!! .. لاا للمدرســـة .. !!

[*Me*]

http://www.9q9q.org/index.php?image=crxsrPhGCGgc

لا للمدرسة !! ضد المدرسة !! ياليت يصير زلزال و يهدم كــل المدارس في الديرة !! حلاته ما في شي اسمه مدرسة !! مـــــــانبي مداارس !!

هاذي كــــــــــلها عبــارات يقولونها الطلاب و الطالبات لرفضهم فكرة المدرســــــة .. !!
و تعبيراً لمكنونات صدوورهم .. تجاه المدرسة ..
اصدقوون عــاد .. و آنة آقرة شنو يكتبون الطلبة عن المدرسة .. ينكسر خاطري !! يعني آنة عن نفسي آحب المدرسة .. يعني اهوة اكيد في شوية لوعة في لاامتحانات .. بس يعني ما توصل لدرجة انه آدعي عليها .. ههههه .. يعني فقيرة اهية شذنبها .. ذنبها انها بنوها عشان يعلمون الناس .. و ينشئون أجيال عدلة و ذكية !! عشان تؤمن مستقبل التلاميذ اللي يكرهونها ؟؟ هاذي يزاها اللي صابرة >> حشى !! >> شكلي طلعت شوي عن الموضوع :mad0256: .

المهمـ ـ .. خل نتمعن في المدرسة ، خل نطلع اول سلبيااتها .. و بعدين ايجابياتها ، السلبيات :

أنج لازم تقومين من الوقت
أنج اتعبين و انتي ادرسين و مهما حفظتي من الكتاب ما تخلص صفحااته
و المعلمات يهلكوونج بالاختبارات كل يوم 5 مرات في الاسبوع او اكثر >> ذي قوية :1aa:
و في بعض الصفوف تكون الدراسة صعبة :mad0256: ..
يتراوى لي 4 أسباب كفااية .. أحين الايجابيات :

و الأهم أنج تتعلمين ... و تدرسين .. عشان تنجحين في حياتج
تعلمج شلون اديرين شتى امور حياتج العلمية و العملية .. الخ
تقدرين اتعرفين ع صداقات جدد او تمنح لج الفرصة أنه اجوفين ربعج كل يوم لمدة 5 ايام من سبعة !! و بعد عن طريق اقامة الصداقات بتعرفين ع طبايع الانسان و صفاته ..الخ
تهيئج عشان تكونين ناجحة في حياتج المستقبلية .. و تظمنين مستقبلج ..
أحــين .. عقب ما بينت لكم .. آبيكم تجاوبون عن هالسؤال :

* شنو بتستفيدين من اتذمر و الاقوال الي تقولونها - لا للمدرسة و مابي مدرسة - غير عوار الراس بدون فايدة و زيادة تقنيع نفسج انج تكرهين المدرسة ؟!

و في الأخير آوجه نصيحة لكل بنت تكره المدرسة و آقول لها : خلج ع حالج و بشوفين بعدين شلون بتندمين ع اللي سويتيه . حتى مو بس انتي اللي بتاثرين .. يمكن حتى عيالج يطلعون نفسج !!

فترضين يصير جذي ؟؟

و بعد آقول لهم درسوا و اجتهدوا و رفعوا راس اوطانكم في العالي .. عشان تكونون لهم ذخر ان شاءلله ..

و الله الموفق

** آسفة صيغة الموضوع مو لي هناك .. لني بصراحة فــاشلة في الصياغة :pleasantr **

http://www.9q9q.org/index.php?image=9OU31ZKkg970

أختكم : *Me*

[وردة الباحة]

ياستي أنا معك في حركة عيوبها والروتين اليومي ....
لكن لما تخلص السنة وأخذ الشهاده وأعرف أني طالعه مرحلة ثانية أفرح وأنسى
هم السنة والتذمر والصحوه بدري.....:char0248

[*Me*]

مشكورة ع المرور وردة :)

[flowers_girl]

:: وعليكِ السلام والرحمه ::

أختي الغاليه .. * *Me* * ..

موضوعكِ قمه فالروعه .. تسلم يمناكِ .. وعساكِ عالقوه يارب .. أنتي أنسانه دائماً مبدعه ومتميزه ..

فـأنا أحترمكِ و أشـكـركِ جزيل الشـكـر على ما تبذلينه من جهد في هذا المنتدى الأكثر من رائع ,,

..-..,..-..,..-..

* شنو بتستفيدين من اتذمر و الاقوال الي تقولونها - لا للمدرسة و مابي مدرسة - غير عوار الراس بدون فايدة و زيادة تقنيع نفسج انج تكرهين المدرسة ؟!

طبعا ما بستفيد أي شي وبهالكلام راح أأذي نفسي .. بحيث أني راح أكرهه مثل ماذكرتي ,,

و في الأخير آوجه نصيحة لكل بنت تكره المدرسة و آقول لها : خلج ع حالج و بشوفين بعدين شلون بتندمين ع اللي سويتيه . حتى مو بس انتي اللي بتاثرين .. يمكن حتى عيالج يطلعون نفسج !!

الـفـ شـكـر الغاليه عالنصيحه .. طبعا مااكره المدرسه .. فهي بيت الثاني .. اللي أتعلم فيه ..

فترضين يصير جذي ؟؟

طبعا لا .. لا أرضا ولا أقبل بهذا الشي ..

أتمنى أن يكون أطفالي يحبون المدرسه أكثر من ما أنا أحبها بعد

و بعد آقول لهم درسوا و اجتهدوا و رفعوا راس اوطانكم في العالي .. عشان تكونون لهم ذخر ان شاءلله ..

ان شاء الله الغاليه نصيحتكِ أوصلت وما أنساها أبداً ,,

و الله الموفق ..

آمــــــيــــــــن :)

** آسفة صيغة الموضوع مو لي هناك .. لني بصراحة فــاشلة في الصياغة **

لا داعي للأسف فنحنا أخوات .. وأنتي ما أخطئتي بالصيغه أبداً ..

و بلعكس أختي أنتي مو فاشله بالصياغه ..

أسلوبك باين من أنك تبين توصلين معلومات ونصايح خير لكل أخت لكِ هنا ..

لا بئس به .. أحسنتِ ما صنعتِ .. الله يحفظكِ

..

تقبلِ خالص التحيه :: أختكِ المحبه لكِ فالله .. فلووورز :)

[*Me*]

تسلـــمين أختي فلوووز ع المرور و الرد الأكثر من رائع :)

أفرحتيني و الله بمرورج :D

عسانا ما ننحرم من هالطلة ان شاءلله :)

أختج : *Me*

[Le Mince]

سلام

كلامك يا اختي صحيح والله مافي احلى من المدرسه وايامها

بالعكس احس تعب الاختبارات .. حماسي مافيه اي طفش

وصاحباتي الله يخليهم لي بيحلوا المدرسه بزياده

لو راوا المدرسه من جانبيها لم يقولوا عنها هذا الكلام

خالص حبي واحترامي

[*Me*]

يسلمووو Le Minceع الرد الجميـل :)


و صح لسانج .. لو طالعوا المدارس من الصوبين جان ما قالوا جذي


و الله لا يحرمنا من ردودج الحلوة :)


أختج : *Me*

[Ayame]

أي
أي
أي
أنا معاج يا مي والله معاج أكره المدرسه وااااااااااااااااااااااااااااايد

ومشكوووووووووووووووووووووره ع الموضوع الرائع

[*Me*]

هلا أختي .. شكلج ايامي فهمتيني غلط :s13: .. آنة آحب المدرسة b:7

ع العمومـ ـ .. مشكورة ع المرور أختي :)

أختج : *Me*

[عاشقة المطر]

مشكورة اختي على كلامك الجميل عندي مثال حي اخوي الصغير مثلا يكره المدرسة و دايما يسب عليها
لكن انا احب المدرسة ولولا المدرسة ما كان هناك لا استاذ ولا طبيب ولا مهندس ولا فنان
احب المدرسة لانها ترفع من شأني و تساعدني على بلوغ القمم بالذات احنا البنات لازم نجتهد و نحب المدرسة و الدراسة لانها الضمان الوحيد للمستقبل و بدون علم الانسان لا يسوى شيء بنظري

[*Me*]

صح كلامج عاشقة المطر .. و الله لا يحرمنا من هالطلة :)


أختج : *Me*

[fl0o0wer]

أنا امووووووووووووووووووت بالمدرسة ... بس للاسف بقالي سنتين وبخلص.. وبروح الجامعة ....

تسلمين عالموضوع ... ^_^ .... سو نايس

[*Me*]

YsLm0o0 fl0o0wer 3La ArAd :D

yr sis :
*Me*

[حـ ـلا]

انا احبها لكن اكرها ساعات
يعني عادي القومة من الصبح واحب النحشات والمغامرات والصداقات اللي نسويها واحب بعض الحصص طبعا المواد اللي احبها زي الكيمياء والرياضيات ...
بس اكره المدرسات اللي مايفهمون واللي يحبو يمسكو علينا الغلط واكره وقت الأختبارات ولما تنتهي الفسحه
وانا باقي لي سنه واخلص والله يعيني على ثالث ثنوي ..لكن ماحب اكره نفسي بالمدرسه لأانه بيأثر عليي مو من صالحي
ومشكورة خيتو على الموضوع الحلووو :)

[الجاسوسة]

صحيح إني أكره المدرسة لكن هذا الشي ما راح يمنعني من الذهاب إليها خصوصا عندما نرى معلمات لطيفات معنا وأخريات قاسيات معنا لإقصى حد
صحيح أن الواجبات المنزلية صعبة لكن لكل شي جواب
صحيح أن المدرسة على الأبواب لكن هناك أبواب لصداقات جديدة
صحيح أن بعض الفتيات يتذمرن من المدرسة إلا أنهن يرون العكس لكنهن ينكرن ذلك<<< أنا مب بينهم!!

وبــــــــــــــــــــــس وشكرا يا مي على الموضوع

[*Me*]

يسلمووو الجاسوسة ع الرد الحــلوة :)

أختج : *Me*

[غناتي]

سلااام عليكم
::
::

تسلمييين حبيبتي ع الموضوع القيم و مـا تقصرين

أنـا اعرف أن التذمـــر ما بييب أي فايدة بس نحن جذي وبندم جذي ما نحب المدرسة بس في أيام الأجازات نقعد ونقول و الله أن المدرسة حلوة وهاي السنة بنجتهـد وبنذكر أول بأول و
أول ما تقتح المدرسة ننسى كل شي ونبداا بالتذمر مرة ثانية
وأنا أعترف أن نحن غلطانين بهذا الشي بس ما نقدر نغيره لأن نحن تعودنا على هذا الشي
و
تسلمين مرة ثانية ع الموضووع الروعة

:char0070

غنــــاتي

[زهرة الفرح]

فعلاً كلامك صحيح
وانا بدات افكر في هالشئ من يوم مادخلت المتوسطه
والف شكر

[رهـف]

http://www.3rbe.com/smiles/data/5/3rbe.com_119.gifالسلام عليكم و رحمة الله وبركاتهhttp://www.3rbe.com/smiles/data/5/3rbe.com_119.gif

بالفعل كلامك صحيح عزيزتي
فلا أنكر ما تقولينه :)
لأن بدون المدارس كيف لنا ان نزود علمنا ؟؟
بدون المدارس لم نلتقي بصديقات ؟؟
بدون المدارس لم تجمعنا ذكريات و مواقف جميله
بدون المدارس لم نفهم شيئاً ؟؟؟؟
و لكن عندما تأتي الإجازه نقول ليت المدرسه ترجع لنا !!!
و عندما تأتي المدرسه نقول ليت الإجازه ترجع لنا
الإنسان في حياته له شيئين
1-يمل بسرررعه
2-يتعود على الشيء بنفسه
الإنسان يمل بسرعه من الشيء و بتعب
و يريد ان يتسلى قليلاً
لكن المدريه جميله لما لا ؟؟؟
و يكون الوقت شتاءً و هذا ما يزيد من جماله
و جزاك الله خيراً عزيزتي على موضوعك الجميل
و دومــاً الى القمه و دمتي منوره للقسم :)

http://www.3rbe.com/smiles/data/5/3rbe.com_119.gifدمتم في حفظ الرحـمنhttp://www.3rbe.com/smiles/data/5/3rbe.com_119.gif

[عروب ksa]

وعليــكم الســلام ورحمــة اللــه وبركاتــه ..
بمــا إن إيجابيــات المدرســه أكثر بكثيــر من سلبياتهــا إذا ً مافيــه مجال إننا نكرههــا ..
وبالعكــــس فيه ملاييــن الأطفال في مناطق فقيــرهـ يتمنون التعليــم والدراســه ..
شكرا ً *Me* وصياغة الموضوع رائــعه ماشاء اللـه ..:)

[Rainbow_93]

السلام عليكم
مشكورة أختي على الموضوع والطرح
حتى انا وايد يصادف ان أسمع رفيجاتي يسبون المدرسة ومادري شنو
انا بالنسبة حقي أحب مدرستي و أموت فيها , حيل وناسة . .
تحياتي

[*Me*]

تســــــــــــــــلمون بنــات ع الردود الأكثر من رائعة .. فرحتوني :)

و عــسانا ما ننحرم ان شاءلله من طلتكم البهية :)

أختكم : *Me*

[RoSaReMa]

أنا والله طول عمري أحبـ المدرسه ولا عمري كرهتها
وأستغربـ منـ الي يقولونـ مثل هالعباراتـ
و يسلمو عالموضوع

[**عيناوية كوول**]

هلا

**انا معاج اختي مافي فايدة من اننا نقول ما نبي المدرسة الا بس عوار راس**

**و اناا عن نفسي احب المدرسة بس مرات تقهر * يعني

**ما احب قومت الصبح ولا الردة للبيت بعد ما كنت مع ربيعاتي**

**و احبها لاني اتعلم كل يوم شي جديد و اسوي اشياء مع ربيعاتي وكذا**

**و شكرا لكي اختي علي الموضوع **

**و اتمني لكي المزيد من التقدم والنجاح**

**سي ياا و بنتظار جديدك **

[شمـــوخ مطـــير]

.
,
.
http://marinamool.com/pic/~off/images/artred.gif
.
,
.

ألفـ شكر لج حبيبتي
ع
الموووضووع

صج إني كنتـ أكره المدرسهـ بعض الأوقااتـ . .
بس وربي إني كنتـ أحبها و أمووت فيها بعد

ليش ؟

لأن عندي شلهـ يمووتووون من الضحك
خفة دم خياااليهـ وربي و قعدتهم ما تنمل منها

أول شي بالطابور كان شوي و يغمى علي من الضحك و الله هم 8 بنات
كل وحده دمها خفيفـ أكثر من الثانيهـ
عاد تعالي شوفي التعليقات و السووالفـ بالطابور . .
وناااااااسهـ من قلبـ

و بالحصص كله تمصخر و ضحكـ

و بالـ 5 دقايق بينـ الحصصـ . .
آنا و رفيجاتي نتلثم بالحجاااب و نترررررقص
مرهـ رقص بدووي
و مرره نلف الحجاب على الخصر و نرقص مصرري

على كيفـ كيفننااا

بناات يصفقوون و بناات يغنوون و بناات يطبلوون
و احناا نرقص :msn_tongu

وررربي أحلى أيااام حياتي

-=-=-> حاطينها بـ البلاكـ ليستـ :017:


الوكيلهـ كانت شوي و بتستخف منا
كانت حاطه علينا جوااسيسـ بالصف أي حركهـ نسويها توصل عندها
وربي كانت كل شوي تعطينا تعهدااات و تقولنا لا تعيدونها ثاني مره
يووومين بس
و نرد لهباالناااااااا b:7

و بالـ فرصهـ نجيب جاي ( شاهي )
و قهوهـ و حلو و فطاير -=-> حشى مو مدرسه ديوانيه ههههههه
و نجمع شلتنا كلها مع شلة ( ع ) و شلة ( ن )

عاد تعالي فووق عشررين أو 25 بنتـ
و شووفي السووااالفـ و الضحكـ

نقعد كلنا على شكل دائرة
و نغني كلنا بصوت واحد و نصفق
ووحده ما شاء الله جسمهاا فضييع
نفس جسم هيفاء وهبي تترقص بـ وسط الدائرة

