اشهر الاطباق المصرية

[سلوى يحيى]

السلام عليكم ورحمة الله وبركاته
اخواتى الجميلات فى منتدى بنات انا اختكم سلوى من مصر والموضوع ده ان شاء الله هيكون فيه كل اسبوع بعون الله اكلة مختلفة من المطبخ المصرى ويارب تنال اعجابكم
انتظرونى ان شاء الله مع اول طبق مصرى هو(المسقعة)........:eat: :eat:

[راعية بنات دوت كوم]

مشكووووووووووووووووووورة أخت سلوى
بس ياريت يكون مدعم بالصور
الخطوات بيكون صعب سشوي بس ياريت النتيجه النهائيه وجزاكي الله خير

[shimaa900]

انا مصرية ايضا وساشجعك

[("غنج نجد")]

امووووووووووت اناااااااااا في الاكل المصري زي الكشري والفطير المشلتت امممممممم وناااااااااااسه

[سلوى يحيى]

جزاكم الله خيرا اخواتى راعية بنات دوت كوم وشيماء وياريت خليكى جنبى لاحسن نتفضح :blush: واختى عنج نجد واهلا بيكم
دلوقتى بقه ركزوا معايا بس معلش المرة دى مفيش صور وهاحاول المرة الجاية ان شاء الله
معاكم ورقة وقلم....



ها جبتم....




كويس كده

اكتبوا بقه:
المقادير: 1\2 كيلو باذنجان رومى اللى هو اسود وكبير
1\2كيلو طماطم
1\2كيلولحم مفروم
بصل وتوابل
الطريقة:
نقطع الباذنجان شرائح تكون سميكة شوية عشان فى النضج لا يتهرى ونحمره فى الزيت
قبل كده نكون عاملين اللحم المفروم مشوحينه على النار مع البصل المبشور والملح والفلفل ونكون عاملين الصلصة نعصر الطماطم وبعدين نحمر ثوم فى او بصل عشان تكون اخف فى الزيت ونحط عليه عصير الطماطم ونظبط الملح والفلفل والبهارات ونسيبها تغلى لغاية ما يكون سمكها معقول ونطفى عليها. نرجع بقه للباذنجان قولنا نحمره فى الزيت وده يكون آخر حاجة ونكون محضرين صينية حجمها مناسب ونحط باذنجان فى الاول وبعدين اللحم المفروم وبعدين باقى الباذنجان وبعدين الصلصة مع مراعاة ان الباذنجان يكون مغطى الصينية كويس وبعد كده نحطها فى الفرن يكون سخن ونسيبها حوالى 1\4 ساعة لغاية وشها ما يحمر وبعد كدة نطلعها ونكلها بس حاسبوا عشان سخنة.
ملحوظة:
مش لازم نعمل الطماطم كلها ولكن حسب ما نحس انه كفاية للصينية كمان ممكن نعمل حسابنا فى باذنجان اكتر عشان يكون كافى للتغطية تحت وفوق . وبالهنا والشفا:) :)

[سلوى يحيى]

ها يا بنات ........الاكل عجبكم؟؟؟
عايزة اعرف رايكم ايه عشان اعرف اذا كنت هاكمل ولا لأ؟؟؟
منتظرة ردكم................

[بنت الخور]

مرسي اختي على ده الوصفة الجميلة

[سلوى يحيى]

تسلمى اختى بنت الخور بس يعنى ايه بنت الخور؟؟؟ عايزة اعرف

المهم يا بنات الوصفة الثانية او الاكلة الثانية سهلة جدا ويمكن تكونوا عارفينها هى..........

البيض بالبسطرمة...

بصوا بقه....

نجيب البسطرمة ونقطعها قطع صغيرة او متوسطة وده طبعا بعد ما ننظفها
وبعدين نشوحها فى شوية زيت وبعد كده نحط البيض عليها ونقلبهم على بعض لغاية البيض ما يستوى مع البسطرمة.

