|
أوعدك
إن كان بعدي يسعدك الليله أرحل من الليله باختار الطريق من الليله الليل الرفيق و أوعدك ما أعاتب أو ألوم .. إلا نفسي و ما دام في قلبٍ معك أوعدك حبيبتي يا ليت ما قولك يا ليت و ما قد تمنيت و شكيت حبيبتي ويلي لا من غدى جسري أنا لنسيانك انتي ذكريات حبيبتي ما أصعبه نسيان ذاتي و إلا أقوم .. أوعدك سريت عن الليل اللي ف عيونك عن بلادك سريت و أوعدك إني أقول إني نسيت بس أوعديني لا زارني طيفك و أنا وحدي إني ما أبكي و أنك في قلبي تموتي و أنك على عيوني تفوتي و ما أعرفك و أوعدك إني من الليلة أموت من يوم أقوم .. أوعدك أوعدك |
صديق الطفولة وش جرى لك مع الأيام
هي أنصفت دنياك والا أنت بك مثلي فقدنا ملامحنا مثل ساير الأنام عبث بنا جور الزمن والزمن يبلي وقفنا جميع وبيننا حاجز الأعوام صعيب ٍ وصولي لك.. ويا صعب لك وصلي وأنا اشوف في وجهك طريق غشاه عتام وذاك النخل واشوف دارك ودار أهلي وسدره.. هي أكرم من أهل بيتها اللوام وفي وجهك أصحابي.. عصى مدرسي.. وفصلي وعود ٍ كبير ودايم ٍ فالظلال ينام في ذكرياتي له بعد ملمح وجلي وسور كتبنا فيه ذكرى عبث وأوهام ولي في عيونك صورة زانها جهلي بثوب تبلّل بالمطر والتراب وشام وأنا حب أسير الْعَب وهي حافيه رجلي أنا وانت طفل وطفل دايم رضى وخصام بكانا سهل والضحكة أمرٍ بعد سهلي دعاني بوجهك ناده ٍ ينده الأحلام معه رمح مدري هو علي غاضب.. أو لجلي أنا كيف أباصل والأمل خلف مو قدام كثير الأسى والسِّهد يا من فعل فعلي |
انتي بكف وباقي الخلق في كف
متعليه في وسط قلبي ولك شان في غير وصلك مالقلبي ترى شف محتاج لك يانور عيني وشفقان لا جابوا اسمك صرت انا تقل مختف مالي على نفسي الى اطروك سلطان من غير حبك غضت عيوني الطرف ياللي جمالك صار للزين عنوان اريد انا قربك ترى ياغذا الحرف وان ماحصل موتي ودنياي سيان |
يا زمان الذل
.. زل.. ما بقى في الناس شيمه وما بقى للعدل خِل ومن كثر ما حنا صغرنا صرنا حتى بدون ظِل صرنا ما نملا المحِل صرنا أمه تحتقرنا كل أرذال الأمم لاتصدق ياعزيزي بالعروبه والقيم يا زمان الشيخ بوش يكفي هزأت المبادىء يكفي أحرجت العروش الكرامه يا طويل العمر ما تكفي النعوش يا زمان البيت الابيض إنت مالك أمر يرفض تبغى هذا الدين أطول تبغى هذا الشرع أعرض إنت إكتب وإحنا نحفظ مو غريب لو نَحَسْب الخبث طيب ومو غريب نصرخ ولا من مجيب ومو غريب لو يكثر أعداد الأرامل فبلاد ما ترضى الهوان وحكومة ما تعرف تجامل ومو غريب لو تعتبر حتى عصا الكهل العجوز أسلحة دمار شامل يا زمن نهب المتاحف جانا جيش الحقد زاحف جتنا لعلوج الزواحف فتشوا حتى العقول وأسلحتنا في المصاحف يا زمن أمريكا شكراً أنتزعت الأقنعه إنت ازلت الأقنعه وانكشف وجه النوايا واتجاه الاشرعه ما نصدقهم خلاص وما بقى من نسمعه كل ذولا إمعه بس خلك مستريح الصحيح يوم هب الحقد من واشنطن ولندن كذب باسم المسيح الكل فضل ينحني وبغداد اختارت تطيح يا زمان الازمنه خليك شاهد إحنا مو ناقصنا واحد هو صلاح الدين احنا ألف مليون واحد هم صلاح الدين حنا بس بعيب واحد هو.. فساد الدين يا زمان الذِل حِل قلت لك مالك حِل |
