلطان : لا! مستحيل فهد يكون جذي ! أنا أعرفه واهو طيب مو مثل ما تقول انت ! انت ما تعرفه عيل شلون تحكم على حد انت ما تعرفه ! واهو يقول لي عن اللي سواه من قبل .. وكان من ضمن الوحوش اللي ذبحهم مجموعة ناس بعد .. لكن يمكن ما كان يعرف .. أو إنهم كانوا ناس مو زينين .. وانا أقول له إنه هالأشيا يمكن كان يسويها قبل بس ما أظن للحين .. وطبعا هالمحاضرات تستمر كل يوم ! ويغثني فيها ليما أقول بس ! وكله يحاول يقنعني ولا نفع وياي ! راسي يابس مثل ما يقولون ! وأنا أفكر ولا الباب يتبطل ويدش منه سلطان ويايب لي الريوق .. مو شي حلو طبعا مادام مجموعة رياييل طابخينه !! حط لي الصحن وطالعني اشوي وأنا أعطيه نظرات احتقار ! .. وبعدها طلع ..ولا قال شي .. اف وينك يا فهد يالدب ! طول هالوقت هادني اهني ؟! أكيد مرتاح مني ولا جان ييت من قبل.. أحس قلبي يعورني .. ليكون عليه اهو ؟ ليكون مشتاقة بعد !؟ لالا ولا مرة صارت وياي لالا ما يصير ! http://www.3bnat.com/vb/uploaded/10521_1156404813.gif لا خلاص أنا شكلي أحبه ! طول الوقت وأنا أفكر فيه .. وحتى إني أضحك مع نفسي كأني مينونة ! بس .. أنا ولا مرة جربت أحب .. يمكن ما أحب .. مادري .. كنت قبل أقول إني أحب فارس .. لكن ألحين اكتشفت إن اللي كنت أحس فيه معاه كانت بس .. مودة .. يعني هاي اهو الحب ؟ قلبي يعورني وذابحني الشوق .. دايما أفكر فيه وأكون سرحانة .. ودايما أرتبك لما أكلمه .. ولو أكون وياه بدون لا نتكلم ولا شي .. أكون مستانسة إني وياه! ولما أشوفه وأكلمه أحس إن في بطني فراشات !! طبعا ما راح أعترف إني أحبه !! مستحيل ! والله حالة ! http://www.3bnat.com/vb/uploaded/10521_1156404813.gif صار وقت الظهر وسلطان ياب لي الغدا .. لكن أنا ما تريقت ولا تغديت للحين .. يوعانة لكن مالي نفس كلش .. وأنا قاعدة بروحي ومسندة ظهري للطوفة وحاطة راسي على ركبتي .. سمعت صوت حد يكلمني ! رفعت راسي وشفت الشبح ! ابسرعة وقفت وحسيت بدوخة .. وقلت له : شلون .. شلون .. وين .. ليش .. شتسوي اهني !؟ الشبح : ... أووووش! اهمسي عشان محد يسمعنا ... أنا : انزين .. الشبح : سمعي .. فهد موجود اهني .. لكن العصابة محاصرة كل زاوية .. فما راح يقدر يقرب بدون لا يسوي هوشة .. بس قال لي أيي عندج وأتطمن عليج .. أنا : اهو صج اهني ؟! وليش تأخرتوا !؟ هديتوني كل هالوقت اهني !؟ الشبح : عاد شنسوي .. كان فهد يبيله وقت ليما يدري إنج اهني أصلا .. وبعد عشان يعرف من اللي ماخذج .. ووقت ليما يحصل هالمكان .. وليما يعرف شلون يتصرف بدون لا تتأذين .. أنا : .. انزين انزين .. وينه ألحين بالضبط ؟ الشبح : ما عليج إنتي .. أنا ألحين بروح له وبقوله على كل شي .. أنا : اصبر اصبر ! الشبح : نعم ؟ أنا : أأأ .. قوله .. قوله .. إني ... ولا أقول لا خلاص ولا شي .. يللا روح .. الشبح : زين يالهبلة ! أنا : هبلة في عينك ! طالعني بنظرة غبية وطلع من الطوفة واختفى ... أخيرا !! استانست لأني بطلع ... ومستانسة أكثر لأن فهد جا عشاني .. وأخيرا بشوفه بعد ... بعد ...مدة طويلة !! وقلبي قام يسوي سيمفونية من دقاته !! أحسب كل ثانية ! http://www.3bnat.com/vb/uploaded/10521_1156404813.gif مليت ! مرت عشرين دقيقة ! وأحس إنها ساعة ! قعدت مرة ثانية في مكاني .. هاي مو وقته عشان يتأخر علي ..اهىء اهىء ! الحب خايس ! وأنا قاعدة بمكاني مع نحاسة حظي .. سمعت أصوات العصابة بره .. كأن في شي ...؟! وقبل ما اقوم فجأة دش سلطان من الباب ومسكني من ذراعي بقوة وطلعني بره ! وأنا مو مستوعبة شالسالفة .. ولما شفت جدامي بعد ما وقفنا .. كان فهد ! فرحت لأنه وصل .. لكنه تأخر .. وايد ! وكان سلطان ليحين ماسكني بقوة .. وكل العصابة واقفين حوالينا ... سلطان : أكاهي ! هاي اللي تبيها هاا ؟! بس ما راح اتحصل عليها ! لأنك راح تذبحها ! واهو يتكلم طالعني وقال : شوفي ! هاي اهو اللي قص عليج ويقولج إنه طيب لكنه آخر شي ما يبي غير إنه يموتج ويهدج حق مصاصين الدم عشان ياكلونج !! هاي اللي تبين اتروحين له !؟ فهد : لي لي ! هييه إنت هدها ! وإن أذيتها بتشوف شي ما يعجبك ! خلي هالمسألة بينّا احنا وبس ! ولا تدخلها أبد ! لأنك لو سويتلها شي .. بتندم! سلطان : هه! خلنا انشوف اشبتسوي ! معقولة يا فهد بنت مثلها اتفر راسك لهالدرجة !؟ ماصدق ! إنت القاتل المشهور اللي الكل يخاف منه ! ما ترحم حد ! معقولة يكون عندك قلب !؟ ههاهاهاهااااا !! فهد : ...... بتهدها ولا شلون ..!؟ قام سلطان لف ايده علي ومسكني وبيده الثانية طلع سكينة وحطها على ارقبتي ! سلطان : لا ! ماني هادها ! بنشوف لو ... جرحتها .. اشبتسوي !؟ وصار يضغط السكينة على ارقبتي أكثر .. فهد : أنا اراويك ألحين ! بحركة سريعة فهد هجم على سلطان من جدام أما أنا بعد ما سلطان شل ايده عني أنا طحت عالأرض .. وشفتهم .. فهد كان مثبت سلطان على الأرض .. أما العصابة ما كانوا يسوون شي ! قمت من الأرض وخذت سكينة سلطان اللي كانت على الأرض طايحة .. واستغربت لما فهد قرب ويهه عند إذن سلطان .. وهمس له بشي .. وبعدها قام عنه وسلطان ليحين على الأرض ما سوى شي .. فهد خذ السكينة مني .. وابتسم لي بحنان .. وضمني بيدينه الثنتين اللي ذبت فيهم ! ونسيت إني كنت مخطوفة أصلا وإني في الغابة ! وحتى لما قال سلطان جملته اللي ما استوعبتها (راح أنتقم منك يا فهد ! لاتنسى !) قالها قبل لا انطير في الهوا وفهد ماسكني ليحين ... واحنا في الهوا قال لي : تأخرت عليج ؟ أنا : اي تأخرت وايد ! فهد : ..أوه ! ..عيل سوري حبي ! سامحيني .. أنا : ...انزين .. فهد : ...موحشتني والله ! أحس هالأيام اللي مرت بدونج كأنها سنين وقرون ! أنا : .... أأ ... استحيت ونزلت عيوني .. هع هع ! وهو يبتسم قال لي : وإنتي ؟ وحشتج ؟ أنا : ... أأأ ... لا ! فهد : افا ! ... اف ! كنت أحس إني بموت من دونه ! لكن ليش ماقدر أقوله إنه كان واحشني لو اشوية على الأقل !؟ اهىء اهىء ! يمكن الكبرياء له دور ؟! ولا اشدخل الكبرياء بالحب !؟ يمكن ماقدر أتنازل واقوله !؟ والله حالة ! الحب خايس ! http://www.3bnat.com/vb/uploaded/10521_1156404813.gif بعد ما رجعنا للقصر أنا رحت علطول لغرفتي ولا عطيته فرصة إنه يقول لي شي .. طبعا بعد خمسة أيام من الخياس اللي كنت عايشة فيه .. رحت أتسبح عدل ! ولما طلعت من الحمام .. وأنا انشف شعري شفت على الكومدينو اللي جنب سريري كانت فوقه علبة وجنبها علبة سي دي .. خذت العلبة وبطلتها وحصلت فيها .. ساعة ! الصراحة .. عنده ذوق .. الساعة وايد حلوة .. لكن المشكلة .. إنها مو على قدي ..خخخخ! معصمي اصغنووون وضعيفووون ! والساعة وسيعة خخخخخ.. رجعتها مرة ثانية العلبة .. وخذت العلبة اللي فيها الـ سي دي ويبت اللاب توب وشغلته ... وبعد ما حطيت السي دي باللاب توب وشفت شنو كان داخله .. مجموعة أشعار تكسر الخاطر ...! http://www.3bnat.com/vb/uploaded/10521_1156404813.gif قلبي قسمته ياهوى البال بالنص نصفه بجوفي وأنت بيديك نصه لا غبت عني يبتدي الحال ينقص وأسهر وتبدالي مع الأحزان قصه ياليتني في لجنة التعليم مختص والله لحط لمنهج الحب حصه ههههه ! حلو وايد ... حصة حب ..!؟ رهيب ! http://www.3bnat.com/vb/uploaded/10521_1156404813.gif ياقلب لا تشقى وراء كل مزيون مالك على الخلايق مقاله لا تشتكي يا قلب للناس يدرون والناس عن شكواك مالك وماله ياقلب وشبك دايم الدوم محزون خلك بفالك وأترك اللي بفاله الحب يا هل الحب راعيه مجنون ينسى أبوه ثم عمه وخاله .....؟؟؟..... http://www.3bnat.com/vb/uploaded/10521_1156404813.gif ماهو بكيفي أعلن الحرب وياك لو قام عقلي قام قلبي يصده والله أحبك صدق وش فيك وش جاك أبغى المحبه بس من غير شده ولا جاك غيري لا تحبه ليا جاك تكفى طلبتك ألعن أبو