|
يله غلاتي تكفين كملي مستنينك ...
|
تسلميييييييين على الجزء الرهيييييييييييب،،،
وننتظر الأجزاء بس لاتتأخرين،،، الله لا يهينس،،، |
رووووووووعه
احلى شي الرادارات خطيرين هههههههههه ننتظرك بالتكمله |
ههههههههه انا صراحه بس ودي اشوف الوليد و جواد من قصه املي في الحياة و طلال بعد لا يزعل
و على فكرة تراك مرررررررة طولتي علينا منتظرينك.. |
السلاااام عليكم
هلا والله وغلا بأختي الحب شاااااكرة لك اختي ها الباارت الروووعة والله يعطيك العاافية وعسانا ما ننحرم منك ولا من جديدك في انتزااارك دمتي بود يا الغــلا |
وين الجزء تأخرتييييييييييييييييي ،،،
<<< طراره وتتشرط ،،، خخخخخخخخخخخخخخخخخخخخـ |
مشكورييييين
بنووتاااااااات على المرور تحلمووو انكم اتشوفونهم>>> مافي امل..... غير في الحلم |
هههههههههههههههههه
تبغون تشوفونهم؟؟ والله إنكم تضحكون<<<<<<<<<<<<<<<<<إلي يسمعني يقول ما تبي تشوفهم علمينفسك اول لكن علىالأقل أنا يأسه ويا loveنزلي البارت |
يلللللللللللللللللللللللله نزلي البااااااااااااارت ترى انفقعت من الحماااس ابي اعرف وش صاااااااااار
|
الجزء ال 8 ابراهيم: آسف ماأشهد شهادة زور.. فيـصل: اوووه طيب شهلا مو صح أنا كل عمري كريم؟؟؟ شهلا: شهادتي فيك مجروحة.. ديمـــه: على كذه بتروح علينا العزيمه الا جوعانين يا فيــصل رح جب لنا شيء يوكل فيــصل قام بيروح وقام معه الوليــد وقال : بروح معك.. وراحوا جابوا لهم أكل من أقرب مطعم وتعشوا .. البنات كملوا سواليفهم وتريقتهم على ريــم و شهلا والعيال: فيــصل يطقطق عالنت.. ولقاله على الماسنجر عبود ولد عمه (أخو ماجد) وكان عبود خفيف ظل وظريف وذكي عكس الغثيث ماجد ابراهيم: في سابع نومه الوليــد: كان يفكر بغزاله... ********* الساعه 12 الظهر دق التليفون ********* ....... : السلام عليكم أم فيــصل: وعليكم السلام هلا أم سلطان شخبارك أم سلطان بخير شخبار البنات عندكم عساهم مريحينكم؟ أم فيــصل: ماشفت منهم الا كل خير الله يعافيهم أمس طلعوا يتمشون مع العيال وتكلمت أم فيــصل مع أم سلطان شوي أم سلطان: أم فيصل ترا خالتي ذبحتني صار لها يومين تقول برجع لولدي عبدالله ( خالة أم فيصل وأم سلطان هي أم رجالهم وكانت عايشه عند أبو ابراهيم بس طلبها ابو سلطان تجي تقعد عنده فترة وقعدت عنده شهور والحين هي تبي ترجع لبيت أبو ابراهيم ) أم فيــصل: الله يحيها تجي وقت ماتبي بيت ولدها هو بيتها أم سلطان: بيجيبها اليوم العصر ماجد وبياخذ خواته أم فيــصل: خير ان شاءالله .. وقفلت الخط من أم سلطان الا ويدخل ابو ابراهيم وتقوله زوجته إن أمه بتجي اليوم ويرحب بجيتها ولدها .. ابو ابراهيم: وين العيال؟؟ أم فيــصل: أرسل الحين الخدامه تصحيهم راحت الخدامه جيني تصحي البنات وقالت لهم إن الأم تقولهم يقومون إخوانهم ويجون الغداء جيني: ديمـــه هيا قوم ماما قول قوم ديمـــه: طييييييييييب بره يالله وطلعت الخدامه وراحت ديمـــه قومت اخوانها والوليد وقومت بنات عمها وخلال نصف ساعه الكل على الطاوله الا الوليــد دايما متأخر بس هالمرة لحق عليهم بأولها وجاء جلس على كرسيه ورفع راسه لأنه متعود يشوف وجه ريــم قدامه بس يوم رفع راسه لقى ديمـــه قال: بسم الله الرحمن الرحيم .. ديمـــه: وش فيه وجهي كنك فزعت يوم شفته الوليــد: هااه لا أنا قصدي بسم الله ببدأ آكل فيها شيء بعد؟؟ ديمـــه: لا مافيها شيء بس كنك فزعت يوم شفتني الوليــد(بصوت واطي لـ فيــصل) الناس تصبح بوجيه غزلان الا أنا وحظي الردي يوم بغيت أصبح بوجه الريم صارت هالوحش بوجهي؟؟ بس كان ترتيب الطاوله مختلف شوي وكانت ريــم بمكان فيصل اللي يجلس فيه عادة ريــم: تقول شيء الوليــد الوليــد تلخبط لا لا سلامتك بس وين فيصل ليش كذه الطاوله متلخبطه فيــصل: نحن هنا الوليــد:أهاااااااا الوليــد مفتشل من روحه وبنفس الوقت مو مصدق انه جنب ريــم أم فيــصل: نهلا وشهلا اليوم أمكم كلمتني وقالت بيجي ماجد ياخذكم العصر الوليــد يقول بنفسه وش جابه هالغثيث عسى مو بيجلس بعد أم فيــصل: بيجيب معه الجده تقعد عندنا من قالت الجده الا وتغير وجه فيصل و الوليــد و ديمـــه و لينـا : ديمـــه: لييييييييييييييييييييش تجي؟؟؟ أم فيــصل: عيب هالكلام يا ديمه هذي جدتك ديمـــه: طيب وقامت تحظرم بينها وبين نفسها ريــم مو مستوعبه ليش الناس كذه متضايقين وش فيها جية الجده يعني (( ريم كانت ماتعرف جدتها كويس وماكانت تشوفها الا قليل وبالمناسبات الكبيرة)) خلصوا غداء وتفرقوا وراحوا البنات لغرفة ريــم... ريــم: ليش تغيرت وجيهكم يوم قالت أمي بتجي الجده ؟؟؟ لينـا: لأنك ماجربتيها ماعمري شفت عجوز فضوليه بالدرجه هذي ديمـــه: وكلماتها اذا قالت لها لازم أبوي يمشيها حتى لو قالت نم بالصاله ابوي مايقدر يرد لها طلب لأنها بتزعل عليه وماترضى الين يسوي اللي تبيه ريــم: ياحرااااااااااااااااام شكلها طيوبه نهلا: هي طيوبه بس كلمتها لازم تتنفذ الله يكون بعونكم .. صار العصر وجاء ماجد عشان يحط جدته ويأخذ خواته.. كالمت أم فيــصل بناتها عشان يسلمون على الجده .. نزلو ريــم والبنات وراحوا عند الباب ينتظرون جدتهم كانوا العيال توهم جايين من صلاة العصر سلموا على ماجد اللي كان موقف سيارته في حديقة البيت... وفتح ماجد باب السيارة ينتظر الجده تنزل.. الوليــد قرب لها بسرررعه وحب راسها وايدها ومسك ايدها وساعدها بالنزله الجده بعد مانزلت التفتت على ماجد وحطت عصاها على رقبة ماجد وقالت: شفت العيال شلون يمسكوني ويساعدوني بالنزله مو إنت تفتح الباب وتتركني لو أطيح كان صفقت لي؟؟ ابراهيم و فيــصل و ابو ابراهيم سلموا عليها وضحكوا على ماجد ماجد: ابراهيم قول للبنات يطلعون بوديهم البيت ابراهيم: إدخل شوي ليش مستعجل؟؟ ماجد: لا مرة ثانيه عندي موعد الحين ابراهيم: براحتك وأشر للبنات يجون البنات اتجهوا للسيارة وسلموا على الجدة بطريقهم .. وراحوا طول الوقت وكان الوليــد يساعد جدته لين ماوصلها حد الكنب وجلسها عليه وأخذ عباتها ومدها لـ ديمـــه .. وكان جالس الوليد على يسار جدته وحاط ايده على كتفها الأيمن.. ريم جت تسلم على جدتها وحطت ايدها على كتف الجده وماحست الا بإيد الوليــد تحت ايدها على طول احمر وجهها وشالت ايدها و الوليــد شال ايده بعد هو.. لكن مو مصدق انه لمس ايدها..كان يفكر ويقول ايدها ناااااااااااااااااعمه ياربي هي تستعمل Dove ولا Nevia الوليــد ماكان له بالكريمات بس كان يشوفها بالدعايات ويصدقها ؟؟ مسكين على نياته وش يدريه؟؟ راح ثلاث اسابيع وجاء وقت حفلة التخرج اللي مسوينها أبو ابراهيم وأبو سلطان كانوا البنات متفقين مع مشغل بيروحون يتمكيجون عنده وبطريقهم بيمرون على نهلا وشهلا ياخذونهم للمشغل .... اتفقوا العيال وقسموا الأشغال بينهم : فيــصل: يودي خواته وبنات عمه للمشغل الظهر وبيأكد الحجز عند محل الحلويات.. ومسؤول عن عشاء الرجال ابراهيم: كان بيقعد بالقصر من العصر يشوف الرجال اللي بيجوبون الطاولات واللي بيجوبون المفارش واللي بيركبون السماعات للفنانه اللي بيجبوها ومسؤول عن عشاء الحريم الوليــد: كان عليه يودي الحريم الكبار ( أم فيــصل + أم سلطان + الجده ) للفندق بعد صلاة المغرب وبيجيب خواته وبنات عمه من المشغل للبيت ومن البيت للفندق.. ماجد: كان بيجيب الفنانه اللي بتجي من المطار للفندق وعليه ينتظرها بالمطار لحد ماتاصل طيارتها وعليه يجيب التورته من محل الحلويات والشيبان(أبو سلطان + أبو ابراهيم ) بيقعدون بالقصر يشربون شاهي ويسولفون؟؟ بالأول الوليــد ما كان مقتنع يحظرم ويقول ليش أنا دايما أبتلي بالحريم وبغثاهن..؟؟ بس بالأخير أجبر لأنه مافي أحد غيره يقوم بالمهمه.. ودى فيصل البنات للمشغل ورجع لمحل الحلويات يأكد الحجز...وراح ينام شوي ابراهيم: كان يجهز عمره ويحلق وأعطى الشغاله تكوي ملابسه وتعلقهن بالدولاب الوليــد: مازال يحظرم ويتوعد البنات والحريم ماجد: ماشافوه كل النهار مايدرى وينه بعد أذان العصر راح ابراهيم وأخذ الشيبان معه للفندق وصار يشرف على الموضوع من إلى وهو في صالة الحريم حطوا المفارش على الطاولات ووزعوا صياني الحلا على كل طاوله وكانوا حاطين على كل طاوله مزهريه فيها ورود وكل الشغل ذوق × ذوق وحاطين مع الورد عبارات حلوة .. والبخور مانساه ابراهيم ووزع المباخر وتأكد من الأنوار وبعد ماجت السماعات بيركبونها في المنصه ركبوا كل شيء تمام بقى يشبكون السلك في فيش جنب المنصة.. ومسك السلك ابراهيم وانحنى يشبكه في الفيش وشبكه لكن بعد ما انحنى طاحت بطاقة الأحوال حقته من جيبه وهو ماإنتبه لها... وبعد ماخلص كلش راح للبيت قبل أذان المغرب بنصف ساعه وبسرررعه تسبح ولبس لبسه وقوم فيصل على أساس يروحون مع بعض ولبس فيــصل وراح مع ابراهيم للفندق وصاروا يتساعدون على الأغراض والتجهيز لعشاء الحريم والرجال.. بعد أذان المغرب كلم الوليــد ديمـــه .. الوليــد: هاااد ديمه خلصتوا.. ديمـــه: لا بقى لنا شوي إنت ود أهلي للفندق وتعال وبنكون إحنا خلصنا الوليــد: o.k يالله بااااي راح الوليــد لأهله وأخذ الحريم الكبار للفندق.. ووصلهن الفندق ونزل يساعد جدته لحد باب الفندق.. وإستأذن منهم وراح يجيب البنات.. وصل المشغل دق على ديمـــه : الوليــد : وينكم أنا عند الباب ديمـــه : أوه الوليــد مو وقتك؟؟ الوليــد: مو وقتي أجل متى وقتي فيكم شيء؟؟ ديمـــه: ياولد الحلال ريــم بدت تفتح مناحتها وخرب مكياجها وبنعدله لها يبيله وقت الوليــد وهو يرقع قلبه ووده يدخل الحين بس عشان يمسح دمعة غزاله قال: طيب تعالوا الحين انتم أوديكم وأرجع لها تكون خلصت ديمـــه: لا ما أتركها لحالها وهي بالحاله هذي ريــم ردت على ديمـــه لكن سمع صوتها الوليــد : لا خلاص أنا هديت روحي لاأعطلكم ويزعل عليكم الوليــد ويرجع لي ياخذني ديمـــه: O.Kأمري لله البنت خايفه على زعلك الوليــد: فديتهااااا خايفه على زعلي ديمـــه: بس فكنا يالله عاد الحين بنطلع الوليــد: أنتظركم باااي وطلعوا البنات ووداهم الوليــد للبيت ودخل معهم وراح يتسبح ويلبس ثيابه .. نهلا وشهلا كانوا جايبين ملا بسهم مع السواق من قبل لبيت عمهم .. طلع الوليــد من دورة المياه وسمع صوت الجوال يدق استغرب شاف الرقم ماعرفه بس رد. الوليــد: الو ........: هلا الوليــد خلاص تعال خذني الوليــد: وين آخذك من انتي بالأول؟؟ |
لول النهايه تضحك اتوقع ريم إلي متصله
مشكوره ياي خطير البارت وننتظر البارت الجاي على احر من الجمر |
ههههههههههههههههههههههههههههه
حراااام عليك الحب لا كان كملتيها وخليتينا نشوف انوااع الإحرج يالله في انتظارك يا الغـلا سلاااام |
هههههههههههه حلوه منو انتي بالاول
انوااااااااااااااااااااع الاحرااااااااااااااااج اتخيل وجه ريم احمر طماطم ننتظرك |
مشكوووووورة على البارت الروعه
و اتمنى يكون البارت الجاي اطول وانا بعد اتوقع انوو ريم هي الي داقه |
مشكورييييين
بنوتاااااات على المرور رااااح انزل جزئييييين |
الجزء ال 10 أنا ريــم الوليــد: أها سوري بس ماعرفتك صوتك متغير زين خلاص بجيك الحين.. ريــم: أنتظرك يالله باااي وغير ملابسه بسررعه ولبس أي لبس مالبس لبس الحفله لأنه ماكان فيه وقت وماوده يتأخر على ريــم... وهو متجه لها قال ليش ما أشري لها ورده هلو على قولة جيني ودخل محل الورد و إختار باقةورد لونه وردي قريب من لون فستانها اللي مازال مطبوع بذاكرته وكتب على الكارد ألف مبروك النجاح وعقبال الدكتوراه ووقع بإسمه راح أخذها من المشغل وكان حاط الورد على الكرسي الأمامي وهي ركبت بالخلف وبعد ماركبت قال لها : الله يهداك بس ليش تبكين..؟؟ ريــم: تمنيت أمي معي بالحظات هذي.. الوليــد: بس كذه تنفختي وخرب مكياجك!! ريــم: استحت وقالت صدق؟؟ الوليــد: لا أمزح أنتي شحلاتك بدون مكياج وش عاد بعد المكياج ريــم: ...................................... ( ميته من الحيا) الوليــد تذكر روحه وسكت وقال وش سويت أنا ؟؟؟ وقفوا عند الإشاره ومد الباقه لها وقال لها ألف مبرووك ريامي.. ريــم: مستحييييييييه مره وبصوت يالله ينسمع الله يبارك بعمرك وبعد ماوصلوا للبيت بسرررعه ريــم راحت تغير وتلبس فستان الحفل دخلت عليها نهلا وقالت بخبث: نقول مبرووووك ؟؟ ريــم: أوووه مو فاضيه لك نهلا: لا فاضيه حق الورد ريم بخجل: اييه عندك مانع نهلا: لا طبعا بروح أنا ألبس عباتي ويالله لا تأخرين علينا ريــم: زين , بعد ماطلعت نهلا أخذت ريم ورده من الورود اللي فالباقه وشمتها وحطتها بنعومه في شعرها .. ومسكت عباتها ونزلت وهي بالدرج نازله قابلها الوليــد بوجهها.. الوليــد مو عارف وش يسوي وما قدر غير يطالعها كانت أميرة الأميرات شعرها مفلول على طوله ومسويه تسريحه بسيطه من فوق والأهم مغروسه فيه ورده وردية وحاطه لها خصله على وجهها ومكياج وردي يجنننننن كانت بدر لا بسه طقم الألماس اللي جابه لها أبوها وصاير عليها روعه حتى الوليــد ماقدر ينزل عيونه عنها وقعد يقول بنفسه أنا في حلم ولا في علم... من هول الصدمه.. ماكان يلمح شيء غير لمعة عيونها ولمعة طقم الألماس اللي عليها.. أما ريــم إختبصت ومادرت شتسوي وقعدت تطالع لتحت وهي مرة مستحيه ومو عارفه شتسوي .. الوليــد بعد مرور دقيقتين صحى من اللي هو فيه ونزل راسه وتعداها بسرررررعه وقلبه كان يرقع وهو حاط ايده على قلبه ويقول شبلاه قلبك يا وليد صار يرقع مثل الطبول بدت الحفله بقلبك قبل لا تبدأ بحفل الحريم؟؟ وراح لغرفته وقعد يحاول يتذكر وش اللي كان يبيه بس ماقدر الا يفكر في ريــم ويتذكر شكلها تذكر كانت حاطه شئ في شعرها وش ممكن يكون وقعد يحاول يفكر وتذكر انها ورده من الباقه اللي أهداها لها فرح واستانس مره.. وماقطع تفكيره غير الجوال يدق تذكر انه كان جاي لغرفته بياخذ جواله شاف المتصل كان أم فيــصل.... رد: هلا أم فيــصل: وينكم ياولدي الساعه 9 الوليــد: خلاص جيناك حنا بالطريق أم فيــصل: تركد بس لا تسوق بسرعه الوليــد: آمري وبنفسه يقول مهبول أنا مركب معي كل ذاك الزين وأسرع ؟؟ ونزل للبنات وهو مازال بذهوله وقال: بنات يالله ديمـــه: بدري وش بعده؟؟ الوليــد: بسرعه أمي دقت علي تسأل عنكم ديمـــه: دقت علي قبل وأنا أشتكيتك عندها وقلت لها ولدك معطلنا يجيب باقة ورد.. الوليــد: من جد قلتي لها؟؟ ديمـــه: لا إرتاح بس يالله وركبوا السياره كانت ريم بالوسط ( حرمت تقعد وراه ثاني) وكان الوليــد ماشاءالله لا بس ثوب ولأول مرة تشوفه ريــم بالثوب بس كان بالثوب يجنن بعد ولابس غتره منشيه والولد طالع سكبه.. وصلوا البنات للقصر والكل مانزلت عيونه عن ريــم وكان من يشوفها ينذهل من جمالها ويصلي على النبي .. حتى الجده جابت ريــم جنبها وصارت تقرأعليها ومن جاء يسأل عنها قالت له هذي بنت ولدي وكلن يقول لي كأنها أنا تشبه لي مرررررة و ديمـــه تقول لـ لينا: ضيعت سوق البنيه من جاء يسأل عنها قالت له تشبه لي يتخرع وينحاش لينا: عيب عليك انتي ووجهك.. ودخلت الفنانه اللي هم طالبينها الكل تفاجأيوم دخلت كانت نوال الكويتيه حتى ريــم نفسها ماكانت تدري وتفاجأت بجيتها بس انبسطت مرة .. بالصراحه ريــم ماكانت مبسوطه من قلبها كانت تتمنى لو إن أمها معها.. بس مع هذا كانت تضحك مع العالم لكن مو من قلب ضحكتها وهي أصلا تعودت تجامل العالم.. وبعد ما رقصوا البنات وغنت نوال أغاني كثيره منها( تهددني , ذوق , الشوق... وكثير أغاني وطربت العالم بصوتها ) ومن ضمن الحاضرين كانت حاضره الحفل فرح ( الممرضة السعوديه اللي عطاها ابراهيم طراق يوم وفاة أمه ) وكانت من قرايب أم سلطان وحاضره الحفل وجلست قريب من المنصه وشافت كرت طايح بالأرض حست إنه مهم راحت وإخذته وناظرة الصوره وبقلبها تقول مو غريبه علي الصوره هذي لكن بعد ما قرأت الإسم تذكرته على طول أهااا ابراهيم وراحت تدور على أم سلطان بتعطيها الكرت بس مالقتها وين بتلقاها بين هالجموع وكانت بتطلع لأنها ماتقدر تطول أكثر فراحت أعطت الكرت لمديرة الفندق وقالت لها القصة وطلبت مديرة الفندق اسمها لأنها توقعت إن قصتها نسج خيال استغربت فرح طلبها بس أعطتها اسمها... وبنهاية الحفل أعطت المديره أم سلطان الكرت وقالت لها السالفه وخبرتها بإسم البنت استغربت أم سلطان السالفه لكن أخذت الكرت منها.. طلبت ريــم من خالتها أم سلطان تخلي البنات ينامون عندهم الليله ووافقتها أم سلطان الطلب وبعد ما إنتهى الحفل دق ابراهيم على أم فيــصل وقال لها انه مضيع كرت الأحوال وأنه دوره بكل مكان مالقاه وقال يمكن انه بقسم الحريم قالت له أم فيــصل انها بتدوره وبتسأل عنه بس قبل لا تبدأ أم فيــصل تدوره جت لها أم سلطان وقالت لها سالفته ومن اللي جابه..أم فيــصل مااستغربت السالفه أبدا وقالت لـ أم سلطان تستغفر ربها لأنها واثقه من تربية الولد وأنه يخاف ربه ... ام سلطان: صادقه يا أم فيــصل لعب فيني الشيطان حسبي الله عليه... وانتهى الحفل ورجعوا بيت أبو سلطان مع ماجد وأصلا ماكان فيه غير أم سلطان وأبو سلطان.. وانطلقت ثلاث سيارات لبيت أبو ابراهيم وكانوا الشيبان ( أم فيــصل +ابو ابراهيم+الجده) بسيارة الوليــد وشهلا + لينـا بسيارة فيــصل.. و ريــم +نهلا + ديمـــه في سيارة ابراهيم الوليــد يقول بنفسه لا حوووووووول وش هالسالفه الحين هم يتمون مع هالبنات وانا حاطيني مع هالشيبان؟؟ وبعد ماوصلوا البيت كانت سيارة ابراهيم أول السيارات الواصله وبعدها على طول وصل فيــصل وفتحوا الجراج ودخلوا السيارات نزلوا البنات من السيارة ودخلوا داخل البيت... وفي الحديقه حركوا سياراتهم ابراهيم و فيــصل عن واجهة البيت عشان لاجت سيارة الشيبان. ابراهيم نزل من السيارة ويكلم فيــصل: غريبه تأخر الوليــد ؟؟ فيــصل: لا لاتخاف بس يكونون هالشيبان بهذلوه لا تسرع لا تسرع ابراهيم: عاد هو ماله خلقهم وكان يحظرم علينا يوم نوزع الركاب الا ودخلت سيارة الوليــد وصار يكبس بالأنوار من شاف ابراهيم و فيــصل ابراهيم: مو قادر حتى يصبر الين ماياصل ويهوشنا من الحين بدأ ********************* الجزء ال 11 وقفت السيارة ونزل الوليــد يركض يفتح لجدته الباب ويمسك ايدها وعلى طريقه فتح الباب لأمه وأبوه.. فيــصل: ياخي شكله ينفع سواق شيبان خمس نجوم ابراهيم: خخخخخخ دخلوا البيت والكل راح غرفته يرتاح عدا الوليــد اللي كان مو قادر يمنع تفكيره عن غزاله وتم يفكر فيها وفشكلها كل الليل.. ومانسى يطلع رقمها مع المكالمات المستلمه ويخزنه وقفلت عيونه غصب عنه بس تم يفكر فيها فأحلامه.... وفي ظهر اليوم الثاني اجتمعوا كلهم على طاولة الأكل وبدأوا ياكلون وكالعاده يجي الوليــد متأخر ويجلس عالكرسي.. ويطالع في وجه اللي قدامه ويلقاها ريــم ويبتسم في وجهها ويطل في وجه اللي جنبه بس يلقاها ديمـــه قال لها: وحشتيني قلت أطل بوجهك بس لا تصدقين ( أخذ درس قاسي بعد المرة اللي فاتت وصار يطل بوجيه اللي حوله كل مايقعد على طاولة الأكل) ابو ابراهيم: أقول ابراهيم ياليتك تروح للمزرعه وتشوفها المزارع داق علي يقول انه محتاج أغراض.. ابراهيم: ان شاءالله اليوم بروح تخاويني يا فيصل وانت يالـ الوليــد الوليــد: لا اعذرني أنا اليوم مشغول.. فيــصل: و أنا بروح النادي اليوم ما أقدر أجي .. ابراهيم: براحتكم ديمـــه: يبه خلنا نروح نقعد لنا اسبوع حنا وبيت عمي علي ابو ابراهيم: ايييييه صح فكرة حلوة وش رايكم لينـا + نهلا +شهلا : ياليت والله ونااااااااااااسه ابو ابراهيم: وانتي يا ريــم ماقلتي رايك ؟؟؟ ريــم: هااه أنا أصلا أنا ما أتذكر المزرعه زين وودي أعيد ذكرياتي فيها آخر مرة رحت لها يوم عمري 15 سنه.. الوليــد: اوووووه تغيرت كثير أجل ما راح تعرفينها لا رحتي لها. الجده: احم احم كنه مالي راي بالموضوع؟؟ ابو ابراهيم: لا يا أم عبدالله انتي الخير والبركه ديمـــه بصوت منخفض: أصلا أبوي وعمي مايخطون خطوة قبل تباركينها حضرتك لينـا: عيييييييييييييييييب عليييك ابراهيم: الا يا خاله أم فيصل وش صار على كرتي لقيتوه ؟؟ أم فيــصل: ايه زين اللي ذكرتني جابته وحده من الحاظرات لي بعد نهاية الحفل؟؟ بس من تتوقع تكون هالبنت..؟؟ الوليــد: أكيد معجبه من بتكون يعني؟؟ الولد كاشخ وحاط صورته ببطاقة الأحوال.. ابراهيم: امممممممممممم مين هي؟؟مافي ببالي أحد؟؟ أم فيــصل: البنيه اللي صفقتها كف يوم وفاة أمك الله يرحمها ابراهيم تحول وجهه لأحمر وتذكر الموقف وافتشل من روحه فيصل + الوليــد : خييييييييييير من كفخ هالمتسرع أم فيــصل: صفق ممرضه بس عطاها صفقه ماتحلم فيها بحياتها؟؟ الوليــد: افاااااا يا مسود الوجه وهذا وحنا شادين فيك الظهر ابراهيم: ياخي نرفزتني مدري شسويبها ذيك اللحظه غير إني عطيتها كف فيــصل: ينخاف منك لا عصبت تصير كأنك كبريت بس شجابها للحفل؟؟ لا يكون عزمتها يابرهوم من ورانا تسويها دامنك صافقها كف مو بعيده عنك تعزم؟؟ أم فيــصل: لااا تصير من قرايب أم سلطان وجت عن طريقها نهلا: اهاا بالحاله هذي أنا لازم أفزع لقريبتي وش على بالك ياإبراهيم ان ماوراها أحد ضحكوا كلهم عدا ابراهيم اللي كان مفتشل من حاله على الموقف اللي صار وبعد ماخلصوا غداء تفرقوا وراح كل واحد غرفته وفي غرفة البنات.. لينـا و ديمـــه ونهلا وشهلا ماخلوا ريــم الا ووصفوا لها كل اللي بالمزرعه من الى ريــم: يووووه أنا على خبري مسبح نطافش فيه ومبنى صغنون..!! -------------------------------------------------------------------------------- ديمـــه: وينك انتي الحين فيه مسبح تضيعين فيه ومكشوف على الصالة ويجنن وساحه وسيييييييييعه للدبابات وفيها ثيل كبييييير والمبنى صار شحلاته كبير وواسع ويوسعنا كلنا,بعد التعديلات صارت رووووعه..ما تصدقين كييف؟؟ ريــم: شوقتوني أشوفها متى نروح لها؟؟ قرر ابو ابراهيم وابو سلطان على انهم يطلعون للمزرعه وبيوسعون صدر البنات والعيال.. وجهزوا التجهيزات وسبقهم ابراهيم + ماجد بيوم يشرفون على تنظيف البيت ويجهزون لهم المزرعه ... وفي صباح يوم الخميس.. كانوا العالم مجتمعين في بيت أبو ابراهيم على الفطور.. وبعد الفطور على طول توزعوا بالسيارات : الجده + ريــم + ديمـــه + نهلا + شهودي في سيارة الوليــد وأم فيــصل + أم سلطان + شهلا + ابو ابراهيم + لينـا في سيارة فيــصل أبو سلطان + عبود + الشغالات مع كومارو في سيارة الوليــد كانت الجده راكبه قدام و ديمـــه وراها وريم بالوسط ونهلا ورا الوليــد وشهودي لحالها بالمرتبه الثالثه طول الوقت و ريــم كانت تلاحظ تحركات الوليــد وتصرفاته مع الجده وكان يمزح معاها ويسولف ومستحملها ويضحك لها واذا بغى يلف كان يمسكها قبل لا يلف عشان ما تصبخ بالباب(الجده مافيها حيل تمسك روحها) ويمازحها أحيانا قالت ريم بنفسها معقول ورا هالوليد اللعاب انسان بالرقه هذي؟؟ تعامله مع الجده أثبت لها هالكلام .. بعد ماوصلوا المزرعه ونزلوا البنات يورون ريــم المزرعه ركن ركن وماخلوا مكان ما وروها اياه حتى بيت النمل ماسلم منهم.. كان الوليــد يدور بالمزرعه مع فيــصل ويسولفون كان الوليــد يدور بالمزرعه مع فيــصل ويسولفون.. الوليــد: شف شف جيني تقطف ورده أمداها تاصل عز الله وقضت على وردنا حتى ماامداها تتفحص المكان فيــصل: ياعمي كومارو سابقها وماقدر يصبر قطف ورده من عند الباب حتى ماصبر يدخل الوليــد + فيــصل: ههههههههه عااااااااااااااااااااااااااااااااااااااا ااااااااال م الوليــد: تجي معي بقطف ورده أعطيها ريــم فيــصل: وأنا بعطي شهوله ورده .. الوليــد: ياسرعك تغار صدق انك بزر فيــصل: ماكنك غيران من جيني وكومارو؟؟ الوليــد: امش بس امش ريــم المزرعه تغيرت عليها مرة خاصة وإنهم ضموا أرض أبو سلطان لأرض أبوها ووسعوها. ابو ابراهيم كان معطي ابراهيم من قبل الأوامر انه يذبح ذبيحه من أجود ماعنده ويطبخونها عند طباخ للغداء وسوى ابراهيم اللي قال له أبوه عليه وكان كل شيء جاهز على الساعه 12 وتغدوا وتفرقوا ينامون وقسموا الغرف بينهم البنات بغرفه والعيال بغرفه والأمهات والجده بغرفه والشيبان بغرفه... في غرفة البنات.. ريــم: بنااااااااااات تصدقون نفسي أركب دباب ديمـــه: ههههههههههههههه هذا إن طاعك فيــصل ريــم: لييييييييييييييييييييييييييييييييييش ؟؟؟ ديمـــه: لا تسأليني هو مايخلينا نلعب دباب وبس... ريــم: اووووووف هذه مهمتك يا شهلا تقنعين فيصلوه شهلا: لاااااااا حبيبتي انتي قولي له وأنا شدخلني أنا اللي بركب دباب ولا أنا اللي بركب؟؟ ريــم: أوووووووووووووووف انتي وش شغلتك هنا غير تدافعين عن فيــصل طيب أنا أتصرف معه وبتشوفون وناموا البنات عدا ديمـــه كانت تفكر في ماجد وتقول صدق الكلام اللي يقوله الوليــد إن ماجد غثيث؟؟ طيب ليش شاللي صاير بينهم عشان ياخذ منه موقف بالشكل هذا ؟؟؟ ونامت ديمـــه |
ونامت ديمه وخلص البارت وانا إنقهرت عشان خلص البارت
وبصراحه إنتي كريمه ومشكووووووووووووووره وننتظر البارت الجاي على احر من الجمر احس في أشياء كثيره بتصير في البارت الجاي وخاصه غنهم في المزرعه يعني الوضع شوي مكشوف |
السلاااام على الحلوووات
اخبااارك الحب ووش علومتس اربك بخير انشاء الله والله باااارت روووعة الله يعطيك العافية وعسانا ما ننحرم منك ياا الغلا ولا من جديدك لك أطيب أمنياتي وأرق تحياتي دمتي بود يا الغلا وفي انتظارك |
مشكوووورة غلاتي على البارتين الخطيرات و نستناك بالبارت الي بعده
سياااااا |
يسلمووووووووووووووووووووووووووووووو غناتي وفي إنتظار البارت
|
يسلموووو على البارتات الروووووووعه
موقف ديمه من ماجد عجيب وخصوصا انها تحبه شنو اللي غير؟؟ ننتظر تكشفي لنا بالبارت الجديد دمتي بود |
مشكوريييييين
بنوتات على المرور انتظرووووووو البارت القادم |
ألحين بروح أتغدى اتمنى لما أرجع ألقا البارت محطوط<<<<<<<<<<<<<<<<طراره وتتشرط
بس يا ليت تنزلين البارت |
THANXXXXXXXXXXXXXXXXXXXXXXXXXXX
ننتظر الباقي |
يسلموووووو على البارتين ،،،
وننتظر البارت الجديد ،، بسررررررررررررررررعه لا تتاخرين <<< اندمجت مع القصه وخاصه انهم في المزررررعه احس ان في احدااااااث حللللللللللوه بتصييييير عن الوليد وريم ،، يالله لا تطولييييييييييييييييييييييييييييييييييين علييييييييييييييييييييييينا الله لا يهييييييييييييييييينس ،، |
الجزء ال 12 . . . . . في العصر الساعه 5 صحوا من النوم ولبسوا حجاباتهم ونزلوا تحت لقوا الجده صايجه ريــم: شفيك يايمه؟؟ الجده: هالشغاله اللي ماتودي ولا تجيب ريــم: أي وحده فيهم؟؟ الجده: ابليس ريــم: قصدك جيني ؟؟ الجده : اييييييييييييييه جني ولا ابليس وش يفرق؟؟ كلهم أعوذ بالله من إبليس ريــم: وش المشكله و أنا أشوف وش بسوي معها الجده: ماتعرف تحصد نعناع ريــم: اهاااااااا بس هذي شغلة السواق أو المزارع الجده: لا يحووول كومارو خنت حيلي من الصبح وهو يشتغل وهالإبليس بس تبلع ؟؟ ريــم: طيب خلاص أنا بتصرف روحي للصاله.. راحت الجده للصاله وتصرفت ريــم بالوضع وسوت الشاهي بالنعناع لجدتها وجابته يمها وجلست تسولف معها.. دخل الوليــد ماشاءالله وش كل هالنور (وهو يناظر ريــم) الجده: الله يسلمك اقعد ياوليدي اشرب شاهي معي ريــم مدري شبلاها ماتبي تشرب وأنا عجزت أشرب لحالي.. الوليــد جلس قدام جدته وصب في فنجال جدته شاهي وصب في فنجاله شاهي وصب في فنجال ثالث شاهي ومده لريــم .. استحت هي ومابغت ترده أخذت منه الفنجال وشربت فنجال واستأذنت منهم ولحقت البنات ... وتمت هي والبنات بره سواليف وضحك وغشمره واستخفوا بعد ما أظلم الليل وصاروا يلعبون غميمه.. لينـا جاء وقت العشاء ودخلوا يتعشون... ** بعد العشاء ** كانوا جالسين العايلتين يشربون الشاهي قال فيــصل: أجيب ورقه نلعب بلوت ؟؟ الوليــد: جيب يالله مع اني عااارف اني بفوز عليكم لا محاله ابراهيم: بسررررعه تكفى ودي أوري الوليــد كيف الخسارة الساحقة جاب فيــصل الورقه وخبصوا الورق بيلعبون قال الوليــد بصوت منخفض الظاهر لا مفر من هالمغثه المغرور نحتاج لاعب رابع والتفت على ماجد وقال: تشاركنا اللعب ؟؟ ماجد: ماكذب خبر أحد يعزمه وجاء طاير وهو يقووووووول ايييييييييييييييييييييييييه أما عبود فكان غارق بعالم ثاني يطقطق عالنت جايب اللاب توب معاه البنات يسولفون مع بعض بعدين راحوا عند الشباب وصاروا يضايقونهم وينكدون عليهم خاصة ديمـــه و نهلا ماتركوا احد بحاله وخلصوا من الشباب وانتقلوا لعبود وصاروا يفصلون عليه السلك ويخبطون على الكيبورد الين ماطفش عبود منهم وكفخهم... وانتقلوا للشغالات وصاروا ينكتون على جيني وكومارو وجيني تحظرم عليهم ... ورجعوا ثاني للشباب وقالوا لهم : من فاز؟؟ ابراهيم وبكل فخر: مو أنا ماجد: ولا أنا فيصل: ماسكينها تناوب أنا و الوليــد على الفوز الوليــد: كذااااااااااااااااااااااب مافزت الا مرة وبالغش بعد البنات: بنلعب معكم نبي نلعب لعبه نعرفها .. والتفتت ريــم للدولاب وقالت تلعبون منبولي؟؟ الوليــد :هههههههههههههههههههههه أيام زمان شرايكم نعيدها الشباب: يالله اسم اننا خسرانين خسرانين ماجد وبكل غرور: لا لا ما ألعب مع بنات !! ديمـــه: عسى عمرك ما تلعب اللعبه وقفت عليك ولا وقفت عليك وقالت له بوجهه تدري إنك مغرور وشايف روحك ومكروه بعد الكل استغرب وش اللي جاها ديمـــه وبكل جرأة قالت له هالكلام ؟؟ ماجد بكل برود: انتي تكلمتي قبل شوي ماسمعتك؟؟ ديمـــه: تااااااااااااااااااااااااااااااااااااااف ه وحقييييييييييييييييييييييييييييييير ماجد قام من المجلس ولا كأن شيء:بالإذن بروح أشم هواء برى ديمـــه ضاق خلقها من الكلام اللي قالته لـماجد بس كان غصب عنها طلعها من طورها بغروره وانقلب شعور الحب عندها الى شعور كره.. ماجد: طلع بره وصار يفكر بكلام ديمـــه صدق أنا مكروه لا بس هذي الغبيه اللي إسمها ديمـــه ماعندها سالفه.. وقاموا العيال + البنات يلعبون منبولي ومسك فيــصل البنك وكالعاده كان يغش ويلطش له من هنا شوي ومن هناك شوي وفاز بالأخير بس ماصدقوه لأنهم يعرفون إنه غشاش درجه أولى أم فيــصل + أبو ابراهيم + الجده + أم سلطان + ابو سلطان ناموا من حوالي ساعتين والعيال تموا يلعبون الا أذان الفجر واصلوا ونامو الا ديمـــه كانت تقول معك حق يا الوليــد ماجد مغرور ومغثه بعد طول عمرك لك نظره ماتخيب وأدركت إن شعورها تجاه ماجد كان طيش شباب .. في الصباح ريــم مو من عوايدها تقوم بدري بس ماتدري شاللي قومها من الساعه 10 قامت وصحت ديمـــه و نهلا وقالت لهم قوموا نلعب شوي بالدبابات دام العيال نايمين نهلا + ديمـــه: ياربيييييييييييييه ريــم وقته؟؟ ريــم: أجل متى وقته ؟؟ بسرررعه دام العيال نايمين .. نهلا: صاااااااااااادقه يالله قومي ديمـــه قاموا من النوم ونزلوا تحت سلموا على الشيبان اللي تحت وراحوا يدورون مفاتيح الدبابات مع مفاتيح البيت السبير بس لقوا فيــصل سبقهم عليها وظفها ديمـــه: ياربييييييييييييه وش هالقرادة ريــم: وشلون يعني والحل ؟؟ نهلا: الحل يا إنك تنامين ولا تطلعين تفرجين على الدبابات ريــم: نروح نتفرج يالله وطلعوا لساحة الدبابات وكان فيها خمس دبابات... ريــم: ياسلاااام لمين كل الدبابات هذي؟؟ ديمـــه: بقولك اللي يهمك شفتي هذاك الدباب الأسود لـ الوليــد ريــم: طيب والأصفر؟؟ ديمـــه: اوووووووه وش يهمك انتي غير الأسود نهلا: أنا أقولك الاصفر لعبود أخوي والأحمر لـماجد والجيشي لـ ابراهيم والأزرق لفيصل ريــم: اهااااااا أحلاهم الجيشي والأسود ديمـــه: المحبوب براحه طبعا ضحكوا على خفة دم ديمـــه ورجعوا يدخلون للبيت لقوا فيصل و الوليــد صاحين وقاعدين يسولفون مع جدتهم.. ومن دخلوا البنات ضحك فيصل وقال: فاتني شكل وجيهكم بعد ما أصبتوا بخيبة أمل... ديمـــه: ماتضحك بااااااااااايخه جيب غيره الوليــد: أقول فيــصل أنصحك لوجه الله بعد اللي شفته من ديمـــه أمس على ماجد ما أنصحك تتعرض لها وهي بالمزاج المتعكر هذا ريــم: فيــصل تكفى ودنا نلعب بالدبابات فيــصل: No.. Im Sorry ريــم: الله يخليك الوليــد ماقدر يصبر يسمع غزاله تنذل لفيصل العم وهو ولا جايب خبرها.. الوليــد: ولا يهمك ريامي خلي فيــصل علي والعصر ان شاءالله بتلعبون دبابات مثل ماتبون ريــم: الله لا يخليني منك ... أما إنت يا فيــصل بوريك ان شاءالله شهوله عندي وأنا بتصرف الوليــد: ياسلاااااااااااااااااااااام عيديها ثاني .. ( الظاهر نسى عمره) ريــم ميته حيا وماتدري شتقول الجده : نععععععععععععععععععععععم هيه انت وش عندك؟؟؟ الوليــد انتبه لروحه وقال: وشو أنا قلت شيء خطأ أنا أبيها ترجع تهدد فيــصل عشان أغيضه بس هذا كان كل تفكيري .. فيــصل بصوت منخفض: عرفت كيف تخرج منها مثل الشعره من العجين والعصر لعبوا البنات بالدبابات وحققوا أمنيتهم أخيرا وتعشوا ومثل أمس قاموا الشيبان ينامون بس الشباب قعدوا يلعبون شوي... الوليــد: شرايكم نلعب أونو ؟؟ ابراهيم: يالله وش ورانا أصلا حنا غير اللعب فيــصل: وناااااااااااااااااااااسه من زمان عنها ماجد قام على حيله وقال إعذروني أنا مواعد واحد من الربع هنا قريب من الإستراحه وبروح للموعد... الوليــد: ايه لا ماجد خذ راحتك وبقلبه يقول: فككككككككككككككه البنات: بتلعبونا.. فيــصل: ايييييييييييه بنخبص مجموعتين أونو ونلعب وحنا عدد كبير أحلى ولا ؟؟ البنات: أكيييييييييد أحلى الوليــد: لااااااا أخاف أخسر أنا ناسيها من زمان مالعبت ابراهيم: خليهم يقتصون منك بعد اللي صار أمس والله تلقيطة وجه 10 لعبات ما فزنا عليك الا مرة قدر فيــصل يغلبك ؟؟ الوليــد: يا حقدك وخبص فيــصل الورق وطبعا فيــصل كان أكبر غشاش بالعالم لطش له كم دروفور وكم دروتو ولعبوا وأجبر الوليــد باللعبه يحط دروفور مع إنه ماوده لأن اللي بعده هي ريــم بس شيسوي قوانين اللعبه وأكلتها ريــم وسحبت 4 أوراق لكن مانستها له لأنهم حطوا اللي يعكس الدور ووكلته 4 أوراق... وبنهاية اللعبه أول من فاز نهلا وبعدها خلصت ريــم وبعدهاخلصت شهلا .. وبعدا ديمـــه و لينـا وكذه يكونو خلصوا البنات.. الوليــد: أفااااااااا ياعيال فازوا علينا قوم البنات؟؟ وإنت يافيصل على كثر الأوراق اللي لطشتهن ما فزت؟؟ فيــصل: هااه وش تقول انت الغش حرام ابراهيم: زين لا صرت عارف هالشيء قم بس قم حفاظا على ماء وجهي ماراح أكمل اللعبه وطش الأوراق ابراهيم وقام الوليــد: ولا أنا مابكمل وطش الأوراق فيــصل: وقفت علي حتى أنا مو لاعب نهلا + ديمـــه: وعصبوا الشباااب وعصبوا الشبااااااب ريــم: وانتي الصادقه وكنسوا ما تبقى من شتات وجيههم الشباب الوليــد قام وهو يقول: بروح أنام بلا هالمذله بس ابراهيم + فيــصل: وحنا معك الوضع مايحتمل صراحه.. الوليــد: زين بنات بكره بعد الفطور قررنا نرد البيت بسرررعه تجهزون مو تسحبلون.. البنات: اووووووووووووه خساره والله وناسه ليش بنرد للبيت ريــم: والله وناسه الجلسه هنا.. الوليــد: أممممم طيب دامها وناسه شرايكم نأجل الروحه لبعده؟؟ هاه ياعيال؟ فيــصل: ابتسم بخبث ونقل نظره بين البنات وقال: أممممم ريــم تامر أمر مو؟؟ ياوليد؟؟ الوليــد: انحرج مرة وماتوقع رد فيــصل أبد.. لكنه سحب رجوله وصعد الدرج وهو يقول : لا تفرحون مرة ينظر بالموضوع اذا حنا بنجلس أكثر ولا لأ |
لا فيصل نذل ليش يحرج وليد حرام ماله ذنب
صح مشكوره شكراً جزيلا على البارت إلي إكتشفنا فيه إكتشام مهم وهو................أن فيصل اكبر غشاش هههههه وننتظر البارت الجاي |
مشكوورة غلاتي على المرور
انتظريني |
يسلمووو على البارت الحلووووووو
فيصل على غشه وماكسب لو ماغش ابرك له هههههههه بس عليه حركات نذاله احراجه للوليد ديمه والله قويه احلى شي مصارحتهاا لماجد خله يشوف نفسه ويعدل من اطباعه بدل الغرور والكبر اللي عايش فيه ننتظرك.. |
مشكووورة غلاتي على البارت الاكثر من حلو
و اتمنى انك تطولين الاجزاء عشانها مررررررة قصيرة ويا ليت تنزلين اليوم جزئين عشانه الاربعاء ... |
مشكوووووريييييين
على المروووووور وانت تاااامروووووون امر >>> من عيوني الاثنين.. |
الجزء ال 13 . . . وقاموا العيال ينامون والبنات جلسوا يسولفون الا إن أذن الفجر وصلوا وناموا.. الساعه 10 .. أم فيــصل: قوموا يابنات يالله العيال مرة شايشين بنرد البيت الحين البنات: اوووووه الشنط جاهزه حطوها بالسيارة شوي نغسل وجيهنا وننزل قاموا البنات غسلوا وجيههم وتسبحوا ولبسوا ونزلوا أول مانزلوا كان الوليــد بوجههم بالصالة جالس.. ديمـــه: سويتها ياحمار وبتودونا للبيت؟؟ الوليــد ببرود: أمممم احترمي نفسك يابنت العـم.. وهذا الشيبان عندك كلميهم اقنعيهم!! التفتت ديمـــه لأبوها وعمها وهي تفور من القهر... ديمـــه وبلهجة تحبب : يببببببه وي فديتك خلنا نجلـس أكثر.. ابو ابراهيم: يابنيتي ماعاد الا خير خلينا نروح للبيت بس.. وهنا قطعت الجده كلامهم وقالت بلهجة حماس: ايــــــــــــــــــه التفتت ديمـــه عليها بنفس اللحظه وهي تساسر البنات وبنظراتها كل معاني اليأس.. وتقول: والله وخرررربت الدعوه وانقطع آخر خيط أمل بس الجده كملت كلامها وهي تقول: وين نجلس أكثر مافيني أنا برد بيتنا برد غرفتي!! كان الوليــد يطالع البنات بنظرات شفقه.. وبعد ماطال فيه النظر على ريــم وهو يراقب الحزن بعيونها تكلم وقال.. الوليــد: أقول ياجده شرايك نجلس أكثر والله اللمه حلوووة شرايك؟ الجده: والله مااحد يبي اللمه ياولدي بس أنا تعبت.. ريــم: يمـــه الله يوفقك يوم واحد بس.. الوليــد: يوم واحد يمـه عااااد.. الجده عقدت حواجبها وحاست بوزها وقالت: طيـــب وآخرتها يعني ؟؟ الوليــد: يعني وافقتي؟؟ ريــم: يمـه تكففييييين الجده: والله ماأقدر أشوف الوليــد الغالي يطلبني طلب وماأوافقه.. قام الوليــد وحضن جدته وباس راسها وهو يقول لها: كنت عارف أنك بتوافقين!! ديمـــه بصوت واطي للبنات: طااااالعوا؟؟ بس كلمتين من الوليــد وقلبت الموازين عندها!! نهلا: المحبووووب براااااحه.. وبس كلمتين من ريم خلت الوليــد يتدخل بالموضوع ويجيب الموافقه.. ديمـــه: اي والله المحبوب براااحه.. أبو ابراهيم+ابو سلطان ماكان بيدهم شيء دام أن الجده حاست المخطط انصاعوا لأوامرها والغوا الرجعه.. طلعت ريــم والبنات وهم فرحانين بالموافقه اللي حصلوا عليها.. واتجهوا يجلسون تحت شجرة الليمون الكبيرة.. ديمـــه: من كان يصدق أننا بنقعد يوم زياده؟؟ ريــم: أنـا كنـت أصدق احساسي!! نهلا: اي عاد العشاق لهم احساس غير ششششكل!! ظربت ريــم نهلا على كتوفها ظربة خفيفة وهو تقول لها: يالله عاد أنتي مايفوتك شيء!! ضحكوا البنات.. وبدوا سوالف عاديه وتافهه.. ريــم كانت بوادي ثاااني عنهم كان تفكيرها يوديها ويجيبها لوليد.. بنفسها كانت خايفه لا يكون الوليــد ما يحبها أو أنه يحبها حب أخوي.. وكان كل خوفها أنه يكون حب الوليــد لها شفقه بتزول مع الأيام.. ومع كل شكوكها الا أنها تأكدت من شيء واحد وهو حبها لوليد اللي ماله نهاية..مسكت ريــم عصا صغيرة كانت مرميه بالأرض وصارت تكتب فيها على التراب وهي مو بوعيها... وماحست ريــم الا بنهلا تناديها.. نهلا: ريــم هووووه من متى وأنا أناديك؟؟ ريــم: هااه؟؟ اي كنت سرحانه بغيتي شيء؟؟ نهلا؟؟ نهلا: اي بغيت؟ ريــم: آمري؟؟ نهلا: أأممممممم ممكن تفسرين لي هالرسمه اللي رسمتيها على التراب؟؟ ((وأشرت بيدها على الأرض)) نزلت راسها ريــم بتشوف الرسمه وانصعقت لمن حست باللي سوته يدها بدون ماتحس هي فيـه!! كانت راسمه قلب كبير واخترق هالقلب سهم بالمايل!! ريــم: أهههههااااا لا لا لا لا مجرررد رسمه مالها معنى.. ديمـــه واللي قربت لهم شوي وحطت ايدها على كتف ريــم وهي تقول: ماأعتقد أنها رسمه عاديه واللي يثبت لي سرحانك.. ريــم.. فيكي شيء؟؟ الوليــد زعلك لا سمح الله؟؟ ريــم: الله لا يقولها لااااا يابنت الحلال.. بس أنا كنت أشخمط!! نهلا تنهدت بقوة وجلست جنب ريــم وسندت ظهرها على شجرة الليمون وهي تقول: ريــم أنتي مو ريــم اللي أعرفك!! ديمـــه كانت تقدر قوة العلاقه بين ريــم ونهلا وتعرف بعد أن نهلا بير لأسرار ريــم والعكس صحيح وعشان كذه.. قالت: عن اذنكم بنات بروح أنا وشهلا و لينـا نشوف أمي اذا تحتاج شيء.. ريــم: خلللللك ديمـــه أنا ماعندي شيء أغبيه.. ديمـــه: لا ماعليه ياريم نهلا صديقتك ومافيها شيء اذا تكلمتي معها.. بإذنكم بنات.. نهلا: شكرا يا ديمـــه لتفهمك واذنك معك.. ونقلت نظرها الى ريــم واللي صارت تسبح بعالم آخر بعيد عن عالم الواقع.. قطعت عليها تفكيرها نهلا وهي تقول: طاااالع!!! وتقولين مافيني شيء بعد؟؟ ريــم: هااااه؟؟ قلتي شيء؟؟ نهلا بضيق: ريــم أكلمك أنـا شفيك ياريم كلميني.. احكي لي.. ريــم أنا أحسك مو مثل الأول.. ريــم حطت ايدها على ركبة نهلا وقالت لها: احساسك مو في محله يا نهلا لازلتي أنتي صديقتي وبير أسراري.. نهلا: زين شفيك ياريم ليه وجهك معتفس؟؟ وليش تسرحين كثير؟؟ريم أحد مضايقك بشيء؟؟ ريــم: آه يانهلا مدري شأقول لك.. نهلا: قولي لي ياريم.. صدقيني لو بقدر أساعدك بخدمك بعيوني.. بس انتي تكلمي.. ريــم: نهلا ماادري ليه بس أحس أن الوليــد يحبني حب أخوي أو شفقة بتزول مع الزمن!! أو أنـــه مايحبني أصلا نهلا: رييييييم شتقولين أنتي؟؟ كلنا نعرف حب الوليــد لك وعيونه الي فاضحته.. ريــم: بس يانهلا معقول يكون يحبني!! من متى أنا أعرف الوليــد؟؟ ولا هو من متى يعرفني؟؟ كلها ثلاث شهور اما كانت أقل بعد.. الفترة بسيطه مرة.. مايمديه يحبني فيها..أنتي تعرفين أني ماكنت أشوفه لمن كنت أجي لأبوي من قبل..ولا هو كان يشوفني.. نهلا: اللي أنا اعرفه أنه فيه حب من أول نظرة..واللي أعرفه وأفهمه أكثر.. أن الوليــد عمره ماكان بالرقه هذي مع أحد غير معك أنتي.. ريــم: مو هذا اللي مخوفني ياخوفي يكون حب الوليــد شفقه مو حب.. مو حب.. رفعت نهلا راسها وهي تلمح فيــصل مقبل عليهم.. التفتت على ريــم: ريم هذا فيــصل متجه لنا قفلي.. نكمل بعدين رفعت راسها ريــم وهي تشوف فيــصل يقرب أكثر وأكثر من يمهم.. فيــصل بإبتسامه عذبه: شتسوووون؟؟ نهلا: ولا شيء نسوووولف.. فيــصل وهو يقطع ورقه من شجر الليمون ويقول: تسولفون؟؟ ماتخلص سواليفكم؟؟ ريــم+نهلا وبصوت واحد: لااااااااا فيــصل: حريييييييم ماعليكم شرهه!! المهم أمي تقول كالم البنات عشان الغدأ.. ريــم: مااشتهي أنا.. نهلا التفتت على ريــم وهي تقولها: احلفي بس أنتي!! بتاكلين غصب عنك.. فيــصل: لا لا لا لا لا لاااا اسلوب القوه والشده مايمشي مع ريــم بس اسلوب الوليــد يمشي دقايق بس عطيني وأنا جايب هالوليد معي.. ريــم: لا لا لا لا لا بليييييييز خلا ص أنا الحين أقوم وأتغدأ.. فصخ فيــصل نظارته الشمسيه وهو يطالع ريــم بنصف عين ويقول: ناس ماتجي الا بالعين الحمرااا ريــم: يالله بس روح والحين حنا بنلحقك.. فيــصل: تآمريني ياأختي الحين أروح.. الله معي.. ابتعد فيــصل عنهم وهو يتهدد ويتوعد ريــم لو ماجت تتغدأ.. نهلا: والله فيه خفة دم هالولد سبحان اللي خلقه.. هزت ريــم راسها بلا مبالاة وهي تقول: معك حق معك حق.. ظربت نهلا ريــم على كتفها بخفه وهي تقول: يالله أنتي الثانيه بعد لا تبدين تشككين بحب الوليــد لك.. من كثر وقت فراغك صرتي تدورين أي شيء تقضينه فيه.... وقامت نهلا ووقفت قدام ريــم وهي تمد لها يدها وتقول: الحقي على عمرك قبل لا يسبقك فيــصل عند الوليــد.. ابتسمت ريــم بإبتسامه خفيفه وقامت مع نهلا.. واتجهوا داخل المبنى عشان الغدأ.. أول مادخلوا الفيلا قابلهم الوليــد+فيــصل وهم طالعين منها.. نهلا: ههههههههه ادخلوا بس ادخلوا عن تجيكم ظربة شمس حنا جينا.. فيــصل: خساااره وربي خسااااره..كنت جايب هالوليد معي عشان ريــم.. رفعت ريــم راسها وتلاقت عيونها مع عيون الوليــد وعلى طول ردت نظرتها ثانيه للأرض.. ومسكت يد نهلا وضغطت عليها بقوووة.. وعضت شفايفها.. طالع الوليــد يد ريــم وهي تمسك يد نهلا وتضغط عليها وبنفسه يقول: ياحظك يانهلا ليتني مكانك.. الوليــد كان بنفسه حاس بالتغير اللي طرأ على ريــم.. لكن مابيده يسوي شيء غير أنه يتأملها.. ابتسمت نهلا وهي تقول: بتطولون هالفلم الهندي ادخلوا داخل.. بس .. ترا الشمس حرقتناااااا ولا يا فيــصل؟؟ فيــصل: أنا الشمس ماحرقتني كثر ماحرارة الوليــد دمرتني.. الوليــد: احم أحد حش فيني سمعت طاري اسمي؟؟ فيــصل: لاااا ماأحد..... حاشا لله يارجال.. ادخل بسسسس.. ارتسمت الابتسامه على وجوه الأربعة ودخلوا داخل البيت يتغدون.. بــــــــعــــــــد الــــــــغـــــــداء.. الكبار قاموا يقيلون.. أما الشباب والبنات فهم جلسوا يكملون سوالف... ويلعبون..لحد ماأقترح ابراهيم.. وقال: أقووووووول عيال شرايكم نقوم نسبح؟؟ عبود: ياربي كلامه درر هالإبراهيـم ابراهيم: لاااا عاد؟؟ لا صار يتناسب مع هواك صار درر!! عبود: طيب المرة الثانيه ماااااااانمدح؟؟ أنت وجه مدح أنت؟؟ ديمـــه: نععععم؟؟ نعم نعم؟؟ لم لسانك يالمفعوص ولا تطوله على أخوي.. عبود: ياااارب سترررررك مطول لسانها هالبنت.. ابراهيم: نعععععم نعم نعم نعم.. لم لسانك يالمفعوص عن أختي.. عبود: ياربي شالعايله الغريبه؟؟ نهلا شهلا ماجد النجده!! نهلا: لاااا قلبي عبود ابلش بعمرك ماني مدخله روحي بمشاكل ماني قدها هذولا عيال عمك يد وحده وخافوا من بطشهم!! عبود: أفااااا والله أفااااا شهلا ماجد تحركوا.. ماجد: لا ياابوك أنا مالي شغل الا فنفسي وبسسسس عبود: شالأخوان ياربي؟؟شهلا !! بليييييز ولا أنتي من الحين محسوبه تبع فيــصل؟؟بتفزعين معه؟؟ شهلا: طلعوني من مشاكلكم بس.. الوليــد: الخلاااااااصة بتطبون المسبح ولا لأ؟؟ ابراهيم: أكيد اييييييييييه أنا بطب.. فيــصل+ماجد+الوليــد+عبود: أكييييييييد نطططططططططططب.. البنات: واحنااااااااااااااااااا؟؟!!! ماجد: وأنتم انثبروا ولا بعد!! ديمـــه: أحد طالب رايك أنت ؟؟ أنا أكلم أخواني.. طالع ماجد ديمـــه بنصف عين وقال: امسكي لسانك يابنت.. التفتت ديمـــه للجهه الثانيه وهي تبرطم من القهر اللي في نفسها.. قاموا العيال.. تلبسوا وجوا يطبون بالمسبح المكشوف على الصالة.. البنات كانوا بالصالة يراقبون تحركات العيال.. كان فيه سباق بين ماجد و فيــصل سباق غوص فاز فيه ماجد اللي كان ماهر بالغوص.. وسباق سباحة بين ابراهيم وعبود.. وفاز فيه ابراهيم.. واللي فاز بالأول يدخل سباق ثاني وصارت بين ابراهيم و الوليــد.. فاز فيها ابراهيم بعد.. والبنات ساعات يشجعون العيال وساعات يسولفون... لحد مانادى ابراهيم ريــم.. ابراهيم: ريموووووو رياااامي تعالي.. قامت ريــم من مكانها هي والبنات وتقدموا للمسبح.. ودخلوا.. ابراهيم: ريــم بليييييز عطيني نظارة السباحة.. في شنطتي.. ريــم: طيب.. (( وراحت ريــم للشنطة طلعت النظاره وراحت تعطيها ابراهيم ومدت يدها بالنظاره لإبراهيم)) لكن صار شي ماحسبت له حساب ريــم ماحست روحها الا وهي جوا المسبح.. ابراهيم لمن مدت له ريــم النظاره سحبها لحد ماطاحت في الماء.. انحرجت ريــم مرة من العيال وحست وكأن أحد كب عليها مويه حاره.. وطالعت ابراهيم بنظرات حارقه.. ورحمه من ربي أنها كانت جنب السلم.. على طول تمسكت بالسلم وطلعت برا المسبح وهي محرجه بمعنى الكلمه وتدعي على ابراهيم اللي حطها بموقف محرج مثل هالموقف.. ابراهيم كان الموقف بالنسبه له وكأنه مقلب عادي من مقالبه الكثيرة وان كان ثقيل وفي غير محله.. الوليــد كان مشتاط غيظ من ابراهيم والموقف البايخ اللي سواه مايدري ليه حس بالغيرة.. ورغبه قويه بأنه يذبح ابراهيم.. اللي كان السبب بهالموقف.. فيــصل+ماجد+عبود: كانوا بعيدين عن اللي صار ولا هين باللعب وماانتبهوا الا لنهاية الموقف وراحت عليهم ضحكه عابره.. لكن الوليــد هو اللي تم يطالع ابراهيم بنظرات غيظ.. حتى اقترب من ابراهيم.. وقال له بصوت منخفض.. شاللي سويته أنت عاجبك كذه حطيت البنت بموقف محرج؟؟ ابراهيم: أي موقف محرج عادي شفيها اخوانها كل اللي بالمسبح.. الوليــد وكان مازال يطالع ابراهيم بقهر ويقول له: أي اخوانها حرام عليك و ماجد وعبود,,, وأنا وين رحنا؟؟ ابراهيم طارت عيونه كأنه توه يحسب هالشيء وحس بإحراج أخته وبالموقف اللي حطها فيه لكنه قطع كلام الوليــد وقال: انسسسسى طيييييييب أتوووب وانتهت السالفه على هالشيء لكن مازال قهر الوليــد يفوووور بداخله وماقدر غير أنه يفرغه في المطافش في المسبح..... 0000بعد ماطلعوا العيال من المسبح0000 كانوا البنات بالحديقه برا..غير ابراهيم لبسه ولبس بنطلون جينز وبلوزة على عجل.. وطلع برا للحديقه يشوف ريــم بعد الموقف اللي أدركه ابراهيم أخيرا.. شاف ريــم جالسه مع البنات.. صوّت لها لكنها كانت تتجاهله.. عرف هو باللحظه هذي أنها زعلانه عليه.. صوّت لها ثانيه وثالثه..ولكن لا جواب.. ديمـــه وكانت تكلم ريــم: حرام عليك قومي شوفي شيبي.. ريــم: لا لا لا.. بعد هالموقف مافيني أكلمه والله الموقف شين.. ديمـــه وهي تناظر ريــم بتأفف وتلتفت على المكان اللي فيه ابراهيم وتقول: ابراهيم تعال هنا كلم هالعنيده قرّب ابراهيم للمكان اللي فيه البنات.. وابتعدوا البنات عن المكان عشان ابراهيم ياخذ راحته مع ريــم.. كانت ريــم بتلحق البنات وتمشي معهم بس ابراهيم لحقها ومسك ايدها وهو يقول: آآآسف ياريم إن كنت زعلتك.. ريــم: ....................... ابراهيم: ريــم أكلمك ردي!! ريــم: شأسامحك يا ابراهيم أسامحك على هالموقف البايخ اللي حطيتني عليه.. ولا على الإحراج اللي سببته لي ولعيال عمك؟؟؟ ابراهيم تفاجأ من ردة فعل ريــم واللي وللمرة الأولى تكلمه باللهجه هاذي لكنه استدرك وقال: ريــم عاد خلاص والله أنا بسويها مقلب لكن ماأدري كيف فكرت لحظتها ياريم لا تزعلين.. أمزح أنا.. وأعترف أني غلطان وألف بعد ريــم صدت صوب الجهه الثانيه ولا أبدت أي ردة فعل.. مسك ابراهيم وجهها ولفه صوبه وهو يقول: والله مو لا يق عليك الزعل فكيها عاااااد.. سووووري قلنا.. ريــم ابعدت يد ابراهيم بعصبيه ومشت بتروح للصوب اللي البنات راحوا له.. |
مشكووووورة على الجزء اتحمست نزلي جزء ثاني <<<<<<<<<<<< طرارة و تتشرط
|
:)الجزء ال 14:) . . . لكن ابراهيم رجع مسك يدها وهو يقول: ريييييييم.. بلييييز لا تغلين تدرين بغلاتك عندي فكيهااا عااااد.. ريــم طالعته بعيون غرقانه بالدموع وهي تقول: أزعل من روحي ولا أزعل منك بس أنا متضايقه شوي من الموقف.. ابراهيم وهو يمسح دموع ريــم اللي بدت تنهمر على خدها ويقول: حقققك علي يالغاليه.. بس لا تبكين.. ريــم هزت راسها بالإيجاب ورسمت ابتسامه على شفايفها.. كملوا اليوم عادي.. وروتين مثل ماخلصوا فيه الأيام اللي راحت بالمزرعه... وفي صباح اليوم التالي: كانوا بيردون للبيت وهالمرة مافيها تأجيل.. مثل اللي فات.. عشان كذه الكل التزم الصمت ورضا بالواقع.. وطبعا أم فيــصل كانت داقه على البيت وقالت للخدم الموجيدين هناك يقولون للطباخ يجهز غداء محترم معهم ضيوف.. وتجهزوا وانقسموا بالسيارات مثل ماجوا غير إن أبو سلطان + أبو ابراهيم راحوا بسيارة ابراهيم وسيارة السواق ملوها خضره وأغراض من المزرعه جايبينها.. وبسيارة ماجد معه عبود بس... وفي سيارة الوليــد قالت ريــم حق البنات تصدقون نفسي بهذاك المسبح الزين ورجعت للبيت وأنا ماسبحت فيه بخاااااااطري هالسباحه ودي أرد الحين أسبح الوليد كان يسمع كل كلمه تقولها ريــم .. ومايفوت ولا همسه وهي كانت وقت تطالعه ووقت كانت تفكر فيه ووقت تسولف مع البنات.. شغل الوليــد الـ Fm وكان فيه أغنية من الأغاني الرجه وصوت الطبول فيها والأورق والصوت ملعوب فيه.. الجده: وش ذا الأغاني الله يرحم زمان أم كلثوم وعبد الحليم آآآه يازمن الوليــد: ياجده يقولون مايسمع أم كلثوم الا اللي يحب والله يستر منك ليييش كان يعجبك أم كلثوم؟؟ ديمـــه: أهااااااا وأنا أقول ليش كل سيارتك كاسيتات لأم كلثوم!! الوليــد إختبص ومايدري وش يرد عليها بس قال: لكل قاعده شواذ يا ديموه الجده: من اللي قاعده عند من؟؟ البنات + الوليــد: هههههههههههههههههههه الجده: جاوبوني ؟؟ الوليــد: لا يمه ما احد قاعد عند أحد بس ماتبين محمد عبده ؟؟ الجده: لا مابي شيء بذكر ربي؟؟ وبعد ماوصلوا البيت كانت أول سيارة واصله سيارة فيــصل فتح باب القراج ولف نصف لفه على النافورة اللي بالوسط ووقف قدام الباب الداخلي...ونزلوا اللي بالسيارة وأخذ لفه كامله ولبق السيارة بقراج السيارات.. ودخلت سيارة ماجد بعدها ولبقوا السياره ونزلوا هو وعبود ووقفوا مع فيصل يسولفون حتى وصلت سيارة السواق وعلى طول راح للباب الخلفي عشان الأغراض اللي معه ووصلت سيارة ابراهيم ونزلوا الشيبان منها وهم يقولون لـماجد لييييش مسرع؟؟ ماجد: وين مسرع الله يهداكم هذا وأنا مهدي وخايف منكم أبو سلطان: لا بالأول كنت مسرع لكن خفت منا يوم صرنا نكبس لك وهديت!! وراحوا من عندهم ... قال فيــصل: الله يهداك بس ياماجد هقيتك ذكي ياخي اسلك الطريق الزراعي وغب عن أنظارهم وسو اللي تباه لا حسيب ولا رقيب أنا رحت مع الطريق الزراعي وكاني أول من وصل ماجد: والله راحت عن بالي فيــصل: تأخر الوليــد غريييييييييييييييبه وبقلبه يقول( حركاتك ياوليدوه ماتفوت علي ) الا ودخلت سيارة الوليــد وهو يضرب بواري ومبسوووووووووط..وجدته تدعي له وتقول عقبال مانسمع بواري موكب عرسك..وهو يقول آآآآآمين بس متىىىىىىى يتحقق اللي فبالي؟؟... ووقف عند الباب ونزل فتح الباب لجدته ومسك يدها لحد ماوصلها باب البيت الداخلي.. فيــصل ركب مع الوليــد وهو رايح يلبق السياره وأول ماركب قال: ياخي مو من عوايدك تهدي وش اللي صار لك الحين نزلت عليك فجأة أو بتكسب أكبر وقت ممكن مع الغرشوب؟؟ الوليــد: أخ بس يا فيصلوه اسكت بس هي غزال هي ريــم هي رعبوب هي غرشوب هي بشر؟؟هي ملاك وش هي ياخي؟؟ فيــصل: ياشيخ صار عندك نفس الشك اللي عندي أنا شاك إن ريــم جني؟ مو بشر الوليــد: اوووووووه فيــصل ماني متفيق لك جب بس وبعدين ياخي أختك الفضيحه هذي أم لسانين ماعمري أركبها سيارتي؟؟ حطتني فموقف عند جدتي بس الحمدلله إنها طلعت ماتفهم بالأمور هذي( وقص على فيــصل القصه) فيــصل: ماتكف هذي عن أذية العشاق؟؟ ياخي أنا مفكر ألصقها بـماجد اغديها تفكنا من حنتها شوي ونقدر ناخذ راحتنا بعد حنا بالطنازة الوليــد:هههههههههههههههههههههه ذكرتني بالغثيث كاهو يطالعنا صار له ساعه وده يذبحنا بسرررعه خلنا نروح له قبل تجيه ضربة شمس... ونزلوا الشباب لـماجد ودخلوا داخل البيت وقعدوا يسولفون وبعد ماصلوا الظهر حطوا الغداء وتغدوا.. وبعد الغداء كانوا بيت أبو سلطان حيل تعبانين وراحوا بيتهم أما بيت أبو ابراهيم فكل واحد راح غرفته ينام لأنهم من صباح الله خير قايمين ولا ناموا..ورموا حالهم بالسرير ولا حسوا بأرواحهم الا بعد أذان المغرب.. وبعد ماصلوا المغرب جماعه فالمسجد جلسوا يتكلمون شوي ويسولفون ((الا ويدق جوال الوليــد .. خالك يتصل بك )) الوليــد: مرحبااااااااااااااا الخال: مرحبا ألف ياخي وينك ولا تسأل ولا تقول عندي خوال ؟؟؟ الوليــد: لا بس لاهي فأمور الدنيا وصار يكلمه ويسأله عن أخباره ويضحكون.. الخال: الا الوليــد أنا كنت داق عليك بقولك ترا حنا خوالك ولنا حق عليك ولا نسيت ماعاد شفناك من ثلاث شهور وانت اللي كنت كل ويك تنط بوجيهنا شلي صار عسى مو متضايق مننا؟ الوليــد: لا افا عليك ما جاء منكم الا كل خير بس حقكم علي لازم أزوركم قريب والله مقصر بس إعذرووووني .. الخال: لا مابنسامحك حتى نشوفك الوليــد: قريب ان شاءالله بجيكم.. وقفل الوليــد عن خاله الخط وقال أبو ابراهيم: هااااااه شخبار خوالك؟؟ الوليــد: والله بخير يسلمون عليك كثير السلام ويسألون عني يبوني أزورهم وبروح لهم بكره(أهل الوليــد كانوا من أهل الجبيل واللي تبعد عن الخبر حوالي 80 أو 90 ك\م تقريبا ) ريــم من سمعت هالكلام الا تلخبطت ونغزها قلبها وحست إن ورا هالروحه شيء وخافت لايكون خاله ناوي يخطب له... رد ابو ابراهيم: ايه يايبه هذيلا أهلك ولك واجب عليهم بس لازم ترجع قبل يوم الإربعاء.. الوليــد: لييييييييييييش؟؟ ابو ابراهيم: قررنا حنا مع بيت عمك نسافر سويسرا هالسنه وطيراتنا يوم السبت الساعه 12 الليل ولازم ترجع الإربعاء أو الخميس عشان نجهز أغراضك.. الجميع تفاجأ بالمفاجئه الحلوه واللي ماكانوا متوقعينها أبد فيــصل: وأخيرا يبه غيرت رايك عن لندن ؟؟ صراحه طفشناها كل سنه لندن؟؟ ابو ابراهيم: ايه قلنا أنا وعمك نغير جو وبنمر فرنسا بعد البنات: وااااااااااااااو يعني وأخيرا بنشري عطورات ومكياجات ونكشخ فيهن قبل لا يطبون البلد ابراهيم: وااااو بروح سويسرا وبآكل شكولا تات الوليــد: افااا يا ابراهيم مابقى الا نعطيك الرضاعه بالكاكاو ماكبرت عن الشكولاتات رجال شكبرك متخرج من الجامعه وبتكمل دراسات وآخرتها شكولاته ابراهيم: الشكولاته ماتعرف لاكبير ولا صغير ابو ابراهيم: وأنت بعد يا ابراهيم لازم تاخذ أختك وتروحون تسلمون على خالك وتقعدون عندهم كم يوم.. ابراهيم: أنا يا حيل الله خالي مادق يسأل عني مثل الوليــد الوليــد: اوووووه ياناس هذا مختبل اليوم ولا وش فيه لا يكون بعد المزرعه وبعد ما اختلطت كثير بالبزران ( ويأشر على فيــصل) صارت تصرفاته تصرفات بزران ؟؟؟ فيــصل: لا أخاف إنه بعد مااختلط مع الشياب ( ويأشر على الوليــد) حس بأنه لازم يصغر كم سنه لوراء ؟؟ الكل صار يضحك على فيــصل و الوليــد ونكتهم لأنهم هالإثنين خفيفين دم ومع بعض يصيرون شيء... قطعت ريــم ضحكهم وقامت و وجهها متغير شويه واستأذنت منهم ابو ابراهيم: وين ياريامي خلك شوي معنا ريــم: لا يبه أحس راسي مصدع وودي أنا شوي والله جلستكم ماتنمل بس أنا تعبانه بعد مجهود يومين بالمزرعه.. ابو ابراهيم: براحتك يابنيتي ما أغصبك.. ..... الكل مشت عليه سالفة إن ريــم تعبانه الا الوليــد كان قلبه يقول له البنت فيها شيء وجهها مو طبيعي وهي كانت قبل شوي تسولف وتضحك ليش الحين يعني وجعها راسها؟؟ قال يمكن عشاني قلت بروح أهلي كم يوم بس مااظن يهمها الموضوع للدرجه هذي..وتم يفكر بالموضوع وكانت ريــم مشغله تفكيره.. بعد الساعه 12.30 تفرقت العايله وكل واحد راح غرفته ونام الا الوليــد كان يفكر فريم ويقول وشلون بصبر يومين عنها؟؟؟ الا وقام واتجه لغرفتها مايدري وش اللي ودى رجله هناك هل هو الحنين للغرفه ولا الوله على ريــم ولا إن الفضول ذبحه بيعرف ليش تضايقت اليوم بس اللي يعرفه إنه حس بروحه وهو يطق باب الغرفه طق طق !! تنبه لعمره وقال وش اللي تسويه يا الوليــد ليش أنت هنا عيب عليك تطق على بنت عمك بآخر الليل بس ما أحد رد عليه بالغرفه وجاء راجع لغرفته الا وسمع حس حركه تحت نزل الدرج وهو مستغرب من يكون يعني تحت بآخر الليل معقول جيني بس شتسوي جيني بالليل؟؟ وراح صوب الصوت ولحقه و وصل فيه الصوت للمطبخ دخل المطبخ مستغرب كانت معطته قفاها ولا بسه جلال الصلاة ولافته عليها ما عرفها وتم يقول فباله ديمـــه ولا لينـا ولا ريــم ؟؟ دقق فيها وقال ريــم ؟؟؟ ريم التفتت مفزوعه: بسم الله الرحمن الرحيم خوفتني الوليــد شكان يشوفه كان يشوف بدر 15 .. جلس على كرسي طاولة الأكل وقال شمقومك هالوقت خبري فيك بتروحين تنامين راسك يوجعك؟؟؟ ريــم: الا بس نازله آخذ حبة راسي يوجعني .. الوليــد: بسم الله عليك فديت هالراس ليته فيني ولا فيك.. ريــم: تسلم بس انت شلي مقومك هالوقت ؟؟المفروض تكون نايم واستدارات ريــم بتطلع بره المطبخ وهي تقول بالإذن .. الوليــد: ريــم ( مايدري ليش ماكان وده ريــم تطلع وغصب عليه ناداها) ريــم: لبيه الوليــد: تعالي اقعدي معي شوي مافيني نوم وودي أشبع منك قبل أروح خوالي ريــم: إنت جازم تروح؟؟(وتاخذ الكرسي اللي قدام الوليد وتجلس عليه) الوليــد: ايه جازم بروح ( استغرب الوليــد من سؤالها بس جاوبها ) ريــم خنقتها العبر وقالت بصوت مخنوق الوليــد ... الوليــد: سمي ريــم: تسلم بس ودي أطلبك طلب.. الوليــد: آآآمري مو بس تطلبين ريــم ضغطت على اسنانها بقوه وقالت: إوعدني إوعدني مايفرقنا غير الموت.. الوليــد ولا إرادي حط إيده على ايدها ومسكها بقوه وقال: جعل يومي قبل يومك أوعدك أوعدك ريــم: عسى الله مايجيب عتاب ولا بعد وهجر وغياب الوليــد كملها بلحن الأغنيه: عسانا مانتفارق يوم ... الوليد+ ريــم بصوت واحد وبلحن الأغنيه:عسى دايم نكون أحباب..أحباب ريــم: اممممم طيب ممكن تفك ايدي بروح أنام الوليــد تذكر روحه وقال :اووووه سوري نسيت روحي ريــم: قامت من الكرسي ووجها لونه أحمر وهي تقول: تصبح على خير الوليــد: وأنتي من الخير ياوجه الخير ريم ماتت من الحيا وراحت تركض فوق لغرفتها وأول مادخلت للغرفه كان نفسها ترقص تزغرد فرحااااااااااااانه بس ماتدري شتسوي.. الوليــد كان مو مصدق روحه من الفرحه ومتشقق وحس إن اللحظات اللي مرت عليه قبل شوي من أحلى لحظات عمره..وحتى مو قادر يشيل عمره ويرقى لغرفته وتم يفكر فريم وهو يقول لنفسه تحبني تحبني نيالك يا الوليــد وحصلت اللي تبيه.. ريــم بغرفتها كانت ودها تقول لأحد من الفرحه بس ماتدري تقول لمين ؟؟ دقت على جوال ديمـــه بس كان مقفل و ريــم تقول بنفسها ليييه تقفلينه فاتك أحلى خبر ياوكالة أخبار الـ Cnn ودقت على نهوله بتقولها دق الجوال بس ماردت كان ودها تفتح الشباك وتصارخ وتقول والله أحبك أحبـــــــــــــــك.. الوليــد راح راقي غرفته وهو وده يناطط من الفرحه ووده يقوم فيــصل ويقول له المستجدات كان وده يقول لأي أحد حتى لو جيني (مايفهمه غير جيني أصلا..) راااااح طاير لغرفة فيصل طق عليه الباب طق طق !! مارد أحد قال لو فيــصل عالنت والله مايسمع لأي أحد يطق عليه الباب خليني أروح أفتح ماسنجري يمكن ألاقيه عالنت وراح بسرعه فتح الكمبيوتر وفتح ولقى 6 أشخاص أون لاين صار يطالعهم ويدور بينهم فيــصل بس ما لقاه لقى ماجد كان ناوي يقول له السالفه من الفرحه مو قادر يركز مع مين يتكلم لو إن الله رحمه ودخل فيــصل باللحظه الأخيره .. الوليــد: وينننننننك؟؟ فيــصل: كااااااااني يعني شصاير بالدنيا في غيابي فقدتني الوليــد: صاير شيء كبييير بسرعه بس ياتجيني يا أجيك ( وخلال ثانيتين طق الباب ) الوليــد: ميييين؟؟ فيــصل: أنااااااااا الوليــد: إدخل بسرررررعه وين كنت إنت ووجهك جيتلك قبل شوي بغرفتك مالقيتك ؟؟ فيــصل: كنت أتسبح بس شفيك ليش الضحكه شاقه خدودك؟؟ الوليــد: آآآآآآآآه يا فيــصل أحس إني مو قادر أتنفس خلنا نطلع بالحديقه..؟؟ فيــصل مستغرب يالله وهم ماشين نازلين للحديقه بالدرج كان يقول الوليــد لـفيــصل: فيــصل تحبني تحبني فيــصل: قصر حسك سمعتك هذي غرفتها جنبنا (كانت غرفة ريــم أقرب غرفه للدرج) وفعلا ريــم سمعتهم وتوقعت إنهن بيطلعون فتحت الشباك بتسمع شيقولون.. الوليــد + فيــصل جلسوا على طاوله بالحديقه قريبه من شباك غرفتها وريم كانت تراقبهم من شباك غرفتها ونشوف حركاته وهو يحكي فيــصل وطاير من الفرحه كان ودها تنزل وتحكي لـفيــصل شعورها.. فيــصل كان يطالع الوليــد ويبتسم ويضحك وكأنه طاير من الفرحه وفرحان لفرحة أخوه.. كانوا يتكلمون بصوت مسموع لكن ريــم ماركزت فكلامهم كثر ماركزت فأشكالهم لكن الوليــد قال بصوت عالي ياناااااااااااااااس أحبهااااااا مجنوووووون حبهاااااا .. ريــم ودها تصرخ وتقول أحبـــــــــــــك وحست إنها بتقولها بس حاولت تمسك روحها وقفلت الشباك وراحت رمت روحها بالسرير وهي تقول: وأخيرا ابتسمت لي الحياة من جديد وصارت تفكر فحبها وتتذكر شكله وهو يغني الله محلا صوته كااان روعه الى إن غلبها النوم ونامت ولأول مرة من جيتها بيت أبوها نامت وهي سعيده وفرحانه... الوليــد بعد ماحكى لـفيــصل اللي صار فيــصل فرح له مرة وتمنى له كل خيـر وبنفس الوقت حس بغيره على أخته لكنه قال للوليد إن هذه بنت عمه ولازم يحط باله عليها وفيصل كان يعرف إن الوليــد مو راعي حركات نص كم خاصة إنه صديقه ويعرف الوليــد أكثر مما يعرف نفسه ودايما هو وياه ويشوف كيف إن البنات منهبلات عليه ومع كذه كااان ثقيل ولا معطيهم وجه مو مثل ماجد المخفه المعروف بحركاته وكان ثقل الوليــد على البنات يزيد البنات تولع فيه...أذن الفجر وصلو العيال الفجر وناموا... وعلى الساعه 12.0 كالعاده قاموا من النوم ونزلوا يجتمعون على طاولة الأكل لكن هالمرة كان الوليــد مو من عوايده والنشاط زايد عنده وكان أول من جلس على الطاوله ينتظرهم ومن جاء طارت عيونه وقام يطالع الوليــد ويقول بنفسه: اليوم مايت يهودي لا محاله .. عدا فيــصل اللي كان عارف سر النشاط هذا كله وجاء جلس كالعاده جنب الوليــد وقال له: ياعيني قدرت ريــم تسوي اللي عجزنانسويه من 21 سنه ناظر الوليــد فيــصل بطرف عين وقال هيه لا تعرض لمحارمي؟؟ فيــصل: من متى محارمك؟؟ محارمي قبل يكونو محارمك وأصلا مو محارمك للحين ضحكوا فيصل و الوليــد وسموا بإسم الله وبدوا ياكلون..حتى ريم كانت تاكل بشهيه.. فيــصل يكلم الوليــد: و ل و ل شف ريم كيف تاكل بشهيه شكلك بتسبب لها سمنه مؤبده لا عيشتها بكل هالعز..طول عمرها.. ريــم حست إنهم يتكلمون عنها استحت ووقفت أكل.. الوليــد: يااااااااااااااااقوي عينك؟؟ وبعد ماخلصوا غداء قال الوليــد: يبه تراني أجلت سفرتي لبكره ابو ابراهيم: لييييييييش؟؟؟ الوليــد: دخلت سيارتي للورشه ولا تطلع الا اليوم الليل وماأقدر أسافر من دونها.. ابو ابراهيم: برااااحتك ياولدي ابراهيم: أليوم أنا وريم بنروح نسلم على خالي وبنتعشى عندهم ونرد ابو ابراهيم: الله يساعدكم ريــم أشرت لـ ديمـــه و لينـا وقالت لهم فوق وقاموا واستأذنوا ورقوا مع ريــم فوق.. وبغرفة ريــم .. ديمـــه: شعندك يا ريــم ؟؟ ريــم: آآآآآآه بس آآآآآآآآآآآه لينـا: سلامتك عن الآه ديمـــه: جب يالخبلا هذا مو آه الوجع هذي آه العشاق لينـا: !!!! وصارت ريــم تكلممهم عن اللي صار أمس وتوصف شعورها بذيك اللحظات.. لينـا: اش الرومانسيه هذي كلها؟ ديمـــه: آه ياويل حالي على هالعاشقه الولهانه ريــم: يكفي أنتي وياها خلاص ماراح أكمل ديمـــه: لا لا كملي بنسكت ونسمع وبعد ماانتهت تمنوا لها خواتها كل خير وطلعوا عنها وراحت تتسبح هي وتلبس اللي بتروح فيه اليوم لبيت خالها...وحطت شوي ميك أب وصلت العصر وأخذت عباتها ونزلت تحت.. ابراهيم: ريييييم يالله ريــم: جيت جيت سلموا على أمهم وأبوهم ومانسوا حبة الرأس الجده وطلعوا متجهين لبيت خالها.. في بيت خالها.. زوجة الخال: هلا والله ريامي شخبارك وشخبار الأحوال عندك فبيت أبوك ريــم: كله تماااام الحمدلله.. خاله ليش ماجيتوا يوم حفل التخرج كنت أنتظركم توقعتكم أول من بيجيني .. زوجة خالها: حقك علي بس ندى مرضت في ذاك اليوم ووديناه المستشفى وماقدرت أتركها ريــم: وينها هالندو وحشتني ندو: أنا هنا عمتو أثوف ثبيث تون هنا أنا في العلفه ريــم: طيب تعالي بسلم عليك؟ جت ندو نركض على ريم وتخمها.. ندو: ليث ثرتي ماتدين ذي أول يمنا ولا تكلمين ذي أول؟ ريــم: شفيك كلتيني بقشوري؟؟ صايره مثل العجوز على هالتشره.. وبعد ماخلصوا من العشاء لزم عليهم خالهم يباتون الليله عندهم لكن ابراهيم اعتذر وقال ثانيه بس خالهم لزم عليهم مرة وناموا عندهم وفي الليل الساعة 2 كلمت ريم نهوله وقالت لها السالفه الجديده اللي صارت بين الوليــد و ريــم وبعد ماقفلت ريــم من نهلا جاها مسج فتحت المسج ((عجزت أفسر كيف أنا محتاجك وتعبت أمثل إني بخير وأنا أموت حزة غيابك))شافت المرسل ماعرفت الرقم بس حسته مو غريب عليها حطت الجوال عندها وبدت تحاول تتذكر من صاحبة الرقم.. شوي وجاها مسج ثاني ((إترك جمالك ياحبيبي على جنب..غيرالحلا يعجبني بزود طيبك..كلك على بعضك تجنن وتنحب..ربي كريم اللي جعلني خليلك..إن كان حبي بنظر بعضهم ذنب..يامرحبا والله بذنب يجيبك..ماقول غير الله يخليك يارب..ويعمي عيون من حسدها تصيبك))حست أن صاحبة الرقم تعرفها زين وإنها هي تعرف صاحبة الرقم زين.. صارت تفكر بجد ياربيه الرقم أنا أعرفه بس مين؟؟ا ريم تكلم نفسها: هذا الرقم مميز وأحس مر علي من قبل بس مدري مين؟؟ معقول يكون الوليــد ايه صح ليش لا أتذكر رقمه يوم تعطيني إياه ديمـــه وإحنا بالمشغل كان مميز وحفظته من غير ما أخزنه بالجوال..شوي وجاء مسج ثاني: (( أهلين ريامي أخبارك؟؟ والله قلقت عليك وأحس الشوق بيذبحني ليش ماتردين علي؟؟ )) ريم تفكر بنفسها: لا مو معقول هذه تعرفني زين معقوله تكون أروى صديقتي بالمدرسه طلعت جوال؟؟بس ليش ماقالت لي؟؟ ودق الجوال قطع تفكيرها كان نفس الرقم اللي يراسلها.. ترددت أرد لا أخاف يكون أحد يلعب بس كيف يلعب وهو يعرف اسمي؟؟ برد.. وردت ريم: ...................... .....: هلا ريامي أعرف الوقت مو مناسب بس اشتقت لك حييييل ( ريــم من سمعت الصوت عرفته على طول ومايبيلها ذكاء هذي وكانت بقلبها تقول والله اشتقت لك بعد أنا يا الوليــد ) الوليــد: ألوووووو ريــم: ............... الوليــد: طيب يعني مستحيه تتكلمين زين بس اسمعيني ولا تقولين ولا كلمه.. ريــم: .................................( كان ودها تقول أحبك أحبك أحبك أحبك) الوليــد: اليوم الفجر بروح لخوالي والله ماودي أروح وأنا ماسلمت عليك بس الظروف لأن خالي قال لي لازم أجي الثلاثاء بس ماراح أطول برجع الإربعاء وبشوفك ان شاءالله.. ريــم: ( قلبها كان يرد عنها لكنها هي وكأنها انلجمت وماقدرت تقول شيء أبد) الوليــد: أووووووووووووووه ريامي كل هذا حيا قولي لو كلمه هذا ظلم لاأنت جنبي ولا صوتك أسمعه.. ريــم نطقت وقالت: وليد من جد.. أأأأأأحبك ...أحبك .. وماعندي شيء أكثر أقوله الوليــد: بس أنا ماأبي أكثر من هالكلمه وأخيرا سمعتها ريــم قفلت الجوال لأنها مرة استحت وماقدرت تكثر الكلام الوليــد: يازين الحياااا قفلت الخط ياناس تستحي ياربييييه هالبنت بتجنني بحبها.. ريــم مسجت له مسج (( أعزك .. وأعيش بعروق دمك..ولو تقول السما خضرا أقول خضرا ولا يهمك)) الوليــد ماكان مصدق روحه وجلس يقرأ المسج لحد ما حفظه ويقول بقلبه ياحظ الجوال اللي أصابعك تلامسه ياحظ خصلات شعرك اللي تطيح على وجهك ياحظ اللي حولك ياحظي تحبنيي.. وأنا يا ريــم أحبك لا أنا ما أحبك ما أحبك أنا مجنون بحبك مجنووووووون.. ونامت ريــم وهي حاظنه الجوال معاها.. و الوليــد انتظر صلاة الفجر وصلى بعد ماصلى قعد للساعه 7 قامت أمه وأبوه والجده سلم عليهم وطلع ركب سيارته وراح للجبيل والساعه 8 وصل الجبيل وراح بيت خاله ودق عليه جوال وفتح له خاله وقعد يسولف هو وخاله شوي وقال لخاله انه مانام ووده بفراش ينام فيه خاله والله نسيت حالي مع السوالف بس حقك علي وراح جاب لوليد فراش ونام الوليد... ريــم صحت بدري شافت الجوال وتذكرت سالفة البارح فنتحت الجوال ورجعت تقرأ الرسايل ثانيه...وفي العصر ابراهيم قال لـريــم انهم العصر بيردون لبيت أبوهم.. وبعد العصر سلمت ريــم على زوجة خالها ومانست تحضن ندوش وكانت شاريه لها هديه عروسه أعطتها اياه انبسطت فيها ندوش مرة وقالت لها عمو ليم كل يوم تعالي أنا احبك بث كل يوم ديبي لي علوثه ريــم: يالبكاشه والا مو كله حب فيني؟؟ وركبت ريــم السياره وراحوا لبيت أبوهم..وصلوا البيت...دخلت ريــم وراحت تركض لـ أمها وسلمت عليها وحبت راسها وسلمت على جدتها.. الجده: بنات الناس ما ينامون برى بيوت أهاليهن ديمـــه: بس ريــم نامت فبيت خالها وبيت خالها هو بيتها ؟؟ الجده: جب أنتي بلا طوالة لسان الحين راعية الشان ماحكت أنتي شلك؟؟ ديمـــه: طيب سوري ما أعودها الجده: لا لا لا لا لا ولا سوري ولا سعودي يرضون لبناتهم ينامون بره ديمـــه و لينـا و ريــم يضحكون بصوت منخفض بس فيــصل حب شوي يكمل اللعبه فيــصل: صدقتي والله يمه ولا سوري ولا بربري يخلون بناتهم يباتون بره الجده: صااااااااااااااااادق وليدي وبصوت واطي ( وشي ذا الجنسيه؟؟ ) فيــصل: يعني بربري>> هو كان يقصد بربري اللي كانوا ساكنين الأندس الجده: ايه صح البربري مايخلون بناتهم ينامون بره البيت بس النعيمي قلة حيا يخلون بناتهم يباتون بره فيصل:ههههههههههههههههههههههههههههههههههه بصوت عالي مو قادر يكتم ضحكته الجده: أقوم أصلي أبرك لي بس دق جوال فيــصل (( الوليــد يتصل بك )) تنحنح فيــصل وقال الوليــد أمداه يشتاق لي ؟ بس شكل االمكالمه مو لي.. شكله بيسأل عن ناس بالكون هذا بس ريم من سمعت اسم الوليــد وهي مو على هالكون وهي بعالم آآآآخر فيــصل: هلا بك الوليــد بصوت حزين : فيــصل تعال تكفى خذني؟؟ فيــصل: وشووووو إنت وين وين إنت الوليــد: بأول محطة بنزين تقابلك وإنت داخل الجبيل بس لا تدري ريــم أخاف تتروع فيــصل قام من عند البنات وقال : الوليــد وش فيك صوتك مو معجبني.. الوليــد: بيزوجوني بيزوجوني يا فيــصل بيغصبوني آخذ بنت خالي وملزمين علي مرة وبدأ الوليــد يبكي مثل البزران فيــصل: هونها يا أخوك مقدر يغصبك على شيء ماتبيه وأبوي مو مخليهم يغصبونك الوليــد: فيـ ... فيصـ ... فيصل أنا ما أبي آخذ غير ريــم فيــصل: وبتاخذها وأنا أخوك وش اللي يمنعك ما تاخذها؟؟بس إنت هد حالك وأنا كلها مسافة الطريق وبجيك هذي بركب الليموزين وبجيك... الوليــد: الله يعااااااافيك بس ريــم لا تدري فيــصل: وش اللي يخليها تدري؟؟ بس من سوأ حظ فيصل إن ريــم سمعت المكالمه من إلى وهي كانت متخبيه وتتسمع عليهم وعرفت كلش راحت تركض لغرفتها وقفلت على روحها وتمت تصيح صياح يكسر الخاطر ومارضت لأحد يدخل عليها وتحججت بأنها تعبااانه وبتنام .. فيــصل راح مع الليموزين للمكان الموجود فيه الوليــد وأعطى صاحب اللوميزين حقه ونزل بالمحطه تلفت يمين يسار مالقى سيارة الوليــد تم يناظر ويطالع قال لايكون سواها وركب سيارته وراح البيت؟؟ دق عليه ورد عليه الوليــد .. فيصل: وينك أنا في المحطه.. الوليــد: تلقاني عند البقاله.. فيــصل: ماكو أحد؟ الوليــد: إنت بأي محطه؟؟؟ فيــصل: بمحطة على الخط اسمها محطة الجبيل الوليــد: لا أنا بالمحطه اللي بعدها اصبر بحرك وبجيك.. فيــصل: لا وين تجي أنا بجيلك بالليموزين كاهو عندي مابعد عطيته حقه يالله باي بس. فيــصل ماكان يبغى الوليــد يسوق السيارة أبدا وهو بالحاله هذي وراح على رجوله لحد المحطه ومشى يجي 12م ووصل لقى سيارة الوليــد عند البقاله قرب من عندها وشاف الوليــد حاط راسه على الدريكسون خاف عليه طق على القزازه فتح الوليــد وهو يقول ويينك فيــصل تفاجأ بشكل الوليــد كانت عيونه مثل الجمر ووجهه أصفر نزل الوليــد وركب قدام وركب فيــصل مكان السايق.. فيــصل: ماتقول لي الحين شصاير الوليــد: فيــصل خالي مادق يسأل عني خالي دق علي عشان يزوجني بنت أخوه أنا قلت له ما أبيها لكن خالي حلف يمين اذا م أخذت البنت لا أنا ولدهم ولا هم يعرفوني .. حرك فيــصل السيارة وهو يقول لا حول ولا قوة الا بالله وقلبه يتقطع على الوليــد يكفي وجهه كان اللي مايعرف وجهه يعرف إنه فيه شيء باين بعيونه الحزن ووجهه الأشحب فاضحه.. الوليــد: شسوي يا فيــصل قل لي تكفى أنا ما أبي بنت خالي مو لأن شيء فيها بس لأن ريــم هي حبي الأول والأخير ولأني ماباخذ غيرها ولأني وعدتها مايفرقني عنها الا الموت فيــصل أنا ماابي آخذ غير ريــم وبكيف خوالي لو وش مايسوون ماباخذ غير ريــم فيــصل: تعوذ من ابليس ياولد الحلال وأنا بلقى لك حل بكلم أبوي و خل الكبار يحلونها لكن مايهون علي أشوفك بالحاله هذي.. وتم الوليــد يطالع مع الشباك ويناظر الرايح والجاي ودموعه ماوقفت..... هل الوليــد بينصاع لأوامر خواله وبياخذ بنت خاله؟؟ ويضحي بحبه لعيون خواله؟؟ أم أنه يضحي بخواله لعيون حبه؟؟ |
الله يا حليلك نزلتي جزء ثاني شكرااااااا لحظه بروح اقرا و ارجع
|
يا عمري الوليد رحمته عمى في احد يغصب احد على زواج
مشكورة غلاتي على البارت |
يؤؤؤؤؤؤؤ لالالالالا الا هالشي مانبيه
الوليد يتزوج غير ريم حرااااااااام بتموت ريم ان صار ان شاء الله مايفرق بينهم غير الموت ننتظر التكمله |
يالله حرام كنا حلوين ايش إلي قلب الموازين؟؟
والله بصيح عشان وليد و ريم ليش يصير كذا؟؟إن شاء الله إنهم لبعض وما رح يفترقون |
مشكورييين
بنوتاااااات على المرووووووور ان شااء الله بالجزء التالي تعرفوووووا كل شىء |
اقتباس:
لا ما اعتقد انه بيترك حبه الاول والاخير ريماااااااااااني:0023: علشان خواااله ،،، واول مره اسمع الرجال يتزوج غصب عنه :s13: << ليه ماله شخصيه ،،، <<<< أنقهرررررررررررت من حركات خاله الي مالها دااااااعي:017: ،،، وتسلمييييييين على الجزئين ،،، وننتظر باقي الاجزاء :pleasantr ،،، |
| الساعة الآن 05:08 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.