|
لالالالا لاتقطعيها هنا هسة
مو زين شوقتينا ع الموضوع يلا نريد التكملة ننتظرج يلا سي يو |
تكملة رواية ( أصدقاء للأبد لو يطول الأمد ) روووعة
الجزء الثالث ام بندر : يارب ترجع لنا لين عااجلا غير آجلا ياااارب ام حسام : آآآآآآمين ... بروح اتصل على ابو حسام اشوف وش صار على ربى ........الو ابو حسام : هلا ام حسام : وش صار على ربى ابو حسام : لا ما شاء الله صحتها الحين افضل ام حسام : صاحيه ولا نايمة ابو حسام : لا منومينها .... لقيتوا صديقتها؟؟؟ ام حسام : لا ما لقوها ابو حسام : الله يرجعها بالسلامة ام حسام : آآآآمين .... مع السلامة نروح لعند لين... لين بمكان مهجور محبوسة ومربوطة ... تبكي وتدعي ربها لين وهي تبكي وخايفة : ياااااااارب بااااكريم يا ذا الجلال والاكرام يارب ترجعني بالسلامة يااارب احفظني ياحي ياقيوم وفجأة انفتح الباب....... العصابة جو عند لين زتد خوفها وصارت تقرأ المعوذات وآيه الكرسي والاذكار الرجل : خالد رح ناد ابو جاسم خالد : ان شاء الله يا تركي تركي :هههههه خايفه هاه لين سااااكته وتدعي ربها انه يحميها ويحفظها خالد : ابو جاسم جاء ابو جاسم : وين البنت تركي : هذي هي طال عمرك ابو جاسم : امممممم وش اسمك لين ساااكته .... ابوجاسم بصوت يكسّر الجدران بصوت عااالي وخشن : اقووول وش اسمك ما تسمعين ؟ لين : آآآآآآآه ... اسمي لين ابوجاسم : اممم لين .. طيب يالين ما معك غير الجوال هذا وعقوله لين : ايه ابوجاسم : تركي خالد تركي وخالد : سم طال عمرك ابو جاسم : روحوا جيبوا المسدس زاقتلوها ... ومرة ثانيه اذا جيتوا تسرقون ... لا تسرقون من بزارين في الشارع !!.. تركي : ان شاء الله خالد : تم وراحوا جابوا المسدس لين : يااارب يااارب ما يقتلوني ياكريم يا ودود ياذا العرش المجيد %%%%%%%%%%%%%%%%%%%%%%% طبعا كان ابو بندر وبندر وابو سامي وسامي مزعين انفسهم مع الشرطة علشان يدورون لين .... وكل واحد معه شرطيين ى بندر كان قريب من المكان.... ابو جاسم : عطوني المسدس ... وطلق طلقة علشان يجرب لين صرخت صرخة قوييييه بندر سمع الطلقة ... اخذ المسدس من الشرطي وراح يررركض وراحوا معاه الشرطيين وهم يركضون اتصلوا على باقي رجال الشرطة علشان يجون للإنقاذ بندر دخل وتسلل وسمع صوت ابو جاسم ابو جاسم : استعدي للموت ... ههههاااي وحط يده على المسدس وقبل ما يطلق ... جاء بندر ... وطلق طلقه من المسدس اللي معه ابو جاسم خااف مره : مين بندر : انا وجو الشرطة وراه وصاروا يطلقون الشرطي فهد : ارموا السلاح .. ابو جاسم رمى السلاح فهد : والباقي يله ارموا السلاح خالد وتركي خايفين : مامعنى سلاح فهد : كلكم روحوا وراء الجدار وراحوا وراء الجدار فهد : بندر رح وخذ البنت برى بندر : انا فهد : بسرعة ... وانتم أي حركة رح تموتون بندر راح للين وهو خايف .. الشرطي فهد: بندر خذ البنت واطلع برا بسرعة بندر: ان شاء الله .. يا الله يا لين امشي نطلع برا.. لين: وين ابوي وسامي .. بندر: هم بالطريق ان شاء الله الحين يجون . لين: طيب وطلعوا برا ...