خاااااااااااااايفه

[درة]

السلام عليكم ورحمة الله وبركاته
يابنات تكفوووووون ابي مساعدتكم انا حدي خاااااااااايفة .. السالفه يا طويلات العمر
آنا الحين ادرس صيفي بجامعة البحرين .. المهم بيتنا بعيد وااااااايد عن الجامعة فاروح بالباص والي توفرها الجامعة ... بس الي يروحون بالباص قليل بس آنه وبنت كانت اول تروح معاي بالباص بس صار لها فترة ما اشوفها وفي شابين يقعدون ورى وللأمانه انهم قمة في الأخلاق والأدب .. المشكله في السايق اهوا شاب يمكن عمره في العشرينات وهو الي يودينا للجامعة ويرجعنا للبيت المهم لاحظت ان عينه واااااااااايد زايغه ويطالع بنظرات تموت من الخوف ويقط كلمات والي زاد من شكي انه امس واحنا نازلين من الباص الصبح .. نزلوا الشابين وبنت كانت معنا وآنه آخر واحده نزلت وقفني وقال لي ترى في الرجعه راح نغير الباص فتعالي لي وتأكدي من الباص الي راح نغيره .. وانا في المحاضره شكيت وقلت في نفسي ليش قالي آنا بالذات وليش ما قال للي كانوا معنا .. فقلت يابنت روحي وتأكدي من المسؤول عن الباصات ويوم رحت استفسر قال لي المسؤول انهم لا بيغيرون الباص واهوا نفسه .. انصدمت الصراحه وزاد خوفي وقلت اهوا ليش كذب علي وشنو كان يبي بالضبط على فكره انا واحده واااااااااايد خوافه .. وخاصه في هالمواقف والله ما قدرت انام من الخوف حتى فكرت ما اروح الجامعة بكره بس علي إمتحان وابوي بيكون في الشغل ومافي احد يوصلني شاسوي ؟؟واااااااااااايد خااااااااااااايفه ميته من الخوف والله قاعدة اكتب لكم وانا ارتجف من الخوف .. شاسوي ؟؟؟ بنات تكفوووووووووون ردوا علي .

[الصبورة]

خله إيمانج بالله قوي

صلي صلاة استخارة شنو تسوين

تحافظين ع نفسك او ع دراسه

بتوفيق يا اختي

[درة]

اختي الغالية الصبورة يزاج الله الف خير .. والله انا مؤمنه بالله وعارفه انا الله هو الحافظ .. يارب احفظني واحفظ بنات المسلمين من كل شر .. وان شاء الله راح اصلي صلاة استخاره .

[درة]

الله يرضى عنكن ردوا علي .. والله مو قادرة ادرس علي اختبار في فصلين ولحد الحين مادرست إلا خمس صفحات من الفصل الأول مو قادرة اركز .. كلما اقعد ادرس اذكر السالفه واموووووووووووت من الخوف وما اقدر اكمل .. يااااااااااااارب .. ياالله شنو ذي والله صرنا كأننا عايشين في غابه والخوف يسيطر علينا من كثر الي نسمعه هالأيام يا رحمان يا رحيم احفظنا واستر علينا .. ولاني اعتبركن خواتي .. ما لاقيت احد اكلمه واشتكي له بعد الله إلا لكن وانا اعرف انو ما بيدكن شي تسوون لي بس خففوا عني هالخوف شوي بكلماتكن الرائعه .. ودعواتكن .. الله يرضى عنكن دعواتكن

[الشمائل]

درة يا قلبي

ليش ما تشلين احد من خواتج وياج أو تكلمين امج وابوج باللي صار وشاوري عليهم

او تكلمين البنت اللي تركب وياج وتقولين لها انها تركب وياج الباص

لان مب حلوة تركبين ويا شاب مشكوك في اخلاقه ونواياه

.
.
وإذا الشابين على حسب كلامج انهم في قمة الأخلاق

فقولي لهم إن كانت فيهم شهامة ، انهم ما ينزلون إلا لما يتاكدون أن كل بنت في الباص نزلت عند باب بيتها

وبعدين يسيرون هم لبيوتهم مع الشاب اللي يسوق الباص :)

..
ويا الله يكون بعونج الصراحة ..

