المراءه " المسترجله " حياتها وزواجها !

[شظايا ألم]

السلام عليكم ورحمة الله وبركاته ..

عزيزاتي معكم في أول موضوع لي بالنقاشات حبيت أناقشكم بموضوع دايم أناقشه ومع الكل ..

ودايم أطلع فيه شبعااااانه هرررج .. يعني أطلع منه فاهمه شي جديد وأشياء أكثر ..


موضوعي يقول ..

المرأءة المسترجله .. أو الفتاه الي تربت بين شباب وأصبحت بتصرفاتها تحركتها وأخلاقها بكل ماتفعل شاباً ! ..

ما مكانتها وهل سيختلف ذالك بعد الزواج .. ؟ وهل هذه حاله تستحق الذكر ..

بل هل هو شيء يتغير أم أنه أسلوب عيش مترسخ .. هل هناك طرق وأساليب لتغيره أم أنه ثابت ؟

هل وهل ..


بدايه أحب أذكر موقف بسييط لكل بنت مسترجله أو عاجبها هالصفه فيها ..

أمم أظن أني لو رحت لولد أو رجل .. وقلت له أنت حرمه لو صكني كف قليله فيني :bluebiggr ..

يعني هذا الشي بيقهره لأنها غريزه في الإنسان وفيه رجوولته .. بينما جربت وقلتها لبنت وهي قريبه لي قلت لها أنتي ولد أو مسترجله أبتسمت وفرحت :hmm: وهذي المصيبه ..

أتخيلتها مع زوجها ..

يجي زوجها تعبان يبي أكل يقول لها بالله وين الغدا والأخت مشمرة ومعصبه وتقول مافي غدا اليوم يقول لها طب شنسوي تقول له مالي شغل .. يقول طب حمي من أكل أمس تقول أنا قلت كلمه وأنت سوي الي تبغا ؟؟!! >> تخيل واسع

أعتقد رجــال ورجــال مايعيشوا سوا ولا :bluebiggr ..


ما أعتقد الرجل بيتحمل وحده مقويه أو مسترجله بالتصرفات هو يبي يتزوج أنثى رقيقه وترا حسب رأي أن الرجال نقطة ضعفهم ضعف النساء أمامهم أو بالأصح نقطة قوتنا ضعفنا .. لأن الرجال بطبعه بيكون رحووم ..

فـ شلون بيقابل وحده مقويه شوي وتمد يدها بعد :bluebiggr ...

يعني أعتقد بيكون زواجها فاشل ...

مدري حسيت هالموضوع يحتاج لنقاش .. لأن بزماننا كثروا المسترجلات وهذا بحد ذاته حرام بغض النظر عنه إجتماعيا ..


يعني أبي كل وحده تجي وتقول لي رأيها في هالبنت ..

وش الأسباب ؟ ووش الدوافع الي تخليهم مبسوطين بهالصفه ؟

ووش الي ممكن يغير منهم ؟؟ ووش الخطوات الي تحطيها لبنت عشان تغير من نفسها ؟

وأخيرا أيش تنصحي هالبنت ..؟؟


ورأيكم يهمني أكيد

[عيونك أوطاني]

موضوعج راااااائع .. وانا رائي .. هو ..

انا كانت لي ربيعه بوي .. (( المستريله )) .. كلنت وياي من صف 5 .. ومن عرفتها تصرفااتها كلها ولااديه

وتلبس مثل الاولاد .. والبنات ميتين عليها ..!!!!

واحينه يوم وصلت ثالث اعدادي (( السنه اللي طافت )) .. جتني بكرت .. قلتلها شو هذا قالت

انا بتزوج بعد اسبوعين ما صدقت ان هاذي الانسانه بتتزوج يوم من الايام ..

لان مستحيل ما اتحصلين فيها نقطة من الانوثه .. والله دفشه وصوتها بصراحه يسكت ..!!!! غلييييييظ

المهم .. انا رحت العرس .. واول ما طلعت الناس كلللللللللللهم شهقوا .. وانا وياهم ..

اقول مستحيييييييييل هااااااي البنت اللي اعرفها .. ماشاءلله عليها قمر ...!!!!!!!!!!!!!!!!!!

واحينه بعد زواجها .. والله انها انوثيه اكثر مني بعد .. ووواااااااااااااايد رقيقه .. شو اللي غيرها والله مادري

والحمدلله عااايشه بسعاده مع ولدها الصغير ...!!!!!!!!!!!!!!!!!

وانا اشوف ان هالشئ ما منه فايدة لو شووووووو ..