جد جده مع إنه يضحك اشوي .. لكن ما أحس إني أبي أضحك ..... http://www.3bnat.com/vb/uploaded/10521_1156404813.gif وشهو يعني لو نقص عهدي وخان لا هو أول ولا آخر من يخون دام نحيا في زمن مابه أمان شيء طبيعي عشرتي عنده يهون كان يا مكان في ذاك الزمان نبض في قلبي وفي عيوني عيون كان له في أصدق أشعاري مكان ... يقصدني انا ؟! ... أخون ؟! ... http://www.3bnat.com/vb/uploaded/10521_1156404813.gif لك في خفوقي ألف مرسى للإبحار شد الشراع وشيل مرسى السفينه أبحر عساك تكون للروح بحار أمواج قلبي في يمينك رهينه لجلك كتبت أهواك بأصداف وأحجار وفاض البحر للبر وأعلن حنينهـــــ ... (: ... http://www.3bnat.com/vb/uploaded/10521_1156404813.gif من غبت عني وخاطري دوم مكسور في غربتي أحياك ذكرى وتذكار أحيان أقول أنك على حق معذور وأحيان أحس أن الجفاء ماله أعذار وكانك تحسب الجفاء ذنب مغفور غلطان ماتعرف للأشواق مقدار يعني صج في هالخمسة أيام ذبح روحه ! خخخخخخ http://www.3bnat.com/vb/uploaded/10521_1156404813.gif إلى متى من دون تفكير أناديك أحسبك عندي وأنت يابعد ممساك لو صار شوفك صعب ماني بناسيك ولو حال دونك يأس لا يمكن أنساك لو عشت طول العمر بالروح بفديك يالغالي اللي غالي الروح تفداك مسكيــــــن .. (: .. اهىء اهىء .. http://www.3bnat.com/vb/uploaded/10521_1156404813.gif أظن إنه ليحين يتذكر إني قلت له إني أحب حد ثاني ... لكن ألحين أعرف إني ما كنت أحب .. إلا ألحين أحب ..فهد .. بس ما راح أقط روحي عليه وأقوله إني أحبه ! ... يمكن بعدين ... والله حالة ! الحب خايس ! http://www.3bnat.com/vb/uploaded/10521_1156404813.gif وأنا نازلة على الدري ومعاي علبة الساعة .. رحت أدور على فهد في مكتبه .. لكنه ما كان موجود .. ولما طلعت حصلت الخدامة تمشي وسألتها عنه .. قالت إنه بره في الحديقة الخلفية .. علطول رحت اهناك وشفته قاعد على الكرسي .. وقربت من ورا بهدوء عشان ما يحس فيني.. ولما وصلت عنده قربت اشوي اشوي .. وفجأة قلت له : بـــــخخخخخخ !!! واهو لف ابسرعة على صوبي واهو يضحك علي ! فهد : وي وي خرعتيني ! .. وشاف العلبة معاي وقال : عجبتج الهدية ؟ وأنا مبتسمة قلت له : ايوا حلوة .. بس .... فهد : .. بس .. شنوو ؟ أنا : اممممم ... يعني .. اهي .. وسيعة اشوي .. فهد : وسيعة ؟! ... أشوف يبيها خلني ألبسها لج .. خذ مني العلبة وطلع الساعة ومسك ايدي ولسني اياها .. ولما نزلت ايدي ولا الساعة اطلعت منها ! فهد : ههههه .. أي انتي ايدج اضعيفونة .. سوري لي لي بدورلج على وحدة أصغر .. أنا : لالا مابي وحدة ثانية .. لأن أنا أصلا ماحب الساعات .. فهد : افا .. ليش ؟ أنا : .. امممم .. مادري بس أنا مالبسهم دايما يعني .. ماحبهم بس جي .. فهد : أوكي عيل باخذلج شي ثاني .. شتحبين أييبلج ؟ أنا : .. ماعرف .. فهد : لا انتي قولي عشان أعرف شتحبين انتي .. ولا أقولج .. تعالي معاي واختاري على كيفج .. اشرايج ؟! أنا : .. امممم .. أوكي .. أصلا أنا أبي أطلع اشوي .. فهد : خلاص عيل .. رفع عيونه للسما وتنهد وقال : بدا الليل .. اشرايج انروح ألحين ؟ أنا : .. أوكي ! .. بس وين بنروح ؟! فهد : .. اهو مكان غير عن اللي خذت لج منه الساعة .. فيه أشيا حلوة .. وسحرية ! .. أنا : سحرية !؟ فهد : ايوا .. أعرف إنج اتحبين هالسوالف .. أنا : ... اها .. والساعة ؟ فهد : عادي خليها وياج .. أنا : .. أوكي .. امممم .. شكرا .. فهد : عفوا حبي ! أنا : .. بنروح بالسيارة ؟ فهد : كيفج انتي .. أنا : .. اممم .. لا خلنا انروووح طيرااااان ! فهد : هههه .. أوكي عيل يللا ! واااااو ! محل للأشيا السحرية ..! اشبيكون اهناك ياترى !؟ يااااااااااااااااااااااي !!! http://www.3bnat.com/vb/uploaded/10521_1156404813.gif |
يسلمووووووو بنوتات على متابعتكم واعجابكم بالروايه ....
واذكركم مره ثانيه اني مب انا الي كاتبه القصه انا بس انقلها لكم ... |
واو انا اول من يردن
أشكرج فراشة على الجزء الرائع و اذا ما زلتى فى المنتدى حطى الجزء التانى عشان خاطرى |
البارت وايد حلوه ... بس قصير شوي
تسلمين حبوبه على النقل ..... و ننتظر التكمله .... |
مشكوره على القصه الروعهههههههههههههههههههه ياقمر وماقصرتي والآمام
|
وين البارت حبوبه ؟؟؟؟؟؟؟؟؟؟؟؟
!!!!!!!!! |
القصة فكرتها روعة مرررررة
واتمنى من كل قلبي انك تنتظمي في وضع الاجزاءb:7 :1aa: :angel: :017: :char0248 |
والله واايد تطوليين علينا أحس اني بنسى القصة .
بليز ع الأقل نزلي كل اسبووع جزء.. |
بنات سوري اذا اتأخر بحط الاجزاء بس شسوي مب انا الي اكتبها وانا انطر مؤلفة القصه تكتبها عقب احطها لكم ...
وهالاسبوع البنت ما حطتها لضروف خاصه فيها وانشالله الاسبوع الجاي بتحطها... وانشالله اول ما تحطها راح احطها لكم ... |
مشكووووووورة أختي على القصة
|
يله حبيبتي كملي القصه بلييييييييييييييييييييييييييييييز:)
والف شكر على القصه الي قليل عليها كلمت روعه:) |
واحنا في الهوا وفهد ماسكني والظلمة حوالينا وماشوف إلا الأرض تحتنا .. البر الوحيد .. اللي مافيه إلا مجموعات اصغيرة من الشيّر اهني وهناك .. والنجوم الصغيرة الغابرة اللي في السما السودة ... شي حلو وأنا في ايدين .. حــ.......! المشكلة إن ويهي صاير حااااار ! ولا أقدر أطالع فهد كلش .. أطالع أي شي إلا اهو .. اللي لاصق عيونه فيني ويبتسم .. وكل دقيقة والثانية يقول لي .. أحبج ! بس الهوا البارد كان يساعدني إن .. البخار ما يطلع من اذوني ..! طبعا بعد الغزل اللي فوق .. نزلنا في مكان فاضي .. أنا : اممم .. وينه المكان ..؟ فهد : شايفة مجموعة الشيّر الصغيرة اللي اهناك ..؟ وهو يأشر عليها شفتها .. واستغربت .. شلون يعني .. اهني ..؟! طالعت في ويه فهد وأنا مستغربة ..اهو ابتسم وقال : بندش بين هالشيّر وفي مكان تحت الأرض .. بس إنه ظلمة ويمكن ما تشوفين الطريج .. عشان جذي بمسك ايدج وأدلج .. أوكي ؟ أنا : ... اوكي .. سبقت فهد عشان أقرب عند الشيّر .. لكنه مسك ايدي ووقفني .. أنا : شنو ..؟ فهد : بقول لج شي قبل لا اندش اهناك .. أنا : شنو اهو ..؟ فهد : أبيج توعديني .. أنا : بشنو ..؟! فهد :أبيج توعديني .. إن .. إنج ما تخونيني .. أنا : ؟_؟ .. ما أخونه ..؟! امممممم.... فهد : يللا لي لي .. اوعديني .. أنا : ............ بس .. يمكن .. بس .. بس .. وفارس .. شنو راح أقوله ..؟! اشبيصير بعدين ..؟! إذا بوعده .. أكيد بفي بوعدي .. فلازم أفكر ألحين قبل لا أتسرع .. فهد : لي لي ؟ انتي أكيد اتحبيني .. وأبيج لي وحدي .. وأنا واثق منج إنج ما راح اتخونيني .. صح؟ أنا : ..... أنا ...... انا ... فهد : يللا لي لي حبي .. أوهووووو .. خلاص بوعده وبفك عمري .. أنا : أوكي .. فهد : قوليلي وعد إنج ما راح اتخونيني ... أنا : .. وعــــــــد .... بعد ما وعدته ابتسم واستانس .. وهو ماسك ايدي وداني لين الشيّر .. وأنا أفكر باللي سويته ألحين .. مادام وعدته .. عيل لازم .. أفكر شلون بفهم فارس إني احب حد ثاني .. مع إن انا من بداية ما تسرعت ولا قلت له إني أحبه .. أحسن عشان السالفة ما تكبر .. لكن تذكرت كلامه مرة ..قال لي : ليلى .. إذا إنتي ما تحبيني .. لا تقولين لي .. عشان ما تحطميني .. كسر خاطري لما قال جذي وكان ودي لو إني أقوله إني احبه .. بس ما كنت أبي أتسرع وأخرب كل شي .. وألحين فارس يحبني .. وأنا يمكن .. يمكن احبه بس أنا ماعرف .. لكن طبعا أنا ما قلت له مشاعري إتجاهه .. وفهد يحبني .. وأنا يمكن .. أحبه بعد .. وأظن إنه يعرف إني أحبه بدون لا أقوله .. وألحيــــــــــن .. انا مختبصة عدل .. ! لأني احس إني احب اثنينة ..! طبعا ما يصير أحب اثنينة .. يمكن .. أنا أتعاطف مع فارس .. أو يمكن مع فهد .. فعشان جذي أقول إني أحبهم .. والمشكلة ألحين .. أنا أحب فارس .. ولا .. فهد ..؟! وأنا أفكر تذكرت الكل ..