اللي أشوفه يا عرب بالتلفزون
غير الذي حاصل من أعوام وسنين أشوف شيٍ مثل ما انتم تشوفون وش حاصلٍ بالقدس وباقي فلسطين ذيك الديار اللي بها المجد مكنون مسرى نبي الله ومهد النبيّين أشوف فيها العدل ماهوب مصيون وأشوف فيها ذل ناسٍ عزيزين وأشوف فيها الظلم والذل والهون ولا تقبل الذلّة نفوس الكريمين ناسٍ بلا مسكن وناسٍ يموتون وناسٍ على وضح النقا مستذلَين اللي بقا منهم بهالأرض يفنون وأكثرهم اللي عن وطنهم بعيدين تبغى السلام اللي على الحفظ والصون والسلم ماهو في يدين المجرْمين اللي طغو فالأرض والناس يدرون ما مثلهم بالكون كود الشياطين أنجاس للإسلام دايم يكيدون يا الله تحبط كيدهم هالملاعين ذولا خنازيرٍ على الأرض يمشون حرام إن ذولا امخلوقين من طين لو وقفو هالغرب في صف شارون حنا بصف اللي يهز الميادين ربٍ كريمٍ عز موسى وهارون وأنجى نبيّه من كيود المشرْكين يا الله يا اللي لك عبادك يصلون يا الباقي وكل المخاليق فانين تنصر عبادٍ لك على قوم صهيون وتجلب لهم يومٍ مثل يوم حطّين |
غيبتك أثّرت في حال راعيهن
" قطعة أيام عيّا لايتحملّهن بس يمكن ثلاث أيام غبتيهن " لعنبو..هالثلاث أيام..ماأطولهن طالعي في فعايلهن وشوفيهن " تحت عيني تبيّن لك فعايلهن ماارحمنّي بعد ماطحت في يديهن " بهدلّني جعل ربي يبهدلهن ماهقيت أني اسلم من بلاويهن " " كان سيئ معي جداً تعاملهن وتهت حتى القصايد قمت اعنّيهن " يكملن..وانسى واعوّد واكملّهن والمعاني غريبة قمت أنقّيهن " عقب ماكنت من قبل آتحايلهن |
مقابر الشهره ثلاثة مقابر+.._..+ بعض الغرور ومده الناس رقمك والثالثة أن أعتليت المنابر +.._..+ معي ترى يمكن أقفي بنجمك لذلك أحسبها وجاهد وثابر +.._..+ ولاتقتنع لاقسموها بقسمك وأن ماوسمت اسمك على كل صابر +.._..+ لاتزعل أن حطوا على الورك أسمك واليا نشفت دونك كبود المحابر +.._..+ أنحت على ضلع النهايات اسمك لاتشتكى ويقال مسكين صابر+.._..+ أكتم قهرك وشرط كلً يحشمك ماهوب صحيح أن الرجولة مخابر+.._..+ ان مانفع مخبرك ينفعك جسمك إدحم مادام الوقت مظلم وغابر+.._..+ لاينقتل عزم الطموحات قدمك ولاصرت دايم فالمجالس تكابر+.._..+ بينك وبينك لازم تعرف حجمك وأذا أنت تدري أنك أنسان عابر+.._..+ اقلها أرفع عند الإجناب خشمك |
عندما تسمع الأجراس الحزينة
تخبر العالم بأني هجرت العالم القذر لأسكن مع ديدآن أكثر قذارة تذكر اليد التي كتبتها ... |
