تسلمين ع المرور خيو

الجزء الخامــس

فرح : ما بتخلـ ـ ـلى عن حلمـ ـ ـ ـي عن ماضي
ضــــــــــااع
و سـكتت..و شوي شوي نبضات قلبها تخف
عبدالعزيز حــسّ بالهشئ خاااف
خلاها ع الســرير
خلـى راسـه ع صدر فرح
مكان القلب
في نبض
خفيــف
و بطــئ شـوي
حمد ربـه
و وقف
و قال : عايشــة فرح
و إبتسم
عماد : فهمت شنـو قالت ؟؟
عبدالعزيز : لا..إنت ؟
عماد : و لا كلمــة..ما أدري أحس في الموضوع ســرّ
عبدالعزيز بشك : تظن ؟!
عماد : فـال الله و لا فالـك ينيـت إنت و بعدين إسكت لا تسمعك
عبدالعزيز : شنـو تسمعني هي في نايمة و مب حاسة بشئ.
عماد : إمـش بس
طلـعوا و طمنوهم ع فـرح
و بعدين راحـوا ع بيوتهم

×××

((.. مشيت بـخطوات سـريعة كأن أحد يلاحقنــي..ما أدري ليش..؟ إلتفت وراي..صــرخت..فـــــــار..فــــار كبيـــــر..صرخت الصرخــة وصلت لـغرفة أخوي يـوسف..قعدت أصيـح..قام يوسف من فراشه و يـه لي يوسف و قعد يضحك علي..و بعدين شال الفار بـقفاز و حطاه في قفــص..تخيل حمـود إن يوسف يربي فار لونـه أبيض بس عن جدّ حلـيو ..))
و قعدوا يهـرون نص ساعة ع التلفزيون..بعدين قال حمد : بسـج عاد..البيــل بيي يمكن 100 ديــنار سكري.
رزان : ما شبعت منك
حمد بمزحة : تحبيني أكثر من خطيبج مــو ؟؟
رزان رفعت حاجب واحد : ميـن قال ؟!! هــو له معزة خاصــة..أحبه مب إنت
حمد : لا تجذبين تحبيــني و بعد موت..يسوف قال إنج دوم تيبين طاريي..
و إبتسم إبتسامــة عودة
رزان و هي تكلم حمد لفت يوسف بالمخدة
رزان : بس محمود له معزة خاصة
حمد : ما عليـه إذا نزلت البحرين بنشـوف
رزان متشققة : صــــج !! متـى بترجع ؟
حمد : هههه..مشتاقة لي لأنج تحبيني
رزان : مالت عليك..بسكـــــــــر البيل بيي 120 دينار من كثر هذرتك
حمد : هذرتي و لا هذرتج..؟ مانــي مسكــر
رزان ما بتسكــر هاا!! ما عليه
و سكـرته بويهه و هي تضحك عقب راحت يم أخوها

×××

في أمريكــا عنــد حمـد كان يضحك
مهند رفيـج حمد : و هذي أختك ما تيـوز عن سوالفها..!!
حمد : ههه..إسكت بس إسكت أرحم لي و لكَ
مهند : إمش إمش..عليك محاضرة ساعتين و ربع
حمد : تصدق مليـت من المحاضرات وحدة ورى الثانيـة..ع الأقل لو يحطون لنا ساعتين و نص إستراحة مب أهون..!!
مهند : هاا..إحنا زين منا نقعد ساعتين..بس شنو أقول بس..الحمدلله و الشكــر
حمد : إمش بس إمش..لا بييك جم صطار
و راحــوا

