اللي تريد تستفيد حياها الله ..معايااا .. [الأرشيف]

حلوة الإحساس

13-09-2009, 02:33 PM

اهلا وسهلا فيكم حبووبات ..

هلا والله بشويق الحاضره الغاايبه ...:sm.53:

نورتووني بطلتكم ...

اقوول شويق انا جاايه في الكلااام.. ان شاء الله بوصل للنقطه اللي تبينهاا...

انا الحينه بتكلم ..وانا ادري اللي بيقرون موضوعي من عده طبقات مختلفه..فانا بحاول يكون كلامي بالنص ..واحااول انه يستفيد منها لكل النوعيات ...

اول شي ..انت انت ايواا ..اهم شي انت بالاول ..

شخصيتك ..أسلوبك ...تفكيرك ..اهتماماتك ...نظرتك للحياة الزوجيه ..نظرتك للي حواليك ..

يعني مثلا .. فكروا معايا ..كيف لازم او المفروض تكون هذي الست اشياء عشان تكون الوضع منااسب ...للزوجه اللي هو انت..؟؟

اكيد بتقولون..تكون الشخصيه قويه ..وحلوة ..ورومانسيه ..و و و و ...وبنفس الوقت التفكير يكون ايجابي والاسلوب جميل و و و و ..الخ ...

طيب ؟؟ ويين انت تلاقين نفسك في هذا الأشياء ...؟؟

وييين؟؟

الحينه انت لازم تفكري ..مدام انت بمرحله زواج ..وبمرحله انك راح تتعاملين مع شخص ..جديد في حياتك ...

لازم تحطين في بالك ..أشياء واشياء ..وأشيااء ...

يعني مش كله اشيااء حلوة ..اكييد بيكون في اشيااء حلوة ..بس كماان فكري لو صار في سوء تفاهم ..يعني ..قصدي فكري واتوقعي السلبيات...مو قصدي انك تكوني سلبيه ..لااااااااااااااااااااا..لازم التفااؤل ...بس هذا التوقعاات تساعدك ...

الحين بتقولون بشو تساعد ...؟؟

يعني اتوقعي ان يعاملك باسلوب جارح ..اتوقعي انه يهينك ..اتوقعي انه وانه ..يعني اتوقعي ..عشان لو صاار حتى لو يكون من المستحيلات ..يكون الصدمه عليك اهون...طبعا ..ان شاء الله بشرح واجيب امثله بعدين ...

يالله يا بناات ..اهم شي اهم شي الدين والاخلاق الحسنه ..مو مهم الكماليات ..الجماال و المال..و و و و ...

صح انها مطلوبه ..بس الاخلااق والدين الاهم الاهم ...

يعني قولولي بالله ...كيف الحياة ..لما الزوج يعاملك باسلوب كانك مش زوجته ..ومع انه معيشك بافخم بيت ... وبأحسن سياره و و و ... بتحسين بانك محرومه مع انك عندك كل حااجه ...

واللي زوجها ما شاء الله اخلاق ووو ....لكن ميسور الحال ..وانت بعد فيك الاشياء السته اللي ذكرته قبل ..والله بتحسين بسعااده ..حتى لو انك محرومه من اشياء كثيره في بيتك ..وبالعكس الاشياء هذي ..بتيجيلك حتى لو بعدين بس الاخلااق صعب تحصلينهاا..إلا ناادر ....

ان شاء الله المره الجايه بكملكم ..

السمووحهsm.9.

~ أشـواقـ اللـقـا ~

14-09-2009, 02:14 AM

تسلم يميينج ..

صح الأخلاق أهم شيّ ..

أنطر بعد :>

حلوة الإحساس

15-09-2009, 11:38 PM

الحينه بكلمكم على اشياء عااديه تصيير ..بس ممكن انتوا بتفكروا فيها ..او ممكن ما بتفكروا فيها...

يعني مثلا ايام الملكه ..كنتي تتكلمي مع زوجك كثير..وطبعا الكلاام يكون حلو..وترتاحين وانت تكلمينه..ولكن بعد الزواج..لما بيتصل فيك بيتغير الأسلوب..لانك خلااص صرتي في البيت عنده...يعني يتصل فيك أحيانا .يدخل في الموضوع بسرعه ومع السلاامه... واحيانا عااد يكون عادي ..بتحسين بشي غريب وبتقولين يا حلاات ايام الملكه ..ويا حلات مكالماتهاا...ويينهاا..؟؟ على الأقل ..تسمعي كلاام يشرح الصدر تحي ان اللي يكلمك يكلمك وهو مبتسم ومبسوط.....تحسي ان اللي يكلمك زوجك مش اخوك..خخخخخخخ مش رسمي اقصد..لكن هذا طبعاا مش دايماتصيير ...طبعا هذي مش مشكله كبييره ولا صغييره ..بس حبيت اذكرهاا..انها ممكن تجي في بالك ..

بتقولين ماهو عندك في البيت بيكلمك لما يشبع...بقولك ..وحتى ولو كذا ..في اشياء بيشغله من الكلاام معااك..

بس طبعا هالتفكيرات اللي بتيجيلك ..كلها لانها اول بدايه زوااج..ولكن مع الوقت بيصير عاادي...

يعني لان الانسان هذا اللي هو زوجك بيكون انسان جديد عليك..اي كلمه اي نظره اي حركه ..اي اسلوب ..غريب ولاول مره يسويها معاك ..بتتحسسين منهاا..لانها اول مره ..انت ما اتعودتي على هالاشياء منه ..ممكن انت اتعودت من ام او من ابوك او من اخوانك...وعاادي عندك..بس لان من زوجك غيير ..بس انا اعتقد ان هالشي يا خووخااتي ممكن تكون في البدايه ..وبعد مرور الايام بيصير الامر عاادي,,,

ان شاء الله بحاول اشرح هالنقطه اكثر ..بعدين ...

الحينه لما اتذكر انا لما كنت اقرا كتب عن الحياة الزوجيه والشخصيات وكيفيه التعامل مع الزوج الخ الخ ..

والحينه انا لما دخلت في الجد..قعدت اقول بيني وبين نفسي شو اللي قريته ..شو هو اللي عالق بمخي ..وسااعدني في حياتي ..شو اللي استفدت من الكتاب هذا ..بس اكثر شي اسويه الصمت ..زي لما انت مو عارفه بيت صديقتك ووصلتي الشارع اللي هي تقوليك عليه ووصلتي لطريق فيه فتحه يمين وفتحه يسار وما عندك رصيد تكلميها ..ولا هي عندها رصيد تكلمك...ف ساعتها بتوقفي تفكري أأذهب يمينا ام يسارا ...:sm.53:

ف كذا احسها ..اول بدايه الزواج ..لما يصير شي ..تسكتي وتفكري كيف اتصرف ..شو ارد..كيف احل الموضوع كيف ادافع عن نفسي ؟؟كيف اتعامل معاه بطريقه يفهمني ويفهم مشاعري واحاسيسي..من غير ما أقلل من قيمة زوجي ..او اني اجرحه .. ..عاد هذا حسب شخصيه كل وحده..اما الوحده الرزينه تحاول تحلل تشخص ..قبل لا تنطق بكلمه او تتصرف تصرف يزيد الطين بله ..

يعني في الكتب يقعدوا يقولون لو كانت شخصيه زوجه كذا سوي كذا ولو ولوولو...او انهم يتكلمون عن الرجال..كيف وكيف تسوين ..وانت في الحقيقه تشوفين زوجك ما تنفع معاه اللي قريتيه او تحسين ان زوجك مختلف شوي ..او انك لسا في البدايه زواجك ما تعرفي شو تفكيره وشو طبايعه وشو شخصيته ..عشان تعرفي..تتصرفي...

بس كل هذا يجي مع التجربه ..يعني سويتي شي معين..شوفي كيف رده فعل زوجك..اذا مش اللي تبينه ..غيري..يعني تمي حاولي ..مع الايام بتفهمي زوجك وتعرفيه اكثر..واللي مستخبى يبااان ...:sm.53:

اما لما تقرين كتاب يكتبلك كللل شي مرره وحده وانت لما تتزوجي تكتشفي زوجك وحده وحده ....

يعني زوجك ما راح يجيلك كتاب مكتوب ومشرووح ..اتمنى انه انفهمت النقطه ...

وان شاء الله المره الجايه بتكلم عن شو اللي يضايق الزوجه..واللي يضايق الزوج..على فترات طبعا..

ياليت ما بكون الكلام دخل من اذن وطلع من الاذن الثانيه زي كذاا ...:sm.53:~

حلوة الإحساس

16-09-2009, 10:27 PM

قرب موعد العرس ..يوم يومين وبتودع الزوجه غرفتها ..وأهلها.. عشان تروح لبيت زوجهاا..

الأب والام فرحانين..وبنفس الوقت يحسوا ان قلبهم أخذه الزوج
تبكي الام وربما ايضا يبكي الاب ..ويبدا بالوصيه ...انتبه على بنتي..امانه عندك..و و و و و الخ..

وتبدآان بعدها حياتكم الزوجيه ...

طبعا ..في البدايه بيكون صعب التفاهم ..لان مش كل واحد فيكم يعرف ايش اللي يضايق او بجرح الشخص الثاني..

فنلاقي اول شي ..يبدا الحساسيه بين الزوجين ..
ولان الرجل لا يعرف ان هذا يجرح او يزعل قلب زوجته ..ولا هي تدري ان هالشي يجرح زوجها ..

ولان بعضهم ما عندهم اسلوب المصارحه والتفاهم ..

ف تكتم الزوجه جرحهاا ..وتتحسر الما ..فتبدا بالبكااء لترتااح ..

لان هالشخص جديد عليها وما بتعرف كيف تتعامل معاه او تبين له ..او تحسسه ان هالشي ازعجهاا ...

شو الاشياء اللي تضايق الزوجه ..وتجرح مشاعرها بشكل عاام ...؟؟

وكمان شو الاشياء اللي يجرح مشاعر الرجل ويضايقه بشكل عاام ..؟؟

شو هي اساليب تقدير الزوج وتقدير الزوجه ..يعني لما تتعمل يحس الشخص انه غالي ومثمن ومقدر للشخص الأأخر

...وكمان ممكن شي انا بضايقني واعتبره يجرحني..بس مش شرط يجرح او يضايق اي زوجه اخرى..نختلف نختلف ..ممكن في حرييم يزودووها زيااده ويكبروا الساالفه على الفااضي ...

ولكن في اشياء نحن النساء نتشابه فيه وتضايقنا ..وايضا للرجاال ...

مثال على ذلك الغيره ....لكلا الطرفين

خلووني أبدا ..

بسم الله

ما اعتقد ان شهر العصل مدري البسل ..يكفي ..ان تعرف عن شريك حياتك..لان في البدايه بيكوون الاثنين..مستحيين من بعض كل واحد يحاول يكون لطييف وبأسمى اخلااقه الحسنه ..طبعا مش الكل ..ف ممكن الواحد ما يظهر الطبايع اللي فيه بهالشهر..لكن بكلمات عاديه ممكن يتحسسوا من بعض في هالشهر..مثلا ...لما يكون عندك جاره جديده..تكون شوي تتكلمي معاه بحذر ..وتلتزمي بقوانين الزياره والتحدث..ولكن بعد مروور فتره..تحس نفسك خلااص عادي تروحي عندها و تجلسي وتتكلمي و و و و..يعني طبيعتك العاديه تظهر ...

ليش الحساسيه ..لان المراه بتكون اول مره تسمع هالكلمااات اللي ممكن سمعتها من ناس ممكن صديقاتها ولكن لم تنزعج..بس لما اول مره تسمعها من زوجها..بتتحسس شوي من الموضووع ..

كل حاجه لما تكون اول مره ..من زوجها ..بيكون فيها حساسيه ..

مثلا ..لما الاب متعود انه ما يضرب بنته ..لسنواااات..

ولكن مره صاارت وضربها ضربه خفيفه ..فالبنت بتتحسس وكماان تبكي ..لانهاا بيكون عليها اول مره من ابوها ..

اتمنى يكون النقطه انوضحت...

طيب ...

نبدا باللي يضايق الحريم ..

1-اول شي اول شي ..معاملتها بأسلوب جديد عليها ..يعني تكون بشهر العسل الزوج طول الوقت يكلمها بحنيه و و و ..وبعدين فجاة بيوم كذا يعاملك او يكلمك باسلوب غريب ... هنا ..بتتحسسي ..لان اول مره .....ممكن انت تتغاضي وتتحسسي بينك وبين نفسك وتسكتي ..وتنسى ..او انك تكبر السالفه على الفاضي عااد واتكون لك مشكله ..عااد حسب شخصيات الحريم ...عااد كماان هالشي ممكن لان في البداايه وبعديين الزوجه يصير هالشي عاادي ..وخلااص ..

والحل: على الزوج يحااول قدر الامكان انه يحط مكانه مكاانك في هذيك اللحظه ..ويحااول انه يختار الاسلوب المنااسب اللي ما يأثر عليك ..يعني .. حتى ولو كان في سوء تفاهم ..تقدر تبين هالشي ..باسلوب حلو .. وما يجرح زوجتك ..شريكه حياتك ..وعليك يا ايتها الزوجه انك تحطي في بالك ان هالشي يصيير ..وما تخليها تاثر عليك لطوول اليوم ..يعني مده قصييره وتنسيها على طوول ...ما في وسع تتحمليين كل هفوه وكل كلمه ..وتحطيها بقلبك ...

اهم شي ان يكون في مصاارحه بينكم..وتفضفضين له باسلووب حلو ولو عاايزه يكون مؤثر..طبعا بيكون باين بدموعك :sm.53:..شو اللي ضايقك .لان هو ما بيكون قااصد ومش عاارف ان هالشي ضاايقك

نكمل المره الجاايه...

FaiTh & Destiny

17-09-2009, 05:13 PM

ايه و الله كلامك كله صح
و انا كتير حساسة و اي تصرف بسيط يخليني
ابي ابكي
و ما انساه ابدن
منتظرة التكملة بفارغ الصبر

muslimaaaa

17-09-2009, 10:07 PM

الله يبارك فيكى و يسعدك مع زوجك و يرزقك اطفال حلوين صالحين بصحه و عافيه و ايمان و تقوى يا حلوة الاحساسsm.2. ......ما شاء الله عليكى و الله كلامك مهم جدا" لكل البنات ......أنا عندى بنت خالى قالت لى عندما تتزوجين عندما يحث مشاكل بينك و بين زوجك لا تظهرى هذه المشاكل لأهلك ....لأنك حين تشتكين لاهلك من زوجك و تقولى هو فعل و فعل و فعل ...تجعلين أهلك يغضبون منه و انتى فى الاخر سينصلح الحال ان شاء الله بينكم و ستنسى ما فعله زوجك و لكنك اهلك لن ينسو و ربما تجعلى بشكوتك لاهلك من زوجك ربما تجعليهم يكرهونه ......أنا قلت أقول لك يا حلوة الاحساس هذه النصيحه انتى و كل البنات المتزوجين .......

منتظره التكمله ان شاء الله

عَ ـــبرآت

18-09-2009, 01:29 AM

خوووختي ض1 .> مانسيتها

واخيرا نززل الموضووع :كهكه:تسلمين يااعسل ق1
ماتقرصين يعطيكي العاافية ياآآربـــ
والحمد الله استفدتـ من كل كلمة تقولينهــآآ ...

والله المستعـآآن ق1

~ أشـواقـ اللـقـا ~

21-09-2009, 06:20 AM

خوووش فوايد ياحلوة .,

بموازين أعمالج يارب :)

و أنا أأيد مسلمه على اللي ذكرته ..

لانا

23-09-2009, 09:14 AM

يعني اتوقعي ان يعاملك باسلوب جارح ..اتوقعي انه يهينك ..اتوقعي انه وانه ..يعني اتوقعي ..عشان لو صاار حتى لو يكون من المستحيلات ..يكون الصدمه عليك اهون...طبعا ..ان شاء الله بشرح واجيب امثله بعدين ...

والي من تتخيل كذا ! تتشآئم وماعد تفكر بالعرس ! وتحس انه تعآسه وان ماله اهمية هذي وش الحل معها !!!!!!

حبوبة حلو كلامك احسه وآقعي بعيد عن التجملآت الي نقراها الحين ياشي حلو ياشي شيــــــــــــن . . . !!

متآبعه لكـ . . .

حلوة الإحساس

24-09-2009, 02:43 PM

هلااا وغلاا بكل حلااا...

يا حيا الله الطيبيين ...

منوراات يا حبوووباات...

اختي مسلمه كلاامك صحيح ميه في الميه ..اصلا الزووج ما بيكون مرتااح معك ..لما كل كلمه وكل فعل تكلم الزوجه اهلهاا..لاازم يكوون سري ..ومو ضروري ان الزوجه تقوول ...شو الفرق لو سوينا كذاا ..مع اياام الطفووله هههههههكنا لما اخونا يضربنا وللا يسوي شي على طول نخبر امنا وهي تسوي المطلوب ههههههههه

لاا لاازم الزوجه تقدر حياتها الزوجيه وتخلي اللي بينهم بينهم ...وكل ما خبلرت اهلها كل ما كبر المشكله على الفااضي ...

اختي لانا ...

زي ما قلتلك ما تخلي التفكير الزياده والمخااوف والوساوس تسيطر علييك ..
الحيااة الزوجيه حلوة ..بس لاازم نعرف شو الي يصير بينهاا..كل زوجين لازم يصير بينهم سوء تفاهم ..بس حسب كل مزاجات وشخصيات الناس.بعضهم يخلوها حواار ونقاش هادي ..وبعضهم يقلبوها صرااخ ..وزعل..ف انا اقول حسب اسلوب الطرفين ...

نرجع لموضووعناا...

على فكره انا سألت كذا وحده متزوجه ..وتقريبا يقولون هي اول سنه تكون فيها الكثير من الحساسيه ..ليين ما تتعود الزوجه على الموضوع ..وتتأقلم مع اسلوب زوجها وطبيعته ..وبعدين الاموور بتكون اخف من اول ...او ان الزوج يعرف شو اللي يضايق زوجته ويحاول يتجنب هالشي ..

نرجع للنقطه الثانيه ..

2-تعامل الزوج مع النساء الاجنبيات بطريقه تثير الغيره للمرأة..كالمصافه والضحك والمزاح معهم ..والمبالغه في الكلام معهم..في ما لا ينفع ..النظر لهم في الروحه والرجعه ..وزوجه تكون معاه..ولا يهتم انها موجوده ولا يهمه احساسها ولا مشاعرهاا ..

الحل انه يتقي الله ويتبع ما امره وتجتنب ما نهى عنه...وأمركم ايها الازواج بغض البصر ..والتحدث للنساء في الضروره بحدود حددها لنا الشرع...
وانه كماان يحط مكانه مكانك ..واتخيل انها هي اللي تكلم رجال اجانب عنها بنفس طريقه كلامك مع النساء الاجانب..واحكم كيف الاحساس والمشاعر تكون ...واشعر وحس في مشاعر زوجتك..

المشكله ان النساء كلها احساس ومشااعر ..بكلاام طيب تجيبنا وتوديناا...لكن الرجاال ..يلقي بكلاام ما يحسب احساب ان هالشي يزعل وللا يجرح...ومع هذا ما يحس انك زعلانه من الموضووع لاازم انتي تبيني له ..وللا هو مسكين ما يدري ..واذا قلتيله..ما يحس ان هذا مزعلك..يقول يهني هذا الحينه اللي مزعلك؟؟..وييظل يسمع لين ما تخلصي كلاامك وخلااص ..ما يقولك شي ..لان باعتقاده هذا الشي ما يزعل ولا انه هو سوى شي غلط باتجاهك..مش حااسين ..

وين الانسان اللي يحس ..يعني انت انجرحت منه باسلوبه او او..وهو يعتبر هذا ولا شي ...

نحنا غيير والرجاال غيير ..نحناا قواارير ...:sm.53:..

في بعض الرجال يجبرون بالخااطر.. وبعض الرجال ..ما تقدرين تفضفضين له شو اللي مضايقك..لانه انسان لما يسمع بدل ما يخفف عنك يزيد الهم..فتطرين ان لما يسألك شو فيك؟؟ تقوليله ولا شي !!!!:حزين:

اتذكرت موقف صار مع الرسول صلى اله عليه وسلم مع زوجته عايشه كانت رضي الله عنها نائمه مع زوجها الرسول صلى الله عليه وسلم..وبعدين خرج النبي من عندها وطلع..وهي غاارت وحسبت انه ذاهب لاحدى زوجاته..فطلعت معااه تراقب ويين راايح..المهم النبي راح لمنطقه البقيع اللي فيها شهداء احد....وهي قالت فداك ابي وامي يا رسول الله ..هي بشوو وهو بشوو...المهم النبي لف يريد يرجع لبيته..وهي لفت عشان ترجع..هو يهرول .وهو تهرول ..النبي كان شايف ظل يمشي بسرعه وهو يريد يلحقه وكل ما أسرع النبي ..هي تسرع لين ما وصلت قبله وراحت الفراش وسوت حالها نايمه :sm.53:..النبي حط يده على صدرها فحس بضرباتها ..والنفس بسرعه..فقال لها ..في ما معناه ..شو هذا ؟؟ فثقالتله كنت خايفه انك تروح لاحدى زوجاتك...فقال لها هل تريني اني باظلمك..

لو صار هالشي بواقعناا...هل تعتقدوا ان تصرف الزوج بيكون بهالاسلوب والطريقه...

انا اعتقد للااا..بالعكس ..بيصرخ انت وانت تشكي فيني..ومين سمحلك تطلعين من البيت

وشو هالغيره اللي ذبحتنااا...اوووووووف..صدق انت صرتي ما تنطاقين

في كمان قصص غير هذي صارت مع الرسول هو وزوجاته ..وكلها فيها غيره ..وكان تصرف النبي تصرف حلو ..وهذه اخلااقه صلى الله عليه وسلم ...

وين فن التعاامل ..بين الزوجين..هل صار ما في وقت لنختار احسن الأساليب للتحدث والتعبير عن وجهات نظرناا ..؟؟؟؟

وللحديث بقيه..

لانا

25-09-2009, 02:53 AM

تدرين سبحان الله ياحلوة توني اشوف قناة الرساله وواحد يقول هالقصه للنبي صلى الله عليه وسلم ! عن جد تأأأأثرت !!!

وين شبآبنا وينا أحنا من سيرة الرسول عليه الصلاة والسلام . . .!

تدرين حتى وانتي تتكلمين احس ناقصنا ثقافة وآجد . . . !

ربّي يسعدكـ أحي افدتيني وافدتني البنآت . . .=)

حلوة الإحساس

02-10-2009, 05:01 PM

>>>هلاا باخوااتي ...

كان ودي اني كل يوم اكتب واكمل الموضوع لاني اعرف ان حلااته لما يكون ورا بعض وتكونوا فاكرين الي قبل ..

بس السمووحه منكم ..."024"

لانا ...:sm.53: انا سمعته بعد بقناة الرساله كان اسم البرنامج لو كان بيننا ..وااايد حلو ....كان يذكر كيف كان يتصرف النبي صلى الله عليه وسلم ..مع زوجاته ..ومع الناس المخطئين ...

المهم نرجع للموضوع ...

انا ما اريد أهول الموضووع ولا اريدكم تحطوون في باالكم ان الزواج نكد و و و و و الخ ...

انا لو تتذكروون شو قلت قبل...ان هالشي يعتمد على شخصيتك انت..كيف اسلووبك ونظرتك للحياة الزوجيه ...

يعني مثلا الحينه لما تتزوجين ..خلااص بتكوني عاارفه ان زوجك ما راح يكوون قصده ...وان اول سنه فيها تحسسات ....وان انت تفكييرك غيير ..واهتمااماتك غيير ..وان زووجك تفكييره غيير ..وطريقه تعبييره غيير الغيير ....

يعني مثلا تتوقعين ان يرد رد معين يعني رده فعل معيته ..لان هالشي معتاد لك بينك وبين صديقاتك ... بس تلاحظين ان رده فعله غيير المتوقع ..مش بس زوجك ...لا تفكري كذاا ...طباايع الرجااال ..كذاا ..

كنت مره اتكلم مع ربيعتي..وفجاة كاانت تقوولي الكلام اللي تقولينه انا قريته بكتااب اسمه المريخ والزهره معا للأبد ..!!!

فقلتلهاا والله زيين ..حلو تعرفيين اشيااء كثييره قبل الزواااج وتعرفين ان كذا طبيعه الرجاال ...

قلتلهاا انا عرفت لحاالي بعد الزوااج ..بعد التجربه ..تستنتجيين الكثيير ..

ههههههههههههههههه ..احلى شي يوم البناات يسالووني كيف الزوااج وكييف وكييف ..وانا اقلهم ان شااء الله بجمعكم واقوولكم اصبرووا شوي ..

في وحده سألتني هل بعد الزواااج زووجك يتغير علييك ..يكوون غيير عن اياام العقد؟؟؟

طبعااا ..لان اياام العقد هو يكوون مشتااق لك لانك بعييده عنه ..ومش كل مره تشوفون بعض واغلب توااصلكم بالتلفووون ..فبكوون تعاامله اياام العقد غيير ..وبعد الزوااج غيير ...خلااص بتكووني عنده ..

بتحسيين ان اسلوبه تغير او كلاامه تغير وهذاا امر عاادي يعني لا تكبرين السالفه وتبكين وانت وانت تغيرت وكذا .لا تعتقدين انه هو تغير ..لاا هو نفسه هو...بس هذا طبيعته .. لانك يا بنتي جدييده عن هالسواالف ..ومتعوده علييه على اسلووبه اياام العقد ..بس لما تكونون تحت سقف وااحد ..بيمر علييك اموور وموااقف ..غير عن اياام العقد ...فاكيد كل موقف له اسلووب معين ....

طيب نرجع للأشياء اللي يضاايق الحرييم ...

3- لما تحس الزوجه ..ان محد مقدر عملها واجتهادها في البيت ...لما تحس ان زوجها مهمل مساعدتها او على الاقل المبادره بعرض المساعده فقط لاغير ..يعني حتى ولو ما ساعد بتحسين بالفرحه انه باااادر ...لما تشوفين او قد شفتي بعض تعامل الازواج لزوجاتهم وانت كنت بعد ما اتزوجتي ..انه كان يسوي ويعمل ..ويقدر زوجته ..وكان يشييل عنها الاكياس ويقتح لها باب السياره و و و و و الخ الخ ..

ولما اتزوجتي ما لاحظتي على زوجك هالتعاامل فتبديين شوووووووووووووووووووووووو...

تتحسسيــــــــــــن....:sm.53:

في وحده قالتلي ...كانت تمشي مع زوجهاا ..وبعديين شافوا وااحد هو وزوجته مااشيين والرجاال شااايل الاغراض من زوجتك وقااعد يدفع العرفه حق الاطفاال...

فقال الزوج لزووجته شوفي هالمسكيين الاهبل ...متحمل ومخلي زوجته كذا تمشي !!!!!!

الزوجه قالتله وشو يعني لو شاال ..بالعكس ..الحرييم لما يشوفوا كذاا يحسوا ان الزووج مقدر زووجته ...ويخليها مثل الشيخه تمشي ....

يعني ماهي صعبه يا رجاال انكم تسوا اشياء بسيطه حق زوجااتكم بس الزوجه عندها بيكون لها اثر كبييير ...مثل ما قلت المرأه مشااعر واحاسيس يعني لما تشوف تعاامل بسييط من زووجهاا على طوول مشاعرها تتحرك..وتفرح حتى ولو كان الشي ولا شي يذكر ...سبحاان الله

ولنا بالرسول اسوة حسنه ...قال الرسول صلى الله عليه وسلم خيركم خيركم لأهله وانا خيركم لأهلي ..

نكمل المره الجاايه ..

حلوة الإحساس

02-10-2009, 05:05 PM

السمووحه في اغلااط..بالكلاام ...ومش باين عندي خانه تعدييل ...

حلوة الإحساس

05-10-2009, 02:47 PM

.................................................. ....

ادعوولي يا بنات اني اخلص كتابه هالموضووع هذاا ..احسه حمل ثقييل واريد اخلصه ...

سبحاان الله يا بناات ...الوحده تكتشف حساسيتها ومشاعرها بعد ما تتزوج هذا اللي انا الاحظه ...

بتحسييين انك صرتي حسااسه زيااده ...وطبعا هذا شي طبيعي ...في بعض الرجال ما يعرفوا ان اول سنه فيها هالتحسسات ...فيبدا يحس انه هو بس يصير معاه كذا ..

يا بنات ..الزوااج سكن ..ومحبه وحنان ..واحترام ..وتقدير ...ولازم يكون فيها شوي شغلات ..ماالحه تعطي طعم شوي..

يعني ما يأثر ولا بتتنكدين ..

تعرفي متى بتتنكدين ..لما انت تخليها ساالفه ..وتنكدي على الرجال عيشته وتقابليه بوجه عبووس لمده طوييله ..

يعني سعادتك بتكون بايدك..في بعض الحريم ..تسوي ساالفه والرجاال ما يدري انها زعلاانه من الموضووع اللي هي زعلانه منه ..وتتم زعلاانه وما تكلمه ولا تقربه و و و و ..

الرجاال بعديين بيطنشهاا .. وبيكون لما تزعل بها الطريقه بيطنشها..انتبهوااااااااا..

في بعض الحريم كماان لما تكوون زعلاانه ما تسويله طلبااته ..يعني خلااص الرجاال هو لحااله يسوي اللي يرييده من اكل وشرب و و و ...وهذا اكبر غلط ..

والله والله ان تكون الشي سخيييف بس لانها اتحسست تسويها مشكله ..وتنكد على عييشتهاا..

فانا اقوول ..لما تشوفي اسلوب من زوجك ضايقك او كلمه ضايقتك ...لا تكتمييها وتخلي نفسيتك تتعب ..

يعني كلميه بهدااوه ..

لا تستغربي ممكن يقولك انا ما غلطت معك..انت فهمييه قوليله ان هالشي حسسني مب شي استوى غلط بس شي ضاايقني وحبيت اني اقلك عنه عشان تعرف ان حسسني ..يعني تعرفي كل واحد منكم راح يتضايق من شي ..ولازم يقوله على اساس انت تعرفي شو اللي يضايقه وتنتبهين ..وهو يعرف بعد شو اللي حسسك ويحااول ينتبه منهااا ...

والحيااة حلوة يا بناات ...:sm.53:

نرجع للنقطه الرابعه ..اللي تضايق الحريم ..

4_ لما تحس ان الزوج انشغل واايد بشغله ..ولما يرد البيت ما صار في وقت انها تتكلم معاه او او او ...وتحس انه لما يرد البيت بدل ما يجلس مع زوجته يروح يشوف ويفتح التلفزيون او النت ويشوف اخبار او مباراه ..وبعدين يناااام ..عشان يلحق الدوام حق بكره ..,,,,,,,,,,,,,ممكن هالشي يصير مره مرتين ثلااث ..بس الزووجه بتتحسس وبتقوول وانا ما لي نصيب ..فتبدا تغار حتى من شغله هذا اللي ماخذ وقته كله منهاا ...ولما تحس ان زوجها يهتم بشغلات حق البيت وتغاار كماان ...

تعرفوا في حرييم تغاار من اهتمام زوجها بالسيااره ...تعرفوا ليش؟؟

لان اهتمام زوجها لها ..ناادر وهي تلاحظ انه يهتم بالسيااره اكثر ..

والحل.:::..ان يحااول الزوج يوافق بين مشاويره وشغله وبيته واهله يعني هو عارف انه انشغل عن زوجته ..ليش ما يحدد وقت لها ووقت للاخبار ..ووقت لراحته ..كذا ...يعني ..ليش على الاقل ما يتكلم ويقول يا زوجتي اعذريني لاني انشغلت عنك ..و و و وو الخ الخ ..الزوجه بالعكس تفرح تفرح تفرح لما تسمع هالكلااام ..راح تحس ان زوجها حاااس فيها .وانه حاسس انه مقصر ..معاها ....الزووجه لما تعرف ان زوجها حااس بالموضووع ..وانه مو مهمل الموضووع راح تستاانس .وتصبر ..وممكن كماان تخفف عن زوجها ..وهي اللي تساعده انه ينام ويهتم بشغله ..وتقوله مومشكله وان شاء الله راح يتصلح الوضع الخ الخ الخ ..

اما الرجاال ..سااكت ولا يتفوه بكلمه ..اكيد الحرمه بتتحسس ...

الزوجه بشكل عاام تحب ان تشوف زوجها يحس بمشاعرها ويحس كمان باللي قاعد يصير ... ويتكلم

في الاغلب لما تحاول الزوجه تعبر وتقول لزوجها عن الموضوع هذا ...في بعضهم يقول انا يعني غلطان اني اشتغل واعمل عشانك..وشو المانع اني ارفه عن نفسي واشوف اخبار او اتابع مباراه ...

الزووجه بدل ما تسمع ان الزوج حاسس بالموضووع ..تحس بالاحباط ..:حزين:بهالكلاام ,,

وترجع تحااول تفهمه اكثر ..وتقوله مو مشكله انك تتابع وتشوف اخبار ..بس على الاقل حسسني اني انا موجوده في البيت ..

شو رايكم شو تتوقعوا ن الزوج يرد ..هل بيقولك من عيوني ان شاء الله ..وخلصنا الموضووع ..وللا ..بيبدا يقااول ..ويجيب لك كلاام ثااني على اساس يوضح لك ان اسلووبه عاادي ...!!!!!!!!!!!!!!!!!!!!!!!! ما برد علييكم ..خلوا الجوااب عندكم :sm.53:

هذا الشي يصيير بكثر بين الزوجين ..وياما شفناها بالمسلسلات الاجتماعيه ..

يعني انا ما اقول شي جديد ..

خلااص الحينه انتي اتحسستي ..وفضفضتي لزوجك وبكيتي ..خلااص لا تخلي هالشي يأثر على تعاملك معااه خلاص اقلبي الصفحه ... ولا كأنه صاار شي واضحكي وعاادي الحيااة حلوة ..بالعكس كذا الزوج يحبك ...لانك من النوع اللي يزعل شوي ويتحسس وينسى الموضووع ويرجع لحيااته ..

الزوج ما يعجبه النكد ..ولما يشوفك كل شوي تتحسسين وتزعلين مده طوييله ...يطفش منك ..ولا يتعب حااله ..انه يسالك ويقولك شو فيك او يطيب خااطرك :ها:

على طوول تنسي عشان ما في مكاان للي بعدوو :sm.53::sm.53:

وطبعا هذا معتمد على شخصيه كل زووج ...

بنااات

اتمنى منكم انكم ..تحااولوا تسالوا المتزوجاات ..اللي لهم سنتين او ثلاث او اربع ..واسألوهم ...اتثقفوا ..

اسألوهم كيف اول سنه ..هل يكون في تحسسات اول سنه ..وشو اللي يضايق الرجاال ..وشو اللي يضاايقنا ..

اسالي ..وممكن هي اللي تسأليها تعطييك ..اشيااء ودرووس ..زيااده ..ما كانت بحسباانك ..

خلووني وخلوونا نعرف ...وردولي خبر ..شو كاانت اجوبه ..الحريم اللي سألتووهم ...

لا تنسوا الواااجب ...

إن شكيت الهم وللا ما اشتكيت واشتفيد الشكوى او كلمة يا ليت !!
قوي ايمانك وربك لك قريب يسمع النجوى ويعلم ما خفيت

لانا

06-10-2009, 03:28 PM

حبوبه تعبنآك حيل معنا . . . عسآك ع القوه ويآرب . . . ويآرب يسعدكـ ويوفقك ويآلف مابينك وبين زوجك . . .

ومن نآحية الحساسية طيب والي خلقه قبل لاتتزوج مكتشفه انها موب حسآسه وبس الا قمة الحساسيه ! وش بيصير بعدين فيها !!!!!

من جد احاينا تجي الوآحد احبآطآت عجيبه انا وانامدللـه ومافيني الا العافيه كذا ! زين بعدين يوم اتحمل مسؤليه وش بيصير !!

طيب والي ماعنده خوآت يقدر يسئلهم مين يسئل !
والي ماعنده أهل ينصحونه من بينصحه . . . <<<كلهـ سلبيآت تجي فهمتي !

والي لحد الحين مايدري هل هو صغير والا كبير ! كيف يقيس هالشي ههههههههـ ! فهمتي علي ؟

مثلا هل تحسين أنك تعجلتي في موضوع الزوآج وان توك عليه وكذا ! يعني اسئلك هل مرة حسيتي بهالشي ؟

حبوبه انا ماشوف الا سلبيآت من نآحيه هالامرّ مسؤليه ّ وهم وتحمل !
الا اني اشوف الغآلب يتزوج وتقبلّ الامر والبيوت اسرار ماحد يدري عن الثآني بس بما اني حساسه فأحس اني حتى أبي ابعد عن الصدآقآت الزآيدة يعني حتى بدرجة ان ماعندي الا صديقه وحده وهي الي تسئل عنّي ! ماحب احتك واجد علشان مانجرح واشيل في خاطري ويضيق خلقي ...فهمتي علي ! . . . فا خآف أني اقبل على هالأمر وانا حتى نفسياً مو مستعده ! وازعجتك بالاسئله والي اغلبها فضفضه ههههه

وزي مايقولون يوم يجي النصيب مايشآور حد ّ . . . الله يسهّل امور المسلمين يآرب

Яα!η

14-10-2009, 07:19 PM

أول شي ..اتمنى اللي يقرون موضوعي يكونوا على وجه زوااج ..واللي بعدها ..ياليت يوم ما يصير نصيب ترجع تقرا الموضوع ..

اتفقناا؟؟؟؟؟؟؟؟؟؟

مآبي مآبي أعترض :صياح:
يعني شلون مآ أقرآ ذآ الموضوع :صياح:؟!
مو شوغلي بروح أنخطب الحين <~ بكيفك هو :ها:

يآبختكم ياللي بتقرون كلآم حلآوي
سحقن للعنوسة سحقن :/:

يعني بالله شيسوون اللي تحمسوآ ودخلوا وانطردوا من اول رد :s3:
يآلله لاتجعلهآ حسرة في قلوبهم وتزوجهم أجمعين واللي قآل آمين :كذا:

ربي يوفقكم ويظلل حيآتكم بأشجآر من مودة ورحمة ؛
ويسخر لكم أزوآجكم ,, ويسخركم لهم
ويرزقكم الذرية الصآلحة اللي ترفع رآية الدين

شكرــآ حلآوي http://file8.9q9q.ne
لأنك تقتطعين من وقتك ,,
لتهدين غيرك أطيب الثمر ~
شكرآ لأنك تحبين لغيرك ,, مآ تحبين لنفسك !
شكـرآ لكونك [ح ل و ة] ق1

نـآنأإ..~

22-10-2009, 07:24 PM

مۉضۉع خطنطري .. حده sm.16.

يسڷمۉشن عڷيه .. آڷڷه يسڷم آصأبيعڪ أصبأع أصبأع ^^

ٺسأٺهڷي أڷٺقييم + أڷفآيف سٺآإرز

ٺقبڷي مرۉري ..

آسٺمري .. ق1

حلوة الإحساس

10-01-2010, 08:33 PM

.........

أول شي سامحووني اني اتأخرت واايد واايد اكمل الموضووع ,,,

المهم

لانا,,:معليش:

يا حبيبتي ,, مو شرط ان يكون لك اخوات عشان تساليهم .. وهالايام الوحده منا ترتاح تكلم غير اخواتهااا..

انا مثلا كنت اسال المتزوجات سواء اعرفها او ما اعرفها ,, يعني بكلمتين تعارف على الماشي .. تعرفين انها متزوجه .. وبعدين اللي بعدوا الكلام يجي بالطريق ,,,,

هذا طبعا يعتمد على الشخصيات .. لو كنت ذا شخصيه اجتماعيه وتدخلين بالخط على طول بيكون الامر سهل ,,,

وبالنسبه للسؤال ,,,

ما اعتقد اني استعجلت ولا حاجه.. بالعكس الوحده لما تحس انها تعرف امور البيت وامور الحياة .. بيكون الامور طيبه ان شاء الله

بس مشكله البنات هالايام واللي انا الااحظه انهم مش مهتمين من ناحيه التعامل مع الزوج والحياة الزوجيه نفسها ...يعني مثلا وحده عناديه عناديه... تظل عناديه في حياتها الزوجيه وهذا اكيد بسببلها مشاكل ...واللي اذا انطلب منا شغله تعاند وتقول ما اريد.. يعني كيف ما بصير في مشاكل في حياتهم وهي بهالتعامل ...

ومساله الحساسيه .. عاد ليش انا اكتبلكم الموضووع ,.. عشان اوعيكم ان الرجال ما يكونوا قاصدين بس لاننا بنات مشاعرنا جياشه ... وهي مساله وقت وبعدين كل واحد منكم راح يعرف الاشياء اللي يزعل منها ويجتنبهاا ...

وياهلا وغلا بتساؤلاتك ومشاركاتك معايا sm.4.

,,,,,,,,,,,,,,,,,,,,,,,

فلتي يا فله,,,sm.13

ههههههههههههههه

لا انا ما اقصد الطرد ,,, انا كل اللي اقصده ان اللي لسا ما جالها نصيب وبعد سنه اول بعد فتره جاها ...ترجع تقرا الموضوع ثاني مره بعدين بشرح ليش,,,

وان شاء الله ربي يرزقكم الرجال الصالحين الطيبين :ريال::ريال::ريال:... بس ما يكونوا متنحين ههههههههههههههههه وللا مفهيين :ميها::ميها:,,,, آمين يارب العالمين :ضحك:

ويا هلابك وسهلــلاااااا بك :ضحك: باي وقت sm.4.

..............................

أهلييين وسهليين نانا,,,,

تسلميين ربي يسلم اصابيعك اصبع فاصبع

اكرمك الله

حياكsm.2.

صرااحه تعبت اكتب ,,,

بكمل بعديين :ضحك::ضحك:

حلوة الإحساس

11-01-2010, 09:14 PM

....................

صرااحه نسييت شو افكااري من اول كنت حطاها في بالي يوم وقفت نسيتها

@_@@_@@_@@_@

تخيلوا انا لما كنت افتش في كتبي اللي قريتها بايام العقد وجا في نظري كتاب اسمه زوجتني اني في انتظار ورده .. وهذا الكتاب قريته كله قبل العرس بس عشان تعرفوا ليش اقولكم اقروا موضوعي يوم ما يصير لكم نصيب لاني انا صراحه حسييت بالكلام حق الكتااب اكثر عن اول ,, فهمت اكثر ,, ركزت اكثر ,, تعرفوا ليش؟؟؟ ,,, لاني انا في الواقع انا اعايش الشي اللي مثلا يتكلم عنه فاحس اكثر في الموضووع

الحينه انتوا ما راح تستوعبوا كلامي هذا الا بعد الزواج فلما تعيدوا تقروا كلامي راح تشعروا اكثر في الموضوع@_@

.................................................. ..

كنت مره اسمع شريط محاضره ف بعدين وصل الشيخ لقصه وقاعد يسرد علينا هالقصه وقال ان الغيره اللي موجوده في المرأه هي من الاعوجاج اللي ذكرها نبينا عليه الصلاة والسلام

نحنا خلقنا من ضلع اعوج والاعوجاج هذا في الاعلى ...يعني الراس

فقال الشيخ: الحين غيره المراه يا رجال مثل درجه حراره السياره لما تزييد تزييد شو بتسوي؟؟؟ بتكمل تسووق وللا بتشوف المشكله لين ما تخف الحراره ؟؟

هكذا النساء لو غاارت يظهر هنا الاعوجاج فتبدى تتكلم وهي ما تعرف شو تقول و وو و

ففي وحده لما زوجها رد من عزومه قاالتله مثل ما تقول اي وحده لزوجها ... ها شو اكلتوا وشو سويتوا ؟؟

فيقولها من حسن نيه : اليوم اكلنا اكل حلللللللللللللو من زوجه رفيقي ما شاء الله اكلهم طيييب

الحيين الزوجه غاارت وقالتله نحنا من اول نترس بطنك وما ترسناها .. فالشيطان هنا يدخل ويقول للزوج اللللحق قاعده تسبك على كرشتك:شر:

فهو يقولها احترمي نفسكsm.14.
والشيطان يقولها افاا يقولك احترمي نفسك يعني انت اصلا مش محترمه:شر:

وهي ترد على زوجها احترم نفسك انتsm.12.

والشيطان يقوله افففففااااااااااااااااااا ترفع صوتها عليك وتقولك احترم نفسك ..:شر:

مع المجاادلاات ترجع تقول الزوجه لو انت شجاع طلقني يا جبااااااااان

فطلع الزوج من البيت ,,,, هنا الزوجه درجه حراره غيرتها وزعلها تخف بس تضل في زعل

فيرد الزوج البيت بعد ما استانس مع ربعه وقال السللام عليكم فترد الزوجه بزعل وعليكم السلام

يروح يجلس في المجلس ويقولها تعالي اجلسي .. فتقوله ما اريد ... فيقولها اتعوذي من الشيطان وتعالي اجلسي فترجع تستجيب وتجلس ولكنها جلست بعيييد

ومن هنا لهناك المهم قالها لاا تعالي اجلسي جنبي يعني المهم جلست جنبه@_@

وقالها اليوم انت في الاول طلبتي مني طلب تتذكريه؟؟

وانا قررت اني انفذه لك فحاول يكمل كلاامه رااحت نطت الحرمه من مكانها وحطت يدها على فمه وقالتله استعذ من الشيطاان مجنوون انت !! تطلقني :دموع:

يعني بالاول كانت تقول يا جبان طلقني لو تقدر والحينه تقول لاا مجنون انت

هههههههههههههههههههههه

يعني هنا الزوج لازم يعرف هالخاصيه اللي في المراه عن غيرتها وكيف تتغير وتتبدل

فالافضل ان الزوج يهدي وما يحاول يزيد المشكله

لان الزوجه تكون مش واعيه باللي تقووله

ههههههههههههههههههههههههههههههه
يا حلييلنا

ان شاء الله نكمل مره ثانيه

حلوة الإحساس

14-01-2010, 10:17 PM

.................................................. ...........

خلوني اخبركم ...

اكتشفت ان الرجال ما يحبوا دموع المرأه والبعض يتضايق منها

يعني انتي لما تبكي تنتظري كلام يهديك او يد حانيه تمسح عليك او اي شي وقت ضعفك
بس ... رده الفعل تكون مش دايما اللي انت تتوقعيه

انا سالت وحده وقالتلي ان الرجال عاده ما يحبوا ان يشوفوا زوجاتهم تبكي .. ف بتحسي بضيقهم وتنهيدهم وتأفؤفهم ..... ويريد باقصى سرعه انك تنهي الدموع ...

بس انا اعتقد... ان هالشي يبان لو لاحظ الزوج كل فتره وفتره زوجته تبكي ممكن في هالحاله يتضايق اكثر

او ممكن بعضهم ما يبينوا ضيقهم من الموضوع .. حسب شخصيات الرجال ..

ولاااا واللي يزيد الطين بله ..لما يحاول الزوج يشوف ايش فيك فبتحسوا قاعد يرفع صوته شوي ويقول شو هالشي اللي يستاهل انك تبكي عليه ...ما صار مصيبه او شي عشان تبكي...

وتكوني انتي قد فهمتيه من زمان ان مشاعرك واحاسيسك وان المرأة لما تتضايق تبكي عشان ترتاح
بس هم الرجال ما اعرف ليش يستهينوا بدموع المرأة ويعتقدوا انها ولا شي ززكذا تنزل ..ما يعرفوا انها تطلع بألم وحرقه بالصدر ...ما يعرفوا ان هي بهالوقت تحتاج كلام يريحها وحنان يحتضنها

ما يعرفوا انها لما تحس بهالحنان ..يزيد من دموعها...@_@

يعني لما انت تبكي ومتضايقه مثلا من امك وبعدين امك تجي وتحضنك وتهديك ..بالله عليك ما بتبكين زياده ؟؟

هم ما يعرفوا ...

لازم الرجال يعرفوا ان المرأة لما تطلع هالدموع وهالبكاء ترتاااح ترتااح... لازم يعرفوا انهم غير عن النساء في كل شي

يعني وقت الضيق الرجال يعبروا عن ضيقهم بطريقه تختلف عن النساء ..النساء عاطفيات..ترتاح من ضيقها بالفضفضه والبكاء

..........................................

سألت وحده قلتلها ..كيف يعاملك زوجك لما تكوني مريضه ؟

قالتلي .. ولا حاجه عاادي يشوفني ويقولي الله يشفيك وينام ....او يقوم ويقولي تريديني اوديك المستشفى ؟؟

قلتلها يااااااااااااه...نحنا لو مرضوا ازواجنا ما اعتقد ان بنرتاح في النوم ...زي الام مع اولادها..

قالتلي ايواا ..نحنا الحريم غيير ..

...نسأل ها الحين كيفك ...تريد شي ...شو تحس ..يألمك كثير..طيب تريد تشرب شي دافي..بعدين تحسي انك الام وهو ولدك ...تحني عليه وتحاولي تدفيه بالبطانيه و و و و و و ...

الرجال غير والحريم غير..بس في فئات من الرجال مختلفه عن البقيه

في بعضهم والله مشاعريين لدرجه بااينه ...يبكوون يبكوون لو مرضت زوجاتهم...

تحسيهم فئه نادره ....

ان شاء الله بكمل مره ثانيه ....
:هنياء:

حلوة الإحساس

24-01-2010, 03:19 PM

......................

الحين بنتكلم عن المصروف ..

زمان كنا ناخذ المصروف من اهلنا يااما يوميا او شهريا او او .. باساليبنا الخاصه :كهكه:

لكن الشي اللي ما يعرفه الرجال ان الزوجه بتكون مستحيه انها تطلب مصروف .. وبنفس الوقت هي تنتظر من زوجها هالشي من غير ما تطلب واذا اعطاها من غير ما تطلب راح تفرح الزوجه فرح حتى ولو كان المبلغ بسيط ..بس هذي كلها احاسيس مش لانها بحااجه له,.... بس اغلبهم ما يعرفون هالشي ...

طيب والحل؟؟؟

هل اني أخذ من اهلي وللا من صديقاتي لين ما ربي كذا يلهم زوجي انه يعطيني...وللا اروح انا واخذ فلوس من المحفظه حقه قدام عينه وللا اكلمه وللا وللا وللا ...

اكثرهم يقولون .. وانتوا وش تبغون من المصروف اذا كل شي متوفر في البيت من اكل وشرب .. واذا تبغوا شي ليش ما تقولون لنا ونحنا بنشتريه ....

بس ما يعرفون ان كل وحده منا تحب تطلع ويكون معاها فلوس سواءا كانت تريد تشتري وللا ما تريد اهم شي انها تحس ان معها فلوس تحس بالامان والفرحه ان هالفلوس من زوجها ..وبعدين هي بتحتاجه لعده اشياء في حياتها مو شرط في نفس اليوم

يعني الحل ان الزوج لازم يعرف ان الزوجه تكون مستحيه من ان تطلب منه مالا ...

فيعطيها على حسب استطاعته .... واهم شي من الزوجه انها تكون عالرفه بوضع زوجها وما تطلب وتكثر طلبات وهي تعرف ان زوجها رقيق الحال ...

اما اللي زوجها مقتدر وغني ولكنه بخييل ...

هذا شو بنسوي معاه الا ان ننصحه ونقوله ... ان الله تعالى سيوف يحاسبك ويسالك عن مالك وين انفقته ومن وين اكتسبته وليه ضيعت زوجتك وعيالك لان في حديث عن عبد الله بن عمرو بن العاص رضي الله عنه قال : قال رسول الله صلى الله عليه وسلم:"كفى بالمرء إثما أن يضيع من يقوت" يعني من يعول من هو مسؤوول عنه

ونقوله كمان خير مال ينفقه الانسان اللي ينفقه حق زوجته وعياله .. عن ابي هريره رضي الله عنه قال : قال رسول الله صلى الله عليه وسلم :"دينار انفقته في سبيل الله ودينار انفقته في رقبه ودينار تصدقت به على مسكين ودينار انفقته على اهلك ,اعظمهما اجرا الذي انفقته على اهلك .

طيب اذا الزوجه تشتغل كيف الوضع بكون معاها؟؟

الزوجه تحب ان زوجها يصرف عليها حتى ولو انها عندها فلوس لان هو المسؤول عنها ولان الرجال قوامون على النساء ...

يعني مو فرض عليها انها تصرف على البيت او تدفع اي شي من مصاريف البيت ولكن لو هي من طيبة نفسها ساعدت زوجها فبكون هذا احسان منها له ..

نكمل ان شاء الله في المره القادمه

muslimaaaa

29-01-2010, 01:08 AM

جزاكى الله كل الخير يا حلوة الاحساس ....الله يبارك فيكى حبيبتى .....أنا متابعه لموضوعك و معك حتى النهايه ان شاء الله sm.13

حلوة الإحساس

01-02-2010, 08:22 PM

يا هلا والله وغلا باختي وحبيبتي في الله
واياك ان شاء الله ربي يجزيك خير ...
ربي يحفظك ..اخاف تملي من تأخري من التكمله ههههههه

يسعدني متابعتك ...

.......................

طلعت الزوجه هي وزوجها يتمشون .. وبعدين الزوجه مستانسه ويا حليلها شافت صياد يصيد سمك ف حبت تمزح وتتكلم وقالت لزوجها ...شووف شووف سمكه سمكه ..روح شوفها :sm.53:....

راح قلها والله انك فاضيه ....

يعني الاثنين مستانسين يعني وصل ل هنا خرب طلعته معها ...

يا ناس يعني شو قلنا شو سوينا .. ما قلنا شي ...

لا لا ما قلتوا شي كل اللي سويتوه انكم استخفيتوا بكلام زوجاتكم ..حسستوها انها صغيييره جدامكم

وغيرها من الالفاظ اللي تقولوها من غير قصد الاهانه وتجريح المشاعر ولكن هذا اللي يصير

مثلا ..قلت لزوجتك تجيب شي من داخل السياره ف هي يا حليلها ما عرفت وينه او بمعنى اخر ما فهمت كلامك كويس رحت انت اتأفأفت ورحت تجيبه انت وشكلك متضجر منها

وغييرها كثيير .. بس ما يحضرني افكار لتأليفها,....

طيب يا حلوة يا احساس خبريني انا كزوج احب زوجتي كيف افعل او اتصرف معها اذا كل كلمه او اسلوب يجرحها .. ما صارت عيشه هذي ....

يا سلاام ...خير ان شاء الله ...شوف الحين اسمع مني بس ..مع اني ادري انكم تسمعون من هنا وتطبقون يوم يومين وخلاص تنسون من هنا .....

بس ما علينا ...

مدام انت تحبها ف لاازم تظهر هذا الحب بكلامك واسلوبك وافعالك معها ...

كيف ؟؟

يعني مثلا خلي كلامك معها باسلوب ودي...حتى وقت ما تطلب منها ..اطلبها بطريقه حلوة وشوف كيف حتلبيلك طلبك بسرعه..

انتبه وقت ما تكلمها يطلع منك كلاام فيه اهانه او استهزاء او تنقيص من شانها سواء بقصد او من غير قصد ....

احترمها وقدرها في كل مكان .. خليها تحس بقدرها وقيمتها ..

مش والله لما تمشوون مع بعض تخليها خلفك وتمشي .. وين الاحترام هذا .. ليش ما تمشون مع بعض جنبها ...

مش والله تخليها تحمل الاغراض وانت مثل الشيخ ماشي ....

مش والله ما تاخذ رايها بمسائل حياتكم ..

وغيرها الكثيير ...

وتقول انت تقدرها ...بالله كيف هي بتحس بهالتقدير والاحترام ؟؟؟؟

اهتم بمشاعرها ...ورغباتها ..

اذا انت ترغب بشي .. ما بتتأخر لتلبيه رغباتك ..من طلعه او مشاهده او شراء او زياره او او

ولكن هي ؟؟؟!!!!! تتأخر في تلبيه رغباتها وطلباتها .. واحتمال ما تلبيه

اذا اهلك موجودين معاكم .. اظهر لوالديك الحب والبر والاحترام ..بس كمان اظهره لزوجتك وحاول انك توازن بينهم

اذا اهديت لاهلك هديه لا تنسى زوجتك كمان ..

اجلس معها .. واتكلموا بامور تخصكم .. واسمع لكلام زوجتك وخليها تعبر عن مشاعرها

مازحها واضحك معها ...بس مو والله تمزح هالمزحه اللي تزعل واتقول انا قلتلك تمزح واتجيبها عليا..

اذا طلعت من البيت .. قولها شو محتاته شي وللا شي انا حااضر ... وشوف كيف هالكلام يسعدها وبتقولك سلاامتك يا زوجي

لا تبخل بالكلام الحسن الطيب مع زوجتك .. وامدحها واشكرها لفعيلها .. قال الرسول عليه الصلاة والسلام :(( من لم يشكر الناس لم يشكر الله))

وبالنهايه هذي زوجتك ام عيالك ...وهذي الاخلاق الحسنه تعلمناها من حبيبنا ورسولنا محمد صلى الله عليه وسلم ...

قال الرسول عليه الصلاة والسلام :أكمل المؤمنين إيمانا أحسنهم خلقا وألطفهم بأهله.

وهنا يا اخواتي اكون خلصت الجزء الاول من الموضوع ..

كتبت لكم بعض ما سمعت او شاهدت او قرأت او احسست أو جربت,,اعرف ان هناك الكثير ولكن اتركه لكم لتكتشفوه بقراءتكم وتساؤلاتكم .. الكتب صراحه ما قصرت .. والنت ايضا

وان شاء الله في المره القادمه اكمل لكم الجزء الثاني الا وهو الرجال وشو اللي يضايقهم وكيف التعامل معهم...

muslimaaaa

02-02-2010, 01:59 AM

الله يسعدك يا رب مع زوجك و يرزقكم الحب و الموده و الرحمه و يرزقكم بأطفال صالحين بالصحه و الايمان و التقوى ......و الله ما أمل ابدا" من مواضيعك ما شاء الله عليكى ربنا يحفظك و يبارك فيكى ....انتظر ان شاء الله الجزء الثانى sm.16.

حلوة الإحساس

20-02-2010, 08:01 PM

آمين يا رب العالمين لي ولكل المتزوجين ...

وعقبال ما نسمع منك اخبار حلوة :رقص: ونفرحلك

تسلميلي يا مسلمه على كلامك الطيب واللي يدل على اخلاقك العاليه ..

...........................

طبعا الحين بتكلم عن الرجال ..وزي ما في اشياء تضايق الحريم في اشياء تضايق الرجال

واغلبها تكون مشتركه ...وطبعا في فروقات شخصيه بالموضووع ..في بعض المسائل

قبل لا اقول شو هالاشياء...حابه
اذكر بعض الاحاديث اللي تبين قد ايش زوجك وتعاملك معاه يكون سبب لدخولك الجنه ...

فالوحده منا لازم تصبر ..على كل شي مدام فيها جنه وغفران للذنوب..

لا تقولون والله انا سويت وتعبت عشان زوجي وعملت كل شي عشانه..ومافي نتيجه لقيته منه..
نقول معلش اللي سويتيه شي لازم تسويه وانت بفعلك الحسن ارضيت الله تعالى والله ما راح يضيع اجرك..والنتيجه راح تظهر ان شاء الله بس يحتاجلها صبر ودعاء وتوكل على الله ...

قال النبي صلى الله عليه وسلم: إذا صلت المرأة خمسها وصامت شهرها وحصنت فرجها وأطاعت زوجها قيل لها: ادخلي من أي أبواب الجنة شئت.

....................

أتت أسماء بنت يزيد بن السكن رضي الله عنها النبي صلى الله عليه وسلم فقالت: إني رسول من ورائي من جماعة نساء المسلمين , كلهن يقلن بقولي , وعلى مثل رأيي: إن الله تعالى بعثك إلى الرجال والنساء ، فآمنا بك واتبعناك،ونحن معاشر النساء مقصورات ، مخدرات ،قواعد بيوت ،وإن الرجال فضلوا بالجمعات وشهود الجنائز والجهاد ، وإذا خرجوا للجهاد حفظنا لهم أموالهم، وربينا أولادهم. أفنشاركهم الأجر يا رسول الله ؟

فالتفت صلى الله عليه وسلم إلى أصحابه ققال: "هل سمعتم مقالة امرأة أحسن سؤالا عن دينها؟" فقالوا: بلى يا رسول الله ، فقال صلى الله عليه وسلم :"انصرفي يا أسماء، وأعلمي من وراءك من النساء أن حسن تبعل إحداكن لزوجها وطلبها مرضاته، واتباعها لموافقته يعدل كل ما ذكرت للرجال".

..........................................

وحديث ايضا عن الرسول عليه الصلاة والسلام ""إذا نظر إليها ونظرت إليه نظر الله إليهما وإذا امسك يدها تساقطت ذنوبهما """

والكثير الكثير من الاحاديث ..اللي تحثنا نحن النساء وتحمسنا الى طاعه الزوج وطلب مرضاته بالخير طبعا ...

والزوجه العاقله الذكيه اللي تخلي هالاحاديث في بالها ..وتتذكرها دايما عشان تصبر ..ويكون حياتها جنه

وان شاء الله نكمل المره الجايه ...

الاحاديث اخذتها من عده كتب " كيف تعاملين زوجك كيف تعامل زوجتك" "عسليات زوجة"

والشغلات الي راح اقولها راح تكون من الكتب اللي قريتها واللي توافق اللي لاحظته.. وشفتها

حلوة الإحساس

26-02-2010, 08:58 PM

..................................

الحينه لو اريد اعدل بعض الكلمات ..شو اسوي؟؟

انا اذكر ان في خانه اسمها تعديل ..وين الحينه وديتوها؟؟؟؟

اسم الكتاب عسليات زوجيه كان في غلط..في الطباعه..sm.21.

.....................................

الحين يا عويناتي ...خلوني ابدا معاكم بذكر تصرفات خاطئه من ناحيه الاخلاق وبنفس الوقت تسيئ لزوجك رفيق دربك .....

1-تنقيص من شأنه والمعايره.......مثلا تكوني جالسه ويجيك يقولك انه الشي الفلاني لم احصل عليه ..

تجي انتي من زعلك تقولي بصوتك العالي المعروف اصلا انت ما يجي منك شي ..ما تشوف الفلان الفلاني زوج فلانه كيف سوى وعمل وفعل ...

وللا باسلوب ثاني تقولي: اووووف لا حول ولا قوة الا بالله ...ولا مره طليت عليا بخبر حلو ..وش اسويلك الحين انا ..خليني بروحي عندي شغل وبعدين نتكلم....

ويين الاحترام وين التقدير ..للزوج ...وين الاسلوب الحلو والمعامله الحلوة..اللي تخلي زوجك يرتاح من اللي صار ..ويحبك اكثر بتصرفاتك ووقفتك معاه ..وين وين.؟؟؟

بدل هذا كله ليش ما تسمعي منه ..وتحاولي تشجعيه بكلمتين ..وتقوليله حصل خير ..وتحمسيه وتحاولي تبرري اللي صار بطريقه تطمنه وتريحه ..

""انك تعطيني دفعة قوية حينما تقولين انك فخورة بي.. وخاصة حينما ألوم نفسي وأشعر بعدم الرضا لأني لم أحقق النجاح الذي حققه (س) من الناس!!!" " م.خالد باعشن"

مثال ثاني ...

