مشاهدة النسخة كاملة : أحبك و أعشقك للنهاية (روايتي الاولى ادخلو و ابغى ردود)
سكرية وردية
01-02-2009, 11:05 PM
السلام عليكم و رحمة الله و بركاته
اليوم جالسة و افكر قلت اكتب قصة احسن و اشوف انا اعرف اكتب ولا لأ
انا مو عارفة مقدمات ولا شي فادخل في
الشخصيات/
عائلة الجد مصطفى سالم(العائلة الكبيرة)
الجد/ مصطفى (متوفي)
الجدة/ اسماء (متوفية)
الاب/ ابو سعيد (فايز)
طيب و حبوب بين اخوانه و عيال اخوانه و يشتغل في شركته
الام/ ام سعيد (نوال)
حلوة و طيبة و حنونة على عيالها و تخاف عليهم وايد.
الابن/ سعيد
25 سنة خاطب بنت عمه اماني عن حب و يشتغل مع ابوه في الشركة و هو حنطاوي و مره وسيم و اخوانه يشبهونه في حلاه و خفة دمه و يحب اخوانه و يغير على اخواته وااايد
الابن/ احمد
17 سنة يدرس ثانوية عامة علمي و هو مررره حلو ومملوح ووسيم و كل البنات يتهبلون عليه بس هو مو من هذا النوع.
البنت/ الهنوف
16سنة في ثاني ثانوي ادبي ممتازة و مجتهدة جدا في الدراسه و يقولون عليها حورية مرره حلوة بيضاء مثل القشطة و شعرها لين ركبها و لونه كستـنائي و عيونها خضر و طولها عادي و جسمها وزنه طبيعي و كل شي فيها حلو طريقة كلامها و صوتها و مزاحها و اهم شي انها ما تترك ولا فرض الا و تصليه و هي مو مغرورة و محبوبة من الكل و الشباب اللي يشوفوها لازم يغازلوها
البنت/ العنود
ماخذة شوي من جمال اختها و عمرها 14 سنة صفها تاسع متوسط كل اسرارها مع الهنوف و الهنوف كل اسرارها مع العنود و العنود تحب اختها مره و تلقب الهنوف بالحلا كله و تتميز بخفة حركتها و خفة مزاحها فهي محبوبة من الكل
الولد/ مازن
عمره 12 سنة في صف سابع متوسط هو وايد حلو و خفيف الظل و ضعيف و طويل و حنطاوي و شعره كستنائي و عيال عمه يحبونه.
.............................................
الاب/ ابو جاسم (عبد الله)
نفس صفات اخوه و يشتغل معه بالشركه
الام/ ام جاسم (هيا)
نفس صفات اي ام
الولد/ جاسم
25 سنة هو و سعيد ربع من يوم كان عندهم 7 سنوات و هو مررره حلو و وااااااايد وسيم كل البنات يحبونه بس هو ما يحب كذا
البنت/ اماني
23 سنة تموت على سعيد و ما تقدر تعيش من دونه و هي حلوة و ربيعة رنا بنت عمها و هي توأم روحها و هم الاثنين لهم نفس الملامح مع انهم مو اخوت
الولد/ عمر
18 سنة وسيييييم لدرجة ما تتخيلوها عصبي شوي بس طيب و حده جرئ و خجول بنفس الوقت و دايم يقولون عمر ل الهنوف و الهنوف ل عمر و هم حبو بعض بس ما يعرفو بعض كويس
............................................
و اخيرا اصغر واحد
الاب/ ابو خالد (جمال)
يحب اولاده وايد بس شوي عصبي و يشتغل رجل اعمال
الام/ ام خالد (شيخة)
طيبة مره و تخاف على عيالها وايد
البنت/ عبير
23 سنة تحب اخوها واخوها يحبها لان مالهم غير بعض و هي ما بتفكر في الزواج و امها مو راضية تتركها
الابن/ جواد
13 سنة في ثامن متوسط هو و مازن ربع و مع بعض بالمدرسة و عندهم شعار هو تسقط المدرسة ما يحبون المدرسة و مع ذلك ما يغيبون يحبون بعض وايد و جواد احلى من مازن
انشالله تكون الشخصيات عجبتكم و ابغى ردود لين ما اكتب الجزء الاول و اوعدكم اني رح انزله و ما رح اتاخر و ابغى رايكم في الشخصيات و مين في الشخصيات عجبكم؟
يلا خلوني افرح بالردود اللي تفتح النفس :thumb_yello:
سكرية وردية
02-02-2009, 12:46 PM
الاب/ ابو خالد (جمال)الام/ ام خالد (شيخة)
خالد هذا ابنهم و هو مسافر بالخارج عنده 30 سنه متزوج وحده ايطالية و معهم علي 4 سنوات و علا سنتين.
سكرية وردية
02-02-2009, 12:47 PM
حطمتوني ما شفت و لا رد الجزء جاهز اكتبوا تعليقات عشان انزله
سكرية وردية
02-02-2009, 02:33 PM
يلا ابغى ردود انا جالسة اكتب في البارت الثاني الحين يلا عشان انزل البارت الاول
سكرية وردية
02-02-2009, 03:12 PM
السلام عليكم و رحمة الله و بركاته
أنا جيت و جايبة لكم الجزء الاول معي
يلا اترككم
ملاحظات/ * اشكر الله اللي اوحى لي بالفكرة ثم لماما اللي ساعدتني.
* يمكن انزل جزئين باليوم.
* انا حزينة لانه ما في ولا رد واحد
نبدأ
في بيت أبو سعيد
الساعة 8:30 صباحا
أحمد قام من نومه و دخل الحمام –أكرمكم الله- أخذ شاور و نزل الصالة.
أحمد: السلام عليكم يبه صباح الخير
الأب و كان يقرأ الجريدة: و عليكم السلام يا ولدي
أحمد: شلونك يبه عساك بخير
الأب: الحمد لله
أحمد: دوم يبه...أقول وين أمي؟
الأب: بالمطبخ روح شوفها
أحمد: إنشالله يبه.تأمر بشي؟
الأب: لا يا ولدي ما يأمر عليك عدو
.................................................. ................
بالمطبخ
أحمد: هلا و الله بالغالية
الأم: أهلا يا وليدي شحالك؟
أحمد: الحمد لله....يمه كنت أبغاكي تقولين للوالد أن أنا و سعيد و عيال عمنا بنروح المول بعد إذنكم طبعاً
الأم: أنا ما عندي مانع بس خذوا البنات معكم
أحمد: إنشالله يمه بخلي العنود أو الهنوف يقولون لهم
أحمد: أزهب معك الفطور؟
الأم: لا مشكور روح قعد أخواتك و أخوك
أحمد:إنشالله يمه.تأمرين بشي؟
الأم: لا يا وليدي ما يأمر عليك عدو
.................................................. ................
في بيت أبو جاسم
الساعة 10 صباحا
أماني: جاااااااااسم , عمرررررررررر قوموا عشان تفطرون ترانا متأخرين
جاسم: آآآآآي فقعتيلي طبلة أذني
عمر: إي و الله صدقت / آآي كان دماغي بتنفجر
جاسم: صح ذكرتني على إيش نتأخر؟
أماني: بنروح كلنا على المول
عمر: مين كلنا؟
أماني: عيال و بنات عمامنا
عمر في نفسه: و أخيرا بشوف الهنوف
جاسم: هيه عمر وش فيك سرحان؟
عمر: ها؟ لا و لا شي بس كنت أبغى أقول متى بنروح؟
أماني: ما أدري بس يمكن على الساعة 4 العصر بنكون تكشخنا و تروقنا
جاسم: إي أدري يبغالك ساعتين على ما تخلصي
.................................................. ................
بس كذا كفاية اكمل على العصر أو المغرب إنشالله و أبغى ردود و أبغاكم تقولولي الميزات و العيوب و أتمنى يعجبكم التنسيق.
سكرية وردية
02-02-2009, 05:28 PM
للدرجة دي الرواية ما عجبتكم؟
امري لله عساكم تردوا حتى قولوا شكرا قولوا اي شي
7
7
7
7
7
السلام عليكم و رحمة الله و بركاته
يلا الحين معي الجزء الثاني انشالله يعجبكم
في بيت أبو خالد
الساعة 2 الظهر
جواد: عبيروووه وينك في؟
عبير: وش فيك تصارخ؟
جواد: عندي لكي خبر بمليون ريال
عبير: قول و خلصني تراني أساعد أمي
جواد: عيال و بنات عمامنا بيطلعون و يبونا نروح معهم
عبير: جد؟
جواد: لا و الله؟ و أنا من متى امزح مع اللي اكبر مني؟>هو دوم يمزح مع أخته
عبير: روحعني أنت و وجهك
جواد: إي و أنا بروح ازهب ملابسي
.................................................. ................
في بيت أبو سعيد
الساعة 2:30 الظهر
كانوا جالسين يتفرجون على التليفزيون
سعيد: أقول يبه
الأب: سم
سعيد: سم الله عدوك
سعيد: يبه بطلب منك طلب بس لا تردني
الأب: ايش تبغى؟
سعيد: كنت بقولك أبغى أملك على أماني
الأب: على بركة الله بس ناخذ رأيهم بالأول و نشوف هم متى فاضيين و نتفق على تاريخ
سعيد: اللي تشوفه يبه يلا بطلع عند الهنوف
.................................................. ................
في غرفة الهنوف
سعيد يطق على الباب: ممكن ادخل
الهنوف: اي اخوي تعال
سعيد: ايش تسوي الحلا كله
الهنوف ضحكت و بانت غمازاتها: و لا شي جالسة اتكلم مع اماني على المسن
سعيد يوم سمع اسم اماني ذاب و سرح
الهنوف: هيه سعيدووه وين رحت؟
سعيد: ها؟ شو تقولين؟
الهنوف: اشوفك رحت في الاحلام الوردية
سعيد: هيه انتي استحى على وجهك تراكي تكلمين اخوكي العود
الهنوف: ايش فيك تغيرت علي؟ تبيني اقول لحبيبت القلب على معاملتك لي؟
و مرة واحدة تدخل عليهم العنود
العنود: ايش فيكم تتهاوشون و بعدين مين هي حبيبت القلب هذي؟>>مرره ملقوفة هذي البنت
الهنوف: و انتي شدخلك يالملقوفة؟ هذا كلام كبار ما يصير تسمعينه
العنود: بلا كبار بلا صغار المهم يلا زهبوا حالكم عشان نروح على المول
سعيد: أي صح ذكرتيني ابغى اشوف عمر صار لي اسبوعين ما شفته
الهنوف يوم سمعت طاري عمر طارت و هي تقول في نفسها: عمر هذا قلبي فديته و الله مشتاقة له وايد متى نصير مع بعض و تحت سقف واحد
سعيد: هيييييه و هذا اللي انتي فيه مب احلام وردية؟
العنود: نحن هنا
الثلاثة: هههههههههههههههههههههههههه
.................................................. ................
انتظروني يمكن اكمل البارت الثالث اليوم و بتعرفون وش صار بالمول
انتظر توقعاتكم و الردود الحلوة.
سكرية وردية
02-02-2009, 05:33 PM
لحظة بكتب البارت الثالث و انزله
Vanilla Sky
02-02-2009, 05:38 PM
يَـآآيـ ><
عجبتني القصـة مآآرهـ
خصوصـاً هذآ المقطـع
سعيد: هيييييه و هذا اللي انتي فيه مب احلام وردية؟
هههه مرة ضحكني ^^
لا تِنسي تضيفي البآرت الجديد حووبي (=
ولآ تستعجلي الردود ،إلحين فترة إختبآرآـت !
سكرية وردية
02-02-2009, 05:53 PM
اول شي مشكورة على ردك اللي حمسني و ابشرك الحين جالسة اكتبه بس اخلصه و بضيفه على طول و انشالله ما استعجل ^_^
سكرية وردية
02-02-2009, 07:10 PM
أنا ضفت البارت مخصوص عشان عيون vanilla sky و لكل اللي شاهدو الموضوع بس ما ردوا
قبل ما اقول أي شي مازن اخو سعيد و احمد و الهنوف و العنود كان عند ربيعه حسين ببيته
المهم بعد ما كلهم اتكشخوا و خلصوا دقت العنود على مازن و قالتله ان كلهم بيروحون للمول بس هو قال لها انه ما بيروح معهم و يمروه بعدين و هم راجعين و سكر
بقولهم لكم بالترتيب
ملاحظة: الشباب كلهم مسويين سبايكي
سعيد كان لابس بنطلون جينز اسود و تي شيرت بني عليه رسم بالبيج و flat shoes لونه بني و فيه خطوط من الجنب بالبيج و كان لابس ساعة فضية ماركة guess يعني كان طالع مره حلو
.................................................. ................
أحمد كان لابس بنطلون جينز ضيق من تحت و تي شيرت لونه كحلي و عليه كتابة باللبني و فلات شوز لونه كحلى و ما كان لابس ساعة و هو كمان كان طالع وسيم
.................................................. ................
الهنوف كانت لابسة بنطلون جينز و شيرت كت لونه زهري و عليه كتابات بالابيض و فلات شوز لونه ابيض و شعرها كانت مسوياه لفوق و كانت حاطة مكياج نعوووم مره و كانت طالعة قمر بينهم
.................................................. ................
العنود كانت لابسة تنورة لين ركبها كاروهات>> نوع من القماش يعني مربعات صغيرة لونها ابيضxاسود و بادي ابيض و بلوزة قصيرة بدون اكمام لونها اسود و شعرها كيرلي و بنطلون استرتش تحت ركبها شوي لونه ابيض و لابسة فلات شوز اسود و كانت حاطة مكياج مرررو حلو وكانت طالعة كيوت
.................................................. ................
جاسم كان لابس بنطلون جينز اسود و تي شيرت اخضر و شوز اخضر و ساعة ماركة Gucci و كان شكله حلووووو
.................................................. ................
أماني كانت لابسة بنطلون جينز و بلوزة سوداء مرره كيوت و شوز اسود و شعرها كيرلي و مكياجها مررره حلو وكانت طالعة نايس
.................................................. ................
عمر كان لابس بنطلون جينز و تي شيرت طوبي و عليه شوي لون ابيض و شوز طوبيxابيض و ساعة بيضاء و كان شكله خاقوقي.
.................................................. ................
عبير كانت لابسة بلوزة حمراء كت و بنطلون جينز و شوز احمر و شعرها مرفوع و مكياجها توووحفة
.................................................. ................
جواد كان لابس تي شيرت ملون بس شكله مره حلو و بنطلون جينز و شوز على لون التي شيرت و كان حلووووو
.................................................. ................
في المول
الساعة 4:30 العصر
أماني: هلا و الله بنات اشتقتلكم
البنات: حتى احنا اشتقنالك
الهنوف وقع نظرها على عمر و تقول في نفسها: صدقوا يوم قالوا انك قمر و قعدت تناظره لين هو ناظرها الهنوف نزلت راسها و كانت ميتة حيا و عمر هو كمان قعد يناظرها لين كلمه جواد: شلونك يالقاطع ما بنسمع صوتك
عمر في نفسه: حرام عليك مو وقتك ابد
عمر: الحمد لله تمام انت شلونك؟
جواد: لوني مو ثابت ما تشوف شللي لابسه انا؟
عمر: ها ها ضحكتني و مالي خلق اضحك.
جواد: طيب خلني اتذكرلك نكته
الشباب: اي قول نكته
جواد: مرة فيل اتزوج دجاجة خلفوا تشيكن فيليه
الشباب: ههههههههههههههههههه
.................................................. ................
تم الجزء
يلا ايش توقعاتكم شللي هيصير بالمول؟
Vanilla Sky
02-02-2009, 10:22 PM
هاهاهاها أما النكتة دي مرة ههههه
وأتوقع إنوآ رآح يصير شي بين الهنوف وعمـر صح:blush: ؟
يلآ أنتظر البآرت القآدم بفآرغ الصبـر ^^"
سكرية وردية
02-02-2009, 11:04 PM
صح و انشالله اول ما افتح الكمبيوتر انزله على طول و احب اقولك انه بيصير اشياء ثانية بس بتشوفينها بكرة و ابشرك اني بكتب الجزء الرابع الحين و بكرة انشالله بنزل ثلاث اجزاء بس مو ورا بعض يعني على ما اكتبهم و بيكون في افكاار كثيرة في مخي فعلى ما ارتبها و كذا.... بس.
سكرية وردية
03-02-2009, 02:23 PM
السلام عليكم و رحمة الله و بركاته
البارت الرابع
دخلوا المول و راحوا البنات مع بعض و الشباب مع بعض
عند البنات و بعد لف طويل
عبير: أقول بنات يلا ندخل هذا المحل
الهنوف: لا انا ابغى اجلس على هذا الكرسي بس تخلصين دقيلي و انا اجيلكم
عبير: انشالله
.................................................. ................
راحت الهنوف و جلست على الكرسي الا و جا شاب و قعد جنبها و يغازلها
الولد: أشوف القمر يطلع العصر مب بالليل
الهنوف: وشفيك تلزق فيني انت ما تستحي؟
الولد: في احد يشوف قمر و ما يلزق فيه و يغازله
شافه عمر و هو يكلمها ف راح له مثل الصاروخ
عمر: انت وش جابك جنبها؟
الولد: انت شدخلك؟
عمر: قوم و ما تغازلها و الا بتشوف الوجه الثاني
الولد: تقدر؟
عمر: تتحدى؟
الهنوف: خلاص عمر الله يخليك ما يستاهل . حبيبي اذا لي خاطر عندك ما تسويلك مشكله.