×××

راكبـة و نازلــة دورت راســها..قالت بصوت عالي : شفيـج إنتي طالعة نازلة..دوختي راسي..؟
شجون : أفف متمللة..و منقهــرة شفتي الخاين شنو يبي يتزوج
دانة من دون إهتمام : عادي..و لا نسيتي إن أهله غاصبينه علينا
شجون : بس آنه غيــر
يات هتون من المطبخ و هي حاملة صينية و فيها شاي..و حطته ع الطاولة و قالت : ليش ؟ إنتي غير عنا ؟
شجون : إي
هتون : شنو إلي غير..! حالنا من حالج
دانة : صحيح كلام هتون
شجون : آنه أحلى..و أصغر
دانة : والله آنه أحلى و أكشخ..
هتون : شدراكم يمكن ذيج " قالتها من دون نفس " البنت أحلى منا
دانة : شنو أحلى منا..؟ و الله لا أخليها تبـوس ريلي
هتون : هههههههههههههه..شنو !! زياد بيدوس في بطنج
دانة : ليش ؟!!
شجون : مختار هذي بنفســه مب غاصبينه
دانة : شنو !!
هتون : و الله و صرنا ضحايا
دانة : و آنه ما اسمح إني أكون ضحيـة
شجون : شنو بتسوين يعني ؟
دانة تشرب الشاي و تناظر بنظرة غرور : كل شئ بوقتـه حلو

×××

فرح : ما أبيـه..بس بسببـه وافقت..آه..شسـوي..منو سندي..!!
راحت لـ عند الدفتر الوردي فتحته و قعدت تقرأ فيـه عقب ما وصلت للصفحـة الـ ( 84 )
إنصدمــــــــت
معقولـة !!
دريت عندي أم
و ألحين عندي أخت و توأم بــعد
شلون ؟؟
شلون كل هالأشياء مخبينها عني..؟!
شسويت لهم آنه ؟
سندت راسها ع الكرسي بدون ما تبجي بس تلألأت عينها
صدمة ورى صدمة
تعبت
ما تبي تبجي
بس تبي تموت
و محد يبجي
و يموت الماضي معاها
و تحمل مآسي و ذكريات سودة و بيضة
هذي أمنيتها في الحياة
الموت
و الرحيل عن الحياة
بهدوء
و بدون ألم
نامت ع الكرسي
و هي دايخة
من المرض
تعبانة نفسياً
نامت
بدون أحلام
و بدون عواصف
بـهدوء

×××

مب مصـدقة إلي تقوله أختي معقولة..!! أختي معقولة
هناء : قولي و الله
أبرار منحرجة : و الله
هناء تسحب أختها يمها : عليج سوالف و آنه ما أدري..ع الأقل لو فتحتي قلبج لي
أبرار : شفيج إنتي..إستخفيتي ؟
هناء بمزحة : بقول لـفيصل
أبرار شهقت : إلا هذا
هناء : عيل قولي شسمـه ؟؟!!
أبرار : شدراني
هناء : يؤ..أول مرة أشوف بنت ما تعرف إسم حـبيـ....
بحركة سريعة حطت أبرار يدها ع ثمها : ينيتي أنتي..؟ لا تقولين شئ لو سمعج فيصل
هناء : إنزين صج شسمـه ؟
أبرار : ما أعرف..شفتـه في السوق..و تعلق قلبي فيه
هناء : أفف..بداية كل مراهقــة..شدراج إنتي يمكن متزوج..و مني و الطاير حبيته..هذا يسمونه إعجاب
أبرار : حبيـته و اللـه
هناء : شدراج يمكن ما تلتقون مرة ثانية
أبرار : فال الله و لا فالج
هناء : ههههه..خبلة
أبرار بدون قصد : هههههه..مب نفسج إنتي و مراد
إنتبهت لروحها و خلت يدها ع ثمها : آسفة ما كان قصدي
دمعت عين هناء و إبتسمت : خلاص نسيتـه أبرار..هو دمرني..آخر مرة شفته كان سكـران و يلعب ع بنت
أبرار : للحين تحبينه ؟
هناء إلتفت ع الجهة الثانية : إي
أبرار بققت عينها مندهشة : ها..و الله لو آنه منج نسيته و رميت همومي في البحر
هناء : البحــــــر !
أبرار : إي البحر ليش مستغربة ؟ لأن البحر هو ملجئ أسرار الناس
هناء : أها..بس البحر ما يعطي حلول..بس يخليج تفضفضين له
أبرار : بس ترتاحين
هناء : ما أتوفع إني إذا شكيت للبحر أرتاح
أبرار : براحتج