ونصيحتي للبنت المستريله .. استري على نفسج واستري على سمعتج .. قبل لا ياكلونج الناس

بحلوجهم اللي ما اتوقف .. وبس اذا في وحده اهنيه في المنتدى بوووووي ..((( اكيييد مافي )))

اريد اعرف .. شو استفتدوا احينه بعد هالحركات اللي اتسوونها ؟؟؟؟؟

ومشكورة .. ماشاءلله موضوعج وااايد مميز وشكرا مرة ثاانيه

[شظايا ألم]

عيونك أوطاني ..

مرورك رائع لا عدمته ..

ولأستغربت الي قلته .. وقلت الله قادر على كل شي سبحااانه ..

شستفادت من إسترجالها دامها صارت أنثى راقيه ناعمة وزوجه وأم رائعه ؟

ما أعتقد هالتجربه أعطتها شي ..ولا ؟


وبعدين ممكن يكون في عامل غيرها .. ممكن تكون فكرة الزواج ! أو ممكن يكون الحب ..! لأن الحب يجمل كل سيء ويمحي العيوب ...

ما أدري والله بس هذا شي يسعدني ...

وأسعدني مرورك ومشاركتك معاي في الموضوع بحروفك ..

ولك مني غلاتي الحب كله ...

[بسمة وردية]

مرة المسترجلات كثروا في هالزمان ..

ويفرحون بهذا الشيء والرسول صلى الله عليه وسلم قال :

"لعن الله المتشبهين من الرجال بالنساء , والمتشبهات من النساء بالرجال "

وهم تشبوا بالرجال في تصرفاتهم اوكلامهم اواصواتهم اوهيئاتهم ..

والعقاب طرد من رحمه الله ..

اما الاسباب اللي تدفعها لكذا يمكن الفضول واللقافة او حب الظهور

والشهرة ولفت الانظار ويمكن تقليد ..

اما ليش تفرح بأنها مسترجلة ما ادري .. !!!

يمكن لانها تحس انها سوت شيء يلفت النظر لها

وطبعا اغلب المسترجلات مراهقات ..

مدري وشلون يفرحون بكذا والبنت احسن شيء فيها انوثتها ونعومتها

وعندنا بنات من نفس النوعية معي بفصلي ..

مشية رجاجيل وحركاتهم و عطور رجالية ..

نقولهم ونكلمهم ويقولون وش دخلكم ؟؟ عاد وش نسوي لهم !!!

*موضووووع رائع شظاوووي*

.. مشكووووورة ..

[ღ ريـــآنة آلــعووود ღ]

أعووووذ بالله .. كلشن ولا ذا العلم :boxed:

شظووووي .. موضوعك هذا النقاش فيه ماينتهي أبد .. :005: يعني تحملي طووول كلامي :43:

معروف إن الطفل أول ماينولد .. يتأثر بالبيئة اللي هو عايش فيها في كل شي .. في تصرفاته وكلامه وطريقة لبسه وأكله وتعامله مع الغير ... الخ

البنت اللي تعيش بين عيال .. هذي مسكينه مررررهـ .. وإذا نشأت على الاسترجال بسبب أخوانها .. معذووورهـ .. لأنها أول ماطلعت على الدنيا وفتحت عيونها لقت نفسها بين عيال .. وبدت تقلدهم فكل شي على أساس إنهم إخوانها .. وإذا كبرت تبدا الطامة الكبرى معها .. تبدا تحس فعلا إنها ولد وأبدا ماتحس بالأنوووثه .. وبعدين تحب لها بنت ويبدا من هنا مشوار البلاوي :down:

لكن .. هالحاله هذي .. الأم هي المسؤوووله عنها .. المفروض أول ماجابت هالبنت وأول مابدت تكبر وتفهم .. تعلمها الفرق بينها وبين أخوانها في كل شي .. وتحاول ماتخليها وحيدهـ .. تحاول تجلس معها أغلب الوقت .. لمن تكبر البنت وتفهم الفرق .. وبعدها خلاص بتصير بنت صح ..

وكون البنت المسترجله سعيدهـ بهالشي .. لأنها تدري إن الرجل حر في كل تصرفاته ومحد يقدر يحكمه لأنه رجل .. ويروح ويجي ويسوق سيارهـ ومهما فعل ماراح يضرهـ شي لأن عيبه بجيبه ... الخ

البنت من هالنوع .. مريضه .. وتحتاج إلى التوووجيه والإرشاد ... ولكنها أبدا ماتنلام على اللي تسويه .. لأنه نتج عن كونها بنت وحيدهـ بين عيال .. لكن اللوم كله يقع على أمها اللي المفروض من البدايه تفهمها وتعلمها من يوم ماكانت طفله لحد ماتكبر وتفهم ..

لكني وبكل صراحه أحس إن التوجيه والإرشاد والنصح لهالبنت .. ماراح يفيدها بعد ماكبرت .. لأنه شي تمكن منها من يوم ماكانت طفله .. تمكن من جسمها وعقلها .. ولكن لازم مانيأس ونستمر في المحاوله اللي مالها نهايه ..

ونصيحتي لها : أنتي إنسانه مريضه ولازم تتعالجين بأسرع وقت ممكن ..

خليني أقولك عن ولد بنت خالتي اللي عايش بين 3 بنات .. الحين عمرهـ 7 سنين تقريبا وإذا جا يتكلم يقول : أنا فرحانه .. أنا تعبانه .. يتكلم كنه بنت .. وأمه وأبوهـ للآن يحاولون يفهموونه وإن شاءالله بيفهم :0021:

ويسلموووو قلبووو شظووووي :005:

[شظايا ألم]

جوود ..

جزاكي الله خير حبيبتي ..

أشكر مرورك وردك ورأيك الراائع ,, وفعلا ينقصنا التثقيييف بين النااس ..

ومشكلتنا أننا مانقبل النصيحه ..

أشكرك غاليتي على ردك الي لاعدمته ..

[شظايا ألم]

هههههههههه روزا موتيني ضحك هو تعبانه وهو فرحااانه ياااقلبي عليييه ..

المهم حبيبتي رووز أسعدني والله مرورك اللي فقدته وربي ..

فعلا هذي مشكله مو مشكلتها لما تكون مولوده بين عيال ومالها ذنب ..


بس الي كذا ؟ هذي وش عذرها بالله ..

وأنا معك في رأيك بكل كلمه ..

لكن مو ضروري يكون من الأم بس يعني شوفي حبيبتي أنا أعرف وحده بنت بين 7 عيال وماشاء الله عليها كلها أنووووثه ورقة وربي أرق من النسمه بنت بمعنى الكلمه ..

وهذا كله بالتثقيف وبتفهيم أمها وأبوها وأخوانها أنها بنت وكانوا مدلعينها بما أنها البنت الوحيده فهذا الي حسسها بأونوثتها ..

يمكن التعامل ...


أشكر ردك غلاااااتي ووجودك اللي لاعدمته يااارب ..

[ღ ريـــآنة آلــعووود ღ]

شظوووووووووووي صدز فقدتين :011: وهـ بس ياسعدي ..

وهذا كله بالتثقيف وبتفهيم أمها وأبوها وأخوانها أنها بنت وكانوا مدلعينها بما أنها البنت الوحيده فهذا الي حسسها بأونوثتها ..

أنتي بنفسك قلتيهااااااااا .. بالتثقيف وبتفهيم أمها وأبوها وأخوانها إنها بنت .. :cool:

يعني .. البنت اللي ماتحصل هالتثقيف من أهلها .. راح تسترررجل أكيد :Sad_anim:

[شظايا ألم]

هلا روزا ..

أي والله حبي صدز فاقدتتس يابعد دزلييبي >> شف اللغه ..


حبيبتي أي معاكي بس أنا أقول إن المشكله تكمن في البنات الي ماعندهم أي دافع يعني وربيوحده أعرفها ماعندهم غير ولد واحد وكلهم بنات بالله شقصتها ذي ..

أعتقد هذي مو عاجبها حال أخواتها قالت نسوي أكشن وتغير ههههه ..

هذا قصدي الناس الي مالها عذر هذي وش ندافع عنها فيه ؟؟؟؟؟

[ღ ريـــآنة آلــعووود ღ]

هههههههههههههههههههههههه ..

أصلا مافيه شي يصير بدووون دافع .. :emm:

وأنا مرهـ سمعت طبيب نفسي سعودي يتكلم عن هالموضوع يقول فيه بنت تحس إنها ولد وهالإحساس نابع من كونها هي تبي هالشي . . وتبدا تلبس لبس رجال وتتصرف تصرفاتهم وتتبعهم في كل شي .. وبالتدريج تبدا هرمونات الذكورهـ عندها تطغى على هرمونات الإنوثة بعدين تصير تبي بنت أعوووذ بالله :no:

[شظايا ألم]

أعووووذ بالله ,,

أنا هذا مقصدي المشكله في الي هم يفكروا بهالشي ويعجبهم ..

العيااذ بالله يبعد الكل من هالمرض ..

لأنه أكيد مرض ... أشكر طلتك الي لاعدمتها حبي ..

[ღ ريـــآنة آلــعووود ღ]

هذا البلا بعينه وعلمه ..

المفروض من البدايه الأم والأب يفهمون بنتهم لأنه لاطاح الفاس براس .. مافيه أي حل .. خلاص :boxed:

<---------- مهبلتن به بلاغة ثالث :009:

[شظايا ألم]

أشكرك حبيبتي على ردك مرة أخرى وتواصلك الي لاعدمته ..