فارس ..فيصل ..تركي ... تركي! وين راح هذي .. سافر الامارات ولا رجع .. وقفنا عند الشيّر وقبل لا اندش سألت فهد .. أنا : فهد ؟ فهد : هلا عيوني .. أنا : تركي .. سافر ولا أشوفه رجع ..؟ فهد : تركي ؟! اشذكرج فيه ألحين ؟! أنا : مادري .. بس أسأل .. فهد : أنا بروحي ماعرف ليش ..اهو كان يقول إنه بيدش كلية أو أكاديمية الشرطة على ما أظن .. أنا : اهااا .. عيل يمكن انشغل فيها ...اممممم.. فهد : أوكي عيل .. يللا خلنا اندش .. عطيني ايدج .. مسك ايدي .. وشدني داخل الشيّر اللي اتخرع .. ودشينا داخل بالظلمة .. وأحس إن الطريج وايد طويل .. مع إن شكل الشيّر ما كان يوحي إنها هالكبر .. كأنها متاهة تحت الأرض .. مخبأ حلو ! تمينا نمشي في الظلمة ولا أشوف شي حوالي بس فهد اللي جدامي .. وكملت تفكيري فاللي تذكرتهم .. المها ومها .. نورة وانتصار ..! أوه صح نورة ..! يمكان لما أرجع القصر بكلمها بالتلفون .. لأنها كانت اتعرف سالفتي مع فارس من البداية .. ويمكن تقدر اتساعدني إذا فهمت شالسالفة ..لكن ماراح أقول لها ليش إني أبي أهد فارس .. عشان ما اتقول أكيد عجبج فهد الدراكولا الغني وتخليتي عن فارس! طبعا مو هاي اهو السبب .. لكنها راح تفهمني غلط .. فما راح أقولها إني أحب فهد .. أو إن في حد ثاني أصلا.. واحنا ماشيين شفت نور من بعيد في هالظلمة .. وتأكدت لما شفت إنه نور طالع من فتحات في باب خشبي .. وقفنا عنده وكان فهد راح يفتح الباب قبل لا اتييني فكرة مادريت إنها راح اتييني ألحين .. أنا : فهد ؟ فهد : هلا قلبي ..؟! أنا: امممم .. انت ليش ما كنت اتحب خطيبتك ..؟! فهد : وأنا متى قلت إني ماحبها .. بالعكس كنت أحبها .. أنا : !؟_!؟ .. فهد : اشفيج ..؟ أنا : انت قلت لي لما سألتك .. قلت لي إنك ما كنت اتحبها ..وقلتلك ليش خطبتها إذا ما كنت اتحبها .. قمت قلت لي إنك ماتدري ..! فهد : لا يا لي لي ! .. أنا كنت أحبها .. بس .. يعني .. أنا كنت أحبها لكن أنا خطبتها غصبن عني .. أنا : غصبن عنك .. ؟!؟ فهد : ايوا .. شلون يقول لي غصبن عنه .. يعني اهله خطبوا له البنت ..؟! بس اهو قال إنه ماعنده حد .. يمكن .. يمكن عنده أهل .. لكن ما قال لي الصج .. يمكن مفترق عنهم .. أظن إن يقصد إن ما عنده حد إنه مافي حد من أهله معاه .. أوف مليت من هذي السالفة ..! ليش ما يقول لي كل شي من البداية ؟!! صج إنه يبط الجبد ! لما أساله ما يقول لي كل شي .. يعطيني إجابة مختصرة .. ويمكن ناقصة بعد .. وبعد ما يسولف ..! عالأقل فارس عكسه .. كان يسولف في كل شي . وكنت أحب أتكلم معاه .. بس فهد إذا بيتكلم .. بس يقول لي أحبج ..! ما يسولف يا ناااااااس !! أحس إني ما كنت أفكر إلا ألحين .. يمكن هاي اهو مكان الإلهام ..! المهم .. فهد بطل الباب ودشينا منه .. وأول ما دشيت شميت ريحة المكان الغريبة .. وشفت أشيا غريبة بكل زاوية .. ومتروس من هالأشيا الغريبة والكتب المنثرة بكل مكان .. ونباتات عادية وبعضها أشكالها غريبة اول مرة أشوفها .. فهد راح يلف ويدور .. كأنه يدور على حد .. أما أنا تميت أطالع في هالأشيا ... شفت نبتة أوراقها حمرة وعلى شكل قلوب ! ...أظن إنها نبتة الحب ..! وشفت ميداليات معلقة على أشكال مختلفة .. واكسسوارات حلوة وبعضها شكلها غريب كأنها ترمز لشي ... زشليت كتاب من طاولة كانت جبني وفتحته .. لكن ما عرفت شلون أقراه ..