المساعد الشخصي الرقمي

مشاهدة النسخة كاملة : !! .. ثقب الأذن .. !!

*Me*
20-01-2007, 03:43 PM
السلام عليكم ورحمة الله و بركاته .. !!

هالأيام البنات هابين في ثقب آذانهم أكثر من واحد .. !!

بعضهم يقول : نمشي وره الموضه .. !!

و يعني اذا قالت لج الموضة قطي روحج في البحر بتقطين .. ؟؟

و بعضهم يقول : نكون سبيشل .. !!

بالله عليج شلون اصيرين سبشل وانتي قاضة ألف قض في أذنج .. !!

و بعضهم يقولون : الغرب سووا فأحنه بنسوي - طبعاً يقولون المغنية الأجنبية الفلانية سوت .. و الممثلة الأجنبية الفلانية سوت - .. !!

إذا كلنه سوينه جذي عيل كلنه بنصير - و العياذ بالله - مفاصيخ بسبة الغرب .. !! إذا قلدناهم في كل صغيرة و عودة .. !!

صج أنه ثقب الاذن عادي نسويه .. بس كل شي زيادة عن الحد مو زين .. !!

فحبيت آخذ رايكم خواتي في هاي الشي .. !!

هل انتوا موافقين .. ؟؟ أو معارضين .. ؟؟ وليش .. ؟؟

و كالعادة أي وحدة تحب اضيف شي تتفضل .. !!

أختكم : *Me*
MeMoOo
20-01-2007, 03:54 PM
اهليين حبيبتي مي

حبي انا مو معاارضه ولا شي ..

بس حبيبتي كذا كل البناات يعني اكثر اقااربي البنات

عندهم اكثر من وحده وهذا شي مو حراام

و احناا مابغيناه عشان نكون سبيشل او نقلد مغنيه .. !

لا انا قصدي عن الكشخه بس مثلاً لو رحتي عزيمه تلبسين حلقين

وهوو حلوو واناا ماني معاارضه ابداً

عندي بالنسبه لي فري .. عاادي اصلاً مب حراام

بس الزياااده لما تبالغين يعني تخرقين

5 او 6 او 7 خرماات هذا شي عجيب

اماا 2 او 1 او 3 هذاا حلوو .. لكن لو اخرق 5 او 6 او7 عاادي

بس شلكي مايطلع حلوو .. وخاصه للأطفال الي اعماارهم ..

10 او 9 سنين 9 هذاا شي يخرب حيااتهم

يعني يخبون نفسم وهم صغاار؟ لاويين مب حلوو

ولا لايق عالبنت الصغيره

وانا عندي خرقه واحده بس بخااطري اخرق ثانيه

ويعطيك العاافيه حبيبتي .. موضوعك رائع

والله ودي اقيمك بس ما اقدر
*Me*
20-01-2007, 04:20 PM
شهوده : أولاً أشكرج أختي على مشاركتج و تفاعلج و إبداء رايج في الموضوع .. !!

ثانياً : اللي قلتيه لج مطلق الحرية في أنج تقولينه طبعاً لأنه رايج .. !!

و آنه رايي أني ماحب هذي التقليعة .. !!

يعني تعرفين .. !! و خاصة إذا جفت بنت خارمة لها عشرين ألف خرمة .. !!

صراحةً و في رايي آنه آحسها شرشن .. !!

و للأسف في بنات يعجبهم ذي الشي مع انه ماكان عاجبهم أول .. !!

بس لنه صار شي عادي و الكل مسويه (( موضة )) .. !!

يعني لو تيين مدرستنه مثلاً .. يمكن في الصف الواحد ( 27 ) طالبة .. نصهم مخرمين آذانهم جذي 3 أو أربع .. !!

و هاذي رايي الشخصي طبعاً ، و لجميع الآراء سواءً كانت معارضة أو مؤيدة كامل الإحترام .. !!

و أشكرج أختي مرة ثانية على مناقشتج لي .. !!

