سبعة أيام فقط،،أخي العزيز [الأرشيف]

مشاهدة النسخة كاملة : سبعة أيام فقط،،أخي العزيز

Taghreed's

26-02-2007, 12:47 PM

مسائكن جنات،،
.35.

.
.
اخي الاصغر مني ،، بيسافر الى الــUS

بعثة لمدة 5 سنوات

بعيدا عن عجزي عن تخيل طول الفترة الــFive years

.
.

مو قادرة اتخيل الحياة من دونه،، كل هذا البعد

انا عن نفسي معتمدة عليه بكل شي،،

كل مستلزماتي واغراضي هو يجيبها لي طبعا يوديني ويعطيني رايه

.
.
اذا فكرت ابدل جوالي على طول ترن ترن اساله

اذا جيت اشتري لابتوب او ابيع كمبوتر ترن ترن هو يسوي لي

اذا بغيت احمل برنامج ترن ترن هو يحلمها لي

يعني مدلعني

في كل شي

.بيينا الكثير من القواسم المشتركة في الشخصية و الملامح

ارتاح له نفسيا ،،

صديقي

أخي

عزيزي

.
طيب اذا سافر لمين اروح
:007:
.
.

بقي له اسبوع واحد فقط،، على سفره

الاثنين القادم ان شاء الله،،

مرات افكر اكتب له رسالة ادغدغ فيها مشاعره عشان ماينسانا لان
امي تقول الرجل اذا سافر برا وابتعد عن اهله

تصيبه حالة "جفاء":007: فلما يرجع ماتفرق معاه ولا يصير "مكترث" لهم زي قبل

.
.
ومرات اقول لا مراح اكتب له شي عشان ما اربكه وازيد حيرته لانه صغير عمره 19 :008:

.
.
مرات افكر اعمل له فريم او تصميم وارسله على ايميله او اطبعه ياخذه معاه،،
.
.
ساهمت في شراء لابتوب جديد له عشان كل مايفتحه يتذكر ويرسل لي ايميل عشان اعرفانه بخير ومبسوط:51:
.
.

وامي موصيتني اكتب له الاذكار كلها في ورقة والورد اليومي ونصائح دينية خفيفة..
:053:

فأبيكم الي تمرون على هذا الموضوع تنصحوني وش اكتب في الرسالة،،وش الادعية الي اختارها له،

كمان ياليت الي عندها اخوان مسافرين برا وبالتحديد امريكا يفيدوني من خبرتهم
.
.

اختكم

تغريد

$Gяeen eye

26-02-2007, 12:58 PM

alaah

ysabrkm

ly

3wdah

فـراشـه

26-02-2007, 01:21 PM

http://www.tl3b.com/uploads/02-22-07~96577768.gif
الغاليه خلال سنوات سفره ....ما بينزل البلاد في الاجازات!!

شوفي يالغاليه امج صادقه السفر و بالذات للولد

يعلمه الجفاء و يفقده الاهتمام باهله يعني ما يرجع اهتمامه بهم مثل ماكان

والسبب انه يمكن يحط في باله خلال سفره ....ان وجوده مع اهله او عدمه واحد

وانهم ماعادوا محتاجين له

نصيحتي لج يالغاليه

هي انكم تكونون متصلين به يوميا سواء بالهاتف او المسنجر

او الايميل او حتى بالمسجات ...المهم لاتقطعون الاتصال به

فان قطعتوه ...قطعه !!

