منتديات بنات دوت كوم - لحظات أخوه وشقاوه || صور ~*!

و عليكم السلام و الرحمة

عشان تفتح الصوره بالحجم الكبير
برنامج الحماية
سوالي 100 عقدة
لين وقفت البرنامج !

طريقة ترتيب الصورة تووونس :dribble:
شوي يمين شوي يسار
العادة لما نعلق نقول الصورة الاولى كذا الثانية كذا
الحين بنستخدم كل الاتجاهات :cool:

أحلى صورة
ثاني سطر على اليسار
معني أحب العبط
لكن حبيت مسكتهم لبعض و ابتسامتهم :cool:
يمكن لأني فاقده اخواني
>> بتبدي النواح و قصة سندريلا لوولز
و بعد لأنه باين مرتاحين بالحركة
و قراب من بعض

تشبه الصورة الأولى على اليسار
هم مافيها عبط مثل الباجي
لكن بعاد عن بعض و أحس صبا رقبتها مو مرتاحه
عاد هالشي ما حسيته
إلا لما شفت الثانية بالسطر الثاني ، فحسيتها أضبط و المعنى عاطفي أكثر لوولز

إلا ما شاء الله شلون ولد وافق يسوي جذي !؟
أحس بهالعمر يقول : لا شنو ! شكو ! مابي :beee: ! ويع ! حركات بنات ! :character0039:
يظهر قوة العمة لها دور :cool2: هيهيهي
على طاري حركات البنات
لما كبر صار شكله أنعم :dribble: ..
خاصه مع الشعر الطويل
و ترا ستايله كوول :cool2:
هذي موضة قصة مراهقين بره لووول
إي ابتسامته ما شاء الله لا تزال تعجبني D=
و يظهر هالابتسامة لها مستقبل مثل الابتسامه المعجونية ذيك هيهي
إذا تم جذي يحلو أكثر كل ما كبر
فترا عندي اختي الصغيره تعرف تطبخ :blush: لوووول

السطر الأول يسار
حلوووة
جنها شايلة راسه بيدها
كنت بقولج حلاته جسمه مو امبين
بس شفت السطر الثاني على اليمين
زاويه أحلى قبال ويهه عدل
و جسمه مو باين
و بنفس الوقت من تحت شوي
فصايره صبا جنه شايله راسه صج و جنه ثقيل عليها ^.~
حسافه باقي إيدها ما طلعت
ال3 اسوارات الذهب
ذكرتني يوم كنت صغيره
امي ملبستني 3 اسوارات ذهب بيدي اليسار
تمو بيدي من عمري 7 لي 12
ما شلتهم أبد
و لا صدووا
حتى ما طلعوا من ايدي
رحنا لمحل ذهب
فكهم و رجع ب لحمهم ببعض

الاخيره على اليمين
تضضضحك
عندي احلى حركة عبط
و أحس لو حاطتها مقلوبه تطلع أعبط
يعني راسة مقلوب خاصه انه شعر مايل فتضبط شوي

و الاخيره على اليسار
شي ثااني
جنه حزينه
و أخوها يواسيها :"(
صج لقطات
عطت لحظات أخويه مختلفة و واقعية
أقصد إنه فعلاً بين الاخوه
شقاوه و عبط
و زعل و مواساة
و محبه و ترابط
بقى تصورينهم متهاوشين :mad0230: >> خربت الجوو p=

قواج على جذي صوور http://www.banaat.com/vb/images/icons/thumbsup.gif
اليهال يبيلهم بال طوويل :sm107:
و يكونون بمزاج عشان تطلع الصور حلوة :cool2:
و ما شاء الله شكلج خذيتي الصور بالوقت المنااسب ^.~