أختج : *Me*

:)
هموم -الليل
20-01-2007, 04:36 PM
تسلمين حبيبتي على طرح الموضوع..
انا عن نفسي ضد هالفكره و ما اشوف انه فيها شي مميز او على قولتهم سبيشل.. إلا انه هي فكره الناس فكرت فيها من كثر وقتهم الفراغ.. يعني بصراحه ما عندهم سالفه فاضين و موب عارفين شو يسون...
*Me*
20-01-2007, 04:49 PM
رنوووي : شكراً أختي على رايج الصريح .. !!

و آنه موافقة وياج .. !!

و هاي نتيجة الفراغ .. !!

أختج : *Me*

:)
LOOOLz
20-01-2007, 05:26 PM
الســلامـ عليــكمـ

موضوعــ ولا ارووعــ يا ميــ
تسلمــ الأناملـــ .. و ارايــ بالموضوعــ
وعنيــ قض واحد يكفيـ
و الله ذاك اليومـ جفت وحده قاضه 3
و حاطه بكلـ واحد ترجيه مدورة
:char0055 :char0055 :char0055
كلشـ كلشـ كلشـــ مو حلــــــــو
بالمرة كريه بس عاد يعني انا مرة
قلت حق امي اقض بعد قضة
قالتلي : قلبي ويهج احسن لجـ :wave:
هههههههههههههه
رد سريع و و أدي الغرض
الموهيم انا ماقضيت ولا بقض
ولا اشجع القض لأن الوحده تطلع
جنه من ذيلاك اللي يخرعون
الــــ goth لأن نفس ستايلهم
و ثوكرا على الموضوع الحلو يا مي
تسلم الأيــــــــادي
ولاعدمناكـــــــــــــــــــ:headphone

بدردر
*Me*
20-01-2007, 05:47 PM
بدورة : شكــراً أختي على مجاملتج اللطيفة .. !!

و طبعاً رايي نفس رايج .. !!

و كل شي بإعتدال زين .. !!

و شكراً على مناقشتج الحلوة .. !!

أختج : *Me*
fathyiah
20-01-2007, 06:06 PM
هلا
اناا ابد مو معارضه لهدا الشي
أحسه شي عادي
بالعكس حلوو..!
انا عندي خرقين وناويه اخرق الثالث
طبعاً لاتقليد ولاشي
ومشكووره مي على الموضوع ..:)
RezA
20-01-2007, 06:13 PM
احسه شي عادي..
بس مو لدرجه ان يكون اكثر من 5 ..
بتكون طبعا سخافة..
سي ياا..
*Me*
20-01-2007, 07:07 PM
fathiah & RezA أشكركم خواتي على إبداء رايكم الصريح في الموضوع .. !!

و صح كل شي زيادة عن اللزوم مو حلو .. !!

أختكم : *Me*

:)
حروف
20-01-2007, 08:29 PM
نحن لا نعارض ..

و لكن اذا كان بسبب تقليد للمغنية و الجانب ..

لا فنحن بذلك نعارض ..

اشكرك على طرح الموضوع غاليتي ..

دمت بود ..

تحياتي ... العين الدامعة
وهـج المشاعر
20-01-2007, 08:43 PM
السلام عليكم ..
أشكركِ غاليتي على الموضوع الأكثر من رائع..

بصراحه أنا أرى أن هذه الموضه أنها تجعل شكلهن مخجل..وأسمحيني أن أقول أنها يذكروني بثور..
أريد أن أعرف ما الجمال في هذه الموضه ..كما قلتي تقليد للغرب..
لكن أين شخصيتكم يا عرب ..أين عاداتكم و تقاليدكم..بل أين دينكم..
أمرنا الله أن لا نتبع الغرب ..فلماذا نتبعهم..
بصراحه كل من يقلد الغرب ..لن أقول من الناحيه الدينيه.. فبتأكيد أنه عاصي لا يطيع الله و لا الرسول..
لكن أقول أنه أنسان متخلف.. ليس شخصيه لا يميز من الخطأ و الصواب..و الكثير من الشياء التي به لكن لا أعرف أن أعدها..

وشكرا^_^
*Me*
20-01-2007, 09:07 PM
العين الدامعة & المشـ وهج ـاعر أشكركم خواتي على المناقشة الرائعة .. !!