وأخيرا جت الشرطة وجابوا ابو سامي وسامي ابو سامي: لييييييين الحمدالله على السلامة .. لين : الله يسلمك.. سامي: خوفتينا يا البقرة .. لين: انا بقرة .. ابو سامي: مشكور يا بندر ما قصرت. سامي: ما شاء الله عليك ذيب.. بندر : العفو. لين: يبه اخذوا جوالي وفيه صور لي. ابوسامي: لا تخافين يرجعونه لك بإذن الله وأخيرا أخذوا العصابة لقسم الشرطة وحققوا معهم.. واخذوا لين وسألوها كم من الاسئلة .ورجعوا لها جوالها.>>>> الحمد لله انهم رجعوا جوالها وإلا كان انفضحت..لأن كل صورها فيه .................... أبو سامي : يا الله نرجع للبيت . وأخيرا رجعوا للبيت ودخلت لين للبيت أم سامي: هلا والله بلييييييين حبيبتي.. لين: راحت تركض وضمت امها وهي تبكي. ام سامي: سلامتك يا عمري خوفتيني. لين: يمه آسفة لإني طلعت من غير أقول لك ام سامي : هالمره الله ستر لكن المرة الثانية ما تطلعين إلا رجلي برجلك وصاروا يسلمون عليها .. لين: وين ربى ؟ ام حسام: ربى بالمستشفى. لين: وش فيها؟؟!! ام حسام: لا ما فيها شيء بس جاها خوف واغمي عليها وودينها للمستشفى. لين: يمه أبي أروح لم ربى عشان تخف روعتها. ام سامي: ما يخالف بس انتي تعبانة روحي ارتاحي بعدين روحي لها. لين: لا يمه ابي اروح لها الحين.. ام سامي: خلاص طيب. وراحت لربى..ربى كانت على السرير وابوها جالس يقرأ عليها وهي الى الآن ما صحت. لين: ربى .. ربى...ربى ربى فتحت عيوينها وشافت اغلى انسانه تحبها وتغليها بالدنيا ربى: لين لين: الحمد لله على سلامتك.. ربى : وسلامتك.. لين: انا الحمد لله بخير انتِ وش لونك ربى: الحمد لله انا بخير دامك بخير. %%%%%%%%%%%%%%%%%%%% بعد يومين.. أبو سامي وأبو حسام قطوا واستأجروا استراحة وعزموا كل اقاربهم بمناسبة سلامة بناتهم .. البنات كانوا جالسين يسولفون .. ريما: ما شاء الله كل الاستراحة على شأنكم . فيهم خير هالعصابة .. لين: وع ع ع .. لا تذكريني فيهم ربى: الصراحة يوحشون شلون تحملتيهم؟ لين: والله ما أدري تدرين كم مرة أغمي علي. ربى: مرتين؟ لين: صح ما شاء الله عليك .. تحسين فيني.. ربى: وش رايك نسويها مرة ثانية والله وناسة لين: لاااااااااااا تكفين خلاص توبة ..عاد انتِ ما شاء الله عليك رجعت للبيت أنا الي تورطت.. ربى: خلاص المرة الثانية أنا بروح معهم وأنتِ ارجعي . لين: من جدك.. يا المجنونة..؟ ربى: لا لا أمزح ههههههههه تخيلي بسم الله علي الله لا يعيد الشر عند الحريم .. ام بندر: يا أم سامي أنتبهي للين تراها مزيونة ولا تخلينها تطلع لحالها.. ام سامي: الله يعيني عليها هالبنت فيها نشاط غريب عجيب وهبال. ام حسام: يا حبي لها الله يخليها لك .. ام سامي: آآمين . رن .. جوال ام حسام .. ام حسام: هلا .. أبو حسام: هلا شوفي.. ترا البيت فيه عمال يعتقون الجدران نبي نروح لأخوي ام حسام: يوووه طيب ما تجهزنا. أبو حسام: عاد وش أسوي لك .. أم حسام: طيب ما يخالف بس بيتهم بعيد.. أبو حسام: المشوار عليّ وإلا عليك.. ام حسام: لا عليك بس اخاف تتعب.. أبو حسام: وش أسوي.. أم حسام: ما أدري نأخذ لنا شقة .. أبو حسام: وع انتي تعرفين اني ما أحب الشقق.. أم حسام: خلاص فكر وعلمني.. ابو حسام: مع السلامة ام حسام: مع السلامة أم سامي: وش فيكم .. أم حسام : يقول بنروح لأخوه.. ام سامي : ليش عسى ما شر ..؟ ام حسام: لا أبد بس البيت فيه عمال ويبي يودينا لبيت أخوه بالخرج ويرجع علشان يجلس مع العمال. ام سامي : أوف بس مشوار عليه ام حسام: ما أدري عنه .. ام سامي : ما عندكم احد بالرياض.؟ ام حسام: إلا بس مسافرين. أم بندر: وين.. ام حسام : هم لهم بيت بالشرقية.وراحوا كلهم إلا هو وإخوه علشان دوامات ام بندر: ايه الله يعينهم.. ام سامي: طيب تعالوا عندنا والله وناسة لو تنامون معنا حتى ليونه بتنجن لو تنام ربى معها . أم حسام : الله يسلمكم بس صعبة اخاف فيه إحراج. أم سامي : لا والله ما فيه إحراج ولا شي الله ابركها من ساعة لو تجون عندنا . ام حسام: أنا ما عندي ما نع بس اخاف ابونا ما يوافق.. ام سامي: لا عادي ابونا يقول له وخلاص.. وكلمت على زوجها وقالت له وزوجها قال لأبو حسام ووافق.. %%%%%%%%%%%%%%%%%%%%%%%%%% عند البنات جوري : لين لييييين لين لين : باسم الله خير جوري: عندي لك مفاجئة لين : وشو جوري: ربى واهلها بينامون عندنا لين طمرت من مكانها : احــــــــــــلفي .. جوري: هيه شوي شوي علي أنا رقيقة لين : ايه ما شاء الله باين ... ردي بسرعة جوري: والله لين : وخري بروح لم ربى وراحت لربى لين : ربى ربى ربى ربى ربى : نعم نعم نعم نعم وش عندك منهبله الله لا يبلانا لين: بتنامون عندنا اليوم ربى : احلفي من قال لك لين : جوري ربى : أكيد مقلب .........ما لقيت إلا أبوي يوافق جت ام حسام... أم حسام: ترا بننام عند لين... ربى: بصوت عالي مرررررره .. الله ونااااااااااااااسة ونااااااااااااااااسة %%%%%%%%%%%%%%%%%%%%%%%%% جوري : جمانة سمعتِ آخر الأخبار.؟ جمانة: لا جوري: أم حسام وعيالها بينامون عندنا . جمانة: ورحاب؟ جوري: إيه أكيد يعني رحاب مو من عيال أم حسام.. جمانة: إلا يا بختك بتسهرين وتنبسطين وأنا بروح لبيتنا .. وأقابل أربع جدران ويمكن أصيح. جوري تقطع قلبها: طيب تعالي معنا.. جمانة : اخوف ابوي ما يوافق. جوري: لا عادي عمي حليل يوافق بسرعة.بروح أكلمه.. وكلمته ووافق.. جمانة: فلللللللللللة ونااااااااااااااسة جوري: أول مرة نجتمع كلنا .. جمانة: لين ربى بنات .. الجميع : هاه .. جمانة: بروح معكم.. لين: الله وناسة. %%%%%%%%%%%%%%%%%% بعد العشاء راحوا للبيت والبنات مجتمعات في مجلس الحريم سوالف وأكل لين: ربى امشي فوق علشان نرتب فراش.. ربى: طيب ياالله. لين: هيه هيه.. ربى: هاه.. ألبسي الغطى. ربى: وشو له لين: يمكن العلة سامي يقابلنا . ربى: إيه صح ......طيب وراحوا وهم بالدرج لين ماسكة يد ربى .. تسحبها وربى تمشي شوي شوي لين: بسرعة ربى: طيب وش معجلك... ودخلوا الغرفة .. زينوا الفراش وجلسوا يسولفون ويلعبون.. %%%%%%%%%%%%%%%%%%%%% سامي يتصل على بندر... بندر : هلا .. سامي: بندر تعال احس اني طفشان بندر: هههههه نغرت من البنات. سامي: ايه والله تخيل صوت ضحكهم واصل عندي بس اني مقهووور بندر: ان شاء الله يا الله افتح لي الباب.. سامي: طيب مع السلامة ... بندر: مع السلامة.. %%%%%%%%%%%%%%%%%%%%%%%%%% وطول الليل سهر وبعد الفجر ناموا....وبعد صلاة العصر قاموا .. هم جالسين جت ....ام سامي... أم سامي: لين نسيتي وش عندك اليوم.. لين: وشوووو أم سامي : اليوم تغسلين الحوش مع الشغالة لين: يوووه يمه بليييز ما أبي ما لي خلق.. اغسل الحوش. وبعدين عندنا ضيوف عيب نغسل الحوش وهم عندنا.. أم سامي: اعوذ بالله تكفين كم عذر طلعتي.. بس مو مقبولات يالله قومي غسلي الحوش .. لين تتدلع : يمه .. أم سامي: قومي بس لين: طيب........ وراحو يغسلون الحوش الشغالة ولين ....وربى حلف على لين انها تساعدهم وكان الوقت العصر والناس بالمسجد يصلون.. لين وربى ماسكين لي الماء ( خرطوم).. ويلعبون بالماء ويرشون على بعض ..والشغالة معصبة...ولين تضحك عليها ... رن جرس الباب.. لين: هذا أخوي سامي. ربى: وش دراك أنه سامي وليش ما عنده مفتاح؟؟ لين: هو أول من يطلع من المسجد وما عنده مفتاح.. ربى: طيب تأكدي لين: مو لازم .. ربى: بكيفك.. لين : هه هه هه برش على سامي ربى: لا حرام عليك. لين: اقول اسكتي بس ربى: اقول افتحي الباب الولد من زمان يطق.. لين: طيب.. وفتحت الباب بس شوي وهي كانت وراء الباب,,, وربى تطالع من بعيد..أخذت لين لي الماء ..(خرطوم الماء) وصارت ترش الماء على الي عند الباب.<<<<<<<<< مهسترة ربى تأشر للين ولين ما أنتبهت ربى عصبت وصارت تنادي: لييييييين ليييييييين . لين: هاه وش تبين ربى: شوفي من عند الباب. لين : طلت وشافت .. مين تتوقعووووووووون.. اللي كان وراء الباب ..<<< لا تقولون اخوها سامي ..لا مو اخوها وش رح تكون ردة فعله ... وش رح يصير للمرجوجه لين ... كل هذا واكثر في الجزء الرابع من رواية ( ((اصدقاء للابد لو يطول الامد للكاتبة المسلمة المسالمة ))) sm.10. |
روووووووووووعة بمعنى الكلمة
واصلي ابداعك غلاتي ماننحرم منك ومن ابداعاتك يالغلا |
روووووعة
الستوري كووووول والكتابة ابداع واصلي ابداعاتك في الانتظار سي يا |
تكملة رواية ( أصدقاء للأبد لو يطول الأمد ) روووعة
الجزء الرابع
ربى تأشر للين ولين ما أنتبهت ربى عصبت وصارت تنادي: لييييييين ليييييييين . لين: هاه وش تبين ربى: شوفي من عند الباب. لين : طلت وشافت ... ( ابو بندر ) عمها يمسح وجهه بمنديل لين طاح وجهها وصرخت صرخة وسكرت الباب يقوووه ابو بندر جلس يضحك على غبائها وهبالها لين راحت تركض عند ربى ربى : فشلتينا الله يفشلك عمك شرق وجلس يكح وانتي تضحكين لين : يووه فشيييييله وانا وش دريني انه عمي ربى : ان شاء الله تركتي اللي يصب لين : لا عطيته الشغاله .. مسكين والله توه جاي من الدوام وتعبان جوري : وش فيكم لين : ما فينا شي جوري : ليش وجهك كذا ةش صار اكيييييييد مسويه شيء تكفين قولي لي ما اعلم احد لين قالت لها السالفه... جوري : هههههههههههههاااي الله يفشلك يالخبله .. لين : وش دريني انه عمي حسبته سامي ربى : قلت لك تاكدي انه سامي بس ما سمعتي الكلام لين : جوري تكفين كملي غسل مع الشغاله جوري : ان شاء الله %%%%%%%%%%%%%%%%%%%%%% ابو سامي جاء من المسجد وشاف ابو بندر يمسح نظاراته الشمسيه وثوبه كله مويه ابو سامي : يوووه وش هذا ... ترى ما عندنا مسبح ابو بندر : ههههه هذي ليونه بنتك المهسترة الله يهديها ابو سامي: وش مسويه لك هالخبله ابوبندر : اقول الله يهديها بس ... نعيش وناكل غيرها .. هذا وانا عمها ابو سامي : يوووه قل وش سوت لك ؟؟؟ ابوبندر: طيب خلني ادخل .. كل من مر ضحك علي ابوسامي: ههههههههههه ... تفضل ابو بندر: زاد فضلك ابو سامي دخل اخوه ابو بندر في المجلس ابو بندر: معليش ابي اغير ملابسي ابوسامي راح جاب له ثوب .. وراح ابوبندر وغير ملابسه ابو سامي : ايه قل لي السالفة ابو بندر قال له السالفة ابو سامي : وشلون دريت انها لين ابو بندر: اعرف صوتها ابو سامي : عن اذنك ابو بندر : وين تروح؟؟ ابو سامي : بروح اهاوشها ويمكن اضربها بعد علشان تتأدب مرة ثانيه ابو بندر: لا لا لا ... علشاني سامحها .. ابو سامي : علشانك بس وجلسوا يسولفون ............. رن جوال ابو سامي ابو سامي : هلا لين لين : الو يبه .. عمي عندك ابو سامي: ايه عندي حسبي الله عليك .. دخلتي المويه مع خشمه وملابسه كلها مويه لين : يووووووه فشيله ابو سامي : ليه سويتي كذا ؟ لين : حسبته سامي والله ما كان قصدي ابو سامي : الله يهديك لين : تأسف لي منه وقول له ما كنت اقصد ابو سامي : لا تعالي سلمي عليه وتأسفي وحبي راسه لين : استحي ... وين اودي وجهي ابو سامي : عاد ما علي منك .. تعالي تأسفي بسرعة لين : هههههه طيب جت لين سلمت على عمها وتأسفت منه وجلس ابوها يعطيها محاضرة طويله عريضة كالعادة علشان هبالها يخف وبعدين طلعت ووجهها احمرر من الفشيله ......... في المغرب ....... عائلة ابو سامي وابو بندر راحوا لبيوتهم .... %%%%%%%%%%%%%%%%%%%%%%%%% بعد اسبوع ... سامي جالس بغرفته يسولف مع بندر على الماسنجر ويكلم نفسه : خليني اسوي له مقلب .. واشوف وش يسوي لين دخلت عليه : هاااااااي سامي سامي : باسم الله وش تبين لين : مع مين تسولف سامي : مع بندر .... بسوي له مقلب لين : ايييييييييييه تكفى بس نبي مقلب على اصول سامي : امممممممم وش اسوي له لين قالت له وش يسوي ....... سامي : ونااااااااااسة بس اخاف يدعي علي لين : يوووووووووه ... اقول بس عادي مقلب سامي : هههههههه طيب انا اوريك فيه خخخخ لين : ورنا شطارتك سامي : شوفي الحين وش اقول له ... لين : ايه بس لا تخف عليه وتقول مسكين رحمته سامي : ان شاء الله ... %%%%%%%%%%%%%%%%%%%%%%%% المحادثه سامي : بندر صدق اللي سمعته .. بندر : خير ان شاء الله سامي : لا مو خير بندر: افااا ليش سامي : ليش كلمت اختي لين على الماسنجر بندر: انا !!!!!!! سامي : اجل مين .... مسوي نفسه برئ . يندر صااار وجهه اسود : انا حرام عليك .. انا ما عمري كلمت بنت على الماسنجر ابدا .... وانت تعرفني اني ما احب هذي الحركات سامي : شف بكلمك على الجوال ... بندر: اوكي %%%%%%%%%%%%%%%%%%%%%%%% سامي اخذ الجوال وصار يهاوشه هواش مو طبيعي ...!!! بندر دمعت عيونه من القهررر لانه مظلوم : سامي وش فيك ؟ من اللي قالبك علي .... حرام عليك لا تظلمني سامي : اقول اص ولا كلمة بندر سكت ............... سامي : مع السلامة بندر: سامي سامي : خير بندر : سامي ليش ما تصدقني ..... ارجوك صدقني والله ثم والله اني ما كلمت لين على الماسنجر .... سامي : اقول بس مع السلامة .... وسكرالسماعة بوجهه %%%%%%%%%%%%%%%%%%%%%%%% سامي : هاه وش رايك ... اعرف صح لين : ايه بس احس انك قسيت عليه شوي سامي : ههههههه وشكله خاااف بعد لين : يعني صدّق سامي : ايه صدّق مسكييييييييين لين : خلاص يله كلمه قل له انه مقلب حرام عليك سامي: ليش لين : سامي ما ابي اصير انا السبب في تفرقكم .. كنتم اصدقاء مررة ماتستغنون على بعض ... تتزاعلون على كم كلمة بالماسنجر سامي : هيه انتي ... انا ما زعلت عليه لين : طيب يمكن هو صدّق وزعل عليك ... ويقول وش ابي اصادق واحد يشك فيني ...... صح سامي : ايه صح .... لين : بسرعة كلمه سامي : طيب .... كله منك ... الله يقلع بليسك %%%%%%%%%%%%%%%%%%%%%%%%% بندر منسدح على سريره ومنقهرررررررررررررر وشوي ويبكي من القهر بينه وبين نفسه : آآآآآه ... وش عنده هذا ليش يظلمني .. ليش قلب علي ليش ليش......... رن جواله وشاف رقم سامي اخذ الجوال وبسررررررعة رد عليه بندر : هااه سامي : السلام عليكم ورحمةالله وبركاته بندر: وعليكم السلام سامي : وش لونك بندر : بخير .. وش تبي ؟؟ سامي : زعلت ؟ بندر : وش رايك ... تظلمني وتبيني اضحك ... سامي : ترى مقلب لا تزعل يندر : وشو ؟ سامي : مقلب مقلب ... هههههههههههههههههههههههههههه بندر : وجع ... حسبي الله عليك الله يقلع بليسك .... شوي واصيح من القهر ياااا تبن سامي : ههههههههههههههههه وش رايك فيني بندر : ههههههههههههههههههههههههههههه ... الصراحة شخصيه شككتني بنفسي .. وبعدين انا ما اعرف ايميل لين علشان اسولف معها بالماسنجر انت ووجهك ... سامي : هههههههههههههههههه عاد انت مو كل شي تصدقه ياخبل بندر : فرحان هاااه؟؟؟ سامي : لا والله لم سكرت السماعة ضاق صدري بندر : لاااااه ما شاء الله سامي : والله من جد بندر : ايه زين ... سامي : توصي على شيء بندر : لا .. مع السلامة سامي : هههههههههههه مع السلامة ... تعيش وتاكل غيرها خخخخخخ %%%%%%%%%%%%%%%%% لين : هاه زعل سامي : لا ... اصلا ما يقدر يزعل علي لين : من زينكم انت وياه وع سامي : اقول بس اطلعي من الغرفه لين : اكيد بطلع سامي : سكري الباب ... ابي انام وراي جامعة لين : تصبح على خير سامي : وانتي من اهل الخير راحت لين لغرفتها ونامت ............. %%%%%%%%%%%%%%%%%%%%%%%% يوم الاربعاء في الصباح ... وبالتحديد بالمدرسة الحصة الاخيرة ... كانت ايام المراجعه... ربى : ليوونه لين : هلا وغلا ربى : استعديتي للأختبارات ربى : وععع ما لي خلق للاختبارات لين : عاد شدي حيلك نبي درجه ترفع الراس لين : ان شاء الله صفرت الحصه وكل واحد راح لبيته ....... %%%%%%%%%%%%%%%%%%%%%% وبسرعة مرت الايام .. وانتهت ايام الاختبارت وكل واحد اخذ شهادته ........ وابشركم الكل نجح وش رح يسون بالاجازة .... وين رح يقضونها وش يصير لهم من مواقف واحداث كل هذا واكثر في الجزء الخامس من روايـــــــة ( ((اصدقاء للابد لو يطول الامد للكاتبة المسلمة المسالمة ))) :sm.42: |
وش رح يسون بالاجازة .... الله اعلم وين رح يقضونها بالبر وش يصير لهم من مواقف واحداث الله اعلم بس اعتقد بتصير قصص حب
|
يلآآآآآ واللي يرحم والديك لا تبطيييييين
تحياتي (مس جوري ). |
اناانتظر ع أحر من الجمـــــــــــــر ودي أعرف وش بيصير
والله انها قصة مشوقة وحلوة تسلم الايادي اللي كتبتها تحياتي (مس جوري )*.. |
اتاخرتي!!!!
|
من عيوني
رح اكمل لكم |
| الساعة الآن 06:28 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.