صحيح مثل ما قالت رومنسية اعتقد في مدارس اغلب البلدان العربية

موجودة مادة التربية البدنية .. على حسب معلوماتي

وعلى السعودية مع اني سعودية بس ما اعرف ولا شي عن المدارس هناك

لاني ماقد درست فيها ..

بالنسبة لرأي أنا أأويد هالمادة لاننا احنا محتاجينلها وجسمنا محتاج لها

للحركة واللعب وممارسة الرياضة

يعني مو متخيلة اني ادخل مدرسة وما فيها رياضة ><

احبها واحسها مفيدة وممتعة وكمان لو يحطونها مثلاً حصتين او ثلاث

بالكثيير في الأسبوع فـ لا بأس .. اهم شي انها ما تأثر على باقي

المواد .. بالنسبة لتجاربي ما عمرها اثرت فهي في حصة ثانية ووقت ثاني

وبجد بستمتع في اللعب عاد ما اخفي شيء كرة القدم اكثر شي >>>حامد ولد على قولة اخوي خخخخ

الله يكتب الا فيه الخير

اشكرك الغالية على موضوعك وسؤالك وطرحك

هي في الحقيقة مش مادة
المفروض تكون نصف ساعة أو ساعة يوميًا بعد الطابور
لأنها بالطريقة هذه تكون أصح و أفيد و أسهل ،,
و شكرًا على الطرح

انا عن نفسي :046:
ودي يضيفونها عشان نرفه عن نفسنا شوي
بس تخيلو شكل البنات وهم جايين المدرسة
ما يقدرون يفتحون عيونهم
بس احسن نبدا اليوم بنشاط
ونركز في الدروس:004:

مشكورة حبيبتي عالموضوع:034:
انا عن نفسي ودي يضيفونها
عالاقل نرفه عن نفسنا ونسوي رياضه:015:

والله يريت
اتمنى
واساسا المفروض يكون في كل مدرسة

كل يوم طالعين لنا بشي جديد .. حتى الالعاب صارت اساسي .. احنا عندنا وقت ندرس المواد الاساسيه و الصعبه عشان ندرس الالعاب ..

اساسي يعني عليه درجات احنا بالكويت موجود الالعاب بس ما عليه درجات يعني لو تسقطين فيه مومشكله بس الحين صار اساسي على عاشر ..

انا السنه الجايه بروح عاشر و مثل ما تعرفوون صار الالعاب اساسي على عاشر >> بالكويت << انا عن نفسي مو ما احب الماده انا ما لي خلق البس لبس الالعاب .. يعني و الله على الحصه الاخيره اروح البس و لما يطق الجرس اتبهذل و حالتي حاله يا اتاخر على الحصه و لا مادري شيصير .. تعالوو شوفونا انا و رفيجاتي اذا طق الجرس نركض ركض للصف عشان الابلات عصبيات و ما يرحموون و الله شكلنا نكته .. النفنوف بصوب و شعري بصوب .. و بعدين التمارين صعبه يبونا ننقز على عصا طولها مادري جم و نمر من فوقها و نعديها شنو سيرك ؟؟!! .. و المصيبه عليها درجات .. و نلعب كرة سله عاد من طولي انا عشان العب .. يعني صج حصة الالعاب ما لها دااعي لان الابلات ما يعرفون شي .. انا مع حصة التربيه البدنيه بس لازم يكون في ابلات سنعات و الالعاب حقنا احنا بناات يعني باليه اممم جمباز مو كاراتيه >> جنه صبيان << .. و الي ما تبي تلعب حررره يعني حرام في بنات متان و ما يبون يلعبون لازم يخلونهم على راحتهم .. مو قصب ..

مشكوره على الموضوع

رنين الايام

اكيد بآيد ونحن بمدرستنا في حصة رياضة كل اسبووع .. وهيه حصة كثير حلوة بنقضيها مع بعض بنلعب مع بعض


والرسول عليه الصلاة والسلام وصانا بلعب الرياضة

ابداً ما بتآثر على المواد والاآخرى وما بنضييع وقت وهيه حصة للتسلية وبنفس الوقت بنستفيد

/
/

ضوء القمر

مشكورة كثير عزيزتي

دمتِ بخير

دفا الاحزان