|
ماكنك الا شوق في بحر نسيان
كل المشاعر قبل لا قلت لبتك! قبل المحبة تمتلك حس الانسان كل الحواس الخمس ياشوق حبتك قبل لا اتعنون صرت لروح عنوان مدام لي في وسط الاحساس رفتك من سبتك غيرت انا اسم حمدان لين اعرفوني باسم فزاع سبتك! انت بمكان ويطلع البدر بمكان واذا طلعت يضيع نوره بهيبتك! منت بلون الشمس وقت المسيان استغفر الله الشمس بالنور صبتك كن العمر لحظة اذا معك سهران وكن السهر عمر في لحظات غيبتك! ان جيت صوبي صرت لك دار واوطان وان رحت عني صرت بعدك وقربك |
يا وقت يا شاري الفرح من نفسي المخدوعه أبيع لك وارجى الأمل في البسمه الخداعه إذا حسبت اللي عطيتك ضعت في مجموعه أعطي ولا حصلت من ذاك العطا أرباعه يا قنبله وسط الحنايا في الحشا مزروعه دايم اداريها واخاف إن تنفجر في ساعه ما دامت الفرحه علي بسبتك ممنوعه يا وقت وش يفرقك عن فعل الردي واطماعه سبة هنوف لا سرت ليلي سرى بجموعه شوق ووله مع عبرة في خافقي نزاعه خل ملكني في ميادين الهوى وشروعه عيني له مصيفه وفي روض الحشا مرباعه طيبه جذبني له وماشي راضي في طوعه والا لغيره لا حشا ما لي أبد من طاعه يا عين حر قدتحقق م البعاد طلوعه في رمش عينك عاشقك متحدي مضياعه والعنق هو عنق الدماني لا انفرت مفزوعه والا غزال سامع صوت القنيض وراعه قلبي لشوفك كم يفز وينصدم بضلوعه بتشتت شعوري ويصعب يا ضنيني رجاعه محبتك لا هي بمنحوته ولا مطبوعه تسري بدمي ثم تغذي لي الجسم با جماعه نفسي من بعادك تراها يا الغلا موجوعه من هو يحس بحالة محب تزيد اوجاعه ما هوب انا اللي تفضحه عينه ولا دموعه لو ان عيني من صروف حكايتك دماعه |
أخاف انك ===> تخاف اني <=== ( أخاف ) من البشر ماجيك !! =وانا ( خايف ) عليك .. وحكيهم .. ماكان خافيني
: : : إذا كان ( الكلام ) ............. اللي يقولونه ( علي )...... يرضيك ! => فنا مرضى ( عليك ) .. وكيف ؟ حكيٍ فيك .. يرضيني : : : انا .. مقدر .. على فرااااقك ... ولاودي .. ( معاي ) ابليك .. =وانا ( بلياك ) ... من ربي .. كلام الناس .. باليني : : : أعرف انك ===> تعرف اني <=== ( أحبك ) .. مابها تشكيك .. =ولكنك .. ( بنفس الوقت ) تنسَ انك ( نظر عيني ) : : : انا .. مسمح .. بهالدنيا ( لأمّك ) ... نفسها .. تأذيك .. =>> عشان .. أسمح .. لمن وده .. يفرق .. بينك وبيني : : : نعم .. مجنون .. مابيهم .. يقولوا : ( ربنا .. يشفيك ) => مادام .. ان حبك جنووووني ... ( عسى الله لايشافيني ) : : : ولكني !!! .. ( ومع هذا ) .. ابقطع ,, جيتي ،، ماجيك ... => عشان .. ان قيل لك ... ( قاااااطع ) ... تعذر .. قووول : يغليني[/POEM] |
أنساك كلمه مالها أيّة وجود بمرجعي
والقلب لامنّه نوى غيرك حبيبي بامنعه تنتابني ذكراك ما بين الوعي واللا وعي ما كنّك الاّ بحر حلمي والمشاعر الأشرعه من وين تطلع كنّك الاّ تقول يا شمس اطلعي يتنفّس الفجر بنفس حسنك ويشرق مطلعه مع إن فرعك لو رميت الشمس به عيّت تعي إن الدجا يسري لها من دون ما تتوقّعه إن الدجا يكنز عبيره للنسيم المطلعي كلّه على شان النسيم المطلعي يلعب معه يمتد ليلي واشعلك شمعة غلا بين اضلعي ويمر بي طيفك ويتناثر بصدري واجمعه تحتاج تتعبني وأنا أحتاج لك وأنته معي بعض المشاعر تتعب المشتاق لكن ممتعه موقعك من قلبي تدلّه بس حدّد موقعي وبعدين خذ قلبي وفي دنيا غرامك ضيّعه وإن طاب لك شوقي وطاب لصوت همسك مسمعي القلب لك والشوق في عروقي بكيفك وزّعه القلب ملكك والفصول الأربعة من مطمعي دام التقت في مبسمك كل الفصول الأربعه |
لا جنون الحب ينفع في بواد الإحتمال
احتمال يكون ضايع واحتمال إنه يبين الخيال أصبح حقيقة والحقيقة من الخيال شوف يعني كيف باجر ضاع من عمر السنين لا محبه يا قليل الحب من غير اتصال ولا تواصل بيننا يمشي على ما تشتهين كم عجزت أفهمج والله لو أفهم الجمال يمكن الإبل تفهم من قبل لا تفهمين |
ما درت عن حبها ياليتها تدري **** ليتها ياليتها لو قدرت مره