ما ابى اخوفج بس لما يحس الولد انه ماله اهميه في حياة اهله

وانه حقق اللي يحلم به بعيد عنهم ....فبيرحل عنهم بسكات

وبيتغرب بالسنوات
http://www.tl3b.com/uploads/02-22-07~598767.gif

مسك أبيض

26-02-2007, 02:26 PM

حبيبتى الله يرده بالف سلامه يارب

حطى دعاء السفر

وكمان ذكريه بانه قبل ما ينام يقول سبحان الله وبحمده 100 مره

وانه يمشى كل يوم ساعه وطول ماهو ماشى يقول استغفر الله >>> رياضه ومنها ذكر الله

وكمان ممكن تكتبى انتى له على ورق ملون وشكله حلوه

لا اله الا الله محمد رسول الله

سبحان الله وبحمده .. سبحان الله العظيم

ومن يتقى الله يجعل له مخرجا ويرزقه من حيث لا يحتسب

وكفارة المجلس

بشكل جميل وانيق و حطيهم فى برواز حلو وتأمنيه يحطه على مكتبه اللى هيذاكر عليه

يارب اكون افدتك ولو بحاجه بسيطه اوى

Taghreed's

26-02-2007, 05:36 PM

alaah

ysabrkm

ly

3wdah

تسلمين يالغلا

:51:

http://www.tl3b.com/uploads/02-22-07~96577768.gif
الغاليه خلال سنوات سفره ....ما بينزل البلاد في الاجازات!!

شوفي يالغاليه امج صادقه السفر و بالذات للولد

يعلمه الجفاء و يفقده الاهتمام باهله يعني ما يرجع اهتمامه بهم مثل ماكان

والسبب انه يمكن يحط في باله خلال سفره ....ان وجوده مع اهله او عدمه واحد

وانهم ماعادوا محتاجين له

نصيحتي لج يالغاليه

هي انكم تكونون متصلين به يوميا سواء بالهاتف او المسنجر

او الايميل او حتى بالمسجات ...المهم لاتقطعون الاتصال به

فان قطعتوه ...قطعه !!

ما ابى اخوفج بس لما يحس الولد انه ماله اهميه في حياة اهله

وانه حقق اللي يحلم به بعيد عنهم ....فبيرحل عنهم بسكات

وبيتغرب بالسنوات
http://www.tl3b.com/uploads/02-22-07~598767.gif

هلا فروش،،

ايه ان شاء الله راح اطلب منه يراسلني ايميلات يوميا لو فاضية ههههههه بس عشان اتطمن عليه

الله يستر والله اني خايفة عليه

بس الله يوفقه مشكورة على مرورك يالغالية

.30.

Taghreed's

26-02-2007, 05:38 PM

بسمة وردية

26-02-2007, 06:05 PM

الله يوفقه يارب ويعينكم على فراقه:007:

عمي راح بعثة لبريطانيا مدة 5 سنوات او 4 نسيت كم بالضبط المهم رجع لنا وهو متحرر نوعا ما

وطبعا زي ماقلتي جفاء ومدري وشلون بس الحمدلله حاليا رجع زي أول

وولد عمتي رايح بعثة لامريكا من كم شهر...تقول عمتي اللي خفف علينا انه كل يوم يكلمنا ونشوفه ويشوفنا

عن طريق الماسنجر..

اهم شي الرفقـــــــة اللي بتكون معاه..

والادعية او الاذكار لو تحطينها بشكل جذاب مثلا على شكل فواصل للكتب وتغلفينها بالتغليف الحراري ((مثل الفواصل حقت غراس ومعا لنضي الكون و...الخ))

والله يوفقه

همس الطفولة

26-02-2007, 06:29 PM

الله يوفقه ياارب
ممممم عندي فكره بس تعمتد على صدق اخوك وانه ما يخون كلامك وطلبك له
إذا انتي واثقه منه انه بسيوي اللي تقولينه له راح اعطيك هالفكره وبكذا ماراح يحس بالوحده
وراح تكونيني انتي معاه في كل يوم ..
بس شو راح تعطيني على فكرتي ...؟؟

شوفي اشتري دفتر صغير و مزعي اوراق ( على حسب اللي اتي تبينه )
وسجلي في كل ورقه كلام ممم مثلاً :
1- نكته
2 - مثلا تقولين له رتب مكانك صاير عفسه
3 - فرش اسنانك << طبعا اتي استعبطي عليه ودلعيه لانوه ياما دلعك "027" ..
4- ذكري له موقف حلو ومضحك صاير لكم
5 - تطلبين منه انه يشتري لك شي
6 - تطلين منه انه يراجع دروسه ..
7 - تطلبين منه انو يرسل لك رساله اما ايميل او sms
8 - تقولين له انو يقول لك شو كان جالس قبل مايفتح الورقه