لانه كان بلغة غريبة .. وكان في أشيا وايد كان خاطري أتعبث فيها بس فهد ناداني .. اوووه يا خسااارة ! ولما رحت له حصلت معاه وحدة مرة عيوز ! اتطالع فيني بطريقة غريبة .. المرة العيوز مع صوتها المرعب : اهاااا .. هذي ليلى .. اممم .. تعالي معاي .. واهي اتطالعني بطريقة اتخرع فخفت منها وطالعت فهد ... فهد : ترى ماتعض .. عادي روحي وياها عشان بتروايج شي يعجبج عشان آخذه لج .. أوكي ؟ .. يللا حبي .. أنا : ...أوكي ... انزين ... العيوز امسكتني من ايدي بقوة وشدتني وياها ..! وودتني لمكان فيه ميداليات وسلاسل واكسسوارات كثيرة .. العيوز: .. كح كح ..! يللا اختاري شي يعجبج ابسرعة ! قمت أطالع فيهم .. واجذبتني أشيا وايد حلوة وكلما مسكت شي كانت العيوز اتقول لي على الشي اللي المفروض يسويه من سحر ..! وما قعدت وقت وايد وأنا أختار .. لأني بروحي كنت متخرعة من هذي العيوز اللي ويهاا معفس وكلش ما تبتسم حتى ..! ووحدة من عيونها لونها غير .. وحدة خضرة والثانية سماوية مايلة للبياض ..!! شفت شغاب للأذن واحد على شكل نجمة سودة .. اما للأذن الثانية سلسلة ومتعلقة عليها فيها باللون الأسود fairy.. جنية صغيرة لها أجنحة ..عجبتني وخذيتها .. قالت لي العيوز إن هذي الجنية راح تتحول لجنية صجية للي قلوبهم طيبة ..! ولما قالت جذي كنت راح أنفجر ضحك .. لكن شكلها كانت جادة فخفت أضحك وتذبحني بعدين ..! وكملت كلامها وقالت : وراح اتحقق لهم أمنية وحدة وبس .. وبعدها راح تتحول لجماد مرة ثانية .. للأبد ..! وأنا أسمع كلامها .. أحس إني ما أصدق اللي تقوله .. لكن شاللي بخسره ..خلاص باخذ هذي وبقول حق فهد .. رحت عند فهد وأنا مستانسة وأنا أقول له : خلاص أنا عجبني هذي .. اشرايك ؟! فهد : واااو ! روعة مثلج ..! وأكيد لما تلبسينه بيصير أحلى ..! أنا : ..... أأأ ... أوكي خلنا انروح .. لأني احس إني تعبانة اشوي .. فهد : اوكي اوكي .. أنا بحاسب وانتي انطريني عند الباب وأييلج .. أنا : أوكي .. هاك .. عطيته الشغاب اللي على شكل نجمة والجنية ورحت أنطره .. وبعد ما دفع للعيوز جا عندي وقال : تعالي ألبسج ..! ولبسني النجمة والجنبية في أذوني .. وقال : واااو ! روعة ! أنا وويهي قاعد يحترق ..! : ... أأ ... احم .. شكرا .. فهد : احبج والله ..! لحظة بس بكلم المرة في شي .. وبروح بعدين أوكي حبي ؟! أنا : .. أوكي .. كنت سرحانة وأنا أطالع في فهد واهو بكلم العيوز .. أحسه طول وأنا نعسانة .. ومرة وحدة بدون لا أنتبه جاني صوت من ورا صرقعني ! ؟؟؟ : هاااااااي !!! التفت ورا ابسرعة وأنا متفاجئة .. وشفت صاحبة الصوت بنت ..! استغربت بنت مثلها شتسوي بهالمكان ..؟! البنت شافت استغرابي واهي تبتسم فقالت : أنا موجود اهني من قبل وكنت أطالع فيج .. وفي .. فهد .. استغربت أكثر وسألتها : انتي اتعرفينه ؟! ... ووو ... ومن انتي ..؟! ؟؟؟: أنا دانة .. وعمري 13 سنة ..وهذي المرة العيوز اهي يدتي .. ومحل السحر هاي .. لنا احنا ..وفهد داااايما ايي عندنا إذا كان يبي شي معين ... ووو ... وانتي من ؟! أنا : .... اها .... احم .. أنا ليلى وعمري 17 سنة .. دانة : أوه اكبر مني بوايد ! أنا : .. ههه .. ايوا .. دانة : ترى احنا عندنا أشيا وااااايد ومن كل الأنواع .. حتى أشيا ما تتخيلينها .. تبيني أراويج أشيا اتخرع ؟! أنا : .. امم .. ما أظن إن في وقت لأني بروح ألحين ..وو..وكان ودي لو أشوف بس .. سوري .. دانة : لاعادي .. تعالي وقت ثاني ..ههههه! ومرة وحدة اركضت عند فهد ونطت عنده وقالت له : فهد ! شلوونك هااا ؟! من زمان ما ييت عندنا ! وأنا رحت وراها ووقفت عندهم وأنا أسمع شيقولون .. فهد : أوه ! دندونة ! أنا تمام وانتي شخبارج ؟ دانة : ههههه ! انا اوكي ! ليش ما ييت عندنا من زمااان هااا ؟! فهد : ... كنت مشغول اشوي .. وطالعني أنا .. ورد عيونه لدانة وقال: لا تخافين بيي مرة ثانية وبييب معاي ليلى مرة ثانية .. وأشر علي انا .. ودانة التفتت وطالعتني .. لكن ويهها كان متغير اشوي .. وعطتني نظرة غريبة ..! ومادري ليش ... لكنها كانت مستانسة من قبل لما شافتني .. أحس إنها .. معجبة بفهد ..! يحليلها .. مسكينة ..! ضحكت في داخلي .. وبعد زعلت لأنها لما اتعرف إن فهد ما يحبها مثل ما اهي تفتكر .. أو إنها راح تنعجب في حد ثاني وتنسى فهد بسهولة ...صج سنوات المراهقة نحس ! http://www.3bnat.com/vb/uploaded/337_1163851237.gif |
وااااااااااااااااو أنا أول من يرد بــ قرأ البارت و بعلق عليه ...
|
يعطيكي الف عافية يا رب ونترياكي :)
|
تسلمين يا احلى فراشة
|
الجزء رووووووووعه
مشكوره حبي على البارت .... |
مشكورة فراشة
لا تتأخرى علينا اوكى |
واااااااو البارت مرررررره خطييير:)
وبليييييز لاتتأخرين علينا:) وثنكس على البارت:) |
مشكورين بنوتات عالردود الحلوه...
لكم ارق تحياتي... |
وااااااااااااااااااااااااااااااااااااااااااااااااا او
الصراحه القصه روووووووعه وانا ناطره التكمله على احر من الجمر ويعطيج العافيه حبيبتي :* |
..............................
|
حبيبتي متى بتنزلين التكمله ؟؟
|
اللع يعافيكم ويسلمكم بنوتات
وانشالله بنزل الجزء لما تكتبه صاحبة القصه وعلى ما اعتقد يوم السبت او الاحد |
اوكي
ونحن بانتظار التكملة |
اوكي حبيبتي
ننطر لي يوم السبت او الاحد ويعطيج الف عافيه |
http://www.3bnat.com/vb/uploaded/10521_1156404813.gif
أول ما رجعنا وأنا أمشي متمايلة لأني نعسانة .. فهد ضحك علي .. وأنا طالعته وحاولت أرفع حاجب بس .. عيزانة .. مسك ايدي وساعدني عشان يوديني على الدري لين غرفتي .. ووصلنا عند باب الغرفة وبطله لي ودشينا .. وأول شي شفته كان الشبح في ويهي ..! الشبح : أوه أخيرا رجعتوا من الطيران يا عصافير الحب ..! أنا: .... عصافير الحب في عينك ..! الشبح : بل ! .. أي مقفلة شكلج مع الكشة ! ابسرعة حطيت ايدي على شعري ..وشفته مرتب .. وعطيته نظرة وقلت له يللا أنا برقد ممكن اتراوينا عرض اكتوفك ؟ الشبح : أوه ! تبين اتقيسين اكتوفي ..؟ أكيد تبين اتسوين لي بدلة صح ؟ أنا : لا تستهبل ..! أما فهد واقف ورانا ولما التفت له كان شاق الحلج ..! أنا : اشفيك انت بعد ..؟! الشبح : أوه أوه ! جا دوره ! فهد : لالا مافيني شي .. يللا روحي حبيبتي ارتاحي .. تنهدت ورحت وقطيت نفسي على السرير ... وبطلت عيوني وشفت فهد يقول شي حق الشبح .. لكن ماسمعت اشقال .. وبعدها اطلعوا اثنينتهم من الباب .. أخيرا برتاح بعد اليوم الطويل .. شردة من العصابة .. وبعدين روحة لمحل السحر .. كانت اعيوني مو راضية تتبطل .. عشان أبدل ملابسي .. لكن ماقدرت أقوم مرة ثانية من السرير .. بس تذكرت الشغاب والجنية .. فشليتهم من اذوني وحطيتهم على الكوميدينو جنب سريري .. وبعدها سكرت عيوني .. مع إني لما أرقد أروح فيها .. أروح في سابع نومة .. لو يصير زلزال ما راح أقوم .. خاصة وأنا تعبانة .. لكن.. حسيت حد يتحرك بالغرفة .. فلما بطلت عيوني اشوي اشوي .. ما حصلت حد بالغرفة .. الباب مسكر .. لكني كنت متلحفة .. يمكن كان فهد .. شفت الساعة كنت الساعة 2 بالليل .. استغربت إني ممكن أقوم وانا ما رقدت إلا كم ساعة بس .. ليحين تعبانة لكن .. مادري شاللي خلاني أقوم .. ومادري شاللي خلاني بعد آخذ اللابتوب من الطاولة.. (شكلي كنت أمشي في نومي ..! ) المهم .. عيوني تبطلت ألحين .. بعد ما دشيت المسنجر ..