ان قلبي من كثر شوقي ملا صدري **** وان صدري من كبر قلبي نفذ صبره من (صباح الخير) لين الشمس ما تسري **** ومن (مساء الخير) لين نصير في بكره والغلا في داخلي مثل النهر يجري **** ليتها تدري بغلاها داخلي شكثره هي تحسب اني طلبت الشهره بشعري **** والله ان حبي لها نساني الشهره من يقول ان الشعر بيزيد من قدري **** بس انا شعري لها بيزيد من قدره ليتغزلت بحلاها يصطفق بحري **** والقصيد يروق لي في عجزه و صدره وان بديت الوصف دوم اختار في امري **** م الجبين او م العيون او أ وصف الغرة والخدود اللي من الله لونها زهري **** وفمها من زود زينه زاد في صغره مشيها لو هو فتني والله بعذري **** قدها المياس يشبه ميلة ألزهره كل شي فيها من الله خلقته مغري **** وقلبها خيره يغطي دايماُ شره العطر هو يشتريها لو نوت تشري **** وردة ٍ والورد دايم يعرف بعطره هي هواي وهي بعد لي قلبي وعمري **** وابتسامة خاطري لو خانت العبرة ليتها تدري عن اللي يدور في صدري **** وليتها تدري بغلاها داخلي شكثره |
ياعمري الدنيا ماتسوى تنام وخاطرك زعلان
ولابه شي يستاهل يخلي قلبك يعاني طلبتك كان لي خاطر تبعد عنك الأحزان فديت أعيونك الحلوه تبسم لو على شاني حبيبي صار لي مدة أشوفك تايه وحيران وانا والله لا شفتك حزين تزود أحزاني أنا احبك ولا ودي تعيش بدنيتك ندمان ترى ألأيام محسوبة وتالي هالعمر فاني تصدق بسمتك والله تفرح خاطري الولهان يطير من الفرح قلبي واصير بعالم ثاني والى من شفتك بضيقة أحس اني انا الغلطان أعاتب نفسي بنفسي ولو ما كنت أنا الجاني غلاك بداخل أعروقي ولا يوصل غلاك انسان يمر الوقت ويثبت لك غلاك ان الله أحياني أضحي بعمري لعيونك...تنام انته وانا سهران وانادي جروحك لقلبي تجي واحد ورى الثاني . |
ألا ليت الزمن يرجع ورى
وإلا الليالي تدور ... ويرجع وقتنا الأول وننعم في بساطتنا زمان أول أحس انه زمان فيه صدق شعور .. نحب ونخلص النيه وتجمعتا محبتنا زمن مافيه لاغيبه ولاحتى كلام زور .. ياليته بس لو يرجع ونسترجع طفولتنا صغار وقلوبنا بيضا تعيش بعالمٍ محصور .. ولا نعرف أبد أغراب ماغير عيال حارتنا صحيح صغار بالتفكير لكن ماعلينا قصور .. نخطط نكسر اللعبه وتسعدنا شقاوتنا نروح المدرسه بدري ونضحك داخل الطابور .. نحاول نزعج العالم بروحتنا وجيتنا وعشان نأخر الحصه نخبي علبة الطبشور .. نشاغب بس في الآخر تميزنا براءتنا نحب الضحك والبهجه نحب ننط فوق السور .. نفرفش ليه ما نفرفش ؟ مادام الضحك عادتنا ولكن دارت الأيام وبان الخافي والمستور .. وصار الهم متعلق على قمة سعادتنا كبرنا وصارت الدنيا تصف أحزاننا بالدور !! وتهدينا الألم والهم غصب عن عين رغبتنا تعبنا من بلاوينا أحد ضايق وأحد مقهور !! وكلآ غارق بهمه و بالآخر تشتتنا وأنا ماأقول غير إنه ألا ليت الزمان يدور .. ويرجع للورى فترة نعدل وضع عيشتنا |
الكبر لله ودوم ابن آدم صغير
مهما تعلى مكانه يرجع لأصله من طين ربي خلقنا كيف نتغير دام الخطايا تزود طيننا بله انسان مخلوق دايم طبعه يحير تتبع خطاويه تلقى شغلته شغله احيان تلقى ضميره صاحي وخير واحيان من قسوته مايعترف ب أهله ياأبن آدم احذر زمانك دامك مخير لو ترجع احسن مدامك ب أول الزله سهله تخون الغرايز قلبك النير لكن عقلك يوافق ما هي بسهله |
لعيونك اللي علمت قلبي الطيش
والبسمه اللي نورت لي مكاني ورموشك اللي كنها للعدو جيش اني لأخلي الليل له شكل ثاني دامك وصلتي والحكي صار بشويش وشلون انا ماأقول شعر وأغاني طفل المشاعر بيننا عله يعيش يلقى له ام ٍ تحرسه واب حاني وشللي دخل بالنوم ووسادة الريش ما دام حضنك ضمني واحتواني طيفك يشاركني على لقمة العيش ان ما لقيته ف المحاني لقاني والعاذل اللي قال لي قلت له ايش رح رح ترى مالك لوى ياأناني تبغاني انساها وانا احبها ليش من جدك انساها وأضيع زماني |
| الساعة الآن 06:50 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.