زوجك يستفسر عن شي او انه مب فاهم شغله معينه او انه قال شي غلط بمعنى آآخر ..متأخر في دراسته ززاو ما يعرف انجليزي ..

وانت ما شاء الله عليك تقوليله : انت قاعد تسأل من صدق وللا تستهبل ..هذا السؤال لو جبت لك بيبي بجاوبلك عليه ..

او تقولين .... اوووووف تعبت وانا اعلمك ...لهالدرجه انت ما تفهم ....

يا خساره فيكم يا حريم لو وصلت المواصيل فيكم انكم تكونوا كذا ....سواءا تمزحين او ما تمزحين ..شو دراك انجرح مشاعره وللا لا ...على الاقل احترام وتوقير للزوج ...

المفروض ..تجاوبون عادي وباسلوب لبق وحلو ..وبطريقه ما فيها تلميح على انه ما يقهم ....يا فهيمه ...

يعني تعامل عادي ..جاوبيه بكل حب ..حتى ولو كانت الاسئله تافهه...

اذكر مره زوجي مسك كتابي الانجليزي ومسكه بالمقلوب ..وقاعد يحاول يقرا.. فأنا قلتله بكل ادب واحترام وباسلوب لطيف ..مش كذا ... وعدلتله الكتاب ..

وطلع بالنهايه يمزح ....:sm.53:

ممكن الزوج يشوفك ..يختبرك .. كيف بتعاملينه ....

2- احراجه...:/::/:

كيف ؟؟؟....الزوج دايما ما يحب يبين انه ما يقدر يسوي الشي الفلاني ...وما يحب ايضا انه يبين ان ما عنده فلوس ....خصوصا قدام زوجته ....

مثلا.كان عندكم عرس وحابه توصلي في الموعد بس زوجك ضيع الطريق وما عرف مكان الصاله..

فانت قلتي ولا مره طلعت معاك إلا وتضيعنا ...اقولك اتصل بفلان وللا اسال السيارات شوف بسرفه اوووف

بدل هذا الكلام ...وين الاسلوب الحلو ,,من غير احراجات...يعني باسلوب لطيف تقوليله شكل الطرق كلها متشابهه شو رايك نوقف شويا خلينا نتأكد ......هذا المثال اخذت فكرته من (( كتاب زوجتي انني في انتظار ورده))

مثال ثاني...

انت عارفه ان زوجك ميسور الحال ...وانت ما شاء الله عليك تطلبي هذا وجيب من هذا .. او فلان اشترى لفلانه هذا ...

وهو حالته حاله يفكر بالديون ويفكر بالمصاريف ويفكر كيف يدفع الايجار وكيف وكيف ...

يعني شو تنتظري منه ...تريدي يقولك انا ما عندي ...

لازم تكوني فاهمه زوجك ...قدري الظروف ... وساعدي زوجك بكلامك واسلوبك ووقفتك معاه...

حسسيه انك مبسووطه وفرحاانه مش متأفئفه ...قوليله اني انا مبسووطه معااك ..

الزوج يفرح لما تكون زوجته مبسوطه ...فلا تنتقصيه ابدا ...

نكمل ان شاء الله المره الجايه ..

حلوة الإحساس

30-03-2010, 02:52 PM

:رقص:

عدنا من جديد ...وفي جعبتنا العديد ....:sm.53:...

اممم...

الكذب وما ادراك ما الكذب ...

يا فلاانه ..وين كنت وانا اتصل اتصل لي ربع ساعه ومحد يرد ...

انت عاااد ترتبكي ..وتتأتئي ..وتقولين هااا..اصل الموبايل كان عالصامت وما سمعت و و و و ..الخ الخ ..من انواع الكذب ..

يا بنت الحلال ..وش صار لو صدقت بكلامك ..حتى لو كان مر ..بالنهايه بيكون في ثقه بينك وبينه ..وبيكون متطمن لما يسألك او يناقشك ..والله تعيشي متهنيه انت وهو..اذا هالخصله فيكم ..ترتاحين نفسيا ..يوم يجاوبك او انت تجاوبيه ..من غير كذب ..ف ما تحتاجون تتاكدون من الكلام دام انكم فيكم خصلة الصدق ..

سبحان الله يا بنات ..كيف ان الاخلاق الحلوه تعيش الناس بهناء ..وكمان يطلعوا الاطفال ..فيهم هالخصله ..لانكم انتوا ما تكذبوا ..فكيف هو بيتعلمه..!!..وبنفس الوقت التشجيع على الصدق.. بعدم المعاقبه وقت الاعتراف ..وكذا الطفل بيكون مش متخوف من الاعتراف ..

..........................

اللف والدوران...

يعني ..حابه انك تزوري فلانه ...

فتبدين تقولين لزوجك..تعرف؟؟ فلانه من زمان ما شفتها وهي كانت اغلى صديقاتي ..وقبل يومين اتكلمنا ..و و و و ..وبعدين و و و و...جرجرجرجرجر..

ف شو رايك ..اروح عندها ...

هههههههههههههههههههههه..

هذا حتى تصيير معايا ...

واستغربت..قلت ممكن زوجي اللي ما يحب هالشي ..ولما قريت الكتاب ..مكتوب فيه انه "كثير من النساء يعجبهن الالتفاف والمناوره حول الهدف ولا يبحن بمقاصدهن بشكل واضح مباشر والرجل لا يحب هذا الاسلوب ولا يحسنه ولايس مضطرا لسلوكه "كيف تعاملين زوجك كيف تعامل زوجتك

يعني الرجل يحب الصراحه ...تبين شي ..حابه شي قوليه من غير مقدمات ...

انا اكثر من مره زوجي يقولي ..كنت تقولين من الاول انك تريدي كذا كذا من غير هالمقدمه ..
صح ان الرجال ما يحبوا هالشي ..بس مو معناته انهم يزعلوا ويغضبوا ..لا لا ابدا ..بس يقولك باسلوب عادي ...

لكن وقت النصيحه عااد ..لازم تكوني لبقه وتقوليله بأدب وبمحبه وتقدير

.................................................. .......

الاسلوب في الحوار وقت الغضب ...

شوفي ..لازم تكون هالقاعده اساسيه في حياتك ..الا وهي ...

اذا زوجك غاضب منك..وانت أخطات في حقه ..لازم تكوني حذره ..في هالوقت ..بلاش نقاش ..وتبريرات ...خليه يطلع اللي في البه ..( يفش خلقه فيك) :sm.53:..وخليك ساكته ..واعتذري واتأسفي ..مو والله تتكبرين ..وتقولين انا اعتذر لا والف لا..

غلطانه..اعتذري ..وحاولي تقصري من لسانك الصليطي...

ووقت ما يكون هو المخطئ..لا تعصبي وحاولي يكون الكلام بينكم باسلوب حوار ..ونقاش من غير رفع اصوات ..ومسخره واهانات ..وصدقوني ...صدقوني احلى شي هالحوار الهادي اسالوني انا .. ..تنحل المشكله .. وبسرعه كماان...بعكس اذا كان فيه صراخ واهانات وتطاول في الالسنه ...

اذا حد منكم غاضب الثاني لازم يكون هادي ..لكن لو انتوا الاثنين بوضع الغضب ..ما بيمشي الحال ..وحاولي انك تاجلي المناقشه لوقت آآخر لما تهدى الاعصاب ...

.................................................. .

ان شاء الله نكمل المره الجايه

حلوة الإحساس

07-05-2010, 08:52 PM

السلام عليكم..

سامحوني على تأخري في الكتابة ..:و1:

...........................

نرجع لموضوعنا وهو كيف تتعاملين مع زوجك وشو اللي يضايقه..

"إظهار الحب":cat74:

الرجال يقول لزوجته أنا أحبك .. وهي قاعدة تفكره أقوله إني أحبه وللا أكون رزينة واسكت.. زي ما قالتلي فلانة أو امي أن ما تعطي للرجال وجه ولا ترمي نفسك عليه ..خليك قوية :cat80:

شو يا جماعة وين نحنا ..في حرب وللا شو ؟:cat55:
هذا الرجال زوجك وانت زوجته ...وين الرقة والموده والمحبة

طيب أنا استحي..:cat68::cat68:

يا سلاام على الحيا ...خليه ينفعك...

يعني لازم الزوج هو اللي يبدا ويقول انه يحبك .. .. ليش ما تبدين انت؟؟.. ليش ما تحسسيه بمحبتك له من خلال كلامك ومعاملتك ولبسك وبيتك ونظافتك

في وحده قالتلي انه فلاان ..يقول لزوجته ..نفسي اسمع منك كلمة احبك...

وين المشاعر بينكم؟؟ ..

حتى لو هو ما قال ولا شي ..انت اشعلي الحب بينكم ..بنظراتك ولمساتك وكلامك الصريح
دلعيه والبسي واتكشخي
مش تقولين والله استحي...

يعني ما تستحين لو راح يشوف الحريم اللي برا وتقولين بالنهاية ليش زوجي اتزوج عليا

والمصيبة لما الزوجة تتكشخ لما تطلع برا .. وداخل البيت ما تسوي شي .. تعب مو؟؟

" المرأة المتميزه هي التي تصنع الجمال والحب في قلب زوجها وإن لم تكن جميلة" عسليات زوجية

طيب بعد ما تظهري الحب ...عاد لا تسوي أشياء يعادي أو يعاكس هذا الحب ..

يعني بمعنى آخر الاحترام للزوج كيف؟

مو والله ترفعين صوتك إلى مدري وين وانت تكلميه..:اعتمد:
ويوم هو يتكلم اسمعي لكلامه من غير ما تقاطعيه واذا في فكرة قالها ما عجبتك ناقشيه فيها بكل ادب وهدوء

اطيعي اوامره .. مو والله يا انا يا انت..

احفظي اسراركم وما تخبري حد فيها وتنشري الخبر .. وما تقعدي تقولي زوجي سوى وعمل و و و و ... احفظي سيرته الله يحفظك يا شيخة...cat2.

" حينما يكون بيت الزوجية من زجاج!! مكشوف للناس بأسراره وخفاياه وخاصة للمقربين, فإنه حتما سيكون سهل التحطيم ولكن عندما ينحصر على الزوجين والزوجين فقط دون تدخل أحد في صغيرة كانت أو كبيرة فإنه ولابد سيكون بيتا صلبا صعب الانهيار" عسليات زوجية

في وحده اعرفها كل صغيره وكبيره تخبر امها ..

هنا المشاكل تزداد بزياده.... حتى لو المشكلة صغيره تصير بعدين كبيره وهي ولا شي ..

هذا التصرف الصح يا حبووبات ..مو كل شي تخبرين الناس عليه خليه بينك وبين زوجك.. ينحل الموضوع بنفس الوقت مو والله تشتكين وتتذمرين .. وتتنكدين cat13

" الذين يكثرون الشكاة والتذمر يلاحقهم النكد في كل مكان..أما الذين ينظرون إلى الحياة بوجه مبتسم ويخلقون من عمق المشكلات فرصا للنجاح والصعود.. تجدهم مسرورين في حياتهم" عسليات زوجية

إلى لقاء آخر بإذن الله .. مع التكملة..

cat20.

حلوة الإحساس

17-05-2010, 11:12 AM

.............................

جينا وجينا وجينا آآآآآآآه ..تنقدم تهانينا آآآآآآآآه

ههههههههههههههههههههههه

المهم .. نكمل الموضووع..اللي مش راضي يخلص :شيخ:

تعرفوون مجاالس الحريم ما تخلي من الغيبه والنميمه .. واكثر شي اللي يقهر لما يتكلمون عن ازواجهم وشو سوت فلانه مع فلان ... يعني اسرار فلانه صارت نشرة اخبار في المجلس وبعدين انت ترجعي لبيت زوجك وتقوليله شو صار معك اليوم وشو اتكلمتوا .. وتدري فلانه سوت وفعلت ... وفلانه كانت لابسه .. وتبدى تعرض مفاتنها ...والرسول يقول عليه الصلاة والسلاه" لا تباشر المرأة المرأة فتصفها لزوجها كأنه ينظر إليها

يعني تكوني انت شفتي فلانه بكامل زينتها .. وتروحي توصفيها عند زوجك

ويبدى الرجال يتخيل ..والشيطان يوسوسله ويقول ...ترى فلاانه حلللوه احلى من زوجتك..ويبدى يقارن ويقارن...فالاحسن ما تخبرين زوجك هالسوالف اللي تدور بينك وبين الحريم .. ما له داعي اصلا

وللا احيانا الزوجه لما تشوف شي في شكلها وللا في جسمها مش عاجبها ..تروح تقول لزوجها "" يووه شوف بشرتي مش حلوة .... فيها وفيها .. وللا جسمي فيه وفيه ............يعني الزوج يكون مش منتبه لها الشي وهي تروح تفتح عيونه عليه .. فيحط في باله انه مو حلو..ز

شوفي يا ستي..اذا شي انتي ملاحظاه على نفسك ...لا تخبري زوجك...اعتني بنفسك من غير ما تقولين له ...

" لا تتكلمي أمام زوجك عن نفسك أبدا بالسوء حتى لو كان فيك عيبا سواء كان خُلقي أو خلقي يكفيك أنك عرفتيه حتى تغيري من نفسك ولكن بصمت.. كما قال الرسول صلى الله عليه وسلم " استعينوا على قضاء حوائجكم بالكتمان " عسليات زوجة

"" فلان اعطى لفلانه "

هذي المصيبه اللي ما تخلي الزوجه تسعد بحياتها .. لما تسمع ان فلانه زوجها اعطاها وللا وداها .. وللا وللا وللا ..
ترجع لبيت زوجها وتقولها ليش فلان اعطى لفلانه وانت ما تسوي ولا تفعل ولا ولا ..

اول شي ...انت لما تقولي كذا لزوجك .. كأنه ما اعطا لك اي شي ولا كأنه سوى معاك اي شي .. يعني بس نسيتي اللي سواه عشانك وحطيتي بس الاشياء اللي شفتيها عند الناس وما شفتيها في بيتك ..

يعني كفران العشير ..
عشان تحسي بالسعاده ويدوم بينكم المحبه اتذكري محاسن زوجك زز اتذكري الأشياء الحلوة بينكم وحسي بالرضا والقناعه دايما ...والله بترتاحي وتسعدي بحياتك...
اما والله كل ما شفتي شي من زوجك ..زعلت وولعت ومسحت كل الاشياء الحلوة وبس تتذكري الشين ..وليش فلان سوى لفلانه وانت ما سويت ..

كذا عاد الله يعينك على عيشتك ... قال عليه الصلاة والسلام ( أُريت النار , فإذا أكثر أهلها النساءو يكفرن , قيل : أيكفرن بالله؟ قال: يكفرن العشير, ويكفرن الإحسان و لو أحسنت إلى إحداهن الدهر ثم رأت منك شيئا قالت: ما رأيت منك خيرا قط ).

............................

يوم تذكرين محاسن زوجك اذكريه قدامه ..الرجال يحبوا المدح ..تهتز مشاعرهم وعواطفهم..

سمعيه احلى الكلام ..... وللا تنتظري احد غيرك يقوله ؟؟

...............................

النظاافه الحقيقيه هو سر الجمال....

يلا يلا يا عيال بابا الحين بيجي ..خلوني اتمكيج ... وهي الزوجه تتمكيج وتتكشخ.. وبعدين يرجع زوجها .. ويشوف البيت وسخان .. والعيال ملابسهم وسخة.. والام .. ريحة شغل البيت في جسمها .. ما نظفت عمرها .. بس يعني مكيجت حالها ولبست .. وبالنهاية تقول .. زوجي بطل يحبني مثل أول....

المشكلة فيك انت.... اهم شي النظافه الشخصية ونظافة البيت .. موشرط تعبي وجهك بالالوان .. بس اهم شي يشم الريحه الزينه ويشوف النظافه .. وزينتك واناقتك وعطرك.. ولبسك ...وكلامك الحلو..واستقبالك له ..وتوفير الراحه له يوم يرجع من الدوام ..ز من غير طلبات واسئله وهو لسا داخل ...

هذا اللي يريده زوجك...

على فكره ...اعرفوا ان عيون ازواجكم مفتحه زيين على نظافة البيت .. يعني هو يقعد يلاحظ ويناظر يوم ورا يوم ...ويدقق ويقارن .. ويخبي ملاحظاته لين ما يفرها لزوجته مره وحده لما يكون في مشكله وللا زعلان او يوم يشوف الشي زااد عن حده..

فيقولك .. ما تلاحظين ان الملابس مش مرتبه صار لها ثلاث ايام ..

او هو ينظف المكتبه .. ويقولك ..ابشرك يا زوجتي اليوم نظفت المكتبه اللي لها ايام ..ما اتنظفت بدل عنك ...

وللا يقولك بدل ما تروحي عند اهلك اجلسي في البيت رتبي الحجره وللا نظفي المطبخ ...

فالرجال يحب تكون زوجته نشيطه ترعى البيت والعيال وترعاه ..

نكمل المره الجايه .. ان شاء الله

FaiTh & Destiny

28-08-2010, 12:59 AM

ويين التكلمة يا حلوة ..
;)

حلوة الإحساس

27-09-2010, 01:56 PM

ان شاء الله بكمل لما يتحسن وضعي وأ لاقي الفرصه المناسبه

السمووحه منكم
انا يلا يلا لقيت فرصه ادخل المنتدى

ولا يهمك

حلوة الإحساس

17-02-2011, 04:14 PM

بسم الله ...

رجعنا لكم لنكمل ..وسامحوني يا حبووبات على التأخير :70esf:

نرجع لموضوعنا ...

واتعشينا فاصوليا...

الزوج يحب من زوجته انها تطبخ وتتفنن بالطبخ مو والله كل يوم نفس الأكله:"(:

الزوجه لازم تسأل زوجها عن الاكلات اللي يحبها وتتفنن فيه..

حلو بعد انها تخترع اكله ..:sg.2:

انا مره اخترعت اكله وطبقتها وكنت خايفه انها تفشل بس الحمد لله نجحت الطبخه وانعجب فيها :0smsd82:

حلو انك تفاجئي زوجك بأكلات من زمان عنها او اول مره ياكلها ...

...................

ميزانية البيت

الرجال يحب لما يشوف زوجته مقتصده مش مسرفه :يس:

تحاول ترتب امور البيت واحتياجاته

ميزانيه البيت تعتبر مثل الصداع للرجل ..المصاريف والايجار و و و و و...الخ
خصوصا لو كان الراتب متوسط وطلبات الزوجه كثيره

فالأحسن من الزوجه انها تكون هي المبادره وتشجع زوجها على التوفير وتحاول بس يشترون المقاضي المهمه الاساسيه قبل الكماليات

حتى لو الزوجه ساعدت زوجها بامور المصاريف ..تنتبه انها تمن وتقول انا اسويت واشتريت ...

الزوج ما يحب هالشي ولا حتى الناس يحبوها ...

...............................

لا تحرقي قلب زوجك

في بعض الزوجات عشان تخلي زوجها يغار عليها ..تروح تقوله عن رجل اعجبت بصوته او بقدراته او او
هالشي مو حلو بحقه ولا بحقك

كمان لما تطلعي تحاولي انك ما تكثري النظر واللفتات ..كوني رزينه مع الرجال محجبه ومحتشمه حتى لو كان زوجك متساهل بهالموضوع... وصوني جمالك لانه من امر الله تعالى ..ولإرضاء زوجك...

..................................

اليوم يوم المعركه..:md1 (119):

الكثير الكثير من المشكلات الي تصير في بيت الزوج لما يعيش مع والدته ووالده..

الزوجه تعتبره انها في ارض المعركه وعليها انها تكون مستعده للمواجهه...:ملاك:

عشان تعيي سعيده مع اهل زوجك...وعشان تخلي زوجك يفرح منك...لازم تخلي اهله مثل اهلك وعامليهم بهالمقياس ...حاولي انك تكسبي مودتهم باي شي ..بالكلمات الزينه ..والمعاله الحسنه حتى ولو هم قابلوك بالعكس ..لازم تستحملي ولازم تعرفي ان بعضهميكون طبايعهم العصبيه والمشاكل غصوصا لو كانوا كبار في العمر ..
خلي مكانك مكانهم ...وقدري الوضع ..وراح تعرفي كيف تكون الام تغار من زوجة الابن ...ولازم تنتبهي من اشعالها..
شجعي زوجك على احترام اهله والنفقه عليهم او اعطائهم الهدايا ..

لازم تعرفي اهم بحاجه الى حنيه واهتمام بهالعمر ..ها كل اللي يريدوه وانهم يشوفوا ابنهم مبسوط...

اجلسيمعهم واضحكي وونسيهم..ولا تزعلي بسرعه من كلامهم العفوي ...

والله بباركلك في زواجك ..وعيالك راح يبروا فيه ..

زي ما تبري باهله ..

واعرفي زي ما تعامليهم ..بالخير والحسنى ...في المستقبل زوجات عيالك بعاملوك بالمثل ان شاء الله ..

.................................

الحين يا اخواتي دوركم لو حبيتوا تضيفوا او تسألوا ..او تستشيروا ...نحن حاضرين ض1

صح انه في شغلات كثيره ما قلتها بس بخليها مفتوحه نستفيد من بعض...

واللي حابه تسأل بالخاص ما عندي مانع ...

اتمنى انكم تستفيدوا من الموجود...

والسمووحه منكم اذا اتأخرت

....................................