للفصلة طعم آخر مع حروف / يومي الدراسي 17-3-2010 [الأرشيف]

حروف

17-03-2010, 03:26 PM

السلام عليكم و رحمة الله و بركاته

طبعا انا كان المفروض من زمان انزل يومي المدرسة
بس عشان صارت وايد أشياء ما امداني
قلت الحين دامني فاضية
بستغل الفرصة و بنزل يومي المدرسي ,
لليوم ..

17-3-2010
الأربعاء
عاشر ( أولى ثانوي )
الكويت

اليوم قمت الصبح نشيطة فديتني .. فزيت من فراشي رحت الحمام غسلت و توضيت
طلعت و صليت و لبست
قعدت اطالع جوتيي المدرسة ( حذاء )
هو يديد لوول توة امس لابسته اول مرة
فقلت افتح الخيط و اعدله و افكر ويا نفسي :كهكه:

جان افتح خيط الجوتي
و ساعة اسنع فيه
لوول بالاخير رديته نفس ما كان :هق:

و ضبطت حجابي و سبحت روحي بالعطر لوول
و حطيت العلج معاي و كلينيكس و كرنيهي مال السكول
و نزلت تحت
كالعادة اختي و اخوي قاعدين ياكلون انا اروح احطلي بُطل ( قارورة ) ماي
عشان اخذها معاي السكول

و بعدين قعدت انا ما اكل بالعادة
بس هالمره قعدت كليت شوي و بعدين ركبنا السيارة ماما توصلنا لوول sm.9.
و انا اخر وحدة يوصلوني
لان مدرستي ابعد وحدة فيهم
اخوي بالابتدائي و اختي بالمتوسط
انا بالثانوي .. و هي ابعد مدرسة فيهم فيوصلوني اخر وحدة

و نزلت من السيارة كانت مادري شتقولي امي
لوول تسولف معاي مالكم شغل sm.20.
و دخلت الصف حطيت جنطتي لقيت رفيجتي عواش قاعدة كالعادة دوم قاعدة ما عندها شي لانها تيي اول وحدة هي مشتركة بالباص فكله تيي بالباص
فرحت وقفت عندها نسولف و جذي و مشينا بعدين عشان بدا الطابور

وقفنا بالطابور و هي دااااااااايخة
مادري شنقول لوول مو منتبهين عالإذاعة و تحية العلم >>> دوم احنا جذي
و بعدين يت رفيجتي عواش الثانية لوول دغدغتني من خصري انا اغار حيل اذا احد مسكني من خصري
فصارخت قتلها آآي وخري ضحكت لووول
تضحك علي تطفرني دوم ,
و وقفنا و جذي و بدت الحصة الأولى
كان علينا اسلامية بس راحت بالامتحان لان اول حصة امتحان لكل الفصول موحد
كان امتحان انجليزي

شوي عقدتني اسئلة set book
بس يت التيتشر و فهمتنا اياها
و كتبت و حليت و ان شاء الله كله صح يارب و درجة كاملة :/:
و خلصت الحصة و لا بعدها علينا احياء @@
مادري شنو تفهمنا لان عندنا امتحان احياء يوم الاثنين مادري الاحد لوول شي جذي :رقص:
فتقولنا عن الامتحان

و احنا اساسا اليوم ما علينا احياء مو بالجدول
فانا مو يايبة كتبي
هي ماخذتنا حصة اضافية هاليوم
عشان الامتحان و جذي
فقعدت ملل انا ما عندي شي اسويه بس اسمعهم و احوس بمكاني
جان اقوم امسح اللوحة لوول
و امشي
تخيلوا امشي بالصف و الابلة تشرح
تخيلوا الابلة طالعتني :ها: حروف شفيج
انا وقفت ميته ضحك و البنات يضحكوون لا تعليق على شكلي قمت و مسحت اللوحة بدون لا تقول و العب و احوس لوول
هي ميته ضحك علي الابلة لوول .. قتلها لا ابلة بس ملل بصراحة ضحكت قالت لالا اخذي راحتج
و كل شوي اقوم شكلي لا تعليق البنات ميتين ضحك عليي لوول عبيطة حدددي اقوم بنص الحصة و الابلة تشرح
و احوس و اتمشى
و اييب كرسي
و ارتب
خخخخخخخخخخخ رفيجتي عواش باطتها ضحك علي :كهكه:

و خلصت الحصة بدت حصة فيزيا
وووووع لوول .. قاعدين نحل مسائل و جذي
و خلصت الحصة راحت الابلة و صار فرصة
طلعنا رحنا انا و عواش آوت من الصف نحوس نسال عن المواد و جذي
محد فادنا ضلينا نتمشى ماندري شنقول @@
و خلصت الفرصة رجعنا
كان علينا احتياط .. يعني و لا حصة الابلة غايبة
فحولت انا قعدت عند رفيجتي عواش و يت عواش يمنا
و اهمه مادري شنو يألفون شعر يستهبلون و انا قاعدة دايخة اقولهم خلالالالاص فراغة انتوا تالفون شعر لوول

و بعدين عواش تستهبل علي
خذت المقص
الا تسوي روحها بتشق ايدي .. و بتقص وريدي ><
و انا لافة ويهي و مغمضة عيوني و اقولها آآآآآآآآآآآآآآآآآآآآآآآآآآآآآآآآآآآآآآ
عاد شسمه حطت القص على ايدي عورتني شوي
بس للحين مكانه بنفسجي ما طاب :د2:
لوول حرام مو قصدها تعورني
بس ما طلع دم و لا شي :sm.54:

و بعدين صار علينا اسلامية اقين لوول لان راحت حصتها قامت عوضتها
كان مالي خلق ارد مكاني قلت حق بشاير ( اللي هو مكانها ) بليز روحي مكاني بس هالحصة قالت اوكي
و انا قعدت يم عواش و مرت الحصة و عاتي :sm.53:

و بعدين فرصة ثانية ضلينا نستهبل انا و عواش و عواش
اهمه يتهاوشون لوول بس على هبل على الشعر اللي كاتبينه
و انا ميته ضحك عليهم
قاعدة احوس و اقولهم خلالالالاص انتي وياها
سكتوا
ممكن تسكتون انتهينااا
لووول ما يسكتون يننوني :رقص:

و بعدين صار علينا رياضيات
يننا الابلة لوول
رفعنا ضغطهاااااااااااااا
كل شوي نقول شي
مو فاهمة
شنو يعني
ليش جذي
شكلها بتتبرى من صفنا خخخخخخخخخخخخ

و بعدين الحصة الاخيرة فيزيا
لبسنا اللاب كوت .. و رحنا اللاب
خلتنا التيتشر ,
و ندرس يعني و جذي نحل مسائل و هيك ,
و نتناقش خخخ انا و عواش نتناقش و وحدة اسمها نورة ماتعرف شي الا تبي تطلعني غلطانة
الا انا اطلع صح
خخخخخخخخخخخخ :sm.53:

و بعدين خلص الدوام
رديت يمعت أغراضي كلها
و شلت جنطتي و مشيت مع سارو و هيون رفيجاتي
و طلعنا
الا الاقي اختي واقفة براا ناطرتني لوول جان تكفخني تقولي تاخرتي
قتلها اشدراني كل يوم تتاخرون علي
اشدراني اليوم بتيون مبجر

و انتههههههههىىىىىىىى يوم الدراسييييي الجميل جدن جدن هع ,
و شكرا قطوووفة انج اتحتي المجال لنا عشان نطرح أيامنا الدراسية
فكرة قميييييييييلة قدن فدن

قطوفهـا دانيـۃ

18-03-2010, 05:25 PM

وَ عليكمْ السلـآمْ وَ رح’ـمةُ اللهِ وَ بركـآتُهْ }~

:cat71: أهلــاً بكِ حرووووفْ منــورةْ اليوميـآتْ بـِ طلتكْ واللهْ !

يومكْ ع’ـــجيبْ كِلهْ سوآلفْ × سوآلفْ ض1ض1..

اللهْ اللهْ عــلى النشـآإأطْ أع’ـــطني منهُ ولــوْ قليلاً :هق: !

صديقــآتكْ عوآش وَ عوآش تربيعْ ونـآآآآآســةْ ثلــآثي رآئــعْ وَ خ’ــآصةْ

فــي الطــآإأبورْ :كهكه::كهكه: .. إفتقدنــآإأ الطــآبورْ وَ سوآلفهْ لـآ نسمعْ منْ

الـإذآع’ــةْ غيرْ آيـآتْ منْ القرآنْ :ها:ق1ق1..

إنْ شـــآءْ اللهْ درج’ــةْ الـإنجليزيْ تكونْ كــآإأملــةْ ومـآإأ تنقصينْ ولــآ

نص درج’ـــةْ sm.9.ق1ق1ق1 .. لووووووول حروفْ لــآزمْ إنتــي تشجعينهمْ

عــلى كتــآبةْ الشِعــرْ يمكنْ يتوفقونْ وَ يسطرونْ شعــرْ فيكِ وَ فينـي

منْ يدري <- طــييييري ض1ض1 ..

سلــآمـآتْ مــآإأ تشوفينْ شـــرْ إنْ شـآءْ اللهْ يطيبْ الجرحْ ق1ق1 .. مـآ

أحب لو إنجرحتْ أوْ تعورتْ الجرحْ يصيرْ لونهْ بنفسج’ــي كلْ مــآ أمسكهْ

أحس بـِ قشعـريرةْ بس في بعض الـأحيــآنْ يضحكْ :ها:ض1ض1 ..

واللهِ إنكْ فلــةْ وَ صديقـآإأتكْ بعدْ سوآلفكمْ ع’ـــجيبةْ معْ المعلمـآإأتْ وَ

الطــآلبـآإأتْ أنــآ منْ زمـآنْ لمـآ أكلمكْ أح’ــس فيكِ ذرةْ فضـآوةْ بـس

اليومْ تــأكدتْ :شر: :شر: !

حرووووفْ يومِكْ رآئــعْ بـِ الفعلْ لــآ حرمنــآإأ إطلـآلتكِ و روحكِ الرآئعـةْ

طبتِ وطــآبةْ إبدآعكِ ق1ق1ق1ق1 ..

ق1