و اللي تبي ترقص تقووم ترقص

عااد كل شي طابين علينا الإدااره و يزفوونا و ما نتوب *_^

و اذاا ملينا نقوم نتمشى كلنا فووق عشررين بنت
اشكااالنا رعب وااااااااو
شكثرنا
و كل وحده أطول من الثااانيه

و ساعات نجيبـ ريوووق
جبااتي و سمبوسه جبن و جبن كرافت
و جاي حلييب -=-=-> مطعم هندي ههههههههاااي

و اللهـ يا بنااات أحلى أيام عممررررري عشتتتتتها معاهم

قمهـ في الوناسهـ
علشاان جذي ما كنت أمل . .

بس أكثر شي يقثنيـ الأمتحاااناات و قوومة الصبحـ . ,.

.
,
.

اشراايكمـ بمدرستنا وناااااسهـ صح . . ؟:char0142


-=-=-> شكلي طلعت برهـ المووضوووع *_*

المهم بس بغيت أقولج ان من ايجابيات المدرسه ان الوحده تتعرف على بنات قمه في الذووووووق
و يونسوووووون

و من السلبيياااااات قومة الصبح و الإمتحااانااات . .

بسـ يمكنـ البنات يكرهوون المدرسة لأن ما عندهم رفيجاات يونسوون ؟

و ثااانكس ألوووووت على موضوووعج الـ حلووو :)
.
,
.
وردة
http://www.asmilies.com/smiliespic/FAWASEL/000.gif
لـ قلبكـ الطاهر . , .
.
,
.
شموخ مطير

[*Me*]

rosarema يسلموو ع الرد الحــلو مثلج :)

**عيناوية كوول** مشكورة أختي ع النقاش العسل :) .. و العفو .. و الله لا يحرمنا من ردودج :)

شموخ مطير يعطيج العافية أختي ع المرور و الرد الرائع .. نورتي الموضوع :)

أختكم : *Me*

[Voice less]

أخيتي...
ما قلته ..و ما خطته يداكي كلام الحق..
و أنا أوافقكي في ما قلتي..
دمتي لنا..

[LOOOLz]

موضوع متميز
و جدي و في وقته
و الهجة بحرينية مفهومة ما في مشكلة
و تسلمين و دمتي لنا متميزة
يا me

[رفيعة-الشان]

مشكورة اختي على طرحج لهاي الموضوع

وانا وحده احب المدرسة ولو انها روتين

بس هي تغيير جو ولما نكبر بنقول ياريت ترجع ايام المدرسة

هاي رايي وقابل للنقد

لاعدمتكم

[*Me*]

Voice less تسلمين و الله ع الرد .. و أشكرج ع أطرائج :)

بدورة مشكورة أختي :) .. و آنة اصلن ما حطيته الا لأني آعرف أنه جدي :) >> بسج !

رفيعة الشأن العفو أختي .. و مشكورة ع ردج :)

أختكم : *Me*

[*وردة الربيع*]

فعلا كلامك حبيبتي مظبوط و اصلا الحين ظهر قرار جديد انو العطلة راح تكون جمعة و سبت مع انو انا ما احبذ انو تكون العطلة يوم السبت

[*Me*]

هــلا *وردة الربيع* .. اي و الله .. بس هالقانون اليديد .. بيخرب برنامجنا بكبــره :mad0256:

يعني بتنقلب عندي الأيام .. و الرزنامة اللي في مخي بتعتفس :mad0256:

بس .. بعد .. الله كريم .. و مشكورة ع ردج :)

أختج : *Me*

[AL_malsoona]

:pleasantr انا معك في كل كلمة قلتيها لان المدرسة الي انا فيها كله جيبي فلوس جيبي فلوس جيبي فلوس المدرسة الي انا فيها اخس مدرس في الكون <<<<شكلها تكرهالمدرسة ما تطيقها
المهم انا واقفة وياليت تطيح المدرسة فةق راس الشيعية المديرة
وشكرا:pleasantr

[*Me*]

مشكورة ع الرد ملسوونة :) .. و كل وحدة و رايها :)

أختج : *Me*