أوه .. عندي مشكلة جمالية و مب عارفة وش أسوي .. " نحن هنا لمساعدتك " ..

[The VIP]

.. السلام عليكم و رحمة الله و بركاته ..

.. هلا بنات ..

.. شحالكم و شو خباركم ..

.. ان شاء الله تكونو بخير ..

.. اليوم حبيت أفتح ها الموضوع عشانكم ..

.. طبعا أكيد كل وحدة منا ياها اليوم الي عانت فيه من مشكلة جمالية ..

.. مثلا طلعطلج ذيج الحبة في نص خشمج أو ما تدرين شو تسوين ويا شعرج أو بعد أسبوع عندج حفلة و ويهج تعبان و أو أو ... إلخ .. :010:

.. هني تقدرين تحطين مشكلتج و أنا و البنات نحاول كلنا نساعدج في حلها ..

.. ان شاء الله تعيبكم الفكرة ..

.. و لا تنسوني بردودكم أوكي ..

.. يلا سلااااااااااااام ..

.. The VIP ..

.. اللهم صلي على سيدنا محمد و على آله و صحبه أجمعين ..

[الألماسة]

السلام عليكم ورحمة الله وبركاته


روعة الموضوع غلاتي، إن شاء الله البنات يستفيدوا منه.

مشكلتي هي:

كان عندي حب شباب مالي وجهي كله

بس الحمد لله الدكتور عطاني مرهم وأقراص خلصتهم وصار وجهي تمام

المشكلة إنه مو صافي مية في المية

لسة في حبوب مرة صغيرة على أنفي وذقني وخدودي و شوية أكبر على جبهتي.

وما تبي تروح

شلون أقدر أتخلص منها؟ بالعلم أن بشرتي دهنية


ومشكورة اختي مرة ثانية.

[The VIP]

.. هلا حبيبتي ألماسة ..
.. مشكورة على مرورج ..
.. بالنسبة للمشكلةفهي كانت عند مرت أخوي أقلج شو سوت ..
.. كانت تروح الصالون مرة كل أسبوعين تسوي تقشير بحيث أنها تتخلص من الطبقة الميتة من بشرتها ..
.. و ظلت تكرر ها العملية لين ما راح كل شي من ويها و صار صافي ..
.. هاذي الي أعرفه و ان شاء الله بدورلج في النت يمكن ألاقي حل ثاني ..
.. يلا بنات شاركونا فحل مشكلة ألماسة ..
.. لا تزعلوني ..

[مجنونة دبي]

يسلمووو عالموضوع ^^
مشكلتي هي :
يطلعلي حبوب في يبهتيه و أنفي و على الخدود جربت كريمات بس ما فاد
شو الحل ؟؟!!!

[الألماسة]

مشكورة غلاتي،

بس كيف أقدر أعمل تقشير للبشرة في البيت؟

[The VIP]

.. عندي وصفة عطتني اياها خبيرة تجميل " مكوناتها طبيعية " ..
.. بس المشكلة ما عرف وين حطيط الورقة ..:027:
.. ان شاء الله بدوربج عليها و برجع ..
.. و مجنونة دبي شو طبيعة الحبوب الي عندج ؟؟ ..

[Miss_World]

اممممممممممم
انا مشكلتي ان بشرتي دهنيه وتلعوزني دااااااااااايم ... شو الحل ؟؟؟

[فتـــــ غامصة ـــــــاة]

مشكلتي انو شعري مجعد بطريقة مش طبيعية و امي بتمنعني عن سشواره بستخدم كريمات كثيرة و مشهورة و شامبوهات مضاف اليها البلسم او حتى بلسم لحاله و بمشطوه 12 مرة باليوم حتى اني بجيب المشط معي على المدرسة باكول اكل صحي ليكون شعري ناعم و صحي و ما يتساقط لكن لساتوه زي ما هو

[فجر الغروب]

اهلا اختي
انا مشكلتي في الاساس
إذا حطيت الاساس على وجهي بعد فتره يعطيني نتبجه اسوى من لون بشرتي
مافي اساس إلاوجربته
اش الحل ساعديني الله يسعدك

[The VIP]

.. ألماسة ..
.. ما لاقيت الورقة .. سوري ..
.. بس لو تبيني أدورلج في النت أدور .. و ممكن تلاقين كريم لتقشير البشرة في الصيدلية ..

