.. ๑♥๑..|مـ(غ)ـامرات الـ(ب)ـنات فيـ الـ(م)ـدرسات|.. ๑♥๑..

[C A N D I D U S]

السلام عليكم و رحمة الله و بركاته

شلونكم ..؟ اخبراكم مع العطلة ..؟

في أحد زعلان منكم ..؟

أنا أي ..

لأني عن جد مشتاقة لايام المدرسة و رفيجاتي هناك ..

هئ هئ هئ هئ

المهمـ ...

كلنا عندنا ذكريات بالمدرسة مستحيل ننساها

و مغامرات و سوالف تضحك و تبجي و همّ تفشل ..!

SO

حبيت أفتح الموضوع عشان نتشارك هاللحظات

و هالذكريات الحلوة مع ايام الدراسة الممتعة

و اتمنى كل عضوة تدخل تضخكنا معاها و مو مشكلة اذا بكتنا


و احم

بقولكم أنا كم سالفة مرت علي و عن جد ناس ضحكت و ناس تفشلت *_^

في مرة كنا بحصة الرياضيات
و ابتلتنا استغفر الله حدث و لا حرج
قمر و عصبية و كله تصاارخ و مضبطة الصف تضبيط
و طبعاً العكس صحيح
أقصد ان الابلة ماكوا شخصيته كلش
و البنات دايم يطلعون من الحصة
و ماينتبهون و حتى اذا انتبهتوا ماراح تفهمون ..!
اسأل مجرب و لا تسأل طبيب
المهم مرة كنت مغيرة مكاني و قاعدة عند رفيجتي
" نورة "
نوري قالت لي – واحنا بالحصة – " تصدقين الأبلة متزوجة "
أنا انصدمت يعني صح الأبلة كبيرة بس جيكرة مووت ( الله لا يبلانا )
أنا رديت عليها شقلت " امانة من صجج ..؟ "
هي قالت " أي و الله و اسم زوجها ابو علي .. يعني هي ام علي عندها ولد ..! الله يعين زوجها وولدها عليها "
و أول ماخلصت نورة جملتها و الا الابلة وراها و تقول معصبة
" نووورة اخرسي .. كافي كلام "
نوري وجهها صار يقلب ألوان أحمر أصفر أزرق من الفشلة
و اول ما بعدت الأبلة سألتني
" امبييييه الأبلة سمعتيني ..؟ "
كان الظاهر ان الأبلة سمعتها
ومن وراها نورة نزلت راسها و كلش ما رفعتها بولا حصة رياضيات تستحي تحط عينها بعين الابلة بعد هذا الموقف
و لحد آخر يوم ما حطت عينها بعين الابلة
صارت تستحي منها ..
هههههه لوول عن جد مسكينة بس المفاجاأة ان الابلة ما كلمتها بالموضوع و لا جابت طاريه ..؟!

احم دي وحدى من سوالفي الي ماتخلص
و بانتظار سوالفكمـ و مغامراتكم المدرسية ^^

حبي‘
وايتي

[صعب تكراري]

ههههههههههههههههه...

عقدتنا في الحياه مدرسات الرياضيات ...

عيل مرة انا كنت في مختبر الاحياء ..وفي المختبر نقعد شلل ...

فكنت انا وربيعاتي ملنا يالسين عند بعض...واحنا معروفين بان شلتناهي الازعاج في الصف...

وكنت في هذا اليوم ناسيه نظارتي ...

والمهم كانوا ربيعاتي يسولفون وكلنا مع بعض نسولف...

فانا كنت مندمجه في السوالف ...وكنت اشرح بايدي وجي ...والمس موقفه الشرح وتطالعني ...

فجأة صرخت وقالت (((بسكم ما اقدر تشرح))..وهي يالسه تطالعني وانا اتحراها تطالع ربيعتي ايمان (لاني ما اجوف من بعيد)...

وتقول لي ايمان ..المس تطالعج اقولها لاا...يالهبله تطالعج...فردت وصرخت المس...وهي تطالعني وانا

مازلت اتحراها تطالع ايمان...

فرسمت على ايدي فيس مطلع لسانه :006: ...<<<<<<تقريباً...

واشرت على ايمان..فيت المس جهتنا ...وانا عاد اوني اطالع الكتاب و متعمقه في القراءة ...

مسكت اذنــــي بقوووووووه...قلتلها مس حراااااام علييييييييييج انا شو سويت منتبهه...

قالت تعرفييييين انج دااااااااهيه...جان ترد ايمان ترسم على يدها فيس مطلع لسانه :006: ...

هني البناااااات ماااااااااااتوا من الضحك...

وبـــس

واوني بعدين رحت عند المس ..مس انا اسفة وما كان قصدي((مسويه عمري وحده يعني))

لووووووووووولز

تسلمين الغالية على المشاركه الحلوه...

[rose love...m]

هههاي والله دائما معلمات الرياضيات غثيثات ماني عارفه ليه..
بحكيكم موقف صارلي وانا الى الان ادعي عليها..:004:
كنا في حصتها طبعا وكانت تشرح للبنات وقاعده تسوي عملية ضرب على السبوره وطلع الرقم الي ضربته خطا وانا والله بس مسكت القلم وقاعده اضرب العدد علشان اصححلها لانها بقره ماتفهم المهم لما مسكت القلم لقيت البنات
كلهم ساكتين وانا رايحه مع الحل وتعجبت من سكتة البنات وطالعت في الابله الهبله ولقيت عيونها عليا تحسبني قاعده الخص الدرس المهم وبعدها قالت لي انت ومرسامك ودفترك ورا اوقفي وانا رجعت ياعيني على نياتي وانا مشحونه مرررره لانو ظلم وقاعده ادعي عليها والله يابنات الاسبوع الي بعده كله غايبه ماجات تعبااانه احسن تستاااااهل ...هههههاي..
وهذه وحده ثانيه طبعا احنا بنات السعوديه لسا ماخلصنا اختبارات وكل وحده طبعا تعطي تجرافها لمعلماتها.
وزميلتي ودت لها تجرافها قالت لها استاذه اكتبيلي للذكرى..
تخيلو ايش قالت قالت طيب شليه من وجهي زميلتي عاد ماشفتوها يالله انقهرت مررررررره وقالت في نفسها من عدالة وجهك عشااان اعطيكي تجرااافي ياحقيره..
صحيح انها متخلفه ولا احد يحبها ...:011:

[C A N D I D U S]

ههههههههههههههههه...

عقدتنا في الحياه مدرسات الرياضيات ...

عيل مرة انا كنت في مختبر الاحياء ..وفي المختبر نقعد شلل ...

يا فرحتكم عن جد بيكون ونااسة مو احنا :009:

فكنت انا وربيعاتي ملنا يالسين عند بعض...واحنا معروفين بان شلتناهي الازعاج في الصف...

هههه عااادي بالهوى سوى

وكنت في هذا اليوم ناسيه نظارتي ...

والمهم كانوا ربيعاتي يسولفون وكلنا مع بعض نسولف...

فانا كنت مندمجه في السوالف ...وكنت اشرح بايدي وجي ...والمس موقفه الشرح وتطالعني ...

الظاهر الابلة احترت طلعتي تعرفين تشرحين احسن منها

فجأة صرخت وقالت (((بسكم ما اقدر تشرح))..وهي يالسه تطالعني وانا اتحراها تطالع ربيعتي ايمان (لاني ما اجوف من بعيد)...

وتقول لي ايمان ..المس تطالعج اقولها لاا...يالهبله تطالعج...فردت وصرخت المس...وهي تطالعني وانا

مازلت اتحراها تطالع ايمان...

فرسمت على ايدي فيس مطلع لسانه ...<<<<<<تقريباً...

واشرت على ايمان..فيت المس جهتنا ...وانا عاد اوني اطالع الكتاب و متعمقه في القراءة ...

مسكت اذنــــي بقوووووووه...قلتلها مس حراااااام علييييييييييج انا شو سويت منتبهه...

قالت تعرفييييين انج دااااااااهيه...جان ترد ايمان ترسم على يدها فيس مطلع لسانه ...

هني البناااااات ماااااااااااتوا من الضحك...

وبـــس

واوني بعدين رحت عند المس ..مس انا اسفة وما كان قصدي((مسويه عمري وحده يعني))

لووووووووووولز

تسلمين الغالية على المشاركه الحلوه...


لووول عن جد وناسة

:009: اشتقت للمدرسة أكثر

ييا فرحتج بهالمغامرة يالغلا

[C A N D I D U S]

هههاي والله دائما معلمات الرياضيات غثيثات ماني عارفه ليه..
بحكيكم موقف صارلي وانا الى الان ادعي عليها..
يؤ يؤ يؤ حرام عليج لحد الحين
لا لازم تسامحينها

كنا في حصتها طبعا وكانت تشرح للبنات وقاعده تسوي عملية ضرب على السبوره وطلع الرقم الي ضربته خطا وانا والله بس مسكت القلم وقاعده اضرب العدد علشان اصححلها لانها بقره ماتفهم المهم لما مسكت القلم لقيت البنات
كلهم ساكتين وانا رايحه مع الحل وتعجبت من سكتة البنات وطالعت في الابله الهبله ولقيت عيونها عليا تحسبني قاعده الخص الدرس المهم وبعدها قالت لي انت ومرسامك ودفترك ورا اوقفي وانا رجعت ياعيني على نياتي وانا مشحونه مرررره لانو ظلم وقاعده ادعي عليها والله يابنات الاسبوع الي بعده كله غايبه ماجات تعبااانه احسن تستاااااهل ...هههههاي..
وهذه وحده ثانيه طبعا احنا بنات السعوديه لسا ماخلصنا اختبارات وكل وحده طبعا تعطي تجرافها لمعلماتها.
وزميلتي ودت لها تجرافها قالت لها استاذه اكتبيلي للذكرى..
تخيلو ايش قالت قالت طيب شليه من وجهي زميلتي عاد ماشفتوها يالله انقهرت مررررررره وقالت في نفسها من عدالة وجهك عشااان اعطيكي تجرااافي ياحقيره..
صحيح انها متخلفه ولا احد يحبها ...

ههههههههه بس و الله اجرام
مو مشكلة كيفنا مع المدرسات الي مثلها

و خاصة الرياضيات

[miss the woorld]

هااااااااااااااااي .. كيف الحلويـــــــن؟؟!...

ماشاااء الله عليكم بانظلكم أنتم بالكويت عطلتوا وأحنا بالسعوديه لسه نمتحن تهئ تهئ تهئ:009: ...

بس مبروووووكـ النجااحـ <<< حتى اذا مانجحتي مبروووكـ....

المهم الله يوفق الجميع..

نرجع موضوعنا........

أنا كانت لي زميـــــــله مرررررره مع بعض أروح لها وتجيني ودااايم بالسوق مع بعض يعني

مرررررررره علاقتنا قووويــــــــــه...

جت الامتحانات النهائية السنه اللي فاتت جات صديقتي وكان مبين عليهاا مــرره تعباااانه..

أنا خفت قلت لها وش فيك عسى ماشر...

قالت: تخيلي أمس أبوي قال لي شي ضيق خلقي...

أنا أرتعت مره قلت: ليش وش فيك؟..

قالت: قال لي بنروح لندن عشان عنده بزنس..

قلت لها: طيب ليش ضايق خلقك ؟...

قالت:لا مو المشكله بنروووح ومو راجعين السعوديه الا بعد 5 سنوااات...

أنا مررره مصدووووومه..وعيني دمووووع <<< فيلم هندي..

قالت: بادرس هناك يعني خلاص ماارح أشووووفك..

أنا لحظتها كل دموووع الدنيا بعيني يوم قالت كذاا..

قلت لها: لااا لاتروحين خليك عند جدتك..

قالت: لالا مااقدر أبوي مايوافق أعرفه زين...

المهم هذا كان آآآآخر يوم بدال ماأستاانس ضااااق خلقي... وعلى طول بعد هالكلام جا سواقهم وراااحت..

ومرّت الأياام <<< القصه مطوله...

وأنا كل الاجازه أفكر فيها ....

وجت السنه اللي بعدها وأنا داخله السكول..وأبكي من دون صوت...

وأشوف مكاننا داايم نجلس فيــه وأبكي...

وأنا جااالسه ....>>>



































































أطالع من بعيد أشوف ((يارا)) وأقعد أصرخ بكل قوووتي أقول يااااااااااراااااااااااااااااااااااااااااااااااااا اااااااااااااا

المهم كل البنات يطالعوني ويحمدون ربهم على نعمة العقل <<< ههههههههههه..

ورحت وضميتهـا بقوووووووه أبكي وأضحك << صايره مجنوونه....

وأهوش عليها ...

تقول لحظه بافهمك وش السالفه...

المهم راحوا بس 3 شهور ورجعوا لأن فيه واحد ثاني أخذ البزنس بدل أبوها..

وأنا طاايره من الوناااااااااسه...

وبس وأنتهت الساااالفه ....

مشكوره على الموضوع الروووووووووعه...

تقبلينـــــــي..

[C A N D I D U S]

هلا ميسـ

عنـ جد خوفتينيـ تروح وتخليكي مايصير

رفيجتي سوتها مرة فيني بس بأول اليوم كانت موجودة

تقول مقلب و أنا أحاتيها المسكينة


و الله صرت أكره المقالب بسبة هالسوالف :020:

و أنا ناجحة مالعليكي

[بنت القمر]

مشكورة حببتي ع الموضوع

برب

[*قطيوة*]

وااااااااو سوالفكم مررررة ونااسه ,,, بس سالفة miss the woorld مررررة قهرتني ماعرف ليش ؟؟؟


بأقولكم موقف مضحك يموووت من الضحك استوى معانا آخر يوم في المدرسه ,,,

طبعا مس الدين جمعت كل الشعب وحطتنا في المجلس وطبعا عشان هو آخر يوم طلبت لنا " همبرجر " احم..


وقعدنا في المجلس شلل كل وحدة مع شلتها وانا كنت مع شلتي ,,, وكنا نسولف ونضحك ,,,

وبعدين المس قالت ( ان في عشر وجبات " همبرجر " زادت وحرام نرميهم في الزباله . )

وانا و ربيعتي ام كلثوم نطالع بعض ههههه >> ماشبعنا

والمس قالت : ( انا بأحط الاكياس في النص وبعأد لين 3 وبعدين اهجموا وكل وحدة مع حظها )

وفي شلتنا بس انا وام كلثوم نبي ناكل و كل الشعب استعدت ع الهجوم ,,,


المس قالت 3 وانا وام كلثوم ركضنا وكنا اول ناس ولا بعدين حصلنا جدامنا " قوم من الثيران " يركض نحونا

والمس تمت تطالع وهي مبرقة بعيونها !

واحنا قطعما الكيس والي تضارب الثانيه ع الهمبرجر وانا وربيعتي شلينا بصعوبه ورحنا !

وكلنا نضحك ع الموقف ههههههههههههههه

بث

وننتظر سوالفكم يا بنات..

تحياتي

[..قلبي شدا..]

هههههههههههههاي <<رهيييييييبة السوالف ...

انا لو احكيكم هذي استحاله اسامحها او يمكن اسامحها ... هذي ((مس فني))طبعا هي من النوع المو متفهم مرررررررررة ودايما هي الصح واحنا الغلط وشوفي دحين هي مقهوووووووورة المصيبة انه الغياب مايتدخل فيها الدرجات للغياب بس للمراقبة المهم((تبدأ روايتي <<<كخ كخ كخ كخ ...))كنا في حصة فني ومنهمكة في الرسم <<<من زينة والله التفاحة زين مااعرف ارسمها..المهم شوية الا كنا جالسين ومكتبها بجنب الطاولة الي نجلس فيها انا وشلتي انا غبت اول حصة للفني وهي الحصة الي بعدها .. وبعدين شوي الا اسمع احد يزهمني((يناديني))الا هي المس واحنا طبعا نناديها شعشبونة جات سماح صحبتي تقولي كلمي شعشبونة واقولها وش تبي هالعلة قالت اقول قومي كلميها لاتقوم علينا كلنا قلت يؤيؤيؤ لهدرجة خايفة خلاص حكلمها المهم قمت وقالت لي ليه غبتي الحصة الي فاتت قلت لها ((مااشتريت ادوات الفني وقلت لبابا يشري وانا كنت حجي بس قلت ماحوقف حصتين وغبت ... لسا ابغى اكمل الكلام الا تجي تقولي وترفع صوتها يعني مالك نية تجي ومدري ايه من كلامها السخيف وبعدين طبعا اخذت علقة وتوبت اغيب واحنا خارجين من معمل الرسم كان علينا درس التظليل بـ أقلام التفحيم ..وانا يدوب بديت الاا دق جرس الحصة التانية واحنا خارجين تقول كل وحدة توريني الرسمات المهم ووريتها وتهزيئة تانية المهم تحطمــــــــــت <<حزنتيني... تبدأ من هنا الموقف المحرج الاسبوع التاني في حصتهل رحت اعتذر بس عشان تعرفو وقاحتها قد ايه رحت اعتذر بديت كيفك ؟؟ حتى ماترد قالت ايه تبغي تبغي شي قلت يامس انا اسفة لآنه غبت بس والله ياابلى ظرو لسا ابكمل حرف الفاء الا تقول مابقي الا هي وقدام البنات تخيلوا بس المظهر وتقول مابقي الا هي تجي تعتذري الحين ولك عين بعد يلا ارجعي مكانك..ولا اشوف وجهك ويقول المثل ختامها مسك انا ختامها هم






وتوتة .. توتة خلصت الحدوتة...

[ميمي وبس]

انا مره من المرات كان عندنا فراغ وما جاتنا ابله وانا ماشاالله علي حاطيني بنت نظام
اقوم ادخل كل البنات داخل الفصل وأروح الفصل الثاني اسوولف واخلي صديقتي مسكينه تمسك باب الفصل الموهيييييم

ان هذاك اليوم تحدتني وحدة معاي اني اشقح ((أنط)) من الشباك
وانا قمة وبكل ثقة وانط من الشباك شوي ولا مس العربي داخله
والمصيبة انها شافتني وانا انط تخيلوا راحت وقالت للمديره
والمديره ما صدقت تمسك علي شي جات وهزأتني وكتبتني تعهد تخيلــوو

ومس العربي النذلة جالسه تطالعني وتضحك

[rose love...m]

بنات سوليفكم مررره حلوه واكثرسالفه ضحكتني..
سالفه ميمي وبس واكثر سالفه خوفتني...
سالفه miss>>>

[Taghreed's]

يغلق الموضوع

لاحتواءه على كلمات تخدش الحياء واوصاف وهمز ولمز بالمدرسات

وتهميش للرسالة السامية التي يحملها المدرس على عاتقه

.
.


ارجو كل اخت او طالبة كتبت كلام هنا تراجع نفسها

لاننا محاسبون على مانكتب

يمكن البنات الي في المنتدى مايعرفونك لكن

لك رب يعرفك ،،

واي موضوع مشابه سوف يحذف من غير سابق انذار

شكرا للجميع