وبالهنا والشفا

[prettey angel]

ياااااااااااااااا بجد بجد انا بمووووووووت في حاجه اسمها مسقعه
والف شكر ياسلوي علي الوصفات الجميله والمبسطه دي ويارب دايما تجيبي وصفات كويسه كده
عشان انا باامانه مش بعرف اعمل اي حاجه وماما كل ماتدخلني المطبخ نزعق مع بعض وبزعل اوي
ونفسي اتعلم ومش عارفه اعمل ايه اهئ اهئ اهئ
خليكي جيبي وصفات سهله كده
اوك سلام

[silence shadow]

امممممممممم
مشكورة اختي

[كليوباترا]

انا مصرية برده يا سلوىوبشجعك جدا وحتلاقينى جنبك دايما ان شاء الله وبرافو عليكى

[فيض الأمل]

روووعه يسلمووووووووو خيتو

[نور فلسطين]

شكرا على الاكله الشهيه

[سلوى يحيى]

جزاكم الله خيرا يا بنات ايوة كدة شجعونى وارفعوا معنوياتى

وعلى فكرة استنوا الاكلة الجاية وهى....................الفتـــــــــــــــــــة

اصلها محتاجة روقان المصريين يعرفوا كده كويسb:7

[سلوى يحيى]

اهلا بيكى كليوباترا وخليكى جنبى الله يخليكى احسن نتفضح ادام الاجانب

[ذات المخالب]

واو مشكورة على جهدك

[سلوى يحيى]

السلام عليكم ورحمة الله وبركاته
جزاكم الله خيرا اخواتى على مروركم الكريم
ودلوقتى مع طبق جامد جدا من الاطباق المصرية وهو (الفتـــــــــــــة)

وهو بصراحة جامد لانها اكلة قوية شوية يعنى حاجة كده تملا العين

المهم............ركزوا معايا وما تنسوش الورقة والقلم............برده نسينا....................طب بسرعة روحوا هاتوا ورقة وقلم وانا منتظرة..............:s13:


طيب نبدا بقه........

المقادير:
3 كوب ونصف ارز
طماطم
عيش مخفف
شوربة لحم
خل وملح وفلفل وكمون
زيت او سمن
ثوم

الطريقة: بسم الله
اولا نكسر العيش المخفف فى الصينية اللى هنعمل فيها وده حسب الرغبة وطبعا عيش عادى مش فينو او توست
ثانيا الارز نعمله زى الارز العادى بالظبط ولكن من غير شعرية يعنى ارز ابيض
ثالثا الصلصة نعصر الطماطم كويس ونصفيها وبعدين نحمر فصين ثوم فى الزيت ونحط عليهم الصلصة مع ملعقتين خل وملح وكمون وفلفل ونظبط الملح كويس ونسيبها تغلى لغاية ما يصبح قوامها معقول واوعوا تسيبوها تتسبك اوى
نرجع للعيش تانى... نشيله من الصينية اللى هو فيها ونحمر فيها فصين او ثلاثة ثوم فى الزيت او السمن حسب الرغبة وبعد ما يتحمر يبقى لونه ذهبى كده نحط عليه ملعقتين او ثلاثة خل وبعدين نحط الشوربة يعنى بالمغرفة ثلاث او اربع مغارف ونحط بعد كده العيش المجفف اللى كسرناه فى الشوربة ونطفى النار لو حسينا ان العيش محتاج شوية شوربة نزوده بس مش كتير المهم فى الآخر يكون العيش متشرب شوربة كويس وميش شوربة زيادة واوعوا تنسوا تظبطوا الملح
بعد كده نجيب الارز الابيض ونفرده على وجه العيش نغطى العيش به كويس
وبكده تكون الفته خلصت وجاهزة للاكل مع صلصة الطماطم اللى عملناها ..............وبالهنا والشفا:)

منتظرة رايكم وردكم:)

[سلوى يحيى]

ايه يابنات الاكل مش حلو ولا ايييييييييييييييه؟؟؟؟

كليوباترا.............انتى روحتى فين ؟؟؟ اتخليتى عنى ولا ايه؟؟؟؟؟؟؟

[كليوباترا]

لا والله متخلتش عنك انا متبعاكى ومظبوطة طبعا انا رأيي فيكى ميخيبش استاااااااااااااااااااااذة طبعا وتسلم ايديكى

[سلوى يحيى]

ميرسى يا قمر على الكلام الحلو

يعنى تفتكرى فى امل؟؟؟ العريس مضمون يعنى؟؟؟

[~ ليــــــــــدي ~]

فكـــــــــــــــــرة حلوووووووووووووووووة ......


تسلميييييييييييييييييين يا سلووووووووووووى ..........

