رواية ثلاثي يبحث عن رابع [كــــامـــلـــة]

[المسلمةالمسالمة]

بسم الله الرحمن الرحيم
السلام عليكم ورحمة الله وبركاته
يسعدني أن أقدم لكم ثالث رواية من رواياتي
رواية ( ثلاثي يبحث عن رابع )

للكاتبة : المسلمة المسالمة


( وما احلل اي احد ينقلها بدون ما يكتب اسمي واسم الرواية بعد كل جزء )





بالبداية أعر فكم على العوائل

##########################################








( عائلة أبو محمد )


# أبو محمد هو الجد اسمه يوسف وزوجته اسمها منيرة
عندهم ولدين وبنت:
1/ ميعاد 25 سنه ... غير متزوجة
2/ محمد ( أبو فهد ) متزوج ومدّرس اسم زوجته منى وعندهم ولدين توأم وبنتين
-فهد وحمد ( التوأم )
-جمانه بثاني جامعة وريما بأولى جامعة
3/ الابن الثاني من ابناء ابو محمد هو : علي ( ابو خالد ) متزوج اسم زوجته نورة عندهم ولد وبنت الولد اسمه خالد والبنت اسمها خلود


################################################



( عائلة أبو سلطان )


اسمه عبد الرحمن اخو يوسف ( ابو محمد ) متزوج لكن زوجته توفت بعد ما ولدت سلطان ..
يسكن عند الجد ابو محمد



################################################



خلوني اكلمكم عنهم شوي :



اولا فهد وحمد :
شويه عليهم كلمة توأم , يحبون بعض وما يستغنون عن بعض , مستحيل يمر يوم بدون ما يجلسون مع بعض ويدردشون .. كل واحد يحتفظ بسر الثاني , يحلون مشاكلهم لوحدهم .
سطان :
غامض شوي وهادئ جدا ,, يحب المساعدة والتعاون .
عبد الرحمن ( ابو سلطان ) :
يسكن عن أخوه يوسف هو وولده بعد ما توفت زوجته . كريم جدا ..
جمانه وريما والعمه ميعاد وخلود :
يحبون بعض مع ان اعمارهم متفرقه لكن قلوبهم واحد . زعيمتهم ميعاد اذا بغوا شي يقولون لعمتهم ميعاد وهي تنفذ باسرع وقت .
خالد:
أكبر همه بطنه ,, مستحيل يجلس ساعه جوعان يحب الاكل ,, طيب وحنون وخفيف دم ,, يجيب أفكار جهنمية ..



هؤلاء أبطال روايتنا .... دعونا نرى عن قرب ... نلتعرف عليهم اكثر !



اتمنى لكم قراءة ممتعة




قبل ان ابدأ الرواية !!!
احب اشكر اختي جودة التصاميم على دعمها ومساعدتها لي
فجزاها الله خيرا ...
واشكر كل من ساعدني ....

بارك الله فيهم .. ووفقهم الله ..



اختكم المسلمة المسالمة ..sm.9.sm.9.

[المسلمةالمسالمة]

&& الجـــــزء الأول &&

مــــن !!

رواية , [ ثلاثيـ يبحثـ عنـ رابعـ ]

( غياب السنا ) http://www.asyeh.net/images/smilies/frown.gif


##################################



في بيت ابو فهد
ابو فهد : جمانه وين امك
جمانه : الحين تجي
ريما : يبه وش فيك احس ان فيه شي مشغل بالك
ابو فهد : ايه والله في اشياء مو شي
ام فهد : السلام عليكم
ابو فهد : وعليكم السلام
ام فهد : وش فيكم
ابو فهد : اتصلتي على حمد اليوم
ام فهد : لا
ابو فهد : انا من الفجر وانا اتصل عليه ولا يرد
ام فهد : يمكن مشغول
جمانه : لا يكون فيه شي ؟
ريما : الله يستر
فهد : السلام عليكم
الكل : وعليكم السلام
فهد : يبه يمه وش فيه حمد ما يرد علي
ابو فهد : حتى انا ما يرد علي
فهد: انا قايل من زمان المفروض حمد ما يسافر
ام فهد : هو قال يبي يكمل دراسته تبينا نقول لا ونخرب مستقبله
فهد : والله اني اشتقت له ما تعودت يمر يوم بدون ما اتصل عليه
جمانه : طيب اتصلوا الحين يمكن يرد
ريما : انا باتصل بجرب حظي
اتصلت ريما على جوال حمد اللي سافر للخارج علشان يكمل دراسته لكن للاسف ما رد . حاولوا يتصلون عليه اكثر من مرة وكل محاولاتهم باءت بالفشل .. حتى رقم السكن اللي يسكن فيه حاولوا يتصلون عليه والنتيجة نفس الشي مافيه احد يرد
فهد : لااااااااا انا ما اقدر اصبر .. وين راح . ليش ما يرد
جمانه والدموع متحجرة في عيونها : احس ان فيه شي صاير له
ابو فهد بقلق : يا جماعة الخير تكفي هذه الجمله ( تفاءلوا بالخير تجدوه) . ان شاء الله ما فيه الا العافية . فهد تعرف رقم الجامعة اللي يدرس فيها
فهد : لا
ابو فهد : أففف طيب رقم احد من أصدقاؤه
فهد : ايه اذكر مرة قال لي ان صديق سلطان يدرس معهم اجيب رقمه
ام فهد : لا لا .... لا تستعجل ما نبي الخبر ينتشر
ابو فهد : أي خبر ما تبين تعرفين وين راح ولدك
ام فهد : استودعته الله الذي لا تضيع ودائعه ... ان شاء الله يتصل علينا ... اصبروا الى بكرا
وقامت وراحت لغرفتها ودموع عيونها على وجهها توضأت وفرشت سجادتها ودعت ربها ان يرد لها ولدها بصحة وعافية
%%%%%%%%%%%%%%%%%%%%%%%%%%%%%%
بعد يومين
ابو فهد : ام فهد ... اتصلتي اليوم ؟
ام فهد : ايه بس ما رد
ابو فهد : امووت واعرف هذا وين راح
ام فهد : يمكن جواله مسروق
ابو فهد : طيب رقم البيت ليش ما يرد عليه
ام فهد كانت هادية جدا لكن قلبها يحترق شوق لولدها الغالي ( حمد )
فهد : هلا يبه ....... هاه بشروا فيه شي جديد
ابو فهد : للاسف لا
فهد : يمه الى متى نصبر لازم آخذ رقم صديق حمد من سلطان
ام فهد : --------------- ( ساكته )
ابو فهد : يلا مشينا
فهد : وين
ابو فهد : لبيت جدك
فهد : يلا
%%%%%%%%%%%%%%%%%%%%%%%%%%%
في بيت الجد أبو محمد
ميعاد : يمه وين ابوي
ام محمد : عند عمك تحت بالصاله
ميعاد : طيب انا رايحه تبين شي
ام محمد : وين تروحين فيه سلطان ولد عمك اجلسي بس وسعي صدري
ميعاد: يوووه هذا ما يطلع من البيت . ليش ما يتزوج ويفكنا منه
ام محمد: اجلسي بس
%%%%%%%%%%%%%%%%%%%%%%%
ابو سلطان : وش لون عيالك
ابو محمد: مدري عنهم من يوم الخميس ما شفتهم
ابو سلطان : ابو فهد وش لون ولده حمد
ابومحمد : يقولون انه طيب
رن جرس الباب
ابو سلطان : سلطان قم افتح الباب
سلطان : سم
وراح فتح الباب
سلطان : يا حي الله من جانا
ابو فهد : الله يحييك وش اخبارك
سلطان : بخير جعلك بخير وش لونك يا فهد
فهد : الحمدلله بخير
سلطان : تفضلوا ابوي وعمي داخل
ابو فهد : زاد فضلك
%%%%%%%%%%%%%%%%%%%%%
في بيت ابو خالد
خلود : الوو هلا ريما وش لونك
ريما: والله الحمد لله انتي وش لونك
خلود : بخير يا مآل الخير .. وش لون عمي
ريما : الحمد لله .. وينك يالقاطعة ما تكلمين
خلود : وش اسوي ظروف
ريما : الله يعين
خلود : وين جمانه
ريما : عند امي .. امي تعبانه شوي
خلود : عسى ما شر
ريما : حمد اخوي مشغلنا ما ندري وينه
خلود باستغراب : ليش هو ما سافر يدرس؟
ريما: الا بس ما يرد علينا اذا اتصلنا عليه
خلود: من متى ؟
ريما: من يومين
خلود: غريبة
ريما : يلا خلود مع السلامة جمانة تبيني
خلود: يلا مع السلامة طمنينا عن اخوك وامك وسلمي لي على جمانه
ريما : ok
%%%%%%%%%%%%%%%%%%%%%%%
خلود راحت لاخوها خالد وقالت له كل السالفة .. وتفاجئ
%%%%%%%%%%%%
في بيت الجد ابو محمد
ابو محمد: تستهبل انت ؟
ابو فهد : وش استهبل يايبه الله يهديك
ابو محمد: وليش ما يرد
ابو فهد: والله ما ادري
ابو سلطان: طيب حتى البيت ما يرد عليه ؟
فهد : حتى البيت ما يرد عليه . سلطان
سلطان: سم
فهد: عندك رقم فيصل صديقه
سلطان : ايه عندي
فهد : يا ليت تعطيني اياه
سلطان : ok تفضل
فهد: الوو . هلا فيصل معك فهد محمد يوسف ..... اخو حمد
%%%%%%%%%%%%%%%%%
خالد: انا اعرف رقم صديقه .... اتصل عليه؟
علي ابو خالد: ياليت ياوليدي
خالد: طيب عن اذنك
ابو خالد: اتصل عندي وين تروح
خالد : طيب ........ الو هلا عادل وش لونك
عادل : هلا مين معي ؟
خالد: انا خالد ولد عم حمد
عادل : هلا والله وش لونك..
خالد: الحمد لله ....... الا بسألك حمد وينه وش فيه مايرد علينا
%%%%%%%%%%%%%%%%%%%%
فهد: طيب مشكور اخوي فيصل ما تقصر .... مع السلامه
فيصل: العفو ... مع السلامة
ابو محمد: هااااه بشّر
فهد: يقول ما ندري وينه حتى حنا فاقدينه من 3 ايام ما يجي للجامعة ورحنا له بسكنه ولا فتح لنا واتصلنا عليه ولا يرد.
ابو فهد: انا لله وانا اليه راجعون... والحين وش نسوي
ابو محمد: طيب يمكن الجامعة ارسلوه لجامعة ثانيه
ابو سلطان : أي جامعة ثانيه يا ابو محمد الله يهديك يازينك ساكت بس
فهد: يبه انا ان شاء الله بسافر هناك وادوره بكل مكان
سلطان: وانا معك
ابو فهد : الله يقويكم ... بس تتوقعون انكم تلقونه
سلطان: ان شاء الله
رن جرس الباب .......
ابو خالد : السلام عليكم
الكل : وعليكم السلام
ابو خالد: صحيح اللي سمعنا
ابو فهد: مين قال لكم
ابو خالد: بنتك ريما
ابو فهد: ايه صحيح
خالد: اتصلت على صديقه عادل
الكل : وش قال؟
خالد: يقول ما ندري عنه من زمااااااااااااان وحنا ندور عليه
فهد: حنا ا ن شاء الله نبي نسافر بكرا او بعده وندور عليه
خالد: انا بروح معكم
سلطان : خير ان شاء الله... انا بروح الحين احجز
%%%%%%%%%%%%%%%%%%%%%
انتشر خبر اختفاء حمد بين كل الاقارب وام فهد تغيرت حالتها . كانت كل الوقت بغرفتها وتحديدا بسجادتها والدموع ما تفارق عيونها ... ريما وجمانه الحزن يملئ وجوههم .. واذا شافوا حالة امهم زاد همهم وقلقهم
سلطان حجز له طيارة الى بريطانيا هو وخالد وفهد علشان يبدون البحث عن حمد..
%%%%%%%%%%%%%%%%%%%%%
في يوم الاربعاء
سلطان اتصل على خالد : يلا خالد انت جاهز
خالد: ايه جاهز
سلطان: يلا انا عند الباب
خالد : طيب الحين اجي
ابو خالد: مع السلامة يا وليدي انتبه لنفسك
ام خالد: الله يحفظك يا خالد
خلود: مع السلامة يا أخوي انتبه لنفسك زين
خالد: ان شاء الله
خلود بحزن : طمنا عنك كل يوم اتصل
خالد بضيق : ان شاء الله ... ادعوا لنا
ام خالد: الله يساعدكم ويوفقكم ويعينكم
خالد: آآآآمين يلا مع السلامة
.............................................
سلطان: ساعة الله يهديك
خالد: وش اسوي الاهل يودعوني
سلطان: طيب اتصل على فهد شف هو جاهز ولا لا
خالد: ان شاء الله
سلطان : آآآآآآآآآه الله يعيننا .. والله اني خايف على حمد
خالد: ايه والله ما ندري عنه .. مريض ولا حي او ميت .. آخ بس
رن جوال خالد
خالد : هذا هو اتصل .... هلا فهد
فهد: اهلين وينكم
خالد: يلا الحين جايين .. مسافة الطريق . اجلس عند الباب
فهد: تخيل اجلس عند الباب اذا وصلتوا اتصلوا علي اوكي
خالد: اوكي .... يلا سلام
%%%%%%%%%%%%%%%%%%%%
فهد: يلا مع السلامة يبه
ابو فهد: مع السلامه .... الله يعينكم
جمانه: مع السلامه فهد ... شد حيلك
فهد : ان شاء الله
ريما : انتبه لنفسك زين
فهد: تامرين امر..... وين امي
جمانه : فوق
فهد بضيق : آآآآآه طيب انا بروح لها
ام فهد كانت جالسه لحالها على السرير وتبكي وماسكه صورة حمد دخل عليها فهد وشاف حالتها وضاق صدرة . مسح دموعه وراح لعندها
فهد بصوت : يمه توصين على شي
ام فهد رفعت راسها بهدوء ومسكت راس ولدها فهد: لا يا يمه . بس انتبه لنفسك واذا احتجت شي اتصل علينا ..
فهد: ان شاء الله باتصل كل يوم .. بس انتي اطمئني
ام فهد: الله يحفظك
فهد: آآمين
دخلت عليهم جمانه: فهد يلا .. اتصل قبل شوي خالد يقول قولي لفهد يطلع بسرعة تأخرنا.
فهد: اوكي يلا مع السلامة يمه ..
وباس راسها
ام فهد : مع السلامة
فهد: جمانه انتبهي لامي وخلوها تأكل زين
جمانه : لا توصي حريص
وطلع فهد بعد ما ودع اهله وعطاهم الامل وطمئنهم انه ما يرجع الا حمد معه ...
%%%%%%%%%%%%%%%%%%
سلطان : وش فيك انت تأخرت ما معك ساعة
فهد: انت اللي وش فيك ما تبينا نودع اهلنا
خالد: انا تأخرت دقيقتين وشوي ويضربني
سلطان : احلف عاد !!!
%%%%%%%%%%%%%%%%%%%%
واخيرا ركبوا الطيارة
خالد بقلق : سلطااااان
سلطان : نعم
خالد: تتوقع اننا بنلقى حمد
سلطان : ان شاء الله
فهد: آآآه ... تدرون يا شباب اني خايف .
خالد: من وشو خايف ؟
فهد : أخاف اذا لقيت اخوي ,,, القاه متوفي
خالد : وش تقول انت تفاءلوا بالخير تجدوه
سلطان بهدوء : احساسي يقول اننا نبي نلقاه حي
خالد : ان شاء الله
فهد وعيونه مدمعه : آآآآه الله يسمع منكم
%%%%%%%%%%%%%%%%%%%%
اخيرا وصلوا لارض بريطانيا ....
واستأجروا جناح بفندق فخم
سلطان: يووووه أحس راسي بينفجر
فهد : وين خالد؟
سلطان: يتروش
فهد : قلت لعمي عبدالرحمن اننا وصلنا
سلطان : لا
فهد: خلاص اجل برسل له رساله
خالد: وارسل لابوي بعد
فهد: ان شاء الله
سلطان: تروشت؟
خالد: ايوه
فهد: شباب ما جعتوا؟
خالد وبحمااس: اييييييييه والله ياا فهد ميتييييييييين من الجوع
سلطان: انا طلبت لكم والحين يجي
فهد: الله يجزاك خير
خالد: ومتى نبدأ ندور حمد
فهد: أول شي لا زم نمر السفاره ونقول لهم كل شي
سلطان: الله يعين .... أنا بروح لهم
فهد : وأنا معك
خالد : وأنا بعد
فهد: ان شاء الله يلقونه بسرعه
سلطان: الله يعين ويسهل علينا
%%%%%%%%%%%%%%%%%%%
وبعد ما تغدوا وريحوا شوي .. راح الثلاثي للسفاره السعودية في لندن وشرحوا لهم كل اللي صار وعطوهم معلومات عن حمد .. وقالوا لهم انه ما يرد وهو هنا علشان يدرس ...
ومعلومات كثييرة جدا علشان يساعدونهم ويبحثون عن حمد ...
الموظف : طيب ... فهد اخوك بأي جامعه؟
فهد : london.LSE ( لندن إل .إس.إي )
الموظف : اوكي .. اسمه الكامل لو سمحت ؟
فهد : حمد محمد يوسف محمد
الموظف : العمر ؟
فهد : 25
الموظف : طيب ابي صورة له ووصف كامل له
خالد بينه وبين نفسه : " ما شاء الله يبون يعرفون التفاصيل بالضبط .. صدق انهم حريصين , ان شاء الله بعد الاسئله والتحقيق يلقون حمد آآآه "
سلطان بينه وبين نفسه : " الحمدلله استقبلونا زين .. توقعتهم من مهتمين بالامر بس واضح انهم متحمسين انهم يلقون حمد ما اقول الا يااارب "
في بيت ابو محمد...
ابو سلطان: ابو محمد
ابو محمد: هلا
ابو سلطان: وصلوا عيالنا للندن ولله الحمد
ابو محمد : الله يبشرك بالخير... الحمد لله على سلامتهم
ميعاد: السلام عليكم
ابو سلطان واخوه ابو محمد: وعليكم السلام
ميعاد: وشلونكم
ابو سلطان: والله الحمد لله انتي وش اخبارك
ميعاد: بخير جعلك بخير دوم يارب .... يبه اتصلت زوجه أخوي تقول ان العيال وصلوا
ابو محمد : ايه دريت من ابو سلطان ... الله يعينهم ويرجعهم سالمين ويرجع معهم الغالي حمد
ميعاد: آآآآآآآآمين يااااااارب ..... يبه
ابو محمد: عيونه
ميعاد: تسلم ... وش رايك بكرا نجتمع
ابو محمد: يلا وانا ماسككم .... بس وين
ميعاد: في بيتنا
ابو سلطان : بس مو زينه حمد ما ندري وينه وتجتمعون وش يقولون الناس عنا
ميعاد: بالعكس علشان يغيرون جو .... بعد عمري جمانه تقول امي ما تاكل ولا تشرب
ابو محمد : خلاص بكيفكم
ميعاد: مشكوووور يبه ... بروح اتصل عليهم
وراحت ميعاد اتصلت على جمانه وخلود وقالت لهم بكرا يجتمعون عندهم علشان يغيرون جو
%%%%%%%%%%%%%%%%%%%
من بكرا
سلطان : شباب يلا قوموا يكفي نوم
خالد: آآآآآآآآآآآه وين أنا
فهد وهو يتثاوب : وشووو؟؟
سلطان: حنا في بالندن جايين نبحث عن حمد
فهد قام مفزوع يوم سمع اسم اخوي الغالي حمد : اييييش حمد .. ايييه صح حمد . خااااااااااااااااااالد قم وجع
خالدوهو مفزوع : ايييييييه حمد .. بسرعه قوموا ,,
سلطان : يلا انتظركم
فهد وخالد صحوا بسرعه لاول مرة في حياتهم .
وخالد طمر من السرير
فهد بحزن وبينه وبين نفسه : آآه وينك ياا حمد , كنت انت اللي تقومني دايم >> ودمعت عيونه
سلطان : صباح الخير
فهد بحزن شديد : صباح النور
سلطان : فهد امسح دموعك واذكر الله وتعوذ من الشيطان
فهد : لااااا إله الا الله
سلطان : يلا قم وان شاء الله نلقاه
فهد : ان شاء الله .
راح سلطان وجاب الفطور وافطروا بسرعة وراحوا لجامعه حمد يسألون عنه وياخذون معلومات
سلطان : هذي الجامعة صح ؟
فهد : ايه هذي ... وصلنا
خالد داخل عرض : جوعااااااااااااااااااااااان
سلطان : خالد وجع خلك جاد شوي ... الحين نتكلم عن الجامعة تقول جوعان
فهد : يا ليتك ما جيت معنا
خالد: خلاص خلاص مو جوعان .. اتوب .. اف كبريت
فهد : شباب انتظروا هنا بدخل اسال واجي
سلطان : طيب بس لا تتاخر
فهد: طيب
خالد: سلطااااااااااان شف شف هذا الرجل يناظرنا
سلطان ما عطاه وجه: مبروك
خالد بخوف : سلطاان والله من جد ما استهبل شكله ناوي علينا
سلطان ما اهتم : بلييييز خالد ما لي خلق
خالد: شف شف في جيبه مسدس

ماللي سيحصل لابطالنا !!!



هل سيهاجمهم هذا الغريب !



ما هي الاخبار اللتي سيحصل عليها فهد من الجامعة !!





ترقبووووا الجزء الثاني من :


رواية .. ( ثلاثيـ يبحثـ عنـ رابعـ )


# للكاتبة المسلمة المسالمة #





ارييييد تفاعل من الحلوااات :رقص:

[حروف]

مسلمة مسالمة

رواية مشوقة
و ما دامت أجزاء

فلابد أن التشويق جزء منها

ننتظر البقية

[مملكه احساس]

مسلمه مسالمه..
مشكووره ع الروايه الرووعه.
حماااس الله يخليك كمليها لا تتأخرين علينا..
تقبلي مروري..

[المسلمةالمسالمة]

&& الجـــــزء الثانيـ &&

مــــن !!

رواية , [ ثلاثيـ يبحثـ عنـ رابعـ ]

(بداية البحث ) !!!!


##################################






سلطان : التفت بكل برود على الرجل وطاااااااااااح قلبه
سلطان بخوف : وش يبي هذا لا يكون سويت له شي
خالد: والله ما سويت له شي
سلطان : الله يستر ... يمكن حمد هج منه
خالد: سلطاااااااااااااااااااااااان
سلطان وهو مغمض عيونه وبخوف : هااااااه
خالد : قرّب قرّب
سلطااااااان : الله اكبر ..
خالد بخوف : لا اله الا الله
الرجل قرّب اكثر
سلطان: باسم الله الرحمن الرحيم
خالد: خلاص بغمض عيوني واذا مت انتبه لامي وابوي واختي
سلطان: خالد اسكت لا تزيد علي ... اللي فيني مكفيني
قرّب الرجل منهم أكثر واكثر واكثر
وصار ينادي بصوت عاااااااااالي .... ويأشر على رجل اللي جالس وراء سلطان وخالد
قام الرجل وراح له
سلطان : شكلهم يبون يتفقون علينا
خالد : اكييييد اللي كان قاعد اتصل عليه وقال له تعال علشان يقتلونا
وبعد ثواني راح الرجل مع صديقه واختفى
سلطان : أووووووووه حسبي الله عليك يا خالد خوفتني
خالد براحه: آآآآآآآآه الحمد لله ... انا وش دراني على بالي يناظرنا
سلطان: اللي يجلس معك دقيقه تجيه حاله نفسيه
خالد : افاااااا
سلطان : يا الله ... فهد وينه تأخر...
واخيرا رجع فهد...
فهد: السلام عليكم
سلطان وخالد : وعليكم السلام
فهد " وش فيكم ليش وجيهكم مصفره
سلطان : اسكت بس يا فهد .. الله يخليك لاتخليني مع هذا مرة ثانيه ... سبب لي حاله نفسيه وخوفني وانا عمري ماخفت
فهد : هههههههههههههآآآآآي
خالد : لا يهمك بس .... بشّر وش صار ؟
فهد : ما يعرفون شي عنه
خالد: وين اختفى ؟
فهد بضيق : آآآآآآه يا حمد ... ير ضيك تخليني لحالي
سلطان : لا تفقدون الامل كذا بسرعة امشوا نروح السكن
خالد وهو يلمس كرشته : بس انا جوعاااااان ابي آكل شي
فهد: لا ما اشتهي شي
خالد: لازم انت تشتهي مو لازم اهم شي انا
سلطان: ما شاء الله عليك ياخالد .. شهيتك مفتوحه دووم
خالد: بصراحة ما اقدر امشي ... لازم اكل شي
فهد: لا مو لازم
خالد : اخاف اموت
فهد : كلنا نبي نموت متى ما كتب لنا الله
سلطان : ههههههه فيه مطعم قريب من هنا امشوا نروح له بعدين نرجع للفندق وبعد المغرب نروح السكن
فهد : زين يلا
خالد والابتسامه شااااااقه وجهه: يلا مشينا
%%%%%%%%%%%%%%%%%%%%
بعد العصر اجتمعوا عند بيت ابو محمد
عند الحريم
ام محمد: شخبارك يا ام فهد
ام فهد : والله بخير والحمدلله
ام خالد: وش لون ابو محمد يا خالتي
ام محمد : بخير
جمانه : بنات قوموا نجلس بالصاله
ميعاد: تبوني معكم ولا لا
ريما هو وش لون ما نبيك ... انتي اولنا
خلود : والله مشتاقة لسواليفك يا عمة
ميعاد: هههههههه حتى انا مشتاقة لكم مررررة ... يلا امشوا
ام محمد: وين تروحون؟
ميعاد : نبي نجلس بالصاله بغيتي شي؟
ام محمد : لا شكرا
وراحوا للصاله.........
ميعاد: بنات وشلون اخوانكم؟
خلود : مدري عنهم ما كلمتهم
ريما : وش رايك نتصل عليهم
ميعاد : يلا باتصل عليهم .
ريما : حطي سبيكر
ميعاد : اوكي
واتصلت على تليفون فهد
%%%%%%%%%%%%%%%%%

فهد كان جالس على الكنب ويناظر التلفزيون وحاط رجل على رجل
خالد ياكل وبحماااااااااس شديييد مع انه قبل عشر دقايق ماكل له وجبه كامله
سلطان جالس معهم يقرأ جريدة ..بهدوووووء تااام كالعادة
رن جوال فهد .......
فهد : الووووو هلا
ميعاد : اهلين وش لونك وش اخبارك
فهد : الحمدلله .. مين ميعاد
ميعاد: وجع ... عمه ميعاد مو ميعاد
فهد : لسه صغيرة اذا كبرتي اقول لك عمه
ميعاد : لا والله .... خلاص اجل بسكر باي
فهد : لا لا لاخلاص ولا تزعلين ... شخبارك عمه ميعاد ... يوووه يا طولها مشوار
ميعاد: احسن ... والله الحمد اشتقنا لكم
فهد: حتى حنا اشتقنا لكم اكثر ... وشلون ريما وجمانه وامي وكلهم
ميعاد : كلنا بخير .. انا اكلمك ومشغله سبيكر وعندي جمانه وريما وخلود
فهد : بناااات وش لونكم
البنات : الحمد لله
فهد : ههههههههههه يا حليلكم والله
خلود : ميعاد خلاص نبي خالد
جمانه : لاااااا اصبري
فهد : تبون خالد ؟
ميعاد : ما شاء الله وشلون سمعت
فهد : ههههههههآآآي خالد مشغووووول
ميعاد : مشغول !!!! مشغول بإيش؟
فهد : هههههههه بإيش يعني ... قاعد ياكل بحمااااس يفتح فمه بقوه وياكل ... لا يفوووتك شكله يفطس ضحك ..
ميعاد والبنات : ههههههههههههههههههههههه
فهد : مزعجنا يآكل وبعد 5 دقايق يقول جوعان
ميعاد : ههههههههههآآآآآآآآي ....
فهد : يسمع وما يهتم .. خااااااالد هذي ميعاد اقصد عمتي ميعاد تسأل عنك
خالد غص : كحووو كححححوو.... احم احححم
فهد : صحه .. عمه شكلكم عطيتوه عين قويه ..
خلود : باسم الله على اخوي
ميعاد: اسكتي انتي بس ... اقول فهد عطني خالد
فهد : طيب
خالد وعيونه حمر من الغصه : كحوو.. احمم... الوو
ميعاد : هلا والله بخالد وش لونك
خالد : هلا بعمتي .. انا الحمدلله انتي شلونك
ميعاد: الحمدلله
خلود : خاااااالد وش لونك وش اخبارك اشتقت لك يا خوي
خالد : هلا والله .. والله انا بخير وانتي شخبارك ..
خلود: الحمد لله ..... انا وش قلت لك
خالد: وشوو
خلود: ما قلت لك اذا جيت ان شاء الله ابيك تصير نحيف
خالد : هههههآآآي حلمي ... الاكل هنا يهبببل كل وجبه احسن من الثانيه .. والله سلطان ما قصّر احيانا يعزمنا على أغلى مطعم ببريطانيا
فهد: كذااااااااااااااب مو احيانا الا دائما
خلود : حاط سبيكر؟
خالد : ايه ... ما اقدر امسك الجوال يدي اليمنى فيها سندويتش واليسرى فيها ببسي
خلود : ههههههههه
ميعاد : خالد وش صار عليكم ما فيه اخبار جديدة
خالد : امسكي فهد انا بروح اكل
فهد : الو ... والله اليوم رحنا للجامعة ولا صار شي وان شاء الله نروح للسكن اليوم او بكرا ..
جمانه : فهد انتبه لنفسك
فهد : ان شاء الله ... وش لونك
جمانه : الحمدلله
فهد: وانتي ريما كيفك؟
ريما: بخير جعلك بخير
ميعاد : يلا الله يعينكم ويوفقكم
فهد : آآآآآآمين....
سلطان : فهد
فهد : آمر
سلطان : قل لهم يسلمون لي على الوالد وعمي
فهد : سمعتي
ميعاد : وشو
فهد : يقول سلطان سلمي لي على الوالد وعمي
ميعاد : آها ان شاء الله يبلغ .. يلا مع السلامة
فهد : مع السلامة
%%%%%%%%%%%%%%%%%%
جمانه : لايكون سلطان معهم ويسمع هبالنا
ميعاد : يووووه فشيله
خلود: من جد فشله
خلود : عااااادي خليع يسمع واذا صار
ميعاد : هههههه يا حليله خالد الى الحين يحب الاكل
خلود بزعل : قولي ما شاء الله
ميعاد : هههههههه ما شاء الله
%%%%%%%%%%%%%%%%%
خالد : يا حليلهم
فهد : كل انت بس كل
خالد : الحمدلله شبعت
فهد : ان شاء الله دوووووووووووووووم شبعان
خالد : انت وش فيك حاقد علي
فهد: لا والله ما حقدت عليك
خالد: طيب .. احس ان سلطان قبل شوي تضايق
فهد: ليش يتضايق ؟
خالد: مدري أتوقع علشان ما عنده اخوات ولا ام يتصلون عليه ويسألون عنه ويكلمونه
فهد: مسكين ... بس ما اعتقد انه تضايق
خالد: انا قلت يمكن مو اكيد
فهد: من جد احس اننا قبل شوي سحبنا عليه وعطيناه ظهورنا
خالد: احس ان سلطان غريب ما بعد عرفت له
فهد: ايه صح غامض شوي .. دايم ساكت وهادي
خالد: هو طيّب وكريم بس سكوته وهدوءه يذبح احيانا
فهد: ايه صح .. زي قبل شوي ساكت ويشرب عصير ويناظرنا وحنا نكلم ميعاد
خالد:.... الا هو وينه
فهد: مدري
سلطان : سلام شباب
خالد وفهد : هلا وينك
سلطان : أخذت شور .. وش اخبار الاهل
فهد: الحمدلله بخير
سلطان : الحمدلله
خالد: سلطان .. احس انك تضايقت قبل شوي
سلطان: وليش اتضايق
خالد: مدري
سلطان: اقول شل عندك التفكير الشين .. بالعكس والله انبسطت يوم كلمتوا اهلكم هذا دليل انهم ما نسوكم ويحبونكم
فهد: لا شكلك كذا يقول انك متضايق
خالد: احس بداخلك شي بس ما تبي تقول
سلطان: مثل وشو
فهد: مدري
سلطان : اقول .. وش رايكم نقوم الحين للسكن اللي يسكن فيه حمد
خالد : يلا مشينا ... ان شاء الله نلقى حمد
فهد : اتوقع انه مريض
خالد: لا لا ان شاء الله مو مريض ..تفائلو خير ياجماعه..
فهد : آآآه يمكن . يلا بقوم البس علشان نروح للسكن
سلطان: وانا باتصل على صديق حمد علشان اسأله عن مكان السكن .
خالد:توكلنا على الله...
%%%%%%%%%%%%%%%%%%%%


في بيت الجد
ابو فهد: وش صار على ميعاد
ابو محمد: وش فيها؟
ابو فهد: ما جاها خطيب؟
ابو محمد: لا ... الله يرزقها
ابو خالد: والله جاها ناس كثير بس هي تتشرط
ابو سلطان: كل البنات كذا ... الله يهديهم
ابو فهد: يمكن ببالها احد
ابو سلطان: مرة ابو عبد الله جارنا خطبها لولده
ابو خالد: أي ولد
ابو سلطان: ولده الكبير عبدالله
ابو محمد: وش قلت له
ابو سلطان: قلت له بشاور البنت وابوها
ابو محمد: ما شاء الله عليك وليش ما قلت لنا من قبل
ابو سلطان: راح عن بالي والله يا ابو محمد لا تواخذني
ابو فهد : وعبدالله وش يصير
ابو سلطان: ما شاء الله عليه ما فيه عيب
ابو محمد: يقولون انه مطلق
ابو سلطان: لا مو مطلق
ابو خالد: انا اعرفه مرة شفته بس
ابو محمد: بس وشو هااه
ابو خالد: يقولون انه مريض
ميعاد: السلام عليكم
ابو محمد : وعليكم السلام هلا وش لونك
ميعاد: الحمد لله تمام التمام
ابو خالد: هلا ميعاد يف حالك
ميعاد: بخير جعلك بخير ... من زمان عنكم قلت خليني ادخل عليكم شكلي قطعت سواليفكم
ابو محمد: كنا نتكلم عنك
ميعاد: ان شاء الله خير
ابو محمد: خير ... جاك خطيب .. عبدالله ولد ابو عبدالله جارنا
ميعاد: طيب
ابو فهد: وش طيب؟
ميعاد: وش المطلوب مني
ابو فهد: المطلوب منك توافقين او ترفضين
ميعاد : وش لون اوافق او ارفض وانا ما اعرف عنه شي
ابو سلطان: انا اعلمك يا بنتي ... من عائله معروفه وملتزم وعمره مناسب لك وموظف وراتبه زين
ميعاد: لا
ابو محمد: وليش ؟
ميعاد : سمعت أخوي قبل شوي يقول انه مريض
ابو فهد : انتي شكلك ما تبين تتزوجين
ميعاد: لا ابي .. بس ما ابي مريض
ابو محمد : خلاص بكيفها
ابو فهد: يبه وش بكيفها .. متى تتزوج هذي
ابو محمد: جالسة في بيتك هي
ابو فهد: لا
ابو محمد: انت اللي تصرف عليها
ابو فهد: لا
ابو محمد: اجل اص ولا كلمة ومتى ما كتب الله لها الزواج تزوجت
%%%%%%%%%%%%%%%%%
وفي لندن::::::
سلطان: طيب طيب مشكووور ما تقصر .. مع السلامة
خالد: هااااه خلاص عرفت الوصف
سلطان: ايه ..... يلا وين فهد
فهد: يلا يلا جيت
سلطان: ما شاء الله وش هالحلات
فهد : هههه طالع عليك
سلطان : ههههههههه
خالد: مو احلى مني
سلطان: اقول بس مشينا .... شكل الغيرة بدأت تشتغل
خالد : ههههههههههههآآآي
%%%%%%%%%%%%%%%%%%%%%%%
خالد : هذا هو السكن ؟
سلطان: ايه .. وهو ساكن في هذا البيت
فهد: وش دراك ؟
سلطان: من الرقم ... يلا دقوا الجرس
خالد : ما فيه احد
سلطان: اممممممم مشكله
فهد: اح اصبعي
خالد: وش رايكم نكسر الباب
سلطان: لا لا لا انت مهبول ..
خالد: ليش؟
فهد: شكلك ناوي تودينا بداهيه
خالد: شف هذا الرجل اسأله
سلطان : ما اعرف اتكلم بلغتهم
فهد: يمكنه عربي
الرجل: اهلين بغيتوا شي
خالد : ايوه..الحمدلله عربي...
فهد بصوت واطي : الحمدلله ..
الرجل : ايه انا عربي وكل اللي ساكنين بالسكن عربيين الا 4 بس
سلطان : طيب لو سمحت وين صاحب هالسكن؟
الرجل : ما ادري من زمان ما شفته ... هو ابيض وطويل وشعره ناعم وله سكسوكه؟
فهد : ايييييييييه نعم هو نفسه بالضبط
سلطان: فهد شوي شوي .... وينه ماتعرف وينه ؟
الرجل : انا سمعت انه سافر
فهد باستغراب : سافر!!!!
خالد: وين سافر؟
الرجل : يقولون المانيا
فهد: المانيا! وليش يروح هناك وش عنده ... تبع الجامعة و لاوشو
الرجل : والله ما ادري
خالد: طيب مشكور ما تقصر
الرجل : العفو ... أي خدمه ثانيه
سلطان:لا لا شكرا
الرجل : مع السلامة
خالد: يلا نسافر المانيا بسرعة
فهد: تتوقعون نلقاه هناك؟
سلطان: ان شاء الله
خالد: وش ورانا منها سياحة وندور عن حمد
فهد : انا قايل من زمان خالد ما جاء الا علشان يغير جو وياكل بس
خالد : حرام عليك والله علشان حمد جيت ولا ما كان ودي اجي
سلطان: يلا شباب الحين نروح لمكان كل العرب يتجمعون هناك.. يمكن نلقاه .
فهد: يقول لك سافر ... تقول يمكن نلقاه هناك
سلطان: يمكن اشاعة ... وش دراك
خالد: صح يلا امشوا
%%%%%%%%%%%%%%%%%%%
في بيت الجد
ميعاد جالسه مع البنات كجسد فقط .. وقلبها وتفكيرها في كلام اخوانها وعمها وابوها قبل شوي
جمانه : بنات وش رايكم نروح للشباب هناك
ريما: وين .. ان شاء الله تفكرون نسافر للخارج
جمانه: ايه وش فيها ... بالعطله عادي
خلود : صح العطله طويله وحر نبي نروح نتبرد شوي
ريما : احلمي انتي وياها .. مين راح يوديكم مين راح يوافق يسافر فيكم اصلا..
جمانه: عندنا عمه عندنا الاقناع 10 على 10
خلود: وش رايك ياعمة ميعاد؟
ميعاد ما سمعت ولا كلمة من اللي قالوه البنات
خلود: عمه ..... عمه
ريما: عمتي ميعاد
جمانه : باسم الله على عمتي فقدت الوعي
خلود: باسم الله عليها .. وجع يا المتشائمة
ريما: بنات خلونا نصرخ مع بعض نقول ميعاد
جمانه : يلا واحد ... اثنين .... ثلاثه
البنات: ميعااااااااااااااااااااااااااااد
ميعاد: وجع يوجعك انتي وياها قولوا آآآمين وش قالوا لكم ما عندي آذان
جمانه: هههههههه والله شكينا يا عمه
ميعاد: خير وش تبون
ريما: يبون يسافرون يدورون على حمد


تتوقعون رح تسافر العائلة الكريمة كلها للبحث على حمد
وين حمد ؟ هل هو حي ام ميت ؟؟؟

كل هذا واكثر في الجزء الثالث من رواية
ثلاثيـ يبحثـ عنـ رابعـ
للكاتبة المسلمة المسالمة

sm.10.

[حروف]

مشوق

و ننتظر البقية

و ما سيحصل حيناً

[المسلمةالمسالمة]

&& الجـــــزء الثالثــ &&

مــــن !!

رواية , [ ثلاثيـ يبحثـ عنـ رابعـ ]

( الى متى يآ حمد ؟!)


##################################


ميعاد: ما بقى الا حريم يدورون بالشوارع علشان يدورون حمد هاااااه
جمانه: لا عمتوا .... نبي نروح سياحة والشباب ما يقصرون
ميعاد: طيب وش المطلوب ؟
خلود: اقنعي الاهل
ميعاد: لااااا يعني لا ...
جمانه: لييييييش
ميعاد : كيفي
ريما : تعجبيني والله يا عمتي
خلود : اففففففف ....
جمانه: وحنا نقول عمتي بتوقف معنا
ميعاد: اسمحوا لي ... عيب عليكم تروحون هناك وش فيها بلدكم علشان تروحون للخارج هااااه
خلود : خلاص ما نبي نسافر
ميعاد: احسن
%%%%%%%%%%%%%%%%%%%
وفي لندن:
خالد: ان شاء الله هذا المكان اللي يجتمعون فيه العرب
سلطان: ايه
فهد: يلا دورا اخوي
خالد: ههههههههههههههه مصدق عمرك انت ... كلهم مو سعوديين
سلطان : وانت وش دراك
خالد: ما لبسوا ثوب وشماغ
فهد وهو معصب : ياااا ثقل دمك ... انا وين وانت وين ... بليز اكرمنا بسكوتك
خالد: وش فيك
سلطان: هههههه خالد وشلون يلبسون ثوب وشماغ هنا
خالد: وش فيها
سلطان: شف نفسك اول ..... وش لابس؟
خالد : بنطلون وتي شيرت !
سلطان: وانت وشو؟
خالد: سعودي !
سلطان: خلاص
خالد: ادري يا ابن الحلال بس حبيت استهبل هههههه
فهد: تبي تستهبل اجلس بالفندق ما حنا فاضين لك
خالد : طيب وش فيك معصب .... خلاص آسف ... وباس راسه
سلطان: ههههههههههه يا حبيلكم والله
فهد: شباااااااب شبااااب .... شوفوا
سلطان : وشوو
خالد : باسم الله عليك وش فيك
فهد : حمد حمد هناك ... امشوااااا
وصار يركض بسررررعة وراء واحد بعييييييد كان لابس بنطلون جينز وتي شيرت ابيض وشعره طويل .....
الشباب وهم يركضون
سلطان: انت متأكد انه حمد
فهد : ايه متأكد .. نفس شكله مع وراء شعره طويل ونفس جسمه ...هو ان شاء الله هو
خالد : شباااااااب اصبروا لي ... اه تعبت
سلطان : وينه ... اختفى
فهد : راح من هنا .. تعالوا
خالد : فهد يكفي تعبت ....
سلطان : بسررررعة
فهد : يارب يارب ...... آآآه آآه
سلطان : فهد ما تعبت
فهد: لا ما احس بالتعب اذا شفت اخوي وحبيبي حمد
خالد: وينه
فهد وقف ووقفوا الشباب معه
خالد : وش فيكم وقفتوا؟
سلطان : فهد وين حمد
فهد : هناك اللي واقف مع حرمه ..
خالد : ايييييييش حرمه !!!!! معقوله
فهد : والله ما توقعتك يا حمد كذا .. كذا كذا يا حمد .. تروح للخارج علشان تمسك هالدرب
سلطان : لا حول ولا قوه الا بالله
خالد : فهد انت متأكد ان هذا حمد
سلطان : شف شكله مع وراء مثل شكل حمد ... يعني حمد
خالد : طيب شفتوا شكله من قدام
فهد : للاسف هذا حمد ....
سلطان : طيب امشوا نقرب
فهد : مستحيييييل هذا مو أخوي لا لا
خالد : باابن الحلال امش نتأكد طيب
فهد : لا
سلطان : شف شف راحت الحرمه وصار لحاله ... امش نروح له
خالد : بسرعة يا فهد ... مهما كان هذا اخوك
فهد : يلا
وقربوا عند الرجل ....
من وراء الرجل وقبل ما يلتفت
فهد : ما توقعتك كذا يا حمد

يتبع :و1:

[المسلمةالمسالمة]

&& تآآآبع الجـــــزء الثالثـ &&

مــــن !!

رواية , [ ثلاثيـ يبحثـ عنـ رابعـ ]




التفت الرجل ...............
خالد وفهد وسلطان صاروا يناظرون باستغراب
الرجل : what ؟
فهد : I am sorry ….. I am sorry
خالد : هذا مو حمد
سلطان : يوووووه على بالي حمد
فهد : مستحيييييييييييل .... وين حمد وييييييينه
خالد: ظلمنا حمد
فهد : استغفر الله .... الحمد لله حمد مو مثل هذا حمد افضل واشرف منه
خالد : فهد وين عيونك ... ما تعرف اخوك
فهد : يااااا سبحان الله يخلق من الشبه اربعين ... شكله من وراء مثل شكل حمد مع وراء
سلطان : ايه والله مثل شكل حمد مع وراء بالضبط
خالد : الله يهديك خليتني امشي لييين تعبت
فهد : حمد الحين وينه ؟؟ وين اختفى ؟؟؟ وينك يا حمد تعبتني دوختني ؟؟
سلطان بحزن : الله اعلم ... ان شاء الله تلقاه ... لا تفقدون الامل .. تفاءلوا بالخير تجدوه
خالد : ان شاء الله نلقاه وسع صدرك .... فهد ابي وجبه تعوض الدهون اللي راحت قبل شوي من الركض
فهد : افففففففف انا وين وانت وين ....
سلطان: خلاص انا اشتري لك ......
ورجعوا الفندق وهم متعبين جدا وخااائبين ... لكن لازال الامل موجود وكانوا متأكدين انهم رح يلقون حمد طالت المدة او قصرت ...
سلطان وهو منسدح على السرير: فهد
فهد بحزن وتعب : همممم
سلطان : ما رحت للسفاره تشوف وش صر عليهم
فهد : لا ان شاء الله بكرا اروح لهم
سلطان : طيب وشلون نبي نلقاه حنا لحالنا
فهد : الله يساعدنا ..... ولا وش رايك يا خالد
خالد : ...................... >> سكوت
فهد : خالد ؟ خالد ؟
سلطان : جالس بالغرفه هناك يآكل
فهد : ما شاء الله في كل وقت وفي كل زمان يآكل
سلطان : هههههههههههههه ما شاء الله عليه
%%%%%%%%%%%%%%%%%%%%%%
في بيت الجد ....
بعد العشاء الكل راح لبيته
أم محمد : ابو محمد وش اخبار الشباب؟
ابو محمد : والله مدري عنهم
ميعاد : اليوم كلمتهم انا والبنات
ام محمد : وش اخبارهم
ميعاد: يقولون انهم راحوا الجامعة بس ما لقوا شي عنه
ابو محمد: الله يعينهم
ميعاد: آمين
ام محمد: والله لو شفت وجه ام فهد مسكينه
ميعاد : اييييييييه وجهها اصفر ونحيفه
ابو محمد: الله يكون بعونها
ميعاد: ايه يبه سلطان يسلم عليك انت وعمي
ابو محمد : الله يسلمك ويسلمه .. ميعاد اتصلي لي على احد منهم
ام محمد: يمكنهم نايمين ... لا تزعجونهم
ابو محمد : أي نايمين انتي الوقت يختلف عنا
ميعاد : هههههههآآي يا حليلك يا يمه .. تفضل يبه هذا رقم خالد
%%%%%%%%
خالد : الووو
ابو محمد : هلا والله .... شخبارك؟
خالد : الحمد لله بخير.. كيف حالك ياجدي والله اشتقت لك
ابو محمد: بخير جعلك بخير .. هااااه بشر في شي جديد عن حمد
خالد: ايه اليوم سألنا عنه بالسكن قالوا انه سافر لألمانيا
ابو محمد : المانيا ... وليش ؟
خالد : مدري عنه .. وحنا ان شاء الله نبي نسافر هناك بكرا او بعده
ابو محمد : طيب تبون شي تحتاجون شي
خالد : مثل ايش؟
ابو محمد: فلوس ولا أي شي؟
خالد : لا... نبي سلامتك .. واذا احتجنا قلنا لكم... وش لون جدتي
ابو محمد: طيبه والحمدلله
خالد : وابوي وش لونه
ابو محمد: كلهم كلهم بخير ولله الحمد
خالد : الحمدلله
ابو محمد : يلا اجل سلم لي على الشباب
خالد : ان شاء الله ... مع السلامة
ابو محمد: مع السلامه
%%%%%%%%%%%%%%%%%%%%

[المسلمةالمسالمة]

&& تآآآبع الجـــــزء الثالثـ &&

مــــن !!

رواية , [ ثلاثيـ يبحثـ عنـ رابعـ ]


بعد اسبوع ..
خلود بخوف : يبه .... يبه
ابو خالد وهو مفزوع : نعم وش فيك
خلود :تعال شف امي ... تعبانه مرة
ابو خالد: وش فيها؟
خلود : ما ادري دخلت عليها الغرفه وشفتها تعبانه مرة وجالسه بسريرها .. تعال شفها
ابو خالد : طيب ... طيب
%%%%%%%%%%%%%%%%%%
في بيت ابو فهد...
جمانه وريما جالسين بالصاله وكانوا طفشانين ...
ريما تلعب بخصلات شعرها وجمانه منسدحة على الكنب وتناظر اختها ريما
جمانه: اففففف طفش
ريما : من جد.. حتى امي ما صارت تسولف معنا مثل اول
جمانه: امي ... حالتها تضيق الصدر . اذا جلست معها احس شوي وابكي على حالها . ما توقعتها كذا ..
ريما : اعذريها .. ولدها اكيد يبي يصير لها كذا
جمانه : حتى حنا ضايقة صدورنا وحزينين على فراق اخونا اللي ما ندري وينه .
ريما : افففففف لا تضيقين صدري اكثر خلاص امسحي دموعك
دخل ابو فهد على بناته وتضايق يوم شاف حالهم .. كانوا طفشانين مره ويبكون
ابو فهد : السلام عليكم
جمانه وريما تعدلوا بجلساتهم : وعليكم السلام
ابو فهد : طفشانين؟
جمانه: مرة
ابو فهد : تبون تروحون لجدتكم ؟
جمانه: ايييييييييه يبه الله يعافيك
ريما : بلييييز يبه نبي نروح
ابو فهد: طيب .. يلا روحوا وتجهزوا بسرعه
ريما : طيب اقول لامي ؟
ابو فهد : امك ... قوليلها بس ما اعتقد راح توافق
ريما: ان شاء الله توافق
ابو فهد: طيب بسرعة ... انتظركم بالسيارة
تجهزوا بسرعة وركبوا السيارة ........
ابو فهد : وين امك؟
ريما : ما رضت تجي
ابو فهد: قايل لكم ...
%%%%%%%%%%%%%%%%%
في بيت ابو خالد....
اخيرا وصل الدكتور وطمنهم على صحة ام خالد ..
خلود جالسه عند امها طووول الوقت وخايفه مليها مره لانها اقرب انسانه لها وما عندها اخوات توسع صدرها معهم ... يعني ما لها غير الله ثم امها وابوها ..
%%%%%%%%%%%%%%%%%%%
في بيت الجد
وصلوا عائلة ابو فهد .. جمانه وريما جالسين مع الجده وميعاد.
جمانه: ياااا جدتي غيري السالفه هذي المره الخامسه اللي تقولينها لنا .
ريما : ايه حفظتها صم ... لو تقولين سمعيها سمعتها كااااااامله
ام محمد : احمدوا ربكم ان لكم جده تسولف عليكم
ريما : وش رايك يا جده نتصل على خلود ونقول لها تجي
ام محمد : كلمتها تقول ان امها تعبانه
جمانه: سلامات وش فيها
ام محمد : ما ادري والله بس تقول انها تعبانه مررة وتحتاج الى ملاحظه وعنايه
جمانه: مسكينه الله يشفيها يارب
ريما : آآمين
ميعاد: احلى شاهي لاحلى بنات اخو بالدنيا
جمانه: الله يسلمك يارب
ريما: مشكورة يا احلى عمه بالعالم
%%%%%%%%%%%%%%%%%%%%%%%
بعد 4 ايام ..
خالد جالس على سريره وهو حزين ودمعته على خده وماسك الجوال بيده ووجهه صار اسود
دخل فهد وهو يغني ومبسوط : خلووودي صباح الخير
خالد ما زال مصدوم من شي ما..
فهد خاف : خلودي خااالد !! يووه وش فيه .... سلطااااااااااان
سلطان: باسم الله نعم وش فيك؟
فهد: خالد يبكي
سلطان : خاالد !!!
فهد قرّب من خالد وجلس جنبه : خلودي سلامات
سلطان حضن خالد: خلودي تبي أكل رح اجيب لك بس امسح هالدموع ..
فهد: خااالد والله مو لايق عليك الحزن .. وش فيك؟
خالد اشر بيده على الجوال وسكر عيونه بقوه واخذ نفس عميق وقام من مكانه وطلع برى الفندق .... الى وين ؟؟؟ ما ندري ؟
سلطان علطووول اخذ الجوال : انا لله وانا اليه راجعون ..
فهد منصدم : وشوووو؟؟؟؟!!!!
سلطان بحزن شديد: ام خالد ....... توفت !!
%%%%%%%%%%%%%%%%%%%
خلود وابوها راحوا لعند الجده ....
خلود تصارخ : لااااااا لاااااا مستحيل مستحيل .... ما اقدر اصدق امي امي حبيبتي راحت وخلتني ... وصارت تبكي باعلى صوتها ....
ميعاد وهي متأثرة : يا خلود ... اذكري الله .
خلود: ميعااااد انتي ما تعرفين امي كثر ما اعرفها .. امي اقرب انسانه لي . امي مثل الاخت واعز من الصديقة مثــل ............... وما قدرت تكمل من البكاااء
ميعاد ضمت خلود بقوة وصارت تبكي معها
ام محمد جالسه بكل هدوء ودموعها ملت وجهها
ريما: خلاص يا خلود والله قطعتي قلبي .. ادعيلها هي بحاجة إلى دعائك
ام محمد بهدوء : جمانة قومي انتي وخلود روحوا فوق بعيد عن المعزين
جمانة: ان شاء الله جدتي.. خلود امشي معي فوق
خلود وهي تبكي: طيب
راحت خلود هي وجمانة ولحقتهم ميعاد عشان تهديهم وبعد فتره جت عندهم ام محمد
ام محمد: خلود ا ذكري الله قدر الله وما شاء فعل
خلود بكل انفعال: يعني خلاص ما عاد اشوف امي .. ما عاد اشوف اغلى انسانة عندي...
مين يجلس معي ويسولف معي بعد امي . مين أفضفض له إذا كنت متضايقة يا جدتي أمي كل شيء بحياتي. أبوي يروح الدوام وما أجلس معه كثر ما أجلس مع أمي .. حتى أخوي خالد أول كنت كل الوقت عنده ولكن بعد ما سافر مالي إلا الله ثم أمي .. يماااه أحبك يا يماااه ليش تخليني
يمه والله صعب فراقك .. مالي غيرك بعد الله .. .
بكت بصوت عااااالي مرة ودموعها ملئت وجهها .. لدرجة البنات كلهم صاروا يبكون بشكل مؤثر .. حتى أم محمد بكت مع خلود وهي جاية علشان تهديها....
ها قد ماتت أم خالد ماتت وتركت حمل وهم وثقل على ابنتها خلود.. بعد ما توفت ام خالد قرر ابا خالد ان يسكن عند أمه أم محمد كي يخفف الحزن عن ابنته خلود الغالية وتنسى أمر وفاة أمها مع انه من الصعب جداً أن تنسى الفتاة أمها نعم امها .. امها التي كانت تقضي كل الوقت مع ابنتها تضحك معها وتتحدث معها كانت ولا زالت كل شي في حياة خلود...
%%%%%%%%%%%%%%%%%%%%%%%%%%%
فهد : وين خالد؟
سلطان: ما ادري يمكن بالحديقة هو يحب يجلس فيها
فهد: طيب امش نروح له.
سلطان: يلا.
راحوا عند خالد اللي كان جالس بالحديقة ومسند ظهره على شجرة وضام رجوله وهو يبكي
فهد: سلطان تشوف اللي أشوفه
سلطان: ايه مسكين خالد والله صدمة مو بسيطة.
فهد: آآآآآآه الله يلهمه الصبر والسلوان
سلطان: بار بأمه والله ,,, كان متعلق فيها أكثر من ابوه ... الله يصبره
فهد: ............
سلطان: فهد.. حتى انت تبكي؟
فهد مسح دموعة بسرعة : هاااه لا ما ابكي بس تأثرت شوي.. امش نروح لخالد نهديه .. هذا صديقنا والصديق وقت الضيق
سلطان: صدقت يلا مشينا.
وراحوا عند خالد
فهد: خالد
خالد رفع رأسه بك انكسار ويا ليته ما رفع راسه كان وجه احمر مرررة والدموع مليانة بعيونه
والابتسامة المعهودة منه اختفت : نعم
فهد وسلطان بكل استغراب : خااااالد !
فهد: اذكر ربك يا رجل.. هذا قضى الله وقدره
خالد: ونعم بالله .. فهد .. سلطان.
فهد وسلطان: آمر
خالد: اليوم لازم اسافر وارجع للبلد علشان اشوف امي قبل الدفن.
سلطان: ان شاء الله نرجع كلنا معك
خالد: بس
فهد: لا تقول بس ولا شي حنا أصدقائك ولازم نوقف معك إذا ما وقفنا معك الحين اجل متى نوقف معك
خالد: وحمد؟
فهد: ان شاء الله إذا هدت الأحوال نرجع وندوّر عليه
%%%%%%%%%%%%%%%%%%%%%%%%%
بعد 3 أشهر
بدأت تهدأ أحوال الأهل وأبو خالد سكن عند امه أم محمد ولازال ابطالنا الثلاثة في البلد
سلطان: الو هلا فهد
فهد: اهلين شخبارك .. شلون خالد؟
سلطان : والله الحمد لله وابشرك خالد صحته زينة وبدأ ياكل مثل أول.
فهد: ههههه ما شاء الله رجعت له الشهية
سلطان: ايه رجعت بالسلامة امس بالليل.
فهد: هههههه الحمد لله على سلامتها
سلطان: ههههااااي .. اقول فهد متى نرجع ندور على حمد
فهد: آآآآآه يا حمد رحت وتركت جرح عمييييق في صدري
سلطان: بلييييييز فهد جاوب لا تضيق صدري والله اللي فيني مكفيني يكفي ان خالد عندي وكل ليلة يبكي ويضيق صدري وصوت الحريم وهم يبكون واصل عندي
فهد: الى الحين يبكون ؟
سلطان لا الحمد لله من 3 اسابيع هدت الأحوال
فهد: زين
سلطان ما جاوبت علي
فهد: ايه .. وش رايك بكرا
سلطان: لا اليوم
فهد: اليوم ما يمدي
سلطان: إلا احجز الحين ما دام اننا الفجر وبالليل نسافر
فهد: لا لا ما يصير
سلطان: يوووه اجل متى؟
فهد : اقول خلها بكرا او بعدة او بعد يومين
سلطان : على امرك ... يلا مع السلامة
فهد: مع السلامة
%%%%%%%%%%%%%%%%%%
بعد يومين
سافر الشباب لتكملة البحث عن حمد بعد ما ودعوا اهلهم
طبعا قبل السفر واجهتهم صعوبات في الحجز وسافر فهد وخالد
اما سلطان جلس في السعوديه و بعد فتره لحق فيهم
واخيرا اجتمعوا الشباب لكن هالمرة اجتمعوا في المانيا وكلهم امل انهم يجدون حمد هناك
[ الشباب وهم يتمشون ]
فهد: شباب شوفوا هالمرة نبي نشد حيلنا مرة
سلطان : ان شاء الله
خالد : ايه هالمرة لازم ندووور بكل مكان
فهد : الله يعين ...
خالد : آآآمين
سلطان : يا خالد الله يهديك فلسنا من كثر ما نشتري لك اكل
فهد : شف كرشتك وين واصله ... خلاص يكفي
خالد :الله يهديكم ..
فهد يهمس لسلطان : لا تعطيه وجه اوكي
سلطان : حرام عليك
فهد : خله بتأدب شوي .. مو كل ما طلعنا نشتري له اكل
خالد وهو يمشي وراهم وما يقدر يتحرك بسرعة : جوعاااااااااااااان
فهد : فشلنا
فهد : كيفه لا تعطيه وجه ولا ترد عليه
سلطان : اخاف يزعل
فهد : ما لقيت الا خالد يزعل ههههههه لا ما يزعل ابد
خالد : تكفون وقفوا انا معي فلوس لا تخافون انا ادفع
سلطان وفهد : ........... [ مطنشين ]
وبعد فترة .......
سلطان : ما لاحظت شي
فهد : لا
سلطان : خالد اسكت
فهد التفت : لا اختفى
سلطان : احللللف وين راح ؟
فهد : ما ادري .... يمكن جالس هناك بالكراسي اللي مرينا من عندها
سلطان : امش نشوف
وراحوا لمكان الكراسي ولا شافوا احد
سلطان: اتصل عليه ... اتصل عليه لا يبعد
فهد : اوكي ...
واتصلوا عليه وللاسف الجوال مقفل ...
فهد : أفففففففف
سلطان : وش فيك
فهد : الجوال مقفّل
سلطان : مشكله وين اختفى
فهد : انت رح من ذا الاتجاه وانا من هناك .. ونكون على اتصال اوكي؟
سلطان : ان شاء الله يلا باي ...
وراحوا يبحثون عنه في كل مكان وللاسف النتيجه هي [ اختفى خالد ]

وين خالد ؟؟ وين راح ؟؟ تتوقعون بخير ولا لا ؟؟؟
وحمد !!! متى الثلاثي يلقونه ؟؟ وتتوقعون يصادفونه عند بحثهم لخالد !!؟

كل هذا واكثر في الجزء الرابع من
رواية , [ ثلاثيـ يبحثـ عنـ رابعـ ]
للكاتبة المسلمة المسالمة

[المسلمةالمسالمة]

مشوق

و ننتظر البقية

و ما سيحصل حيناً

منورة اختي حرووف
:و1:

لا عدمناك

[ڜوربـۃ عسڷ♥]

مسلمة قلبوووووووووو
والله حماس يالله كملي مررررررررة تحمسنا

[أسِيفْ]

أسلوبْ مشّوقْ بِ الفعلْ ..

استمريْ ..

مُتآبِعَة لِ الأحَدآثْ ^^

[المسلمةالمسالمة]

&& الجـــــزء الرابعـ &&

مــــن !!

رواية , [ ثلاثيـ يبحثـ عنـ رابعـ ]




##################################


وراحوا يبحثون عنه في كل مكان وللاسف النتيجه هي [ اختفى خالد ]
%%%%%%%%%%%%%%%%%%%%%%%%%%
نروح لعند خالد ...
خالد جالس ومبسوط وياكل ... في مطعم كبير
ولما خلص من الاكل قام من مكانه ...
خالد : الحمدلله لك يارب ..... تلقاهم الحين يدورونك ياخالد .. احسن علشان يعرفون وشلون يطنشون المرة الثانية ....
ولما طلع من المطعم........
خالد : يووووه وين الفندق الحين .. والله وابتلشت يا خالد ... وين اروح الحين يمين ولا يسار ؟ والله مشكلة ..... بروح يسار وان شاء الله الطريق صحيح..
%%%%%%%%%%%%%%%%%%%%%%
فهد : هاه سلطان لقيته ؟
سلطان : لا ....
فهد : امممممم هو وش يحب اماكن؟
سلطان : المطاعم طبعا
فهد : ايه يحب هذا المطعم الكبير ...
سلطان : صح ... يلا امش نروح هناك
وراحوا وللاسف ما لقوه وسألوا عنه وقالوا له انه كان موجود وطلع ......
فهد : والحين وش نسوي ...
سلطان : والله مشكله حنا جايين علشان ندور حمد ولا ندور خالد ...
فهد : حتى جواله مقفول ...
%%%%%%%%%%%%%%%%%%%%%
خالد : اففففف جاء الليل وانا ادور في هالشوارع اقول بس بروح بهالحديقة وانسدح وارتاح وان شاء الله اذا ارتحت سألت عن الفندق .... بس المشكلة ما اعرف اسم الفندق .
وفعلا راح الحديقة وانسدح قدام الناس والعالم على كرسي وناااام وكأن الامر مو هامه ....
%%%%%%%%%%%%%%%%%%%%
سلطان : اففففف وين اختفى هذا
فهد : يمكن راح الفندق
سلطان : يمكن ... لحظه باتصل على الفندق
واتصل على الفندق ولا احد رد يعني ما فيه احد بالفندق ....
فهد : يوووووووه امش نجلس في هالحديقة نرتاح
سلطان : كنت بقول لك قبل شوي ... يلا مشينا
وراحوا ارتاحوا بنفس الحديقة اللي نايم فيها خالد ...
فهد : شف هالرجل المسكين نايم في وسط الناس
سلطان : يمكن فقير ...
فهد : يمكن ...
سلطان : اقول فهد .... لايكون خالد
فهد : اييييييييييش ..
سلطان : شف نفس جسمه سمين .. وكرشته واصله السماء
فهد : ايه والله خالد .... حسبي الله عليك يا خالد مقلقنا واخر شي نايم ...
سلطان : امش امش الحين اوريك وش اسوي له ..
واخذوا قارورة مويه كبيرة ورشقوها على خالد ...
خالد : آآآآآآآآآآه آآه آآه ........ وشوووو وشوو لا انا ما مو انا .... نعم
سلطان وفهد : ههههههههههههههههههههآآآآآآي
خالد : انتم ... خير ليش هبلتوني؟
سلطان : وينك انت دورناك بكل مكان ...
فهد : شغلت البال .. واخر شي نايم ..
خالد : علشان تتأدبون مرة ثانيه تطنشوني
فهد :ههههههههههههههه يلا قم قم نرجع الفندق
خالد : يلا
ورجعوا الفندق وناموا بعد عناء البحث عن خالد ..
%%%%%%%%%%%%%%%%%%
في بيت الجد والجدة ..
ابو محمد : شوفي ام محمد ... ابو فهد يبي يسكن معنا ان شاء الله ويأجر بيته ..
ام محمد : ما شاء الله .... الله يحييهم
ميعاد : الله ونااااسة .... البيت كبير وفيه غرف فاضيه كثير
خلود : فلّــه .... تبي تجي ريما وجمانة
ام محمد : حتى امهم بعد ان شاء الله اذا جت توسع صدرها وتغير جو ...
%%%%%%%%%%%%%%%%%%%%%%
بعد اسبوعين
سكن ابو فهد عند امه ... واكتملت العائلة كلها في البيت الكبير
عند البنات ...
طبعا البنات فالينها على آخر درجة وكل يوم سهر وسوالف ... كانوا جالسين الصبح في الغرفة
وفجأة سمعوا صوت غريب ...
خلود : بنات اسكتوا .... تسمعون اللي اسمع ؟
ريما : وشوو؟
جمانة : يمااااااااااه شوفوا يد على الشباك
خلود وريما : آآآآآآآآآآآآآآآآآآآآآآآآآآآآآآآآآآآآآآآآآهـ
طبعا ميعاد قالت لهم امشوا ننام وهم رفضوا وعصبت عليهم وقررت انها تخوفهم وتعلمهم درس .. وراحت برى البيت وصارت تطق الشباك ..
طبعا خلود وريما وجمانه جالسين آآآخر الغرفة فوق بعض من الحوف ..
فتحت ميعاد الشباك وكانت متنكره بشكل يخوف وصارت تصرخ بصوت غريب : نـااااااااااااااااااااااااااامواااااااااااا ازعجتووووووونااااااااااا
خلود وريما وجمانه : آآآآآآآآآآآآآآآآآآآآآآآآآآآآآهــ
وما تشوف الا غبارهم ... ركضوا وفتحوا الباب وطلعوا فوق وهم يركضون وراحوا للغرفة وكل وحدة على فراشها
طبعا ميعاد دخلت بعد ما فطست ضحك على اشكالهم وراحت تنام .... وتركت البنات بنتفضون من الخوف ..
خلود : يمه بنات والله اني خايفة
ريما : تتوقعون بيت جدتي فيه جن باسم الله
جمانه وخلود : آآآآآآآآآآهـ
ريما : وجع وليش الصراخ
جمانة : لا تقولين ... بنات مقدر اتحمل بروح اقول لجدتي
خلود : وييييين تبين جدتي تذبحك اقول اركدي واجلسي بس
ريما : طيب وش نسوي .. ما اقدر انام
خلود : لحظه ........
جمانة : انتي مين تكلمين
خلود : اخوي خالد
ريما : الحمد لله وش رح يسوي لك
%%%%%%%%%%%%%%%%%%%%
خالد وفهد وسلطان جالسين ياكلون ..
خالد ماسك بيده اليمنى بروست واليد اليسرى ببسي
ورن جواله
وطبعا رد بالسبيكر لانه ما عنده وقت يضيع فيه الاكل
خلود: الوووو خالد ؟
خالد وفمه مليان اكل : هلا
خلود : الحقنا
خالد غص : وش فيك ؟؟؟
خلود : كنا جالسين انا وبنات عمي بالمجلس وفجاة شفنا يد على الشباك وانفتح الشباك وطلع واحد غريب يقول ناموا ازعجتونا
خالد : طيب ناموا ... ليش تزعجونهم
خلود : خااااااااالد بلا استهبال والله اتكلم من جد
خالد : من جد ولا من عم
خلود : خااالد بلا سخافة قولي وش اسوي الحين قسم اني اتكلم معك وانا شوي وابكي
خالد : ان شاء الله الحين اجيك
خلود : افففففففف خاااااااااااااااااااااالد
خالد : الحمدلله والشكر طيب وش اسوي لك يعني ... وشوله تتصلين علي
خلود وهي معصبه وتصارخ : الشرهه مو عليك الشرهه على اللي يكلمك والله شكلك مو فاضي جالس تاكل جعلك تغص يااااااااااارب
خالد : وجع لا تدعين علي انا اخوك
خلود : مااااالت عليك
فهد : لا تخافون اكيد هذي ميعاد تستهبل معكم عمتي واعرفها
خلود : مين ؟ فهد ؟
فهد : ايه
خلود : بس عمتي نايمه
فهد : اذا صار بكرا اسأليها وتشوفين انها ميعاد ...
خالد : ايه ميعاد
خلود : ما شاء الله عليك ... اخيرا نطقت حظرتك .. يلا سلام ومشكورين
خالد وهو مو مهتم : مع السلامة .......... وكمل اكله
[ طبعا ميعاد تركتهم في حيرتهم ومن بكرا قالت لهم ولو انها مو عمتهم كان ذبحوها ]
%%%%%%%%%%%%%%%%%%%%%%%%%%

يتبع :==D:

[المسلمةالمسالمة]

&& تآآآبع الجـــــزء الرابعـ &&

مــــن !!

رواية , [ ثلاثيـ يبحثـ عنـ رابعـ ]


بعد يومين
ما زالوا الشباب يبحثون عن حمد في كل مكان ما خلوا مكان في المانيا الا راحوا له
خالد : وينك يااا حمد وينك وينك
فهد : ................ [ سكوت وحزن ]
سلطان وبهدوء: اذكروا الله يا شباب لا تفقدون الامل ان شاء الله بإذن الله ما نرجع الا وحمد معنا
خالد : آآآآآآآه .... ان شاء الله
فهد بحزن : يلا نرجع الفندق أحس اني تعبان من الظهر وحنا ندور بالشوارع
سلطان : ايه والله حتى انا تعبت ....
خالد : اسبقوني انتم انا جوعان بروح اشتري لي شي آكله واجي
سلطان : وانا بروح اصرف لي فلوس واجي
[اجتمعوا كلهم في الفندق]
وفجـــــــأة رن الجرس !!!
سلطان : مين اللي جاء غريبة ..
فهد : يمكن خالد طلب له اكل
سلطان : قبل شوي ماكل وجبة كاملة ما شاء الله
سلطان : وين خالد طيب ؟
فهد : بدورة المياه ..
سلطان: طيب بروح افتح انا امري لله
راح سلطان وفتح الباب وفـجــــــــأة !!!!!!!!!!
لقى عصابة دخلوا بسرعة وسكروا الباب وهددوا ابطالنا الثلاثه بالسلاح
رئيس العصابة : عطوني كل شي معكم >>> بالالماني طبعا
سلطان: وش تبون انتم ..؟
طلع معهم واحد يعرف يتكلم عربي : اهااا انتم عرب ؟
فهد : ايه عرب ... وش تبي منا ؟
العربي : لا تتحركون والا بقتلكم ..... وأشر عليه بالسلاح
سلطان : ممكن افهم من انتم ووش تبون ؟؟
العربي : رئيس عصابتنا شافك انت قبل شوي صرفت فلوس .. بسرعة الحين وقدامي رح جب الفلوس
سلطان : مستحيل
قرب السلاح على سلطان اكثر : يعني تبي تموت
سلطان ضرب العربي مع رجله وطاح ....
رئيس العصابه مسك سلطان وضربه بكل قوته
وفهد منصدم وما يدري وش يسوي
خالد طلع من دورة المياه : وش فيكم يالربع
ويوم شاف العصابه والسلاح وشاف سلطان طايح بالارض : هيييي وش هذا من انتم ووش تبون .
العربي : وتضربني هااااه ... شف تعطيني الفلوس الحين ولا بقتلك
خالد : وين تقتله وانا موجود .... على كيفك انت
العربي : انا ما اتكلم مع هالاشكال
قرب خالد من العربي وعطاه كف على وجهه : وش قلت
العربي ضرب خالد ..... وبدت الهوشه ضربه من هنا وضربه من هناك ...
الين طاح خالد وخشمه يطلع منه دم...
فهد : خاااااالد فيك شي ؟؟؟
خالد : لا لا اطمئن ... ولا تسمح لهذا النذل يآخذ منكم أي شي ...
سلطان دف العربي للباب يبي يطردة : يلا برى برى
فهد راح بسرعة يتصل على الرسبشن علشان يساعدونهم
قرب واحد من العصابه وفصل التلفون واخذ التلفون ورماه على راس فهد ..
فهد تنرفز واخذ طاوله يبي يرميها على الرجل
لكن جاء رئيس العصابه ومسك الطاوله ورماها على رجل فهد ... وطاح فهد
فهد : آآآآآآآآآه
خالد قام مرة ثانيه .. وتهاوش مع رئيس العصابة
وسلطان والعربي في جدال حاد ...
العربي : تعطيني الفلوس ولا لا؟
سلطان : ..................
العربي : جاااااااااوب على السؤال
سلطان : لا قلت لك لا انت ما تفهم ....
رئيس العصابة همس بأذان كل واحد منهم ... وبدئوا ينفذون الأوامر
طلّع واحد منهم حبال طويلة... واعطى كل واحد حبل ..
وربطوا يدين ورجلين الثلاثي وبصعوبة .....
خلصوا من فهد بسرعة لان رجله توجعه و خلصوا من سلطان ... لكن خالد يتهاوش ويضرب اللي يبي يربطه ... وجت العصابة كلها وهجوم على خالد وربطوه ....
وبعد الربط تفرقوا في الشقه ودوروا الفلوس .. واخيرا لقوها ... اخذوها وطلعوا .....
%%%%%%%%%%%%%%%%%%%%%%%%
[ بعد ما طلعوا العصابة ]
سلطان وفهد وخالد مربوطين سلطان بدأ يتحرك شوي شوي وهو مربوط الى ان وصل الى سكين مرمية في الارض .. اخذها برجله .. ومسكها بفمه وبدأ يقطع الحبل اللي في رجله .... وبصعوبه وبعد 10 دقائق قدر يفك الحبل .. وبدأ يفك يدينه بصعوبه جدا
واخيرا تحرر ... وحرر أصدقائه ...
فهد : مشكووور يا سلطان
سلطان : العفو . سلامات وش فيك
فهد : رجلي ما اقدر احركها
خالد : رئيسهم كسر رجله الله يكسر راسه يارب
سلطان : حسبي الله عليهم ....
فهد : الله لا يوفقهم ولا يسعدهم
سلطان : المشكله كل فلوسي صرفتها .... وش اقول لابوي الحين
خالد : لا تقول له شي وش دخل ابوك
سلطان : وش وش دخل ابوي ... ابوي هو اللي مرسل لي الفلوس
فهد : عاد انت الله يهديك ليش تصرفها كلها ؟
سلطان : اآآآآآآآآآه والله مدري سبحان الله
خالد : لعلها خيرة لنا .. مكتوب . وحنا راضين باللي كاتبة لنا الله
فهد : ونعم بالله .... صح يمكن خيرة لنا ..
خالد : حنا لازم نعلم الشرطه المفروض ما نسكت كذا
سلطان : لا واللي يرحم والديك لا
فهد : ولييش ؟؟!!
سلطان : ما نبي مشاكل وبعدين حنا ما نتقن لغتهم
خالد : خايف يعني هاااه
فهد : خلاص ... مو لازم نعلم الشرطة
خالد : تستهبلون انتم وشو مو لازم ... الا لازم نعلم الشرطة هذا حقنا .
فهد : بليييز خالد حنا مو ناقصين مشاكل
خالد : أنا اروح بنفسي اعلم الشرطة
سلطان : يا خالد الله يهديك حنا ما جينا علشان المشاكل حنا جينا علشان ندور حمد
خالد : حمد عل عيني وراسي بس ما يمنع اننا ندافع عن حقنا وننتقم
فهد : يووووه يا خالد يا أخي قلنا لك خلاص يعني خلاص .. الله مغنينا والحمدلله
خالد بعصبيه : زين بكيفكم .. صدقوني انكم رح تندمون .
%%%%%%%%%%%%%%%%%%%%
[ بعد يوم ]
طلعوا الشباب من الفندق لان ما عندهم فلوس علشان يدفعون الايجار ... وجلسوا بالحديقة وحقائبهم معهم ... وبعد فتره قرب منهم واحد غريب اسمه بدر
بدر: السلام عليكم
الثلاثي : وعليكم السلام
سلطان : الاخ سعودي ؟
بدر : ايه نعم سعودي ... وش فيكم ليش جالسين هنا ... تبون اساعدكم
[ فهد قال له كل السالفه ]
بدر: طيب تقدرون تجون معي وتسكنون في بيتي
سلطان: لا شكرا شكرا.
بدر: لا تخاف أنا ما راح اضركم بشئ
وبعد حوار طويل قرروا الثلاثي انهم يسكنون مع بدر الرجل الطيب

الى متى يااا حمد ؟؟
طااال الانتظااار !!
تحمل الثلاثي المصاائب من اجلك ,,
فإلى متى
الى متى
الى متى !!

ترقبووووووووووا الجزء الخامس !!!

من رواية , [ ثلاثيـ يبحثـ عنـ رابعـ ]
للكاتبة المسلمة المسالمة

[المسلمةالمسالمة]

شكلكم ما تبون الجزء الخامس !!

وينكم ,, وش فيكم نايمين

وين تفاعلكم ؟!

[همسة وفاء]

بليييييييز كمليييييها مررره متحمسسسه

[المسلمةالمسالمة]

أوكي من عيووووني

[المسلمةالمسالمة]

&& الجـــــزء الخاآمسـ &&

مــــن !!

رواية , [ ثلاثيـ يبحثـ عنـ رابعـ ]




##################################


وبعد حوار طويل قرروا الثلاثي انهم يسكنون مع بدر الرجل الطيب
استقروا الشباب عند بدر وارتاحو له جداً لكنه يطلع وما يرجع إلا الساعة 12 ليلاً
وسلطان استغرب منه وشك في امره
سلطان : شباب
فهد: نعم
سلطان: اتوقع بدر يبي يراقبنا يعني تابع للعصابة
فهد: لا ما أعتقد فهد طيب ولا تظن فيه ظن سوء.
خالد: إن بعض الظن إثم.
سلطان: استغفرالله
خالد: انا اسأله إذا كنت تشاك في امره
وجاء بدر: السلام عليكم اهلين شباب وش اخباركم؟
فهد: الحمد لله
خالد: اقول عندي سؤال محيرني
بدر: تفضل أسأل
خالد: انت دائما تروح من المغرب وما ترجع إلا 12 بالليل وين تروح وش تسوي؟
بدر: ههههه من حقك تسأل والله شف أنا عندي صديق رجله مكسوره وحالته حاله
اروح عنده وأوسع صدره
سلطان: ليش هو ما يجي عندك؟
بدر: حاولت فيه بس رفض. تصدقون عاد يا شباب أنه ما يطلع من البيت أبد
فهد: طيب وش سالفته؟
بدر: هو مثلكم كذا وجيت ساعدته بعد ما لقيته طايح بالشارع ورجله مكسورة عالجته والحين رجله مجبورة ويقول انه إذا خفت رجله بيدبر نفسه
خالد: طيب ما عنده أهل؟
بدر: ما عمري سألته عن خصوصياته لأنه ما يحب احد يسأله عن خصوصياته
سلطان: طيب وش اسمه؟
بدر: أبو صالح.
فهد: لااااا وش أسمه الحقيقي؟
بدر: ما أعرفه كل ما سألته يقول أبو صالح أحس انه غامض قوة
خالد: طيب هو متزوج؟
بدر: ما أدري اتوقع ايه
فهد: اهاااا
بدر: وش فيك ؟
فهد: حسبته أخوي بس طلع متزوج هذا
بدر: اخوك؟؟؟.. ليش اخوك وينه؟؟
[ فهد قال له السالفة]
بدر: انا مستعد اساعدكم
خالد: الله يجزاك خير
سلطان : لو سمحت ممكن اشوف ابو صالح هذا
بدر: مثل ما قلت لك ما يحب احد يزوره غيري ولا يحب يطلع من البيت ابداً
خالد: طيب ما حاولت معه انه يطلع ويغير جو ؟
بدر: إلا يقول إذا تعافت رجلي
فهد : عالعموم الله يشفيه ويعافيه
بدر: آمين
%%%%%%%%%%%%%%%%%%%%%%%%
في بيت الجده
الجدة: خلود
خلود: هلا يا جدتي بغيتي شيء
الجدة : ايه اليوم جاء خطيب
خلود انقلب وجهها مثل الطماط: انا
الجدة: اجل مين
جمانة: ما شاء الله مبروك
الجدة: أي مبروك تو الناس
جمانة: ما يخالف مقدماً
ريما: عن أذنكم
الجدة: وش فيك
ريما: لا ولا شيء.................. وطلعت
خلود: جمانة.... وش فيها ريما؟
جمانة: ما أدري عنها
الجدة: يمكن غارت تبي أحد يخطبها هههههه
جمانة: الله يهديك يا جدة هي ما تواطن شي اسمه زواج
خلود: اجل وش فيها ؟
جمانة : بروح أشوف
الجدة : مري على امك قولي لها تنزل توسع صدري
جمانة : من عيوني
وجلست الجدة تتكم عن الخطيب اللي خطب خلود
وخلود منزلة راسها ومتفشلة
وبنفس الوقت حزينه لانها كانت تتمنى ان امها هي اللي تتكلم معها الحين.
وبعد ما خلصت راحت عند ريما
خلود: ريما وش فيك سلامات؟
ريما: سلامتك ما فيني شيء
جمانة: وين كنتي
خلود: اتكلم مع جدتي
ريما: عن أيش؟
خلود : عن الخطيب اللي جاء تقول إنه كامل والكامل الله سبحانه وش رايكم اوافق وإلا لا؟
ريما بسرعة والكل استغرب منها : لا
خلود بدهشة: ليييش؟
ريما: طيعي شوري ولا توافقين عليه
خلود: طيب ليش إيش السبب؟؟؟
ريما: الله يستر علينا وعليه
خلود ضاق صدرها وطلعت من الغرفة وراحت لجدتها وهي تبكي
جمانة: ريما انتي انجنيتي وش سويتي تبين تعنسين البنت ممكن افهم وش السبب؟؟؟
ريما: جمانة اطلعي ومالك شغل في هذا الموضوع
%%%%%%%%%%%%%%%%%%%%%%%%%%%%%
عند الجدة وخلود
خلود وهي تبكي : يا جدة هذا ثالث خطيب يجي وريما تسبه
الجدة: انا ابي افهم وش دخلها وشلون تعرفه
خلود: والله ما أدري يا جدة احس راسي بينفجر
الجدة: هدي أعصابك انا بروح أسألها لا تخافين
خلود: مشكورة يا جدتي
[ وراحت الجدة عند ريما]
ريما كانت ساكتة وتنرفزت الجدة
الجدة: تكلمي قولي شي ما أحللك لو ما تقولين الحقيقة
ريما: ماأدري وش أقول لك
الجدة: ليش فيه شئ خطير
ريما بكت
الجدة: وش فيك ؟!
ريما: حمد
الجدة: وش دخل حمد في موضوعنا؟
ريما: حمد قبل ما يسافر قال لي انه يبي يخطب أحد من أقاربنا وأنا مدحت له خلود وقال خلاص إذا جيت من السفر واخذت الشهادة ابي اخطبها
وقال لي خلود أمانة وما أسمح لأحد يأخذها غيري
الجدة: طيب يا بنتي هو الحين ما ندري وينه ؟
ريما بكت وبقوة: وش اسوي يا جدة أنا ابي خلود لحمد.
الجدة: والله أمر محير والحين وش اقول لخلود؟
ريما:لا تقولين لها وبالأخير ما نلقى حمد وتنصطدم
الجدة: وينك يا حمد وينك
[ طبعاً خلود كانت جالسة عند الباب وسمعت كل الحوار اللي دار بينهم وراحت غرفتها وغطت راسها بالمخدة وقعدت تبكي على حظها]
%%%%%%%%%%%%%%%%%%%%%%%%%%%%
عند الشباب
خالد: اقول شباب وش رايكم اتصل على ابوي يرسل لنا فلوس
سلطان: لا انا ارسل لي أبوي فلوس وان شاء الله تكفي
فهد: بس حنا نبي نأخذ لنا فندق
سلطان: يا ابن الحلال وش نبي بالفنادق وحنا قاعدين في بيت ببلاش
فهد: بس أحس ان بدر متضايق
سلطان: بدر طلب منا مانروح لأي مكان..
خالد: زين الله يجزاه خير.. طيب ياالله امشو نطلع ندور حمد
فهد: يالله مشينا.
ولما طلعوا قابلوا بدر
بدر: على وين ؟
خالد: ندور حمد
بدر: تبون مساعدة.
فهد: لا مشكور
سلطان: ما رحت لأبو صالح
بدر: إلا رحت له بس شكله تعبان
فهد: سلامات وش فيه
بدر: ما أدري ما يقدر يتحرك مرهق
سلطان: غريبة طيب ما راح للمستشفى
بدر: ما يبي يطلع من البيت نهائيا
خالد: طيب ليش؟
بدر: ما أدري
فهد: والله بديت اخاف من هذا الرجل
بدر: لا تخاف ابشرك انه رجل صالح ولله الحمد بس شكله خايف من العصابة لأنهم يدورون عليه
سلطان: وليش يدورون عليه
بدر: لأنه ضربهم وهددهم
خالد: وليش يغامر وهو مو قدها
بدر: يقول إذا خفت رجلي بأنتقم منهم
خالد: زين طيب الحين نستأذن بغيت شيء
بدر: لا سلامتكم
فهد: مع السلامة
[ وراحوا يبحثون كالعادة على حمد اللي إلى الآن ما يدرون عنه وهل هو حي أو ميت]
وهم بالطريق..............................
خالد: شباب عندي فكرة جهنمية
فهد: وش هالفكرة ؟
خالد: نروح لسكن حمد ونطلب منهم يدخلوننا ونفتش البيت يمكن نلقى شي يدلنا
سلطان: صح وشلون غابت عن بالي هالفكرة؟
فهد: بس حنا ما راح نروح هناك
سلطان: اجل وشلون
فهد: نوصي أحد من أصدقاءه
خالد: زين خلاص انا بأكلم صديقة
فهد: مين؟
خالد: عادل
سلطان : حلو يالله اتصل
خالد: آلو عادل
عادل: أهلين من معي
خالد : أنا ولد عم حمد
عادل: أيه يا هلا إلا وين حمد إلى الآن ما لقيتوه
خالد: لا والله إلى الآن ونبيك تساعدنا
عادل: أنا جاهز ويسعدني والله اني اساعدكم
خالد: أبيك تروح لسكنه وتفتشه وتعلمنا وش تشوف هناك
عادل: ابشر الحين اروح ... سكنه بجنب سكني
خالد: مشكور .. يا ليت تتصل علينا وتعلمنا وش يصير معك
عادل: اوكي
خالد: في امان الله
عادل : في امان الكريم
%%%%%%%%%%%%%%%%%%%%%%%%%%%%%
في بيت الجدة والجد
كلهم كانوا جالسين يتعشون
ابومحمد ( الجد ) : وين خلود؟
ابو خالد: مدري والله ... وينها يا ميعاد ؟
ميعاد: يمكن عند ام فهد
ريما: لا قبل شوي رحت لامي ولا شفت خلود
جمانه : بغرفتها
ابو خالد : ليش وش فيها ؟
ام محمد : يمكن تعبانه خلوها ترتاح
ريما : الحمد لله
ابو فهد : ما اكلتي شي يا بنتي كولي
ريما : لا الحمد لله شبعت
ابو خالد : هالبنات صايرات يتدلعن
ابو محمد: اكيد متفقات انهم ياكلون شي اخر الليل
[[ ريما راحت عند خلود ]]
ريما : خلود ... خلود
خلود كانت حاطه وجهها بالمخدة
ريما : خلود ادري انك مو نايمة وش فيك ... شوفي اذا انتي تبين الخطيب اللي جاء .. امممممممم ( وبكل حزن ) وافقي عليه بكيفك ....
ودمعت عيونها ...
خلود صارت تبكي ...
ريما : خلود
خلود : صحيح اللي سمعته اليوم ؟؟
ريما : ليش انتي كنتي تسمعين ؟
خلود : ايه
ريما نزلت راسها ....
خلود : ريما تكلمي ردي ؟؟
ريما : وانتي ما تبينه ؟؟
خلود : ................. ( سكوت )
ريما : خلود اذا ما تبين حمد .. تزوجي غيره ما اقدر أجبرك على شي ما تبينه
خلود : بس ياريما ...
ريما : عرفت ... انتي ما تدرين وينه صح؟ وخايفة تعنسين طول حياتك صح ؟
خلود: كيف تمنعوني من الزواج علشان واحد ما تدرون وينه او حتى هو حي او ميت .
ريما تأثرت مرة من كلام خلود وكأنه سهم جرح قلبها ودمعت عيونها وطلعت من الغرفة .
خلود انتبهت على نفسها . وبينها وبين نفسها : يا الله انا وش قلت .. مو قصدي اجرحك ياريما والله مو قصدي ...
وراحت لريما اللي كانت واقفه ومسنده راسها على الجدار وتبكي في غرفتها ..
خلود : ريما ؟
ريما : ............
خلود راحت لها وضمتها وهي تبكي : ريما والله ما كان قصدي اجرحك صدقيني ما كان قصدي
ريما بصوت مكسور : لا عادي حبيبتي لا تشغلين بالك
خلود: زعلتي ؟
ريما ابتسمت : لا
خلود : سامحيني بس كنت منفعله شوي
ريما : وانا بعد سامحيني واذا تبين الخطيب الجديد وافقي مسامحتك
خلود ابتسمت : مشكورة
ريما : آآآآآآآه يااا حمد وينك يا اخوي اشتقت لك .. اشتقت لضحكتك لسواليفك لمزحك اشتقت لك ... رحت وتركتنا في حيره وهم وغم ونكد ... يا ترى انت جوعان ولا شبعان ... سعيد ولا حزين .. حي ولا ميت..... ....... وبكت بأعلى صوتها
%%%%%%%%%%%%%%%%%%%%%%%%
عند الشــــــــباب
سلطان : تأخر عادل .. ليش ؟
رن جوال خالد
خالد : الووو اهلين عادل ... بشّر
عادل : ............





ماذا وجد عادل في سكن حمد !!
تتوقعون الثلاثي بيشوفون الرابع حي او ميت !!!
انتظرووووا الجزء السادس


من رواية , [ ثلاثيـ يبحثـ عنـ رابعـ ]
للكاتبة المسلمة المسالمة

[همسة وفاء]

البارت مرره قصصصير نبيي اطول <<<تتشرط بعد

جذبتني القصة ياريت تكمليها بأسرع وقت

[المسلمةالمسالمة]

&& الجـــــزء الساآدسـ &&

مــــن !!

رواية , [ ثلاثيـ يبحثـ عنـ رابعـ ]




##################################


عادل : هلا .. لقيت جوال فيه مكالمات لم يرد عليها كثييير مرة .. وطاولات مجدوعة وحوسه مرة باين ان احد دخل يفتش ..
خالد : اممممممممم وش بعد
عادل : بس .. هذا اللي لقيته والله.
خالد : طيب مشكور ما تقصر تعبناك
عادل : العفو
خالد : مع السلامة
فهد : هاااااااااه بشر
خالد : ما لقى الا جوال فيه اكثر من مكالمة
فهد : افففففففف
سلطان : ما لنا الا اننا نعلم الشرطة
خالد : صح لازم نعلم الشرطة
فهد : خلاص بعد اسبوع نعلم الشرطه
خالد : وليش بعد اسبوع
فهد : احسن
سلطان : يصير خير ان شاء الله
خالد : جوعاااااااااااااااااااااااان
فهد : انا كم مرة اقول لك اذا جينا نطلع خذ معك شي بجيبك
خالد : اخذت معي 4 ساندويتشات بس خلصتها كلها
سلطان : مااااااااااااا شاء الله تبارك الرحمن
%%%%%%%%%%%%%%%%%%%%%%%%%%
من بكرا
الجدة : خلود
خلود: سمي ياجدتي
الجدة: وش قررتي ؟ ... اليوم بتتصل ام اللي خطبك
ريما تناظر خلود وهي خايفة
الجدة: خلود أكلمك أنا
خلود: يا جدتي انا فكرت امس زيييين واستخرت أكثر من مرتين ..
الجدة : ايه وش قررتي
ريما على اعصابها ....
خلود: : قولي لهم اني مو موافقة
ريما صرخت باعلى صوتها وضمت خلود بكل قوتها
أم فهد وجمانه مستغربين..
والجدة مبتسمة ..
%%%%%%%%%%%%%%%%%%
عند الشباب
خالد : آآآآآآخ يا راسي .... اشتقت لك يا حمد وينك وينك تعبنا وحنا ندورك
فهد: يا ترى انت حي ولا ميت يا حمد ..
سلطان : ادعوا الله يا شباب
خالد : يارب تقر عيوننا بشوف حمد ياا كريم
فهد دمعت عيونه : وينك يا اخوي اشتقت لك شوق الأعمى لشوف الصبح ساعة
خالد ضاق صدره : فهد توكل على الله ان شاء الله نلقى حمد بصحة وسلامة
%%%%%%%%%%%%%%%%
عند أبو صالح وبدر
بدر : ابو صالح
ابو صالح : نعم
بدر : وش سالفتك أبي أفهم ليش أنت دايم صامت وغامض وحزين وما تبي تطلع ؟!
ابو صالح : أنا كم مرة قلت لك لا تتدخل بخصوصياتي
بدر: طيب ,, أنت الحين رجلك خفّت ليش ما تطلع وتشم هواء ؟
أبو صالح : قبل لا أطلع لا أغير شكلي .
بدر: طيب ليش ؟
ابو صالح : علشان العصابة ... نسيت انهم يبحثون عني علشان يقتلوني ؟
بدر: ايه صح . طيب وش تسوي بشكلك ؟
ابوصالح : قبل لا أغير شكلي .. الثلاثة اللي دايم تتكلم عنهم ما أبيهم يعرفون اني مغير شكلي أوكي ؟؟
بدر: ليش ؟
ابو صالح : اشك انهم تابع للعصابة
بدر: وش لون تابع للعصابة وهم من ضحاياهم ؟
ابو صالح : ولو .. لازم آخذ الحيطه والحذر
بدر : على راحتك ... طيب ما قلت لي وش تسوي بشكلك ؟
ابو صالح : ابي أحط شي في بشرتي بحيث يتغير لونها
بدر : عندي صبغه بالدولاب هذا .. بس فيها عيب
ابو صالح : وشو ؟
بدر : اذا مسحتها بمنديل فيه مويه تروح الصبغه
ابو صالح : ما عليه عاادي ... ثاني شي أبي أحط لحيه طويله
بدر: لحيه طويله من وين أجيب لك ؟
ابو صالح : هذي أهم شي
بدر: آآآآآه ماااشي ياا خوي أدبر لك لحيه ..... وش تبي بعد ؟
ابو صالح : قبعة كبيرة بحيث تغطي عيوني
بدر : البس نظارات شمسية أحسن
ابو صالح : ماشي نظارات شمسية مع قبعة ..
بدر : وشوله القبعة ,, خلاص النظارات تكفي
ابو صالح : ابي اغطي شعري
بدر: ياااااا الله ... انت معقد بزيادة ..
ابو صالح : طلعتي من البيت فيها حياة أو موت
بدر : يا ابو صالح انت ما قلت لي انك كنت ببريطانيا ؟ وش جاب العصابه هنا ؟ ابي افهم
ابو صالح : شافوني يوم اركب الطيارة والحمد لله لحقت على نفسي ... خلني اكمل وش ابي بعد
بدر: يووووه ما خلصت ؟؟ كمل كمل اسمعك
ابو صالح : آآآآخر شي وأهم شي لبس جديد ورسمي يغير شكلي 100%
بدر : ان شاء الله تامر امر .. عطني مهله يوم واجيب لك كل شي
ابو صالح : يوم !!!
بدر : ايه
ابو صالح : همم طيب . مشكور
بدر : العفو .... يلا عن اذنك
ابو صالح : اذنك معك ..
طبعا بدر علطول راح للسوق وشرى لابو صالح كل شي ... طلع من الظهر ومارجع الى بعد ما غربت الشمس .
فرح أبو صالح مرة وبدأ عملية التنكر ..
- صبغ بشرته للون الاسمر
- ولصق اللحيه الصناعية الي تعب بدر اليين لقاها
- لبس ملابسه الجديدة
- واخيرا لبس الكاب والنظارات الشمسية