( او انك تكتبين في كل ورقه حكمه )

وتطلبين منه انو يفتح في كل يوم ورقه مو يفتحهم كلهم في وقت واحد خخخ
( عشان كذا انا قلت لك يعتمد عليه ) وبكذا راح تكونين دووم على باله
:

شوفي انتي اشتري صندوق خشبي صغير
وحطي فيه قران صغير + الادعيه + الاوراق اللي عملتيها ( في صندوق صغير يدخل في الصندوق الكبير )
<< ما ادري فهمتي علي
لي رجعه إذا مافهمتي لاني مستعجله كثير عذريني قلبوو "027"

yOuR LaDy

26-02-2007, 06:49 PM

السلام عليكم ..

الله يساعده ويوفقه ويسهل امرهـ ويصبركمـ

ويرجعه لكم بالسلامهـ وتفرحوون بتخرجهـ

\\

عطيهـ كتيبات دينيهـ ..

عشان يقراها ويستفيد منها وبذات الوقت يتذكرك ..

ارسلي له ايميلات عشان يتذكركم ويرسل لكم ..

عطيهـ تذكارات صغيرهـ تكوون معه وين مايروح وهذا اكيد بيذكرهـ فيكـ

وحبيبتي قبل كل هذا ان شاء الله هو ماراح ينسااكمـ ولوو انتمـ اهلهـ ..

ربي يرجعه بالسلامهـ ويفرح نظرتكم ,,

\\
هيا ..

("غنج نجد")

26-02-2007, 08:07 PM

غلاتي......ان شاء يروح ويرجع بسلامه يارب...

امممممم...ايش رايك ياقلبي...لو تكتبين له من ضمن الاشياء...

الي راح تكتبينها...مواقف مضحكه مريتو فيها...او اي مواقف...حلو تذكره فيكم...وماينساكم..

ومهما كان مراح ينسى ابداً...بلعكس...راح تعيشينه جو هالمواقف مره ثانيه...

هذا رأئيي غلاتي....وربي مايحرمكم منه ابد....

na3omy

27-02-2007, 12:06 AM

السلام عليكم و رحمة الله و بركاته

. . .

يا قلبي عليك و الله حاسه فيك

و الله حتى أنا مفتقدته أخوي أحسه بعيييد مع انه ما طلع برا الخليج

الله يوفقه بدراسته و يرده سالم إن شاء الله

و على انه رايح أمريكا عندي خالي نفس الشيء

راح يكمل دراسته بكليه هنالك

بس مدري كيف ما رجع ظل هنالك 24 عام تزوج و جاب بنت

و اذكر قبل 5 إلى 6 سنوات رجع للديره

يعني فتره ماهي هينه 24 سنه كثير

صح كلام امك يتعلم الشاب على القسوة خصوصا انه متغرب بالخارج

ماله حد لازم يكون قوي و يتعلم عالقوة ليواجه الأيام و يتحداها

و اذا ما تواصلتوا وياه فهو اكيد بيكون مشغول كثير و بتكون عنده اشغال فمابيتواصل معاكم

فخلي تواصلك وياه يومي عشان ما تعودونه عالقطاعه و ان لو هو بعيد عنكم و ما يكلمك شيء عادي

و عندي من اهلنا لما سافرت بنتهم برا

كانوا يشغلون الكام عالمسنجر 24 ساعه و عشان ما تحس انها بعيده و كل ما تمللت او وحشوها اهلنا تشوفهم