وأتمنى تفاعل أكثر من باقي العضوواات ..

[romanceya]

سلامـ عليكمـ ورحمة الله وبركاته ,,
.

قال صلى الله عليه وسلمـ : "لعن الله المتشبهين من الرجال بالنساء , والمتشبهات من النساء بالرجال "
صدق رسول الله ,,
.
اعتقد كفاية انها تكون ملعونة من الله , قبل البشر ,
هتستفيد ايه البنت دى لما تكون كده , عوزة تعيش الجنسين يعنى ولا ايه ..

صراحة امر مخيف لو زاد فى الدول العربية لكن الحمدلله انهم اقلية اللى بالطريقة دى
انا هنا فى اوروبا معظمـ البنات من الحالة دى , حتى انى اتلاشي الكلام معاهم
لانى بحس انهم مش بنات زينا كده , ناقصهم انوثة ونعومة ,,

وقصة الاخت اللى قالتها عيونكـ اوطانى , فـ بتقولنا ان مهما البنت عملت من تغيير نفسها
هى فى الاخر انثى , وفى بنات بتعدل لما تلاقى اللى حواليها مشمئزين منها ومن تصرفتها
الصبيانية , او تكون حست بأفتقاد انوثتها ..!!

صـراحة الموضوع صريح جدا
و
عملى جدا , ولذلكـ يستحق التمييز ,,
.
.
.
شكــرا لكـ عزيزتى شظايا المـ
على الموضوع الواقعى
وان شاء الله ربنا يهدى كل البنات
الى الطريق المستقيمـ,
.
.
.
كل عامـ وانتمـ بخير ,

[ღ ريـــآنة آلــعووود ღ]

عزيزتي : رومانسيه

البنات في أوربا ماعندهم دين يردعهم عن هالشي .. لكن بنات العرب المسلمات دينهم يردعهم عن هالشي ولكن للأسف تلقين أغلب مسلمات بالإسم بس .. :017:

[ارنوبه]

--------------------------------------------------------------------------------



السلام عليكم ورحمة الله وبركاته
مشكورة اختي

[romanceya]

.

عزيزتى روزا ليندا

انا لم ابدى اى اعتراض لوجهة نــظركـ بالعكس انا معها
وحديثى كان طبق حديثكـ ولكنـ باسلوب اخر ,,

و كما ذكرت من قبل يكفى انهن
معلــونات من الله عز وجل ,,!!,,
..
.
..
.
دمتى مميزة بيننا
و
كل عامـ وانتى بخير

[ღ ريـــآنة آلــعووود ღ]

غاليتي .. رومانسيه

أشكرك الشكر الجزيل لتفهمك ... :009:

[الفتاة]

مشكورة يا ( الشظايا ) و الصراحة في وايد بنات هالايام مسترجلات و خاصة في المدارس الخاصة اللي آنا فيها لان ايسووون روحهم يازعم كشخة؟!!!!!!!!!!!!!!!!:017: :0222:

[شظايا ألم]

رومانسيه + روزالييندا ..

أشكر إستمراركم بالحديث في هذا الموضوع ..

وتواجدكم الذي لا عدمته ..

[شظايا ألم]

أرنوبه لا شكر على واجب ..


لكــن أعتقد هالموضوع للنقاش !

أتمنــى مايكون ردك زياده مشاركه فقط دون إبدااء الأراء ! ..

[شظايا ألم]

الفتــاه ..

هلا وغلا ..


أمحــــق كشخه وربي ... وش كشخته تتكشخ بولدنـــه !

من جد هذول تحسين الشارع ويخب عليهم يعني خسارة الإسم فيهم بنات ..

أتمنى أن هالشي يتغير ..


وهو مو فقط بالمدارس الخــاصه حتى الحكومي ..

بس الحكوميه عالخــــافي .. والخــاصه عالمكشــوف !

يعنـي بمـا أني دافعه من جيبي وش علــي من أحد أسوي الي أبيه >> كذا دخلنا موضوع ثاني !

بس المغزى إن في كل ألأمــاكن موجودين ..

[ღ ريـــآنة آلــعووود ღ]

شظوووي قلبوووو ...

قولي الحمدلله على العافيه .. لأن هذا مررض الله يكفينا شررررهـ :005:

[~ أشـواقـ اللـقـا ~]

مشكوووووووره شظوووي ..
موضوع دارج بكثره هالأيام ...

وأنا شخصيا أعرف وحده يعني الحمد لله بدت تخف حركاتها عن قبل ..