بدر : وااااو تغيرت مرة
ابو صالح : هذا اللي أنا ابيه ..
بدر : ما ني مصدق انك ابو صالح .
ابو صالح : أوكي يلا امش نطلع الحين
بدر بفرح : يلا

وطلعوا يتمشون ......
ابو صالح : آآآآآآآآآآآآآه ياازين الهواء ونسماته ..
بدر: الحمد لله انك طلعت من البيت وغيرت جو .
ابو صالح : الحمد لله
بدر : ابو صالح .. وش اسمك ؟
ابو صالح بعصبية : بدر أنا كم مرة قلت لك اسمي ابو صالح غيره ما ابي اقول لك
بدر : طيب طيب خلاص آسف .. تبي الصراحة ؟؟
ابو صالح : همم
بدر: انت غااامض بقوه ..
ابو صالح : أنا ما كنت كذا .. لكن الزمن غير كل شي آآآآه لا تذكرني يا بدر
بدر: طيب ليش ما تقول لي يمكن أساعدك أبي افهم سالفتك ؟
ابو صالح : آسف ما اقدر اقولك ...
بدر بينه وبين نفسه : " الرجل هذا غريب كل يوم يزيد غموضه والله بديت أخاف منه .

$$$$$$$$$$$$$$$$$$$$$$$$$$$$$$$$$$$$$$$$$$

خالد : فهد
فهد : سم
خالد : والله اني خايف على حمد ...
سلطان : الله يحفظه
فهمد وبحزن شدييييد : ويرحمه اذا كان متوفي >> ودمعت عيونه
قرب منه خالد وضمه : لا ان شاء الله حي ... احساسي يقول كذا
سلطان : شباب ... شباب
خالد : وش فيك ؟
سلطان : شوفوا اللي مع بدر !
فهد مسح دموعه : وينه ..
خالد : أحس انه رجل أعمال خطير
سلطان : لا يكون هذا ابو صالح ؟؟!
فهد : يمكن ابو صالح ..
خالد : وش رايكم نروح لهم .
سلطان : لا لا ... شكله ما يبي أحد .
فهد : لا يمكن عندهم اسرار بكيفهم ...


$$$$$$$$$$$$$$$$$$$$$$$$$$$$$$$$$$$$$$$$$$$$$$

الجد: يعني الى الحين ما لقيتوه ..... والله أخاف رايحين تلعبون هناك ..... ايه الحمدلله..... شدوا حيلكم زييين ..... تحتاجون شي تبون شي اتصلوا علينا طيب ... يلا أجل فمان الله .
الجده : من كنت تكلم ؟
الجد : فهد
ابو فهد : ما فيه أخبار عن حمد .
الجد : لا
ابو فهد : والله يا يبه تعبت تعبت مرة .. وشلون ولدي يختفي كذا بسهوله .. افف
الجده : ما عليه يا وليدي لازم تصبر وعليك بالدعاء والاستغفار .
ابو فهد : ادعي يا يمه ان الله يرجع ولدي بالسلامه والله اني في هم وغم ما يدري عنه إلا الله
الجده: والله اني ادعي لك ياوليدي انت وزوجتك وبناتك وعيالك وخاااصه حمد .. الله يرجعه لنا سالم
ابو فهد : الله يخليك لنا ياارب ..
%%%%%%%%%%%%%%%%%%%%%%%%
في غرفه ام فهد ,,
ام فهد جالسه في سجادتها تدعي ربها وتستغفر كالعادة .
ام فهد والدموع ملت وجهها: استغفر الله استغفرك ياارب استغفرالله ,,, يارب ترجع لي وليدي يا أرحم الراحمين يا ارحم الراحمين يا ارحم الراحمين ............ وبكت وما قدرت تكمل دعائها
دخلت ريما على امها وبكت معها ..
ريما مسحت دموعها واخذت نفس : السلام عليكم يمه
ام فهد : احم هـلا يا بنيتي وعليكم السلام
ريما باست راس امها : الله يتقبل منا ومنك .
ام فهد مسحت دموعها : آآمين .
ريما عطت امها منديل : تدرين يمه
ام فهد : سمي
ريما : احس ان الشباب قريب ويلقون حمد
ام فهد : ياااارب ... ادعي له يا بنيتي
ريما : ان شاء الله يرجعون سالمين ومعهم حمد
$$$$$$$$$$$$$$$$$$$$$$$$$$$$$$$$$$$$$$$$$$$
بدر : أقول ابوصالح وش رايك نروح عند الشباب اللي كلمتك عنهم
ابو صالح بخوف : لااااااااا ما ابي اروح لهم
بدر باستغراب : على راحتك
ابو صالح : انا برجع للبيت وانت روح لهم
بدر : ان شاء الله
%%%%%%%%%%%%%%%%%%
فهد : اليوم كلمت السفاره
سلطان : ايه وش قالوا
فهد : للأسف ما فيه شي جديد
خالد : يووووووه الى متى الى متى .
فهد : يقولون نبي نشدد في البحث واعتمد علينا
سلطان : مستحيل نعتمد عليهم وبس لازم حنا بعد نبحث وندور .
خالد : ايه وحنا بعد نبي نشدد
فهد : الله يقوينا ويعيننا
بدر : السلام عليكم
الجميع : وعليكم السلام والرحمه
خالد : الا تعال يا بدر اليوم شفتك تمشي مع واحد من هو ؟؟
بدر : ايييه هذا ابو صالح
فهد : هذا ابو صالح !! ما شاء الله خفت رجله ؟
بدر : ايه الحمدلله
سلطان : الصراحه باين من شكله انه شخصيته قويه
بدر: ايه صح .... شكلكم تبون تنامون وازعجتكم ؟
خالد: لا عادي البيت بيتك
بدر: اخليكم ترتاحون .. مع السلامه
فهد : الله معك .
$$$$$$$$$$$$$$$$$$$$$$$$$$$$$$$$$$$$$$$$$$$$
الجده : ريما روحي نادي امك وحده بالتلفون تبغاها
ريما : حآآلاً
وجت ام فهد ...
ام فهد : الووو ... طيب دقيقه
وراحت لغرفتها ...
جمانه : جدة من تكلم امي ؟؟؟؟
الجدة : مدري وحدة غريبة
ميعاد : كللللللللللوووووووش .. شكلها وحده تخطبك
جمانه : لا لا
ريما : ههههههههه مع السلامه جمانه بتروحين مع زوجك
جمانه: خير ان شاء الله زوجتوني وانا جالسه
الجدة : الله يقلع بليسكم
جمانه بدلع : جدة شوفيهم
الجدة : ما عليك منهم اسفهيهم
ام فهد : وين جمانه
جمانه : ماتت :nope.:


وش تتوقعون ,, لييش ام فهد تبغى جمانه ؟؟!!!

صحييح احد خطبهاا ؟؟!!!

وحمد !!! تتوقعون ويييينه !!!!!

تتوقعون الثلاثي ينجح وبيلقووونه ؟؟!!


كل هذاا واكثثر في الجزء السسادس

من رواية , [ ثلاثيـ يبحثـ عنـ رابعـ ]
للكاتبة المسلمة المسالمة

[المسلمةالمسالمة]

أبشـــركم
باقي 3 اجزااء من الروايـــة ...

اهم شي تعجبكم النهاية :$

احبكم ...

[همسة وفاء]

آسسسفه حبيبتي على التأخيييير بس كنت مسااافره ولا قدرت أشبك والحين بالغصب أخوي عطاني الاب توب حقه اوبمعنى آخر سرقته وشبكت ....بسسرعة نبي جززززء جديد ...وأن شااااء الله في أقرب فرصه أسرق لاب توب أخوي وأشبك p;

متحمسسسه

[المسلمةالمسالمة]

آسسسفه حبيبتي على التأخيييير بس كنت مسااافره ولا قدرت أشبك والحين بالغصب أخوي عطاني الاب توب حقه اوبمعنى آخر سرقته وشبكت ....بسسرعة نبي جززززء جديد ...وأن شااااء الله في أقرب فرصه أسرق لاب توب أخوي وأشبك p;

متحمسسسه


اهلييين همووسه ..

عادي ياا عمري ..!

ان شااء الله يالغلا انزل الجزء الجديد ..

[المسلمةالمسالمة]

&& الجـــــزء الساآبعـ &&

مــــن !!

رواية , [ ثلاثيـ يبحثـ عنـ رابعـ ]




##################################


ام فهد : وين جمانه
جمانه : ماتت
ميعاد : بشري كم عمره ان شاء الله زين والنعم فيه
ام فهد : ميعااااااد وش دراك هااااه .... جالسه عند الباب تسمعين ؟؟؟
ميعاد : هههههآآي لا لا بس كذا توقعت ..
ام فهد : طيب جمانه تعالي .
جمانه قامت مع امها ووجهها احمررررر والبنات يستهترون فيها ..
خلود : وش فيكم
ريما : روحي كملي نومك بس
خلود : طيب ........... وراحت !!
ميعاد : ههههههههههه ما صدقت علطول راحت
ريما : ههههههههه كسوله
الجدة : حرام عليكم يمكن تعبانه .
%%%%%%%%%%%%%%%%
ام فهد : عاد انتي فكري زين وعطيني رد بكرا
جمانه : بكرا!!!
ام فهد : ايه
جمانه : طيب
$$$$$$$$$$$$$$$$$$$$$$$$$$$$$$$$$$$$$
بدر : أبو صالح ,,, ابو صالح
ابو صالح : ............. ( سكوت )
بدر بخوف : وش فيك ؟؟!!
ابو صالح : آآه تعبان شوي
بدر : طيب يلا امش المستشفى
ابو صالح : لا لا ما يحتاج
بدر : وشو ما يحتاج اخاف تزيد حالتك
ابو صالح : لا ان شاء الله أخف
بدر : طيب بروح اشتري لك مسكن
$$$$$$$$$$$$$$$$$$$$$$$$$$$$$$$$$$$$$$$
ومن بكرا
ام فهد : كلللللللللللللللللووش
جمانه : يمااااااااااه بليز اسكتي الحين تجي عمتي ميعاد وتزعجني
ام فهد : ميعااااااااااااااد ميعاااااااد
جمانه: يمه يمه والله يرحم والديك لا تقولين لها
ميعاد : هلا والله .. بغيتي شي
ام فهد : لا بس ابس اقولك .. ان .....
جمانه سدت فم امها : لا يمه لا تقولين
ميعاد : عرفت عرفت ...... كللللللللللللللووش . مبروك مبروك
جمانه : ................
ام فهد : الله يبارك فيك عقبالك
ميعاد : أنا ههههههههآآآي آآآآآآآآآآآآمين
ريما : يمه يمه تبغاك وحدة على التلفون
ميعاد : ياااااااا سلااااااام هذي ام زوجك هههههه
ام فهد ضربت ميعاد : خلاص عاد اتركوا بنتي
جمانه : يماااااااه لا تروحين عني ..
%%%%%%%%%%%%%%%%%%%%%%%%
بعد اسبوع ..
ميعاد : وين العروس
خلود : ما ادري غريبة صايرة تختفي هالايام
ريما : قبل شوي رحت لغرفتنا وما لقيتها
خلود : وانا رحت عند جدتي وما لقيتها
ميعاد : هع تخيلوا ضاعت ولا سببنا لها عقده نفسيه وهجّت برى البيت
ريما : بسم الله على اختي .
خلود : والله مو بعيده .. بعد تصرفاتنا معها ههههه طلعنا الشيب براسها
ريما : والله انكم تخوفون ..
ميعاد طمرت من مكانها : هبووووووا الى البحث .
وصاروا يبحثون في كل البيت واخيرا لقوها ..
لقوها في مكان غريب ... ( في السطح )
جالسه لحالها على الارض وتبكي بصوت عاالي ..
ريما راحت تركض وبسرعة لها ولحقوها ميعاد وخلود
ريما بخوف : جماااااانه جماانه وش فيك يا قلبي
خلود : ياااا عمري اذا كان عنا وعن استهبالاتنا والله مو من قصد بس نمزح معك والله لا تصدقين
ميعاد : جمانه بسم الله عليك ليش جالسه هنا وتبكين .. قولي بليييز لاتحرقين اعصابنا
جمانه رفعت راسها والدموع ملت وجهها البريء واخيرا نطقت : حمد حمد
ريما بانصدام : وش فييييييييييه !!!!!
جمانه : ريمااا يعني اخوي حبيب قلبي مارح يحظر زواجي ..
خلود : يااا قلبي ..... وبكت ...... ان شاء الله الشباب يلقونه
جمانه بكت باعلى صوتها : حمد يا بنات كان يقول لي اذا تزوجتي انا بدخل زوجك للقصر وانا اللي رح اوديك للسوق علشان تشترين كل شي وانا اللي بوقف معك انا وبس ..
ريما وميعاد وخلود بكوا معها ...
خلود ما قدرت تستحمل وراحت لغرفتها تبكي
ميعاد : جمانه لا تفقدين الامل اخوك باذن الله رح يرجع باذن الله
جمانه : هه يااما قلنا وقلنا لكن متى متى ,,, انتي تدرين وينه انتي تدرين انه حي ولا .. ولا ... وبكت
ريما : لاآآآآ ما مات حمد ما مات ,,, حمد حي حي ........ وبكت بحرررررررررقه
ميعاد : لا اله الا الله ,,, احم يا بنات تعوذوا من ابليس واذكروا الله
جمانه هدت شوي : اعوذ بالله من الشيطان الرجيم
وريما راحت تركض ودموعها تتطاير من وجهها ...
$$$$$$$$$$$$$$$$$$$$$$$$$$$$$$$$$$$$$$$$$$$$$
وبعد شهر .
قرب زواج جمانه ووليد .. والكل ينتظر حقل زفافها
فهد : الله يوفقكم يارب ... ان شاء الله نجيكم قريب
جمانه : ويجي معكم حمد ؟!
فهد بتوتر : ان شاء الله .
جمانه : والله اتمنى ان حمد يحظر زواجي مثل ما قالي .. تذكر يوم يقولي .. وصارت تبكي بقوة
فهد دمعت عيونه وبكى معها
وبعد فتره .........
فهد أخذ نفس ومسح دموعه : ايه اذكر ...
جمانه : ................
فهد : خلاص عاد تعوذي من الشيطان يا جمانه .. هدي بالك
جمانه بصعوبه : ممــع السسلامه ................ وسكرت السماعه
فهد انسدح على السرير وهو يبكي
خالد طلع من الحمام وهو يغني >>> رايق
خالد انصدم : فهد !!! وش فيك يا قلبي
فهد قام من السرير ومسح دموعه : آآآآه ... لا ما فيني شي
سلطان : هلا بالشباب ... فهد وش فيك
فهد : ابد كنت اكلم اختي جمانه قبل شوي وبكت وبكيت معها
سلطان : بكت على ايش ؟
فهد : تتمنى ان حمد يحظر زواجها
خالد : ايه آآآآآآه ...... متى زواجها ؟
خالد : بعد اسبوعين
سلطان : الله يوفقهم يارب
فهد : آآآمين ... يلا شباب امشوا نطلع ندور حمد
خالد وسلطان : يلا
%%%%%%%%%%%%%%%%%%%%%%%
ابو صالح : بدر
بدر : نعم
ابو صالح : أبي اطلع اغير جو
بدر : بس انت تعبان
ابو صالح قام بصعوبه : لا ان شاء الله اخف اذا شميت الهواء
بدر : طيب على راحتك
وطلعوا يتمشون .............
%%%%%%%%%%%%%%%%%%%
خالد : شباب وش رايكم نتفرق والله احسن .
فهد : فكره حلوه ..
سلطان : حلوو .
خالد : شوفوا أنا بروح مع هذا الشارع احس كلهم عرب وانتم امشوا مع بعض الييين توصلون اخر الشارع وبعدين تفرقوا أوكي ؟؟
فهد : ان شاء الله ..
سلطان : شف عاد دور زييين مو بس تناظر المطاعم فااهم
خالد : ولا يهمك .. طال عمرك ...
فهد : هههه الله يقويك
خالد : خلكم على اتصال ... يلا سلااااام
%%%%%%%%%
سلطان : ان شاء الله نلقى حمد اليوم على خطه خالد
فهد : ان شاء الله
سلطان : فهد ,,, فهد !!
فهد : وش فيك اسم الله عليك ؟؟
سلطان : شف هناك
فهد : من ؟
سلطان : مو بدر وابو صالح ؟
فهد : ايه .. ابو صالح طايح في الارض
سلطان : امش امش نساعد بدر
[ طبعا ابو صالح اغمى عليه وبدر يحاول يصحيه وفهد وسلطان جوا وساعدوا بدر وشالوه على بيتهم لانه اقرب ....
فهد : ابو صالح ,,, ابو صالح
سلطان : وش فيه
بدر : والله هو من زمااااان تعبان
فهد : ما راح للمستشفى
بدر: لا ما يبي
سلطان : غريبه
بدر: معليش بروح اجيب علاجه واجي
فهد : طيب لا تتأخر
بدر : ان شاء الله
سلطان : يووه حرارته مرتفعه
فهد : بروح اجيب منشفة ومويه علشان تخف الحراره
سلطان : بسرررعه
%%%%%%%%%%%%%%%%%%%%%


أبو صااااالح ...!! ماللذي جرى له ؟؟

هل سيكوون ع ما يرااام أم ..... ؟؟

ماذا سيحدث للثلاآآآثي ...؟!

>>> قمه الحمااااس في الجزء الثآآمن ,,,

انتظروووا الجزء الثامن ,,

من رواية [ ثلاثيــ يبحثــ عنــ رابعــ ..]
للكاتبة / المسلمة المسالمة

[المسلمةالمسالمة]

لم يتقبى الا جزـــئيـــن ,,,,!!

سوف أشتآاق اليـــكم ..

أحبكم :$

[المسلمةالمسالمة]

شكلكم ما بعد قريتوا شي >> اهئ اهئ

[zαησσв ~]

اوووو رواااية قمة في الروعة
بالبداية شكييت ان ابو صالح هو حمد بس تذكرت ان حمد هو توام فهد
و لو كان هو حمد فبدر بعرفه

[zαησσв ~]

و روااااااية روووعة
رواياتك قمة

[شموخ ابنيّـه]

رواايهـ قي قمة الإبداع و الروعهـ ،،

بليييز نبي النهاايهـ سعيدهـ ،،

تعبت وانا أصيح :(

حمد << انشاء الله يحصلونهـ ،،

جمـــانه<< انشاء الله يحضر حمد عرسهــآ ،،

خلود << انشاء الله تاخذ حمد ،،

و اترقب الأجزاء بفارغ الصبر ،،

[muslimaaaa]

ما شاء الله القصه رائعه

أنتظر التكمله sm.16.

[المسلمةالمسالمة]

اوووو رواااية قمة في الروعة
بالبداية شكييت ان ابو صالح هو حمد بس تذكرت ان حمد هو توام فهد
و لو كان هو حمد فبدر بعرفه

و روااااااية روووعة
رواياتك قمة

مرورك الاروع غاليتي

بيوضح لك كل شي ان شاء الله ..

رواايهـ قي قمة الإبداع و الروعهـ ،،

بليييز نبي النهاايهـ سعيدهـ ،،

تعبت وانا أصيح :(

حمد << انشاء الله يحصلونهـ ،،

جمـــانه<< انشاء الله يحضر حمد عرسهــآ ،،

خلود << انشاء الله تاخذ حمد ،،

و اترقب الأجزاء بفارغ الصبر ،،

ان شاء الله النهاية بتعجبك ..
متفااائلة قوووه ما شااء الله هههه
نشووف صح عليك ولا لا .!؟

ما شاء الله القصه رائعه

أنتظر التكمله sm.16.


ان شاء الله اكمل باسرع وقت

نورتوا كلكم الله لا يحرمني منكم

[şн5βσ6ά]

الروآيه كآوآيي @_@

تكفييين البارت اللي بعده اللي بعده..

اونيغآيشمآآآآآآس

[همسة وفاء]

ننتظرك على أحر من الجمر <<<بتتكفخ لووول

يالله كلميها ننتظر ...<<<أخوي واقف على رااسي والله مو عارفه اكتب شي ...

إن شاء الله لي عودة مع توقعاتي بعد مايطلع أخوي من الشقه وأسرق لاب توبه

رمضان كريم :)

[Invisible shadow]

الرواية مرا حلوة
بس بلييييز تكمليها بسرعة

[المسلمةالمسالمة]

آآآآآآآآآآآآآآآآآآآآسسسفة مررررة على التأخييير

الحييين الحيين اكملهاا بس دقااايق .

[المسلمةالمسالمة]

&& الجـــــزء الثاآمنـ &&

مــــن !!

رواية , [ ثلاثيـ يبحثـ عنـ رابعـ ]




##################################


خالد بينه وبين نفسه : " يووووه تعبت وانا ادوور في هالشوارع ,, خليني اكلم عليهم .. يووووه وش فيهم ما يردون لا حول ولا قوه الا بالله ,,,, لا يكون بس مقلب ثاني ,, اممممم وبعدين ,, بجلس هنا لين يتصلوا علي ويعلموني وين هم "
%%%%%%%%%%%%%%%%
سلطان : بسرعه يا فهد
فهد : يلا يلا جيت ...
اخذ المنشفه وعصرها وحطها على راس ابو صالح ...
سلطان : مسكين ابو صالح والله ..
فهد : تدري يا سلطان اني خفت عليه مثل خوفي على حمد
سلطان : يمكن حمد ههههههه
فهد : جااد انت وييين حمد .. حمد ابيض وماله لحيه بيضاء .
سلطان : امزح معك يارجال صاير تصدق كل شي... اقول غير المنشفه صاره حارّة
فهد : يووووه علطول احترت
ورفع المنشفه عن راس ابو صالح وشاف لون البشره تفتحت وتغيرت
فهد : سلطان وش هذا !!!
سلطان : امسح امسح كل وجهه
فهد : والله اني خايف
سلطان : يا ابن الحلال امسح وانت ساكت
فهد بخوف : طيب
ومسح باقي الوجه ويوم وصل عند اللحيه طاحت اللحيه وفصخ النظارات الشمسيه
فهد قام من مكانه باستغراب وقلبه ينبض بقوه وصار يتكلم مثل المجنون : سلطااااااان سلطااااااااان ههههههههه
سلطان بخوف : باسم الله عليك وش فييييك
فهد : هذا ......... هذا ..... هذا
سلطان كان جالس بعيد عن ابو صالح وفهد : هذا من ؟
فهد : تعال قرب وشف هذا هذا اااااا حمد ( وبصوت عالي ) هذاااااا اخوووووووووووووي
وصار يبكي مثل المجنون
سلطان جاء يررركض وقرب من ابو صالح : حمد !! حمد !! اخيرااااا ياحمد , ايه هذا حمد انا ما نسيته
فهد ضم حمد وصار يبكي : وييينك ياا حمد وينك اشتقت لك اشتقت لضحكتك اشتقت لخفه دمك وسعه صدرك ... ياااااا بعد قلبي انت .. اشتقت لك يااخوي اشتقت لكلمة اخوي الحمدلله ,,,,,, الحمد لله الحمدلله ............ وصار يبكي بشده...
سلطان جلس على الارض بكل تأثر وغطى وجهه وصار يبكي لاول مرة في حياته .
صحى ابو صالح واخيرا وفتح عيونه وهو يسمع اصوات بكاء وحس ان احد ضامه ويبكي .. بعّد فهد عنه وصار يناظر فهد ... وفهد يناظره ..
فهد بصوت واطي : انت حمد صح انت حمد اخوي بعد قلبي .
ابو صالح : ......................
فهد وهو يبكي بصوت عالي : رد تكلم انطق .. أنا ادري انك اخوي .. حمد تتذكرني أنا اخوووك أنا فهد .. حمد أأأ نت نسيتني ؟؟
دمعت عيون ابو صالح وقام من مكانه ....
وسلطان وفهد يناظرونه وينتظرونه يتكلم ...
قرّب ابة صالح من فهد وضمه بكل قوته وصار يبكي بصوت عااااااالي : أنا حمد ايه انا حمد يا فهد يا اخوي يا توأمي ويا عمري وقلبي .... اشتقت لك . وكنت متوقع انك بتجي وتدور علي ..
فهد وهو ضام اخوه : حمد ..... حمد . آآآآآآآآآآآآه ياحمد وينك يا اخوي ليش رحت عنا وتركتنا وتركت جرح عميييييييييق في قلوبنا .. امي ما تنام الليل .. وابوي كم مرة يرتفع عليه الضغط وجاه مرض السكر بعد مارحت وتركتنا .. حتى خواتي جفّت عيونهم من البكاء .. حتى جدي وجدتي وعماني وخوالي وعماتي وخالاتي .. حتى أنا وخالد وسلطان .. كلنا نبــيك ومشتاقييييين لك .
حمد وهو يبكي : بس .. بس واللي يرحم والديك يكفي ... حتى أنا مت من الهم والغم ما أنام الليل من كثر ما افكر فيكم ... اشتقت لكم مرررة
سلطان مسح دموعه واخذ نفس ومد يده لحمد واخيرا تكلم بعد سكووووت طويل مع البكاء : الحمد لله على سلامتك يا اخوي حمد ....
حمد مسح دموعه وسلم على سلطان وضمه : الله يسلمك يااا الطيب ويجزاك خير
دخل عليهم بدر : جبت الحبوب واخيرا لقيتها اووووف ..
وقف بدر بكل انصدام وشاف اشكالهم . احمد ضام سلطان وسلطان يبكي ! وفهد وجهه احمر ويبكي والدموع على وجهه مثل المطر ...
بدر باستغراب واضح على وجهه : سلامات وش فيكم
دخل خالد وهو معصب : تلعبون علي انتم وينكم ليش ما تردون على جوالاتكم هااااه ؟؟
التفت حمد .. وشاف خالد وتذكره وابتسم من بين الدموع
خالد بصوت عالي : حـــــــــــــــــــــــــــمـــــــــــــــــد !!!!!!
حمد ضرب على صدره : ايه حمد بشحمه ولحمه
خالد قرب منه وضمه : ويييييييينك يا حمد اشتقت لك .. الحمدلله على سلامتك .
حمد : حتى انا اشتقت لك .. الله يسلمك ,,,, آآآه
حمد مسك راسه ,,, مسكه فهد : وش فيك سلامات
حمد : تعبت شوي
فهد : اجلس اجلس وارتاح يا عمري
طبعا بدر ما زال واقف عند الباب وفي يده كيسه العلاج وعلامات التعجب واضحه على ملامحه
حمد التفت على بدر وابتسم : آآه ... بدر أنا حمد مو أبو صالح وهذا فهد اخوي وهذا خالد ولد عمي وهذا سلطان ولد عم ابوي .
بدر : ما شاء الله هذا اخوك .... ما فيه شبه كثير ... الى الان مو مستوعب
حمد : ايه ما فيه شبه وش نسوي ههههه .. اشكرك من الاعماق لانك تحملتني وسكنتني في بيتك ونعم الرجل والله
بدر : العفو ... ولو ما سويت الا الواجب
فهد: حتى حنا بعد نشكرك والله يجزاك خير ويسعدك يارب .. لولا الله ثم انت كان ما لقينا حمد اخوي ..
بدر: الحمدلله .. زين يا حمد .. لعبت علي وقلت اني ابو صالح هاااه . لو قال اسمه الحقيقي كان لقيتوه من زمان ..
الكل : ههههههههههههههه
فهد : حمد وش لون صحتك الحين ... خفيت ؟؟
حمد : الحمدلله خفيت شوي
فهد : بس لازم تروح للمستشفى .
حمد : آآه .. أنا ابي ارجع للبلد مليت من هنا ... هم وغم . يازين البلد بس . تجلس مع اهلك بأمن وأمان وراحه .. مو مثل هنا العصابة يلاحقوني بكل مكان
سلطان : ايه والله انك صادق
حمد : وش أخبار امي وخواتي وكل الأهل
فهد : طيبين والحمدلله ومشتاقين لك مرة
حمد : آآآه حتى انا بعد مشتاق لهم
بدر : عن اذنكم بروح اجيب دكتور يفحص حالتك
فهد: الله يجزاك خير
حمد : لا لا ما يحتاج
فهد : مارح تسافر معنا لين نطمئن على صحتك
خالد : صح لازم
بدر: فمان الله
$$$$$$$$$$$$$$$$$$$$$$$$$$$$$$$$$$$$$$$$$$$$$$$$

في بيت الجد والجدة !
ام فهد : استغفر الله .. استغفر الله .. استغفر الله
الجدة : السلام عليكم ...
ام فهد : وعليكم السلام
الجدة : ما شاء الله عليك اشوفك دايم تستغفرين
ام فهد : أي والله استغفر ربي علشان يرجّع لي وليدي حبيبي
الجدة : آآآآآه ..... الله يسمع منك .
ام فهد : آمين
الجدة : وش لونك اليوم؟
ام فهد : والله الحمدلله اليوم احسن شوي احس منشرح صدري وكأن وليدي قريب مني
الجدة :الحمدلله ... ما اتصل عليك اليوم فهد .
ام فهد : لا والله ما اتصل من يومين .
الجدة : ان شاء الله المانع خير
ام فهد : ان شاء الله
الجدة : الله يرجعه لنا سالم يارب ...
ام فهد دمعت عيونها : آآمين ياارب يا كريم يا قادر على كل شي يا فرد يا صمد يا حي يا قيوم ترجع لي ولدي حمد واخوه وسلطان وخالد .
الجدة : آآآآآآآمين
$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$
عند الشباب
بدر جاب الطبيب وكتب لحمد علاج وطمنهم انه بخير ...
جلسوا الشباب يسولفون ..
حمد : فهد وش اخر اخبار العائلة الكريمة ؟!
فهد : خلها بعدين شكلك تعبان
حمد : لا لا أنا مشتاق لسوالفك مرة
فهد : يا بعد قلبي حتى انا بعد مو مشتاق لسواليفك بس الا مشتاق لك كلك
خالد : الله الله .... ما اقدر اتحمل
فهد : كيفنا اخوان وما قلنا شي غلط
سلطان : ههههههههه ما الومهم .. حتى أنا بعد مشتاق لحمد
حمد: يا الله فهد يلا جاوب
فهد : امممم .. ايه نقلنا كلنا عند جدي وسكنا هناك
حمد : ما شاء الله ... وانت يا خالد وش اخر اخبارك ..
خالد: والله ما تغير شي ...
حمد : احس انك متزوج ههههه
خالد : لاااا تكفى لا تجيب طاري الزواج .. بعدين وش خلاك تقول كذا
حمد : مدري .... يمكن علشانك سامن
الكل : هههههههههههههههههه
حمد : طيب ما احد تزوج من العائلة ؟
فهد : لا بس جمانة ان شاء الله تتزوج
حمد : من جد !!!
خالد : الله يسعدها....
فهد : ايه ..
حمد : الله يبشرك بالخير .. كنت دايم اكلمها واقولها اذا تزوجتي بصير انا المسؤول عن كل شي ... الله يوفقها ياااارب ..
الكل : آمين
حمد : وانت يا سلطان ما عندك نية تتزوج قبل ما يطلع الشيب
سلطان : أفكر
فهد : الله يوفقك ويرزقك
خالد : خذ عمتي والله انها تصلح لك
الكل : ههههههههههههههه
فهد : اقول شباب .. بكرا ان شاء الله بروح احجز علشان نرجع للبلد
حمد : ايه الله يجزاك خير .. مشتااااااق لاهلي مرررة
فهد : والدراسة متى تكملها
حمد : انا!! خلاص خلصت من الجامعة والحمدلله
الكل : وشووووو!!
حمد : اييييه انا ما قلت لكم قصتي ... طبعا انا خلصت من الدراسة واخذت الشهادة
فهد : طيب كيف ؟؟ واصدقائك الى الحين يدرسون
حمد : هههههه انا اصدقائي شاطرين ما شاء الله عليهم ويبون يكملون دراستهم انا خلاص اكتفيت وما ابي اطول في بريطانيا العيش بالخارج وبعيد عن الاهل صعب
سلطان : ايه والله
خالد : طيب كمّل مع اني ما فهمت شي
حمد : ههههه ... المهم خلصت وطلبت من ابوي فلوس علشان اشتري هدايا لكم
سلطان : ليش طيب ما عندك فلوس؟
حمد : الا عندي بس طلبت زيادة
خالد : خلاص يكفي اسئلة .... يلا كمّل
حمد : صرفت الفلوس من البنك .... ولاّ اشوف 3 رجال يلاحقوني .. خفت وصرت اركض . وصادني واحد منهم واخذوا فلوسي واخذوني معهم وحطوني في مكان غريب وموحش .. وانا حاولت اهرب وهم شافوني وانا صرت اررركض وهم وراي .. اخيرا شفت حديقة ورميت نفسي فيها وتغبيت وهم راحوا اتجاه ثاني .. جلست طول الليل في هالمكان ونمت ولما قمت لقيت نفسي في شقة صغيرة وعندي بدر .. قلت لبدر السالفه باختصار وبدون تفاصيل وقلت له ان اسمي ابو صالح ... اكرمني بدر وساعدني وما قصّر . وبعد يومين سافرنا لالمانيا علشان بدر له بيتين هناك وما جاء هنا الا لشغل بسيط .. ولحسن الحظ طلعت العصابة تراقبني ولحقوني لحد المطار وما اكتشفت الا يوم جيت اركب الطيارة شفت واحد منهم يناظرني بستحقار وعيون توحش مرة .. المهم سافرت لالمانيا وسكنت ببيت بدر الاول ..
فهد : وحنا في بيته الثاني ^.^
خالد : بس هو يقول ان رجلك مكسورة !!
حمد : هي بصراحه كانت توجعني بس مو لدرجه الكسر ... بس كنت اقوله انها مكسورة علشان ما يشك فيني ويعذرني اني ما اطلع من البيت ..
فهد : طيب شهادتك وجوالك وملابسك وينها ؟
حمد : بالسكن اكيد ... مفتاح السكن الى الان معي .
خالد : طيب اتصلنا على عادل صديقك وقلنا له يدخل سكنك ودخل وشاف كل شي حوسه ؟!
حمد : حوسه ... طبعا هذي حياة العزوبية ههه ... ولا كنت عازم اصدقائي
خالد : ما شاء الله عليك
حمد : طيب انا لازم امر السكن واخذ اغراضي
سلطان : نروح انا وفهد نحجز لبريطانيا ومن هناك نرجع للسعودية
خالد : حلو
حمد : انتم ما قلتوا لي قصتكم
فهد : قال له كل القصه
حمد : ايه الحمدلله على كل حال . انتم ليش ما بلغتوا الشرطه
فهد : ناقصين مشاكل حنا ..
خالد : قلت لهم بس رفضوا
بعد 3 ايام سافروا لبريطانيا وحمد دخل السكن واخذ كل اغراضه وسلّم على اصدقائه ... وسلّم مفتاح السكن .. واخذوا جناح في فندق ..
وبعد ما ارتاحوا راحوا للسفارة وبلغوهم انهم لقوا حمد تأكدوا من حمد وسألوه بعض الاسئلة وحققوا معه و اخذوا معلومات عن العصابة وحولوه الى الشرطه للتحقيق الأدق وجلس عندهم ساعات ... ورجع البيت دايخ ونام ...
سلطان : عن اذنكم بروح احجز طيارة للسعودية
فهد : خذني معك
سلطان : لا أنت نم ,, ما ارتحت من يوم ما وصلنا .. انا على الاقل اخذت لي غفوة
فهد : اوكي ... الله يجزاك خير .. بس انتبه لنفسك
سطان : ان شاء الله .. فمان الله
فهد : فمان الكريم
راح سلطان وحجز طيارة الى السعودية ... وموعد السفر يوم الخميس الساعة 5 صباحا
فهد : انت وش قاعد تقول . وين يوم الخميس 5 الصبح
حمد : وش فيك يا فهد الله يهديك
فهد : اذا سافرنا يوم الخميس الساعة 5 الصبح احتمال نوصل . امممم تقريبا يوم الخميس 7 المغرب ويوم الخميس زواج اختنا لازم نرجع قبل
سلطان : عاد وش اسوي ما فيه الا هالموعد ..
حمد : افففف علينا حظ
خالد : قدر الله وما شاء فعل
حمد : ايه ان شاء الله يمدينا . نوصل ونحظر الزواج
فهد : ان شاء الله ... طيب خلصت الإجراءات ؟؟
سلطان : آآآخ ياااراسي ..... ايه خلصت من كل شي
الكل : الله يجزاك خير
فهد : الا وش لون بدر ؟
حمد : اتصلت عليه اليوم .. يسلم عليكم
فهد : ما يبي يسافر معنا ؟
حمد : يقول ا ن اهله يبون يجون عنده
فهد : اهااا حلو .
$$$$$$$$$$$$$$$$$$$$$$$$$$$$$$$$$$$$$$$$$
يوم الثلاثاء ...
حمد : فهد فهد
فهد : هلا
حمد : قلت لاهلي انك لقيتني ؟
فهد : هههههه لا
حمد : زين لا تقول خلها مفاجئة طيب
فهد : لا مو حلوة مفاجئة
حمد : الله يخليك.. نبيها مفاجئة
فهد : كيفك
خالد : شبااااااب اليوم انا عازمكم على عشاء لذيييذ في ارقى مطعم علشان حمد
خالد : يستاهل ..حمد كل خير..
سلطان : وعلشااااان ان الشرطة مسكوا العصابة
الكل : من جد !!!
سلطان : ايه
حمد : الله يبشرك بالخير
فهد : الحمدلله
خالد : الحمدلله..
سلطان : أيه والله الحمدلله...
فهد : وفلوسنا ..
خالد : يعني قلتوا للشرطه
حمد : ايه
خالد : متى ووين كنت انا ؟؟
حمد : يوم رحنا للسفارة حققوا معنا انا وفهد ساااااعاااات .... وانت كنت دايخ وتعبان من السفر
خالد : اهاااا ... اخيرا سمعتوا كلامي
سلطان : فلوسنا !!!!.....الله يعوضنا.............
ويوم غابت الشمس راحوا ابطالنا الثلاثي ومعهم الرابع لمطعم ......... اشهر مطاعم لندن . واخذوا لهم صور تذكارية وكانوا مبسوطين مرررة ...
%%%%%%%%%%%%%%%%%%%%

وــأخيييرآآآ وجدنآك يااا ــحمد ...!
متى ستعووود الى وطنك ..
وترآآ انآآسسسآآ تعبوــوا من أجلك ,,
هاآآهم بانتظآآآآرك ,, فلا تتأخر عليييهم ...!