كانوا حاطينه بغرفة المعيشه مكان الكل يتجمع فيه

و كانوا كنهم عايشين مع بعض

بس لا تكثرون من السوالف عشان ما تشغلونه عن الدراسه

انا اقول خلك كل يوم تسمعين شصار وياه و تنصحينه لانه بيحتاج حد يدله عالخطأ و الصح

و خله يحس انه مراقب عشان ما ينجرف و يا عاداتهم اذا خايفين عليه

و على الأدعيه حطي له دفتر ضغير فيه اذكار الصباح و المساء

و شريط في ادعيه مختلفه ولا قصص دينيه يسمعها وهو رايح مشوار ولا شيء

و بس أنا آسفه قلت ما بي اطول بس الظاهر نسيت نفسي

و بالسلامه إن شاء الله ربي يخليه لكم و يبارك فيه و يوفقه

دمتــ بود ــ ِ

سيرين

27-02-2007, 12:28 PM

مرررررررره تجنن فكره همس الطفوله

الله يرجعه لكم بالسلامه ويحفظه ربي هناك من كل سوء

اعملي مثل ما قالت لك همس الطفوله

هو لو سافر كمان اسبوع يعني راح يرجع تقريبا بعطله الصيف لانه ما فيه اجازات غيرها يعني تقريبا 4 اشهر يعني 120 يوم فانتي اعملي هس 120 قصاصه يعني ورقه صغار ووقت غيابه اعملي كمان غيرهم مشان لما يرد يجع بالاجازات تعطيه كمان اوراق

ويمكن لو فيكي كل ورقه تكتبي عليها التاريخ يعني باي يوم لازم يفتحها مشان تعرفي اي ورقه هو اليوم فتح

وضلكم ادعوا لهم بالثبات وشوفوا يمكن حدا كويس تعرفوه اجته كمان منحه او اي احد هناك بامريكا تعرفوه كويس توصوه عليه

الإمبراطورة

27-02-2007, 02:55 PM

الله يصبرك اختي والله فراق اللأخوان مو حلو

تصيبه حالة "جفاء":007: فلما يرجع ماتفرق معاه ولا يصير "مكترث" لهم زي قبل

لا حبي الولد مهما بعد ما نسى اهلة مهما كان

ومرات اقول لا مراح اكتب له شي عشان ما اربكه وازيد حيرته لانه صغير عمره 19

انا اخوي سافر وهو عمرة 18 يعني اول ما خلص الثانوية

.

.
ساهمت في شراء لابتوب جديد له عشان كل مايفتحه يتذكر ويرسل لي ايميل عشان اعرفانه بخير ومبسوط
.
.فكرتكي هذي حلوة

وامي موصيتني اكتب له الاذكار كلها في ورقة والورد اليومي ونصائح دينية خفيفة..

مثل امي لما سافر اخوية

كمان ياليت الي عندها اخوان مسافرين برا وبالتحديد امريكا يفيدوني من خبرتهم

انا عندي بس في استراليا مو امريكا
.
.

واخيرا راح اقول لك ما فيه ولد ينسي اهلة وانا اخوي لما سافر ما كان يعرف يغسل ويطبخ ولا شي واول ما جاء إلا والله انه يطبخ وينظف وكل شى هههههه

تحيااااااااتي

na3omy

27-02-2007, 03:08 PM

و حبيبتي بعد شيء نبهوه لا ياكل من مطاعمهم ولا شيء

لحمهم مو حلال عالاقل ما اظن

الصبورة

27-02-2007, 04:22 PM

دخلت متاخره ادري

صعبه خمس سنوات

يارب مايضايقونه عيال أبليس

ايوه اخذي له كتيب صغير مال ادعيه و خله ودي معاه قرآن

الله يحفضه لكم يارب

Taghreed's

28-02-2007, 10:39 PM

http://www.tl3b.com/uploads/02-28-07~Ihateit.jpg

تلك اللحظة،، الأنانية

التي اتخذ بها "أخي" قراره

ليتركنا،،

ليهاجر بقلبه بعيداً

عنا

عن أمي

عني

وعن بيتنا الذي احتضنه لــ"عشرين" عام..

إلى بلد الحريات المزعومة،،

إلى بلد الــstatue of liberty
.
.