و طبعاً رايي مثل رايكم .. !!

و آنه ماظن أنه ذي التقليعة يات من العرب .. !!

>> على حسب علمي يعني .. !!

مع احترامي لجميع الآراء .. !!

أختكم : *Me*

:)
مجرمة حرب بريئه
21-01-2007, 12:03 AM
هههههههههه مشكور مي
انا معك اذا صارت كثيره يصير شكلها اصلا مقرف
بس انا جتني حاله الين خرمت ثلاثه ما ادري حبيت هالشي
بس ما افكر باكثر لدرجه اني تحسفت اني خرمت الثالث لو باقيه على اثنين اصرف
بس تقدرين تقولين مع الخيل يا شقرى
شفت صديقاتي وبنات المدجرسه هابين فيها وخرمت
ومشكوووره قلبي على الموضوع
*Me*
21-01-2007, 12:42 PM
مجرمة حرب بريئة شكراً أختي لردج على الموضوع .. !!

و انتي هني اتبعتي " التقليد " و هذي الخطأ اللي نتمنه ما تطيح فيه خواتنه .. !!

و مشكورة مرةثانية عله صراحتج .. !!

أختج : *Me*

:)
yOuR LaDy
21-01-2007, 12:47 PM
اهليين مي ,, تصدقين انا عندي 2 .. :)

مسويته من خمس سنوات ..

بس جد يجنن . .. مرره ..

وانا موب معاارضه لاني احسه شي عاادي ..

:)

مشكوره خيتوو ..:)
*Me*
21-01-2007, 01:05 PM
haya.no.1 شكراً أختي على صراحتج و إبداء رايج .. !!

أختج : *Me*

:)
بنت الأكوح
21-01-2007, 01:23 PM
تسلمين حبيبتي على الموضوع..
انا عن نفسي ضد هالفكره و ما اشوف انه فيها شي مميز..
فتفوتة سكر
22-01-2007, 07:36 AM
السلام عليكم ورحمة الله وبركاته
http://i80.photobucket.com/albums/j183/crashnuclearcentury/icons/pixel2/48022306.gif




اممم..
اعتقد ان مافي مشكله الثقب اكثر من ثقب واحد..
وانما الأعمال بالنيات
..
عن نفسي وربي مره اتمنى البس اكثر من حلق.. << اكثر من ثقب في أذني
ومو السبب تشبه بالاكافرات..
لكن انا فيني عرق باكستاني.. وملامحي باكستانيه..
ومو ناقصني الا الثقب الي في (( أنفي ))
والثق الي بإذني

:)
يسلمو ع الطرح

.
http://i80.photobucket.com/albums/j183/crashnuclearcentury/icons/pixel2/48022306.gif

آآآنسـ.-.-.ـه فتوووو
GaoyA Dala3
22-01-2007, 11:28 AM
غلاتي اشكرج على طرح الموضوع وعلى مناقشة الموضوع
وانا اشوف انه عادي انا عندي خرمين وناويه على الثالث >>>صارت زواجة خخخ
وترى كل شي زاد حده قلب ضده ويوم يكون اكثر عن اربعة نفس ما قالوا اغلب البنات بيستوي المنظر مقرف بس ثنين عادي وبالعكس وااايد يكون حلو وانا ماسويته تشبها بحد بس عن رغبة وقناعة في نفسي
والاختلاف في امر لا يفسد للود قضية

أختج :غاوية دلع
فـراشـه
22-01-2007, 12:26 PM
وعليكم السلام ورحمة الله وبركاته

هلا *Me*

بشكل عام ... كل شي زاد عن حده

انقلب ضده

وبغض النظر انا موافقه او رافضه لهالشي

فهو راجع لصاحبة الشأن عقلها في راسها تعرف خلاصها

ومشكوووره يالغاليه *Me*
Floweriness
22-01-2007, 02:50 PM
هذا لو قلنا حرام
لقلنا من حقكم تحتجون

لكن مو حرام هو
و انا مؤيدة لهالشيء مادام مو حرام

و انا ودي اثقب اذني اصلا
مو على انه موضة
انا ما اتبع الموضة
لكن الشيء عاجبني من زمان
و احس حلو لو محتارة أي قرط آخذ لي

يسلمو ع الموضوع
*Me*
22-01-2007, 08:03 PM
خواتي بنت الأكوح ، فتفوتة سكر ، GaoyA Dala3 ، فراشه و Floweriness شكراً لإبداء رايكم الصريح في الموضوع .. !!