وغيرت النك مالي .. وقعدت أحوس وأدور فيه .. مادري اشقاعدة أسوي .. تمللت قمت أحذف ايميلات ناس ما شفتهم من زمان .. أو إن مالي علاقة قوية فيهم .. وبعدين طلعت منه ودشيت ايميلي الثاني .. وغيرت النك وكل شي وبعد حذفت ايميلات وايد.. وفجأة تذكرت إن أنا كنت مسوية لفارس ايميل لأنه قال إن يبي ايميل له على ذوقي .. فطلعت من ايميلي ودشيت ايميله اللي أعرف الباسوورد له طبعا .. فغيرت له النك نيم ماله .. وابتسمت لأني كل مرة أغير له فهو لما يشوفه غير يتفاجىء ويستانس لاني دشيت ايميله .. وشفت عنده رسايل مني ليحين محتفظ فيهم .. لكن مرة وحدة طلعت من ايميله وطلع لي تنبيه يقول إن في كمبيوتر ثاني سجل بنفس الايميل من مكان ثاني ..!! عرفت إنه فارس دش ايميله .. فرجعت دشيت حق ايميلي .. لكن كنت مسوية ظهور دون اتصال .. وأنا أطالعه .. أكيد عرف إني كنت داشة ايميله .. قلت إذا دشيت ألحين أكيد بيصيدني وبيقعد يسولف وياي يمكن بعد لين الصبح ..! ماعرف شسوي .. أكلمه ولا لا ..؟ اممممم .. لالا خليه بعدين يمكن بكرة إذا كان موجود .. وتأكدت من رسايلي وشفت رسالة منه .. وفتحتها واكن يسأل فيها عني ..كعادته .. وحذفت رسايل ثانية .. ومجموعة رسايل من فهد ..تقريبا كلها معلومات عامة .. قريت بعضهم لكنهم كانوا طوال فأجلتهم حق بعدين .. وتأكدت من المتصلين .. فشفت إن فارس طلع ..لكن كان في حد ثاني موجود ..اللي كان فيصل .. عالأقل هاي ما يحن وايد .. فغيرت الحالة وسويت متصل .. وطبيت عليه وانتبهت حق النك ماله .. شريرة مكسور خاطرها : هلا ! شلونك يا بعد أظافري ..؟! من كثر حبي لها وأنا سهران .. حتى فراشي باعوه هلي : أهليــــــــــن ! تمام .. شلونج انتي وشخبارج يا بعد براطمي !؟ شريرة مكسور خاطرها : خخخخ .. عايشة .. ها منو هاي اللي تحبهااا ..؟! من كثر حبي لها وأنا سهران .. حتى فراشي باعوه هلي: امممم .. وحدة شريرة مكسور خاطرها : لا عبالي واحد ! يللا اعترف ! ومن أول ما شفت النك ماله وأنا شاكة .. ليكون أنا بعد ؟! لا مستحيل .. فيصل يعرف سوالفي مع الحب .. ودايما أقوله إن مليت منهم .. ما أظن إنه بينضم لقائمة الضحايا مالتي .. ...لكـــن .. ليحين أنا شاكة .. لأن فيصل ما يعرف بنات كلش .. إلا أنا .. من كثر حبي لها وأنا سهران .. حتى فراشي باعوه هلي : امممم .. اهي ذكية بتعرف .. أوه لاااااا ! طلعت أنا ! لا لا لا ! فيصل ليييييش ؟! ليش خربت كل شي ؟! يا لهووووووي ! يادي المصيبة ! ألحين بقعد أدور على طريقة إني أوخره عني بدون ما يزعل ..اف! حتى النك مالي شريرة .. لكني عكسه .. يمكن لازم أصير شريرة عشان محد يقرب مني ..! شريرة مكسور خاطرها : ... واهي اتحبك مثل ما انت اتحبها ..؟ من كثر حبي لها وأنا سهران .. حتى فراشي باعوه هلي : امممم .. مادري .. شريرة مكسور خاطرها : شلون ماتدري ؟! يعني يمكن ماتحبك وإنت اتحبها ؟! من كثر حبي لها وأنا سهران .. حتى فراشي باعوه هلي : .. ): .. مادري .. اممممم .. يمكن لازم أأجل السالفة حق بعدين عشان أتفاهم وياه ..ونرجع مثل قبل .. وعشان أدور على طريقة عشان أشيـــل عني لعنـــة الحب ..!! http://www.3bnat.com/vb/uploaded/10521_1156404813.gif انشالله يعجبكم البارت مع انه قصير ... لكن لازم تعذرون البنت الي كاتبه الروايه لأن عندها امتحان تجريبي ... وادعولي وادعولها انه اللله يوفقنا... |
مشكووورة اختي و بالانتظااار ..
يعطيكي العافية :) |
| الساعة الآن 08:02 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.