كم أكرهها تلك البلاد،،

كم أحقد عليها،،

فهي تدس السم لابناءنا و إخواننا في العسل،،

وهم لا يشعرون،،

.
.
كم تمنيت أن تكون نتائج القبول سلبية ،، أو ان يسقط اسم اخي "سهواً"

أو ان يحدث الله أمراً يمنعه من السفر،،

.
.
والدتي سلمت أمرها الى ربها ،، وأنا حتماً سأفعل،،

ولكن..

لازلت أتمنى أن تلك اللحظة ماكانت..

.
.
دعواتي القلبية له بالتوفيق ،، و أن يحفظه الله من كل مكروه وان يرده لنا سالماً،،
.
.

أشكر كل جميلة مرت من هنا،،

نصائحكن و أفكاركن جاءت في وقتها،،

فلم أضع موضوعي هذا عبثاً

دمتن بكل خير.35.

وبدأ العد التنازلي :007:

مايكبّرني لقب

28-02-2007, 11:40 PM

الله يوفقه ان شاء الله ..

والبنات كفوو وفوو ..

دعواتكم الدايمه له قيقو >>دلع بنت خالي هع

دفء الشتاء

28-02-2007, 11:55 PM

السلام عليكم

الله يعينه ويعينكم

وإن شاء الله يخلص دراستـه ويرجع لكم سآلم ورافع الراس

عارفه شي مره مزعج..ويألم

بس لازم تصبري هذا قضاء الله وقدره

5 سنين نعمـه وإن شاء الله ما تزيد

تخيلي بابا جا لندن بعثه ماسجتير ودكتوراه من 10 سنين

وإحنه للآن هنا وهذي آخر سنه لنا

جدتي واصله حدها "الله يصبرها" ويكون بعونكم

بس ترا ما افتكر نصايح جدتي لبابا

كنت ام 6 سنين خخخخخ

البنات كفو ووفو

:-)

تمنياتي لكم بالتوفيق,,

بحـــ الإحساس ـــر

01-03-2007, 12:30 AM

الله يحفظه ان شاء الله ويرجع لكم بالسلامة
حبيبتي أهم شيء تنبهينه علية و تنصحينة
هو الصداقة
انو يختار اصداقاء كويسين يعينونه على الخير

الله يرجعه لكم سالم ومعاه على الشهادات

تقبلي مروري المتواضع

MON2

01-03-2007, 02:55 AM

بصراحه

أبكيتني

ماأصعب فراق الاخواااااان اللذين نعتبرهم كأرواحنا

أعاده الله لك سالماً معافا..

وحفظه لكم...=)

عزة نفسي

01-03-2007, 03:22 PM

Taghreed's :

عزيزتي ,, صعب جدا" الإبتعاد عن " الأحبه " ’’
جربت شعورك قبل سنتين , في فترة الصيف قرر أخي السفر للدراسه لمدة 3 شهور ,,
وكان نفس الشي هو الي يقدم لي كل الي أحتاجه ,,
فقدناه كثيـــيــر ,
.:.
يالغاليه .. أنا رأيي أنك قبل مايسافر تحطين له مصحف وأذكار وسجاده (بدون مايعرف) ’’
صدقيني بيتفاجئ إذا لقاها بالشنطه خاصة لو كتبتي ورقه معاها ..
وفكرة البطاقة حلوه مرره ..
وإذا كنتي تعرفين الأوراق الصفراء الي دائماً يحطونها للتذكير !!!!
حطي بكل جهه بالشنطه عباره و حتى حطي إيميلك عشان يتذكر ويرسلك =)
وبعد حلو أنك تشترين له لاب توب .. وحملي فيه برنامج " بلال " <- أعتقد أسمه كذا !
لتذكير بالصلاه وحطي فيه بطاقات ..
.:.
هذا الي عندي ..
وإن شاء الله أي شي يطري ببالي أرجع وأرد لك =)
يروح ويرجع بالسلامه ,, والله يصبركم على فراقه ,