×××

نسرين : يعقـــــوب
يعقوب : ها ؟
نسرين : بليز رد بإحترام
يعقوب إلتفت صوبها : نعم
نسرين : ودنا مشوار مني مناك
يعقوب : ولي
نسرين : مالت
لمى : إيش فيج ؟
نسرين : و لا شئ
لمى : براحتج ؟
و راحت للمطبخ تسوي لها ريوق
نسرين : هـــي وين رايحة ؟
لمى و صوتها ياي من المطبخ : أسوي لي ريوق تبين ؟
نسرين : شطاري عليج ؟
لمى : بس جذي
يعقوب : لو أقول لها أنا ما تسوي لي
لمى : إذا تبي بسوي لك
يعقوب : ما أبي مشكـــــــــورة
لمى : براحتك
نسرين : شفيج اليوم إنتي ع هالكلمة
لمى و صوت صراخها من المطبخ للصالة : شتبيني أقول..؟ تبيني أقول لج بتعبج
يعقوب : حلـــــوة هذي بتعبج..سوي لج ريوق بس عن هالهذرة
نسرين : و الله إبتلشت فيكم إنتوا..إنت متى بتزوج ؟
يعقوب يحك راسه : و الله للحين ما لقيت عروس..إذا لقيت بعدين أفراج
نسرين : و إنتي لمـــــــى ؟
لمى و هي تقلي البيض : شنــــو الســؤال ؟
يعقوب : جي قاعدين إحنا في لعبـــة أو مسابقة
نسرين : السؤال يقول يا ست لمى..متى بتزوجين ؟
لمى بصراخها المعتاد بس هالمرة بهدوء : للحين ما قرر يونس
يعقوب : مالت عليج بس ؟ بقول لـيونس يكنسل بس ما في زواج
لمى : مب كيفك
نسرين : تزوجوا و ريحوني..و الله مبتلية فيكم..ميانين
يعقوب : رجاءً عن الغلط نسور
نسرين : رد قال نسور..شقالوا لك صقر و لا نســر..و لا واحد من ربعك
يعقوب ما عطاها فيس و وجه كلامه لــلمى : لمــو..حشى ما صار ريوق يبيه بسرعة
لمى و هي تشيل الخبز و تحطه في الصينية : توك تقـول ما تبي
يعقوب : لا بس غيرت رايي أبي
لمى و هي طالعة من المطبخ و حاملة الصينية : السموحة و الله أخوي بس هذا يكفيني
يعقوب بإبتسامة عودة : أفا لمــوي..أنا اخوج حبيب قلبج يعقوب
لمى : روح روح
و راحت لـعند طاولة و قعدت ع الكرسي تاكل ريوقها يوعانة المسكينة بس يعقوب ما خلاها في حال سبيلها لحقها و قعد يمها ياكل
نسرين : الحمدلله و الشكر

×××

نهـــاية الجزء الخامس

(( أدري الجزء واايد قصيـــر..بس يفي بالغرض مثل ما يقولون ))

http://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gif
أهلاً
بليز لا تزعلين كارين
نحن كلنا نشجعك :)
بس لا تزعلين بلييييز :0023:
و إنشاء الله بتابع قصتك و بشجعك لييين ما تخلصين ^_^
و أنا قبل ما كنت أهتم بالقصص عسب جي ما كنت أرد
بس الحينه أنا وايد متعلقه بالقصص إلللي انتوا مألفينها
أنتظر الجزء الياي

تحياتي
http://img49.imageshack.us/img49/2694/052qz.gif
دمعة الإمارات
http://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gif

