|| الخدم وتربيتهم للأطفال ..~ دعوه لنقاش

[صمت الشوق]

بسم الله الرحمن الرحيم
السلام عليكم ورحمه الله وبركااته ...~
شحالكم ياالحلووين عساكم بخيررر ؟؟




بدااية أحب أوجه كلمة شكر وتقدير وعرفان لكل ام ربت أعيالها بنفسها ولكل ام تعبت عشان عيالها ...ولكل ام تدخل الموضوع ...~

اليوم راح نتناااقش كلنا بصدق وصراحه عن (( الخدم وتربيتهم للأطفاال ...~))

هذي المشكله او الضاهره الي أنتشرت بشكل كبييييييييييير عندنا في الخلييج ...

هي ان الام تحمل وتولد بس ,,, والباقي عند الخدم ..يعني الحيين كيف يهون عليج تخلي عيالج عند الخدم ..كييف ضمييرج يرتااح ,, طبعاً مب الكل بس أغلب البنات الحين يتزوجون ويحملون ويولدون وبس هذي شغلتهم ...~ الي تنشغل بدراستها والي تنشغل بشغلها ودواامااتهاا ....والي مايهون عليها تنش تشوف ولدها شو بلاه ...~

مواقف من الواقع ..:

اكيد أغلب الي يقرا موضوعي يعرف قصص البشاكير مع اليهاال شو يسون الخدم لما يعصبون من اليهاال ...,,, ياما سمعنا بشكارة فلانه محطيه لولدها شي في الحليب او مسويه له شي وووو واايد سمعنا ...~

اعرف مب وحده ولا ثنتيين امم تقريبا كذا وحده من يهال فريجنا وهلنا والي اعرفهم يعني ..~

بنات 3 سنيين رمستهم عربيه مكسرره مب من شي لما الرمسه مايفطنوها عدل وبسرعه لان من الصغر وهم عند ناس مايعرفون رمستهم ...

مره كنا متجمعين فوحده 3 سنوات والثانيه سنتيين هالبنتين راابين عند الخدم ..~

والله الرمسه منقعععه ومكسره يعني احسها ماعرف كيف اوصفها ...الحين قومي ووحده منهم تقول كوسي منا هههههه تضحك بس تعور القلب ...~

ومره كنا تقريبا كلنا مجتمعين فاليهال كلهم في نفس العمر اممم البنت ع والبنت ب والولد ع والبنت ر والبنت س ..الحين البنت ع وس وب كلهم رابين عند الخدم ولما ذاج اليوم يرمسون رمسه منقعه اقول ها شو يتحرطمون شو رمستهم والولد ع والبنت ر لما رمسو رمستهم رمسه عااديه ينفهم لهم يعني لييييييييييييييش لان الاول الي هم ع و س وب رابين عند خدم والولد ع والبنت ر لانهم رابين عند امهااتهم حسيت رمستهم مفهوومه مع انهم تقريبا كلهم بنفس الاعماار بو 3 سنواات ...~


نصيحه لكل ام :

لا تتركين عيالج من صغرهم مع الخدم لانج راح تتعذبي لما يكبرون في تربيتهم وتعليمهم ...

اعرف وحده من سافرت بشكارتها بنت تمت تصيح تبااها تدرون لليش لانها متعوده عليها خلاااص ....
||||||||||||||||||||||||||||||||||||||||||||||||||

الحين ابي كل وحده تدخل وتقول لي :

شو رايج بالام الي تترك تربية عيالها ع الخدم ؟؟؟

وبشو تنصحيينهم ؟؟؟


ويعني هالموضوع في بالي من فتره والحين طرحته واتمنى احصل ردووود حلوه ومفيده ....~


|| ماأحلل لأي حد ينقل ولايسوي اي شي لموضوعي ويغير فيه حتى لو شي بسيط وينسبه لنفسه ....جميع الحقوق محفوظه لقلم سنام الفخر ...~

[قطوفهـا دانيـۃ]

موضوع رائع ويستحق النقاش بما أن الظاهرة انتشرت في هذهـ

الأيـــام وسوف اجيب على اسئلتكـ ولكن أنـا لست من المؤيدين لهذهـ

الظاهرهـ ولست معارضهـ لهذهـ الظاهرهـ .,

شو رايج بالام الي تترك تربية عيالها ع الخدم ؟؟؟


هناكـ بعض الأمهات يتركون اطفالهم مع الخدم لأنهم يعملون

ويكسبون رزقهم لتربيهـ هذا الطفل وبذلكـ هذه الام تكون مجبرهـ

على تركـ أطفالهـا مع الخدم في ساعات دوامهـا أو عملهـا ولكن

عندما تعود الى المنزل تعتني بطفلها أشد العنايهـ ، ولكن أنـا أحبذ

لو تتركـ الأم شخصا آخر بالمنزل مثلا جدة الطفل تكون موجودهـ مع

الخادمهـ وتراقبها باسمرار أما وجود الطفل وحيدا مع الخادمة فأنا اعارض

هذه الفكرهـ لأن الخادمهـ قادرهـ على فعل اي شيئ للطفل وستكون العواقب

وخيمهـ .,

وبشو تنصحيينهم ؟؟؟

مثلما ذكرت في السؤال الأول اذ كانت مجبرة على العمل فعليها

أن تقوم بجلب أحد أقربائها للجلوس مع الخادمة حتى تتجنب اخطاء

الخادمه ، واذ كانت غير مجبرة على العمل فأفضل لها أن تتركـ العمل

وتعتني بطفلهـا حتى يكبر بين أحضانها .,


حفظ الله جميع الأطفال وابعدنـا عن جرائم الخادمات ~


شكراً لكـ سنام على الطرح } ~

[« ᾧ ϵ ṩ ō Ờ »]

موضوعكـ يستحقـ النقاشـ
\بسـ في الأول انا أميـ الحمد للهـ هي اللي ربتنيـ/
واميـ ما تحب ان يكونـ عندها خدم في البيتـ تحب تسويت كل شئ <<<رب يخليها ليـ
شو رايج بالام الي تترك تربية عيالها ع الخدم ؟؟؟
لا يوجد بقلبها حنانـ
و اشلونـ وفي خادمة راح تحسـ بالأمومهـ
واقول على هذي الامـ قلبها جامد
وبشو تنصحيينهم ؟؟؟
انصح‘ـهم بانهم هم اللي يربوا اولادهمـ
ولو احسن‘ـوا تربيت‘ـهم بيأخذ‘ـوا ثوابـ
ولو ما احسن‘ـوا تربيت‘ـهمـ الله راحـ يعاقب‘ـهم
والله أعلم كيف طريقة هذه الخادمة في التربية
و الخادمة دائما تكونـ من مجتمع غرب‘ـي

[romanceya]

..

اختى الموضوع مكرر
اي قد سبق طرحه من قبل

شكراً

..