.. مس ورد ..
.. البشرة الدهنية لازم دوم تهتمين بنظافتها عشان لا طلعلج حبوب و رؤوس سودا ..
.. من تجربتي في أعمال تنظيف البشرة أستخدم غسول نيفيا فيزاج ينج .. وايد حلو .. بعديه تستخدمين لوشن للتنقية ..
.. و يبتلج خلطة ممكن تساعدج بس مو مجربة ..
.. منظّف البرتقال والزبادي علاج ممتاز للرؤوس السوداء والبشرة الدهنية :

المكونات :
ـ 2|1 و 1 ملعقة كبيره من الزبادي.
ـ 1 ملعقة كبيرة من قشر البرتقال المبشور.
ـ 1 ملعقة كبيرة زيت عُصفُر.
ـ 1 ملعقة كبيرة مطحون الشوفان

التحضير والاستعمال :
تُخلط المكونات جميعها ببعضها البعض لعمل عجينة.
تستخدم هذه العجينة في عمل تدليك للبشرة بأطراف الأصابع في حركة دائرية ، مع تجنب المناطق الرقيقة تحت العينين.. ويستمر التدليك لحوالي 5 دقائق.. ثم يشطف الوجه بالماء الفاتر ، ويُجفف.
يعتبر هذا المستحضر من المنظفات القوية للبشرة ومن العلاجات الفعّالة للغاية في التخلص من الرؤوس السوداء التي تظهر بالبشرة الدهنية.
وهو يستخدم بمعدل مرة واحدة يومياً

.. فتاة غامضة ..
.. سوي تمليس :027:..
.. حاولي تقنعين أمج .. لأن حسب ما شفت ربيعاتي كل وحدة جربت كل شي وما نفع معاهم غير التمليس ..

.. فجر الغروب ..
.. ما فهمت عليج ..
.. بس لو انتي بشرتج لو كان لونها غامق أختاريلها لون أساس أفتح منها بدرجة ..
.. و لو كان فاتح أختاري لون أغمق منها بدرجة ..
.. و ممكن تستخدمين الكونسيلر ..

.. و مشكورة على مروركم ..
.. بس أنا معصبة شوي ..
.. لأن الموضوع حاطاه عشان كلنا نتشارك في الحل وب بس أنا ..:009:
.. تعبت من الكتابة ..
.. يلا سلام و أتمنى منكم تساعدوني في الحلول ..
.. تحياتي ..
:034:

[domo3]

The VIP

حبيبتي موضوعك كتيييير روعة يعطيك ألف عافية ،،

و انا كتير حابة اشارك في الحلول بس مو حابة ابحث عالنت و اعطي البنات اي حل من غير تجربة خاصة ،،
يعني لما بدي اعطيهم اي حل لازم اكون مجربته بالأول لحتى اكون ضامنة انه ما بيضر العضوة المحتاجة له ،،

و ان شاء الله بشارك بس لما اكون متأكدة من الحلول اللي عندي ،،
و مرة تانية بشكرك على فكرتك الرائعة ،،

[بسمة وردية]

اهلا اختي
انا مشكلتي في الاساس
إذا حطيت الاساس على وجهي بعد فتره يعطيني نتبجه اسوى من لون بشرتي
مافي اساس إلاوجربته
اش الحل ساعديني الله يسعدك

هلا اختي

يعطيك العافية عالموضوع ..

تسلمين

*

واسمحيلي ارد على فجر الغروب

يعني يغمقك زيادة ولا كيف ؟؟

شوفي بقولك انتي كيف تحطين الاساس ؟؟

اول شي لازم تسوين تنظيف لوجهك بالملك والتونيك .. واذا موجود عندك سوي تنظيف بالحليب لانه منظف للبشرة ..

بعدين تحطين كريم مرطب عشان يطلع المكياج مضبوووط

واصبري دقيقة عشان تتشربه البشرة

بعدين وزعي الاساس .. ( لازم تاخذين لون افتح من بشرتك بدرجة وحدة )

اذا تبين اساس سايل .. عندك كريولاين مرة رهيب وثقيل حق مناسبات

واذا تبين بودرة .. عندك تاتل فنش من كانيبو مرررررررررررة حلو وماهو بثقيل ..