يانازفه/ جرحك / دموع / ومواويــل
كل / القلوب / إن صابها الهم/ تدما
الجرح لك/ والدمع / حظ المناديــل
ومهما / ارتوى/ قلبك من الهم يظما !
:
:
غمضت عيونها ...غمضتهم..وهي تبي تنكر إلي صار...تبي تحس أنها تحلم..معقوولة..كيف وافقت...!!!
كيف...؟
حست بالدم يغلي جوا قلبها المريض...ريته حلم تقعد منه....ولما تقعد..تقدر تعطي قرار الرفض
لكنها وافقت
خلاص وافقت..!!
ولا من واحد متزوج ثلاث...!!
الهـم بقلبي أشوفه طـال ... !!
هموم الدنيا دوامه ...!!
غنت وهي للحين مغمضة عيونها..ودموعها تنزل...غردت بصوتها الرائع..نفس البلبول المذبح
لا تبالي فستشفى الجراح..
وظلام الليل لن يطول..
وأنصتي ففي كل صباح..
لصوتٍ في الأعماق يقول..
كلما.. زارنا.. طيف حب لا ينام..
هزنا.. زادنا.. أملاً لا يخشى الأيام..
سيـــــــري يا فتاتي
و قامت تردد هذي الأغنية أكثر من خمس مرات
و نامت
حلمت بأبوها
ليش أبوها بالذات ؟!!
لأنها مشتاقة له
هو الوحيد إلي فاهمها
بس رااح
رااح
راح لحياة جديدة
لحياة مجهولة
غامضــــة
فيها أسرار و أسرار
صارت وحيدة
هي تقول
إي هي تقول
أبوها راح
و ما عادت تشكــي لأحد هم
لكنه بقلبها عايش
يناجيها..

تجمعوا مع بعض في الصالة
دانة : بوريها الويل إذا يات هني
شجون : و آنه بعد..من صجها تبي تزوج واحد عنده ثلاث نسوان
دانة : شقصدج ؟
شجون : و لا شئ
هتون : إنتـوا ليش جذي ؟؟!! هو أختارها و بكيفه
دانة : إنتي ألحين معاه لو معانا
هتون تحط ريل ع ريل و تسند ع الكرسي : لا معاه و لا معاكم
شجون تعدل يلستها : صج ما عندج سالفة..شلون ترضين ريلج يتزوج الرابعة.
هتون : نسيتي إن أهله غاصبينه علينا ؟!!
شجون : ولو..إحنا كافينه
و مرة وحدة ينفتح الباب
دخل زياد
بعد ما سمع الجملة الأخيــــرة
ما عطاهم وجه لأن الكلام معاهم ما يفيد
بس قال لـهتون تيي له الحجرة
و راحت مع إنها مستغربة واايد
ركبت الدري و لحقته للغرفة
طقت الباب
زياد : دخلي
دخلت و سكرت الباب وراها
زياد : تعالي قعدي يمي
هتون حدها مستغربة أول مرة في حياته يقول لها تعالي قعدي يمي
راحت قعدت يمه
زياد : كنتوا تتكلمون عن زواجي مو ؟!!
هتون : إي
رفع راسه
زياد : إنتي موافقة إني أتزوج عليكم ؟!!
هتون حطت يدها ع كتف زياد : إي..موافقــة..بس شجون و دانة لا
زياد : أدري.
هتون : تدري !!
زياد : إي..هتون إنتي أعقل وحدة فيهم من جذي قلت لج..
هتون : زياد أدري آنه بكل شئ..إنت تزوجتنا غصب من أهلك..شوف طريقك مع فرح.
زياد بربشة : تدري عاد إنتي أعقل وحدة
و قرصها في خدها
هتون : آآي يعــور..إلا فرح كم عمرها ؟!!
زياد : أصغـــر وحدة فيكم 17 سنة
هتون : يعني بقى لها سنة وحدة و تخلص الثانوية
زياد : إي..قدّ بنت عمي جاسم ميساء
هتون : تصدق بودي أرجع أيام الثانوية ؟!
زياد : هههههههههه..إي و الله شباب كنا طايشين
هتون : الحمدلله..آنه مؤدبـة و رزينة مب إنت دوام أربع حصص و البقية هروب..إجازة عندك
زياد : ههههههههههههه..عادي..قبل إحنا صبيان شباب و إنتوا بنات
و قعدوا يسترجعون أيام الثانوية
(..هتون هي أطيب وحدة من الثنتين..مب متحجبة و حتى شجون و دانة مب متحجبين..بس أغنياء عندهم فلـوس..و أهل زياد البخل وااصل حدهم..فزوجوه ثلاث نسوان و الرابع هو بإختياره..ما يبي أهله يختارون له..بعيـوا عليه أهله لأنه الوحيد الكبيــر في العايلة أما البقية كلهم أصغر منه..و هو ولد أكبر الأخوان..فكل شئ عليـه..)

بعد أسبوع زواجها و هي شايلة غرفتها شيل..مسكينة شتسـوي أمها متوفية و لا عندها أخت أكبر منها تساعدها..و للحين ما ياو أبرار و هناء
تعلقت فيهم مثل خواتها و أكثر
رن تلفونها
المتصل كانت هناء
عرفت غن هي
و راحت فتحت الباب
شافت قدامها هناء و أبرار حضنتهم
كانوا مستانسين واايد
خلتهم يقعدون في الصالة ع ما تجهز العصيــــر
دخل عليهم يوسف
يوسف : السلام عليكم
هناء + أبرار : و عليكم السلام
هناء : شخبارك يوسف ؟
يوسف : بخير , يسر لج الحال..و إنتي شخبارج و شخبار أبرار ؟!!
أبرار + هناء : بخير الحمدلله
يوسف : عن إذنكم
هناء : إذنك معاك
و صعد غرفته
يات رزان و في يده عصيــر برتقال فرش
رزان : حيا الله من يانا
و قعدت
أبرار : و يحيج مرت أخوي
رزان : تصدقون غرفتي معفوسة فوق تحت
هناء : هههههههه..الله يعينج..خلصتين كل شئ ؟!
رزان : إي
أبرار : حجزتين في أي صالــون ؟!!
رزان : حجزت في صالون الــ ـ ـ ـ ـ ـ . تقريباً من إسبوعين
هناء : زين له
رزان : هههههه..لحقوني بس
هناء : أوكي
×××
(.. ليـــش نادية تبجي ؟!! ..)
رااحت لها و قعدت يمها
فرح : ليــش تبجين ؟!!
نادية حضنت فرح : بفارقج فرح
فرح : آنه بظل وياج ناديــــة
نادية : بفارقج..بتروحين بيت ريلج شهـر ثمانية
فرح : حبيبتي..آنه ما بتخلى عنج..دوم بزوركم
نادية : أحبـــــــــــــــــــج فرح
فرح : و آنه بعد
" يا قلبي عليها نادية..عيل لو مت..شنو بتسوي..! أدعي ع روحي..هه..عادي هذي الدنيا موت و حياة "
كانوا في الحديقة إلي برى..دخل عليهم عبدالعزيز و كان ويهه عابــس
فرح : إيش فيك إنت بعد ؟!!
عبدالعزيز : بنفتقدج خيــوو
فرح : عادي..هذي الحياة..موت و فراق و زواج و طلاق و حب و مدري شنو من صفات الحياة.
نادية في هاللحظة ضحكت من قلب : هههه..خيوو شهالكلام..كلامج يضحك..هههه..صفات الحياة قالت.
فرح : طاع هذي..من شوي تبجي و ألحين تضحك هههه.
نادية : كيفي
عبدالعزيز شوي و بيضحك ع رغم حزنه لأن مكانة فرح في القلب غيـــر..أمانة الكل..وصيـة المرحوم و المرحومـة
فرح : آنه بتزوج بس هالله هالله بــزهرتي
عبدالعزيز : إن شاء الله و لا يهمج..بس ليش ما تاخذينها معاج ؟!
فرح : ما أدري إحساسي يقول لي ما آخذها
عبدالعزيز : براحتج..
" نادية من صوب ثاني..كانت تناظر فرح بنظرات أخت لأختها..ما تقدر تفارقها لمرضها و لأنها عزيزة عليها "
×××
عماد : أمـــــــــل
أمل : ها ؟!
عماد : بذمتج هذا رد ألحين هاا!
أمل : إشش إسكت
عماد بصوت واطي : ليـــش ؟
أمل : قاعدة أسمع صوت من المطبخ
عماد مسك يدها وراح المطبخ
كان قطــو لونه أسود و عيوناته خضراء
شهقت أمل بقوة
عماد بتـوتر : وقـــف قلبج !!
أمل : إسم الله علي
قالتها بخوف
هربت لفوق غرفتها
أما عماد فقعد يضحك لأن القطو شرد بشهقتها
مرة وحدة سمع صوت شئ يطيح بقــــوة
إخترع