الولد و عمر انصدمو من كلمة حبيبي
و الهنوف اول ما حست بروحها نزلت راسها و كانت ميتة حيا و راحت للبنات في المحل
وعمر هو كمان راح للشباب
الهنوف لما راحت للبنات كانت تقول في نفسها: انا شلون قلت له حبيبي؟
عمر كان يقول في نفسه و كان طاير من الفرحة: هي ما تبغاني ادخل نفسي ف مشاكل و قالت لي حبيبي يا حليلها معقولة تخاف علي و تحبني بعد؟
سعيد: أقول جاسم انا قلت لابوي اني ابغى املك على اماني هو كلمكم ولا لأ؟
جاسم: إي كلمنا و الميعاد بعد شهر
سعيد: و الله؟
جاسم: إي والله مبروك يالمعرس
الشباب كلهم باركوله
.................................................. ................
عند البنات
العنود تهمس للهنوف: وش صار عشان ترجعيلنا؟
الهنوف: بقول لك بالبيت
أماني: سعيد بغى يملك علي و ابوي قال بعد شهر ممكن تساعدوني؟
الهنوف و العنود: جد؟
البنات كلهم ضحكوا و بعدين باركوا لاماني
.................................................. ................
بعد ما كلهم وصلوا البيت
الساعة 8 مساء
بيت أبو سعيد
الأب: ها شسويتم؟
سعيد و كان فرحان: الحمد لله يبه أنت ليش ما قلتلي على انك كلمتهم؟
الأب: مين قالك؟
سعيد: جاسم
الأب و الأم: مبروك يا ولدي
سعيد: الله يبارك فيكم
الهنوف تحضن اخوها: هتسيبني لحالي؟
اخوها حضنها: معلش بس ما رح انساك و رح ازوركم كل يوم
العنود: طيب انا بطلع غرفتي
الهنوف: و انا كمان عن اذنكم
الكل: اذنك معاك
العنود و هي طالعه على الدرج: تعالي الهنوف ابغاك بشي
الهنوف: انشالله بس ابدل ملابسي و اجيلك
.................................................. ................
في غرفة العنود
الهنوف: ايش بغيتي؟
العنود: تقوليلي السالفة اللي صارت بالمول
الهنوف قالتلها السالفة
العنود: هههههههههههههههههههه حبيبي مره واحدة هههههههههههههههههه
الهنوف: لا مرتين. الشرهه مو عليك الشرهه على اللي يعطيك وجه.
.................................................. ................
شتتوقعون يصير بالبات اللي جاي؟
سكرية وردية
03-02-2009, 08:52 PM
السلام عليكم و رحمة الله و بركاته
رجعت بالبارت الخامس
في بيت أبو جاسم
الساعة 10 مساء
في غرفة أماني
أماني جالسة على المسن
نكها: ur in my heart dodo
تتكلم مع الهنوف
نكها: مهما تباعدنا بنضل مع بعض
ur in my heart dodo: السلام عليكم
مهما تباعدنا بنضل مع بعض: عليكم السلام شلونك؟
ur in my heart dodo: الحمد لله بخير
مهما تباعدنا بنضل مع بعض: دوم يا رب. أقول أنتي ما عطيتي الخياط قماش فستانك؟
ur in my heart dodo: لا و الله ذكرتيني تجي معي بروح له بكرة بعد العصر فاضيه
مهما تباعدنا بنضل مع بعض: إي فاضيه. طيب بروح الحين أشوف شي اكله ميته جوع ما تغديت.
ur in my heart dodo: طيب مع السلامة
مهما تباعدنا بنضل مع بعض: في أمان الله
.................................................. ................
معلش البارت قصير بس ما عرف اكمله
قصة رائعة يا غالية
و استمري و نحن متابعات
شكرا لقلمكِ النابض
و لحسكِ المتواضع
حروف ~
سكرية وردية
04-02-2009, 06:04 PM
مشكورة على مرورك و ما ادري اذا اقدر اكملها قريب لاني مشغولة
џпiqџέ *
04-02-2009, 09:55 PM
قصـه ولآ احلــىآ ..
تـرآآني تحمســت ~ كملــيهـآ بسرعه .. p:,,
بس بصرآآحــه مررهـ عجبتنــي .. ~,,!)
سُندسْ
05-02-2009, 10:05 PM
ماشاء الله قصهولا ارووع
يلا يا خجووله كملي القصه
احنا متشووقاات
- مــريــمْ ،
06-02-2009, 12:13 AM
القصة في قمة الرووعه ..
ابداع × ابداع
ننتظر الباارت الجااي ..
عيون الورد
07-02-2009, 02:19 AM
فكرة حلو يعطيك الف عافية
[ أحَ'ـآسيـس ]
07-02-2009, 03:52 PM
سلـمـت أنـآمـل يـدآكـــ الذهـبيـة . كـملـي الـقصـة فـنحـن مـتشـوقيـن لهـآ .
نعنوعة
08-02-2009, 05:17 PM
واااااااااااااااااااااااايييييييييييي تجننننننننننننن إختي بصراحة عجبتني شخصية العنود لانها مقووووووووووووووووووفة وايد هههههههه و من الاولاد عمر
بنوتة دوت كووم
13-02-2009, 09:43 PM
تسلمي بجد روووووووووووووووعه
وننتظر البارتات على احر من الجمر
Gloomy girl
19-02-2009, 03:58 PM
{وووووووووووعة عيني ابدعتي بانتظار الباقي
الجوري وبس
19-02-2009, 04:04 PM
تسلميـ خيتووووو ع القصهـ
مرررررررررررررررررررهـ
حلوووهـ ..منجد ابداااااعـ
واتمنى انكـ تكـملـي الـقصـة
متشوووقينـ مرهـ ..واحلى شخصيهـ
هيـ العنووود ويا لقااافتها الليـ ما تخلص
ويعطيكيـ الف الف عااااافيهـ
سكرية وردية
24-02-2009, 05:51 PM
انشالله اكملها و اسفة على التاخير بس المدرسة بدأت و ما عرفت اكملها بس انا جالسة اكتبها و بنزلها باسرع وقت باذن الله.
Vanilla Sky
26-02-2009, 01:16 AM
بآرتآآت رآآآئِعـة !
وأنـآ متأسفَـة لأنِـي فوتـتَ بآرتَـآت ><"
لكن أحلـى مقطـع حق " حبيبــِي " هههه
مررّهـ ضَحكنِي وذُبت بالكرسي خخـَخ
يلآ أنتظر آلتكملهـ (=
دمـ قهر ـعة
11-03-2009, 11:48 PM
اكملي
غاليتي
فنحن متابعين لك
ولقلمك الرااااااااااائع
وعجلي علينا بباااااااااااارت
سكرية وردية
12-03-2009, 01:14 PM
بنات اسفة ما رح اعرف اكمل القصة.
ممكن تمحيها يا حروف بعد اذنك عشان انا حضرت قصة بدالها اسمها احلى ما خلق ربي .
راحت الهنوف و جلست على الكرسي الا و جا شاب و قعد جنبها و يغازلها
الولد: أشوف القمر يطلع العصر مب بالليل
شافه عمر و هو يكلمها ف راح له مثل الصاروخ
عمر: انت وش جابك جنبها؟
الولد: انت شدخلك؟
عمر: قوم و ما تغازلها و الا بتشوف الوجه الثاني
الولد: تقدر؟
عمر: تتحدى؟
الهنوف: خلاص عمر الله يخليك ما يستاهل . حبيبي اذا لي خاطر عندك ما تسويلك مشكله.
الولد و عمر انصدمو من كلمة حبيبي
و الهنوف اول ما حست بروحها نزلت راسها و كانت ميتة حيا و راحت للبنات في المحل
وعمر هو كمان راح للشباب
الهنوف لما راحت للبنات كانت تقول في نفسها: انا شلون قلت له حبيبي؟
عمر كان يقول في نفسه و كان طاير من الفرحة: هي ما تبغاني ادخل نفسي ف مشاكل و قالت لي حبيبي يا حليلها معقولة تخاف علي و تحبني
أعجبتني يوم قالتلوه < حبيبي >
على العموم:ثانكس:
سكرية وردية
22-05-2009, 01:50 AM
بنااااااااااات جبتلكم خبر بمليووون
رح اكمل الرواية
الجزء في الرد الجاي
سكرية وردية
22-05-2009, 02:01 AM
بعد شهر
باقي يومين على ملكة أماني وسعيد
بيت أبو جاسم
أماني: جاسم تعال شوي أبغاك
جاسم: شعندك؟
أماني والدموع بعينها: ما أبي أملك خلاص هونت
جاسم: شهلكلام اللي تقولينه يا بنت الحلال ترى هذي ملكة مو سفر
أماني: أدري والله بس خايفة ما ابيه يشوفني
جاسم: أنا رح أكلملك رنا هي اللي بتتفاهم معك
في الصالة
عند التليفون
جاسم: السلام عليكم
سعد: هلا بولد العم شلونك؟
جاسم: الحمد لله تمام. أقول
سعد: همم..
جاسم: قول لرنا تجي تكلم أماني تقول هونت ما تبي تملك
سعد: إنشاء الله. يلا تأمر على شي ثاني؟
جاسم: لا ما يأمر عليك عدو. في أمان الله
سعد: في أمان الكريم
تعريف بعائلة رنا
أبو سعد/ رجال طيب وخلوق يحب اخوانه وعياله
أم سعد/ مره طيبة وتحب زوجها وعيالها
سعد/ 25 سنة يمووت على جاسم بس جاسم عادي عنده
رنا/ 23 سنة مع أماني بكل شي
بيت أبو سعد
سعد: رناااااااا تعالي شوي
رنا: نعم؟
سعد: زهبي حالك عشان أوصلك على بيت أماني
رنا: صدق؟ أوكي شوي وأكون جاهزة
بعد ما وصلت رنا طارت على غرفة أماني
رنا: عادي أدخل؟
أماني: أيه تفضلي
رنا: شلونك يا عمري ليش هونتي خلاص ما تحبيه؟
أماني: لا والله بس ترى أنا خايفة حيل و ما أبغى
رنا: حشى عرس مو ملكة الحين بالملكة تسوي كدا أجل بالعرس ايش بتسوين بتفضحينا؟
أماني: ههههههه الله يقلع شيطانك يا الخبلة
نروح على بيت أبو سعيد
غرفة الهنوف
كانت جالسة على اللاب توب وتحوس بالمنتديات ما لقت شي سكرته وانسدحت على سريرها بتفكر
آآه يا عمر ما تعرف بعد شوفتك ايش صار فيني انقلب حالي وه بس
بيت أبو جاسم
غرفة عمر
ليش يا الهنوف حرقتيني بنارك وانا من غيرك كنت ضايع بين هذا وبين هذا
عمر في نفسه: لازم أملك عليها والله ما أقدر اتحمل بعدها عني
بيت أبو خالد
أبو خالد: يا شيخة اتركي البنت تتزوج وتشوف حالها
أم خالد: ما أقدر يا جمال ما أقدر يعني أنا اربيها وأتعب معها 23 سنة وبالأخير تقول لي اتركيها تشوف حالها؟
أبو خالد: يا أم خالد هذي سنة الحياة وترى أنا من بكرة بدورلها على عريس بس بالأول مهديلها الموضوع شوي شوي
في غرفة عبير
آآه يا (.......) لو تحس بحبي لك والله بحبك وما أقدر استغنى عنك بس يا ترى أنت تبادلني نفس الشعور ولا لأ؟
انتهى
شتتوقعون يسوي عمر؟
شو بيصير يوم يشوف سعيد أماني؟
من تتوقعون اللي تحبه عبير؟
ووينه مازن؟ ليش ما ظهر له دور بالقصة للحين؟
بتعرفون الإجابات في الجزء الجاي من الرواية
تاااابعوني
سكرية وردية
22-05-2009, 05:12 PM
بنات أنا مررة زعلانة
ليش ما في ردود؟ ما عجبتكم الرواية؟
يعني ما أكتب أجزاء؟
أنا ما رح أكتب غير لما أشوف ردود سنعة
أترككم مع البارت7
7
7
7
7
7
7
في غرفة عبير
آآه يا (.......) لو تحس بحبي لك والله بحبك وما أقدر استغنى عنك بس يا ترى أنت تبادلني نفس الشعور ولا لأ؟
يا جاسم حس فيني أحبك والله
بيت أبو جاسم
عمر: يبه عادي أتكلم معك شوي؟
أبو جاسم: تعال يا ولدي ايش بغيت؟
(أبو جاسم لأنه يحب عمر أكثر شي فعرف أن ولده رح يتكلم بموضوع مهم)
عمر: يبه طلبتك لا تردني
أبو جاسم: اتكلم يا عمر أنا ما أحب المقدمات
عمر: يبه.... أنا أبغى أملك على الهنوف
أبو جاسم: وشووووو؟
عمر: ايه يبه أنا أحبها وأنا مستعد أملك عليها ونتزوج بعد ما أخلص الجامعة موافق؟
أبو جاسم: بس يبه ما يصلح لسه أخوك ما ملك وأنت توك صغير
عمر: يبه أنت تدري أني أتحمل مسئولية و بعدين يبه بس ملكة
أبو جاسم: انشاء الله يلا خلني أقوم أقول لأمك تكلم أهل البنت
عمر: صدق يبه ترى أنت أحسن أب بالدنيا كلها
وراح غرفته
بغرفة أبو جاسم وأم جاسم
أبو جاسم: هيا تعال شوي
أم جاسم: لحظة شوي....هلا
أبو جاسم: عمر يبغى يملك على الهنوف
أم جاسم: ايييييش؟
أبو جاسم: أنا موافق أنه يملك عليها وبعد ما يخلص دراسته يتزوجها يلا روحي كلمي أم سعيد تشوف رأي البنت
أم جاسم: انشاء الله
بيت أبو خالد
عبير: يمه
أم خالد: هلا يمه
عبير: عادي إذا كلنا رحنا البر؟
أم خالد: انشاء الله بس بعد ملكة سعيد وأماني و عد ما أقول لجمال
عبير: أحبك يمه
أم خالد في نفسها: الله يوفقك يا بنتي ويرزقك بولد الحلال
يوم ملكة أماني وسعيد
في غرفة أماني
كانت أماني تدور بالغرفة وخااايفة وبعدين قالت:
أييي بطني يعورني يمكن جوعانة
وهي رايحة على المطبخ التليفون رن
ردت: السلام عليكم
...: وعليكم السلام هلا بمرت أخوي شلونك؟
أماني: هلا وغلا يا العنود أنا الحمد لله بخير أنتي شخبارك؟
العنود: الحمد لله ترى بنمرك اليوم علشان نروح السوق نبغى نشتري أشياء للملكة
أماني: ما أقدر والله خايفة و....
العنود قاطعتها: تحبيه؟
أماني بحيا: أي وبعدين استحي ترى توك صغيرة
العنود: أدري. ايش تسوين؟
(تعرفون العنود ولقافتها طبعا)
أماني: بسويلي غدا جوعانة
العنود: طيب يلا سلام
أماني: مع السلامة
بقولكم عن مازن
هو الحقيقة ما له دور بالقصة وهو مع خالد ومرته وعياله يعني عايش هناك بيدرس
في المساء
أماني راحت على السوق واشتروا وخلصوا كل شي
الحين البنات بيتجهزوا ونادوا على أماني ورقصوا وهبلوا
انتهى
توقعاتكم
سعيد رح يشوف أماني شو هيصير معهم؟
وايش رأي سعيد بأماني؟
وشو رح يصير بآخر الليلة؟
تابعوووني
џпiqџέ *
29-05-2009, 09:12 PM
سكررريه ,,
مـآرآآ تهبــل الروآيــه ..
كملييهـآآ تكفييين ,
وقصصصصصم جوونـآآن
لآڤِنْدَرْ ..
30-05-2009, 01:10 PM
هلآهلآ
.. روآية رآئعه جداً ..
أستمتعت بقرآئتهـآ
وآلمعذره ع التأخير في الرد ...... >< المدررسه شآغلتنآ =(
لآڤِنْدَرْ ..
30-05-2009, 01:11 PM
وننتــظرر البآرت الجآي بكل شوق .^^" .
CUTE PIY
30-05-2009, 02:16 PM
حبيبتي الله يخليكي كملي
ولو سمحتي لا تكتبي بخط صغير والله بالعافية قريت
<<--- عافاك الله عندي قصر نظر
والصرااحة رووووووووووووووووعة القصة ماشاءالله
عليكي ربي يحفظك من كل شر
وانتظر البارت الجاي
بالنسبة لالتوقعات
1سعيد اول مايشوف اماني راح يتهبل خخخخخخخخخخ
ووجهه يصير احمر واماني ذااااااااااااابت البنت
2 وراح يفكر انها احلى من ما كانوا يوصفوها
3 امممممممم مدري اتركلك هالتوقع
لآڤِنْدَرْ ..
01-06-2009, 07:21 PM
كملــــــــــــي
نحن في الانتظـآآآآآآآر =)
سكرية وردية
05-06-2009, 05:10 AM
همسة لــ candy_girl >> ابشري كبرت الخط
:f.2:
بعد الملكة
سعيد: واللي يرحم والديك ناد أماني
جاسم: ترى ما أقدر أنا ع الحب. أبشر ثواني
وراح جاسم يقول لأماني
أماني: لحقي علي يمه بموت
أمها: تعوذي من الشيطان يا بنيتي وانزلي
الهنوف: ترى أخوي ما راح ياكلك
أماني: طيب خلاص كليتوني بقشوري. بنزل
بعد ما نزلت وراحت للمجلس
أماني في نفسها: ياااا رب استر
الا يدخل سعيد ويجلس جنبها ووجه أماني طماطه
سعيد: قالولي بتزوج أماني مو ملاك
أماني بهمس بالموت ينسمع: تسلم وفي نفسها: ناوي يموتني
سعيد: الله يقدرني واسعدك
أماني: انشاء الله انا كمان اسعدك يا قلبي (مو صاحية هالبنت)
سعيد عيونه طلعت من الكلمة: وش أخر كلمة قلتيها؟
أماني: اسعدك
سعيد في نفسه: تستهبل هذي. لالا اللي بعدها
أماني وخلاص ولعت: يا قلبي
سعيد: يا حبي لك بس
ويدخل عليهم جاسم
جاسم: مو كأنكم طولتو؟
أماني: بالاذن أنا عادي أروح؟
سعيد: إذا علي أنا لا مو عادي بس الظروف
أماني راحت فيها وخصوصا أخوها واقف
جاسم: ياخي استحي تراني ما رحت و بعدين ما اقدر ترى بذوب
وأماني تدوروها ما تلاقوها طلعت ركض على غرفتها
اليوم اللي بعده في بيت أبو سعيد
أبو سعيد: أم سعيد تعالي أبيك
أم سعيد: هذاني جايه..... خير؟
بعد ما جلست قال لها على سالفة عمر اللي يبي يملك على الهنوف
أم سعيد: يا فايز مو كأنهم لسه بزران
أبو سعيد: شوفي شكبرهم وتقولين لي بزران
أم سعيد: طيب طيب بروح أقول لها
بغرفة الهنوف
طق طق طق << صوت الباب
الهنوف: أدخل.... هلا يمه
أمها: ترى بدخل بالموضوع
الهنوف عدلت جلستها لانها حسن أن في شي: تفضلي يمه
أمها: جالك عريس
الهنوف مبققة عيونها: وشووووو؟
أمها: اسمعي من غير ما تقاطعيني
الهنوف: تفضلي ماراح اقاطعك
أمها: أبو جاسم طالبك لولده عمر وكملت أبيك تفكرين بالموضوع وهو يبي يملك ما يبي خطوبه
الهنوف والفرحة مو سايعتها بس ما حبت تبين لأمها: بس يمه مو كأنه مستعجل؟
أمها: اي يا بنيتي بس معليه المهم فكري كويس قبل ما تردي
الهنوف: انشاء الله يمه
بعد ما طلعت امها لفت بالغرفة وهي حاسه انه خلاص بتصير زوجة عمر بعدين راحت توضت وصلت استخارة بعدين راحت لابوها
الهنوف: يـبــه
أبوها: هلا
الهنوف: انا فكرت بالموضوع
أبوها: وردك؟؟؟
الهنوف: يبه أنا مو...
بيت أبو جاسم
غرفة عمر
جواله يدق
عمر: هلا والله. شلونك؟
فيصل صديقه: الحمد لله وينك يالقاطع
عمر: عايش وشلون الشباب؟
فيصل: كويسين بس يسألون عنك
عمر: والله مشغول هاليومين
فيصل: طيب الله معك.. بروح الحين أشوف الوالدة
عمر: سلم عليها.. مع السلامة
فيصل: انشاء الله مع السلامة
سكر ودخل عليه جاسم وكان وجهه ما يبشر بالخير
جاسم: عــمــر
عمر: شفيك؟
جاسم: ترى الزواج قسمه ونصيب واللي الله كاتبه بيصير
عمر بصدمه: لا لا تقول خلاص ما أبي أسمع
جاسم وعلامات الفرح بدت تترسم بوجهه بس كان عمر منزل راسه: ألف مبررووووك يالمعرس
عمر كأن بدا يحس بالأمل مرة ثانية: حرااام عليك ترى وقعت قلبي بتوطى ببطنك الحين
وما يحس جاسم إلا ببوكس جايله: آآآآآآآيييييييي الله يقطع ابليسك بطني أبيها
عمر: يلا أغرب عن وجهي
جاسم وهو طالع: يا عيني ع اللغة العربية
في بيت أبو سعيد
غرفة الهنوف
الهنوف: هلا عبير.. صدق؟.. متى؟.. أوكيك بسأل أبوي وأردلك.. سلااااام.
العنود: شتبي عبير
الهنوف: حزري
العنود: اخلصي علي ترى مو رايقتلك
الهنوف: خلاص خلاص. احم احم
العنود: حشى قاعدين بالإذاعة يلاااااااا
الهنوف تستهبل: سيداتي أنساتي سادتي رح نرووووووح البر يوم الجمعة
العنود: على بالي عندك سالفة
الهنوف: عندي
العنود: اطربينا
الهنوف: رح اتزوج
العنود وفيها الصيحة: كذاااابة
الهنوف ورح تبكي على منظر أختها: والله
ويلمو بعض ويبكوا
انننننننننننننننننتهى
واسفه ما رح ادخل ع المنتدى لان عندي امتحانات ادعووولي
اعذروني ماراح اقدر أدخل على المنتدى بسبب الامتحانات
السموحة
توقعاااتكم
شاللي هيصير بالبر؟
:f.1:
سكرية وردية
05-06-2009, 05:13 AM
أنتظر ردودكم السنـ*ع*ـــه
#ff00ee
واو البارت مرة جونان ثانكس
إلهام
05-06-2009, 04:09 PM
http://www.pc4up.com/2009/7b-2009/fUc07138.gif (http://www.pc4up.com/)
تقبلي مروري
أختك الصغيرة إلهام
سكرية وردية
12-06-2009, 02:48 AM
هلا بنااات اسفة على التأخير بس والله الامتحانات ما تترك الوحده بحالها على العموم البارت شوي واحطه واسفه على التأخير بس لسه ما خلصت امتحانات
سكرية وردية
12-06-2009, 03:48 AM
:f.15:
رحبووووا بالبارت الجديد
7
7
7
7
7
بيت أبو سعيد
تحديدا بالصاله
راحت الهنوف بعد المناحه اللي صارت بغرفتها طبعا وبعد ما غسلت وجهها نزلت لأبوها
الهنوف: السلام عليكم
أبوها وأمها كانوا يتقهوون
أبوها وأمها: وعليكم السلام
أمها: تعالي يا بنيتي
الهنوف: يبه..يمه ابي أطلب طلب بس ما تردوني
أبوها: ما عاش من يردك....تفضلي
الهنوف: الله يبقيكم وقالت بتردد: اذا ما وراكم شي ممكن نروح البر؟؟؟
أبوها: طيب متى تبون؟
الهنوف: يبه عبير كلمتني وقالت بعد الملكة وهذانا بعد الملكة الحين
أبوها: طيب جهزوا حالكم بعد بكره وأنا بكلم اخواني
الهنوف: مشكور يبه. وحبت راسه
بيت أبو خالد
غرفة عبير
جلست عبير على لاب توبها وحوست شوي وبعدين
عبير: أفففففففففف طفش
الا وجولها يرن شافت رقم الهنوف وفتحت بسرعة
عبير: السلااااام
الهنوف: وعليكم السلام شلونك؟
عبير: تونى مسكرين من بعض
الهنوف: اشتقتلك بس
عبير: هههههههههه علينا
الهنوف: ههههههههههههههه ولا على مين يووه نسيتيني أنا كلمت بابا ووافق قال بعد بكره وقال انه هو اللي رح يكلم عماني ويقول لهم
عبير: واااااااااااو كذاااااابه واافق اوكي انشاء الله ما اقول شي و stop talking تراني جوانه
الهنوف: يا عيني ع الـ English هههههههه يلا سلامووو
عبير: باااااااااااااااي يا قلبي
بيت أبو جاسم
كان سعيد كل شوي يدق على أماني
بعد ما خلاص ما صارت تتحمل ردت عليه
أماني: هلا قلبي
سعيد: أهليين بقمري شلوووونك؟
أماني: بخير الحمد لله وأنت شخبارك؟
سعيد: أنا بخير دامك بخير
أماني: عساه دوم مو يوم يا رب
سعيد: ياروحي ياقلبي ياعقلي
أماني: هههههههه يمون العم..هلا
سعيد: أبي أقدم العرس
أماني عيونها طلعت قدام: حبيبي ما يمديني أشتري
سعيد: نتزوج أول وخلي الشرا بعدين الأسواق ما رح تطير وما في أكثر منها
أماني: انشاء الله لا جينا وقتها الله يسهل علينا بس وأخلص الفستان الأول
سعيد: أوكي حبيبتي لازم أروح الحين بااااي
أماني: مع السلامه يا عمري
بعد ما سكرت نزلت تحت لقت جاسم وعمر جالسين يلعبوا بلاي ستيشن
أماني: هيييييييه يالخاين انت وياه تلعبون وتاركينني بلحالي فوق
عمر: محد قاللك أجلسي فوق بغرفتك
جاسم: اراهن انك كنتي تكلمين حبيب القلب
أماني استحت وقالت: روح عني... هين بس تتزوج ما بخليك تتهنى
جاسم: أهم شي أتزوج
اماني: استحي ترا في بزر جنبك
عمر عصب: بزر بعينك تقولين كذا قدامي ياللي وجهك مغسول بمرق
الا يشوف أماني وجاسم انسدحوا من الضحك
عمر: الشرهه مو عليكم ع اللي يعطيكم وجه
وقام من مكانه راح غرفته وبعد شوي رجع
عمر: عندي خبر حلو ومارح اقوله
وراح
جاسم: وش عنده ذا؟
أماني: مدري عنه.. وش رأيك نروح نقرره
جاسم: والله عليك أفكار يله مشينا
Cut
يللله انتظر ردودكم ورأيكم بالبارت واسفه لانه قصير وقصير مررره كمان بس والله فيني نوم اذا فضيت كتبت البارت
:f.16:
مس جوري
18-06-2009, 06:29 PM
ننتظركـ تكمليييييييييييييين
سكرية وردية
21-06-2009, 04:54 PM
بنات والله ما صارت طيب طلوا على الرواية واكتبوا اي شي بس اعرف انكم قريتوا المهم اعذروووني ع التقصير واصبروا شوي على ما الامتحانات تنتهي
سُندسْ
22-06-2009, 11:57 AM
البارتاتـ جوونانيــه..~
بجد بجد كملي يا سكريـه..~
انتي مبدعـه..~
انتظر البارتـ القادمـ عـ احر من الجمـر..~
й σ џ г α н
22-06-2009, 12:56 PM
القصه جونآآن والله تخقق بنتظآآركـ قلبوو
بارت رائع
و مشوووق للمزيد
استمري
و احنا متابعين معاج
.:محـبة الجنـان:.
07-07-2009, 12:56 PM
واااااااو الروايه روووعه يا قلبيsm.2.
كملي ترا تحمست لها وعجلي
لا تأخرين علينا ننتظرك ...ياعسل
F A B U L O U S
16-08-2009, 07:57 PM
هاااااااااااااااي<<قولي السلام عليكم
اسفة
السلام عليكم
اسفة لاني طولت على القصة بس عضويتي<<الله يجازيها معادت تفتح
الموهم
الحين رديت بكمل معك
القصة الصراحة وايد اعجبتني
خصوصا شخصية الهنوف وعمر
حلوين وااايد
يلا ابيك تكملين اوكي
متابعتج..~
متااابعه معاك بس بليييز لا تطولين الغيبه انتظرك على احرررر من الجمر
والقصه مرره حلوه:)
vBulletin® v3.8.11, Copyright ©2000-2025,