كل الحب (L) ,, عزة نفسي

tota2006

01-03-2007, 07:12 PM

يا رب يروح ويرجع بالف سلامه
اكيد الغربه صعبه بس مش عارفه صعبه على مين المفارق والا اللى فارق انا متأكده انها على الاتنين بس اكيد ان اللى مفارقنا حيشوف ناس تانيه ويتعلم ويتعرف على عادات واخلاقيات مختلفه تماما عن عاداتنا ومعتقدتنا وخصوصا بلاد (الخواجه سام )مش العم سام فأكيد كلنا حندعى له ولغيره من الشباب اللى سافروا بره انهم يرجعوا زى ما راحو بس يكونوا زايدين فى علمهم وثقافتهم لكن بالنسبه للاخلاقيات يرجعوا بيها زى ما راحوا .
اما بالنسبه ليكى حبيبتى ياريت تحاولى تعتمدى على نفسك لانه حيفيدك انت فى الاول وكمان حيساعد امك على تجاوز صعوبه بعد اخوك عنها وكمان ياريت يكون بنمك وبينه اتصال عائلى على الاقل كل اسبوع عن طريق النت وكمان ياريت يكون فى مايك وكاميرا يكون افضل كتير لان الشات لوحده مش كفايه .
واكتبى له بخطك اذكار الصباح والمساء وانا مع الاخت اللى قالت فكره البرواز بس اكتبى فيه (الصلاه عماد الدين )عشان مش يفرط فيها وكل فتره أسألوه عنها وأسألوه كمان عن اصدقأه اللى اصبحوا مقربين له بأختصار خليكم دايما فى الصوره . وربنا يصبركم على بعده
يا ريت اكون فيدتك.

Ms.KuwaiT

02-03-2007, 08:27 AM

السلام عليكم ..

ماشاء الله عليكم (؛

الله يديم المحبة :015:

كمان ياليت الي عندها اخوان مسافرين برا وبالتحديد امريكا يفيدوني من خبرتهم
.

أنا عندي أخوي الكبير يدرس هندسة كمبيوتر بأمريكا ..

أكبر مني بسنتين ..

صارله 3 سنين "027"

أمي نفسج ما تواطن أمريكا "027"

و هي أكثر وحده تأثر فينا .. و كانت نفسج تتمنى إنه ما ينجح .. :008:

ماراح أقولج بشعورنا ،، ما بي أضيق خلقج ..

و انتي بتحسين فيه ، بس ترا هو مو شعور سلبي وايد ..

بس مع الوقت تأقلمنا ،، و الحين أقولج ليش ..

أولا لأنه كل شي بالبداية صعب ..
و لأنه هالنقاط إللي بقولها .. خففت علينا ..

- إذا تحاتين إنه بلد غربي و تخافين عليه ما يتأقلم ..؟

ترا هناك وايد في شباب عرب و في وايد منهم دينين و ناس صالحة ..

و لا تحاتين الريال يضبط أموره ..

- و إذا تحاتين الاكل و البيت ..؟

أخوي ما كان يعرف شي ،، بس صار يطبخ و يسوي طبخات آنا ما أعرفها .. :008:

و لا تفكرين إنه أناني ،، فكري إنه عطانا وايد و صار الوقت إللي يبي يعطي نفسه ..

و ترا أكيد حتى هو متضايق ،، و واضح من كلامج إنه شخص خدوم و معطاء يعني قلبه طيب و ما مو أناني ، و إنه عنده العايلة أهم شي .. في ناس بعمره ما يدرون عن أهلهم و خواتهم .. لكن هو ماشاء الله عليه .. و دام متعلق فيكم ،، فأكيد صعب عليه ..

- إذا تحاتين إنه بينقطع عنكم ..؟

أبشرج ،، الحين إحنا بعصر متقدم و الحمدلله ..
أخوي يركب الكاميرا و إحنا نركبها و يدخل المنسجر و نسولف بالساعات ..
و يصور لنا الشقة و اغراضه ، يعني كأنه معاه ..
و لا تحاتين لو تبينه يساعدج ،، إيميل أو بالمسنجر يحلج أشياء وااايد ..
إحنا نفسكم كل شي إلكتروني جهاز موبايل ستلايت كل شي نسأله ..
و الحين الحمدلله أخوي الثاني صاير خبره ..