ولما سألتها على فكره ترا هي وحيده على صبيان ..
تدرون شنو قالت لي ..
قالت أنا ما أحب حركات الدلع إلي في البنات !! والعياذ بالله ..
وتكمل حديثها تقول أن عمها دايم ياخذها ويخليها تسلم على ربعه و تقعد معاهم !!
لا تستغربون لأن فعلا التربيه لها دور ..
و بعد لاحظت إن أمها بعيده عنها شوي يعني تقعد معاها بس مخليتها ع الكيف وما تنصحها حيييييييل ..
علشان جذي البنت تسوي هالذي الحركات إلي نابعه من حبها لظهووور أو بالأخص أفتقداها لدور الأم .......
وبعد من الأسباب إفتقادها للوازع الديني إلي اهو الأساس والله يا بنات إن هذي البنت أحس فيها دين وتبي أحد ينصحها بس ما تقدر تقول ولا تقدر تخلي الشي إلي عرفوووه عمانها وعايلتها كلها ..
الله يهديها .....
ويهدي بنات المسلمين ..

أنا هذا أعتبره رد بسيط أو كيبوردي سريع للبنت إلي تنطر النصيحه (( بنات لا تخلووونهم إنصحووهم و الدين نصيحه بس بإسلوب تتقبله الشخصية إلي قدامك )) ...
ولي عوده يالغاليه مع الرد أو التعقيب ع الموضوع ....

[romanceya]

.
زي ما قالت روزا دا مرض
ربنا يكفينا شره ,,
.
.
انا شفت فى المدرسة عندى وحدة محجبة
لكنـ لبسها وطريقة الحجاب مش طريقة عادية
فيها شئ من المسترجلات ,
وقتها قلت لا حول ولا قوة الا بالله الحال مبقاش فى الغرب بس
.
.
.
ربنا يهديهم يارب
والموضوع اختى شظايا الم يستاهل المتابعة
بما انه عصرى ,,
,
,
العفو اختى روزا ليندا
ربنا يديمـ المحبة ,,

[صمت الوداع]

يعطيج العافيه اختي على هذي المشاركه الحلوه
يسلموووووووووووووووووووووو

[عنود الصيد]

السلام عليكم و رحمه الله و بركاته
موضوعج واااايد حلو و انا عن نفسي احبهم :011: البويات ما ادري ليش فيه شيء غير فيهم و الله انا بروحي مستغربه من نفسي بس حرام فيه نصهم تربوا مع اخوانها الأولاد تلعب معاهم و من هاأشياء و فيه نصهم بس جذي كشكل هم في نفسهم مب جذي بس الله يهديهم و مره ثانيه اقول لج مشكوره على هالموضوع :cool:
إختج عنود الصيد :026:

[شظايا ألم]

حروووف ..


يعطيكي العافيه غلااتي كلامك رائع ورأيك في محله غلااتي ..


ويسلم لي مرورك الي لا عدمته وأنتظر عوودتك حووبي ..

[شظايا ألم]

رومنسيه ..

أشكر تواصلك غلاتي وكلك ذووق ..

ومن جد المثال أنتشر في الجميع والفاائده في التذكير والنصح ..

أشكرك غلااتي وليتك نصحتيها ..لاتنسي أنه " أمر بالمعروف ونهي عن المنكر "

ممكن تكون البنت مو منتبهه لنفيها .. أقلها في تحسين للنفس ..

[شظايا ألم]

صمت الوداع ...

كان بودي أقول لك يعطيكي العافيه على رأيك الي أفادني ! ..


بس أقدر أقول يعطيكي العافيه على مرورك وعسى أشوف لك تعقيب برأيك المرة الجايه ..


وكل حبي لك غلااتي ..

[شظايا ألم]

عنود الصيد ..

عزيزتي جيتي والله جابك ..! ..

هذا للأسف أقدر أقول لك أنه أول دوافع البنت بالإسترجال أن ممكن تعجب أحد .. ومن حيث ان المرأءه تحب الظهور وتحب التشهير فـ رح تسير بأي طريق نحو هالشي ..


بس عزيزتي أقدر أعرف رأيك فيها بغض النظر عن محبتك للأسلوب أو غيرة بما أن قلتي لا تسأليني ليش !

فما رح أسألك سؤال ماتبيه .. بس أسألك شالي ممكن جذبك وهل برأيك حلو !

وتتمنين تكوني مثلها يوم من الأيام وليت تقولي ليش ! ..

لأن في جوابك لهالأسئله بأخذ إجابت السؤال الي مانتي عارفه تجاوبيه غلاااتي ,,


وأشكر مرورك وأتمنى تردي عالأسئله غلاتي ..

وكل حبي لك ..