جزءآآ وآحدآآ تبقى من رواية
[ ثلاثيــ يبحثــ عنــ رابعــ ..]
للكاتبة / المسلمة المسالمة

فانتظروووناا ,,

[شموخ ابنيّـه]

حلوووووو ،،

يالله كملـــي متشوقهـ للجزء الأخير ،،

بنتظارج ،،

[Invisible shadow]

وااااو وناسة لقو حمد

يلا يلا بسرعه بليز كملي

ما فيني اصبر^_^

[المسلمةالمسالمة]

حلوووووو ،،

يالله كملـــي متشوقهـ للجزء الأخير ،،

بنتظارج ،،

ان شاااآء اكمل يالغلا ,,

نورتي ...

وااااو وناسة لقو حمد

يلا يلا بسرعه بليز كملي

ما فيني اصبر^_^

ههههه اهليين

ابششري ..

نورتي ..

[Invisible shadow]

متى رح يكون الجزء الاخير
..؟؟؟

[المسلمةالمسالمة]

ان شااء الله ياا الغاليه ’’

دقايق واحط الجزء الأخييير ,,,

بششتاآق لكم كثيير ,,

[المسلمةالمسالمة]

&& الجـــــزء التآآآسعـ والأخييير &&

مــــن !!

رواية , [ ثلاثيـ يبحثـ عنـ رابعـ ]




##################################
يوم الخميس
سافر الشباب الساعة 5 صباحا ..
أما عن العروسة واهل العروسة فهم راحوا للقصر بعد صلاة العصر ووصلت المزينه وبدوا بالشغل .. هذي تستشور شعرها وهذي تسوي تسريحة وهذي لبست فستانها ..
اما العروس فهي لبست الفستان وبدأت المزينه الخاصة تصلح لها المكياج والتسريحة ..
كان شكلها كالملاك وفستانها متناسق وطالع حلو عليها ومكياجها رائع وتسريحتها شوية عليها كلمة خطييييرة ...
واخيرا خلص الجميع وبسم الله عليهم كل وحدة احلى من الثانية ؟؟
ام فهد : ما شاء الله عليك يا جمانه تجننين .... اقري على نفسك اخاف عليك من العين بسم الله عليك
جمانه : مشكوورة .. ايه قريت على نفسي ... بس
ام فهد : بس وشو !!!
جمانة : متى يوصل فهد ؟!
ام فهد : ان شاء الله يوصل المغرب .. ارسل لي رسالة اليوم الصبح
جمانه : وووو ..... وحمد !!
ام فهد بحزن شدييييد : الشكوى لله
جمانة : وينك يا حمد تشوفني وينك ......... وبكت
ام فهد : لا جمانة تكفين لا تبكين
خلود : جمانة خلاص يا قلبي هدي ان شاء الله يرجع ..
جمانة : ان شاء الله
ام فهد : خلاص يا جمانة يا قلبي ... خلود الله يعافيك روحي نادي المزينه تعدل مكياجها
$$$$$$$$$$$$$$$$$$$$$$$$$$$$$$$$$$$$$
الشباب وهم بالطيارة ...
حمد : تصدق يا فهد اني اخاف من ردة فعلهم اذا رجعت
فهد : توقع أي شي بيصير .
حمد : آآآآآه
فهد : من وشو خايف بالضبط ؟؟!!
حمد : اخاف يبكون ويهاوشوني ويقولون وينك
فهد : اكيد بيصير هذا الشي ... لانهم تعذبوا برحيلك
حمد : ياااا ربي متى نوصل بس
%%%%%%%%%%%%%%%%%%%%%
بعد المغرب الساعة 7 ونص
اخيرا وصلوا الشباب لارض الوطن
سلطان : الحمدلله على سلامتكم
الكل : الله يسلمك
فهد : الحمد لله على سلامتك يا خوي .... وضم اخوه
حمد بكى : آآآآآه يا زين الوطن بين الاهل والاخوان ...
خالد : تكفون لا تحولون الفرحه الى حزن ..
سلطان : تصدقون اني مبسوووط مرة لاننا رجعنا ورفعنا روس اهلنا رجعنا ومعنا حمد
حمد : الحمدلله
خالد : نورت السعودية
حمد : ههههه بوجودك ... واااااو احس اني بطير من الفرحة
فهد : راحت ربع ساعة وانتم هنا ... ترى يا الله يمدينا على زواج اختي
حمد : يلا يلا بسرعة
وراحوا بسرعة لبيت الجد
حمد : يوووه يا زييين بيت جدي وه بس
فهد : سلطان معك المفتاح
سلطان وهو بالسيارة ينزل الشنط : ايه ايه معي ... بس تعالوا شيلوا معي
ودخلوا البيت وبدلوا ملابسهم ... وعلى طول ركبوا سيارة فهد وراحوا للقصر

دخلوا القصر !!
الجد : هلا هلا حياكم الله ...
ابو فهد : يا هلا والله ومرحبا تفضلوا
الجد : ابو فهد ... شف الشباب دخلوا ما شاء الله
ابو فهد : ما شاء الله ..
ابو خالد : وينهم
الجد : هناك عند الباب ... ما كأن اللي معهم حمد
ابو فهد كان يشرب شاهي وشرق : كحوو كحوو .... وشو حمد وينه وينه !!!؟؟
فهد : حمد شف الطاولة هذيك هم جالسين هناك
حمد دمعت عيونه وراح يركض والاب يركض .... وضموا بعض وهم يبكون
ابو فهد : الحمدلله على سلامتك يا وليدي ... شخبارك وش علومك
حمد : الله يسلمك يا يبة ... ايه انا بخير والحمدلله
ومسح دموعه بسرعه وسلّم على الباقي سلااام حاااااااار
اخيرا قربوا الشباب وسلموا وهم يبكون على المشهد المؤثر
ابو خالد : الحمد لله على سلامتكم .. شخبارك يا خالد
خالد : هلا يبه الحمدلله تمام
الجد : الحمدلله على سلامتك يا حمد ولا يهنون الشباب
الكل : الله يسلمك
حمد : يبه ابي اسلّم على امي ( ودمعت عيونه ) وعلى العروس وعلى خالاتي وعماتي
ابو فهد : طيب تعال
وراح ابو فهد وحمد وفهد عند جمانة اللي كانت جالسة بالغرفة ...
دخل ابو فهد : معليش اسف على الازعاج
وليد : لا خذ راحتك
ابو فهد : جمانه .. فهد جاء ويبي يسلم عليك
جمانه ابتسمت : جاااااء!!
فهد دخل وسلام على وليد وبعدين جمانه
جمانه بصوت عالي ونست انها عند زوجها اللي مستحية منه مرة وما نطقت ولا كلمة معه : فهد يا قلبي اخيرا جيت .... انتظرك من زماان
فهد : شخبارك ؟؟
جمانة : الحمدلله
فهد : مبروك الله يوفقكم ياارب
جمانه : الله يبارك فيك
وليد وهو يضحك ويهمس لابو فهد : تدري ياخال من اليوم وانا ابيها تتكلم معي ولا نطقت بحرف ..... والحين هههههههه ما شاء الله
ابو فهد : ههههههه لا تلومها مستحية بس يوم شافت اخوها راح الحياء
جمانه بيأس : الى الان ما لقيتوا حمد !
فهد : آآآآآآآه يااا حمد
جمانه نزلت راسها بحزن شديييييد
دخل عليهم حمد : السلام عليكم
جمانة خافق ورجعت على وراء
حمد : ههههههه وش فيك انا حمد .. حمد اخوك رجعت والحمدلله
جمانة : حمد !!! ودمعت عيونها
حمد : ايه حمد .
جمانة وهي تبكي : وينك وينك يا اخوي ياحمد اشتقت لك
وليد تأثر يوم شاف دموع زوجته وبكى معها على هذا الموقف المؤثر
حتى فهد وابوه بكوا
جمانة: اشتقت لك يا اخوي مرة مااقدر انام ليلة بدون ما افكر فيك ... رحت وخليتنا في هم وغم ونكد ما يعلمه الا الله رحت وتركت جرح كبييير بقلوبنا .. بس الحمدلله رجعت لنا الحمدلله ما اقدر اوصف لك شعوري يا خوي ما اقدر ....
حمد متأثر مرة : حتى انا اشتقت لكم والله ودايم افكر فيكم ليل ونهار
وليد : الحمدلله على سلامتك ..
حمد : الله يسلمك
^^^^^^^^^^^^^^^^^^^^^^^^^^^
ريما كانت تطل من الباب وراحت تركض وهي تنزل من درج الزفه وتصارخ باعلى صوتها حتى الطقاقات وقفوا عن الطق وخافوا ان فيه شي ...
ريما تصارخ وهي تبكي: يمااااااه يمااااه
جت امها ومعها ميعاد والجدة
ام فهد : وش فيك يا قلبي هدي هدي
ريما تتكلم مثل المجنونه : يمه ح ح ح حمممد حمد
ميعاد والجدة وام فهد : وش فيه ؟؟
ريما وقفت علشان تاخذ نفس .... وكل الحظور يناظرونها وخايفين
ريما باعلى صوووت : حمد رجـــع حمد رجع يااايمه ... رجع اخوي رجع
الكل بكى وتأثر ....
اما ام فهد وميعاد والجدة راحوا يركضون بسرعه لغرفة جمانه ...
ولحقتهم ريما !
^^^^^^^^^^^^^^^^^^^^^^^
ابو فهد : يلا يا عيالي امشوا واتركوهم على راحتهم
فهد وحمد : يلا عن اذنكم ..
وطلعوا وسكروا الباب ... وهم بالطريق يبون يروحون لقسم الرجال صمعوا صرخة من ام فهد
ام فهد : حمــد !!
الكل التفت عليهم
حمد دمعت عيونه وهو يشوف امه تركض وتبكي : يماااااه
وضمت الام ولدها .... ضمت ولدها اللي تنتظره من زماان وكانت تسهر الليالي تدعي ربها يرجع لها ولدها .. ضمت ولدها وهي تبكي بحرقة والابن يبكي باعلى صوته ..
لا اعلم بماذا اسمي هذا البكاء ... بكاء شوق .. بكاء فرح ... بكاء الحب ...
موقف الام والابن اثر على فهد وابوه وبكوا لدرجه انهم لم يستطيعوا الوقوف بل جلسوا على الارض !!!!
ريما وميعاد والجدة قربوا منهم
ام فهد : الحمدلله على سلامتك يا وليدي
حمد وهو يمسح دموعه : الله يسلمك يا يمه
ابتعدت الام عن ابنها وسجدة سجدة شكر لله العظيم الحليم الكريم المجيب ..
ريما وهي تبكي بجنون وتسلم على اخوها وهي تضمه : ح ح ح حممممد الحمدلله على سلامتك يا اخوي
حمد : الله يسلمك يا بعد قلبي
ريما والدموع على وجهها تسيل : وش اخبارك يا حمد .. اشتقت لك ياا خوي
الحمد : الحمدلله بخير .
ميعاد والجده سلموا على حمد وراحوا بسرعة لانهم ما يتحملون الموقف المؤثر ..
ميعاد راحت لدورة المياه تبكي وعندها خلود وهي تبكي ... وبعد ما خلصوا عدلوا المكياج
فهد سلّم على امه بعد ما هدت من البكاء
وبعدها اجتمعو ليشاركو في فرحة جمانة...
بعدها راحت جمانة مع وليد للفندق بعد ما سلمت على اهلها .
نزلت ام فهد وريما وبدت فرحتهم تتجدد ..
وصاروا يسلفون ويرقصون ..... وكأن الحياة عادت لهم من جديد بعد رجوع اخوهم حمد
ريما : دقيقه بنات .
خلود : لا تتهربين تعالي ارقصي
ريما : شوي واجي ....... الو
حمد : هلا .. هاه هدت الاحوال
ريما : طاااااايرين من الفرحه
حمد : يمناسبة رجوعي ولا زواج جمانه
ريما : كلها .. فرحتنا فرحتين
حمد : الله يديم عليكم .. اقول ريما وش صار على خلود
ريما : وش فيها
حمد : تزوجت ؟
ريما : لا تنتظرك ههههه
حمد باستغراب : ليش انتي قلتي لها !!!
ريما : لا....أسمعتني ..
حمد : همم ... والله ما ينقال لك شي .. طيب يلا سلام
ريما : مع السلامة .... انتبه لنفسك زين
حمد : هههههه لا تخافين هنا امن وامان . مع السلامة
%%%%%%%%%%%%%%%%%
حمد: يبه
ابو فهد : سم
حمد : تذكر قبل ما اسافر وش قلت لك
ابو فهد : ما كثر ما تقول يا وليدي دايم تقول يبه ابيك بكلمة راس ...
حمد : هههههه سالفه الخطبة
ابو فهد : اييييه .... وش فيها ؟
حمد : وش رايك الحين نخطب
ابو فهد : الحين !!
حمد : ايه
ابو فهد : بكيفك !
%%%%%%%%%%%%%%%%%%
ريما : كلللللللووووووش
خلود : اصصص اسكتي لا تفضحينا
ريما : الف الف مبروك..
خلود بحياء : الله يبارك فيك ... طيب وش درا كانا موافقه ولا لا ؟
ريما : توافقين غصب عنك ..
خلود: هههههههههههه
ريما : بروح ابشر امي وجدتي
خلود : تعاااااالي خليها بعدين ......
ريما راحت وما عطت خلود فرصه تكلم
%%%%%%%%%%%%%%%%%%%%%%
الحمدلله انبسطوا في القصر وصارت الفرحه 3 فرحه زواج ريما ورجوع الغالي حمد والخطبة
وبعد ما تعشوا طبعا جلسوا بالقصر شوي ( فقط العائلة ) والحظور راحوا
وجلس فهد يقول للجميع قصته .... وبدأ الثلاثي يقول يقولون مواقفهم اللي صارت معهم
والحمدلله ......
عاد الثلاثي ومعهم الرابع ..... بفخر وانتصار
وعادت الفرحه في قلوب اللذين بكوا على فراق الرابع ( حمد )


احداث بعد 5 اشهر
تزوج حمد على خلود ( وسلطان على العمه ميعاد )
وخالد ما زال يبحث عن زوجه لان كل الناس ترفضه بسبب سمنته فقرر انه يسوي رجيم قاسي
وفهد توظف والحمدلله هو وحمد بنفس الشركه
وام فهد رجعت مثل ما كانت خفيفه دم والبسمة ما تفارق وجهها وتحسنت حالتها بعد رجوع ابنها حمد
وابو فهد كذلك .... تحسنت نفسيته وصار ما يبعد عن اولاده ودايم يسولف معهم ويشكي لهم
%%%%%%%%%%%%%%%%%%%%
النهاية

[شموخ ابنيّـه]

النهــــآيهـ ولا أجمل ،،

حبيييت القصهـ وااايد وصحت شويهـ دموع الفرح << خخخ ،،

بشتاق لج و للقصهـ واايد ،،

تسلميييين و مشكورهـ ع القصهـ المميزهـ ،،

[المسلمةالمسالمة]

النهــــآيهـ ولا أجمل ،،

حبيييت القصهـ وااايد وصحت شويهـ دموع الفرح << خخخ ،،

بشتاق لج و للقصهـ واايد ،،

تسلميييين و مشكورهـ ع القصهـ المميزهـ ،،


ياآآ هلآ وغلآ

اسعدني توآجدك ,,

العفووو يالغلاآ

[المسلمةالمسالمة]

وييينكم ؟

ولا ما عجبتكم الروآية ؟؟

[muslimaaaa]

لا و الله يا المسلمةالمسالمة القصه حلوه جدا" و النهايه عجبتنى جدا" sm.16.

[المسلمةالمسالمة]

لا و الله يا المسلمةالمسالمة القصه حلوه جدا" و النهايه عجبتنى جدا" sm.16.




يا هلا والله ,,

الله يحييك ويعطيك العافية ..

[المسلمةالمسالمة]

:sleep.:


؟؟؟؟؟

[Ẵ7ℓẩ ≈ Đợиίa]

يامجرمه !!















روايه خطيره تهبل تجنن تخققق تموت تعذب تدوخ تحمس !
ق1ق1ق1ق1ق1ق1ق1
لك التقييم والفايف ستارز !!!!!!!!!!11=$ ق1
الله يدخلك جنات النعييم مثل ماونستيني بهالروايه ! ق1
مرا اعجبتني ق1
وعلمت بنت خالتي وبنات عماتي عن الروايه وقلتلهم وتحمسووا ! ق1
مرااا ق1ق1
>سلمت يداك<
لك ودي ق1ق1
:$::$:
ق1ق1

[المسلمةالمسالمة]

ــأهلآ بك غاليتي / آحلى دنيآ ..
ــأششكرــك من الآعماق عــ اطراائك .. سعدت بتواجدكـ ,,
دووم ــهالوناسة يآرب ....

[saronah]

السلام عليكم ...

وآآآآو مآشاء الله تبارك الله ..
مرآ تجنن الروايه .. وأهنييييك على أناملك المبدعة بسم الله عليك ..
وما شاء الله عليك روايتك هذي وهذيك اللي قبل حاطتها بالمنتدى .. ما فيها كلام ولا كذا مو حلو ..
الله يجزاك خير .. ولا تحرميننآ ()+

[شموخ بنت]

واوو الجزء الاخير خفقة .~
يعطيك العافيه

[احـلى بـنتـ]

وش اخلي وش اقول ماشاءالله تباركـ الله
والله مررررررررررره مرررررررررره روووعهـ
انــا مـاكنتـ اهتـم بالرويـااتــ الا بعد ماقريت موووضعـك الجميل واصلي يالغلا
على فكره انـا متابعـك من زمـــــــان فديــتـك :034q:

[‏ξَـωـڷِـهًٌَـ۾ٍِ♥..]

والله القصة بكتني مرة
روايه خطيره تهبل تجنن تخققق تموت تعذب تدوخ تحمس :هق:

لك التقييم والفايف ستارز ..

وش اخلي وش اقول ماشاءالله تباركـ الله

واوو الجزء الاخير خفقة .~

مرآ تجنن الروايه .. وأهنيك على أناملك المبدعة بسم الله عليك ..

بشتاق لك و للقصهـ واايد ،،

تسلميييين و مشكورهـ ع القصهـ المميزهـ ،،

[ملآإمح طفوليه..~]

صراآآآآآآآآحهـ تاثرت وبقوووهـ:52yicz::صياح:
ومن جد حزينهـ:cray:
ومن اجمل ماقرات :هق:
وانتي كل ماكتبتي انسخي لنا<<طرار ويتشرط بعد
تقبلي مررووريـ""

[المسلمةالمسالمة]

سارونه
شموخ بنت
احلى بنت
بنت الذئآب
ملامح طفولية


كل الششــــكر لكم حبـــآيبي ..:0smsd82:

نورتـــوآ :اس: