ما شاء الله حجابك بهاللون الأبيض والأسود طاالع رووعه

[حلوة الإحساس]

بسم الله الرحمن الرحيم..



انتبهوا الحينه بقول تحيه الاسلاام ..وخروا شوياا..




ههههه




السلاام عليكم ورحمة الله وبركااته.. :character0071:





كيف حالكم يا بنووتات؟؟




اكيد بخيير والحمد لله ..داام طليتوا على موضوعي..



يعني عايشين والحمد لله :happy0065:




اليوم موضوعي عن شي احس انه فاقدين له في حياتنا..او ان اغلبنا ما يطبقه..وما بكون غلطانه لو قلت أكثرنا..



الا وهو حسن المعامله :gun2:



وهذا يضم الكثير من المعاني ..سواء كان قول او عمل..





خلوني اذكر لكم مواقف ..عشان أقربلكم الموضوع أكثر ,,



وعشان اخليكم تحسوا باللي صار




لان اكيد الأكثريه راحت عن بالهم مدى تأثير حسن المعامله في الناس..





الموقف الأول..




كان في معرض في الجامعه..وانا وربيعاتي مشتركين في هذا المعرض..


يعني اتفقنا مع مكتبه من المكتبات الاسلاميه واخذنا بضاعه من عندهم وبعناها في الجامعه..



المهم ..كنا منشغلين في البضاعه وقاعدين نرتبها على الطاوله وننسقها ..ونزينهاا..



وفجأة..وحده كاتبه فرنسيه مو متحجبه أقبلت متجهه نحوناا..



نسيت اقول ان في سبع كتّاب أجانب كانوا موجودين..




المهم..انا استغربت قلت وش بلاها هذي جايه لعندنا :eek:



وبعدين هي راحت لعند وحده من البنات وقالتلها


حجابك كثييير حلو كثير عجبني اللون الأبيض والأسود اللي في حجابك:024:


وبعدين رااحت..






انا ما كنت سامعه شي ..ف على طول رحت قلت لربيعتي وش السالفه :eek5:..قالتلي اللي قالته الأجنبيه .. وهي البنت مستغربه ومندهشه يا حليلها :012:




بعدين يا جماعة الخير ..



فكرت شوي ..وقلت ليش نحنا ما نسوي مثل هالاجنبيه



ليش ما نمدح ونقول اللي في خاطرنا ..!!



باالعكس اخلاق ديننا ..احلى وأرقى









مهارة التعامل مع الناس وكسب ودهم ، هيأعلى المهارات قيمة







ياطالب البضاعة الرابحة إن اطابة الكلام بضاعةا لرابحين..







اذا تنافس الناس في امتلاك الذهب والفضة فلا يفوتنك اغلى منهما ..






(كلمة طيبةتقولها لاخيك).







اكيد ربيعتي فرحت بهالكلاام واستانست واايد..



عااد ليش ما نطبق هالشي ..ونفرح الناس..



وبصراحه انا قلت في نفسي ..يللا يا حلوة الاحساس طبقي انتي بالأول:025:..ومو شرط تطبقينه لربيعاتج بس..


لا ...مع اهلج كمان ومع العضواات اللي في المنتديات..مع الخدم والعمال ..ووو



يالله كم انا فرحت ..يوم شفت رد عضوة من العضوات لي وهي الاخت الغاليه ..صدى الليل ..في موضوع انا كتبته


كان بعنوان عاشر وخلك باشتياق وابدى غلاتك باحتراق ..كان موضوع + عرض بوربوينت



شوفوا كيف ردت وعلقت على الموضوع ..عجبتني يوم ركزت على شي في جاخل العرض نفسه وذكرته بالتحديد ..



خلتني افرح ..وخلتني كمان اروح واشوف العرض ثاني مره



لما تشوفي رد من العضوات .حلو ..وبنفس الوقت تحسين انها تعلق عن كلمه قلتيها او موقف او او ..تحسين انها مقدره موضوعج ..ومنتبهه ..وبنفس الوقت تحسيين انج انجزتي شي ..حلو ومرتب اثر في الناس




هذا رد صدى الليل اقتبسته لكم










واللـه مش عآرفه شو أقــول

وربّي فعلا مش عآرفه شو أقــول

العرض الكلمــآت

الصور
خلتنــي أبكـــي فعلاً !!!








رووع ــه

حسيــت فعلا فيـه أشيــآء نااقصه

أفكــر مين وميـــن !
العرض فعلا مبكـــي !
ولحظـــه عظـم الله اج ـرك ! مؤلمــه !
ممكـن تصير فيني وفي رفيقتــــــي ~ !!!!!!!








مؤلـم مؤلـم مؤلـــم !!

والله مش عآرفه أكتـب فعلا !

كـل اللي بعرفـه انك أبدعتي في العـرض وفي توصيلـه !
حتى الصـور كآنت رآئعه
مش عآرفه شو أقول فعـلا ً !!
















والله ان هالرد لين الحين مؤثر فيني وفرحاانه فيه فرح ..





يتبع..

[حلوة الإحساس]

وبعض العضوات ..اقول لهم لو عندج كلام حلو قوليه وللا اسكتي احسن وأبرك ..



والله شو يفيد تعليقج يوم يكون دمار شامل لقلب خوخي كتكوت ..بكلمه مثلا ..الانشوده مو حلوة ..وللا الموضوع حقج تاافه ما له قيمه ..او او او .. :sick0023:




رجاءا يا بنات ..لا تتحسسون من كلاامي ..ترى اسمعوا من ماما حلوة الاحساس ..احسن من انكم تسمعوه من غريب ..:hysterical:







شو صار لو شفتي شي يستحق انج تمدحين..وترى لو مدحتي وقدرتي عمل انسان ..راح ترفعين معنوياته وتخليه يستانس..


ويكون نظرته لج غييير



لانج بتكونين غير الناس في اسلوبج وتعاملج وكلامج الطيب





فانا قررت اني ابدى هالمشواار..وفعلا بديت :character0008:



أول وحده..طبقتها على ربيعتي في الكلااس..الدكتوره اعطتنا واجب نحله في النت ..وانا قريت وش كتبت ربيعتي ..



فأنا لما شفتها قلتلها ما شاء الله عليج يا فلانه واايد كتابتج حلوة..



تعروا انها استغربت وفرحت و و و ..



حتى صارت تقولي متى شفتيها و و و


حتى احيانا يوم تمدحين شي ..تحسين ان الشخص قاعد يقولج معلومات زياده ..



فالبنت قالتلي انها تعبت عليه وانها قعدت من الساعه 1 للساعه 4 فجرا وهي تكتبه ..




بالله عليكم يا بناات ..لو كنتوا مكان ربيعتي ..وسمعتوا هالمدح..



شو بتحسوون ؟؟



اكيد بتستانسون وبتحسون ان تعبكم ما راح هدر؟..وانه الشي اللي سويتوه شي قيم وحلو





..



ثاني وحده..وحده متحنيه والنقشه واللون كان وااايد طالع حلو..



فأنا قلتلهاا ما شاء الله النقشه حلوة وااايد..ومدحتهاا



فهي فرحت وقالتلي هييه اتحنيت بصالون ......


وصارت تقولي كلاااام .وسواالف..



يعني واايد استانست يوم مدحت النقشه

[حلوة الإحساس]

الحينه خلونا ننتقل للموقف الثاني اللي صار..




بعد ما خلصنا المعرض اللي في الجامعه ..


رحت انا وربيعاتي للمسجد اللي جنب المكتبه اللي اخذنا منها البضاعه وقلنا خلنا نصلي العصر ..ونحسب الحسابات لين ما تفتح المكتبه ونروحلها



انزين ..



فكلنا دخلنا الحمام حق المسجد عشان نتوضا..



وبعدين..لاحظت ان في وحده جاايه من المسجد ومنطلقه صوبنا ..ولكن شكلها كأنها مشمئزه وكانت تطالع فيني..انا خفت قلت شكلي يمكن خلها كذا وللا وش السالفه مدري..



المهم شفتها تدخل الحمام ..وتطلع منه ..كأنها ما عجبها..



وبعدين ربيعتي قالتلها ..شو السالفه ؟؟ الحمام مش نظيف وللا شو؟؟:fear:



راحت الحرمه قالت..شووووووو هالمسلين ..شو هالتعامل ..والله كل المسلمين موو كويسين ..



وانتا افكر ادخل النصرانيه ..وتعامل الأجانب أحسن من المسلمين



ونحنا خفنا وقلنا شو السالفه ؟؟ شو اللي خلاج تقولين جذي..



وبدينا نهدي فيها ..ونذكرها بالله ..وننصحها ونثبتهاا..



وهي تقولنا انا اصلا دارسه دراسات اسلاميه ومتخرجه وعندي وعندي......



انا قلت اكيد في شي صارلها قبل لا تجي عندنا



اكيد حد عاملها تعامل مش زين ..وراحت قلبت على المسلمين كلهم..



ونحنا نقولها مش كل المسلمين كذاا .



وهي تقول لااا كل المسلميين ..وانا ما لاقيت اللي كويس .



ويينهم ويينهم قولولي؟؟:0052:





وصرنا نكلمها ونكلمهاا لين ما جت معنا وصلت جماعه في المسجد..



ويوم خلصنا الجماعه ..طالعت فيني..وهي متضايقه..وانا بعدين ابتسمت لهاا..



وبعدين هي ابتسمت..ولفت وجهها عني..

[حلوة الإحساس]

بعد هالموقفين..



خلوني احلل واقول اللي في خاطري



سبحان الله ..كيف بتعامل انسان .يقدريحول شخص عن اعتقاداته وتفكيره



شفتوا كيف تاثير المعامله ؟؟؟!!!




يمكن انك تكسبي قلوب ..بتعاملك هذا



ويمكن انك تحطمي قلوب ..بتعاملك كماان




لا تنسوا انكم تتعاملون مع قلوب ..وممكن تكون من وراء هالشاشه وممكن تكون وجها لوجه..عااد الأصعب يوم تجرحي وتسيئي التعامل مع القلوب اللي من واء هالشاشات




دايما وابدا اقول واكرر ..



اذا صار سوء تفاهم بينج وبين اي احد..لا تكتبين له رساله بالمسج او المسن



وافضل انها تكون وجها لوجه ..



لانك يوم تكتبين ..ما راح تقدرين تكتبين نبرات صوتج ..وتقاسيم وجهج بالرساله ..



هل انتي تقوليه وانتي فرحانه وللا متضايقه ..تصرخين وللا عاادي..



مثلا يوم تقولين



خلااص ما اريد اليوم تجين ..باجر احسن



لو كانت مسج..



يمكن البنت تزعل ..او تتحسس ..لانها يمكن تقرآه وكأنج قاعده تصرخين وتقولين خلااص



ففي فرق بين المسج والصوت ..







صعب انج تتعاملين معها بأي اسلوب كاان ..



لازم تنتبهيين في تعاملج مع الناس..



وابتسموا وسمعوا الناس احلى الكلام ..ممكن بأسلوبكم وحسن تعاملكم ..تنفسوا عن انسان كربه او ضيق



وتعطوه امل في الحياة ..



ويوم تتكلمون او تعلقوا ..ركزوا على الشي الايجابي واتغاضوا السلبي

[حلوة الإحساس]

مثلا..



الولد قاعد يركض ومعه اغراض بايده ويبا يعطيه حق ابوه ..وفجاة يطيح الولد في الأرض جدام الناس..وللا ابوه يصارخ في ويهه ويقوله ليش كسرت الأغراض و و و و



حطوا مكانكم مكان هذا الولد..شنو بيكون مشاعركم في هاللحظه ...( ياليت الارض تنشق وتبلعني) :hysterical:




ولكن واحد يجي ..من أصدقاء الوالد ..ويقول ..لييه يا بو فلان تقول جذي على ولدك ..


بالعكس هو بطل ورياال ..اكيد هو مسرع لانه يبا يروح ويجيب اغراض ثانيه لك ..



قدر الله وما شاء فعل..




شو رايكم اكييد الولد راح يبكي من الفرح ..ههههه




هذا هو التعامل الحلو...لييه العصبيه وهي ما راح تجيب نتيجه..



بالعكس التعامل الحلو ..بيعطي نتائج احسن..





مثلا ..



وحده جابت علامه مب زينه في الامتحان..مع انها تعبت في الدراسه و و و



وفجاة امها تصرخ وتقول انتي كذا دايما فااااشله ما في فايده منج .و و و و



وبعدين تجي خااالة البنت وتقول لا يا ام فلاان ..ما شاء الله بنتج شااطره ومتفوقه شووفي كيف جاوبت على هالسؤال الصعب ..شوفي كيف اخطاءها بسيطه وناتجه عن لخبطه في الحسابات فقط ..



بنتج ذكيه وفااهمه ..ربي يحفظهاا




بالله عليكم شو بيكون احساس البنت ..؟؟!!



اكيد بتستانس وبيرتفع معنوياتها .و و و و و






وفي الختاام




ادري اني طولت واايد ومو مستحملين الختااام..




فانا راح أخلي الختاام لكم..ياليت تبهروني بختامكم ..


وتفيدوني بمواقفكم ..ولو حابيين تعلقون وتضيفون ..ف هذا بيزيد من فرحتي ..



ومن قيمة الموضوع



والموضوع بالاخير موضوعكم..






اتمنى انكم تشاركوني الموضوع..ولا تشكروني فقط عليه ..



يالنهايه نحنا اجينا نفيد ونستفيد من بعض..



والسمووحه لان الموضوع مش مرتب ولا منسق ..وحالته حااله



اتمنى الفكره توصل لكم




:sm141:

[بۈڪآهآنتۈس]

............................................

كلآآآمكـ الح ــقية أثر فيني كثـير..)ويمكن أنتي تع ــرفين لية

كلماتك طالع ــة من قلبك مايحتاج لها تفكير طويل عشان نع ــرف المقصود منها

اقتنعت كثــير ..وأتمنــى إني أستفيد ..وأبقى أدعيلك طولـ عمــري


لكــ‘ن أنــا من النوع اللي يعصب بسرعه إذا أحد قعد يستهبل عندي
ولا يسوي شئ معاكس تماماً للي أبغاة..أحيانا أفقد السيطرة على
نفسي وأزعــل اللي حولي..
أنا مو قليلة أدب وأتلفظ بألفاظ مو زينة لكني أقول كلام يجرح
وهاذي هي المشكلة


مأوع ــدك لكن أتمنى إني أطبق الكلام..)
الواحد يتع ــلم ماينولد عالم..هــ‘ع أحاول اصرف"

ماكنت أتمنى إني أطول
لكن ماحبيت أطلع إلا إذا عرفتي أنو في أحد مهتم ويقدر مواضيعك..وكمان تعجبة


تحياتي
الشينة
بوكا^^

............................................

[بَـ حَّ ـةْ آلشُوقْ ~ّ]

وع‘ـلَيكم السلآم ورحْمة اللـه وبركآته


هلآ هلآ بح‘ـلوتنـَآ ,

بصرآحـه موضوعك مهم جدنن وآنآ دآآآئمآً آفكّر في‘ـه ,

و خآصّه إنّ الموضوع يمس ديننآ بشكل كبييير جدآ .,

يع‘ـني لو مثلآ كنتي مسآفره بلَد آج‘ـنَبي وشِفتي وح‘ـدَه آج‘ـنبيّه ,

هُي ع طُوول بتبسِم بوجهِك , وإنتِ بالمُقآبِل المفروض تبتسميلهآ ,

لكنْ البعض ممكن تكشّر ! وتلِف ع اللي جنبهآ وتقُول وشبهآ ذي تبتسِم لي

مِن مِتى الم‘ـعرفه !!

طيب ليشْ ؟ مُو إحنآ عِندنآ في ديننآ ( الإبتسَآمَه في وج‘ـه آخيك صدَقه )

ومآهِي ص‘ـعبه آبدآ بالعَكس من آسهلْ مآ يكُون الإبتسآمه فـ ليييشْ هُم

مآ ع‘ـندهم إسلآم بس يطبقونِه ! طبعآ مُو بح‘ـذآفيرِه وإحنآ مُسلمين لكن !

مآ نطبّق إسلآمنآ صَح ,

بصرآحَه سآلفَة الإبتسآمَـه هذي آنآ حآولت آطبقهآ مِن تقريبآ 3 سنِين , يعني مِن

6 إبتدآئِي , و الله ثُم واللـه من بع‘ـد فتره قصيييره تعودْت عليهآ وسَآرت ملآزْمتنِي ,

واللي لآحظته إنّهآ آع‘ـطت نتآيج فعّآآآلَـه بج‘ـد يع‘ـني مع مُعلمتي , وحده من الطآلبَآت , زميلتي ,

آييي شَخص آشوفَه آبتسِم لَـه , وآغلبهُم واللَـه يردّونهآ لِي , وسآرَت آمّي لآ جآت تسأَل عنّي ,

المُعلمآت يقولولهآ مآشَآء اللـَه بنتك بشُوشه ,

واللـَه يآآآ حبيبآتِي آهم شي الإنطبآع الأوّل يعني حآآولِي تبدأين آوّل مُقآبلَه مع آي شَخص

مُسلم , كآفِر , صديق , زميل , غَريب , وآي شَخص قآبليْه بوج‘ـه بَشُوش , صدقيني بتسِيرين

محبوبَـه و إنسَآنه يتمنّى الكِل يصآدِقهآ ويقلّدهآ .,




حِلوتنـَآ آآآآسفَه ع الإطآلَه بسْ إنتِي سبَقتيني بالمَوضوع كآن ودّي آحط نـَفسِه ,

لَكن ردّي بـ مثآبة مَوضوع خخخخخ‘ـخ يآآطُِوله ,


تسس‘ـلِمين حبيبتي والله يجعـلَه فِي ميزآن حسنآتِك ْ

=)