[سلوى يحيى]

نسلميلى اختى ليدى وشكرا على المرور والرد الجميل

[عابرتـ سبيلـ ,]

الله يعطيج العافيه

ودمتي الى الامام

[كليوباترا]

طبعا يابنتى العريس مضمون متقلقيش حخطبلك ابنى ههههههههههههههههه

[سلوى يحيى]

ده يشرفنى يا كليوباترا..........حد يطول يتجوز ابن كليوباترا؟؟؟؟
هههههههها

[سلوى يحيى]

السلام عليكم ورحمة الله وبركاته
الصنف الجديد .................................صينية البطاطس فى الفرن

المقادير:
بطاطس
عصير طماطم
ملح وفلفل
ملعقة كبيرة سمن
شوربة
ثوم وبصل


الطريقة:
الطبق ده هتلاقوه سهل جددا ان شاء الله بصوا بقه
اوعوا تكونوا نسيتو الورقة والقلم زى كل مرة...............

نبدا بقه..........
نقشر البطاطس ونقطعها حلقات سميكة ونغسلها ونحطها فى ماء بملح حوالى 5دقايق وبعدين نشيلها من الماء ونحطها فى الصينية ونحط عليها عصير الطماطم ونخفف بالشوربة لغاية ما نغطيها كلها وبعد كده نطون دقين ثوم وباشرين بصلة متوسطة ونحطها عليها مع معلقة السمن والفلفل والملح ونظبط الملح
ونحط الخليط ده على النار ونقلبه كويس ونسيبها لعاية ما تشرب جزء معقول من الصلصة بتاعتها ونكون مسخنين الفورن نطفى عليها البوتاجاز ونحطها فى الفرن لغاية ما تحمر ....

وبالهنا والشفا...........:) :)

[سلوى يحيى]

كل سنة وانتم طيبين يا بنات ورمضان كريم عليكم وربنا يفرحنا بالرحمة والمغفرة والعتق من النار ان شاء الله شدوا همكم وجددوا النوايا وعليكم بالدعاء وجزاكم الله خيرا

[سلوى يحيى]

انتظرونى ان شاء الله بعد رمضان واصناف واطباق جديدة تنال اعجابكم ان شاء الله
وثبتكم الله على الطاعة واعانكم فى رمضان

[abeeralsabbagh]

وانا أيضا مصرية واسمى عبير ان شاء الله سأتابع ما تقدميه وأرجو معرفة عمرك يا سلوى أنا عمرى 26 سنة

[سلوى يحيى]

السلام عليكم يا بنوتات وحشتونى جددددددددددددددددددددددددا و وحشنى المنتدى اوى وعذرا على الغيبة الطويلة لكن الدراسة السنة دى مرهقة شوية وكمان اليومين دول داخلة على امتحانات فبحضر نفسى ادعولى الله يخليكم انجح السنة دى عشان كده انا مشغولة عنم شوية بس اكيد ان شاء الله بعد الامتحانات هاكمل معاكم حتى اكون اتعلمت حاجات جديدة
اختى العزيزة عبير اهلا بيكى نورتينى واسفة على التاخير وانا عندى 19سنة

[عـسـوووولـه]

http://www.althkra.net/pic/ep/Z6.gif

[شقردية]

تسلم الأيادي غاليتـــــــــــــــــــــــــــــــــي
وإذا ممكن تخبرينا طريقة عمل الكشــــــــــري المصري:thank_you

إذا تقدرين ...و الأطباق إلي قدمتيها ما عليها كلام كل طبق أحلى من الثاني..:) :yes:

[قمر الكون]

تسلم ايدينك

وشهيتيني

[عيوني حزينة]

:angel: يعطيك العافيه اختي

[BARBY]

تسلم ايديك ياسلوى
والاكلات رووووووووووعة

[شعاع من نور]

امممممم...أستاذة يا بنتي..
يا ريت كمان الفطير المشلتت و المحشيات و ماتنسيش الكبدة الإسكندراني....
:tong0022 :tong0022

[~MeEzOo~]

السلامـــــــ عليكــــــم ورحمة الله ...

مشكوورة حبيبتي ... ع ها الوصفة ...

تسلم ايدج ...

ولاتحرمينا من موااضيعج ...