(.. عشقت القمر في ليلة..لا أعلم..إن كان هذا هو حقيقة أم سراب..سأرحل لواقع جديد بين أيدي..إبتعدت عن بيتي الصغيــر و سأذهب لقصــرِ من ذهب ..)
بس
هذي الكلمات
إلي كتبتها
كتبتها
بإبتسامة
و لأول مرة
في حياتها
يمكن
لأنها إتخذت
قرار
راح تندم عليه
أكيد
هذا هو
تفكيرها
سكرات الدفتر بعد
كتبت التاريخ
و العنوان
راحت لزهرتها
و شمتها
بلهفـة
و قالت : بفتقدج يا الغالية

http://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gif
أهلاً
يسلموو عالجزء الرااااائع
يا ترا شو بيصير ؟!
أتريا التكمله ^_^

تحياتي
http://img49.imageshack.us/img49/2694/052qz.gif
دمعة الإمارات
http://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gif

الجزء السابع

(.. ليــش أفكر في الموت ؟!! أحس أشياء واايد ناقصتني..أبي أتعلم قبل ما أموت..شنو الموت ؟!! شنو هو ؟!! نوم بدون قلب و لا هم دنيا ! شلـون..ناقصتني أشياء واايد.لازن أفكر في الحياة أول..طريقي ما أدري لوين ؟!! شنـو مصيـري..ما أدري متى أموت الاعمار بيد الله ..)
تعبت من التفكيـر
و راحت لأخوها ناصـــــر
ركيــــض
للصالــــــــة
كان قاعد يطالع التلفزيون
قعدت يمه
فرح : هلا و الله..شخبارج ؟ شمسوي ؟ شضارب ؟ رايبون و لا باليس ؟
ناصر : طاع هذي صارت مثل أخوها !!
فرح : شدراني حفظتها من زود ما يقولها
ناصر : شتبين زين ؟
فرح : قول عاد آمري تدللي..مب شتبين
ناصر : أنزين خلصينا
فرح : ودني المكتبـة
ناصر : مب فاضي
فرح : قوم نصـور..بـروح أشتري لي شئ عدل أقرأه ملل..و أبي أشتري لي شئ آكله و أرفه عن نفسي و...
قاطعها : زين..عورتي راسي..قومي تجهزي
فرح : و لا يهمك دقايق
راحت لبست عباتها و شيلتها
و ركبت السيـارة
و للمكتبة

×××

كـانت فرحانة واايد
توضأت و صلـت المغــــرب
تحس روحها بتطير من الفرحة
الدنيا مب شايلتها
خلصت الصلاة و شالت السجادة و راحت
لتحت
عند المطبخ
كانت أمها تسوي العشـاء
راحت لها
نادية : يمه شنو العشاء ؟!
أم عماد : معكرونة بالباشميل
نادية : اللــــه..تصدقين خاطري فيه
أم عماد : إنتي ما تشبعين من الأكل هذا حق أختج فرح..صار لها يومين ما تاكل قالت لي أسوي لها خاطرها فيه
نادية : أهــاا..تصدقين يمه راحت المكتبة مع نصور ما قالت لي
أم عماد : و إنتي بس تحشرين نفسج بينهم ؟!
نادية : ليـش كله وياها مب معاي ؟
أم عماد : تغارين ؟ تراها غالية و هذي وصيـة يعني أمانة يا نادية
نادية : ع الأقل يطلعوني يودوني مكان شئ..مني مناك..هني هناك..مب بس في البيت
أم عماد طقت نادية خفيف ع جتفها : يلا روحي..صج مصختيها واايد..
نادية : هههههه..إنزين إنزين
و راحت لغرفتها
شبكت ع النت
من زمان ما دخلت ع النت
أصلاً صار لها يمكن خمسة شهور ما يودت الكمبيوتر
ما شغلته مولية
دخلت ع إيميلها
شافت أبرار شابكة
دخلت عليها
( في النفـــــس..ألحان و أحاسيس جميلــة " نادية " )
( أنا كتلة من المشـاعر..موجوعة بالألم و المذلة " أبرار " )
فـي النفـس : هــاي..شخبارج شمسوية ؟!!
أنا كتلة : بخيـــر
في النفس : شفيج باردة ؟
أنا كتلة : حزينــة
في النفس : آووه..ليـش ؟!
أنا كتلة : قلبي مهموم
في النفس : بـشنو !
أنا كتلة : إلي أحبه طلع متزوج
و حطت أيقونة تبجي
في النفس : مالت عليج..ع هذا تصيحين..و هذا إنتي ما تعرفينه
أنا كتلة : قلبي تعلق فيه نادية..إفهمي
في النفس : الحمدلــله..آنه ما أحب أحد و لا أحد يحبني..حب عشق
أنا كتلة : مردج بتحبين و بتقولين صاجة أبرار
في النفس : ما بحب..و لا بعشق و لا بتزوج..بقعد مع أمي.
أنا كتلة : ههههه..مردج بتزوجين..إنتي يعن ما تفكرين في الزواج ؟!
في النفس : سـؤالج معقد واايد..ألحين أبد ما أفكر في الزواج..همي بس إني أكمل دراستي..
أنا كتلة : أففف..إنتي في الجامعة و آنه توني في المدرسة بقى علي آنه و فرح سنة و نخلص و نفتك
في النفس : هههههه..بس الجامعة تعب..هلاك..يعني ترجعين من البيت مترخرة و خصوصاً المسافة بعيـدة واايد..يعني مثلاً نص ساعة بس تستريحين..يعني الثانوية واايد أحسن
أنا كتلة : ما أظن
في النفس : ههههههه..أوك برب
أنا كتلة : تيت

×××

يو الشرطة بعد ما خبـرهم عماد عن إلي صار..آسفة ما خبرتكم عن السالفة (.. قبل من إلي صار بساعة وحدة يوم أصوات صرخات و شئ يتكسر عماد راح مكان الأصوات في غرفة أمل و عماد في واحد سكران شارب داخل الغرفة بس من وين ؟! محد يدري..و كان السكران يبي ييود يد أمل و هي تتباعد و تصارخ و تكسر عليه التلفون و المزهرية و عماد يه و يوده و طيحه و إتصل بالشرطة و هذي السالفة كلها بإختصار ..)
حست بالأمان إتجاه عماد..حست يوم يطقها قبل معاه الحق..وياه تحس بالأمان..لها رغبة بالبكاء..بس مب حزن..فرح..لأن ربها يسر لها دربها مع عماد..نست حبها الأولي إلي كان مع أحمد..أحمد كان حبيبها سابقاً بس طلع من قلبها ذاك..و دخل في أعماق قلبها عمـــاد..أحمد كان مجرد شخـص مثل أي شخص غيره..طايــش..يخطبها و بعدين يخونها..بس فسخت الخطبة و الحمدلله..و خطبها عماد و وافقــت..بالبداية حست بالذل و المهانة..بس ألحين كل شئ تغيــــر..هي تحب عماد..بس هو يحبها ؟!! و بيغيــر طريقة تعامله معاها إذا ولدت..يعني إذا ولدت بيطقها..مثل المثل إلي يقول " عادت حليمة لعادتها القديمة " هذا إلي كانت خايفة منها
دعت من قلبها إن عماد ما يتغير
بس حست رجفة فيها و قلبها يدق بسرعة من إلي صار
بعدت الأاوهام و الأفكار من راسها
و حطت راسها ع المخدة و سكرت عيونها
تعبانة