[muslimaaaa]

و الله مش عارفه كيف اشكرك على الموضوع الرائع مثلك يا احلا حلوه ......و انا احب اسلوبك جدا" فى الكتابه بجد حسيت انى ما اريد الكلام يخلص ......ما شاء الله عليكى .....و الموضوع مهم جدااا" .....و مثل ما قالت اختى دلع ولع ان الموضوع يتعلق بديننا .....يعنى انتى ممكن بمظهرك بأرتدائك للحجاب الشرعى و يكون نظيف و شكله حلو و بأبتسمتك فى وجه الاخرين و معاملتك ليهم بطريقه حلوه ليس فيها تكبر و الله ممكن تكون هذه دعوه للاسلام .....يعنى ممكن وحده فى تفكرها ان المسلمين ارهابيين و . و .و و بعدين تجد منك معامله فيها رحمه و تتبتسمى فى وجهها ..ممكن تغيرى مفهمها بالكامل و ممكن تحب تتعرف بعد كده على ديننا و تكونى انتى سبب ل دخلها فى الاسلام بدون ان تقولى لها شيىء عن الاسلام مجرد التزامك بدينك و معاملتك الحلوه للناس هذه اكبر دعوه للاسلام ....لانك انتى مسلمه فمعملتك هى الى بتعكس للناس صورة دينك .....فيجب ان تكونى على حذر دائما" من ان تكونى سبب فى بعد انسان من الدين ....

الله يبارك فيكى يا حلوة الاحساس ..... http://file8.9q9q.ne

[حلوة الإحساس]

ما شاء الله عليكم يا عسوولات..

والله اني استانست بكتاباتكم ومشاركاتكم..


وان شاء الله لي رجعه للتعليق ..




نورتوووني

[عروب ksa]

وعليكم السلام ورحمة الله وبركآته

موضوع جميل جداُ ،
وفعلاُ الكلمه الطيبه صدقه ~

أتذكر جمله شفتها مآ أذكر وين ،،
تقول كاتبتها " أستطيع أن أعيش اسبوعاُ
كاملاُ بسعاده بسبب مجامله صغيره " ..!

هالموضوع أيضاُ خصص له جزء
في كتاب "استمتع بحياتك" ..

ونبه على عدم تجاوز المدح إلى المجامله المفرطه
أو الوصول باحساس الشخص الآخر لمرحله يشعر
إنه موضع استهزاء من كثرة المدح ..!
وخير الأمور الوسط ،،

بالنسبه لأسلوب الدعوه بالمعامله الحسنه
من أسهل الطرق وأسرعها وصول للقلب ،،
مرت بذاكرتي وجوه عديده وأنا أقرأ موضوعك
ماذكرني فيها إلا حسن الخلق ..

موضوع جميل جداُ حلوة الاحساس ،،
وأجمل مآفيه مشآعر العفويه والصدق
بكل سطر ~

ألف ألف تسلم يدك ~

[عضوة ،]

اولا مشكوورة

ثانيا كل الي قلتيه حقيقه

وفي بعض المسلمين ويمكن اغلبيتهم تعاملهم زفت مع الاجانب فلما الاجنبياء

اتشوف هالمعاملة بتقول اكيد الاسلام دين متوحش لان المسلمين مايعروفون

يتصرفون مع الناس شتقولي هاذي ومادري شنو.......الخ

اما لين اتشوفين تصرفات الاجانب تستانسين في اغلب الاوقات يعاملون الواحد

بلطف ما يفرقون ويقولون هم عرب ونحن احسن منهم لنعاملهم بطريقة زينة.........الخ

وااااااااايد اشياء من هالقبيل واذا عندي زيادة رااح ارجع لكم
وتقبلي مروري :)
sm.16.

[رَنْــد]

هههههههههههههههههههههههههه

أقرأ الموضوع و انا على بالي امس نازل لأن اول مره اشوفه :sm.45:
وانا اقرأ وأقرأ واقول ماشاء الله عليها حلولو على طول من فتح المنتدى بدت تميزها ق1
الا بعدين اكتشفت انه من 25-3 sm.3.
.
.
و عــليكمـ السلآمـ ورحـمة الله وبركــآتـه

مـآ شاء الله مـآ شاء الله عليك اسلووب جذّاب ق1
مو بس في هذا الموضوع .. كل مواضيعك وردودك لهآ طآبع خـآص ~
استانست وانا اقرأ الموضوع .. مدري ليه جـآتني فررررررحه sm.13
يمكن لأني أحس بنقص من هذه الناحـية في حيآتي اليومية !!
الصرآحـه صارتلي موآقف كثيره تنم عن همجية البشرية sm.3.
بس الحمدلله الخييييير لازال موجود وبكـثرره وانتي مثآل للخير (؛
.
.
عدنا بنت في الصف .. ماشاء الله شطاره و أدب .. لكن عيبها انها ما تتحجب عدل
يعني جزء كبييير من شعرها يكون برااا .. يوم من الايام
جات وهي لافته بشكل مرتب و انيق و ولا شعره طالعه ق1
لما شفتها اعجبتني الصراحـه وفرحت كثير في داخلي
ومدحتها قلتلها طالعه عن جد مررتبه التحجيبه تناسب ملامح وجـهك sm.9.
استاانست حييل .. وما اقولكم داومت عليها .. لكن ان شاء الله ربي بيهديها وتثبت عليها (؛
.
.
كمان فيه معلمه .. كانت لما تعصب من الصف تقولنا قليلين الأدب وما شابه ~
يوم من الأيام قلت انا لازم اروح اكلمها لأن بجد شي يستفز الروح >_<"
رحت لها في وقت الفسحه وقلتلها ابله ممكن خمس دقايق من وقتك sm.9.
طلعت انا برا انتظرها وكنت ارررررررررررتجف وخايفه مررره واقول انا ايش جابني هنا :sm.67: <~ :sm.56:
والله بس 5 دقايق وراااح القلق كلللله .. كان حوارنا ملون ضحك ووناسه من الخاطر ق1
قلتلها أبله انا مايرضيني احد يتكلم عنك بسوء .. ولما تقوليلنا "...." هذا يترك أثر شين في نفس البنات
وجلسنا نص ساعه ندردش ويا بعض ق1ق1ق1
وبالعاافيه الابله اللي كانت علينا دخلتني حصتها :sm.64::sm.64:
المهم و بعدين لما جات حصتها .. حطتها حصة مناقشه كل طرف يقول سلبيات الثاني ~
وربي الحصصصه كانت شييي وماضاعت هباء .. كلا الطرفين انتبه لأشياء كان غافل عنها sm.14.
.
.
وهـ آسفه طولت عليكم :$
بس بقولكم .. بالكلمه الطيبه ممكن تـآئه يدخل الاسلام ..
ممكن سامع أغاني يتوب .. ممكن اكسب أحبّه نستظل معهم في عرش الرحــــــــــمن ق1 ق1 ق1

جـزآكِ الله خير حبيبتي ~
في ميزان حسناتك يارب ق1

[≈ R e e M «]

السلام عليكم ورحمة الله وبركاته ..
اولا :اشكرك يا حبيبتي على الموضوع الرااااائع
والاسلوب الجذاب ..
صراحة الموضوع اثر فيني ..
بس انا مشكلتي ..
اني اعصب بسرعه خاصه من اللي ما يسمع كلامي
او يستهبل في وجهي اكرة هذي الحركة..
وما اقدر امسك نفسي ..واقوول كلام يمكن يأثر في نفوسهم..
بعدين اتحسف واقول يا ليتني ما قلت وما سويت...الخ
بس الحمد بعد كلامك الرااااائع
ان شاء الله اتحسن..
واتعامل زييين <<هوووووع خخخ
على العموم مشكورة وما قصرتي ..
وجزاك الله خير ..
تقبلي مروري
اختك في الله:
@ريحة مطر@
دمتي بــ
ود***

[مڷڪَہِۧ بهيبٺهَآ]

وعليگـم السلآم والرحمــہ ..


موضوع طآلـ ع من قلـب
والمحآدثــہ من القلب للقلب توصـل آسـررع
آعجبنــے آسلووبـگ جـدآ وآثر فينــــے
مو غريب علينآ هالآسلووب



موآقف صآرت مع ــــے sm.9.