وبالنسبة للاساس اوووووووعي تاخذين لونه وردي

يطلع الوجة احمر كانه مسطر >>>امش ياتشبيه ههههه

خذي اللي لونه بيج

واذا انتي حطيتي شي بودرة انتبهي تحطين فوقه شي سايل

يتكتل عليك ويخررررب كل حاقة

وعلميني وش صار معك ؟؟

اسفه عالاطالة ..

[مجنونة دبي]

طبيعة الحبوب اللي عندي :

تكون حمرا و تعور يوم ادقينها ..

يمكن حب الشباب ؟؟!!!!!

و لو حب الشباب ابا شي عشان ما تطلعلي ..

يسلموووو فديتج عالموضوع الحلو ..

[بسمة وردية]

^^^

اتوقع هذي حبوب الشباب انتبهي تلمسينها او تحاولين تطلعينها او تقبصينها

لانها تترك اثر مااااايروح وانصحك تروحين لدكتورة متخصصة تعطيك العلاج المناسب لحالتك

[فجر الغروب]

هلا اختي

يعطيك العافية عالموضوع ..

تسلمين

*

واسمحيلي ارد على فجر الغروب

يعني يغمقك زيادة ولا كيف ؟؟

شوفي بقولك انتي كيف تحطين الاساس ؟؟

اول شي لازم تسوين تنظيف لوجهك بالملك والتونيك .. واذا موجود عندك سوي تنظيف بالحليب لانه منظف للبشرة ..

بعدين تحطين كريم مرطب عشان يطلع المكياج مضبوووط

واصبري دقيقة عشان تتشربه البشرة

بعدين وزعي الاساس .. ( لازم تاخذين لون افتح من بشرتك بدرجة وحدة )

اذا تبين اساس سايل .. عندك كريولاين مرة رهيب وثقيل حق مناسبات

واذا تبين بودرة .. عندك تاتل فنش من كانيبو مرررررررررررة حلو وماهو بثقيل ..

وبالنسبة للاساس اوووووووعي تاخذين لونه وردي

يطلع الوجة احمر كانه مسطر >>>امش ياتشبيه ههههه

خذي اللي لونه بيج

واذا انتي حطيتي شي بودرة انتبهي تحطين فوقه شي سايل

يتكتل عليك ويخررررب كل حاقة

وعلميني وش صار معك ؟؟

اسفه عالاطالة ..


هلا حبيبتي بسمه
انا بشرتي فاتحه
واختار اساس افتح من بشرتي بدرجه
إلين هنا انا تمام بس المشكله مع الوقت الاساس يعطيني لون اغمق من بشرتي انا الحين استخدم ماكس فاكتر الجديد وبرضه يعطيني نفس النتيجه تعبت
مرات اقوال يابنت بشرتك فاتحه وصافيه ماله داعي الاساس بس عندي هالات سوداء تحت عيني لازم اخفيها اش العمل بنظركم؟:012: :030:

[مجنونة دبي]

مشكووورة بسمة وردية ع الحل .. و ان شاء الله بسوي اللي قلتي
يسلموو ..

[بسمة وردية]

فجر الغروب


اذا على الهالات قطعي خيار شرائح وحطيها يقلل الهالات وقللي السهر :)


مممممممممم وحطي كونسيلر بشكل خطوط عرضية في مكان الهالات بعدين حركيه بيدك


يخفيييييييي الهالات ومايحتاج تحطين اساس اذا ماتبين


مجنونة دبي العفوووو وحياك ربي :)

[مجنونة دبي]

عندي مشكلة ثانية شعري بعد ما اغسله يستوي كشششششششه و مجعد .. و عشان يرد نفس قبل لازم اسشوره شو الحل ؟؟

[برعم الورد]

عندي مشكله
تحت عيني سواد يفجع زي الزبادي وش الحل

[فجر الغروب]

فجر الغروب


اذا على الهالات قطعي خيار شرائح وحطيها يقلل الهالات وقللي السهر :)


مممممممممم وحطي كونسيلر بشكل خطوط عرضية في مكان الهالات بعدين حركيه بيدك


يخفيييييييي الهالات ومايحتاج تحطين اساس اذا ماتبين


مجنونة دبي العفوووو وحياك ربي :)
مشكوره ياقلبي جزاك الله خير

[Littel Angel]

والله من كثر ما قريت ما اعرف حق منو اكتب بس يلا بكتب وانشاءالله الكل يستفيد
او ل شي بالنسبه للي تقول شعري كشه توصلتو بالنهايه انه ما في حل الا التمليس صراحه انا عندي وجهة نظر ثانيه انشاءالله تتقبلوها حبايبي انا لاحظت انه معظمكم صغار بالعمر يعني 10-14 وحرام اتخربون شعركم بالتمليس والسشوار على فكره اذا اتلاحظون دارجه موضة الكيرلي والشعر المجعد ما يباله وايد شغل ليصير كيرلي والله انا شعري مو بوايد ناعم يعني بس اموت واخلي شعري كيرلي ما يظبط الا بالصالون والكل انهبل عليه في وايد كريمات او جل ممكن اتخلي الشعر كيرلي وحلو وبنفس الوقت ما اتخربه مثل السشوار او الكوي او التمليس وغيره
وبعدين يفترض انه جميعنا مسلمات والاسلام امرنا بالحجاب تعرفون هالشي رحمه لنا الحجاب يحمينا من الاشعه الضاره وكل العوامل اللي تسبب جفاف وتقصف شعرنا
حبايبي طولت عليكم بس اتذكروا شعر المرأه من علامات جمالها اتخيلو معي اليوم نحنا صغار وانسشور ونملس بشعرنا اوكي شعرنا الحين استوى حلو بس بعدين بينحرق وبيتقصف ونصير نوعا ما صلع وبعدين بيجي اليوم اللي كل بنت تتمناه وتتمنى اتكون جميلة الجميلات فيه يوم بنعرس اتخيلو شعركم المقصف والمحروق شو بتسون ساعتها بتلبسون باروكه ولا بتحطون وصلات ترى الاثنين حرام اسيبكم مع المنظر بعقلكم

[Littel Angel]

ثانيا بالنسبه للتقشير في وايد كريمات تقشير للبشره بس ما انصح بالاستخدام العشوائي لها واقول هالشي عن تجربه اذا انت اقل من 18 ما انصح فيه لأن انتو بمرحله تغير من العمر مرحلة البلوغ والبشره بتتغير وايد وصراحه ما بتكون احلى مرحله بس اي خطأ بهالمرحله بتم معك لبقية عمرك انصحكم تتريون لين تكبرون اشوي وبعدين اتسوى تقشير كرستال او بأحماض الفاكهة وبتشوفون النتيجه اما اذا تبون اتقشرون الحين فبعطيكم طريقه آمنه وانشاءالله ما بتإذون نفسكم
الطريقه:
ادهنو وجهكم بزيت زيتون وبعدين حطي اشوية سكر خشن بإيدك وحطيه على وجهك وحركي السكر بطريقه دائريه وبسرعه ولا تضغطي وايد لأن ممكن اتجرحين بشرتك واتركيه 5 دقايق وغسلي وجهك بصابون للبشره ولاتستخدمي صابون عادي لأنه يإذي الوجه وبعدين نشفي وجهك برفق وادهنيه بزيت زيتون وجهك بيمتصه وشوفي الفرق وادعيلي

[هيلين]

سلااااااااام ...

يسلمووووووووو عالمووووضوع

انا عندي اثار جروووح في وجهي وبالتحديد

في جبيني... يمكن لها شهرين او اكثر وشكلها وااااضح

من قريب:020: بس الي بعيد يلاحضها:009: ..

وشكلها مرررررررررة يحرجني .:040: .. وطبعا الزواجات جااااية..:::030:

وانا مااعرف ايش اسوي لها عشااان ترووووح..:027:

بليــــز بناااات ساااعدووني....17.

كريماات خلطااات اي شي. عشان تروووووووووح



وتريحنــــــــــــي.. :017: ...