Rayany in Turkey

[Rayany]

سلامون عليكم ..



رجعت لكم بتقرير طويل عن [ تركيا ] ..
أول شي قبل ما تسآفرون معاي لازم نعطيكم خلفية بسيطـة
عن هالبلد الجميييييييل .



Türkiye http://www.77d.com/vb/images/smilies/d4.gif (http://www.77d.com/vb/images/smilies/d4.gif)


· العاصمة : انقرة
· اللغة الرسمية : تركية (لكن تستطيع ان تكلمهم بالانجليزية ايضا)
· العملة : ليرة تركية جديدة (وتستطيع ان تتعامل معهم بالدولار او اليورو)
· أكبر مدينة : أسطنبول




نكتفي بهالمعلومآت البسيطـة ..
والحين راح ننطلق من مطار دبي
وراح تستغرق رحلتنا مدة 4 ساعات ..!
طول الوقت كنت راقدة http://www.gurlzon96yle.net/vb/images/smilies/thumbdown.gif




http://www.gurlzon96yle.net/vb/images/smilies/aa_plane.gif




4



3



2



1





وصلناااااااااااااااااااااا .. وأخيرا << قاصة على روحي لول




http://www.gurlzon96yle.net/vb/up/smilies/mysmilie_1608.gif




يا سلام على هالبلد .. جور ولا أروع ..
طبيعة متاحف مساجد ..
الناس معاملتهم ولا أروع ..
والحلو أن البعض يعرف عربي كشخه يتكلمون لغة عربية فصحـى
طبعا نحن حاجزين عند شركـة [ تامر للسياحـة ]
والصرآحـة مول ما عليها كلام ..
ما تم مكان ما زرناه ..
رحلـة من أروع الرحلات ..


.
.




قعدنا في فندق جراند حياة ..
في منطقـة تقسيم ..
وبعد قعدنا بفندق أنتركونتيننتال يم جراند حياة بالضبط
وهني صورة للمنطقـة صورة خذتها من الفندق ..
.
http://www.gurlzon96yle.net/vb/uploaded/2013_01248635471.jpg
http://www.gurlzon96yle.net/vb/uploaded/2013_11248635471.jpg
http://www.gurlzon96yle.net/vb/uploaded/2013_21248635471.jpg
الفنادق ما عليها كلام وايد حلوة وراقية ومريحة ..
.


كنا صدق نشيطين .!
والجو ما عليه كلام ..
هو مو برد برد ..
بس وايد حلوو ..
وحلاته يوم يكون مغيم



هالصورة لمسيد في أسطنبول أعتقد ..!
http://www.gurlzon96yle.net/vb/uploaded/2013_01248635772.jpg

هني يوم انتقلنا من أسطنبول إلى البورصـة
http://www.gurlzon96yle.net/vb/uploaded/2013_31248635471.jpg
http://www.gurlzon96yle.net/vb/uploaded/2013_41248635471.jpg


وهني صورة للبحر في البورصـة ..
ماشالله وايد ناس يقعدون هناك ..

http://www.gurlzon96yle.net/vb/uploaded/2013_51248635471.jpg


http://www.gurlzon96yle.net/vb/uploaded/2013_61248635471.jpg


وشي مقهى يدام البحر ..
يلسنا فيه وشربنا الجاي مالهم
واااااايد حلو الجاي مالهم
انا ما أشرب جاي مول
بس هناك شربت ..
وحتى غير أييبون لنا كل شي ونحن نسويه ..
أنا صورت كيف الطريقـة لكن فيديو وما اروم أحطيه ..
بس الصراحة كان عجيب وايد ..
وأكواب الجاي لازم تكون بهالشكل .. لاااازم


http://www.gurlzon96yle.net/vb/uploaded/2013_71248635471.jpg
.
.


