حلاوة مصاص
28-06-2007, 09:58 PM
كنتي في حفلة ، مناسبة ، عزيمة
وأحرجتك وحده من الحاضرات بكلامها وأنزنقتي ماتدرين وش تردين عليها
فتسلذيتي بالصمت وأنتي وجهك أنقلب طماطه من الحيا ومالك إلا توزعين ابتسامات
فأنا أقولك أنو خلاص مافيه إحراج بعد اليوم من الرد
تعالي أوريك القائمة اللي أنقضتني من زنقات كثيرة
وحفظتها صم وسمعتها بعد وخلتني بنت سنعه <<<< تكفين ياشيخة
وأكيد راح تفيدكم
طبعاً " الله يسلمك " حتكون رد لكثير من مقولات التهنئة بالسلامه أو الثناء
" جزاك الله خير / الله يعافيك " حتكون رد للي يقدم لك خدمه أو معروف أو أي شي .... إلخ
ولما يسألونك "كيف حالك ؟ " بدال الرد العادي الحمدالله طيبه عطيه بعض المنكهات
الي يعطي ردك قوة وجمال ( يخليك تحسين انك كذا شخصية )
مثل " طيبة طاب لونك / بخير يامال الخير "
وأحياناً بعد طول غياب عن الأحبه يفاجئونك بقولتهم
" عاش من شافك "
هنا أحسن شي تردين بـ " عاشت أيامك "
وتلاحظون بعد قدوم غالي يهنون بقولتهم " قرت عينك " هنا تقولين
" قرت عينك بوجه نبيك "
أو يقولون " هناك العقلان " ( الصراحة هذي سمعتها مره ومافهمتها
إلا يوم شرحت لي أمي ويعني عقل الله عليك غائبك برجوعه )
هنا تردين " هناك خير "
وانتبهي لما يسألك أحد عن أسمك أو نسبك وتقولين له
ويرد عليك " والنعم " فعلطول
ردي عليه " ينعم بحالك أو ماعليك زود "
ومع الضيافة والضيوف فيه عادات كثيرة فتلقين اللي مضيفتك تقولك
" الساعة المباركة "
فيكون ردك أنتي " بارك الله فيك أو بعمرك "
وبعد الأكل أشكري الي مضيفينك بقولتك " أكرمكم الله " ويكون الرد
" صحة وعافية أو حياكم الله "
وبعد نهايه الزيارة تقول المضيفه " خطوة عزيزة " فيكون الرد
" عزك الله بطاعته "
ولما يبخرونك بالعود أحلا شي
" طاب ريحك أو طاب طيبك أو طيب الله فالك "
وقبل ماتطلعين ينقال " استرو ما واجهتوا " دايركت " لم نواجه إلا الخير "
وإن كان القول " فرصة سعيدة " فردي " وأنا أسعد "
ولماتسوين خطأ أو يطيح منك شي فيمكن يقولك أحد " سلمت " فتردين " لاهنت "
أما الذوق فلما يمدح أحد شكلك أو عملك أو كلامك أو غيره المناسب هو " كلك ذوق "
أو إذا وصف أحد شي لك بأنه " حلو " فردي فوراً " الله يحلي أيامك أو عيونك الحلوة "
ولما تقدمين خدمة أو معروف لأحد ويقولون لك " مشكورة ماقصرت " فيكون ردك " عزيزة وغاليه "
ولما يقاطع أحد وهو يتكلم فبدال ما تقولين له " كمل " تكون كلمه
" اسلم " افضل بكثير
وترا لكل مقام مقال ، ولكل دولة عاداتها وتقاليدها
وهذي تشكيلة من تقاليد وعادات أهل نجد
وطبعاً أفرح وأستقبل أي قائمة من أي وحده منكم
أو إنها تحب تضيف إضافة وخاصة أن حنا في صيفية ومقبلين على وهقات كثيرة
دمتم سنعات
حلاوة مصاص
وأحرجتك وحده من الحاضرات بكلامها وأنزنقتي ماتدرين وش تردين عليها
فتسلذيتي بالصمت وأنتي وجهك أنقلب طماطه من الحيا ومالك إلا توزعين ابتسامات
فأنا أقولك أنو خلاص مافيه إحراج بعد اليوم من الرد
تعالي أوريك القائمة اللي أنقضتني من زنقات كثيرة
وحفظتها صم وسمعتها بعد وخلتني بنت سنعه <<<< تكفين ياشيخة
وأكيد راح تفيدكم
طبعاً " الله يسلمك " حتكون رد لكثير من مقولات التهنئة بالسلامه أو الثناء
" جزاك الله خير / الله يعافيك " حتكون رد للي يقدم لك خدمه أو معروف أو أي شي .... إلخ
ولما يسألونك "كيف حالك ؟ " بدال الرد العادي الحمدالله طيبه عطيه بعض المنكهات
الي يعطي ردك قوة وجمال ( يخليك تحسين انك كذا شخصية )
مثل " طيبة طاب لونك / بخير يامال الخير "
وأحياناً بعد طول غياب عن الأحبه يفاجئونك بقولتهم
" عاش من شافك "
هنا أحسن شي تردين بـ " عاشت أيامك "
وتلاحظون بعد قدوم غالي يهنون بقولتهم " قرت عينك " هنا تقولين
" قرت عينك بوجه نبيك "
أو يقولون " هناك العقلان " ( الصراحة هذي سمعتها مره ومافهمتها
إلا يوم شرحت لي أمي ويعني عقل الله عليك غائبك برجوعه )
هنا تردين " هناك خير "
وانتبهي لما يسألك أحد عن أسمك أو نسبك وتقولين له
ويرد عليك " والنعم " فعلطول
ردي عليه " ينعم بحالك أو ماعليك زود "
ومع الضيافة والضيوف فيه عادات كثيرة فتلقين اللي مضيفتك تقولك
" الساعة المباركة "
فيكون ردك أنتي " بارك الله فيك أو بعمرك "
وبعد الأكل أشكري الي مضيفينك بقولتك " أكرمكم الله " ويكون الرد
" صحة وعافية أو حياكم الله "
وبعد نهايه الزيارة تقول المضيفه " خطوة عزيزة " فيكون الرد
" عزك الله بطاعته "
ولما يبخرونك بالعود أحلا شي
" طاب ريحك أو طاب طيبك أو طيب الله فالك "
وقبل ماتطلعين ينقال " استرو ما واجهتوا " دايركت " لم نواجه إلا الخير "
وإن كان القول " فرصة سعيدة " فردي " وأنا أسعد "
ولماتسوين خطأ أو يطيح منك شي فيمكن يقولك أحد " سلمت " فتردين " لاهنت "
أما الذوق فلما يمدح أحد شكلك أو عملك أو كلامك أو غيره المناسب هو " كلك ذوق "
أو إذا وصف أحد شي لك بأنه " حلو " فردي فوراً " الله يحلي أيامك أو عيونك الحلوة "
ولما تقدمين خدمة أو معروف لأحد ويقولون لك " مشكورة ماقصرت " فيكون ردك " عزيزة وغاليه "
ولما يقاطع أحد وهو يتكلم فبدال ما تقولين له " كمل " تكون كلمه
" اسلم " افضل بكثير
وترا لكل مقام مقال ، ولكل دولة عاداتها وتقاليدها
وهذي تشكيلة من تقاليد وعادات أهل نجد
وطبعاً أفرح وأستقبل أي قائمة من أي وحده منكم
أو إنها تحب تضيف إضافة وخاصة أن حنا في صيفية ومقبلين على وهقات كثيرة
دمتم سنعات
حلاوة مصاص