وجمع الدراهم ماهي باكبر طموح الغلام
اللي جمع من قلوب الناس شي كثير من حبني رغم تفويتي له الانخدام واللي كرهني فهذا شخص ملعون صير دام المعارك صغيره ماعلينا لزام ينوب عن سيفي البتار اصغرجفير قرات فيماقراته من بلوغ المرام اللي ترك شي لله عاضه الله بخير |
الله يعزك ياقضية فلسطين
من اربعينك الين سبعه وستين ومن اولك والين بكره وبعدين لولاك كان تضيع نشرات الاخبار حنا عرب نعم عرب يا أوربا ماعندنا الا جبن والا مربّى الشخص مننا لاتبين تغبّا وهذي سياسه للهُدوْ قبل الاعصار سيوفنا وقت الملاقا شطيره يعني على ماقيل مثل الشطيره وهذا دليلن مع نقاء السريره والله يجيب الخير ويطيح الامطار سلام يابوش الابن يالمبّدى ياللي على كل المبادي تعدّا طيب .. لو نعم ربعي تردّى وقدامنا جله وقدامنا نار ياكندليزه رايس اهلان وسهليني ام الجمال اللي يهز السلاطين غنجك ذبح له فوق خمسة ملايين هذي ضحايا والضحايا بك كثار فخامت الرئيس حسني مبارك يحفظ جزء عمى وينسى تبارك وأكبر دليل انه يقود المعارك مو اقفه لاجات حزات الاخطار القاهرة بلد حظاري وبطران فيها البنات انواع واشكال والوان من هارديز الين ميدان لبنان وأحسن بنات اللي يجن طرق وصغار ورموشهن شبرين وعيونهن سود وأنعم من الديباج وأرهف من العود لباس من حلوى وحجّان وخدود كسلات في الممشى وفي الغنج شطار أنا هنا يمكن قبل أربع اعوام رحت اتمشى عند هامات الاهرام وركبت مع تكسي وقدام قدام حتى تعدينا بقاله ودوار وجينا وأثر فيها خيولن عريبات أجدادها قد شاركت في الغزوات اجارها يمكن باربع جنيهات وزَوّد صفر ولاتدقق بالاسعار أخذت لي خيلن وكرباج وأقفيت يعني على قولت عنيت وتمشيت وياليتني مع المقادير ماجيت ولا رأيت اللي يهستر بالانظار فيها البنات يسابقن الرياجيل اللي عليهم ضيّقات البناطيل فوق الخيول يجاذبن المواويل مهار لكن فوق قبّات الامهار غازلت لي وحده ولاعبرتني حلوه وفيها من ملامح برتني وأقفيت اشيل الهم من فوق متني عقب ماقالت لي حيوان وحمار وأنا مانيب انسان واطي وسافل أنا من اللي يحكمون القوافل أحيان مكفولن وأحيان كافل واكره ماشوف الظلم .. والذل .. والعار أبترك الموضوع وأدخل بموضوع دام ان صوتي عند الاجواد مسموع نبينا محمد ولاهوب ياسوع المصطفى الهادي شفيعن للابرار لو انتحر صدام من قبل ينهان وخلاّ المشاكل كلها فوق برزان مكان مصخر به قدم كل الاعيان عزيز قومن ذل بيدين الاقدار سبيس تون ان كان في الناس حيره أفضل بواجد من قناة الجزيره تضحّك الورعان وقت الظهيره وهذي تبكينا اليا جات الاخبار ختامها مدري وش اقول لكن ماحب انا أسمع اغنية الاماكن من ثقل همن بين الاضلاع ساكن الله يحرول ساق رجلي عن البار |
| الساعة الآن 08:18 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.