هناك شي مكان أسمه [ طبهاني ]
وايد حبيت المكان ..
طب يعني مدافع ..
وهاني يعني مكان ..
ها المرشدة خبرتنا
هني صورة الدري ونحن نركب فيه

http://www.gurlzon96yle.net/vb/uploaded/2013_11248635772.jpg
وشي منظار ترومون شوفون فيه كل شي

http://www.gurlzon96yle.net/vb/uploaded/2013_81248635471.jpg


http://www.gurlzon96yle.net/vb/uploaded/2013_91248635471.jpg


.
.
في البورصـة شي قمـة .. الصرآحـة عجيبة وايد ..
يوم سرنا لها ما كنت مودية الكاميرا معاي نسيتها
فحسافة فاتتني كل الصور
يوم نسير لهالقمـة لازم نركب التلفريك
وناسة كان
بس ما فوت الأكل .. كان شي مطعم في القمـة ..
خذت موبايل أختي وصورت ..

http://www.gurlzon96yle.net/vb/uploaded/2013_01248636120.jpg
أكلهم واااااايد لذيييذ ..
هالمطعم اللي سرناه جي نختار لنا الأكل
وشي مكان للشوي جي مكان دآئري عود نسير نحن نشوي فيـه ..
وايد كشخه كان ..


.
.

وسرنا بعد قريـة قدييييييييمة وايد عمرها 750 سنـة ..
هاي اللي ويانا تقول لنا عمرها 750 تنه وانا هني نقعت من الضحك
مسكينة ألوان والله وايد طيوبة كانت وتعرف تتكلم عربي شوي
بس كله بالفصحى
http://www.gurlzon96yle.net/vb/uploaded/2013_11248636120.jpg


http://www.gurlzon96yle.net/vb/uploaded/2013_21248636120.jpg


http://www.gurlzon96yle.net/vb/uploaded/2013_31248636120.jpg


http://www.gurlzon96yle.net/vb/uploaded/2013_41248636120.jpg
http://www.gurlzon96yle.net/vb/uploaded/2013_51248636120.jpg

هالقرية اللي رحناها كل شي جديييييم فيها كل شي
بيوتهم والناس اللي فيها
كل شي كل شي
وايد حبيت الأماكن ..

وهناك بعد تعرفت على كلب أبيض لول .. شكلـه يكسر الخاطر
يطالع اللي رايح واللي راد ..وبعدين بعد لقيت كل 2 بني ها مول ما يكسر الخاطر


http://www.gurlzon96yle.net/vb/uploaded/2013_61248636120.jpg
.
.

وهاي الصورة ف مدينة يلوا هالمدينة وايد حلوة
والطبيعة فيها جمييييييييلة Pp=
http://www.gurlzon96yle.net/vb/uploaded/2013_71248636120.jpg
.
.



وهالصورة لمكان فيه عيون حاره
أسمها مياه ترمال وايد حبيت المكان
http://www.gurlzon96yle.net/vb/uploaded/2013_81248636120.jpg


http://www.gurlzon96yle.net/vb/uploaded/2013_91248636120.jpg
.
.


وبعدها انتقلنا لجزيرة الأميرات
جزيرة روعة من الخاطر
كأنها صدق جزيرة للأميرات
وايد حبيتها ..
هني يوم ننتقل للجزيرة

http://www.gurlzon96yle.net/vb/uploaded/2013_01248636632.jpg
http://www.gurlzon96yle.net/vb/uploaded/2013_21248636632.jpg
.
.



مآ شالله الطيور كانت أتيي عندنا
كنا نشتري جي خبز يسمونه [ سميد ] عندهم ونأكل الطوير فيه ..


http://www.gurlzon96yle.net/vb/uploaded/2013_11248636632.jpg
.
.



وهني يوم وصلنا للجزيرة
http://www.gurlzon96yle.net/vb/uploaded/2013_31248636632.jpg
http://www.gurlzon96yle.net/vb/uploaded/2013_41248636632.jpg
http://www.gurlzon96yle.net/vb/uploaded/2013_51248636632.jpg



http://www.gurlzon96yle.net/vb/uploaded/2013_61248636632.jpg


http://www.gurlzon96yle.net/vb/uploaded/2013_71248636632.jpg



http://www.gurlzon96yle.net/vb/uploaded/2013_81248636632.jpg



http://www.gurlzon96yle.net/vb/uploaded/2013_91248636632.jpg



وايد حلوة كلها فنادق وخيول ..
شوفوا آخر صورة هاللون الأبيض اللي عاليرة ورود صغار روعة شكلها
وعاد ردينا من الجزيرة بس تجولنا فيها وردينا ما قعدنا ..

.
.

هني صورة الآيس كريم مالهم الصراحة طريقة تقديمهم ولا أروع ..
كشخه يوم يقدمه يسوي حركات وجيي انا صورته بالفيديو ..



http://www.gurlzon96yle.net/vb/uploaded/2013_01248637152.jpg




وهناك شي حديقة أسمها حديقـة [ جلهان ] ..
كلها ورررود روعة وايد بس حسافة كل الصور اللي عندي صور شخصيـة فما روم أحطيها


.
.



الحين بوريكم المعالم الموجودة عندهم ..
أول صورة هاالمعلم هدية من أمانيا لتركيا ..



http://www.gurlzon96yle.net/vb/uploaded/2013_11248637152.jpg



http://www.gurlzon96yle.net/vb/uploaded/2013_21248637152.jpg
.
.

وهذي يسمونها مسلـّة وهذي بعد هدية من مصر لتركيا ..



http://www.gurlzon96yle.net/vb/uploaded/2013_31248637152.jpg
.
.



وهالأشكال اللي تحت المسلّة كل واحد له قصـة بس انا ما استوعبت سالفتهم يوم تقول لنا المرشدة



http://www.gurlzon96yle.net/vb/uploaded/2013_51248637152.jpg



http://www.gurlzon96yle.net/vb/uploaded/2013_41248637152.jpg
.

وهالتحفـة موجودة ف مسيد هناك .. بس هالتحفة مصنوعة من مادري شنوو
بس وايد حلو شكلها وكبيرة ،!

http://www.gurlzon96yle.net/vb/uploaded/2013_61248637152.jpg



وهذا من أول ما ندخل المسيد

http://www.gurlzon96yle.net/vb/uploaded/2013_71248637152.jpg

http://www.gurlzon96yle.net/vb/uploaded/2013_81248637152.jpg


.
.

وهنيي خزآن مائي .. تخيلوا قبل هالمكان متروس كللللللللله ماي
وكان خزان مائي
بس بعدين سووا لهالمكان صيانه وفرغوه من الماي عسب يصير مكان سياحي
حتى عالأعمدة موجودة خطوط مال الماي قبل جي ف نهاية العمود فوق

http://www.gurlzon96yle.net/vb/uploaded/2013_91248637152.jpg
بس فهالمكان ما فرغوه كاااااامل من الماي لا يعني فيه ماي شوي ..
وداخل هالماي متروس ليرات .. أونه الناس يتمنون أمنيات ويقطون الليرة
بس مب متأكدة بالخزان يقطون ولا بمكان العمود الدامع -.-"
.

وبعد شي سالفـة أن يوم سووا صيانة لهالمكان شي عامل لقى هالأثر وما عرف شو يسوي فيه
فخلاه مقلوب .. معنه هالأثر كان آلهه عندهم قبل .. والحين صارت بعد أثر سياحي لول ..
أسمها ميدوساا ..


http://www.gurlzon96yle.net/vb/uploaded/2013_01248637751.jpg
.
.

وهالصورة مجسم لمكان أسمه مينيتريك ..
مكان فيه آثار تركيا كلللللللللللللللللها بس مصغيرة
يعني مثل حديقة جي وفيها آثار تركيا كلها بس مصغيرة بوريكم صورت المكان يوم زرناه بعدين .!



http://www.gurlzon96yle.net/vb/uploaded/2013_11248637751.jpg



http://www.gurlzon96yle.net/vb/uploaded/2013_21248637751.jpg


.
.
وهذا يسمونه [ العمود الدامع ] 24 ساعة ينزل ماي ولحد الحين ما عارفين من وين أيي هالماي أمر عجيب



http://www.gurlzon96yle.net/vb/uploaded/2013_31248637751.jpg
.


وهالمكان أسمه مسجد السلطان أحمد يسمونه [ المسجد الأزرق ]



http://www.gurlzon96yle.net/vb/uploaded/2013_41248637751.jpg



.
.

وهني زرنا منيتريك حقيقة أول شفناها مجسم ..
شوفوا كيف كل المعالم والآثار بتركيا مصغرة ..
يعني اللي يبي يشوف كل الآثار يزور هالمكان بس هالمكان الآثار فيه تكون مصغرة

http://www.gurlzon96yle.net/vb/uploaded/2013_51248637751.jpg

http://www.gurlzon96yle.net/vb/uploaded/2013_61248637751.jpg

هالجسر اللي بالصورة يسمونه الجسر الملعق .!

http://www.gurlzon96yle.net/vb/uploaded/2013_71248637751.jpg
.
.


وبهالقصر يوم دخلناه كل شي فيه 2
كل شي كل شي .. إذا كان باليمين شي باب صوب اليسار شي باب مثله ..
يعني كأن الجهة اليمنى تعكس الجهة اليسرى ..
كل شي 2 الكرسي ، السيادة ، الثرية ، الجامة كل شي ..
ومالقصد من هالشي أن يبون يثبتون أن كل شي فهالكون يمكن يكون له شيين الأ الله فهو الواحد الأحد
حبيت هالمكان وفكرته ..!



http://www.gurlzon96yle.net/vb/uploaded/2013_81248637751.jpg
.
.



وهالمكان جي كله فيه أعشاش للطوير



http://www.gurlzon96yle.net/vb/uploaded/2013_91248637751.jpg



.


.
وهالمكان هو البرج اللي حاول عباس بن فرناس يطير منه
فكرت أجرب تجربته بس للأسف ما خلوني Hehehehttp://www.gurlzon96yle.net/vb/uploaded/2013_01248638402.jpg


وبهالشارع كله مطاعم وأسواق ..

http://www.gurlzon96yle.net/vb/uploaded/2013_11248638402.jpg



.
.



وهالصور لبعض المناطق اللي زرناهاا هالأماكن الحلقات التركية يمثلون فيها



http://www.gurlzon96yle.net/vb/uploaded/2013_21248638402.jpg



.


.


وهني نكون خلصنا جولتنا الجميلة في ربوع تركيا ..
واستمتعنا بمناطق عديدة في تركيا
[ اسطنبول ،البورصـة ، مدينة يلوا ، جزيرة الأميرات ]
وايد أماكن حلوة ..



حبينا شعبهم أكلهم أسواقهم طبيعتهم تعاملهم كل شي كل شي ..
أنصحكم يزيارة تركيا وانا الود ودي أزورها بعد للمرة ال3 ..
وهيه صح هناك تعلمت كمن كلمة تركية كشخه لغتهم والله ..

سلامون عليكم << ها سلامهم
أيفيت << يعني نعم
شوكراً ، şükran<< يعني شكر
لوتفه ن ، lütfen << يعني لو سمحت بس لازم ننطقها مع الهاء
كون ايدين << صباح الخير

ووايد كلمات نفعتني هناك

.


.


طبعا استغرقت الرحلة هناك مدة 10 أيااام ..
وبعدها انتقلنا لمآليزيا ..

وانتظروني مرة 2 بصور ماليزيا ..http://www.gurlzon96yle.net/vb/up/smilies/mysmilie_1588.gif


وأتمنى أنكم استمتعتم بالرحلة معاي ..
وتعرفتوا على تركيا ..
ومعاالمها



وفي النهاية هالقطوة التركية اللي معصبة تسلم عليكم




http://www.gurlzon96yle.net/vb/uploaded/2013_41248638402.jpg





Selametle

[♥SARA]

يشرفني اني اول وحدة اترد ع موضوعج

الصراحة انا وااايد سمكت عن تركيا و طبيعتها لان عمتي راحت تركيا و عجبها فراحت السنة الي بعدها و بعد شفتها في المسلسلات و خاطري ازورها

بس انتي شجعتيني و اول مرة اسمع عن هل الأشياء

و انا عجبتني طريقة الأيس كريم << اهنا عندنا مثل الطريقة يسون الأسكريم

و طريقة شايهم شفتة في المسلسلات التركيا

و عجبتني جزر الأميرات

و عجبني كل شي

و تصويرج رااائع

انشاء الله ازور تركيا

انشاء الله انشوف صور من ماليزيا انا زرت ماليزيا مرة و كانت وااايد حلوة بس ما قاعدة اتذكر الأماكن الحلوة لو تذكرت بقولج

انشاء الله تستانسين
و ترجعين بالسلامة

[عضوة ،]

مشاءالله صور ولا اروع

عشت معااج الرحلة

والاشياء في تركياا روعه ومعالمهم الاسلامية

خاطري ازورهاا

وانشاءالله انجوف تغطية ماليزيا

[ђάḓoolє]

وااااو صور مرررررره رايقة

ماشاء الله رحلة سعيييدهـ

ننتظر صور ماليزيا

[Rayany]

thanx a lot 7bebaty 3al mrooor

انا ما بحطي صور ماليزيا الا إذا شفت ردوود وايده بموضوعي -_-

[sweetbutterfly]

هــلـآـ بــريــآنــي



آلــ ح ــمــدللــه عــلــى آلــســلـآـ مــهـ عــمــري


http://www.nsaayat.com/up/uploads/nsaayatff71493929.gif

و الـلـه مــآشــآءالـلـه عـلـى صُـورج .. صــج فــي قــمــهـ آلــروووعــهـ

آآآآآخ عــلــى تــركــيــآ ..صــج ديــرهـ روووعــهـ

http://www.nsaayat.com/up/uploads/nsaayatff71493929.gif

تــقــســيــمـ حــلــووووهـ .. أكــيــد رحــتــي شــآرع الاســـتــقــلـآـ ل الـلـي عــنــدهــمـ

كــلــهـ زحــمــهـ بــ ع ــد


http://www.nsaayat.com/up/uploads/nsaayatff71493929.gif

كِــنـــآ بــنــرُوح جــزر آلــأـ مــيــرآ:] بــس مــآصــآر:] لــنــآ فــرصــهـ

آنــهـ أولــ أمــس رديــت مــن تــركــيــآ و مــثــلــج قــ ع ــد:] 10 أيــآمـ


فــنــدقــكــمـ حــلــووو و كــشــخــهـ

http://www.nsaayat.com/up/uploads/nsaayatff71493929.gif


آنــهـ كــنــت فــي Ciragan Palace Kempinski فـي Beskitas


http://www.nsaayat.com/up/uploads/nsaayatff71493929.gif




مــآشــآءالـلـه مــُوضــوعــج رآآئــ ع فــي قــِــمــَهـ آلــتــَنــْســِيــق بــ ع ـد



آنــتــظــر صــورج فــي مــَآلــيــزيــآ حــيــآتــي

http://www.nsaayat.com/up/uploads/nsaayatff71493929.gif

فــديــتــج رَيــُووونــهـ آلــ ح ــلــوهـ و عــلــيــج بــآلــ ع ــآفــيـــهـ



http://www.nsaayat.com/up/uploads/nsaayatff71493929.gif

[Rayany]

TslmoOn ya 7lwat 3l mrooor alrow3aaaah

نورتوا ..




sweetbutterfly (http://www.banaat.com/vb/member.php?u=202)


هيه سرنا الاستقلال -.-" عندي صور بس كلها شخصيـة للأسف

[Mony]

موضوع ممتع جدّاً ..

رائع ريوّن ماشاء الله

لي عودة مرة أخرى

ق1 ق1

[Rayany]

ف انتظار عودتك الجميلـة غاليتي

[Ms. LEMO]

وآآآآو صور ولا أروع

مآكنت أعرف عن تركيا الشيء الكثير

الحين بالصور حسيت اني في وسطها

[Rayany]

أنجليكا ،، هذا هو المطلوب أني أحسسكم انكم ويايه ^ـ*