متضايقه بقووه :"(

[~ أشـواقـ اللـقـا ~]

*بناءاً للفضفضه ستكون هذه المقاله باللهجه العاميه ,,


لوسمحتوا لحد يطنز عليّ بفضفض :)


اليوم رحت الجامعه ,, وحدددي تضايقت , زعلت حسيت
بنقص فيني ,,
و رديت البيت سويت عفسه على اهلي , مابييييييي أكون أقل من
رفيجاتي ,,
أو حتى بنات الجامعه مابيهم يطالعوني بنظره :( او امشي واخش
نفسي ..

اغلب بناات الجامعه عندهم بلاك بيري , و اي فون ,
ويلبسون بدل حددها حلووه وتطلع جسمهم صح و جناطهم حيل حلوه ,
وانااا كلششش مهما لبست احسس مو كاشخه
ومن قبلها بيوم أطلع كل الاغراض حتى المكياج ..
احتر حيييل لما اشوف البنات ببلاك بيري واي فون يطقطقون
بالمحاضره وانا اخش تلفوني :"(
واحط نفسي اني منتبه مع الدكتور ..

احس كرهت الجامعه , مليت ,,


لووول أذيت رفيجاتي .. كل يوم الصبح اقولهم شرايكم فيني ..
واللي تعدل كحلي واللي تعدل لفتي , واللي تخفف حمرتي!


^


^


^


بالله علييييييكم ,, هذي مو فئه كبيره بالجامعه !!
يحضرون وكل همها مكياجي لبسي !

و تتضايق ,, وتتعب نفسيًا ,, حتى التخصص تتخصص
أي تخصص والسلام المهم تخصص سهل و يسمحلي أفتر واطلع
واتمشي مو أتدقر بالدراسه!!

حييل اتضايق و بقوه , من اهتمامات بعض الشباب السطحية
جدا جدا جدا ,

تفكيرهم محدوود إلى أبعد درجه , آخر مره قروا كتاب قبل
جم شهر وبالصدفه وقروا شوي منه! ,

ساعات أفكر ,, شنو بيصير بعد جم سنه ! لأن دايما يقال ,
إذا اردت ان تنظر لمستقبل امه انظر لشبابها !

امبيه في جم كلية عندنا ,, اتعب نفسيا اذا دخلتها اهتمام بس لبس@@
وفي كليات من ادخلها احس بطير من الفرحه
من كثرما اشوف طاقات رهيبه , وتفكير كبير ..

مو مسألة ان بس تمسك كتاب وتقرا وتفكيرك يكبر ,, لا المسألة أكبر ,,
مسألة مستقبل لك انت .. ولأمة من بعدك!

كثر ما الواحد يتعب على نفسه بالشباب كثر ما يحصل راحه بعدين
كثر ما يكون عَلَمَ من أعلام الأمة,,

وين نلقى الحين اللي يتخصص لأنه يبي يبدع يبي يكون بصمه
في تاريخ تخصصه ..

لأنه يبي يرجع عهد الخوارزمي و ابن سينا و و و

جد جد .. الأمة محتاجه لشباب ناضج قارئ واعي ,,

والله مادري أضحك ولا ابجي , لما ينتشر ايميل

على اساس قاطعوا المنتجات الفلانيه .. حتى يعرفوا قدر
الإسلام وعزته ..


امبييه لأ , مو لهدرجه ! يعني بس هذا اللي قدرتوا عليه ! مجرد
قاطعوا .. !
والتفكييييييير فاضي من داخل! ,, اصلا حتى لو قاطعتوا مادام
منتو قراء وتفكيركم لبعييد بسرعه تنخدعون!

اللي يبي العزه صج للإسلام , يتعب على نفسه , لأنه ممكن فرد
واحد وااااااعي قااارئ يغيييير أمة كاملة ,,


أقل شيء ان تعرف حقوقك و حقوق اللي عليك , تعرف الأولويه وين
, تعرف تقضي وقتك وين!


:



نــقـــــرأ لأن حياة وااااحدة لاتكفي ....