ردي طمنينا أكثر

[&بنت الفرات&]

قلبو لا تخافي

انا رأيي من رأي شمول

قولي للشابين انهم ينزلون بعد ما كل بنت توصل لباب بيتها

قلبي معاج حبيبتي

ان شاء الله ادعيلج من كل قلبي

[joury's heart]

سلاااااااام
حبيبتي دودو انا رأيي تقولي لأبوك ..........وهو يتفاهم معاهم
وطمنينا ننتظرك ............................ والله يوفقك :013:

[Ro00omana]

من جد حكي اي احد او خدي الشغالة معاكي
وقبل ماتخرجي اقري اية الكرسي والمعوذات
وبعدين مو حيروحو معاكي الشباب
لا تخافي ان شالله كلو حيكون تمام

[بندوولة]

السلام اختي انا من رأيي شيء يخوف انك تروحين وتركبين معاه وتشوفين عينه عليك لازم تقولي لأبوووووووك الشيء مو سهل حبيبتي واذا ابوك مشغول كلميه بالجوال وطمنيني..

[بسمة وردية]

بصراحة ماالومك في خوفك

طيب ماتقدرين تروحين مع احد ثاني؟؟

ابوك او احد اخوانك

او سائق خاص مع محرم "زوجته او بنته"

او تغيري الباص ... او تقولين لابوك يكلم المسؤول ويطلب منهم

تغيير السائق ...



واذا تعذر كل هذا ...

احرصي على الستر ولاتعطين الرجال وجه وكلمي البنت تجي معاك

وخليه ينزلك اول وحدة ... او عالاقل قبل الشابين ... اهم شي مايخليك الاخيرة

والله يحفظك يارب ...

[بحـــ الإحساس ـــر]

حبيبتي قولي لأبوك السالفه
وان شاء الله يقدر يساعدك ويوديك اهو بنفسه للجامعه
لأن في هذا الزمن كل حاجه تخوف

ربي يحفظك من كل شر ويوفقك وينجحك يا قلبي

[درة]

درة يا قلبي

ليش ما تشلين احد من خواتج وياج أو تكلمين امج وابوج باللي صار وشاوري عليهم

او تكلمين البنت اللي تركب وياج وتقولين لها انها تركب وياج الباص

لان مب حلوة تركبين ويا شاب مشكوك في اخلاقه ونواياه

.
.
وإذا الشابين على حسب كلامج انهم في قمة الأخلاق

فقولي لهم إن كانت فيهم شهامة ، انهم ما ينزلون إلا لما يتاكدون أن كل بنت في الباص نزلت عند باب بيتها

وبعدين يسيرون هم لبيوتهم مع الشاب اللي يسوق الباص :)

..
ويا الله يكون بعونج الصراحة ..

ردي طمنينا أكثر

مشكووووووووووووووره حبيبتي شمايل على شعورج الطيب وكلامج الرائع انا كلمت امي وقلت لها عن الي صار فهي قالت لي اشتكي عليه عند المسؤولين وكمان كلمت البنت الي تروح معاي بالباص وهي لاحظت انو شخص ما عنده اخلاق وقالت انه مره كان يبي ياخذ رقم جوالها واتفقت معاها عشان نروح مع بعض ونكلم المسؤول عن الباصات عشان يغيروا السايق .. تطمني يا قلبي انا الحين قاعدة اكلمك من الجامعة توي خلصت اقدم الاختبار كان صعب بس الحمد لله سويت الي علي .. تدرين اليوم الصبح وانا طالعه من البيت كنت واااااااايد خايفه انو ما يكون في الباص احد غيري فقلت باخذ معاي السكين واخبيه بشنطتي:012: هههههههههههه.. بس تعوذت من الشيطان وقريت آية الكرسي والمعوذات وتوكلت على الله .. الحمد لله لما ركبت الباص لقيت فيه بنت قبلي وبعدها ركب الشابين .. فتطمنت وارتحت .. وان شاء الله بعد المحاضرات بروح اشتكي على السايق وان شاء الله يغيرونه ويحطون واحد يخاف ربه.

[&بنت الفرات&]

طمنتينا يا درة

الحمدلله انج ما صببتي بأذي

[LaaLa]

يا اللله..
إتحممست للسالفة..
إيــش صار معااكي..
طمنييينا..
إن شا الله يكونو طلعوووه..
طمنيينا..

[درة]

قلبو لا تخافي

انا رأيي من رأي شمول

قولي للشابين انهم ينزلون بعد ما كل بنت توصل لباب بيتها

قلبي معاج حبيبتي

ان شاء الله ادعيلج من كل قلبي

تسلمين حبيبتي بنت الفرات .. الله يرضى عنك ويسعدك .

[درة]

سلاااااااام
حبيبتي دودو انا رأيي تقولي لأبوك ..........وهو يتفاهم معاهم
وطمنينا ننتظرك ............................ والله يوفقك :013:
الحمد لله مر هذا اليوم على سلام .. بس لساتني مقهووووووره الحين احنا رحنا نشتكي عليهم نبيهم يغيرون السايق .. تفاجأت انهم في الرده ..تدرين شنو غيروا .. غيروا الباص والسايق هو نفسه ما غيروه ..حسبي الله ونعم الوكيل .. بس عندي تصرف ثاني بيشوفون:009:
الله يخليكي ياقلبي joury's تسلمين حبيبتي الله يسعدك ويوفقك

[درة]

من جد حكي اي احد او خدي الشغالة معاكي
وقبل ماتخرجي اقري اية الكرسي والمعوذات
وبعدين مو حيروحو معاكي الشباب
لا تخافي ان شالله كلو حيكون تمام

الله يخليكي حبيبتي .. مشكوووووووره على شعورج الطيب .. الله يرضى عنك ويسعدك .

[درة]

السلام اختي انا من رأيي شيء يخوف انك تروحين وتركبين معاه وتشوفين عينه عليك لازم تقولي لأبوووووووك الشيء مو سهل حبيبتي واذا ابوك مشغول كلميه بالجوال وطمنيني..

وعليكم السلام والله يا قلبي انا اليوم رحت واشتكيت عنه عند المسؤولين عن باصات الجامعة وما شاء الله عليهم غيروا الباص والسايق ما غيروه .. لاحول ولاقوة إلا بالله :017: :017:والله انه شخص قليل ادب ومو مربى واحد حقير .. آنا شاسوي الحين تدرون اليوم قليل الذوق .. كنت انا قاعدة في النص وهو مكاني الي كل يوم اقعد فيه والشابين ورى والبنت الي كانت معانا نزلت وبقى الشابين لاني كلمتهم انهم ينزلون بعد ما احنا البنات ننزل والله ما قصروا يزاهم الله الف خير .. النذل الحقير قام يأشر بيده ويسوي حركات وانا من المنظره اطالعه مع اني قد ما اقدر احاول اني ما اعطيه وجه واسفله هالسافل الحقير .. حسبي الله ونعم الوكيل ما عنده خوات يخاف عليهم :007:

[درة]

بصراحة ماالومك في خوفك

طيب ماتقدرين تروحين مع احد ثاني؟؟

ابوك او احد اخوانك

او سائق خاص مع محرم "زوجته او بنته"

او تغيري الباص ... او تقولين لابوك يكلم المسؤول ويطلب منهم

تغيير السائق ...



واذا تعذر كل هذا ...

احرصي على الستر ولاتعطين الرجال وجه وكلمي البنت تجي معاك

وخليه ينزلك اول وحدة ... او عالاقل قبل الشابين ... اهم شي مايخليك الاخيرة

والله يحفظك يارب ...

حبيبتي بسمة وردية مشكوووووووووره حبيبتي .. الله يرضى عنك ويوفقك ويسعدك والحمد لله رب العالمين انا وحده ملتزمه بالحجاب الإسلامي وانا من اسره محافظة نشأت على مبادئ القيم والحشمه والستر والله ما يبين مني شي ودايما احرص على تصرفاتي والتزم الادب الشديد لما اضطر اني اتكلم مع اي شخص في الباص او في الجامعه والله ما دري من وين طلعت لي هذه البلوه الله يبليه ولا عاد يوصل بنات الناس والله المفروض قبل ما يصير الواحد دكتور او موظف او سايق في الجامعه لازم يسوون لهم دوره في الأدب والأخلاق ويختارون الشخص الي يخاف ربه وبنات الناس واعراضهم ما هي لعبه .. حسبنا الله ونعم الوكيل

[درة]

حبيبتي قولي لأبوك السالفه
وان شاء الله يقدر يساعدك ويوديك اهو بنفسه للجامعه
لأن في هذا الزمن كل حاجه تخوف

ربي يحفظك من كل شر ويوفقك وينجحك يا قلبي

ويحفظك ويحميك حبيبتي.. مشكووووووووره الله يرضى عنك ويوفقك

[درة]

طمنتينا يا درة

الحمدلله انج ما صببتي بأذي

الحمد لله رب العالمين.. بس ايش الفايده ماغيروه :009:
مشكووووووووووره يا قلبي على شعورك الطيب .. الله يرضى عنك ويسعدك ويحفظك من كل شر.

