|
هلا والله حياكم الله بنات
لولي بوب , ترى المسيد مو زحمة لدرجة انج المفروض تكونين موجودة إلى العصر عادي طلعي من البيت قبل أذان العشا بربع ساعة و ان شاء الله توصلين انا كل يوم أروح و سهالة و فيه مكان و مرات اوصل بعد الأذان و يكون باقي على اللإقامة دقيقتين مثلا و ألقى مكان بالنص مو ورا و بعد حاطين خيام برا يعني حلو جربي تيي باجر بيقرا ناصر القطامي بعد لا يطوفجْ ~ و ربي يكتب لجْ إلي فيه الخير إلا بسألجْ وين العفاسي ؟ ليش ما بيقرا بالمسيد الكبير ؟ و فهد الكندري ما تعرفين وين يقرا ؟ |
إللي أعرفه إنه العفاسي بيقرا بأمريكا
و أعتقد حتى فهد الكندري وياه .. لولي بوب .. ترى الزحمة مو لهذي الدرجة أبداً .. أنا وصلت على أذان العشا .. و لقيت مكان بالنص مع حروف .. الزحمة بس وقت الطلعة .. و عادي قعدي اقرليج جم وجه على ما يمشون الناس .. و سهالات .. مسيد الراشد .. اليمعه إللي طافت كنت فيه .. كان فيه اعتكاف سبائك .. أو مره أروح شي لهم .. خوش روحة و الله .. دروس و ذكر .. تعالوا اليمعة اليايه من الساعه 11 لي ورا صلاة العصر .. |
حروف
جزاج الله خير ما شاء الله جدول جميل في ميزان اعمالججج .. ان شاء الله ربي يتقبل منج و منهم و منيي لووول |
مشالله عليج :)
كله في ميزان حسناتج ان شالله :) انا ارووج المسيد بس بعشر الاواخر .. واحلا شي انج اتروحين " المسيد الكبيير " سبحان الله اتحسيين بشعوور مو طبيعي بس حسافه " العفاسي" يقولون ماراح يكون موجود :( ومشكووره مره ثانيه |
هلا والله ازقرتيووو ,
آآآمين ياربْ تسلمين مس كويت ~ حلوة روحة المسيد انا أروح المسيد حق التراويح لاني ان ضليت بالبيت ما راح اصلي >< فالأفضل أروح المسيد عشان أصلي العام رحنا المسيد الكبير ليلة الــ 27 بس , بس قلنا خلاص هالسنة ما بنروح كلش المسيد الكبير بس بنروح مسجد جابر العلي هذا لان ماشاء الله الفيلجاوي صوته احلى من العفاسي و اقرب و مو ازحم ربي يكتب الي فيه الخير و يوفقنا و يعينا على طاعته و الله يغفر لنا ذنوبنا اجمعين آمين ~ { حروف ~ |
| الساعة الآن 05:01 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.