[رمش الهدى]

بسم الله الرحمن الرحيم
أحببت أن أضيف بعدما قرأت اليوم في أحد
البروشرات أن المرأة المسترجلة
لها أسباب على فعلتها
و منها ضعف إيمانه و عدم خوفها من الله
كذلك الخروج الزائد عن حاجتها دون فائدة لوحها
السفر من دون محرم
كذلك الحديث مع الرجال كثيرا مثل
صاحب المحل أو الموظف كأنه محرم عليها
و نقص في القناعة
هذي بعض الأسباب
و شكرا للموضوع
و لي عودة

[عصفورة]

شكرا لك شظايا ألم
موضوع يستحق الطرح >>>>اختيار موفق
اعتقد ان الأجدربنا طرح الحل لهذه المشكلة واعتقد كذلك بأن الحل يكمن في معرفة الأسباب وعلاجها
من وجهة نظري من أهم الأسباب :
* عيب من أصل أخلقة (نسأل الله العافية )
* خطأ في الهرمونات
* أن تعيش النت بين جماعة من الذكور فتتأثر بهم
* الفكرة الجاهلية التي مازالت تسيطر على بعض الأسر ( بالتمييز بين الولد والبنت وتفضيل الولد على البنت و إلغاء حقوقها مما يسبب للبنت ردة فعل داخلية )
* شعور داخلي باضعف في بعضهن نتيجة لسو ء المعاملة بينما قد تجد تلك القوة في الذكور
* رغبة الوالدين أو أحدهما في أنجاب ولد بينما يرزقهما الله ببنت فتعامل على أنها ولد
* التقليد الأعمى عند بعضهن
* ضعف الوازع الديني
وقد تفضلت بعض العضوات بطرح ما ذكرت

والله اعلم
فلنتكاتف ونعمل سوياً لحل تلك المشكلة


تحياتي
عصفورة

[sweety]

الله يهديهم ان شاء الله
لعن الله المتشبهات من النساء بالرجال

[BaTrAnAh]

ليش جي يسون بعمارهن مب بنات الله مب خلقهن بنات مادري شو النتيجه؟
ابغي وحده من هايله المستريلات يخبرني؟؟؟؟؟؟؟

[papillon]

ممممممممممممممششششششششششكككككككووووورررررررررههههه هههههههههه

[شظايا ألم]

ملاك البنات ..

اممم فيه من الصحه أو مايدخل العقل من مانشر وفيه مالم يدخل العقل ..

ولكنني أشكرك عزيزتي على إضافتك ,,


بل وأشكرك على تفاعلك ومرورك ..

والسبب الرئيسي حب الظهور وعدم القناعه بالنفس ولا الرضا عنها ..

وأشكرك عزيزتي عالمرور مرة أخرى ..

[شظايا ألم]

عصفوره ..

فعلا كالعصفورة جئتي ..

لا أعلم أانفض من الموضوع اليدا أو أننا نستمر ..

ولكن ماقلتي صحيح فعلا ..

ومعكي فيما قلتي ..

ورأيك صحيح .. ولكن مالحل !


أشكرك عزيزتي على تواجدك وحسن رأيك ..

ورقي ردك وسموو فكرك ..

ولكي مني مودتي ..

[شظايا ألم]

سويتي ...

أشكر مرورك غاليتي وردك ..

وأشكر حسن متابعتك ..

وهداهم الله ..

[شظايا ألم]

بطرانه ..

أشكر مرورك غاليتي وتفااعلك ..

ولكننا حاولنا ذكر الأسباب بعضها تدلنا على العطف عليهم ليس عتابهم ..

وبعضها يدعونا على القسوة والجفاء عليهم ..


ولكن علينا التطبيق ! ..

[شظايا ألم]

بابليون ...


!!!!!!!




ليس بوسعي تكرار طلبي ولكن ..

العفوو


..

[q9t7up]

هاي
انا بقولكم قصه حصلت معي

انا ايام الثانويه قبل ثلاث سنوات كنت ادرس في الطايف وفي السنه الثانيه تفاجئنا بانه فيه طالبه جتنا جديده وتقول الاداره انها ولد ولكن الاطباء قالو انهم اح يجرون لها عمليه بعد سنه وتسير بنت علشان كذا هي كل هرموناتها انثويه ومنعتنا من الاقتراب منها وكانت المشرفه دايم معها في الفسحه بس كانت هذي الطالبه مره مؤدبه وانا بصراحه تفاجاءت انه فيه كذا
بصراحه حسينا بخوف اول مره بس بعد كذذ صارت صديقتنا بس كانت مره مره نعوميه ومحترمه ومن يومها عرفت انه في جنس ثالث
واتحمد ربي اني انثى

انا حبيت اكتب قصتي هنا يوم شفت الموضوع

دمتم بود....

