أنـا إماراتي وكفى

[آم موآازي ,*]

السلام عليكم ورحمة الله وبركاته أعضاء منتدى بنات دوت كوم
|http://www.des4uae.com/vb/images/smilies/aa_Peace.gif|

,
,

اشحالكم
|http://www.des4uae.com/vb/images/smilies/salute.gif|
,

اليوم يبت لكم موضوع وايد حساس في مجتمعنا ولابد من ذكره لانه شيء موجود في واقعنا وللأسف الشديد
|http://www.des4uae.com/vb/images/smilies/SnipeR%20(2).gif|


مشكلتنا اليوم هي مشكله التفاخر والتعالي واللي نشوفه ونسمعه هاي الأيام كالتالي:-


هذا أصله عيمي ، وهذا يمني ، وهذا أصله بلوشي ، هذا أصله عماني ، وهذا من قوم الفلاني مايندرى وين أصله ، وهذا مايندرى من وين ياي !! وهذا أمه أصلها هندي حتى لو عايشة في البلاد أكثر عن 20 سنة !! عيل ما بنزوجهم بناتنا ولا نريد نسبهم !!!
|http://www.des4uae.com/vb/images/smilies/dunno.gif|


أنا من بوظبي هل الظبي ، وأنت من الإمارة الثانية أهل النخي ، وأنت من إمارة البواليع ، وأنت إماراتك كلهم اجانب وهنود ، وانتم يا حليلكم متخلفين قوم هيه لا.
|http://www.des4uae.com/vb/images/smilies/vip700289.gif|


نحن عندنا جواز دبي ، ونحن عندنا جواز بوظبي ، وهم عندهم جواز الشارقة ، وهاييلاك عندهم جواز الفجيرة عيل عليهم السلام !!
|http://www.des4uae.com/vb/images/smilies/vip7002213.gif|


على الرغم من أننا تعدينا عصر الجاهلية بقرون ، لكن مازلنا نفتخر فيها ونعلمها لعيالنا ، وعلى الرغم من تعلمنا وثقافتنا واطلاعنا على العالم لكن مازلنا ننادي بالتخلف والرجعية !!
|http://www.des4uae.com/vb/images/smilies/sleep.gif|


نحن شعب واحد ، لكن محد عنده مشكلة التفاخر كثرنا ، بلد طيب لكن للأسف التعالي من شيمنا ، تعلمنا هالشي من اهلنا وبنورثه لعيالنا ، رابعوا عيال فلان لأنه معروف ولو عيالهم محطوطين في القايمة السودا وتربيتهم مب شي مع ذلك رابعوهم لأنهم اصل ولا ترابعون قوم فلان اللي ناجحين في المدرسة والمتوفقين في حياتهم بس لأنه ما يندرى وين أصلهم !!!
|http://www.des4uae.com/vb/images/smilies/aa_9adma.gif|

هذي حياتنا ، تخلف في تخلف !! الكل يتفاخر بإماراته وشيخه وناديه المفضل ، والباقي ما يسوون بيزة في عينه ، ولا كأنا عايشين في أرض وحدة ووطن واحد ، ولا كأنا شعب واحد شعب إماراتي !!
|http://www.des4uae.com/vb/images/smilies/eh_s(2).gif|


صارت قلوبنا سودا وكل واحد يحقد على عيال الإمارة الثانية بالأخص يوم يشوف رقم السيارة !! وكل واحد يكره الثاني لأنه عايش عيشة مترفة في إمارته وهو كأنه ولد البطة السودا لا أرض ولا بيت ولا معاش شرات الخلق !!
|http://www.des4uae.com/vb/images/smilies/SnipeR%20(4).gif|


هذي بلادنا لو جارت علينا ، هذي بلادنا وطنا ، نحن عيال زايد يا ناس ، لين متى هالتخلف ؟؟ لين متى بنحط إيدنا على خدنا ونقول نحن عيال هالامارة والرزق بيينا لين بيتنا ، ونحن عيال الإمارة الثانية لو كدينا مكدة بعير ما بيتغير شي في حالنا ، أتمنى أيي يوم وكل هالعصبية تنتهي أتمنى أسمع اللي يقول أنا إماراتي وكفى ،إماراتي مايهم من أي إمارة ، ماتهم أصولي ، ماتهمني ميولي ،


يهمني إني إماراتي ، وقلبي على كل إماراتي
|http://des4uae.com/vb/images/smilies/des1/uae-b.gifhttp://des4uae.com/vb/images/smilies/des1/uae-g.gif|


أتمنى أسمع إنه هالتخلف اندثر من مجتمعنا وماله رجعه ، أتمنى نتفاخر بشو سوينا وشو حققنا ، خلونا نتفاخر بإنجازاتنا ، بإختراعتنا ، بأسلوبنا الحلو مع الناس ، خلو اللي يشوفنا يقول ياعيني على عيال زايد إيدهم وحدة وقلوبهم على بعض ، خلوا اللي يسألكم أنتم من وين وشو أصلكم ، أتمنى الرد يكون واحد


~~ أنا إماراتي وكفى ~~
|http://des4uae.com/vb/images/smilies/des1/uae-b.gifhttp://des4uae.com/vb/images/smilies/des1/uae-g.gif|



آرآئكم يا جماعة الخير


http://www.des4uae.com/vb/images/smilies/des1/goodbye-b.gif
^^

[صـدى الليل]

يب نآيس انو نبقىسوآ
مهمآ اختلفت العوآئل
بس قلبو موضوعك منقول
وبمنـع عندنآ المنقول
الا بشروط

منتظره تعديلك
ينقل للسجن الى ذلك الحين