|
السلام عليكم و رحمة الله و بركاته عسى ما شار عشوقه ؟؟ ليش ما نزلتي جزء جديد صارلج يومين ما نزلتي جزء جديد عسى المانع يكون خير في حفظ الرحمن . . . وردة الرحمن :) |
بنااااااااات القصة انا ناقلتها من منتدى واتمنى انكم تسامحوني
على اني قلت اني مألفتها آسفة آسفة بس انتظروني وراح انزلها |
اقتباس:
صج عيل حاطه اسم وحده عضوه من المنتدى :p المهم ننتظر التكمله باسرع وقت =) |
ننتظرك يا ام الخيال الخصب..
مو مهم من تاليفج ولا لا المهم انج كاتبتها بالمنتدى انتي مو غيرج..>>>يعني مسامحينج.. مشكورة على الاعتراف.. الجذب ما يفيد ترى.. وننتظرج حبيبتي لا تطولين.. لون القمر.. |
http://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gif أهلاً مسموحه عاشقه كورنيليا بس المهم بليز نزلي الجزء اليديد بسرعه أوكي ؟ تحياتي http://img49.imageshack.us/img49/2694/052qz.gif دمعة الإمارات http://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gif |
السلام عليكم و رحمة الله و بركاته مسموحه يا عشوقه :) بس المهم بليز نزلي الجزء بسرعه في حفظ الرحمن . . . وردة الرحمن :) |
يلا الجزء بليييييييييييييييييييييييييييييييييييييييييييييييي ييييييييييييييييييييييييييييييييز
|
مشكوووورهـ أختي على القصة
الحلوووووهـ بنتظار جديدكـ دمتِـ يالغلا |
يالله يالغلا كمليها
مشكوره على النقل |
انا نزلت الاجزاء
وان شاء الله الليلة رح اقراها بس من كلام البنات عرفت انا غااوية مشكورة حبيبتي |
القصة رووووووووووووووعة
بانتظار باقي الأجزاء ^_^ |
عشوقة... مسموحة لانج اعترفتي هذا اهم من انج تقصي علينا
طبعا مسموحة و ننتظر البارت الجديد |
عشوووقه ..,, عسى ما شر وينـج ..,, ووين التكملـه .. اتمنى انج اتكملينها باقرب وقت =) |
وينج حبيبتي احنا في انتظارج..
لون القمر.. |
حبايبي انا باكمل بس البنت اللي في المنتدى الثاني ماكتبته
|
تلااني كملتها ....
انصدمت ! رحت فيها ! شلون ؟!؟ أنا قلت إن ويه اللي مع الشرطي بالسيارة مألوف .. وألحين عرفته ! أنا أعرفه بس اهو مايعرفني .. تسألون شلون ؟!؟ أقولكم .. بس قبل خلني أقعد .. فهد شافني لما كنت واقفة عند الباب وقال : لي لي ! تعالي قعدي ويانا .. قلت وأنا مترددة : انزين .. رحت قعدت مكاني .. أما طلال كان قاعد بينّا .. وبعد لف ويهه على صوب فهد وقاله : .. أوكي .. ايوا انكمل كلامنا وين وصلنا ؟ قاموا يتكلمون في نوع سيارة فهد ! والله مافهمت شي من كلامهم ! اتعرفون مالي بالسيايير كلش! يعني حتى ما سأل أنا منو .. يمكن فهد قال له لما رجعنا اهني .. كنت قاعدة سااااااااكتة بمكاني .. جني قطوة مسيكينة ! الشرطي اللي كان وياه من قبل مو موجود .. يمكن بس طلال نزل وقعد اهني .. صج ملقوف! بس ماقدر أسأل فهد ألحين شيسوي هاي اهني ...؟! طلال ضابط .. وأنا أعرفه من النت بس .. مو متأكدة بالضبط يمكن عمره 25 أووو .. مادري .. بس في العشرينات .. طبعا مافي شي بينّا كلش .. اهو مثل أخوي .. أما اهو ماعرف شنو يعتبرني بالضبط .. يقول إني مثل أخته .. بس أحس إنه يحس شي ثاااني اتجاهي .. اهو ماشافني كلش .. فأظن إنه ما عرفني .. مع إن فهد قال لي ( لي لي ) ! بس يمكن ماشك في شي .. اللي أعرف عنه إن اهو كان يحب وحدة لمدة ثمان سنوات !!! لكن بعدين مادري شنو صار بينهم .. وألحين يقول انها متزوجة وعندها ثلاث اعيال على ماظن ... صج إنه يبط الجبد ! فهد : ليلى ؟ ... ليلـــــى ! أنا : ها ها ! شنو ؟ فهد : اشفيج ؟!؟ أنا : لا ولا شي بس كنت سرحانة .. الضابط : هاذي ليلى ؟ اللي قلت عنها إنها أخت رفيجك ؟ فهد : ايوا .. الضابط : زين شتسوين اهني ؟ أنا : أنا ؟ امممم .. بس جذي تغيير جو ! الضابط : تغيير جو ؟ اها .. زين يا ليلى .. ليلى ... انتي اتدشين النت ؟ أنا : أنا ؟ أأأ .. حاليا لا .. ليش؟ الضابط : لا ولا شي .. بس أسأل .. كان يطالعني بطريقة غريبة .. وبعد كأنه يفكر .. ليكون يعرفني .. بس .. في بنات وايد أسمائهم ليلى .. فما أظن إنه بيعرفني .. يارب ما يعرفني ! مو ناقصة وهقة أنا ! فهد : الغدا بيخلص ألحين .. الضابط طلال : لااا مشكوووور والله .. على الريوق.. يللا انا أترخص ألحين .. قام وفهد قام وياه وطلعوا من الباب عشان يوصله لسيارته .. وأنا تنهدت ..وقلت : فيوووو .. زين إنه ما شك في شي .. وتميت قاعدة بمكاني اشوي .. ليما الخدامة دشت ويابت لي الغدا وحطت في مكان فهد بعد وراحت .. وأنا كليت اشوي وفهد دش وقعد مكانه .. قال :اشفيج ساكته ؟ أنا : لا مافيني شي .. فهد : أكيد ؟ أنا : أي.. بس شنو كان يسوي هاي اهني ؟ فهد : اممم .. بس أنا قلت لهم يتريقون عندنا .. لأن المركز وايد بعيد .. الشرطي قال إنه ما يبي لأنه تريق من قبل .. اما طلال الضابط ما كان عنده مانع فدش وتمينا انسولف اسوي وانتي راقدة .. أنا : اها .. كملت اشوية من الغدا لكن مو كله .. وقمت من مكاني وقلت له : أوكي .. أنا أخلصت مابي آكل بعد .. بروح أطلع بره اشوي .. فهد : ليش؟ .. لازم تاكلين وايد .. مو جنج هيكل عظمي ! أنا : لا بس مالي نفس .. وتحركت وطلعت من الباب علطول .. موب لأني زعلانة ولا شي .. بس انا مزاجيـــــــة! مرات أكون مستانسة وفجأة اتغير! الكل يشوفه كأنه عيب فيني .. بس أنا عاجبتني مزاجيتي! ايوا عاجبتني .. احسه شي يونيك! وانا رايحة للباب الرئيسي عشان أطلع للحديقة .. لأني تذكرت إني ما شفت شنو موجود بصوب اليسار من البيت .. لكن قبل ما أطلع .. انتبهت للباب اللي يودي حق مكتب فهد .. كان مفتوح .. عاد جا دور الفضول مرة ثانية ! رحت عند الباب وشفت ممر .. مشيت فيه وكان فيه مجموعة أبواب وتميت أفتحهم كلهم .. كان في غرف غريبة .. بس لما أفتح باب أشوف إنه مو المكتب أسكره .. ماقدر أستكشفهم كلهم مرة وحدة ! ليما حصلت باب المكتب .. ودشيت منه .. وشفت مكتب في نص الغرفة والستاير مسكرة .. فكانت ظلمة اشوي .. دورت على مفتاح الليت وبطلته .. وشفت لاب توب مفتوح عالمكتب .. قمت قعدت في كرسيه وقربت لنفسي اللاب توب .. كان مافي شي بس مفتوح هالشكل عالمكتب.. مادري شاللي خلاني أتعبث فيه ودشيت المستندات .. حصلت ملفات مكتوب عليها .. سجلات الوحوش ..! وكان في بعد ملفات كثيرة مثل هالسوالف .. وأنا أنزل تحت أكثر وأكثر .. وصلت لملف اسمه .. أشعاري ومذكراتي ! فله ! فهد يكتب أشعار؟ خلني أشوفه ! بطلت الملف .. وشفت مجموعة من الدفاتر والمذكرات وبرنامج الوورد .. فتحت على أول واحد وحصلت في صفحة الدفتر على عالمقطع >>>>>>>>>>>>>>>> ما يتوب القلب عنك لو يذوب يا عجيب الخلق عشقي لك عجيب لو نهو روحي عنك ما تتوب انت غيرك مابهالدنيا حبيب كل عمري من شروقه للغروب فدوة لك من شبابه للمشيب كان حبك عيب مرحبا بالعيوب ليت نفسي من عيوبك ما تطيب ما يتوب القلب عنك لو يذوب يا عجيب الخلق عشقي لك عجيب لو نهو روحي عنك ما تتوب انت غيرك مابهالدنيا حبيب كل عمري من شروقه للغروب فدوة لك من شبابه للمشيب كان حبك عيب مرحبا بالعيوب ليت نفسي من عيوبك ما تطيب <<<<<<<<< ........ .... شي حلو .. يعرف يكتب .. ! سكرتها ودشيت على واحد ثاني.. ..... (((((((( احبك يا امل عمر صعابي فــي لــقاه تلين نعش عيني على طيفك ليلة منــك ذكراها احــبك لو جرح طيفك شقا قلبي بلا تكـوين على صــوت اللقا قلبي بـحزن وفرح غناها احبــك تايــه معــها عــلى درب اللــقا اللين ولو للحب في دربك بــقايا جــروح اطـــاها احبــك فــعلا احبك 00احـبك مـالها تثمين بقاموس الهوى كلمة وفا واخلاص مبداها )))))))))))))))) .......... لاااا خلاص أنا بروح فيها ! سكرته وبعد فتحت دفتر ثالث ........... (جميع الحقوق محفوظة للهاكر اللي كتبه!) اممممممم ... بعد ما سكرته ولا أسمع صوت اريول حد ياي ! بسرعة سكرت المستندات وخليته مثل ما اهو من قبل وقمت ابسرعة ورحت لصوب الباب .. وطليت .. ولا طلعت الخدامة واهي تدش في غرفة غير ومعاها مجموعة شراشف! .. افففف! خرعتني كنت مندجمة وطيحت قلبي ببطني ! يوم سكرت باب الغرفة وهي داخلها .. قمت أنا طلعت من المكتب ورجعت للباب اللي دشيت منه ومن اهناك .. بدل ما أطلع للحديقة .. طلعت لغرفتي .. قعدت عالسرير وكان في يدي الجوال .. شفت قائمة الأسماء .. في منو أتصل؟ بدل ما أتصل في المها طرشت لها مسج وقلت لها فيها : .. اتصلي على مها رفيجتنا وقولي لها إني أسأل عنها .. وبعد انا كله أتصل عليها في البيت محد يرد ! .. لكن قوليلها أنا مشغولة اشوي فيمكن ما تصلها وايد .. وسويت إرسال .. صج إني كذابة ! كلش ما اتصلت فيها .. بس شسوي مالي نفس .. قمت من السرير ورحت عند الدريشة وفتحتها .. كان الهوا حار .. قمت خذيت وحدة من أزهار الياسمين الحلوة .. وتميت أشمها وأنا مسكرة عيوني .. فجأة الجوال يرن ! شفت منو ولا طلع فهد .. رديت واهو قال : لي لي ! وينج انتي مع ويهج الحلو! مو موجودة بالحديقة ؟ أنا : أنا فوق في غرفتي .. فهد : اها .. أوكي .. أنا بروح وبطلع بره مكان .. أنا : وين بتروح ؟ فهد : امم.. عند واحد بس بسوي شغلة اصغيرة وبرجع .. أوكي؟ أنا : أوكي .. فهد: أحبج ! .. أنا : مع السلامة .. فهد : مع السلامة.. وسكرت الجوال .. وقطيته عالسرير .. وأنا بعد قطيت نفسي عالسرير بإستسلام .. والياسمين ليحين معاي في يدي .. وسكرت عيوني .. وشوي شوي .. رحت أغوص في أفكاري .... أنا ليحين ماعرف شنو المفروض إني أسويه ! قاعدة هالشكل ومستانسة ! يعني ليش ما دورت على طريقة عشان أطلع من اهني ؟!؟ مع إني أم الخطط والاختراعات .. لكن ليحين مافكرت بشي .. يمكن لأني مابي أطلع ؟ ليش مابي أطلع ؟ .. يمكن لأني مابي أرجع .. لكن المشكلة .. إن مصايبي قامت تركض وراي اهني بعد ! شلون ؟!؟ .. يعني مافي مفر منها .. أول شي فهد .. بعدين تركي .. بعدين طلال ! ليكون فارس بعد يطلع لي بالصدفة في هالمكان !؟! مادري ليش ؟ .. يعني أنا بنت عادية .. بس يمكن بسبة شخصيتي! شخصيتي الملخبطة فوق بعض ! المتروسة تناقضات .. مفرفشة وكئيبة .. طيبة وشريرة .. مرحة وحزينة .. كبيرة وصغيرة بنفس الوقت .. واقعية وخيالية .. عاقلة و ساذجة .. أووووه في وايد ! ليش مايصير شخص واحد بس يختارني وأختاره .. بدل ما أروح أي مكان لازم في حد ينتبه لي ويلصق فيني ! يمكن عشان جذي قبل فترة كنت ما أطلع وايد من البيت .. مع إني بيتوتية من بداية .. لكن هذيك الفترة كنت ماطلع كلش .. عشان ما ألتقي بحد ثاني .. ممكن يزيد الطين بلة ! بعد ماقدر أتصرف بفظاظة معاهم .. يمكن يزعلون ! دايما أقول مع الوقت بعرف أختار مين .. وبقارن بينهم وبشوف يمكن اتنط فكرة جهنمية براسي ! فهد .. واااااحد خطفني ! (لا يا شيخة ! ) انزين .. مع إنه خطفني بس يللا يكسر الخاطر مع عيونه الحزينة ! .. لكن ليحين غامض بالنسبة لي .. ليحين ماعرفه .. ليحين ماعرف شخصيته عدل .. يمكن يطلع شي ثاني! غير عن اللي تخيلته .. ما يندرى .. بس أنا ماشك في حبه .. لأن شفت شنو كان كاتب .. ليحين تتردد الأبيات في راسي .. أظن إن اهو مشاعره أقوى شي من بين الكل .. لكن ليحين .. ماعرف شلون أقول الكلمة الصح .. اللي أحسه اتجاهه يمكن بس اعجاب ! .. ايوا صح ! أنا ليحين ماحب حد كلش .. يمكن بس اعجاب .. ويختفي مع الوقت .. أنا اللي أشوفه إنه ما يتعامل مع البقية مثل ما يتعامل معاي .. شكلي أنا ماخذه الاهتمام كله لأنه يحبني .. لكن ايش لو في يوم من الأيام حبه .. اختفى ؟!؟ لكن أحسه اهو يفهمني لأنه من بلدي .. يعني .. ماعرف .. بس بعطيه فرصة ليما أعرفه عدل ..وبعدين بشوف .. تركي .. عاد هاي مو اعجاب بعد ! يمكن اهو يتوهم إنه يحبني .. أحس اللي يهتم فيه المصلحة ! .. يعني العواطف بالنسبة له بالدرجة الثانية .. واهو من النوع اللي مستحيل أحبه .. مايصير واحد يهتم بشي غيري أنا بالدرجة الأولى ! خخخخخ .. يعني هاي شايلته من القائمة من بداية ! يعني اهو ماحبه ولا أنجذب له .. يمكن بس صداقة بينّا .. لا أكثر .. وأنا متأكدة إنه مايحبني بعد .. لكن أنا لازم أوضح له عشان اهو يفهم .. وبقوله .. قريب .. طلال .. عاد هاي مادري اشسالفته ! .. معقد ! .. يعني يوم عرفت إنه ضابط و عمره يمكن فوق الـ 25 سنة .. و بعد إنه كان يحب وحدة ثمان اسنين ! .. خلاص أنا تطمنت وارتحت .. وقلت لا .. لا يمكن إنه يحبني أصلا .. فإعتبرته مثل أخوي طبعا .. وهاذي ماعرفه من مدة طويلة أقل من سنة أظن .. لكن قبل كم شهر .. بديت أشك ! .. أقول ليكون هاي بعد يحبني .. لأن بدا يتكلم كلام غير عن المرات اللي فاتوا ! .. طبعا تخرعت لأني مابي أزيد عالقائمة اللي عندي ! قائمة ضحاياي ! اللي من غير قصد مني أكسر قلوبهم ! ويوم أروح أسأل ليش؟ يفاجأوني بأنهم بأنهم كانوا يعتبروني أكثر من صديقة ! وحاولت أقسى اشوي .. عشان يمكن اهو بعد يتوهم إني أحبه أو إن اهو يحبني .. فأحاول أصحيه عالواقع ..وهو تفاجأ يوم عرف إن لي أصدقاااء غيره .. عباله إني ماعرفه إلا اهو .. لا وبعد وصار يعتبرني خاينة ! .. ليش؟ أنا ليحين ماحبيت حد ! أصدقائي اهما أصدقائي وبس .. أما عن شخصيته .. اهو مثل رجل الكهف ! لازم وحدة تركض وراه .. عاد طبعا مو أنا .. أنا ماركض ورا حد .. أنا يركضون وراي ! << ثقة زايدة هع هع .. وبعد .. ماعرف شقول أكثر عنه .. يعني بس تخيلوا ريّال زمان أول .. أما ألحين اللي عندنا . . اهما أطفال النيدو ! فارس .. هذا اللي أعرفه من سنتين أو أكثر .. أظن إني ذكرت إنه ساذج .. وللأسف أحيانا يتصرف مثل اليهال ! .. هاي اهو الشي اللي يبط جبدي فيه ! .. أحاول أكبره .. لكن ماقدر ! عاد فارس لأني أعرفه من سنوات .. أحس إنه اهو أقرب واحد لي منهم .. مع إن ما شاركت وياه أحزاني .. ومشكلته بعد .. إنه يغاااااااااار ! أخاف أقوله على سالفة مثلا وتتعلق في واحد .. يقوم يعصب ويقوم ويقعد الدنيا فوق تحت ! عشان جذي احتياطا ما أذكر أي سالفة ممكن تستفزه ولا تقهره من بداية .. وهالشكل أحس إني بنيت مثل طوفة بيني وبينه ماقدر أقوله شي في خاطري .. أظن إني لو كسرت هالطوفة عقب أقدر أحب واحد مثله .. مع إني أحب ألعوزه (أزعجه ) واااايد .. وأقعد أستفزه لكن عقب لما يعصب أهديه وأضحك وأقوله إني أتغشمر وألعب معاه بس .. وحتى إني مرات أختبره .. أشوفه تغير ولا لا .. مثلا أقوله على سالفة صجية صارت لي .. ويوم يعصب ويتنرفز ويقعد يلومني.. ليش سويتي وليش وليييش وليش اهووو ومادري شنوووو .. أتضايق وأجذب عليه وأقوله لا ماصار شي بس كنت أتغشمر ! .. يعني لين متى بيتصرف هالشكل .. وبعد تذكرت شي ! .. اهو يموووووووووووووووووووووووووووت في شي اسمه أطفاااال ! دايما أضحك عليه وأقوله أكيد أبوة مبكرة ! .. أما أنا كلش كلش مادانيهم ! وهالشي يعصبه .. دايما يعطيني محاضرات ويقول ايش لو تزوجتي وايش وايش وبعدين زوجج يبي اعيااال ! << على فكرة اهو مهووس بسالفة اسمها زواج ! وأعرف ليش .. لأن اكتشفت من سنة أو أكثر إنه يبي يخطبني ! بس أنا سويت نفسي ماعرف .. مثل ما سويت نفسي ماعرف إنه يحبني .. لأني أبيه يعترف لي بنفسه .. لكن أول اهو يبي يخلص دراسته ويصير مهندس .. عالأقل عنده طموح .. أما سالفة شلون عرفت .. هاي عرفته من النت يوم كنت أكلم خواته ووحدة من خواته عندها رفيجة .. عاد مادري شلون خطتي مشت عليه بنجاح! لأن سويت نفسي رفيجة اخته وهو يقول كل شي لها ! اهي أكبر منه ومرات قبل كان يقول لها على سوالفه ومواقفه .. وكان يقول لها عني وإنه يحبني ويبي يخطبني ! عاد أنا انصدمت .. لكني كملت التمثيلية وبعد كنت أسوي نفسي رفيجة أخته كم مرة .. ولحد ألحين مايعرف إني سويت هالشكل ! .. يمكن في يوم من الأيام بقوله ! ويوم يعطيني محاضراته اللي أهاوشه من بعدها .. وأزفه وأقوله كم مرة قلت لك لا تقول لي ! وبعد تو الناس عالزواج ! بدري!.. يووووووه حتى سالفة الطبخ باط جبدي فيها .. أعرف أسوي حلويات ومعجنات وهالسوالف .. لكن المشكلة ماعرف أسوي الأكلات الرئيسية ! .. وكنت مرتاحة.. ليما قام يقول لي زوجج ومادري شنووو وشنو بتطبخين له ! << أدري يقصد نفسه بس ما يقدر يقول ! خخخخ عاد أنا أعرفه وعقب أقعد ألعوزه وأقوله أحسن خله يطلب من مطعم ولا بييب خدامتين ولا بطبخ ولا بسوي شي .. وأطالعه من طرف عيني أشوف شيصير فيه هههههه .. بس بعديـــــــن اهديه وأقوله لا تخاف بتعلم بعدين .. بس بعد يقعد يترزز ويقول لا تعلمي من ألحين ! وبعــــــــــــد أهاوشه وأقوله بدري ! تو النااااااس! بعديــــــــــن .. لكن من كثر ما بط جبدي تعقدت منه .. كلما أروح السوق وأشوف كتاب طبخ .. أشتريه ! لكنه من بلد ثاني ومن بيئة غير أحسه ما يفهمني عدل.. طبعا مثل ما قلت فارس أعرفه من زمان فأعرف عنه وايد .. فيصل .. ماذكرته من قبل .. لكن لا تخافون .. هاي مو واحد من قائمة ضحاياي اللي يحبوني .. هاي صديــــــــق لا أكثر .. امتين اشوي .. وأحسه يسمعني أكثر من رفيجاتي .. لأني أقوله على كــــــــــــــــــــــــــــل شي يصير لي .. ومن بينهم هالسوالف اللي أنا طايحة فيهم .. أما اهو ما يقدم لي حلول .. لكنه عالأقل يسمعني ومرات يضحك علي! لكن ماعرفه من مدة طويلة .. فأنا استغربت من نفسي إني ممكن أقول لشخص عن نفسي وأنا ماعرفته إلا من مدة اقصيرة .. مع إني واااااااااااااااايد كتووووومة ! بعد الجولة المنعشة اللي خذتها في ضواحي شرايين مخي ! بطلت عيوني وقمت من السرير وقعدت أتمغط اشوية .. وأشوف النور القوي اللي داش من الدريشة .. أسكر عيوني اشوية وأحاول أعودهم على النور .. وتذكرت ! إني ليحين ما شفت صوب اليسار من القصر .. فقلت يللا .. ألحين بشوف شنو اهناك أول ما طلعت من الباب الرئيسي رحت لصوب اليسار ومريت في المربعات ورحت وراهم على جنب القصر وشفت بيت زجاجي انعكاس الشمس القوي عليه مخليه وايد حلو ومضوي .. قلت يمكن نفس البيوت الزجاجية اللي يزرعون فيها .. لكن لما دشيته حصلت فيه مسبح ! داخل أحلى من بره .. المسبح في النص وانعكاس السما على الماي كان خيالي كأن قطعة من السما موجودة على الأرض وكان ودي في هالجو لو أقط نفسي بالماي! لكن المشكلة إني ماعرف أسبح عدل ..للأسف ياريت لو كان أقدر أسبح .. لكن المسبح عميق اشوي .. ايش لو ماقدرت أتم عالسطح وغرقت ؟!؟ بس قلت يللا وشجعت نفسي .. أصلا السباحة شكلها سهل ! أكيد بقدر أطير داخل الماي ! وعلى جنب المسبح كان في طاولة وكان عليها مجموعة ملابس سباحة..شفتها لما أول ما دشيت من الباب .. شفت عالطاولة ملابس رجالية .. وجنبها ملابس .. كأنها .. لي أنا؟ لا شكله مسوي حسابه .. الغرفة فيها ملابس لي والمسبح بعد .. زين بعد ! عاد قلت بقعد أطق هالمشواااار كله لداخل البيت عشان ألبس وأرجع مرة ثااانية ؟!؟ خلني ألبس اهني ! أصلا مافي حد .. طالعت يمين ويسار وحوالي .. مافي حد .. ابسرعة لبست شورت وتي _شيرت وحطيت ملابسي عالطاولة ورحت عند المسبح .. وتميت أطالع في الماي .. وخذيت كم نفس طويل وأول ما نطيت بالماي حبست أنفاسي .. وقمت أحرك ايديني وريولي .. لا صج الغوص سهل ! .. بهالكم نفس اللي حابستهم قمت ألف وأدور بالماي الصافي .. كأني أطير! إحساس حلو .. أحي الطيران .. لكن طبعا مو بالطيارة .. دايما كنت أتخيل إني أطير في السما بدون أجنحة .. وعشان جذي أحب لو كنت أقدر أسبح عشانه يشبه الطيران في السما الزرقة .. وأنا مستانسة .. قامت أنفاسي اتخلص فكنت أبي أروح عالسطح عشان آخذ كم نفس وأدش مرة ثانية .. عاد ألحين انا في القاع .. أبي أطلع فوق .. ماقدر! امبــــــــــــــــــــيــــــيـــــيــــــيــــــ يــه ! ماقدر أطلع فوق ! حاولت أحرك ايديني وريولي ولا اهي راضية اتوديني فوق ! أوه لا ! أحس إني بختنق ! كلما أوصل اشوية فوق أقوم أنزل مرة ثانية .. كأني ثابتة بمكاني ولا قادرة أوصل فوق .. تحياتي عشششووووقه :angel: |
واااااااااااو امبييه الجزء عجيب طوويل ..,, روووووعــه ..,, تسلمين والله عشووقه ومسكينه شكلها بتغرق وتموت لوووول :p المهم ننتظر التكمله باسرع وقت =) |
يلا راح اقراء بعدين
مشكوررره |
مشـــــــــــكورهـ ..
وبنتظـــار التكــمله .. |
السلام عليكم و رحمة الله و بركاته شخبارج اختي عشوقه ؟؟ مشكورة على الجزء الحلو و الطويل :) و الله يعطيج العافيه :) مسكينه شكلها بتغرق :0023: بس يمكن فهد يطلع مثل كل مره :s13: في حفظ الرحمن . . . وردة الرحمن :) |
قصة رائعة وخاصة أنها من تأليفك
وفقك الله إلى تأليف المزيد الماء الصافي |
يعطيج العافية ع التكملة
و بانتظار باقي الأجزاء ^_^ |
آه قلبي آه !
يا بنت النااااااااااااااس !
الصراحة ماعرف شقول لج ! أقولج مشكورة !؟! أقولج يعطيج العافية ؟!؟ أقولج وشو قوليلي !؟! وعلى شنوووووو؟!؟ لأنج بقتي قصتي ؟!؟ أبي أعرف إنتي كم عمرج شكلج بنت اصغيرة ! لأن وحدة عاقلة ما تسوي اللي سويتيه انتي ! السالفة وما فيها إني قاعدة أكتب القصة وعلى راحتي ومستانسة لأن الكل عاجبته روايتي ! ولا تجيني رسالة من بنت في منتداي وتقول لي وتصدمني ان في بنت ناقلة قصتي ! قلت معلي .. يمكن عجبتها ونقلتهااااا ! لكن ردت علي وقالت إنج نسبتي القصة لنفسج ! الصراحة انصدمت ! ما تخيلت وحدة اتسوي هالشكل .. من سمعت الخبر .. وأنا قلبي يعورني .. والله إن قلبي يعورني أحسه انفطر .. قاعد يحترق .. لو قلتي عالأقل انج ناقلتها .. جان قلت معلي .. لكن تفاجأت .. وأحس اشوي وبصيح لأن وحدة بنت سوت هالشكل .. لا وبعد بنت في منتدى من سنوااات كنت مشتركة فيه .. لكني اختفيت .. وما كنت أروح إلا منتدى واحد .. في هالمنتدى الحلو ماعرف ان صار في بنات جذي .. ممكن يبوقون قصص الناااس .. وببرووووودة وبدون ما يقولون إنهم ناقلينها والله انج حرقتي قلبي .. آه قلبي آه .. يعورني كأن عمره ما تعور هالشكل .. لاااا وبعد اللي يقهر زيادة إن الكل مصدقج ! وبعد يقولون لج ماشالله على الخيااال ! مشكووورة ! ومتابعين وياج والله إني شفقت عليهم ! انتي ماتعرفين ان في رب فوقج يطالع اللي تسوينه؟ لو اتخافين ربج جان ما سويتي هالشكل .. ولو ألحين بكلامي عقلتي يا صغيرة جان أسامحج .. لكني أقولج لو قلبي وقف ما تلومين إلا نفسج .. لكن أول مرة ماقدر أسامح .. وبكلم الادارة ان شالله لأني ماقدر أستحمل وحدة اتسوي جذي ..:0023: ولو بعد ما صدقتوني .. دشوا رابط المنتدى اللي فيه قصتي .. وشوفوا قصتي وردودي اتبين إني كاتبة القصة! www.3bnat.com مع السلامة ..الله يهديج بس .. آه قلبي آه ! |
لا تعليييييييييييييييييييييق <<< منصدمه
اوكي حبيبتي ( صاحبه القصه ) ... حطي رابط قصتج اهني |
عشوقـ انتيـ تسوينـ كذا حرامـ عليكـ هذا تعبـ’’ غيركـ
وصدقيني لو تجربيـ’’ تكتبيـ قصه من تأليفكـ كانـ نجحتيـ’’’ فيهـا وشكـرا لكـ اختيـ’’ بنت باقت قصتي ! وبصراحهت لو انـا مكانكـ عملتـ اكثـر،,,, ما اقول الا الله يسامحج ياعشوقـ’’’ ولاتزعليـ من كلميـ الحق ينقالـ’’’ بايوو |
أنا وصلت لي رسالتج الخاصة وفيها إعتذارج..
أنا شفت ردج إنج اعترفتي .. لكن أنا أظن إن البنت اللي اسمها صفينازطرشت لج رسالة وكلمتج .. ولا جان ما اعترفتي أصلا .. لكن أخيــرا أنا بسامحج .. لأن أصلا الدنيا ما تسوى .. مع السلامة |
اه لو سمحتو بتكملون القصة ولا لاء ؟؟؟؟ تحمست ابي اعرف وش بيصير :(
|
انـا انصحـ’’’ ان الموضوعـ يحذف ويعاد كتابة القصهـ مرهـ اخرى تحت اشرافـ الاخت كاتبة القصه (وحده باقت قصتي!)
بيكونـ افضلـ’’’ |
لا خلاص مو مشكلة ..
تقدر عاشقة اتكمل لكم القصة .. عشان خاطر البنات يبون يكملونها .. :006: أنا ماقدر أطرش رسايل خاصة فتقدرون اتطرشون لها عشان اتعرف ان تقدر اتكمل القصة ..b:7 أما إذا ماتبي اتكمل القصة .. على راحتها .. تقدرون اتروحون هالموقع .. www.3bnat.com لكن عشان اتشوفون أي موضوع لازم اتكونون مسجلين .. سجلوا وبعدين روحوا قسم القصص وبتشوفون قصتي موجودة.. :char0248 ومشكورين على إعجابكم حبوبات :) |
السلام عليكم بنوتات
شلونكم؟ شخباركم ؟انشالله بخير وسلامه انا راح اكمل لكم القصه وانشالله تنال على اعجابكم |
http://www.3bnat.com/vb/uploaded/10521_1156404813.gif
أووووه اشبسوي .. خلاص ماقدر .. أحس الدنيا اتظلم .. راسي يعورني .. كنت بشهق .. بس أحس في شي يشدني .. كأنه ماسك تي _ شيرتي وقاعدة أنشد لفوق ! لما طلع راسي من الماي .. أحس إني دايخة .. قاعدة أشوف لكن مو واضح اللي أشوفه .. أحس راسي بينفجر .. ولا فجأة قمت أكح .. واشوية ماي طلع من خشمي وع! .. لكن مادري شلون .. اغمى علي من بعدها .. http://www.3bnat.com/vb/uploaded/10521_1156404813.gif سمعت صوت حد يناديني من بعيد .. لكن هاي مو صوت فهد .. صوت .. يشبه صوت .. أول ما فتحت عيوني وأنا ليحين أحس فيني غصة وأكح على خفيف .. شفت الفلبيني ! أنا : أوووه .. اشتبي انت ؟! تركي : شو؟ تغرقين يالغبية وبعدين لما أطلعج اتقوليلي اشتبي؟!؟ أنا : شنو ؟!؟ من قال إني أغرق ؟! تركي : زين زين .. بلا كلام فاضي .. يللا عالأقل اشكريني ! أنا : روووووووح زين لا تحلم ! .. كح ! تركي : لا والله !؟ حط ايدينه على اكتوفي وقعد يهززني بخفة ويقول : يللا عاااد قولي شكرا .. ولا .. أنا : ولا شنو !؟ تركي : ولا ... بقطج بالماي ! ودزني على ورا وأنا طحت بالماي ! قبل ما أروح كلش تحت قام مسكني من ايدي وشدني وطلع راسي .. وقال: هااا ! بتشكريني ولا شلون ؟!؟ وأنا انفجرت بويهه : يالغبي ! مع ويهك ! يالفلبيني ! اتقطني بالماي ! هااا ! توك مطلعني ! شلون تتجرأ !؟ تركي : هيييييه بس عاد .. خلاص حتى كلمة شكرا ما تقولينها لي ؟ .. واهو ماسك ايدي وأنا ليحين بالماي .. شديت ايدي من ايده وطلعت بره المسبح وقلت له وأنا معصبة : لا ! ماني قايلة لك زيـــــــــن! وأنا حالتي حالة .. الماي يقطر مني وشوية دايخة ليحين وبعد طلع لي هاي ! وهو يطالعني كسر خاطري .. فكرت وقلت خلاص بقوله : ... شكرا .. تركي : ها ؟ شنو؟ ما سمعت ؟ أنا : انت سمعتني مو لازم أعيد كلامي .. ورافعة حاجب. تركي : خلااااص يالعنيدة .. مابنقول لج شي. بعدين أنا توني بروح وأبي أطلع ولا اهو يركض وايي جدامي ويقول : هيييي لحظة لحظة وين رايحة بهالسرعة ؟! أنا : داشة داخل يعني وين بروووح! تركي : زين .. شوفي أنا ساعدتج ولا جان ما طلعتي أصلا من الماي .. وأبي طلب اصغيروووووون ! أنا : لا والله ؟! وشنو هالطلب ياترى ؟ تركي : اممممم .. مادري .. بفكر .. أنا : خلاص عيل ليما اتفكر أنا بدش داش .. ومشيت أبي أطلع من الباب ولا بسرعة يوقف جدامي ويقول : خلاص خلاص ! عرفت شنو أبي ! أنا : زين يللا فكنا وقووول ! تركي : زين ليش مستعيلة ؟! أنا : بتقول ولا شلون ولا أطلع ؟! ترك : أوووكي أووووووكي بقوووول.. أبيج تطلعين وياي انروح المطعم ! أنا : شنوو شنوووو؟ مطعم ؟! شنسوي مناك؟ تركي : غبية انتي !؟ يعني الناس شيسوون بالمطاعم ؟! ياكلووووون يااالسحلية ! أنا : لا؟! ومن قال لك إني بروووح وياك ؟!؟ تركي : أي بتروحين ! أنا : لا؟ وبعد واثق! تركي : يللا عاااد .. أبي أروح وياج ابروحي لأني أبي أكلمج في سالفة مهمة ! أنا : وشنو هاي السالفة ؟ تركي : انتي تعالي معاي وبقولج ! أنا : لا قول لي ألحين ولا ماني رايحة ! تركي : أووووه انتي ليش عنيدة جذي .. أبي أقولج سالفة بدون ما حد يزعجنا .. ولا يقاطعنا ! فيها شي يعني!؟ أنا : من قصدك يقاطعك ؟ فهد يعني ؟! تركي : اممم .. لا .. تقريبا .. مادري .. ماعرف .. لالا .. أنا : يووووه .. ترى أنا مبللة وأبي أغير ملابسي .. عطنا جملة مفيدة وفكنااا ! تركي : زين يللا عاد وافقي .. يللا .. ما باكلج ! أنا : ههااااي .. ماني راااايحة ! وطلعت له الساني ! قام مسكني مرة ثانية ووداني جنب المسبح وأنا أصارخ عليه : لااااااااا لاااااا لا تقطنيييييييي ! وهو قاعد يشدني ويقول : ها بتروحين ولا أقطج مرة ثانية !؟ أنا : خلاص خلاص ! بروح وياك ! بعدين هدني واهو شاق الويه بابتسامة وانا معصبة خاطري أكفخه ! تركي : أي أحسن بدل ما تقولين لا علطول .. يللا عيل أنا بنطرج داخل .. أنا قلت : أوكي لحظة آخذ ملابسي اللي عالطاولة ! اف ! رحت عند الطاولة وشليت ملابسي وأول ما بطلت الباب ولا مت من البرد ! .. مع إن الهوا كان حار لكني كنت مبللة فإستبردت .. وما اهتميت تركي وراي ولا لا وأنا ركضت علطول عند الباب الرئيسي عشان الهوا ما يضربني .. ومن اهناك رحت حق غرفتي أبدل ملابسي وأنشف عمري .. http://www.3bnat.com/vb/uploaded/10521_1156404813.gif اف اف اففففففففففف! غيرت ملابسي حق الطلعة مع تركي .. بس مادري إذا فهد بيوافق ولا لا؟!؟ مسكت جوالي واتصلت في رقمه اللي مخزن داخل .. أنا : ألوووو؟ فهد : هلا عنوني ! شخبارج ؟! أنا : تمام .. شوف أنااا .. أأأ .. تركي كان .. والمسبح .. الماي .. ووو أنا .. فهد : هههه اشفيج .. ركبي جملة .. اشصار؟ صار شي حق لي لي قلبي؟!؟ أنا : أأأ .. لالا ماصار شي بس .. أأ .. بس اتصلت أتطمن عليك ! فهد : صج ؟! يااي ! أي أنا الحمدلله تمام مشتاق حق لي لي الحلوة ! أنا : ايه .. زين .. أوكي .. بسكر ألحين .. فهد : ليش ؟ .. بهالسرعة وين شاردة ؟ أنا : أشرد ؟ من قال أشرد ؟ لالا اشدعوة ؟! بس برووح .. امممم .. المسبح ! فهد : اهاا ! .. شفتيه عيل .. عيل أوكي ..بهدج تستانسين .. أنا : أوكي مع السلامة .. فهد : مع السلامة عنوني ! سكرت الجوال .. وقلت أكيد ما راح يوافق أدري أنا .. بس اهو يمكن يرجع بدري .. وما يحصلني .. خلاص مو مشكلة .. أكيد ما بيعصب علي .. وأنا برجع حتى قبل ما يرجع اهو .. يمكن .. خذيت الجوال معاي وطلعت من الغرفة ونزلت تحت وحصلت تركي واقف تحت .. أنا : أوكي يللا .. بس لازم أرجع بدري .. تركي : ليش ؟ أنا : بس جذي بكون مشغولة لأني .. تركي : أوكي عيل .. يللا نمشي .. طلعت وياه لسيارته وعقب دشينا داخل واهو مشى سيارته وطلعنا بره البوابة الحديدية .. كنا نمشي بالشارع وامبين إن هالمنطقة مهجورة مافيها غير يمكن هالقصر والباقي فااااضي .. أطالع حوالي .. مافي شي مألوف .. عيل شلون بعرف أنا وين ؟ أنا : تركي ؟ تركي : ها؟ أنا : احنا بالخور ولا وين .؟ تركي : لا .. بس الخور اقريب من اهني .. ماقدر أسأله عن اسم هالمنطقة ولا اهو بيصيدني ويقول ليش اشدعوة ياية اهني وما تعرفين اسم المنطقة اللي فيها قصر فهد ؟ وبعد ماقدر أقوله إني مخطوفة ولا بيسويها سالفة اكبيرة ويوهقني زيادة ! أنا : زين متى بنوصل هالمطعم ؟ .. تركي : شكلج متمللة .. بنوصل بعد أقل من ساعة لأن هالمنطقة ابعيدة اشوي .. خلني أشغل لج أغنية ! أنا : أوووف هاي وقت أغاني يعني ؟ تركي : لالا بتعجبج .. وحط سي دي وشغل أغنية انجليزية .. اسمها على ما أظن ..un break my heart بعد ما سمعتها .. قلت : اممم .. يعني حلوة وحزينة اشوي ... تركي : أي وايد .. طيب شوفي هالأغنية .. أنا : لالا خلاص ! مالي نفسي أسمع بعد .. تركي : يللا عاد .. سمعي شي حلو .. أنا : لاااا قلت لاااا مابي أسمع ! تركي : بل بل ! اشوي اشوي عاد لاتعصبين علينا ! خلاص ماني مشغل كلش زيـــــــــن؟! أنا : أي أحسن .. وتمينا طول الطريج نتهاوش ونزعج بعض ! ليما وصلنا لمطعم في منطقة امبين إنها زحمة اشوي .. جنبنا البحر .. وفي شاليهات على ما أظن .. ونزلنا من السيارة وعلطول دشينا المطعم وقعدنا على طاولة .. واهو طلب عصير برتقال لي وله .. وقال : أول شي خلني اقولج السالفة .. وعقب نطلب .. أوكي ؟ أنا : أوكي .. بين كل طاولة في حاجز زجاجي معتم اشوية .. لكن يبين منه اشوي لكن مو واضح لهالدرجة .. وبدا تركي يتكلم في سالفته الخطيرة ! http://www.3bnat.com/vb/uploaded/10521_1156404813.gif |
تركي : ليلى ؟ ماعرف شلون أقولج هالرمسة .. أنا .. مادري يعني أنا ..
أنا : وقف وقف .. أنا أعرف إنت اشبتقول. تركي : اتعرفين ؟ مثل شنو ؟ قلت في خاطري يارب يكون نفس اللي في بالي! عشان ما أتفشل خخخخ ! أنا : بتقول لي شي مثل .. امممم .. انك اتحبني ؟! تركي : ايوا ! ذكية إنتي! أنا : هههه ألحين قبل اشوي اتقول لي غبية !و ألحين ذكية !؟ تركي : بس جذي أقول يعني ! زين بسألج .. أنا : اسأل.. تركي : إنتي ... إإإ .. اتحبيني بعد صح ؟ أنا : ياريت لو مازعلك .. لكن اذا تبي الصراحة .. أنا أحبك حب عادي مثل صديق لكن مو الحب اللي في بالك .. تركي : افاا .. حطمتيني .. لكن مقبولة منج .. بس ليش ماتحبيني؟!؟ وفي هاللحظة جواله بدا يرن .. تركي : يووه هاي ألحين تتصل ؟!؟ قام صك الجوال ! أنا : .. زين خلني أسألك .. انت أكيد تطلع مع البنات .. أنا أحس إنك من هالنوع ..صح؟ تركي : ايوا .. أنا : تقريبا كم بنت ؟!؟ تركي : اممم .. مادري يمكن 13 أو 14 .. أنا : باااااااال ! كل هاي تطلع وياهم !؟ تركي : أي .. ليش اشفيج ..؟ أنا : لا ولا شي سلامتك ! تركي : زين قوليلي انتي اتحبيني صح ؟ لا تقصين علي .. أنا : لا يا تركي .. أنا أحبك مثل أي واحد مثل صديق .. لكن ماحبك نفس الحب اللي انت تبيه من كل هالبنات .. أنا مو نفسهم .. أقعد أحب كل من حب ودب .. تركي : أي أكيد انتي مو نفسهم .. انتي احسج غريبة .. اهما مايسوونج .. أنا : كلش عااد ! .. بلا كلام فاضي .. ليش ما رديت على اللي اتصل ؟! تركي : ليش أكلم وحدة من البنات إذا انا قاعد مع شيختهم ؟!؟ أنا : هههه .. أوكي .. زين انت تبي حد يحبك .. اطلع وياهم .. اشتبي فيني أنا .. أكيد اهما أحلى مني .. تركي : اهما مايسوون ظفر منج .. اهما بس شكل .. أنا أبيج انتي اتحبيني ! أنا : وليش أنا ؟!؟ تركي : مادري .. يعني .. أنا : شنو ماتدري ؟!؟ يعني بس هالشكل شفتني غير قمت قلت إنك بتجرب تطلع معاي بعد ؟! تركي : لالا مو جذي .. بس .. أنا أحس إنج اقرب لي منهم .. أنا : ليش أقرب؟ تركي : لأن اهما كله يقعدون يتكلمون عن أشيا فاضية .. الممثلين .. المسلسلات .. الهدايا .. أما انتي تتكلمين كان عمرج 20 سنة أو أكبر ! أنا : أي بعتبره إطراء ! تركي : خخخ .. يعني حتى لما ييت عندكم في قصر فهد .. تتذكرين يوم قلت لج عن رمسة عيلتي .. وعن مشاكلي وهاي لما فهد كان سرحان بجواله .. انتي تفهمتيني .. ويمكن احسج أقرب لأني شاركتج همومي .. أنا : أي بس انت تتوهم إنك اتحبني .. وأنا متأكدة .. مع إنك يمكن ماتعترف بهالشي .. تركي : لالا ! أنا ماتوهم .. انا أحبج صج ! أنا : اف ! قلت لك إنك ماتحبني ! .. لا تقعد اتقول كلام عكس كلامي .. وخاصة لما أكون عارفة اللي أقوله ! وبعد .. أنا عرفت شخصيتك .. أنا بقولك ليش انت تقول لي إنك اتحبني .. لأن لما قلت لي سالفة عيلتك .. اتقول إن محد يحبك ولا يهتم فيك .. ولا يعتبرونك موجود .. عشان جذي تطلع مع بنات اشكثر عشان يمكت اتملي هالفراغ اللي فيك .. نقص الحب .. وتبي حد يحبك واتحبه .. لكن هالشخص ماراح يكون أنا .. لأنك إنت بعدين بتكتشف إنك أصلا ماتحبني .. ممكن تعتبرني قريبة لكن إنت من النوع اللي يخلي المصلحة بالمركز الأول والعاطفة بالمركز الثاني .. وأنا مو ممكن حد يحطني بالمركز الثاني ! ولا انت من النوع اللي انا ممكن أحبه .. أكيد اعتبرك صديق لكن مو أكثر من جذي .. تركي : .. امممم .. بس وين بحصل هالبنت .. انا أحس إنج اهي .. أنا : شوف عاد .. أنا زمان كله كنت أدور على رفيجة قريبة مني ممكن أقولها على مشاكلي واتقول لي أنا .. لكن تعبت وانا أدور ولا حصلت .. تميت سنوات وانا ادور .. حتى وصلت لنقطة إني قلت إني ماراح أحصل أبدا .. احسنلي أستسلم .. وإذا بيكون في رفيجة صجية معاي في حياتي ... عيل اهي بروحها بتدش حياتي .. وقلت لنفسي ريلااااكس .. خلج عن هالدوران .. لأني ماراح أحصل .. فهديت السالفة .. ومن مدة مو طويلة حصلت على بنتين .. حتى إن أسمائهم نفس الشي ! ترافجت معاهم وشفت إنهم ممكن ايكونون اللي كنت ادور عليهم .. مع عن وحدة غريبة اشوي والكل ياخذ انطباع مو زين عنها .. لكن زين إني عرفتها وشفت إنها بنت زينة .. أما الثانية حليوة وايد لكنها دايما تتصرف مثل العيايز .. يعني شفت يا تركي ؟ .. بعد ما وقفت عن اللف والدوران بروحهم هالرفيجات دشوا حياتي بدون ما أنا أدورهم ولا أتعب نفسي .. فإنت أبيك اتهد سالفة البنات وإنك اتدور اللي اتكون مناسبة .. لأنك ما راح اتحصل أبدا .. اللي أبيك اتسويه .. إنك تهتم بمستقبلك والحياة فيها أكثر من علاقات الحب .. اهتم بأهدافك ولا تهتم منو راح اتحصل .. البنت اللي بتحبها بتطب في طريجك بروحها ! ولما اتعرفها بتعرف إنها المناسبة لك .. أوكي ؟ تركي : .. والله .. ماعرف شقول الصراحة .. .. الله ينور بدربج مثل ما نورتي لي دربي .. أنا : بل ! .. ترى ماسويت شي ههههه شوفني أنا ماعرف شسوي .. يمكن اصير دكتورة نفسانية أو بيزنس وومن ! تركي : لالا صيري دكتورة لانج اتعرفين اتحلين مشاكل .. أنا : هههه .. ان شالله ... بشوف بعدين ..بس بعد بيزنس وومن حلوة .. أقعد أسافر كل مكان ! لكن المشكلة لازم آخذ حد وياي .. خلاص لما أبي أسافر بتزوجك إنت ! .. اشرايك ؟!؟ تركي : أي أحسن شي ! أنا : هههه .. خلاص عيل .. طيب ممكن نطلب شي ترى ريجي نشف ! تركي : هههههههه .. أوكي .. شوفي القائمة واطلبي على كيفج يا شيخة البنات ! وانا خذيت العصير وشربته اشوي .. وبعدين رديت عليه وقلت : أوكي بس أول شي .. بروح دورة المياه اشوي اوكي .. تركي : أوكي .. عيل انا بطلب لج أوكي ؟ أنا : أوكي مو مشكلة .. اسكيوز موا ! قمت ورحت أدور على دورة المياه .. لفيت اشوية بالمطعم .. ولا أحس في شي غريب .. احس في شي أو حد مألوف اهني بالمطعم .. شفت على يساري وانا واقفة .. ورا الحاجز المعتم اشوي .. كأن ظل مألوف علي ؟ ..قمت قربت اشوي .. وبين ويه الشخص اللي كان موجود وماسك القائمة بيده .. ولما الويتر راح عنده .. قام تكلم وعرفت صوته ! ابسرعة رحت عنده وشفته واهو يطلب من الويتر .. ولما راح .. كنت واقفة بمكاني أطالعه ومتفاجأة .. اشيابه هالمكان البعيد؟ .. ولا شكله انتبه لي وبانت على ويهه الدهشة والفرح وصارخ : ليـــــــــلـــــــــى !!!!! ليووووولة ! اشتقت لج ! وين كنتي هااااا !؟؟! من زمان ما شفتج ! افاا ما تعطيني ويه هااا ؟!؟ أي أكيد نسيتي فارس ! اشتقت لج كثير كثير ! تعالي تعالي خلني أضمج ! انا : لالالالا ! وخر وخر ! فارس : هااا ؟!؟ شنو ؟ وين أوخر؟!؟ تعالي تعالي وحشتيني وااايد ! وقبل ما امنعه مسكني وضمني بقوووة وكنت بختنق ! قمت احاول أفك نفسي منه ما قدرت .. وطلع صوتي بصعوبة : فااا..ررر..سسس ..... هدنـ ...ي ... بمووو...وووت ! فارس : أوه آسف ! .. بس من متى ما كلمتج ولا شفتج مشتااااااق لج ! أنا : هههه .. أوكي اوكي بس لا تاكلني ! .. انت شتسوي اهني ؟!؟ فارس : أنااا .. كنت رايح مشوار مع ربعي .. بس أنا مليت معاهم فقلت أرجع البيت .. لكن المشوار طويل فقلت أوقف عند هالمطعم وآخذ استراحة .. وانتي ؟!؟ وينج من زمان ؟!؟ أتصل على جوالج ماتردين ؟!؟ قلت يمكن زعلانة مني ولا شي ؟! ولا طفشتي مني خلاص ماتبين اتكلميني ؟!؟ هااا ؟!؟ وبعد شتسوين في هالمكان ؟!؟ وليكون ياية مع حد ولا بروحج ؟؟! أنا : هيييييييييه ! ستوووووووب! بسك أسألة ! فارس : ههههههه اوكي أوكي .. بس قوليلي ! أنا : انا .. ياية اهني مع .. مع .. تذكرت إن فارس يموت من الغيرة إذا قلت له إني كلمت حد .. عيل إذا قلت له إني طلعة مع واحد اشبيقووول !؟!؟ فارس : ها اشفيج ؟!؟ ههه تكلمي ! أنا : أأأأ .. أنا بس ييت جذي .. مو مهم من يابني .. لكن أنا قاعدة في قصر ابعيد من اهني عشان اغير جو اشوي عن بيت أختي .. فارس : اهاا .. بس ليش ماتبين اتقوليلي مع من ياية ؟!؟ أنا : لا ما ييت مع حد بس جذي .. وانت شيخصك !؟ لا تتلقف ! .. المهم .. انا جوالي مقفل ! .. بس عندي ألحين واحد ثاني .. قولي رقمك عشان احفظه عندي .. فارس : اوكي .. هذا الرقم ******* .. وانا ماسكة جوالي وقلت : اوكي حفظته .. بتصل فيك بعدين .. لاني ألحين بروح .. فارس : لا ليش اتروحين ؟!؟ قعدي معاي ؟!؟ ولا جوالي يرن ! اشوى أنقذني ! رديت وقلت : ألووو.. فهد : هلا حبي ! .. آسف انا قلت لج برجع ابسرعة بس شكلي بتاخر .. اوكي ؟ أنا : اهااا ! .. مو مشكلة .. قلت في خاطري .. فرصة بعد ما راح يعرف إني طلعت ! أنا : أوكي عيل مع السلامة .. فهد : سوري والله .. بس انشغلت اشوي .. مع السلامة حبي ! أنا : اورفواار ! وسكرت الجوال ..وقلت لـ فارس : ها شفت انا تاخرت ..! ولازم أروح .. فارس : لالاقعدي معاي ! أنا : فارس ! لا تقعد تتصرف مثل اليهال ! ولا ماراح أتصل فيك كلش ! فارس : لالالالالالالالالا! اتصلي اهم شي اتكلميني ولا تقطعين .. وهو يقول آخر جملة شفت من الصوب اللي ييته تركي قاعد يحوس ! شكله يدور علي ! عشان لا تركي يشوف فارس ولا فارس يشوف تركي .. خلني ابسرعة ارجع ..! أنا : يللا عيل مع السلامة .. فارس : أوكي ديري بالك على نفسك .. اوكي ! أنا : شوف عاد فارس .. لا تقعد اتطول وداعاتك ! ماني مسافرة ترى ! فارس : اوكي اوووكي انتي بس تبين الفكة ! أنا : فارس ! يللا أشوفك بعدين ! فارس: طيب .. مع السلامة .. ان شاءالله أشوفك قريب .. أنا : مع السلامة .. رحت عند تركي ابسرعة وبعد عشان فارس ما يشوفني .. وهو قاعد يدور علي قمت انا ييت من وراه وحطيت ايدي على كتفه وأقوله : اتدور علي ؟! تركي : أي أكيد ! وين اختفيتي ؟!؟ انا : لا ضعت أنا ولا حصلت اللي ادور عليه .. بس خلاص خلنا نرجع لطاولتنا . تركي : أوكي يللا .. أول ما قعدت عالطاولة شفت الاكل جاهز وحاطينه .. بديت آكل وبعد ما خلصت وانا وتركي نتكلم في سوالف .. قلت له : أوكي مانروح ألحين .. مابي أتأخر لان عندي كم شغلة لازم أسويها .. تركي : انتي وايد مستعيلة مادري على ايش ! انا : يووووه انت الثاني ! بنروح ولا لا ؟!؟ تركي : أوكي أوكي ..عيل يللا . الويتر وصل لنا وتركي دفع الحساب طبعا .. وقمنا علطول .. وتركي شكله مستانس.. شكله كلامي نفع وياه ..زين بعد! وألحين .. بنرجع للقصر .. وأشوف شنو بيصير فيني ! http://www.3bnat.com/vb/uploaded/10521_1156404813.gif |
وقبل ما نوصل للقصر بعشر دقايق .. وبعد ما بط جبدي بالأغاني ! سكرت الاغنية .. وقلت له : نسيت أقولك على شي بعد .. تركي : زين ليش سكرتي الاغنية ؟ خليها .. أنا : لالا .. ترى لاعت جبدي من الأغاني .. اشطول المشوار وبعد اتسمعني أغاني .. عمري ما سمعت كثرها في حياتي ! تركي : هههه .. اوكي .. يللا قولي سالفتج .. أنا : احم .. احم ..<< لازم هالحركات ! .. انت دايما اتقول إن الكل ظالمك .. ترى محد ظالمك غير نفسك .. إذا بتقول هالشكل عن نفسك .. فإنت بتصدق صج إنك مظلوم من الكل .. لكن مافي حد ظالمك إلا نفسك .. عشان جذي لا تقعد تتشائم .. مع إن الحياة فيها مصاعب ومشاكل لازم اتطوفها .. ترى في غيرك يعاني أكثر ! مو بس إنت .. لكن إذا بتقعد تتحلطم على كل شي .. إنت هالشكل بتستسلم .. وبتصير جبان ! .. خلك متفائل في كل شي .. وان شالله بتتحس حياتك أحسن من قبل .. وو..بس ! تركي : ماشي يا دكتورة نفسانية ! تحت أمرج ! أنا : خخخخ .. عاد دكتورة نفسانية مو شي نهائي .. لأن أحس إني ضيعت كل عمري بالدراسة ! .. من الابتدائي ست سنواااات ! والإعدادي ثلاث سنوات ! والثانوي ثلاث سنوات ! .. ومن بعدها ان شالله الجامعة أربع سنواااات ! والدكتوراة الله أعلم كم سنة ! يمكن تقريبا سبع بس مو متأكدة ! .. احسب كل هاي ! بصير عيوز ! مع إني أحب أتفلسف على الناس ! وأحب أحلل شخصياتهم وأحل مشاكلهم .. لكن دكتورة نفسانية .. شي بعيد .. ولا أظن إني صج أبي أكون دكتووورة ! .. أما بالنسبة لـ إمرأة أعمال ! .. عاد مادري شنو لازم أسوي عشان أصير بيزنس وومن ! .. بعد هالهدف أحسه موشي .. اشدعوة عاد بيزنس وومن أتنطط من بلد للثاني ! صج ماعندي سالفة ! .. أحب أكون جذي .. لأني أحب أسيطر عالناس..وأمشيهم! انيااهاهاهااااااي ! تركي : بل بل ! .. شريرة انتي ! أنا : ههه .. بعتبره إطراء بعد ! أنا : .. ومثل ما قلت .. أنا ليحين مو متأكدة .. وتونا وصلنا للباب الرئيسي وتركي وقف السيارة وقال : عالأقل عندج طموح .. مو نفسي .. وطلع من السيارة وأنا بعد .. وعلطول دشيت داخل .. وقعدت ألف ويهي .. أشوف إذا في حد .. مثل فهد يعني ! .. وأنا ماشية رحت الصالة و شغلت التلفزيون وقعدت عالكنبة وشفت تركي دش وراي وقعد جنبي وخذ ريموت التلفزيون مني ! أنا : هييييييييه رجعه لييييييي! ومديت ايدي ومسكت الريموت وقعدت أشده منه وهو ليحين متمسك فيه ويقول : روحي أنا أكبر منج ! أنا : لالا! أنا ييت قبل ! تركي : يللا انتي أصلا ما بتطالعين شي عدل .. وأنا واهو ليحين نتهاوش عالريموت ونشده من بعض ولا اهو يشده بالقووو .. ولما أنا قمت أبي أشده ولا اهو هد الريموت وأنا طحت من على الكنبة على راسي ! أنا : آآآآآآآآآي راسي ! مع ويهك إنت شوف اشسويت ! اهىء اهىء ! تركي : ههههههههههااااي ! أحسن تستاهلين! أنا : أستاهل هااا ؟! قمت خذت الريموت وقطيته عليه وقلت له : هاك خذه مابيه يالدب! خلك اقعد ابروحك ! وطلعت من الصالة واهو يضحك ويقول لي : تعاااالي اتغشمر ويااااج لا تزعليــــــــــــن!! عاد أنا رحت وطلعت فوق لغرفتي .. http://www.3bnat.com/vb/uploaded/10521_1156404813.gif أول ما دشيت غرفتي ضحكت على تركي المسكين ! .. يكسر خاطري صراحة .. مع إنه أوسم من فهد ! .. لكن ماظن إني أقدر احب واحد مثله .. وبعد تذكرت فارس .. مع إن اشتقت له اشوي .. لكن ليحين يبط جبدي بتصرفاته الغبية! وأكيد إذا تذكرت فارس لازم أتذكر سالفته اللي مهووس فيها .. الزواج ! مرة كان يقول لي إنه كان يبي يخطب وحدة من قرايبه .. أنا تفاجأت إنه كان اصغير .. وأهله ما عارضوا ! قلت له تو الناس ! شكلك ما كنت صاحي ذاك الوقت ! ويقوم يضحك ويقول .. لا يعني .. بس نخطب .. أو على ما أظن قال نملج .. بس ماتذكر السالفة عدل .. ولاااا بعد كل شي اخترب ! .. قام المكان اللي كانوا بيسوون فيه حفلة احترق ! .. واهو شرد وهد خطيبته ! طبعا ماصارت خطيبته بس يعني خطيبته اللي كان المفروض اتصير .. قلت له خووووووش ريّال ! انت تشرد وتهد البنت ! وكعادته الهبلة يقوم يضحك! مسكت الجوال وقلت خلني أتصل فيه .. انسدحت عالسرير واتصلت في رقم فارس .. وحتى ما كملت الرنة قام رد! فارس : ألوووو! أنا : ..... ألوو. فارس: ليولة ! سنة ليما تتصلين! من متى أنتظرك أنا ! أنا: .. عاد شسوي الطريج طويل ليما أوصل ... الـ .. الـ .. القصر .. فارس : قصر؟! قصر منو يا حظي !؟ أنا : وانت شيخصك !؟ .. عند حد من أقاربي <<شوفوا الخرط .. ومن متى صار عندي أقارب ! فارس : ليولة ! انتي ماعندج أقارب !؟ انتي قلتيلي كذه .. شلون ألحين اتقولين العكس !؟ أنا : ... امممم .. يعني كان عندي .. بس يعني .. لأنهم ابعاد اشوي .. فكنت ناسيتهم ! فارس : ههههه .. شلون ناسية أقاربك بعد يالدبة ! .. زين كيفك ليولة من زمان ما شفتك .. اشتقت لك واااااايد! أنا : اها .. زين امممم .. وانت شلونك؟!؟ وشمسوي؟ فارس : ليش ما تقوليلي أنا بعد اشتقت لك ؟ هااا ؟!؟ وايد صعبة عليج أي ؟!؟ ههههه أنا : خخخخ .. لا يعني .. أنا مو مالت هالحركات هع هع ! .. زين زين يللا قول شمسوي انت ان شالله ابخير؟!؟ فارس : أنا الحمدلله ابخير بشوفتك .. أنا : .. اها .. زين .. ووو .. خواتك اشلونهم ؟!؟ فارس : أي ابخير وتمام اهما يسلمون عليج .. أنا : الله يسسسسسلمهم .. قولهم ليلى اتسلم عليكم بعد فارس : هههه أوكي يووصل ان شالله .. أي نسيت أقولج .. أنا خلاص سجلت بالمدرسة الخاصة اللي قلت لج عليها .. أنا : وشووووو !؟ مالت عليك ! فارس : مالت عليك انتي بعد ! أنا : روووح مع ويهك ! أنا قلت لك إنك كسلان ! فارس : بس أنا خايف منها ! أنا : مااااالت ! يعني داش خاصة .. الخاصة تعطي درجات بالهبل بدون ما تتعب .. وبعد خايف منها ؟!؟ مع ويهك ! صج إنك كسلان وما منك فايدة ! فارس : ايييييي! هاي آخر سنة لي ! أبي أييب نسبة ! وراي مستقبل ! أبي أتزوج ! أبي أشتغل ! أبي أييب اعيال ! أبي أرضع ! .. أبي ... أنا : وشو اترضع ؟!؟ بقرة انت ؟!؟ هههههههههههه! فارس : لاااااا لااااا يالدبة انتي ! .. قصدي .. قصدي .. اتعرفين شنو قصدي يعني أعطي حق اعيالي حليب في المرضاعة ! أنا : اففففف! مع اعيالك السيابيل ! لا تذكرني باليهال! فارس : سكتي سكتي انتي ! الصغار مافي أحلى منهم ! آآآآآه ياريتني أتزوج وأجيب أطفااال اصغااار يجننووون! أنا : بس بس لا تطيح علينا ! عاد فارس إنت يبيلك ضرب مال أيام زمان ! فارس : ليش؟ أنا : لأن المدرسة الخاصة أسهل من العامة .. أنا لو أدش خاصة وأنا مغمضة عيوني وبدون دراسة أييب تميز ! فارس : أي! أبي أجيب نسبة ! عشان أصير مهندس! أنا : مهندس مرة وحدة ؟! فارس : أي! يعني ما تتخيلين إني ممكن أصير مهندس؟!؟ أنا : الصراحة .. لا! .. ماقدر أتخيلك ! أنا أم التخيلات ! وبعد ماقدر أتخيلك ! فارس : ههههههههههه اشدعوة! روحي بس.. أنا : روح انت ! فارس : وأنا بعد ماقدر أتخيلك دكتورة ! وعيييييي وخييييي! أنا : هيييه شنو دكتووووورة ! مابي أصير دكتورة ! من قالك ؟!؟ وبعد كلمة وخيييي هاي مالتي لا تبوقها ! فارس : ههههه اوكي أوكي .. ايش تبين اتكونين ؟! أنا : ماااعرف شنو أبي أكوون..؟! يمكن أدش جامعة .. مع إني مابي أروح ! بس رضيت لأن قاموا يهددوني ! فارس : ههههههه ليش يعني وين تبين اتروحين انتي ؟! تبين تجلسين بالبيت ؟! أنا : اييييي أقعد بالبيت أحسن ! .. أبسط بالبيت خخخخخ فارس : أي وبعدين تتزوجين ! أنا : جب ماراح أتزوج ! فارس : ليــــــــــش؟!؟ أنا : لأنك عقدتني مع سالفة الزواج ! بس اسكت لا تذكرها ! ولا كلش ماني متزوجة ترى ! فارس : أوكي أوكي ! .. يعني ألحين بتدشين جامعة ؟ أنا : ايوا .. بعد التهديدات طبعا .. لكن أنا كلش كلش ماعرف في سالفة التخصصات هاي.. وهقة ماعرف شنو أختار ! فارس: خلاص عيل لما اتخلصين الدراسة انا بختار لك ! أنا : شنو تختار لي ؟!؟ رووووووح زيــــــــن! انت ملابسي ماخليك تختارهم ! فارس : ههههههه أنا اللي بختار لك إنتي ماتعرفين .. أنا : لا .. لاتختار! فارس : وليش لا؟ اتقولين ماتعرفين ! أنا أبيك اتكونين .. امممم .. مهندسة نفسي ! أنا : وع ! صعب ! مابي .. أبي شي سهل ! فارس : لالالالا .. أبيك من الطبقات الراقية .. عشان يقولون أوه هاي مو أي وحدة ! أنا : رووووووح! مابي! فارس : اشفيك انتي!؟ صج إنك دبة! أنا : مابي الهندسة فيها رياضيات ! وأنا أدبي عمري ما شفت أرقام! فارس : هههههههه حتى أنا ما أحب رياضيات .. أنا مثلك طالعة علي!انتي مناسبة لي ! أنا : عاد بدرس رياضيات أربع سنوات وبعدها بستخدمها طووول حياتي !.؟ وخييييي! فارس : هههه انتي اليوم كله وخييي !حلوة وخيي ! أنا : شوف عاد فارس ! إن ما جبت علامة كاااملة بالخاصة بطيرك حق أقريقيا انزيــــــــن ! سامع! فارس : ههههههههه .. لالا ان شاء الله .. دعواتك ! وحمسيني ! وان شاء الله خير .. أنا : مو دعواتي ! .. تهديداتي ! وبعد ماراح أحمسك بحطك بالفرن عشان تتحمص وتتحمس ! فارس : هههههههه أوكي دعواتك وتهديداتك .. وحلوة هاي أتحمص خخخخ .. وان شاء الله يعني أجيب النسبة الزينة .. أي ليولة انتي اتساهمين !؟ أنا : أساهم ؟!؟ شنو أساهم ؟!؟ فارس : اتساااهميــــن! يعني أسهم ! أنا : اهااا ! زين قول جذي ! فارس : ههه اوكي يعني تتعاملين مع الأسهم ولا لا !؟ أنا : أنا .. لااااا .. ليش؟! فارس : لا بس سؤال طرى على بالي ..اتعرفين .. يعني أنا أساهم .. عشان أجمع للمستقبل ! نبي نتزوج ! نبي انجيب أطفال ! نبي انرضع! نبي أشياء كثيرة! أنا : اي أي والمستقبل عااااد كلش ! انت شكلك تبي تتزوج 3 .. 4 زوجات ! فارس : هههه لالا وحدة اتكفي .. أنا : زين .. أنا بسكر الحين .. لأن اختي اتناديني ! فارس : لالالالالا وين رايحة ! خليها ! .. أنا : لالا .. ألحين بتهاوشني .. يللا مع السلامة ! فارس : صبري صبري .. ! ليش مستعجلة !؟ تبين الفكة هااا؟! أنا : هااا يللا اعرف إنت عندك لجنة وداع كاملة .. يللا اختصر ! فارس : هههه اوك .. ديري بالك على نفسك .. واكلي زين ! ان شالله أشوفك قريب ! .. ولا تنسين فروس تتصلين فيه ! أوكي؟ أنا : أوكي أوكي أووووووووووكي ! .. يللا مع السلامة ! فارس : مع السلامة .. سكرت الجوال .. اف يتعب فارس .. شكله يبي يسولف يوم كامل .. أنا بس جذبت عليه .. لأن جات في بالي الساعة اللي كانت فيها صورة بنت في غرفة فهد .. وبما إنه مو موجود ألحين .. خلني أروح أشيك مرة ثانية ! http://www.3bnat.com/vb/uploaded/10521_1156404813.gif |
تفضلوا الجزء اليديد والأخير لهالأسبوع .. استمتعوا بالقرااية http://66.228.124.6/~bnat/vb/images/smilies/69.gif http://www.3bnat.com/vb/uploaded/10521_1156404813.gif مشيت فيالممرات المظلمة اللي ما ينور طريجي فيها غير نور خفيف .. مادري من وين ياي .. لحد ما وصلت لغرفة فهد وبطلت الباب .. دشيت داخل ورحت نفس المكان اللي حصلت فيها على الساعة .. لعى التسريحة .. لكنها مو موجودة ألحين .. شكله شالها من اهني .. قمت أبطل الدروج وأدور .. مو بالضبط على الساعة .. بس أنا جذي لازم أدخل خشمي في كل شي ! حبيت أشوف اهو شنو يحط بغرفته .. وأنا أحوس بالدروج ما حصلت شي .. بس ساعات .. وأوراق .. وأشيا اتخص أي واحد .. رحت الصوب الثاني .. في الدرج الأول أول ما بطلته حصلت مسدس ! .. بل حتى اهني بعد يحط أسلحة ؟! مسكته وقعدت أطالع فيه وألعب .. قلت ليكون أسوي شي ولا ينفجر في ويهي ! عقب رجعته مكانه نفس ما كان .. ترى انا خبيرة بهالسوالف ! ممكن احوس بأغراض أي حد وأرجعها بنفس الحركة مثل ما كانت .. فما بيعرف إني لعبت بأغراضه ! فلة صح ! ولا فجأة في حد يكلمني ويقول : شتسوين اهني ! تصرقعت وطالعت وراي ولا .. مافي حد ! تميت أطالع بكل زاوية .. مافي حد ؟! منو هاي ؟!؟ ليكون أنا متخيلة الصوت ؟! .. قلت : من .. مـ ـ ـن ... اهني ؟!؟ .. ولا أحس في حركة جنبي ! ابسرعة أشوف جنبي .. مافي حد بعد ! ولا كأن خصلة من شعري تحركت وصدى صوت بأذني يقول : انا ! هاهاهاهااااا! كنت بموت من الخوف ! كنت بصارخ لكن صوتي مو راضي يطلع ! صرت أرتجف اشوية .. قلت بطلع من اهني .. ولا حتى ريولي مو راضية تتحرك ! رفعت صوتي وقلت : من انت ؟!؟ أحس بحركة بالغرفة لكن ماني شايفة شي أو حد بالغرفة ! .. صدى الصوت قال مرة ثانية : همممم .. أنا ... مو لازم اتعرفيني ألحين .. أناااا ...... شبح ! أنا : وشو ؟!؟ شبح ؟!؟ الشبح : .... أيــــــــوا .... انتــــــي ... لـــيـــلـــــى ! .. أكيـــــــد .. هممممم... انتي اللي متعبـــة كل هذولا الـ .. الـ .. عشاق معاج !.!.؟ صـــــــــح ... مساكيــــــــــــن .. وانتي بعـــــد .. يا مسكيـــــــنة ! أكيــــــد ما تعرفيـــــــن شتسويــــــــن .. زين إني شبح ولا واحـــــــــــد حــــــي .. ولا أخــــــاف .... كنت أنــــــــــا بعـــــــد .. حبيـــــــــتــــــج .. هاهاهاهاهااااا ..! همممم .. حتى الأشبــــاح يحبـــــــــووون .. لكــــن .. اممممممم .. ما أظن إنج بتفهميـــــــــن ..... وهو يتكلم بنبرة صوته الهادية والباردة ... تطمنت أكثر .. وقدرت أتكلم وقلت : انزين .. انت .. ليش في غرفة فـ فهد ؟ وهو يعرف إنك موجود فيها ؟!؟ الشبح صار صوته اشوي أوضح .. كأنه واقف جدامي .. الصدى اختفى وقال : امممم ... أنا .. اهني .. لأني ... ههههه! .. شي ما يخصج ! .. اهو يعرف إني موجود .. مرات بــــــس ..! .. لكــــــن .. مو كأن المفروض ما تفتشين في غرف النــــاس .. ولا شلــــــــــــــــــون ؟!؟ أنا : أه .. أنا .. أنا .. لا بس أنا .. يعني .. الشبح : هاهاهاا.. مادري ليش داشة الغرفة اهني .. بس .. مو مهـــــــــــم .. هممممم .. إذا تبين اتعرفين .. ترى تركـــــــي طلع وراح .. أنا : شلون عرفت ؟! الشبح : أنا شبح .. أكيد بعرف .. أنا : .. انزين .. تشرفت بمعرفتك مهما كنت ! .. أنا بطلع الحين .. مشغولة اشوي .. الشبح : .. ما بمنعج .. لكــــــــــن .. أيـــــــش لو قلت لـ فهـــــد إنج دشيتي غرفتــــــــه ؟! أنا رفعت حاجبي وقلت للفراغ اللي ايي منه الصوت : هه! عادي قول له ! وطلعت من الباب وسكرته .. وأنا مستغربة من نفسي ! .. ومن الأشيا اللي ليحين ما عرفت إنها موجود بهالبيت .. يمكن في أشيا اتخرع أكثر وغرايب أكثر بهالبيت .. ليحين ما اكتشفتها .. أما بالنسبة للشبح .. فأظن إنه بيفيدني بطريقة ما ! بس أول .. لازم يتطمن لي .. واعرفه أكثر .. عشان أعرف .. شلون ممكن يفيدني من أي ناحية .. في الخطة اللي بسويها .. مستقبلا ! http://www.3bnat.com/vb/uploaded/10521_1156404813.gif وأنا نازلة من الدري العود .. كنت مبتسمة نص ابتسامة .. او كأنها .. ابتسامة .. خبيثة ؟!؟! مادري .. لكن .. الوقت مرة ابسرعة .. الدنيا قاعدة اتظلم .. وقلت .. أكيد فهد بيرجع بهالوقت أسرع .. وأنا ماشية وبدون ما أحس وصلت لمكتبه مرة ثانية .. شفت اللاب توب مسكر .. قعدت بكرسيه .. وبطلته وشغلته .. وقلت راسي الحين يعورني مابي أشوف اشيا ثانية ممكن اتخليني أصدع زيادة .. بطلت برنامج الفوتو شوب .. مع إني ماعرف أشيا وايد فيه .. لكن بس أعرف اكتب وأضيف لمحة حالمة للصور ! قلت خلني أجرب يمكن أتذكر الطريقة لحد ألحين .. فتحت على صورة وكتبت فيها أبيات الشعر اللي كان فهد حاطهم بالدفتر .. وبعدين فتحت على الثانية بعد ! .. بعد جهد ! .. مع إنه بسيـــــــــط وايد .. لكن سويت ثلاث أشيا .. وحطيتها بسطح المكتب .. عشان فهد يشوفها .. وأبي رايه فيها .. ! .. رقم واحد .. http://www.leblover.com/ims/pic.php?...6uPXn2&i=32663 رقم اثنين .. http://www.leblover.com/ims/pic.php?...6uPXn2&i=32704 وسكرت اللاب توب ابسرعة وطلعت من المكتب .. مشيت ورحت للباب الرئيسي وطالعت بره ولا شفت فهد يطلع من سيارته ! http://www.3bnat.com/vb/uploaded/10521_1156404813.gif كان شايل معاه جهاز كمبيوتر ! لما شافني ابتسم لي .. وأنا بعد رديت له الابتسامه .. لما دش والجهاز بيده .. مديت ايديني له وفي ويهي نظرة برااااءة ! وقلت له : أساعدك ؟! قال : انتي ما تقدرين اتشيلين نفسج ! تبين اتشيلين الجهاز يالضعيفة ! ويضحك ! فشلني مع ويهه ! وبدل نظرة البراءة صارت نظرة غباااء ! وقلت له : هيييييه ! تتطنز علي أي ؟! مع ويهك ! فهد : خخخخخ .. لالا .. لي لي حبيبتي ماتطنز عليها .. قال هالشكل وهو داخل الباب اللي يودي للممر اللي فيه مكتبه .. وأنا رحت وراه .. لما دشيت وراه المكتب شفته يحط الجهاز على المكتب .. وعقب طلع مرة ثانية من الباب .. وأنا رحت وشليت اللاب توب من على المكتب وحطيته على صوب .. وقعدت على الكرسي وتميت ألف فيه ! وبعد اشوي اهو دش ومعاه الشاشة وكيس .. حط الشاشة بعد جنب الجهاز والكيس بعد وعقب يا صوبي وقال : يللا تعالي معاي المطعم نتعشا وأسويج متينة ! أنا : هيييييييه ! شنو متينة ! متينة بعينك ! .. فهد : أتغشمر معاااج ! اشفيج يا لي لي ؟ ليكون زعلانة ولا شي مني ؟! أنا : لا مافيني شي .. يللا خلنا نروح انا يوعانة ! فهد : هههه أحسن .. عشان تاكلين عدل .. يللا ولما رحنا المطعم وقعدنا والخدامة يابت كل شي .. وبعدين اهو سألني : وين طلعتي مع تركي ؟!؟! http://www.3bnat.com/vb/uploaded/10521_1156404813.gif استغربت شلون عرف !! قلت : أه .. اممم .. رحنا رحنا .. بس انت شلون عرفت .. انا كنت بقولك .. بس انت غريبة عرفت ؟!؟ فهد : الخدامة قالت لي .. أنا : الخدامة ؟!؟ .. وقعدت اتمتم مع نفسي .. هالخدامة الغبية الجاسوسة الـ ... فهد : لي لي ! أنا : نعم !؟ فهد : لا تروحين بره بدون ما تقولين لي .. ايش لو صار شي حق حبيبتي لي لي الطيبة ؟! بعدين قلبي يعورني عليها ! أنا : .. أه .. أأأأ .. انزين .. فهد : عفية عليج ! طيبة تسمعين الكلام ! عشان جذي أحبج لأنج تسمعين كلامي ! أنا :.. أأأ .. اها .. فهد : يللا تعشي ألحين .. مو تقولين بعدين مالج نفس .. يللا .. أنا ما كنت أدري إنج تبين تطلعين .. وين تبين تروحين مطاعم ؟! أسواق ؟! قوليلي أنا بوديج .. اوكي ؟ أنا : .. أوكي .. فهد : شاطرة .. يللا كلي ألحين .. أنا : انزين .. فهد ؟! فهد : هلا قلبي ! .. أنا : أنا .. اممم .. دشيت مكتبك وقعدت عاللاب توب اشوي .. وشفت يعني ... اشوية من اللي انت كاتبه .. وسويت شي حلو وحطيته على سطح المكتب عقب انت شوفه .. أوكي؟ فهد : اها .. دشيتي مكتبي بعد ؟ .. أوكي مو مشكلة .. اممممم .. أنا يبت الكمبيوتر تقدرين تقعدين عليه إذا تبين .. أنا : .. اها .. أوكي .. وبعد في شي أبي أقوله .. فهد : قولي .. أنا : أنا كنت ضايعة في البيت .. وشفت باب نفس باب غرفتي ... وعبالي إنها غرفتي ! (خرط!).. فلما دشيت .. عرفت إنها مو غرفتي.. لكن شفت شي عالطاولة .. ووو كانت ساعة وشفت فيها صورة .. ينت .. من هالبنت ؟!؟ فهد تم ساكت اشوي .. كانه ما يعرف شيقول .. وويهه تغير صار حزين .. : هذي .. كانت .. خطيبتي ! http://www.3bnat.com/vb/uploaded/10521_1156404813.gif |
بنات اذا تبون اكملكم الروايه ردوا عشان اعرف انه في حد يتابع
|
يعطيكي العافية عزيزتي انا متابعة و مستانسة مررررررررة مشكورة من قلبي ... كمليها
please اترياك :) |
يسلمووووووو خيتو عالمرور والرد نورتي الصفحه
وانشالله راح احط لكم التكمله لما صاحبت القصه تكملها |
thanks :)
تسلمي يعطكي العافية .. تراني منتظرة |
العفو بيرلا
الله يسلمج ويعافيج |
| الساعة الآن 09:31 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.