سالفت مأساويه<<<ههههههههههههههه

[لحضه صمت..!!؟]

صباح / مساء الخير

كيفكم وش علومكم ان شاء الله تمام

المووهم تراني ماحب اكثر مقبلات على طوول
خووش بالكبسه

انا سالفتي سالفه مأساويه

مره كنا نايمين فبيت خالي حنا وثنتين من خالاتي وبزارينهم

وكان خالي مسافر

عاد انا وبنات خالتي

قالبين النوم < بومات يعني نجلس الا الساعه

عشر الصباح وذاك اليوم حصل مالم يكن في الحسبان

كانت الساعه سبعه الصباح جالسين نطالع فلم وفجأه

ويطفى الكهرب والمكيفات والنور وكل شي هجد

قلنا نص ساعه ويشتغل ونكمل الفلم على البطاريه

وتروح نص ساعه وساعه وساعتين وثلاث ساعات < من يزود

وطفح الكيل خالاتي قاموا والبزران والشغالات وجدتي

بلشنا فيها ماتعيش الا بمكيف سبلت جلسنا نهف هفها بكرتون

الطماط كل الخلق قاموا ماعدا شغاله خالتي نايمه

وعليها بطاانيه نفرين ولا حست بشي اختنا في الله

< هذا الي استعجبت منه بس شكلها متعوده على الحر

وحنا حالتنا تعرفين الي بالحصه الاولى وفيك نوم والاستاذه

كل شوي مطيره عيونها عليك < يعني مافيه مجال ننام

عاد انا جلست اطالع البزران نايمين ويتصبب العرق


وجلسنا على ذا الحال الا الساعه حدعش ونص < داخلين حمام بخار

قلت ياشيخه مب معقول كل ذا الوقت يطفى الكهرب

واقول للبنات وش رايكم ندق على شركة الكهرب نكلمهم

واجيك انا المنقذه الرسميه وادق ويرد علي واحد توه ماكل قشطه مع شاهي بحليب

قلت له ياخوي وش سالفتكم انتم من صباح الله يطفى الكهرب

قال انتي بأي حي ساكنه وقلت له قال الكهرب

مشتغل عندكم قلت له احلف يعني بس بيتنا الي طافي عليه

قال شوفي اختي اطلعي بالشارع عند عداد الكهرب وجيبي

الفاتوره وعطيني رقم الاشتراك قلت له طيب ونطير عند باب الشارع

واخذ الرقم ودق عليه واقوله رقمنا قال ايه انتم

ماسددتم الفاتوره ويجي فوق راسي عصافير تدووور

ماسكه فاتوره

تقول سدد فاتوره تيار والف على

البنات قلت بنات هدوني عليه مسكوني قالوا لاتهورين < هيبه

وارجع لرجال بالسماعه قلت له اخوي طيب كان صبرتم لما
يجي بليل وتطفونه ولا كان قلتوا لنا اننا بنطفيه عشان

نكون مستعدين طيب يعني لو تشغلونه الحين وتطفونه

العصر قال اختي انا مالي دخل < المسكين خاف

خذي التحويله هذي دقي عليهم كلميهم

< ويبدا شغل الترجي والتمني

وادق على التحويله الي عطانيها واقوله

ياخوي حنا ناس على قدنا وابونا مسافر

وحالتنا حاله وش رايك تفتح الكهرب الحين <<إ قالي استعطف هم

وتسكره بليل قال حنا حقين الصيانه دقي على

التحويله هذي كلميهم < يلعن ابو الحاجه


وادق عل التحويله الثانيه قلت له ياخوي حنا حالتنا يرثى لها

ومساكين وعلى حديده افتح لنا الكهربها لين بليل

قال دقي على التحويله هذي وتجيني ام الركب

واطلع حرتي فيه واهزئ وانتم ماعندكم ذوق ولٌا احد يطفي الكهرب الظهر بشتكي كوم عند حقوق الانسان عاد بالاخير سكرت منه وبعد ما فقدنا الامل

وشكلنا كل وحده تهف على الثانيه وانا الله يسلمني مسكت واحد

من البزران واخليته يهف علي

وادق على خالي ويعطيني مشغول

قلت بس هذا مقلب من مقالب خالي

ولله ياهو ثقييل دم هالخال ومن هالكلام

وقطعنا التلفون بالمكالمات

وبعد مانهد حيلنا وانهارت قونا واصبحنا شبه

مجاعة افريقيا وجدتي خربت اخلاقها ماغير

ملاحقتنا بعصاها وتلحيط لمين قلنا العيد اليله

وشغالة خالتي ولله ياهي جدار ماحست بهوا دارنا

< بيني وبينكم اشك انها اادميه

وانا كتبت شعر رثاء بالمكيف وراسي صار دفاية غاز

مشبوكه على ميتين وعشرين

وبينما حنا جالسين نطالع بعض ويرن التلفون وارد < السنترال

ويطلع اخونا في الله خالي توه قايم من النوم قال وش عندكم

فجرتوا بجوالي عشر مكالمات ياساتر وانا الي ماسكه

اعصابي لا ارتكب فيه جريمه

قلت له خال ماحد قالك ان مزحك ثقيل قال ليه وش

مسوي لك انا قلت ويوم جيت بقوله وتجي جدتي

تسحب السماعه مني < ماعندها وقت

قالت نايم بالعسل وتاركنا بالبصل تعال سدد

الفاتوره الله يسدد راسك

وقالت له السالفه < عاد اكتشفنا انه مو ناويها

دايمن ينسى الله يهديه بس تراه مزحه ثقيل

وسدد الفاتوره بالتلفون ويوم تمت الساعه

ثنتين الظهر ويشتغل التيار < واشكالنا

كل وحده خامة لها مكيف وتبوس فيه

ونام الجميع بهناء وسلام بستثناء شغالة خالتي توها

تقوم

وتوتا توتا خلصت الهتوتا < هي كذا تكتب

وهذي قصتي المأساويه

عاد تراني ابغا ردودكم ولا اغسلوا يدكم اكتب لكم شي < تناظر بطرف عين