..,, اذا حسيتوا ان هالمقاله ممكن تأثر على غيركم لاتترددون بنشرها :)

[لآڤِنْدَرْ ..]

؛

شواقه طريقة كتابتِك جداً مشوقه
قريت بالبداية حسبتك تتكلمين عن نفسك
بس ما استوعبت انك انتِ =$
وبعدين فهمت :هق:

صادقه بكل كلمة كثير اسمع قصص الجامعات او حتى المدارس
تجيِ عشانْ الناس يشوفونها مشتريه شنطه او لابسه لبس ، ماركه
الي مضحكنِي ان العالم صاروا يخلون " التاق " طالع من اللبس
عشان يبين انه ماركه اصليه ومو تقليد ><
مادري ايش هالتفكير السطحي =O


استوقفتني العبارره .. : إذا اردت ان تنظر لمستقبل امه انظر لشبابها !
=( الله يهدي شبابنا " ٌق1. . .

؛

شواقه
مادري مسموح ليِ انط مكان الجامعيات هنآ =$
بس جذبني موضوعِك ()
ودآيم مواضيعِك فيها بصمة جميله =)
مَاشاء الله ، الله ينفع بكِ ق1ق1

[احساس هادئ]

ايه والله انكـ صادقهـ بكل كلمهـ قلتيها,,اللحين للأسف الجامعهـ مو مكاااان للتعلم الا من رحم ربي يعني اللحين لاجا في بالك جامعهتتذكري الشنط والمكيااج واللبس الجديد اخر مااركهوالبنت اللي تلبس قديم او جديد بس مو مااركهيقولون وش ذي وين جايه!!!ليه هي جايه تتعلم ولا تتزكرت؟!!!وبعضهم على قد حالهم بجد بجد ترحمينهم,,الله يكون بعونهم بسوعجبتني كلمتكـ(والله مادري أضحك ولا ابجي , لما ينتشر ايميلعلى اساس قاطعوا المنتجات الفلانيه .. حتى يعرفوا قدرالإسلام وعزته .. )للأسف ياكثر الاقـــوال بس الافعــــــــــال مانشوفها!!الله يجزاكـ خير على مثل هالكلام واتمنى الكل يستفيد,,كل الشكر لكـ ولأسلوبكـ الرائع والمشووقدمتي مبدعهـ,,,

[بشائرالخير]

اوافقك في كلمك اشواق
بصراحة الاغلبية من بنات الجامعه كذا
ويدورون الماركات الغالية ويكلفون على انفسهم وعلى اهاليهم عشان الجامعه
مو مهم تكونين كشخة وغنيه وملكة جمال المهم شكلك مرتب وحلو
واصلا الجامعه مو مكان لعرض الازياء مكان للعلم والفائدة.

[sweetbutterfly]

آشووووآق ح’ـيـآتي ق1


إآإآإي و الله إنتي صـآجـهـ في آللي قلتيـهـ كلهـ يـآ آلغ’ـلآ

آلحين و هـآلزمن آلجـآمع’ـهـ صـآيرهـ مكـآن مثل آلمجمع ح’ـق آلتزكرت و آلتكشـخ

و لبس آللي آح’ـلى شي مع آلنظـآرآت آلكبـآر و آلشنط آلكبـآر آللي يزع’ـمـ Brands

في آيـآديهم آلـBB و Iphone


ووووع ع’ـليهم آلبنـآت جذي يسووون و آلصبيـآن بعد مسسسخرهـ و آكثر و الله ^^

آنـهـ كلش مو مـآل جذي بـع’ـد .. حتى إذآ كـآن وآحد من آلتلفونين بس مـآطلع’ـهـ حـق إفشـآر

آو شي بس إذآ بـآتصل في آحد آو بـآلع’ـكس

شنووو هـآلمسسسخرهـ آبي آعرررف من هـآلآوآدم ذيـلهـ ؟

آلحمممممدلله و آلششششششكر آقووووول بـع’ـد ><


http://banaat.com/vb/images/smilies/sm.64.gif

[مُـتألقة]