و آنه مستانسة أنه في آراء وايد انذكرت فيه .. !!

و مثل ما يقولون " الاختلاف في أمر لا يفسد للود قضية " .. !!

أختكم : *Me*

:)
مشاعر متمردة
23-01-2007, 01:22 PM
انا عندي مبدأ اطبقه في حياتي
وهو ان طالما الانسان ما قاعد ياذي احد
هو حر يسوي اللي يبغاه
يعني اللي تبغى تخرم خرم واحد تخرم
واللي تبغى تخرم الف خرم تتفضل
وكل وحدة حرة تسوي اللي تبغاه في
جسمها
وانا عن نفسي احسها كووووووول
مع ان انا عندي خرم واحد بس وما افكر في الثاني
لاني ما البس حلق اساسا
بس احب اشوف الحركه على البنات
P!NK Glo$s
23-01-2007, 01:48 PM
انا عندي بصراحه 2 وناويه بــ3

ووحده سألت الشيخ قال عادي بالاذن

والحرام الي تثقب البطن الستغفر الله

والله اعلم ومشكووره..:)
*Me*
24-01-2007, 01:51 PM
مشاعر متمردة & حلى الرياض شكراً خواتي على ردودكم و رايكم .. !!

أختكم : *Me*

:)
$~A.M.A~$
24-01-2007, 02:17 PM
أنا أشوف عادي بس لو زاد عن حدة مايصير حلو <<< الشي لو ذاد عن حدة إنقلب ضدة



شــــــــــــــــــ ك ـــــــــــــــــــــــرا على طرح الموضوع الحلو
Haruno_Sakura
23-02-2007, 12:38 AM
انا عن نفسي ما الحق ورا الموضة و الفاشن
امشي على زماجي
واسوي الي يريحني

وبالنسبة لثقب الاذن
صراحة انا تعجبني ...ما بكذب عليكم
وانا ابغى اخرم اذني بس ما ابغى اسوي زي المتخلفات واسوي مليون خرم
بسوي اثنبن ...يعني في كل اذن خرمين

حلو ^^

هذا رأيي الشخصي


(؛



هرهورا
عروب ksa
23-02-2007, 04:26 PM
وعليـكمـ السـلامـ ورحمـة اللـه وبركاتـه . .
عزيزتـي *ME * . .
مع احتـرامي الشـديد لوجهـة نظركـ و أكيـد وجهـاتـ النظـر تحتلـف . .
لكـني أحسكـ مكبرهـ الموضوع شوي . !
يـ ع ـني أنـا مثلاُ عندي كذا فتحه بإذني وأحس الموضوع عـادي . !
مو شـرط كل وحـدهـ تفتـح أذنهـا تكـون تبـغى تقلـد أحد مـ ع ـين . .
ممكـن تكون للزيـنه والجمـال بس . .
صحيـح فيـه بناتـ بالغـوا وأبـ ع ـدوا لكـن
همـ اللي بيجنون على أنفسـهـمـ ومظهـرهمـ . !
وعلـى قولـة المثـل . . ( مازاد عـن حدهـ انقلب ضدهـ ) . !
شاكـرة لكـ طرحـكـ . . =)
( الريم )
23-02-2007, 04:41 PM
اثنين حلوو

ثلاثه معقووله شوي

اكثر لااااا

المصيبه اذا جاءت من اول اذنها لأخرها والله يطلع شكلها مقرررف ،،

وهي حلوو لا كان اثنين :)


تسلمين حبوبه
بنوته 5
23-02-2007, 04:43 PM
أنا موافقة و أنا نفسي مسويه مو شرط نمشي ع الموضه
زهرة الحياة
23-02-2007, 04:57 PM
أنا ما أحب لما يكون عندي أو أشوف أي حد عنده أكثر من خرق في أذنه

لكن ما أعارض هذا الشي لانه مو حرام

بس ما أشجع أحد عليه

:)

مشكووورة حبيبتي على طرح الموضوع
ingy dekman
23-02-2007, 08:47 PM
والله اني معارضة للقرض اذن اكثر من واحد لان المنظر وانا اشوف اكثر البنات يسوون واحد فما احب اكون شاذة بينتهم..ومشكورة على الموضوع..
صدى الأنين
24-02-2007, 11:55 AM
بسم الله الرحمن الرحيم..

السلام عليكم ورحمة الله وبركاته،،

مشكورة *Me* على الموضوع.

ثقب الأذن لمجرد الموضة وتقليد لممثلة أمر غير جميل. ماذا ستستفيد لو أصاب أذنها
التهاب أو بعض القروح نتيجة لهذا الثقب.. لست أعارض ولكن ليس كل الموضة نطبقها.
وليس الكل يناسبه ثقب أكثر من واحد في الأذن.. فالبعض يبدو همجي ومقرف.
لاني عازمة على الثقب الثاني.. ليس للموضة ولكن لقناعة في نفسي..
رغم أني لاأحب وضع الحلق.:035:

المصيبة ليست في ثقب الأذن غالبا تكون في ثقب الشفاة وحول محيطها سواء في الأعلى
أو الأسفل أو الاثنين معا.. أو في منطقة السرة.. منظر يثير الاشمئزاز.. .26.
راية
24-02-2007, 12:43 PM
مسـاكم ورد ,,
بالنسبة لهذا الموضوع ,,
فأنا أشوف الوسطية في كل شي يحلو ,,
وثقب عن ثقب يفرق ,, !!
مثلاً . في بعضها تكون فعلاً بطريقة شاذة و غريبة ,, زي الا يخرقوا في اذنهم اليمين 5 أو 8 أخراق ,, و في اليسار واحد بس .. !!
ففي الحالة هذه باين انه تقليد أعمى ,, و البنت فعلاً بلا هوية ,,
أمّا ,, الا تخرق أثقاب متجانسة في كلا الإذنيين ,,
اثنين ,, أو ثلاثة ,, فأشوف مافيها شي ,,

وترا على فكرة ,, الحكاية دي من زمان ,,
بس دحين أحيوها أكثر ,, وأنا ليّا فترة طويلة خارقة اتنين ,, وقد يكون الثالث في الطريق ,, =)
الألماسة
24-02-2007, 01:40 PM
السلام عليكم ورحمة الله وبركاته

بالنسبة لي عندي ثقب واحد في أذني بس نفسي أعمل الثاني..بس في بنات يحطون أكثر وفي أماكن غير مناسبة وهذا يمكن يكون خطر عليهن..

وكيف ما قلتي ثقب الأذن أكثر من مرة هو تقليد للغرب..وأرى إنو ثقبين كفاية..


وفي أمان الله...
Hot Cho©ol@të
24-02-2007, 09:04 PM
أهلين حبيبتي ..

بالعكس انا في نظري ان الأذن لو كان فيها ثقبين بيكون شكل الأذن روعه ..

وانا كنت من اللي يتمنون الخرمه الثانيه وصارت لي ..وبالعكس احس انها توحي بالانوثه مع الحلق الناعم البناتي ..

والحين افكر اوصل للثالثه مجردتفكير ..

الاذن لحد 3 خرمات بتكون حللللوهـ ..واما اللي يزيد عن كذا فأبدا ابدا مو حلووو :007: ..

وترا الخرمه على حسب البنت اللي راح تسويها ونيتها ..

فبعضهم يرزون لكـ 5 في اذن ..ووحدهـ او 2 في الأذن الثانيه ..هاذي باينه وش تفكيرها ..

وبعضهم لا ..يكون مجرد وجود ثقبين او 3 انه عاجبهم ..ودور من ادوار زينه البنت ..

هذا رأيي ..واحترم رأي البقيه ..

تسلم الانامل يالغلا..




^.^