رفيجتي اختمت القرآن شنو أهديها..؟!!((رايكم يهمني

[جوجو 92]

السلام عليكم

بنات ابي رايكم بموضوع
رفيجتي اللي حيل معاي
اختمت لقرآن((حفظ))
كانت أمنيتهاانها تختم القرآن والحمد لله انا ماقصرت معاها لمن رحنا العمرةدعيتلهاوالحمد لله استجابت دعوتي وألحين لازم أعطيها هدية برايكم شنوأعطيها..؟!!
ابي شي مميزحييييييييل..؟!
تكفون بسرعةابي رايكم
رايكم يهمني
واناوالله محتارةحدددددي
انطركم بأحر من الجمر
شرايكم بالألوان
عشان ما تلوع جبدكم وانتوا تقرون
ابي ردود والله تعبت..؟!!

[amoura]

هاي حبيبتي

مبروك لرفيجتك بس ما عندي فكرة

ممكن مصحف و معاه لوحته يكون مميز

هذا اللي فبالي
السموحة

و قانكس على استشارة بنات دوت كوم ^^

[جوجو 92]

منورة امورة حبيبتي
تسلمين ع الطلة الحلوة

[[سـ المجد ـهام]]

وعليكم السلام و رحمة الله و بركاته

ألف مبروك لصديقتك حفظ القرآن ،،

أنــا أقترح تهدين لهـا درع فخم ( من زجاج مثلا ً )

و تكتبين عليه عبارات

أيــا ريحانة الإسلام

أيا حافظة القرآن ،

في صدركِ النور

فأنيري دروب الناس


أو أي عبارة تحبينهــا ،،

و إذا عندك إستطاعة تهدين لهـا قلاده/حلق/خاتم على ذوقك

مو شرط ذهب ، بس أهم شي فخم :)

و الله يوفقك و يوفقهــا :)

[شهيدة البحر]

السلام عليكم:
بارك الله فيها ومبارك لها وعقبال عندنا ان شاء الله
برأيي ان حفظها للقرآن الكريم اكبر هديه وليس من المهم ان تكون الهدية التي تريدين اهداءها ثمينة ، المهم هو سبب اهداء الهدية ، لذلك افضل شئ ان تهديها مصحف لأن القرآن الكريم اثمن من الدهب واثمن من كل شئ
جزاك الله كل خير
اختك في الله
شهيدة البحر

[&بنت الفرات&]

انا من رأيي
انج تهديها صندوق تفتحه تلقي فيه قرآن
لان القران اغلى من اي شي حتى من الماس

[sona the moon]

على قول البنات بما انها ختمت القران اهديها قران لان استعمالها له حيكون كثير خصوصا
لمن تجي تراجع حفظها فبكذا تكوني ضربتي عصفورين بحجر الاول انك تاخدي اجر في كل ايه تقراها والثاني انها تتذكرك على طول كل ما فتحته عشان تقرا فيه
بس انتي جيبيلها من المصاحف المجلده بقطيفه واللي تجليدها مكلف وراعي انو يكون مثلا لون التجليد نفس اللون المفضل لها
واكتنبي على اول صفحه كلمات اهداء منك مع تاريخ اليوم اللي اهديتيها في القران
انا صارت لي هالحركه لاني الحمد لله خاتمه المصحف وصحبتي القريبه مني سوت هالحركه وما تتصوري فرحتي بهالهديه اللي اتذكرها وادعيلها كل ما قرات وراجعت قراني
وان شاء الله اكون افدتك ياقمر
وتقبلي مروري
سونا

[وردةالجوري]

الف مبروووووووك

لزميلتك

وانا راااايي افضل هديه


قرااان صغير تحطه بالشنطه

اذا راحت للمسجد او سافرت


ووفقك الله واياها لما يحب ويرضى


وعقبالنا كلنا

[جوجو 92]

منورين بنات والله اسعدتني ردودكم
خلاص ان شالله بهديها قرآن وبوك وجنطة شرايكم..؟!!