كـلامك عيين العقـل شواقة
صــايرين النـاس " مظـاهر " و الجوهــر الله أعلم به
في الجامعات في المدارس في المجمعـات
نــاس خاوية و ماشية .. و للأسف الحصيلة الثقافية صفـر

ربي يعطييكِ ألف عافية أشواق
و يزيدك علم و نــوور

http://www.banaat.com/vb/images/icons/flow.gif

,

[ندى الصباح]

منقهرة ؟"!
اعانـــــــــــي ملي تعانـــــــي بهـ

الله يصلح الامه الاسلامية
الكلام بصدري كثير
**رائعة جداً شووقة الله يعطيك العافية:thumb-up.:

[goody]

،’


عسسل , على قلبي إنتي عسسل ,
يعلم ربي إيش كثر أحبك وأحترمك , ♥

كلآمك صحيح , خصوصاً عن البنات اللي يختارون التخصصات السهلة بس لمجرد أبي آخذ شهادة وبدون تعب .. :paranoid.:

/


والقرآآآآءة آه يالقرآآءة ,
أنا من كنت صغيرة وأنا أحبها ,
وأقرأ في أي مجال مايهمني .. فقط كنت أقرأ الكتب لأني أحبها ,
لكن الفترة الأخيرة , أحس إزداد تعلقي بها , وصار عندي هوس بالكتب ,
أقرأها مو لأني أحبها .. لأني أبي أستفيد منها , من جد أحس الثقافة .. العلم .. النهضة ، ماتتحقق إلا فيها ,, وأدعي ربي دايم يرزقني بركة في وقتي لأقرأ ,, و يحبب إلي القرآءة أكثر و أكثر ,

أكبر دليل على أهمية القرآءة .. ماحدث مع المغول والتتار ..
هذي الأمة رغم إن الدولة العباسية سقطت على يدها تقريباً .. مع كل القوة اللي عندهم .. عمرهم ماكانت عندهم حضارة , ماعُرِفت هذه الأمة إلا فقط بوحشيتها

لأنهم أمّة جآآآآآآهلة .. إيش أول ماسووا لما دخلوا بغداد ؟ .. أخذوا الكتب وحرقوها ! ,, علوووووم المسلمين وتعب العلماء اترمت في دجلة والفرات ؟ واتحرقت ؟
أي جهل أي غباء خلاهم يضيعوا هذا الكم الهاااااائل من العلوم ,
أي جريمة بشعة ارتكبوها في حق الإنسانية ؟
لو إنها فكرت صح .. أخذت هذي العلوم واستفادت منها .. بس الغباء مصيبة إبتلاهم الله فيها ،

يقول أينشتاين : ( أمرآن لاحد لهما .. الكون ، والغباء البشري ) !


/


وما أعرف من قال :
( ليس عليك أن تحرق الكتب لتدمر حضارة , فقط إجعل الناس تكف عن قرآءتها ويتم ذلك , )





/


شوّآآآآقة أحس هذرتي كثيرة ,
وموضوعك رآآآئع ومهما أتكلم فيه مايبرد اللي بقلبي ..
اعتذر للجميع على الإطالة ..






،’

[رﭐيــقــۂ ™]

حلو الواحد يكون عنده قناعه انا رايحه ادرس

خلالالاص ليش اشيل هم اللبس والمكياج

والشنط..........))

اركز بدراستي احصل درجات عاليه اتوضف بالمكان اللي ابيه خلالاص اما لبس واستعراض

مونافعيني اذا حملت مووواد

الله يهدي الجميع

ويوفقكم بدراستهم

تقبلي مروري

اختك
"رايــــــقـــــــــه"

[. أُرْجُوَآنْ .]

بصصصصرآحَة شوآقَه ’, كلامك منطقي و عين العَقلْ :L9f48322:

.
.

أحزن ل حال البنآت في الجآمعَة اليوم =( - انا للحين ما أروح , ع الفصَل الثاني إن شاا لله -
بس يهيلني اللي أسمعَه من صديقاتي! :/:
فوول ميك أب - كعوب حدث ولا حرج - كل يوم شنطة شكل ولون -
اكسسوآرات - عبايات ضيقة - والشعر برآإ ..!

.
.

وين جامعيآت زمآن ! :L:
كنت أحسهُم " عآقلآت " ب كل مآ في الكلمَة من معنَى, كنت أحسهُم يفرضون احترامهم ب كل مكــآن ..
هذآ كله " كــآن " ،
أمآ اللحين للأسف أحس هـَ الشي تغير .. =[ ! - إلا من رحمَ ربي - (ق)(ق)

مدري هـَ الخلق جآية تتعلم ولا جآية تلعبْ وتتكشَّخ
ترا الجآمعَة مكان علم له احترامه :ها:!

.
.


شآكرة لك الطرَح الجميل شووآقَه (ق)..
لا عدمناك :flower01:

[الشمائل]

خسارة لكل شاب وفتاة تدخل الجامعة 4/5/6 سنين هكذا
من دون أي اثبات للنفس والذات
دون اظهار المواهب المدفونة وحب العمل التطوعي واستخراج الطاقات الكامنة

خسارة اهتمامهم بالتعليم والجدية القوية دون الترفيه
وخسارة الاهتمام بالمظهر العام والرفقة المضحكة دون التفكير بالمستقبل المُنتَظَر

/
مشكلتنا ان ما عندنا وسطية في الأمور
إما " أوفر " واللا بلاش

/
الله يبعدنا عن التفكير السطحي والتافه :dumb.:

:

أشواق
طرحتِ المشكلة فأبدعتِ في الطرح
لوهلة حسبت ان تفكيرج جذي
فقلت : شفيها انقلبت ؟ مسرع تأثرت :paranoid.:

[مطر]

مبدعه يالغلا ،،http://fantasyflash.ru/anime/star/image/star19.gif
اسلوب راااااااائع وفكره ارووووع ،،http://fantasyflash.ru/anime/star/image/star18.gif
بالفعل هالشي اعااااااااني منه وقت اشوفه بكليتنا ،،
التفكير السطحي والاهتمامات المحصوره بالميك اب http://fantasyflash.ru/anime/star/image/star17.gif
والملابس ،، لان فئتنا العمريه بهالفتره لابد ان يكون لها
طريقة بالتفكير واهتمامات اكبر من كذا !!http://fantasyflash.ru/anime/star/image/star19.gif

يااااااربي يهدينا لطريق الحق ،،http://fantasyflash.ru/anime/star/image/star18.gif


تقبلي مروري وتقييمي ،،


مطرhttp://fantasyflash.ru/anime/star/image/star18.gif

[مزيونة]

صادقه بكل الي قلتيه

معظم الناس من هذا النوع

انتي داخله الجامعه تدرسين مو تتكشخين والا اهم شي تتخرجين!!:snooty.:

اصلا لو تشوفين الجامعة

كأن البنات رايحين ع عرس مو جامعه

المفروض تتفوقين بدراستك مو تتكشخين ومستواك خايس:thinking.:

اذا صرتي متفوقة راح يبقى لقب متفوقة يرافقك طوال حياتك

اما الكشخه بتروح

الله يعين بس:facepalm.:

بس الصراحة موضوعك روعة ويستاهل تقييم:cool.:

[جرحوني بس ما هموني]

كلامك صح 100%
احنا بـ k s a
اغلب البنات تفكرهم مررررررررررررررررررررررره
سطحي
في متوسطتنا البنات كلهم همهم الاعجاب و الكشخه
والله سخاااااااااااااااااااااااااااااااااافة
انا صح اكشخ بس مو تكون كشختي اهم من دراستي
بعد الاجازة و في اول يوم دراسة
كنا متجمعين نتكلم سالت بنات فصلي
وش قريتوا بالاجازه ؟
الاول قالت رواية فلان وعلانة
الثانية قالت رواية علان وفلانة
وقبل ما تكمل الثالثة قلت
اقصد كتب
قالوا لا لا لا احنا صغار ع الكتب الي مالها داعي
والله شئ يقهر ويموت قهر
هو صح انا اقرا روايات بس ما اقدم روايتي ع كتابي
ليش احنا كذا سطحيين
ليييييش
يارب اهدي كل من قرا ردي واجعله ذخرا للامه
امييييييييييين
وفي الختام اشكرك ع الموضوع الرائع
بجد كنت متضايقة جدا
بس لما عرفت ان في عقول واعيه
حمدت ربي
ان في ناس زيي
والله اسفه ع الاطاله بس كنت بفضفض باشياء بصدري
واكرر شكري لك
وسيتم التقييم

[pnadoola]

والله كلامج عيين العقل
صج راايحين فيها
انا اوول سنه جامعه بس من قلب تفاجاة من الاشكاااال !!!
امبييه حسيت والله اني في موول مب جامعه !
من قلب صار تفكير اغلبيت الناس في الامور التافها الي بدل ما طور من امتنا
بالعكسس ترجعنا الي الخلف
وكل ذي صار يوم الناس هجرت قرائة الكتب المفييدة
وعمره ما راح نطوور ونصير الي الاحسسن دام الناس ما تقرا !!
صار والله الناس تسوي اشياا حتى ما تفكر قبل لتسوويها

اختي من قلب موووضوعج مهم
وصج كلامج مبين نابع من وحده حريصه على امتها ودينها
جزاج الله خييير
ما شاء الله داام فيه مثلج جذي يعني الحمدلله ليحين احنا بخيير
ربي يعطييج العافية

[حنـون]

آلسلـآم عليكم ورحمــة الله وبـــركـآإتهـ
.
.
http://www.banaat.com/vb/images/icons/sah.5.gif
والله كلـآمــج صحيــح :msn-cc7aeae6af:
وطرحــج واسلوبــج عجيييب :ملاك:

آلحيـــن تفكيــرهم كلــه ع آلمـآركـآت وآلبـــدل والمكيـآإج :0222:
بآلفــعل " الأمة محتاجه لشباب ناضج قارئ واعي ...... http://www.banaat.com/vb/images/icons/thumbsdown.gif
آلله يهدي آلجميييع يـآإرب =)


آخيــرآ ....}
اشكـــرج ع طــرح آلموضــوع :flower01:
وتستـآإهليــن آلتقــييم والله http://www.banaat.com/vb/images/icons/thumbsup.gif
مــوفقهـ http://www.banaat.com/vb/images/icons/flow.gif


،

[غرور الكون]

جذبني اسلوبك
وموضوع يحز بالخاطر
مدري ليش صرنا كذا ما نهتم الا بالكشخه
احيانا اروح وانا مصفيه النيه ومهتمه للدراسه بس اشوف البنات كاشخين ومكياج
اسوي مثلهم
الله يرحم حالنا آه بس
لك ودي

[وردة العشاق]

اشوااق كلام رائع كتيير

الصراحة ما بعرف شو احكي او علق

نفذ التعليق مني

رح ارسله لكل اللي عندي ع الايميل اذا ما يزعجك

[للابداع حدود]

بجد يسلم (تمك ) فعلا الله يهدينا أجمعين جامعاتنا تفتقر للنضوج الفكري
بس تلاقين البنات همهم الماكياج واللبس الكشخة وتلاقيها من جوه فرااااااااااااااااااااغ
ما في مانع تكونين أنيقة بس في حدود مو تقليد للأعمى قصااات ومكياج يخوف يسد النفس
بس ما أقول الا الله يهدينا أجمعين

[مــ ضحكتي اركه]

اي والله انك صااااااااااادقه

[ازقرتيه]

للاسف هذا حال شباب هالجيل
كل من همه يلبس و يكشخ و يحط مكياج و يطلع ...
سواء بالجامعه ولا براا الجامعه
يعني اذا هذا تفكير الجامعيات بصراحه المستقبل ما ادري شنو راح يصيير فيه


الله كريم

شكرن اشواق لطرح ..