بس هم مالنا غنى عن الأصل ..

و الله هالتقدم صج بيخفف عليكم ..

تخيلي لو نفس قبل ،، لا موبايل ، لا انترتت ، مافي إلا رسايل بريد توصل بالشهر ، أو مع أي واحد يايكم ..!

- إذا تحاتين إنه 5 سنين وايد منتي شايفته ..؟

ترا تمر بسرعة .. بس ببدايتها صعبة ..
و كل إجازة عندهم أخوي إينا ، نهاية الصيف ، عطلة الكرسمس ..

- إذا تحاتين ، يتغير لما يرجع ..؟

بصراحة راح يتغير ..!
بس إن شاء الله للأحسن
أخوي تغير ، صار مسؤول عن نفسه .. يعتمد عليه بكل شي ، أكثر من قبل ..
شخصيته متثقفه يقولنا أشياء يديده ، و تحسينه يستفيد من كل شي ..
لا تخافين إن شاء الله ما يصير متحرر ببلاد الحريات ..
توقعت أخوي بيرجع لنا بقصات غريبة ، و لسان عوي !
بس الحمدلله .. أمي أسسته على الدين و العادات .. و الصحبة الصالحة هناك بعد ساعدت على حمايته .. الحمدلله ..

و مو تفكرين عطاءه بيقل بعد السفر ،، أو يتحول للأناني ، و بس يفكر بنفسه لأنه هناك كان بروحه
أنا اخوي حسيته صار أطيب ، و كل يبي يبلي طلباتنا .. و كان واضح عليه إنه ولهان علينا ..
يحب يقعد معانا ، ما يتذمر .. بس عيبه الوحيد .. إنه ما يحب أحد يدخل .. أو يسأله وين و ليش ! لأنه هناك بروحه .. و مو متعود على جذي ..

- يمكن لما يرجع أول مرة بتحسين مبهور بأمريكا .. و إنه عاجبته .. أو وده يرجع لها .. بس بعد سنتين ،، بيمل و ينطر اليوم إللي يرجع فيه لديرته ..

آسفه على الاطاله ..
ماهقيت بكتب كل هذا ..
بس حاسه باحساسج ،، و قلت أقولج عن بعض الأشياء ،، إللي يمكن تمر عليج مثل ما مرت علي ..

عاد ما أوصيج ،، قولي شنو يصير معاكم ،، و حسيتي بشي من إللي قلته ..!

و الله يوفقه و يرجع لكم سالم و يرفع راسكم ..

(=

pretty doll

28-02-2009, 05:38 PM

جيت متأخره

sweetbutterfly

03-03-2009, 09:38 AM

http://www.arb-up.com/files/arb-up-2008-6/ha727382.gif

الـــلــــه يــــصــــبـــ/كـــمـ صـــج ع ـــلـــى اغ ـــتـــ/آبـــهـ بـــ/ع

ادع ـــوآ لـــهـ بـــآلـــتـــgفـــيـــق فـــي </آســـتـــهـ g يـــرجــ ع ـــهـ بـــآلـــwـــلامـــهـ

g تـــgآصـــلـــgآ مـــ ع بـــ ع ـــض يـــgمـــيـــآ بـــآلـــتــلـــفـــgنــ أg بـــآلـــمـــwـــن مــثــلــمـــآ آلــ خ ـــgآت قـــآلــgآآآ

الــلــه يـــ خ ــلــيــكـــمـ ح ــق بـــ ع ـــض

g كـــتـــبـــي لــهـ أ<ع ــيـــهـ ع ـــلـــشـــآن الله يـــفـــتـــح ع ـــلـــيـــهـ g يـــgفــقــه

g يـــكـــgن مـــرتـــآح آلـــبـــآل ...!

http://www.arb-up.com/files/arb-up-2008-6/nFd27309.gif