[LaaLa]

يـــا الله مرررة يقهروو..
إيش الفايدة يعني..
غيرو الباص و لا غيرو السايق!!
يستهبلو!!
مرة قهر..
طيب فهموهم زييين إن إنتو ما تبغو تغيير الباص تبغو تغيير السايق نفسوو..
و إذا إستغبو..
قولي لأبوك يكلم الإدارة أو مسؤلين الباصات..
و إن شا الله يغيرووه...
قلبي معــاك..

[..قلبي شدا..]

اللـ(ـهـ) يحفظك يادرة ويحميك

ممتاز سوي نفس الكلام الي قلتيـ(ـهـ) وبشرينا اذا بيغيرو(ـهـ)

[Ro00omana]

طيب الحمدلله انك تمام وبخير
من يوم ماشفت الموضوع وانا بالي معاكي
ربنا ستر

[درة]

يـــا الله مرررة يقهروو..
إيش الفايدة يعني..
غيرو الباص و لا غيرو السايق!!
يستهبلو!!
مرة قهر..
طيب فهموهم زييين إن إنتو ما تبغو تغيير الباص تبغو تغيير السايق نفسوو..
و إذا إستغبو..
قولي لأبوك يكلم الإدارة أو مسؤلين الباصات..
و إن شا الله يغيرووه...
قلبي معــاك..

اي والله انهم يقهرووووووووووووو
فهمناهم زين بس ما ادري ليش يستغبون ويستهبلون
ان شاء الله ابوي راح يكلمهم وما راح نسكت
الله يرضى عنك حبيبتي Laala ويحفظك ويوفقك

[درة]

اللـ(ـهـ) يحفظك يادرة ويحميك

ممتاز سوي نفس الكلام الي قلتيـ(ـهـ) وبشرينا اذا بيغيرو(ـهـ)
الله يرضى عنك يا قلبي وان شاء الله انهم يغيرونه .. الله يحفظك ويحميك ويوفقك

[درة]

طيب الحمدلله انك تمام وبخير
من يوم ماشفت الموضوع وانا بالي معاكي
ربنا ستر

تسلمين حبيبتي .. الله يرضى عنك ويوفقك ويحميك من كل شر

[ثلجة]

الحمد لله انك بخير

اذا رفضو يغيرو السواق جيبي سواق و طلبي من البنات يروحو معاك وتقاسمو راتبه اعرف بنات كثير في الجامعه يسوو كذا

الله يحفظك قلبي معاك

[درة]

الحمد لله انك بخير

اذا رفضو يغيرو السواق جيبي سواق و طلبي من البنات يروحو معاك وتقاسمو راتبه اعرف بنات كثير في الجامعه يسوو كذا

الله يحفظك قلبي معاك


الحمد لله .. الله يخليكي حبيبتي ثلجه ويحفظك ويرعاك .. انا فكرت اذا رفضوا يغيرون السواق بعد ما ابوي يروح لهم ويوريهم شغلهم زيييييييييين اسوي مثل ما قلتي .. اعتقد انهم راح يغيرونه اذا ابوي كلمهم وان شاء الله خير.

[Dr.LoOoge]

حبيبتي طيب لك حلين يا تغيري الباص يا تشتكي عند المسؤولين
والله يكون في عونك
او اذا تعرفي احد معاك في الجامعة خليها توصلك معاها

[درة]

حبيبتي طيب لك حلين يا تغيري الباص يا تشتكي عند المسؤولين
والله يكون في عونك
او اذا تعرفي احد معاك في الجامعة خليها توصلك معاها

الله يرضى عنك يا قلبي .. احنا رحنا واشتكينا للمسؤولين ومن دون فايدة بس ان شاء الله بكره ابوي راح يكلمهم ويعلمهم شغلهم زيييييييييييين .. وان شاء الله يغيرونه .. الله يحفظك ويوفقك حبيبتي

[الرميثيه]

بصراحه لو أنا بدالج جان خفت
والله يكون بعونج...

[درة]

بصراحه لو أنا بدالج جان خفت
والله يكون بعونج...

تسلمين يا قلبي .. الله يحفظك ويحميك يااااااااااااااارب وعندي خبررررررررر مرررررررررره حلوووو ان شاء الله من الإسبوع الجاي راح يغيرون السايق .. وان شاء الله يحطون سايق يخاف ربه .

[دلوعة أمها]

ياااويلي وربي خفت عليك الحمد لله على سلامتك يا عسل ...

[الوفاء طبعي]

الحمدلله على كل حال والله يعوضكم بواحد يخاف ربه