اختج في الله :

ميزو

[سلوى يحيى]

السلام عليكم ورحمة الله
جزاكم الله خيرا يا بنات على المرور الكريم والردود الجميلة وتسلمولى كلكم وادعولى لان عندى امتحانات اليومين دول وان شاء الله افوق منها وافضالكم وانا هاكتب كل الطلبات اللى قولتو عليها وان شاء الله اقدمها لكم ....بحبكم فى الله

[سلوى يحيى]

الكبدة الاسكندرانى

المقادير:

كبدة من عند الجزار

فلفل رومى

ملح وفلفل

زيت

بصل

الطريقة:
نجيب الكبدة من عند الجزار ونقطعها قطع صغيرة طبعا الكبدة مش بيتحط عليها مياه خالص وبعد كده نحط البصل معطع ونقلبه بسيط فى الزيت وعليه الفلفل الرومى يتقلب شوية صغيرة وبعد كده نحط الكبدة ونخفض الحرارة ونغطيها حتى تستوى وطبعا بعد كده نظبط الملح والفلفل وبالهنا والشفا .:) :)

[~MeEzOo~]

السلامـــــــ عليكــــــم ورحمة الله ...

مشكوورة حبيبتي ... ع ها الوصفة ...

تسلم ايدج ...

ولاتحرمينا من موااضيعج ...

اختج في الله :

ميزو

[سلوى يحيى]

جزاكى الله خيرا اختى ميزو على متابعتك وبالف هنا وشفا

اختى العزيزة شقردية ان شاء الله هتكون الوصفة القادمة للكشرى عشان خاطرك

اشوفكم بعد الامتحانات. . .

[القطه البيضاء]

مشكوووره
الله يعطيك العافيه

[سلوى يحيى]

السلام عليكم ورحمة الله وبركاته
ازيكم يا بنات وحشتونى جدا انا آسفة للغيبة دى بس معلش سماح بعد تعديلات المنتدى كنت متلخبطة ومش عارفة ارجع ارتب مواضيعى تانى بس خلاص ان شاء الله هارجع اتابع معاكم تانى واكتبلكم الللى انتةا عايزينه بعون الله وانا مش هانسى طلب اختى شقردية للكشرى

[كويتيه قدساويه]

مشكوورة اختي ع الموضوع الرووووعه

تقبلي مروري :)

[سلوى يحيى]

اهلا بمرورك الكريم اختى كويتية قدساوية ويارب الاكل يعجبك

[سلوى يحيى]

جزاكى الله خيرا اختى كويتية قدساوية على مرورك الكريم ويارب الاكل يعجبك

[m0on girl]

ماشاء الله عليكِ..،

الأطباق المصرية جِداً رائِعَة،،
شكراً لَكِ..،=)

[سلوى يحيى]

جزاكى الله خيرا اختىmoon girl على مرورك الكريم وتسافرى وترجعى بالف سلامة

[سلوى يحيى]

طبق الكشرى

المقادير:
عدس بنى
حمص الشام
ارز
مكرونة طويلة ومكرونة صغيرة
طماطم
ثوم
بصلتين كبار
ملح وفلفل وكمون وزيت

الطريقة:
يتم نقع الحمص والعدس لمدة ساعتين على الاقل وبعد ذلك يتم وضعهم على النار فى الماء لسلقهم ،اثناء هذا يتم تحمير بصلة متوسطة فى الزيت حتى يكون لونها ذهبى ونكون غسلين الارز ويتم وضعه على البصلة وتقليبهم جيدا ثم اضافة الماء بنفس مقدار الارز يعنى مثلا وضعنا 2كوب ارز نضع 2كوب ماء ونتركه حتى يتشرب الماء على نار هادئة مع اضافة الملح والكمون وضبطه ثم نضيف اليه العدس ويقلب جيدا ثم يترك على نار هادئة جدا حتى ينضج.
المكرونة يتم تكسير المكرونة الطويلة الى 3قطع حتى لا تكون كبيرة فى الاكل وتسلق عادى جدا نغلى الماء ثم نضيف زيت وملح ثم نضع المكرونة ونتركها حتى تنضج مع التقليب المستمر حتى لا تلصق ببعضها وبعد ان تسلق تصفى من الماء فى مصفاه .
نعصر الطماطم فى الخلاط ونصفيها لتكون جاهزة ثم نحمر الثوم حتى يصفر فى حلة ثم نضيف اليه الطماطم ونضيف الملح والكمون ونتركها تغلى حوالى ربع ساعة ثم نطفىء عليها النار.
نقطع البصلتين الكبار اجزاء صغيرة ونحمرها فى الزيت حتى يصبح لونها بنى ولكن كونى حذرة لانها تحمر بسرعة فجأة حتى لا تحترق منكى فكونى حذرة لها .
الآن الارز جاهز والحمص جاهز والصلصة جاهزة والتقلية جاهزة والمكرونة جاهزة ولا تنسى فى كل شىء ظبط الملح والتوابل.
احضرى اطباق الغرف وضعى الارز الاول ثم فوقه المكرونة ثم الحمص ثم الصلصة والتقلية وبالهنا والشفا........

[حافظة القراءن]

السلام عليكم ورحمة الله وبركاته

بجد احيكى جدا سلوى على نشاطك وعلى الطرح المميز

وعلى فكره انا كمان مصريه يعنى ان شاء الله معاكى يا جميل

[هنوووودة]

(السلام عليك ورحمه الله وبركاته)

ياعيني عالأكل الحلو:04:

و طبعا لو كان في صور حيكون اروع

يسلمو قلبو

و يعطيك الف عافيه
\
/
\
(هنوووودة)

[سلوى يحيى]

جزاكى الله خيرا اختى حافظة القرآن واهلا باهل مصر الحبيبة واتشرف بوجودك معايا واكيد ان شاء الله هاحتاجلك

اختى هنوووودة جزاكى الله خيرا واعذرينى لعدم وجود صور انا حاولت ابحث لكن ما لقيتش صور مناسبة فمعلش حاولى تتخيلى انتى الصورة:018:

[LoLo_Princess]

مشكورة أختي سلوى ..

بس ياريت يكون مدعم بالصور مثل ما قالوا عشان نتعلم أكتر إذا تقدري إذا ما تقدري عادي ...

بإنتظار أشهى الأطباق منك عزيزتي ..

[سلوى يحيى]

جزاكم الله خيرا يا بنات والله بتحرجونى بطلبكم للصور عشان كده هاحاول تانى عشان خاطركم

[ورده الغصن]

وانا كمان مصريه
وياريت تجيبى اكلات مصريه كتير

[ورده الغصن]

انا كمان مصريه

[سلوى يحيى]

اهلا اهلا ببنات مصر الحلوين وياريت انتم كمان تساعدونى وتقولولى طلباتكم
وعموما ان شاء الله الوصفة الجاية خلطة المحشى لاى محشى.......

[سلوى يحيى]

[quote=سلوى يحيى]اهلا اهلا ببنات مصر الحلوين وياريت انتم كمان تساعدونى وتقولولى طلباتكم
وعموما ان شاء الله الوصفة الجاية الملوخية.....

[سلوى يحيى]

الملوخية

المقادير:
نصف كيلو ملوخية
خمس فصوص ثوم
ملعقة سمن كبيرة
ملح
كزبرة مطحونة

الطريقة:
طبعا نشترى الملوخية من بتاع الخضار وتأكدى ان الورق بتاعها شكله طازة ومصحصح مش ذابل
ناخدها البيت ونقطفها يعنى ننزع الورق من العيدان ونضعه فى طبق لوحده وبعيدن تتغسل كويس نغسلها ازاى؟؟ نضع الورق فى طبق عميق ونملاه بالماء ثم نغير الماء حتى نجدها نزلت بيضاء بلا رواسب
ثم نضعها على قطعة قماش كبيرة او ورق جرائد حتى تجف ثم نخرطها بالمخرطة او فى الكبة
بعد ذلك ننقلها فى الحلة او وعاء الطبخ ونضع عليها حوالى مغرفتين شوربة وتكون الشوربة مغلية حتى نجد ان قوامها مناسب ليس سميك وليس خفيف
ثم نضعها على النار وعندما نجدها بدأت تغلى بسيط نغلق عليها النار والنار تكون هادئة
نحضر الثوم ونضع عليه الكزبرة ونصف ملعقة ملح ويدق او فى الكبة ثم نحمره فى السمن حتى يصفر ثم نضعه فورا على الملوخية ويقلب جيدا ثم نضعها مرة اخرى على نار هادئة حتى تغلى بسيط لا تتركيها تغلى كثيرا واضبطى الملح جيدا وبالهنا والشفا :032: