يارب تدخل الجنه وربي يوفقها بالدنيا والاخره الي ترد علي

[بسمة فرح]

السلام عليكم


انا مو سني عشرين لكن بغيتكم بطلب يارب ماتردوتني


بعد بكره عندنا اذاعه عن الفواكه ابي مقدمه وانشوده ابيها اليوم عشان اعطيها الابله بكره


والله متوهقين

وجزااااااكم ربي خير

[آلة الزمن]

هلا حبيبتي كنت اتمنى اساعدك في المقدمه والانشوده بس صعب لان الانشوده يبغالها لحن وانت لازم تعرفين لحن الانشوده صح؟

وبالنسبه للمقدمه حاولت ادورلك بس مالقيت ياقلبي بس عندي شوية افكار حلوه تساعدك
لاني حبيتك وحسيتك اختي الصغيره شوفي حبيبتي

استأذني من الماما وخذي سله من المطبخ مثل اللي تقدمي فيها الشوكولاته وحطي فيها مجموعه منوعه من الفواكه وفي الطابور وزعيها على البنات

او انك تحطين ثلاثه من اصناف الفواكه وتغلفينها بورق السولفان وتجيبين بطاقات تكتبين عليها فوائد الفواكه اللي غلفتيها وتخرمين البطاقه وتدخلين فيها شريط هدايا بلون مناسب واربطيه واعملي الشرايط كيرلي يعني ملفوفه وسوي كميه كبيره وحطيهم بسله ووزعيها في الطابور
حتى شكلها بيكون مرغوب فيه وبتكونين مميزه

خلي الماما تساعدك عشان يمديكي تقومين الصبح بدري وترتبين الباقي ان شاء الله يمديكي
تروحين المكتبه او تقولين للمعلمه اخري اذاعتنا لبكره يعني تتأخر يوم والله يوفقك ياقلبي لاتنسيني من دعائك وقوليلي بعدين ايش سويتي لاتنسين؟!