[أميرة الحزن]

سلااااااام للجميع ........

مثل ما قلتوا قبل ...هالظاهرة الشنيعة ظهرت بشكل فظييييع .....
بس خاطري أعرف ...ليش البنات البويات ...انجذبوا لهاشي ...مع انه ما فيه شي حلو
بس من وجهة نظري ....لو اتلاحظون ...انه اغلب البنات ...المستريلات ....فيهم نفس الصفات اللى خلتهم
يسوون جي ....
مثلا ....النبت قبل ما تدخل هالشي ....يمكن لانها اتحس بنقص ...اول تبى تثبت وجودها ....يعني تبى تلفت النظر....بتى الكل يطالعها ....ومب مهم عندها بأي نظره يطالعونها ...المهم بس انه الكل يرمس عنها أو يطالعها
طبعا بتسوي شي ...شاذ ...يعني يميزها عن غيرها من البنات ....ومن طبع البنات أنهم انثويات ورقيقات
وغيره ...وغيره...
هي بتسوي العكس عشان توصل للي بتاه.....المهم ....صدقوني هي فداخلها مب راضيه على عمرها ...وهي اصلا تتمنى انه اتكون ...<شراتنا >....يعني رقيقه وحبوبه وغيره ....بس ما عرفت كيف

بس أنا أحس بعد ....أنه شي بنااات ...ما بقول انهم مستريلات ....بس فيهم نوع من الرجوله ....بس غصبا عنهم ....يعني البيئه اللى عايشه فيها والظروف ..هي اللى خلتها تستوي جي .....مثلا اذا هي كانت البنت الوحيده فأسرة كلها أولاد ....يعني كل اللى حوليها رياييل ...شي اكييد بتاخذ من تصرفاتهم ...
من غير قصد ....

بس ان شالله ...كل <بويه> ترد لعقلها ...وتستوعب هي شو يالسه اتسوي ....يعني لو دقيقه اتفكر بربها ...تسأل عمرها ...هل هالشي يرضي ربي ولا لا ؟؟....طبعا معروفه الاجابه ...اذا نحن البشر ما نرضى بهالشي ....كيف الله عزوجل .....وطبعا الرقابه مهمه جدا ...التوعيه أيضا ...بالذات التوعيه ...والوالدين الذين
انتبهوا لبناتهم ..وأولادهم بعد من البدايه ...صدقوني محد بيضيع ...وكنا بنعيش فدنيا ما فيها شي أسمه ..بويه ولا مستريله .....بس شو بنسوي ...ما ورانا الا انه ندعي لأمتنا ....ولبناتنا ...وللمسلمين أجمعين ...


وتحياتي للجميع ....

[دمع البنفسج]

خترت هذا الاسم:emm:

[الصبورة]

أنه أسمي المسترجله صبيوه

[شمـــوخ مطـــير]

أهلاً شظايا ..

طرح رائــع ..

كنت أتمنى أحد يطرحهـ
.
.

:)

ليــ عودهـ

[شظايا ألم]

قصة حب ..

الي ذكرتيها هذا من ربنـا فـأ هذا مو محورنـا ..


إحنا محورنــا البنات الصحيحات ..

[شظايا ألم]

قصة حب ..

القصه الي ذكرتيها ماتندرج تحت هذا المسمى ..

أحنا نتكلم عن البنات الي خلقهم ربي ومانقص بهم شي ..

[شظايا ألم]

أميرة الحزن..


كلام منطقي جدا ..

وانا معك برأيك ولا أخالفك الرأي ..

واشكر مرورك وردك غلاتي ماقصرتي ويانا ..

وعطييتينـا الي يسكتنا وزياده ..

[شظايا ألم]

دمع البنفسج & دموع الحزن ..

مافهمت المغزى من ردودكم بصراحه ..

ولكن أنتظر تفسير ..

[شظايا ألم]

شمـــوخ مطيـــر ..


طله بهيه ..

كنت أنتظرها فعلاً ..

وفي أشد شوقي لعودتك وسردك ..

بإنتظارك ...

[بنوته وشفايف توته]

مشكوورة خيتو http://www.kwales.com/smiles/images/49/1228232838159.gif
KeeP uP http://www.kwales.com/smiles/images/49/1228232853617.gif

[swcσ]

مشكلت البنآت الحين أنهم يحسبون الأسترجال شيء جمميل

أنـا مدري هم ماقد شافوا حديث الرسول عليه الصلاة والسلام ولا شافوه ويتجاهلوون

لأنه شيء صراحـه غرييب

أنـا صح أقص شعري قصير بس عمري بحياتي مافكرت أسترججل أو أغير صوتي أو حتى المشيه

الي البنات متساهلين فيها ..~

شكرن لك عالموضوع + لاعدمنـا مواضيعك الحلووه ياحلوه ^^

[لحضه صمت..!!؟]

.
.
لاتعبون انفسكم هاذي بيلها كسر راس وطق
والله يعين الي يتزوج مسترجله
اصلا كيف تختار الام لولدها بنت مسترجله
الام تتقرب من البنت اول وتعرف طبعها
ثماان تنسم البنت لان ماله داعي
يا زين النعزمه والرقه كلن يحبك
وش تبي بالهياط وقله الادب
وتقليد العيال :pirate.:
ماله داعي
وبعدي الي هي الوحيده البنت
تجلس معها امها تسولف معها تتقرب منها وتعلمها الرقه
وتشوفين البنت يازينها كلن يحبهاا
.
.

[سيده ملعقه]

موضوع حلو ويستحق النقاش


الصراحه في بنات معقدات نفسيا ويبون يلفتون انتباه الناس لهم علشان جذي يتصبيكون علشان يبون احد يهتم فيهم وفي بنات تقليد اعمى لااكثر ولااقل وفي بنات يكافينا شرهم من اهلهم يعاملونهم معامله الصبيان ويحسسونها انها صبي مو بنت وعلاجهم عندي خخخخ بس مااقدر اكتبه لايطردوني من المنتدا

بنات خالتي عندي افقدوا من الضحك على علاجهااا اللي قلته خخخخخخخخخخخخخخخخخخ
خخخخخخخخخخخخخخخخخخخخ خخخخخخخخخخخخخخخخخخخخخخخخخ

ع العموم يسلموو خيتوو ع الموضوع :)

[shOojy]

اول شيء اقوول لك شكرآ وآييد ع ـلى الموضوع ق1
الصرآح ـة عجبني ض1و
وجهة نظري لهذولا المسترجلآت ما له دآعي يسترجلون
انا كل البنآت مسستغربين وش لون ما صرت مسترجلة تدرين لييش مستغربين
لآني عائشه من بين 5 اولآد ما في ولا بنت الا امي وانا وبسس
وامي دائمآ مششغوله ولا شيء بس ما اجلس اسولف معاها
انا ما اقعد مع اخواني كثيير اكثر شيء اجابل اللابتوب
و عشان كذآ مآ صرت مسسترجة ق1 ق1
ولآ آقول لك صرت مدلع’ـه انا الصراحة ما عندي شيء اسمه دلع واكره ذا الشيء
يعني عادية حلو لا دلع ولا استرجال بسس
انا حقت تريقة وعباطة وضحك ض1
و اذا شفت قدامي بنت مسترجلة الصراحة آخآف منهم ولا احبهم
وهذا وجهت نظري
ق1 ق1 ق1
واعيد واقوول مره ثانية تسلمييين على الموضوع الجنآن
ق1 ض1

[گآبٺڜينۉ بنآٺ]

الموضوع فيه علوم رجال هههههه

موضوعك مره اعجبني

وكثروا بنآت مسترجلات في المدارس خاصصة المتوسط والثانوي <~ آجل تبين آلابتدآئي

وحده عندنا في الفصل تسسوي بوية

قلت ليش كذا تمششين خلييك بنت طبيعية يعني مشيتها حركاتها مره مقززه كانها ولد

بسس هم عندهم انهآ موضضة

يعني بجد ششئ يلوع الكبد

<~ مع آحترآمي لكل بويه

من جد شششئ مافكرت فيه الحين لما تتزوج كيف بتعيش :S

مششكوره ع الموضوع

[ωڪُۈن .•]

هلا اختي ..
بداية حبيت اشكرج على هالطرح او المناقشه ..
ثانيا .. اللهم لك الجمد والشكر .. استغفر الله هالبنات ما يعقلون ..
يقولون ناقصين حنان .. اي حنان واي بطيخ .. لو كان ايمانج بالله قوي كان لجأتي لرب العاملين ..
لا ومستانسه انها مسترجله بعد .. اللهم لك الحمد .. ترى اللي يسونه حرام نحن بالكليه عندنا بنات مسترجلات .. ويوم تشوفونهم استغفر الله تقولون هذي ولد مو بنت .. والله اني استحي يوم امر حذالهم .. بس شو نسوي ما لنا غير ندعي ان ربي يهديهن ..
مشكوره عالموضوع غناتي ما ننحرم ..

[همس المحبه]

مشكوره ع الموضوع ..بس لزم لبنت تكون فيها شيء من الانوثه مو ضعيفه الشخصيه ول مسترجله..(ق)