×××

في يوم ثاني
في غرفـة هنـاء بالضبط..في الزاوية
هناء كانت ببـــرد و قشعريرة..تحس مشتاقة لـمراد..كل ما تبي تنساه ما تقـدر
دوم في بالهــا
تحبــه في قلبها
و من بره تكرهه
تجامل الناس و تقول لهم ما تحبه
عينها دمعت
بس مسحتها بسـرعة
و قامت قعدت ع كرسي مكتبها
و فتحت الدرج
طلعت صــورة مراد
تأملتها
و بعدين حضنتها
و دموعها طاحوا بهدوء
و قالت : حبيبي..لمتى بتظل عايش بقلبي..و أجامل الناس..؟! لمتى..آنه أحبك..ليش عذبتني..حبيبي..ليش ؟! لا تخليني أبجي..أحبك حبيبي
طلعت ألبوم
فيه كل صـور مراد
فتحت الألبوم
شافت أول صـورة
كانت هي و هو
في ليلة عرسهـم
كانت ذيك الليلة من أحلى ليالي عمرها
مجتمعة مع مراد في بيت واحد
بس القدر خلاها
تطلق منه
هي إلي طلبت منه
و هو سكران
بجت بحرقة
بألم
بعوار قلب
حست بخنقـة
طلعت من غرفتها
لبست عباتها و شيلتها
خذت سويج السيارة و شنطتها
و نزلت تحت مكان سيارتها موقوفة في الباركات
راحت عند موقف السيارات
فتحت سيارتها بالسويج
و شغلت السيارة
ركبت
و فتحت الجامة
كان الهوا روعة
مشت
و وقفت عن غشارة
و مشت
راحت عند البحـــر
كان بس في عائلتين موجدين
و من بعدين عوايل واايد
الصبح إييون عجــيب
نزلت
و راحت يم البحر
تشوفه
تتأملـه
بس ما تشكي له همها
بس تتأمله
الأمواج تمشي
بهدوء
و مرة وحدة تجي موجة كبيـرة
و ترد الأمواج الصغيـرة تمشي بهدوء
بس تجي الموجة الكبيـرة
و ترد الأمواج الصغيـرة
الأمواج عيشتها مب أحسن منها
قعدت تتأمل للحظات
الرمل كان ناعم
ما فيه شوائــب
ولا حجارة كبار
لونه ذهبــي
بس لفت إنتباهها
مــــراد
إلي قاعد يمشي مع بنت لابسـة بلوزة حفـرة لونها بيضا و برمودة جينز ضيق ضاغط ع جسمها , و شعرها يتطايـر لونه أسود حرير
و قاعد يتضحك معاها
حست بالغيــرة
بالضيق
بالندم لأنها يات هالمكان
دمعت عينها
و صاروا الدموع ع خدها و ع جفونها
هو ما شافهــا
بس يوم تقرب منها
إنصدم
شلون هي موجودة هني ؟! و بأمر من ؟؟
فيصل ما يرضى تطلع بروحهـا
طالعها
و طالعته
تلاقت النظــرات
و بدأت دموع هناء تنزل : مـ مـ ـ ـراد

يتبع الجزء السابع

http://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gif
أهلاً
يسلمووووو على الجزء ^_^
أنتظر الجزء الياي
بس صراحه حتى أنا يمكن ما أدخل المنتدى وايد بس أطالعه للحظه و أروح لأني وايد عندي أشغال و المدرسه بعد ... فبس آخر الأسبوع أقدر أدش و عندي وقت :0023:
و بس طبعاً أنا بتابع القصه لين النهاية إن شاء الله

تحياتي
http://img49.imageshack.us/img49/2694/052qz.gif
دمعة الإمارات
http://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gifhttp://img49.imageshack.us/img49/2694/052qz.gif

لوسيندا
تدرين من زمان عنج في قصتي
أسعدتني
قلبي إنفتح
عندي أمل إني أكمل القصة بمرح
:)