صديقتــے بالمدرســہ أول يووم شفنآ بعض گـل وحدهـ آبتسمت للثانيـہ ~ وآحنآ مانعرف بعض
ودخلت قلبــے بسررعـہ من هذي الآبتسآمــہ
وعلىآ طول تعرفنآ علىآ بعض
والحين هــے آغلىآ صديقــہ لـــــے

~

ونفس الموقف گـآن مـ‘ع وحدهـ شفتهـآ فــے مدينـة آلعاب
سبحآن اللـہ گـيف دخلت قلبــے وأنا ما أعرفهـآ
وگـآن آسلوبهآ مع ــــے رآآقــے وآعجبنــــے
گـآنت آگـبر منــے بسنـه تقريبـآ
لگـن صرآحــہ ~ آخذتهـآ قدووهـ لــــے هــے وتعآملهـآ مع الناس ^^ ~

~

اگـبر موقف هو الآسلآم گـيف وصل للدول الغير عربيــہ
وصل بتعآمل التجآر الآمين الصادق
التعامـل الحلـو معهـم
گـم تآجر جعل دولــہ گـآملــہ مسلمــہ

~



يعطيگ ربــے آلـف عآفيــہ
لآ تحرميننـآ =)


* آعذرينــے ع الآطآلــہ

[أحلام وردية]

اسلووبك رائع جدا في العرض يا حلوة الاحساس

واختيارك لموضوع مهم ومنتشر

"الدين المعاملة"
كل شخص يحدد طريقة تحدث الاخر اليه فلو تحدث شخص بطريقة مهذبة لبقة
سيجبر الشخص الذي امامه ان يتحدث بنفس الطريقة اللبقة
حتى لو كانت هذا الشخص فظ او غير لبق في التعامل

وكما اشرتِ فالابتسامة عامل مهم جدا وله مفعول رائع
بمجرد تبادل الابتسامة بيني وبين احدى الفتيات في المدرسة
حتى لو لم اعرفها شخصيا
يعطيني نوعا من المعرفة الاولية والقبول

فلو سنحت لي الفرصة للتحدث معها سيكون حديثا لبقا
ويكون الاحترام من الطرفين لانها بتبسمها لي
اظهرت جانب رائع من شخصيتها الا وهو الايجابية

اعجبني اسلوبك حلوة الاحساس
جزاكِ الله خيرا

[علمتني الحياهـ]

موضوع رائع جدا وياليت الناس كلهم يطبقوا هذا الكلام
وعامل الناس كما تحب ان تعامل
وشكرا جزيلا لكي

[حلوة الإحساس]

بسم الله الرحمن الرحيم..

انا الحين تفضيت لكم..وشربت كوب نسكافيه وحطيت رجل على رجل ..
عشان ارد عليكم على روقاان..sm.22

وعشاان أخلص من هم الرد..والله احس انه وااجب ...وبرتااح لو خلصته خخخخخ

وبنفس الوقت اكوون طلعت اللي داخلي من كلاام اريدكم تعرفوه وتستفيدوا منه..
وياليت لو عندكم مواقف وكلاام ياليت تضيفوه في الموضووع ..



صرااحه استاانست وااايد واايد ااايد بردوودكم...واللي فرحني اكثر ان اول وحده ردت عليا هي بوكاهانتوس..






بوكاهانتوس..sm.2.

بصراحه انا ما توقعت ان موضوعي راح يأثر ..والصدمه من اول رد..حد اتأثر..
وكماان بوكاهانتوس ..اول وحده ترد..لا لا لا لا..فرحت اوي وشي بتدمع عيوني من الفرحه..بكلاامك اللي كتبتيه..

حبيبتي بوكاهانتوس...الانسان ما يضل على وتيره وحده..اكيد طباعه بتتغير ..
وبتتبدل..ومثل ما قلتي الواحد يتعلم وما ينولد عالم..

انتي يا بوكاهانتوس..انسانه لطيفه..وبنفس الوقت شخصيتك قويه ..
صح انك شوي عصبيه وعنيده..بس من داخل داخلك..براءه وطيبه..بس ما ادري ليه
تحاولين تخفينها..

حبيبتي..... الطيبه والاخلااق الحلوه..ما تدل على ضعف الانسان بالعكس..
ترفع قدره عند الناس..وبنفس الوقت شخصيتك بتبقى قويه ..مو بالعصبيه ..لااااا..بل ..
بقدراتك اللي تسويها..وبتعاملك وتحملك للمسؤوليات ..

صح ان في اشياء ترفع ضغطك..بسحاولي انك تكتمي غيظك..ومع الاياام..راح يتبدل هالطبع..


انا يا بوكاهانتوس..كنت عصبيه عصبيه عصبيه ..وما استحمل الاستهباال حق عيال اخوي..
بس مع الايام ..تغير حالي..وصاار تعااملي غييير..

صرت اسوي نفسي ما اشووفهم ..ولا ابين اني مهتمه للي قاعدين يسووه..فعلاا انهم
بطلوا هالشي..لانهم حسوا انه ما صار يأثر فيني..

لو كانت العصبيه والصراخ بيجيب نتيجه كاان كل الناس سووا كذا ..بس ان نفس الشي
يتكرر باليوم الثاني او بأيام اخرى وما بيجيب الصراخ نتيجه....صح؟؟؟


انت يا بوكاهانتوس من النوع اللي يتجااوب ويعترف بالخطأ ..وهذا شي حلو فيك..
وانا احييك على هالشي..sm.13

ف لا تتحسسين من كلاامي ..وانا والله ما اقول هالكلاام الا من حبي لك..:sm.34:..
ممكن يوم من الاياام تتغيرين وتتذكرين كلاامي هذا..

بس كل شي يبااله وقت..

نورتيني والله يا حبووبه..وربي اني فرحت بردك لي.....sm.13

وعشاان انتي غيير ..انا راح احط هالرد لحااله..ما بدمج معاه ردي للباقيات من الحبوبات :sm.45:

[حلوة الإحساس]

دلع ولع..sm.2.




يا هلاا والله بخويتي..يا توأم احساسيsm.13
اسك نفسي بأشيااء كثييره..خلااص ولا يهمك..يوم اغيب عن المنتدى راح اعينك
حلوة الاحساس بدل عني :sm.45:

شفتي كيف الاحسان عن بعضه..قلت اخفف عنك ..وانزل الموضووع بدل عنك ..:sm.45:


هالموضووع لو تشعبنا فيه ما بنخلص..
والله ما ادري ليه اللي مكشرين مستخصرين يبتسمواوما يريدوا
يتعبوا براطيمهم وخدودهم..


ما شاء الله عليك يا دلووعه ..ايوا كوني كذا دايما بشووشه ..
احلى شي الواحد يكون بشوش وفرفوش ومنكوش:sm.45:





صدقا ..صدقا...صدقا..sm.12.



مو اي وحده تبتسم ..تجذب..الابتسامه لها اصول وحرفه ..

لا تستغربوا..

اذا كان ما في فرق..كان كل انسان انجذب لنفس الشخص اللي يبتسم..

تعرف متى تبتسم ..وطريقه ابتسامتها...وكيف تنطق الكلام وهي مبتسمه..
ومتى توزع ابتسامتها..ومده ابتسامتها..ونظراتها كماان..

الحين..انا لما اكون معصبه واكتب رد في المنتدى..
وانا معصبه..وقت لما تشوفوا الرد وتشوفوا كمان صورتي الرمزيه..
ما اعتقد انكم راح تحسوا اني معصبه او اني اصرخ..




:sm.45::sm.45::sm.45:




حبيبتي دلووعه الموضووع اعتبريه موضووعج..
وبالعكس فرحت بردج ..ومشاركتج ..ولو طااال كماان زيااده بفرح اكثر ما بتضاايق ..

الف تسلملي هالطله..





:sm.33::sm.33::sm.33:






مسلمه...sm.2.


انا اللي مش عاارفه ازااي ارد عليك لانك بجد كلاامك عسل +سكر..وذوق..
يكفي مرورك وقراءتك للموضوع هي احلى حااجه..سويتيها..



sm.13sm.13




ومثل ما قلتي ان الوحده بمظهرها وطريقه حجابها وكلامها..واخلاقها..وابتسامتها..
تكوون دعوة للاسلام..وبنفس الوقت تأثر ف اخواتها المسلماات. .

يعني مثلا انا اكثر من وحده تجي عندي وتقولي عن طريقه لبسي للنقاب..
عجبهم طريقتي في لبسها..انا مو عاملاها زينه بس لاني لابساها بطريقه مرتبه ..وغييير ..
انجذبوا لها..واللي يسألوني عنها أكثرهم مش منقبات..وحاابين يتنقبوا ويسووا مثلي بالضبط..

يعني طريقه لبسي جذبت حد للبس النقاب او على الاقل التفكير في لبسها..

تعاملك مع الخدم..ومع العمال..اللي في المدرسه او الجامعه..بطريقتك واسلوبك الحلو..
تجذبيهم..وممكن كماان يتأثروا بكلاامك ويسلموا على يدك..

احلىشي لما تمشي في ممر الجامعه..وتلاقي هذيك بتضحك لك..والثانيه بتبتسملك..والثالثه..بتلوح بيدها من بعيد..
بتسلم عليك..والبنات مستغرباات منك..كيف انتي بتتجاوبي مع الخادمه او العامله..

ان شااء الله كذا نتعااون..ونتفق ان نكوون اسلوبنا غيير..وهيا بنا لنبتسم :sm.45:

نورتي موضوعي بطلتك يا مسلمه ..ربي يسعدك يا حبووبه

[حلوة الإحساس]

هلااا والله ...عروب..sm.2.




أتذكر جمله شفتها مآ أذكر وين ،،
تقول كاتبتها " أستطيع أن أعيش اسبوعاُ
كاملاُ بسعاده بسبب مجامله صغيره " ..!






يا سلاااام..كلاام جميل ..+رائع = يحفزك انك يكون كلامك واسلوبك حلو مع الناس
من غير المباالغه..لانها بتكوون وااضحه انها دلع..ومب صدق..

وبنفس الوقت ما بكون لها طعم..

شوفي شوفي يا عروب ..وتخيلي معايا..وخليني اقولك واقربلك الموقف عشان الكل يتخيل معايا ..

وحده صديقتي ..سوت تقرير وسهرت عليه الليل ..وهي بنفس الوقت
تروح في الصباح للمدرسه لانها درس هناك الطلاب..وبالعصر تجي عندنا للجامعه..
عشان تحضر الكلاس..وتعرض علينا العرض في الكمبيوتر....بعد ما تعبت وهي تقول للدكتور انها تريد
تعرض لنا.وتقوله انه يعطيها فرصه ..لتعرض لنا عرضهاا..لكن الدكتور
ما كان متحمس ..ولكن انا حسيت فيها لانها كاانت متحمسه بشكل..وحااابه جدا انها تعرض..
العرض ومو مستحمله التاجييل..ما شاء الله عليها..

ف مر الوقت والدكتور قاعد يشرح الدرس..وهي يحليلها تنتظر متى الدكتور يسمحلها..وكل شوي تقول للدكتور
يا دكتور لاتنساني اريد اعرض العرض لكم..ف انا قلتلها يا فلاانه ولا يهمك راح نظل
حتى بعد ما يخلص الكلااس عشاانك عشان نشوف عرضك..وحتى البنات وافقوني ..

وحسيت انها ارتاحت ..وبعديين لما عرضت عرضها ما كاان الدكتور منتبهلها كثيير..
ولما خلصت ما قال كلاام يساوي شغلهاا..


ف لما طلعنا من الحصه..شفت البنت وقلتلها ما شاء الله ما شاء الله عليك
يا فلاانه ورب ان اعرض كاان روووووووووووووووووووووووووووووعه..صرااحه يستااهل
انك سهرتي عليه..وربي اني كنت حااسه فييك لما كنتي متحمسه لاني انا كماان لما اكوون عندي شي داخلي
ومجهزه نفسي وواثقه من اللي عندي..احس اني بسسرعه
ارييد اتكلم..هههه..ف البنت فرحت فرح وقاالت ايوااا الحممد لله ان في حد حاسس..
( اللي متحمس يحس
ان في داخله طااقه وما يرتااح الا بعد ما يفجرها ويتيحله الفرصه انه يتكلم..
بس شو الفايده لما ما حد يعلق او يبدي اعجاابه بالشي اللي سوته...ممكن هالشي يأثر فيها ..
وما يشجعها انها تسوي كذا ثاني مره ..

وطيب..او وحده قالت للبنت عرض حلو..وبس وسكتت ...ما اعتقد انها
بتفرح الشخص..او انه بيحس بقيمه موضوعه..

لكن لما تعلقي ..اكثر..وتذكري اشيااء سواها..وتمدحيين هالشي..
بيكوون الشخص حس ان في بهالعاالم يقدر هالمجهوود..وما يحس ان مجهوده راح عل الفااضي
ويقوول ياليتني ما سويت وكان احسن لياتخمد واناام :sm.32:






عروب..:sm.33::sm.33:



اشكرك على مشاركتك في الموضووع..
وصدقا اني فرحت يوم شفت طلتك..

ربي يسعدك..ويخليك تطلي دايما بمواضيعي..

تسلميينsm.1.








خنفوشه..sm.2.



يا هلاا والله فيك..

هذا اللي اشوفه الحينه..اكثر الاجاانب تعااملهم حلو..تجذبك.
.لان هالشي ناقص في مجتمعنااا..ف تلاقينا انجذبنا لهم..

بس هيهات هيهات ..ان نحنا ننجذبلهم مره ثاانيه..لان الحيينه ان شااء الله الكثيير
قال انه بيتغير,, وانا وااثقه.ان الكثيير راح يتغير..:sm.33::sm.33::sm.33:

متفااائله وان شاااء الله ..ربي يهديناا كلنااا

تسلميين خنفووشه ..ويا هلا فيك باي وقت ...

الموضوع موضوعك..sm.1.







السمووحه من الباقيات ..بكمل بعديين مفعوول النسكاافيه خلص ..:sm.34:..

[S M I L E]

و عليكم السلام و رحمة الله و بركاته

واااااااااااااااااااااو شو هالموضوووع العسل يا عسل

و ربي فرحت كثير و انا اقرى هالموضوع

أعجبني من الخاااطر .. أعجبني ^^


و ضحكتني جملتك هاذي


رجاءا يا بنات ..لا تتحسسون من كلاامي ..ترى اسمعوا من ماما حلوة الاحساس ..احسن من انكم تسمعوه من غريب ..:hysterical:


و أنا عن نفسي بديت اغير طريقتي .. و بديت بالابتسام و الكلام الحلو اللي يجذب الآخرين

و الله يهديني إن شاء الله و يهدي الكل إن شاء الله

هو صح اني انا بعد عصبيه .. بس أحاول اني ما اعصب .. و إن شاء الله أنجح ^^

و أعجبني اسلووبك فالطرح و في كل شي

ما شاء الله عليكي

ربي يحفظج حبيبتي و يسعدج دنيا و آآخره


و تسلمييين حبووووبه ع الطرح الراااقي

و الصراحة قريت كل كلمة فالموضوووع حتى ردوود البنات لووول

و خذ مني يومين هع هع مو من طول الموضوع لالا هو قصير بس أنا ما حبيت أرد إلا بعد ما اقرى كل شي


يزاااااااج الله خييير فديييتج

و بارك الله فيج

<<< ممكن اني آخذ الموضوع و اطرشه للإيميلات اللي عندي مع إضافات البنات


دمتي بسعادة في دنياك و آخرتك يا عسل

^^

[حلوة الإحساس]

ها انا ارجع لكم بعد ما شربت كوب النسكافيه ...


يا هلاا والله رنوود ...sm.2.



هههههههههههههههههههههههههه

أقرأ الموضوع و انا على بالي امس نازل لأن اول مره اشوفه :sm.45:
وانا اقرأ وأقرأ واقول ماشاء الله عليها حلولو على طول من فتح المنتدى بدت تميزها ق1
الا بعدين اكتشفت انه من 25-3 sm.3.
.





يا حلييلج رنوود هههههههه..مو لهادرجه انا مجتهده هههههه





مـآ شاء الله مـآ شاء الله عليك اسلووب جذّاب ق1
مو بس في هذا الموضوع .. كل مواضيعك وردودك لهآ طآبع خـآص ~
استانست وانا اقرأ الموضوع .. مدري ليه جـآتني فررررررحه




اصلا الأساليب الجذابه ما تجذب إلا العضوات الجذابات..والحبوبات مثلج..:air_kiss:
تسلمييين والله على كلاامج الذوق..
ان شاء الله دوم تستانسين


ما شاء الله علييج ..اتشجعتي ورحتي للأبله وواجهتيها..هذا شي حلو ..
رنووده..خلييج كذا ..أحيييج من قلبي انا ..:sm.49:

انت بس محتاجه انج تركزي شوي باللي تبين تقولينه ..وتنظمي كلاامج مع لوقت المناسب ..وبعدين بتطلعيين فلة..جذي انا احسج ,,,,<<<يرحم أبو الاحساس :sm.46:

ومثل ما قلتي بالكلمة الطيبه والابتسامه ..بتعالجين الموضوع بايجابيه..
تهدين حد للاسلاام بتعاملج الطيب...

فعلاا ..جربوا على حالكم ..واتخيلوا حد يجي وينصحكم بشي بطرييقه منفره ..اول شي راح تكرهين الشخص..وراح تنفرين من شي اسمه نصيحه ..وعقلج ما راح يتقبل اي نصيحه كاانت ..


تسلميين رنووود على مشاركتج الطيبه ..والموضووع موضووعج..طولي فيه على كيف كييفج ..

تسلمييين يا عسل ..:sg.12:









ريحة المطر..sm.2.

وعليك السلام ورحمة الله وبركااته ..

يا هلاا فييج نورتيني
تسلمييين على كلاامج الطيب..ربي يسعدج..

العصبيه ..وما ادراك ما العصبيه ..صرااااحه ..اللي يمسك نفسه عن الغضب ..اعتقد انجز انجااز عظييم ..

ولو استمر كذاا راح يقدر انه يتحكم بنفسه ..وبيقل العصبيه ..


انا مثلا...كنت جالسه اشتغل في الكمبيوتر..وبعدين ابن اخوي اللي عمره سنتين ..
راح وشد الواير حق المسجله ..لما شدها ..راح انطفى الكمبوتر كله ...ما ادري لييه ..صار كذا ..المهم,,انا كتمت الغضب ..:mad0217:وطالعت عليه وانا شكلي عاادي..وطالعت على امي..
لان المسجله حق امي .ودايما اقول لامي ما تفتحي المسجله عند الكمبيوتر لانه اكثر
من مره صاار هالشي ..بس امي ما اخذت الموضوع باهتماام ..المهم...رحت انا سكرت
الكمبيوتر من الخلف من عند الكبس..وبعدين فتحته..وتميييت انتظر ليين
ما يشتغل الجهااز و و و ..يطول عندي..وبعدين خلاااص مسكت الماوس عشان اشتغل ..
راح ابن اخوي شد الواير ثاني مره ..وانطفى الكمبيوتر...وانا طالعت عليه عاادي ..:017:
وعلى امي ..ويا حليلها امي تضحك عليا ..وانا بكل برووده ..رحت وسويت نفس الحركه ..سكرت الكمبيوتر من الخلف ..وفتحته وانتظرت لين ما يشتغل الجهااز ...
وبعدين ما ادري شو اللي صار ...المهم انطفى الكمبيوتر ثالث مره .....انا هنااا...طفشت ..:030:
قمت من غيير ما اقوول شي..واخذت الواير حق المسجله ورمييته ورا الكمبيوتر ..
وقلت ما بعطيج الوااير يا امي ...هههههههه



امي يا حليلها قدرت الموضوع ..وسكتت ..

المشكله لو عصبنا على الطفل ..ما راح نستفيد لانه راح يعيد اللي سواه ثاني مره وثالث ورابع ..
حاولي انج تتكلمين معااه بطريقه تحسسيه انه كبيير وفااهم..صح ان شكله ما يوحي انه فهم عللييج ..بس لازم يتعود على هالطريقه ...وشوي شوي ..بيتغير..


ريحة المطر ..

ربي يوفقج ان شااء الله ..أشكرج على مشااركتج..
تسلمييين ..:sg.12:

[حلوة الإحساس]

يا هلااا والله بملكتنااا ....sm.2.


موضوع طآلـ ع من قلـب
والمحآدثــہ من القلب للقلب توصـل آسـررع
آعجبنــے آسلووبـگ جـدآ وآثر فينــــے
مو غريب علينآ هالآسلووب




لالا لا لا ..ما اقدر اتحمل هالكلاام الحلو ...استحييت اناا هههههههه
تسلميين يا ملووكه على كلاامج الطيب ..ربي يسعدج يا عسل ..ويا سكر..ق1


سبحان اللي خلى الابتساامهـ لها سحر جذااب ..
ربي يخلييكم لبعض ان شااء الله يا ملووكه ..ويخلي الابتساامه دووم بينكم ..

اشكرج على مشااركتج ..


تسلملي هالطله الحلوة ..sm.13






أحلام ورديه ..sm.2.

يا هلا فيك ..تسلمين على كلاامك الذوق..

مشاركتك هي الأروع ووجودك هي الأحلى اكيد..



"الدين المعاملة"
كل شخص يحدد طريقة تحدث الاخر اليه فلو تحدث شخص بطريقة مهذبة لبقة
سيجبر الشخص الذي امامه ان يتحدث بنفس الطريقة اللبقة
حتى لو كانت هذا الشخص فظ او غير لبق في التعامل




فعلا مثل ما قلتي...اذكر مره كنت جالسه مع صديقاتي في كفيتيريا حق الجامعه ..
وكانوا يتكلموا عن وحده تشتغل في الكفتيريا ..ويقولو ا عنها انها دايما مكشره لما نشتري
منها تكون مكشره ..انا استغربت ...قلتلهم بالعكس انا بس لما تشوفني جايه من بعيد تبتسم لي
وكلاامها ذووق معايا ...البناات هنا استغربوا ..




تسلمي يا احلاام على مشااركتك لموضووعي ..sm.1.

نورتي الموضووع وصااحبته

[حلوة الإحساس]

علمتني الحياهـ..sm.2.

اهليين يا حبووبه ..
العفو يا عسل ..

ومثل ما قلتي ..عامل الناس كما تحب ان يعاملوك
لو حطينا هذي في بالنا ..راح ينصلح الكثيير في حيااتناا..

تسلملي هالطله ..:sm.33:




...U.@.E $M!Lesm.2.


يا هلاا ومررررحبا ..باللي لفااني..sm.13

بصرااحه انا وصلت لمرحله ..ا ني ما اعرف كيف ارد علييج...سييكو

هو الموضوع ما راح يكون حلو وجذاب إلا بمشاركاتكم وتفاعلكم فيه ...

ربي يسعدج ..ويخلييج ..

وان شاء الله ربي يوفقج في حياتج ..ويخلي هالابتسامه ما تفارقج..

بالنسبه لطلبج...

انا اعتقد ان اغلب البنات يوم يشوفوا الموضوع طويل ..على طول دليت ..احسن شي ..اعطيهم رابط الموضوع ..لان الاحلى يوم يقروا الموضوع وهو في المنتدى ..مش في صفحة الايميل

يعني اكتبي كلاام عن الموضوع عشان تحمسيهم انهم يدخلوا الرابط ..وجذي..

اما انج تسوي كوبي بيست .. ما بيكوون حلو بالمرره ...


ويا الف هلاا وسهلاا فيج حبووبه ,,,

نورتي اركان الموضوع وزواياه sm.1.

[همس السَحر]

أسلوووبك يعجبني داااايم ،
أحس كلامك يطلع من قلللب ق1



قريت موضوعك كله ،
صراحة أسلوبك يشد،

وميزتك إنك دعمتي كلامك بمواقف صارت لك ;



::


وعلى طاري المعاملة الحسنة..
في قاعدة شاااملة في طريقة التعامل،
وتختصر كثييير..


هو حديث نبوي :

[ عامل الناس كما تحب أن يعاملوك ]


شكرياااات..

[حلوة الإحساس]

هلاا والله ب همس السحر..

نورتي نورتي نورتي ..كل حته في الموضووع...


ألف ألف تسلم هالطله الحلوة..


عسى ربي يسعدك..


ومثل ما ذكرتي..

عامل الناس مثل ما تحب ان يعاملووك..

فعلا هالجمله تكفي ونوفي..


لو كل انسان حط في باله هالشي كاان اترااجع عن الكثيير من الكلماات اللي كان بيقوولها من غيير تفكيير



يا هلاا والله بك..سعدت بوجوودك :sm.49:

[ڜوربـۃ عسڷ♥]

شكرا على ابداعك ياحلوة
موضوعك في قمت الروعه
وابغا اصارحك انتي وبنات المنتدى
انا داايم لما ادخل اي موضوع اشوفو طووويل على طول
اخرج بس في موضوعك ياحلوة كلمه كلمه قريتها
من روعه الموضوع
واهميتو
وفائدتو وان شاء الله في ميزان حسناتك
مايدريك يمكن يكون في عضوة تعاملها مع النااس سيء يتغيير تعاملها مليون درجه
من يوم ماقرت موضوع
....
اما بالنسبه للموقف
ما فيش موقف
واعيد شكري لك
واحنا في انتظار ابداعاتك
تحياتي شوشو

[سكرية وردية]

بسم الله الرحمن الرحيم

السلام عليكم ورحمة الله وبركاته

هلا فيكي يا حلوة الاحساس

ترى موضوعك مررررة حلو

وبالنسبة للمواقف فانتي كلامك صح يعني انه بالكلمة الحلوة ممكن نرفع معنويات شخص

والكلمة السيئة ممكن تعطي فكرة مو زينة عنك او عن باقي الناس من ديانتك

و مالك حق تقولي على تنسيقك مو حلو يعنى والله تنسيقك روووعة و متناسب مع موضوعك

تحياتي

[بنت شيوخ وكلي شموخ]

مشكوره اختي على الموضوع الرائع بس صدق يعني مايكلف الموضوع بعدين انا بالنسبه لي اكره واحب الشخص من اخلاقه

[حلوة الإحساس]

:sm.42::sm.42::sm.42:



شوربة عسل ...


يا هلاا والله فييج..وبمشااركتج ...صرااحه كلاامج ابهرني ..واعتبره وساام شرف :sm.55::sm.55:

ربي يسعدج يا عسل ..نورتيني والله ..



سكريه ورديه..

اخجلتيني والله ..هي عيوونج الحلوة عشان كذا تشوفي التنسيق حلو..

تسلميييين على هالطله الحلوة ..وعلى مشااركتج الاحلى





*maria*



يا هلاا فيكي..

ويجزي الجمييع خيير..

ان شااء الله الكل يستفييد ..والداال على الخير كفااعله
نورتييني


بنت شيوخ وكلي شمووخ..

هلاا والله فييج ..العفوو حبووبه ..

ان شااء الله يستفييد الكل ويطبقوونه

يا الف هلااا

[**قمرهم كلهم**]

موضوعك مره حلو وصراحة يستاهل الشكر + وسام..

انا صراحة اذا شفت شي عجبني في صديقتي امدحها

واشكر الناس اذا مدحوني

..انا ما اتذكر مواقف ..بس فيه كثير صارت معي..

وشكرا على الموضوع

[حلوة الإحساس]

هلاا والله فييج حبووبه ..

تسلميين ..اخجلتيني بردك..

مرورج وعيونج هي اللي حلوة ..

ربي يسعدج ..

[عَ ـــبرآت]

بصرااحة موضوع يستحق التقييم
الموضوع جدا جذبي ابداااااااااع × ابدااااااااااع

بصرااحة والله صدقتي في كل كلمة تقولينلها
اما انا بالنسبة ليا مدري ليش والله ياناس ماامدح نفسي بس احب اتعامل مع الغير بطيبة وحتى لو شتمتني احااول اتجاهلها .. احس بالعكس ماخصرت شئ
شوفوا لو سيبتها تتكلم في حالها : 1ـ اني ماراح اخصر شئ
2 ـ ممكن كلااامها هذا راح يوديها في داهية راح تتكسب سئيات من اي كلمة تقولها . .... الخ

وعلى فكرة تعرفين انتي بس لو قولتي لي وحدة يعطيكي العافية والله ماراح تكلفنا شئ او جزاكي الله خيرا ...
بالعكس البنت الثانية راح وتحس احنا مهتمين فيها .

او عن تجربة حصلتلي :

مرة من المرات وحدة من البنات هذي زميلتي بس زي ماتقولي بعض الأحيان هيا تنقهر مني او انا انقهر منها بس احلى شئ كل وحدة ماتوضح للثانية والله لو تشوفون معاملتن مع بعض تقولون اننا خوااااااااات

تصدقون مرة من المرات كانت غايبة وبصرااحة حسيت انو عندها واجبات كثيير فحبيت اساعدها وساعدتها الحمد الله .. والله قالتلي كلمة خلتني اني فرحت من قلبي واحبها اكثر وانسى كل شئ عملتوا ليا ...
تعرفون ايش قالتلي ...
والله هذا صار اليوم الاربعااء ..
قالتلي الله لا يحرمني منك ياشوشو ............. يالله ماتدرون قد ايش تعجبني هاي الكلمة . :sm.55:
حتى اناقالتلي معليش انا ظلمتك وشكيت فيكي اشيااء كثيرة
قولتلها مو مهم انو الوحدة تأخذيها بالمظاهر خذي الوحدة من اخلاقها .. قالتلي والله كلااامك درر . وبث خلصت حكايتي هع
اعجبتني هذي العبارة هههههههههههه
رجاءا يا بنات ..لا تتحسسون من كلاامي ..ترى اسمعوا من ماما حلوة الاحساس ..احسن من انكم تسمعوه من غريب
الا من خوختنا حلوة << هع


عالعمووووووووم مانتعب نفسنا اذا قولنا كلمة حلوة او عاملنا احد معاملة حسنة واذا خايفين على فمكم انا راح اشربكم موية واسقيكم << هع هع
مشكوووووووووورة يالغلااا
ماننحرم من جديدك وابداعك حتى بعد الزوااج واذا غيبتي راح اتصل على امك واخليكي تدخليني << هع لاياشيخة :sm.53:

تحيااااااااااااااااتي (( شايلة جروحي بروحي )) :sm.55:

[عَ ـــبرآت]

بصرااحة موضوع يستحق التقييم
الموضوع جدا جذبي ابداااااااااع × ابدااااااااااع

بصرااحة والله صدقتي في كل كلمة تقولينلها
اما انا بالنسبة ليا مدري ليش والله ياناس ماامدح نفسي بس احب اتعامل مع الغير بطيبة وحتى لو شتمتني احااول اتجاهلها .. احس بالعكس ماخصرت شئ
شوفوا لو سيبتها تتكلم في حالها : 1ـ اني ماراح اخصر شئ
2 ـ ممكن كلااامها هذا راح يوديها في داهية راح تتكسب سئيات من اي كلمة تقولها . .... الخ

وعلى فكرة تعرفين انتي بس لو قولتي لي وحدة يعطيكي العافية والله ماراح تكلفنا شئ او جزاكي الله خيرا ...
بالعكس البنت الثانية راح وتحس احنا مهتمين فيها .

او عن تجربة حصلتلي :

مرة من المرات وحدة من البنات هذي زميلتي بس زي ماتقولي بعض الأحيان هيا تنقهر مني او انا انقهر منها بس احلى شئ كل وحدة ماتوضح للثانية والله لو تشوفون معاملتن مع بعض تقولون اننا خوااااااااات

تصدقون مرة من المرات كانت غايبة وبصرااحة حسيت انو عندها واجبات كثيير فحبيت اساعدها وساعدتها الحمد الله .. والله قالتلي كلمة خلتني اني فرحت من قلبي واحبها اكثر وانسى كل شئ عملتوا ليا ...
تعرفون ايش قالتلي ...
والله هذا صار اليوم الاربعااء ..
قالتلي الله لا يحرمني منك ياشوشو ............. يالله ماتدرون قد ايش تعجبني هاي الكلمة . :sm.55:
حتى اناقالتلي معليش انا ظلمتك وشكيت فيكي اشيااء كثيرة
قولتلها مو مهم انو الوحدة تأخذيها بالمظاهر خذي الوحدة من اخلاقها .. قالتلي والله كلااامك درر . وبث خلصت حكايتي هع
اعجبتني هذي العبارة هههههههههههه
رجاءا يا بنات ..لا تتحسسون من كلاامي ..ترى اسمعوا من ماما حلوة الاحساس ..احسن من انكم تسمعوه من غريب
الا من خوختنا حلوة << هع


عالعمووووووووم مانتعب نفسنا اذا قولنا كلمة حلوة او عاملنا احد معاملة حسنة واذا خايفين على فمكم انا راح اشربكم موية واسقيكم << هع هع
مشكوووووووووورة يالغلااا
ماننحرم من جديدك وابداعك حتى بعد الزوااج واذا غيبتي راح اتصل على امك واخليكي تدخليني << هع لاياشيخة

تحيااااااااااااااااتي (( شايلة جروحي بروحي ))

كبرت الخط ههههههههههه

[حلوة الإحساس]

ههههههههههههههههههههههههههههههههههههههههههههههههه


نورتي والله الموضووع يا خووخهـ خخخخخخ


فرحت واايد يوم شفت ردج..

ربي يسعدج يا عسسسل..


مروورج في الموضووع هو تقييم بحد ذااته ..عسى ربي ما يحرمني من ردودج ومشاركتج في مواضيعي..



تعرفي..حتى وانا اقرا شو قالتلج البنت اتأثرت ..حسييت نفسي مكاانج..


اقوول عسى ربي يهدينا ويكثر من الطيبين والخلوقين..


ولا يهمج انا بكوون ادخل بعد الزوااج...خخخخخخخخخخ

ربي يسعدلي هالقلب الخوخي ..ههههه

[صمت الشوق]

ماما حلووه الاحسااس ,,~

بصراحه موضوووعج واايد حلوو ,,, ذكرتيني بموقف صار لي في المنتدى ..~

وحده ترمس رمسه همجيه غريبه ,, وانا عصبت منها وسويت لها طااف ,,وخبرت الاداره عنهاا ,,بس اكتفيت بهذا الشي ماحبيت اقول لها شي ,,~
وثانيه بعد ترمس عني برمسه وفي المنتدى بعد ونفس الشي قلت لها ليش تقولين جيه ,, وعقب اعتذرت مني ,,~

أستغربت وايد من اسلوبهم ,, مع ان وهم مسلمين ومافي بينا اي شي والقهر بنات بلاد وحده ,,

أمممم فعلا ,, على اياام المدرسه لما تمدحنا المس ولا شي نستاانس ونقول نبا نعطي اكثر عشان نكبر بعينها وتستاانس علينا ,,~
بعد مرره في واحد يتصل على اخويه مغلط مب عربي اجنبي ,, فاكثر من مره اخوي يرمسه عربي وهو مايفهم عربي ,, ويسكر عن اخويه اخر شي رمسه بلهجته وفهم ,, وطله الاجنبي مغلط ,, وقعد يعتذر وووو واخوي يقول له لا عادي حصل خيير ,, حلييله الاجنبي استاانس وارتااح ليش مادري ,, يمكن عبااله بصير له شي ,,~

واايد عيبني الموضوع ,, وحطيته في بالي وان شاء الله خيير ,,~

يعطييج ألف عاافيه ,, وايد عيبني أسلووبج ,,,

الله يوفقج عروستنا ويعطيج العافيه ,,~

[حلوة الإحساس]

هلاا وغلاا بسنوومهـ..

تسلملي هالطله الحلوة هذي..والمشااركه الاحلى ..

ربي يعافي قلبج..منورااني .يا قلب ماما ..


تسلميين كلج ذوووق ..سنووم ..

ربي يسعدج ويوفقج..

[اميرت الامارات]

اول شي احب اقول انج ابدعتي وكلامج كان كله من الوااقع وانا معجبه فيج وفي الي كتبتيه يالغلا

وثاني شي احب اقولج مشكووووووووره لانج نصحتي البنات وان شاء الله يستفدون من الي كتبتيه وانا الصراااحه واايد استفت


وانتضر جديدج يالغلا


تسلمين عالموضوع الروووووووووووووعه

[حلوة الإحساس]

هلاا والله بأمــيرتنــا ..

نورتي يا عسل ..
تسلميين يا ذووق ..

خجلتيني بردج ..وان شااء الله يظل هالموضووع في باال الجمييع ..

ويستفيد الكل..


حيااج

[*دلوعه*]

موضوعك جداً رائع
كلامك مؤثر و مقنع

صرآحة ابدعتي

شكراً لكِ يا حلوة

دُمتي

[حلوة الإحساس]

دلوعه..

هلاا والله حبووبه ..

تسلميين ..مرورج هو الأروع

نورتي

[إحسآس ~]

يآالله عليكِ حلوة الإحساس http://www.banaat.com/vb/images/icons/muthmes.3..gif

موضوعك مرررة مرره رهيييب ~

على طول افتكرت الآية (( ولو كنت فظا غليظ القلب لانفضو من حولك))
سبحآن الله التعآمل كان حلو ولا عكس يبقى اثره ..

ماانسى وقفة معلماتي معايا ومديرتي في المرحلة الثانوية وكنت على باب التخرج ووقتها كنت اجريت عملية.. جزاهم الله خير


دائماً أتذكر احدى العاملات الافريقيات عندنا في الجامعة في احدى المباني مهمتها بس تفتح الابواب وتشغل المكيفات بس حاجات بسيطة .. دايم اطلع لقاعتي القاها على كنبايا في الممر جالسة ومتكية نايمةو احيان تكون صاحية.. فيوم قلت ايش باخسر لو صبحت عليها اكسب اجر.. فسرت كل يوم لوامر من عندهاو انسى مااسلم او اكون مشغولة تبادر بالسلام هيا.. سبحآن الله تحولت من التكشيرة اللي تحملها كل صبآح الى ابتسامة ..





وابتسموا وسمعوا الناس احلى الكلام ..ممكن بأسلوبكم وحسن تعاملكم ..تنفسوا عن انسان كربه او ضيق




وتعطوه امل في الحياة ..


اتذكرت صديقة لي عزيزة وغالية تعرفت عليها من النت.. في باديء علاقتي معاها في المنتدى كانت رسمية جداً وماكان يعجبني اسلوبها واتحاشاها ((حساسة انا حبتين))

فسبحآن الله كانت علاقتنا من اجل المنتدى وكذا احيان اكون متضايقة زعلانة هيا اللي تجي تسأل اكون فرحانة تشاركني فرحتي .. رغم كذا مرررة مررة ماكنت متقبلتها ... الى ان سبحآن الله انقلب الحآل

الله يديم صدآقتنا لله وفي الله


كمآن شغلة ...مرة كنت جالسة ارسم تبع الجامعة فجاني ولد اختي اديني ابغى ارسم زيك.. سبت شغلي وجلست معاه.. ويقولي يلا ارسميلي وانا الون قلتلو لا انتا ترسم وتلون وكانت عندي فلينة مركوزة على طرف السرير اكتب والصق فيها الاشياء المهمة وكل شويا يقولي الله حلوة الفلينة .. قلتلو يلا خلصها واعلقها لك.. ولما خلص علقتها وجلست امدحها الله يافنان يامبدع وكلمت اخواتي واخوه تعالو شوفو الولد كبر رآسه حتى اخوه وده يرسم عشان اعلقها له وكانت عندي الاستكرات الالوان الصارخة لصقتلو عليها انبسسسسسسط مرررة ماتتخيلو قد ايش.. سار كل مايجينا اديني ابغى ارسم .. يخليه ربي =)


اخيراً واللهي اعجز عن شكرك ياقمرhttp://www.banaat.com/vb/images/icons/muthmes.3..gif

الموضوع نبهني لأشياء كثيرة احيان اكون غافلة عنها .. جزآكِ الله اولا واخيرا ًhttp://www.banaat.com/vb/images/icons/kalp.2.gif


ولاتحرمينا ياقمر من مواضيعك الحلوة .. سجليني متابعة لكِhttp://www.banaat.com/vb/images/icons/muthmes.3..gif

تستآهلي ال 5 نجوم http://www.banaat.com/vb/images/icons/lily.gif

[حلوة الإحساس]

هلاا والله وغلاا ..باحساسناا ..

يا حيا الله هالطله الحلوه..

ما شاء الله علييك ..حلو انك انتبهتي لاشياء حسيتيها فادت ولد اختك..

وصح كلاامك ..التعآمل كان حلو ولا عكس يبقى اثره ..

اكييد كل وحده منا تتذكر كلمه او موقف صار ايام لما كنا صغاار..

اذا حلو كثيير تتذكره واذا مزعج كماان تتذكره...

وكماان تبقى اثرهاا ..والله لين الحين وانا اتذكر اشيااء صارتلي ..ومش قادره انساها..


مشكووره يا حبووبه تسلميين على مشااركتك الطيبه..

ربي يحلي اياامك ويسعدك..

سعيييده بوجودك معناا..

وبمشااركتك ..

نورتيني صدق

[زهـراء]

السلامـ عليكمـ :sm.35:

مــا شاء الله .. مـا شاء الله .. !

هذه هي المواضيع القيمة اللي تستحق كل الشكر و الثناء :sg.11:

حقيقة إنتي حطيتي إيدك ع الجرح

للأسف الشديد المسلمين الآن مفتقدين هذا الجانب جداً

طبعاً مش كلهم بس جزء كبير

المسلم لازم يكون ( عبادة + عمل + أخلاق )

إحنا ممكن يكون جزء كبير عنده جانب العبادة و العمل

و لكن للأسف يفتقد لجانب الأخلاق !

و هذا هو اللي في الغالب بيشوه صورة الإسلام في العالم

و ذكرتي في كلامك نقطة في غااااايـة الأهمية

في الموقف الأول الأجنبية اللي قالت لزميلتك إن حجابها حلو

هنا نشوف إن الأجنبية ما كانت متعصبة

لا .. بل متدحتها في حجابها

إحنا كتير بنعامل المسيحين و غير المسلمين معاملة سيئة

و ده طبعاً غلط و مش من الإسلام

الأصل في الإسلام هو التعامل الحسن مع كل الناس .. مش بس مع المسلمين

و دي نقطة مهمة جداً

لإننا إذا فضلنا نعاملهم بصورة سيئة إزاي ممكن يقتنعوا بالإسلام ؟؟!!

بصراحة موضوعك فعلاً فعلاً بيناقش نقطة حساسة و مهمة في حياتنا

كل الشكر و التقدير لك .. في إنتظار جديدك .. sm.1.

[حلوة الإحساس]

يا هلا يا هلا يا هلاا بالزهراااء ..

ايه النوور ده ..:sm.39:

منورااني ومنوره الموضووع...

معلش اتاخرت في الرد ..

ربي يسعدك تسلمييين على كلاامك..وعلى مشااركتك الطيبه ..



لا تحقرن من المعروف شيئا و لو أن تلقى أخاك بوجه طلق))
سبحاان الله ..كيف بالاخلااق الحلوة ..تكسبي خير في الدنيا والآآخره ..وهي ما بتكلفك حااجه..

بالعكس الشي هذا بزيدك جمال ومحبه بين اهلك والناس ..


ربي يحسن اخلاقنا ..ويهدينا ...

آآمين..


انا اشكرك على مشااركتك ..

يا الف هلااا

[رفيعة المقام]

حلوة الاحساس ..

موضوع رائع بمعنى الكلمه ..

ما قدرت اخلي كلمه منه >> مع انه طويل شوي ههه

يمس الروح قبل العقل ..

بالفعل ..

المدح والكلام الحلو يغير ..



...




وانا ولله الحمد ..

احب امدح اي شي حلو حسب اهميته ..

واذكر الله وارفع من معنويات اللي قدامي ..

يعني لو شي بسيط او كبير ..

كلهم يستاهلون المدح ..

لكن اكيد من دون مبالغه ولا تقصيير ..



...


ومثل ما ذكر في بداية كتاب الشخصية المغناطيسية ..

انت اكيد مميز وتحب الكل يشكرك .. يمدحك .. يثني لى اعمالك ..

فكما هو شعورك تجاه نفسك ..

يكون شعور الآرين تجاه انفسهم ..

فأحب لأخيك ما تحب لنفسك ..


...

لا عدمناج يالغلا على هالمواضيع المفيده..

[حلوة الإحساس]

يا هلا وغلا برفيعه المقام..

رفع الله مقامك كمان وكماان...

تسلميلي على هذي الطله الرفيعه بارك الله فيك..

وفعلا أحب لاخيك ما تحب لنفسك...


نورتيني يا حبوبه