أ-ب-ت يلا نصور,, {بعض المعلومات للمبتدئات بالتصوير}

[[سيّن]]

السلام عليكم ورحمة الله وبركاته,,
شلونكم شخباركم,,


بصراحه هذا الموضوع كان رد على سؤال
وحده من العضوات في منتدى اخر سألتني
عن كيفية التصوير,,؟
وحبيت اعرض لكم هالموضوع عشان الكل يستفيد
مع العلم ان الموضوع غير منقول ومن تجربتي الخاصه وانا اللي كاتبته
طبعا هذي شهادة لي ان احد يسألني عن هالشي او يعجبه تصويري,,
مع اني لازلت اشوف نفسي مبتدئة بهالمجال,,
بس تقدرون تقولون مع الممارسه اكتسبت وتعلمت اشياء وايد,,
في البدايه طبعا انا كان عندي مادة تصوير بالجامعه،،
ومن هني بديت اصور تقريبا,,
كنت استخدمت كاميرا سوني ديجيتال,,
بس بعدين قلت ابي اطور نفسي،،
شريتلي كانون 1000D
وبديت اصور,,
اممم يمكن تلاحظون صوري بالفلكر في البدايه شلون كانت وشنو صارت الحين,,
طبعا عقب ماحسيت اني طورت من نفسي شوي,,
شريتلي كام ثانيه اللي اهيا كامي اللي استخدمها الحين,,
كانون 550D



اقدر اعطيكم معلومات يمكن تفيدكم,,


1- اول شي واهم شي الذوق في التصوير: وكل صورة تشوفينها تعبر عن ذوق المصور نفسه, ونظرته للشي اللي شافه, الصورة اول شي تلتقطينها بالعين بعدين تلتقطينها بالعدسه، انتي تشوفين الصورة بعينج المجرده، تشوفينها من زاويه معينه، وتشوفينها بشكل معين, وبعدين تطبقين اللي شفتيه بالكام, وتظلين تصورين وتحاولين تلتقطين اقرب صورة للي انتي شفتيه بعينج.



2-طريقة التقاطج للصورة نفسها: لازم تراعين اضاءة المكان ومثل ماقلت زاوية التقاطج مهمه جدا، وبعدج وقربج من الموضوع اللي بتصورينه، طبعا كونج مبتدئة ماراح اكلمج بمصطلحات تصويريه تعقدج هههههههه.



3-تجنبي استخدام الفلاش كثر ماتقدرين، وحاولي تصورين بالاضاءة الطبيعيه، او تكون اضاءة الغرفه كافيه، ولا تستخدمين الفلاش الا عند الحاجه.
4-تجنبي التوسيط بالصور، اذا عندج شي بتصورينه لا تخلينه يصير بنص الصورة خليه على جنب او ايا كان بس تجنبي التوسيط لأن ماراح يعطي نتايج حلوه.


مادري اذا غفلت عن شي بس هذي نصايح مبدئية وانتي مع الممارسة بتعرفين حق نفسج, ولكل مصور نظرته وطريقته الخاصه بالتصوير.


العضوة اللي دزتلي الرساله سألتني سؤال (( الحين الصورة لما تلتقطينها تكون في بالج فكره قبل او انج تصورينها بعشوائيه والله مادري شلون اوصلج فكرتي بس تايهه حدي ..))؟؟


طبعا اهيا الافكار تيي ببالج،، وساعات تشوفين شي يشوووق وتقولين هذا يبيله انج تصورينه، وساعات اييي موضوع هادف ببالج وتألفينله فكره وتمثلينه بالصور, وساعات الشي جدامج يكون تصورينه وبس مايحتاج فكره ولا يحتاج شي مجرد نظرتج له واختيار الزاويه المناسبه وبتطلع صورة ولا احلى منها،، خصوصا هالشي يطلع بتصويرج للمناظر الطبيعيه، وبطريقتج في ابراز جمالها من خلال طريقة تصويرج لها.


نيي حق طريقة التصوير او كيفية استخدامج للكاميرا:


تقدرين تصويرين على الاوضاع الموجوده بالكام ,
طبعا كل وضع يعني شي,
بقدم تعريف بسيط عن كل وضع,
بصراحه هالمعلومات اللي بذكرها الحين ناقلتها من ايميل
بس بحطها عشان الكل يستفيد

------------------------------------------ من هنا يبدأ النقل
(1)

http://www.banaat.cc/uploads/images/banaat-c8779dcaac.png

وضع البورتريه
تستخدم عادةً لتصوير الأشخاص والوجوه
حيث تقوم الكاميرا تلقائياً بالتركيز على الوجه وعزل الخلفية
أقترح به عند تصوير الأطفال .. ستحبهم أكثر !!


(2)

http://www.banaat.cc/uploads/images/banaat-6806fff403.png

السبورت او الرياضه
لتصوير الحركات السريعة كحركة السيارات والألعاب الرياضية
حيث تقوم الكاميرا بتجميد اللقطة وكأنها واقفة ..
الآن صور زميلك وهو يقفز .. وستشاهد العجب !!


(3)

http://www.banaat.cc/uploads/images/banaat-89ea06817b.png

اللاندسكيب او الطبيعه
لتصوير المناظر الطبيعة ويتم التركيز على
جميع أبعاد الصورة لزيادة دقة اللقطة
وأنصح به عند الكشتات في البر أو تصوير حدائق المنزل ..



(4)

http://www.banaat.cc/uploads/images/banaat-c16f2446c5.png

ماكرو
لتصوير الأشياء القريبة جداً والصغيرة
ويتم عزل الخلفية تماماً
جربيه الآن في تصوير الورود والفراشات .. رآآئع ...


(5)

http://www.banaat.cc/uploads/images/banaat-841b91b7a3.png

فيديو
أفضل وضع لتصوير المقاطع والذكريات ..
لا تفوت فرصة وتصور ذكرياتك بغير هذا الوضع !!


(6)

http://www.banaat.cc/uploads/images/banaat-7f3636f14b.png

Program او البرنامج
مرحلة متقدمة من الوضع الأوتوماتيكي
حيث يتم التدقيق والضبط بشكل أكبر
ويظهر غالباً الصور بشكل جميل ..
ما رأيك الآن في الإستغناء عن الوضع الأوتوماتيكي ؟!!


(7)

http://www.banaat.cc/uploads/images/banaat-934ab4076e.png

او يدويManual
يستخدم عادةً في مراحل متقدمة من احتراف التصوير
حيث تستطيع التحكم في كامل ما سبق شرحه
وبإمكانك استخدام ما تريد وتعطيل ما تريد ..
لا مانع من تجربته !!


(8)

http://www.banaat.cc/uploads/images/banaat-d22e0e9462.png

TV او العزل
من هنا تستطيع التحكم في قوة عزل الخلفية
والتركيز على الهدف بشكل يدوي وأفضل
استمتع الآن بتصوير أحد الأصدقاء وأعزل الخلفية
وأنظر إلى النتيجة .. ستدهشك !!



(9)

http://www.banaat.cc/uploads/images/banaat-4cf59c942b.png

AV او سرعة اللقط
نرى دائما لقطات توحي لنا بأنها بطيئة
أو متحركة إن صح التعبير!!
مع هذا الوضع تستطيع التحكم في بطء الصورة ..
أنصح به بقوة في تصوير السيارات والمدن ليلاً !!
حينها ستتيقن بأنك محترف ..



ويوجد هناك الكثير من فنيات التصوير والإبداع
وحركات الخدع الشيقة والممتعة ..

------------------------------------------ الى هنا ينتهي النقل


ولأن الكام محطوطه على الاوتو فاهيا بتضبط فتحة العدسة والشتر والايزو من تلقاء نفسها,
وحتى الفوكس راح يتحدد بروحه,
بس تقدرين تخلين تعديل الفوكس مانيوال,
يعني انتي تعدلينه بكيفج,
عن طريقة تغيير زر AF الى MF تلقينه على العدسه نفسها,


طبعا في وضع الـ M والـ P وباجي الاوضاع,,


اغلبها انتي تضبطين بنفسج فيها فتحة العدسه وسرعه الشتر والايزو على حسب الاضاءة بالغرفه وعلى حسب بعدك وقربج من الموضوع اللي بتصورينه, يعني ما تكون مضبطه اوتوماتكلي,


ماراح اتكلم عن هالاوضاع لأن تحتاج شرح لحالها وكونج مبتدئة مابي اعقدج هههههههههههههه اهم شي عرفتوا هالاساسيات اللي قلتها وبعدها ان شاءالله اسوي موضوع ثاني يخص التصوير المانيوال.



تقريبا هذا كل شي باختصار, اتمنى ماغفلت عن شي,


وملاحظة,


انا اتكلم من ناحيه خبرتي في هالمجال وممارستي له, انا ما دخلت دورات ولا شي, استفدت من النت ومن الملاحظات اللي اتلقاها على صوري, ومن خلال اطلاعي على المنتديات والفلكرات واشوف الصور الي فيها عرفت شنو اخطائي بالتصوير واستفدت منها اكيد, ولازلت اشوف واتعلم,


ومثل ما قلت في بداية الموضوع انا لازلت اصنف نفسي من المبتدئات,


يمكن غفلت عن معلومه او ماذكرت اشياء ثانيه بالتفصيل,


بس أي احد عنده سؤال واقدر اجاوب عليه ما راح ابخل عليكم بشي..


موفقين ان شاءالله ,,


الله يحيي الكل http://www.q8yat.com/images/smilies/wink.gif

[امة الرحمن]

ما شاء الله موضعك رائع اختي
اول ما شفت الموضوع للمبتدئين دخلته
لأني احب التصوير بس ما عندي صبر
شكرا لك اختي
جزاك الله خير

[Alaиoud]

ماشاء الله موضوع رائع و هادف
نصائح جميلة ، و الله يعطيك العافية و لآ يحرمك الاجر :sg.15:

[Cαиdч]

موضُوعڪ جِداً جَميييل :034q:
استفدت منّه ڪثييييييييير :4rty:ق1
ما شاء الله تبارگ الله شَرحڪ وافي ..
’ تسْتَاهلين التَّقييمْ .. :sg.15: :0403:

[S O O S i~'']

مششششكوررره ككككثييير على المعلومات القيّمممه
استفدت منهآآآ وبعضهآآ حفظتهآآ من كثثر ما اقراها :××:
مششكوررره مررره ثانيه ونننتضرر دروسسك الجااايه

[. أُرْجُوَآنْ .]

.
.

[سيـــن] :sg.15:
يعطييكِ ربي العآفية ق1ق1ق1
موضوع تعريفِي مميز ق1
؛
عن نفسِي استفدتْ كثير , :hm:
خصوصاً في التعريف بـ الأوضآعْ ..(ق)
؛

لأ أملِك كآميرا احترأفية ، وإنمآ " ديجيتآل "
ولكنْ أتمنِى فِ المستقبل القرِيب :034q:
دمتِ بـ وُد (:sg.15:) ~

[[سيّن]]

شكرا لكم جميعا
الحمدلله انكم استفدتوا
وبالتوفيق للجميع :sg.15:

[zaHRa]|]

نصااائح رائعه

انا حاليا مسجله في دوره
وراح افيدج بشي اهي قالت المفروض مانستخدم اللي مالت الرياضه والورده والبوتريه لانهم شبه احترافيه
لكن دام عندنا كام احترافيه نستخد الباقين بروقرم ومنويل لانهم احترافييين

وللحين اذا طبقنا مانستخدم الا المنويل ونوازن بين الايزو وسرعة الغالق وفتحة العدسه


تم التقيييم

:9daf6d8b8708a209c3d

[[سيّن]]

هلا والله نورتي الموضوع
انا اتكلم عن الفئة المبتدئة
اللي توها تبتدي تستخدم الكام
عشان جذي مايبت طاري المانيوال
وحتى قلت بشرح عنهم مره ثانيه
وتصوير المانيوال جدا رائع
خصوصا اذا ضبطتي كل القراءات وطلعت الصورة بيرفكت
تحسين انج انتي اللي صنعتي الصورة
حياج الله
وتسلمين على الرد :sg.15: