قصـهـ بيد أختي الكبيرهـ ..

[الــــــــ ع نيده]

السلام عليكم

هاي القصهـ اختي الكبيرهـ كتبتها وحبيت أخذ رأيكمــ فيهاا .. ولغة القصة لغتنااا
العامية .. والقصة بنزلهاا على شكل أجزاء .. :31:
عنوان القصة مؤقت لين ماتغيرهـ اختي .. ( الفرحة لم تكتمل الا بعد ) :cool2:

PaRT 1

حصوه: نعم حمد شو قلت زوجتك حامل ؟؟
حمد: هيه زوجتي حامل ليش مب امصدقة !!
حصوه: حمد اخيراَ بصير عمة مااصدق !
حمد: اختي حبيبتي صدقي انج بتصيرين عمة وعقبالج يا الدوبة !
( حمد وحصة اخوان وحمد متزوج من بنت عمه سالم وعمر حمد 20 وعمر حصة 18 ويعيش حمد مع زوجته في بيت واحد اما حصة مع امها وابوها وهي
بنت في المرحلة الثانوية وحمد يشتغل موظف في شركة معروفة في دبي )
حصوه: انزين حمد و مريوم ( اسم زوجة حمد ) اخبارها معاك ان شاء الله فرحانة ؟
حمد: حصوه اكيد مستانسة وياي وكل يوم نطلع ونتعشى برع ! اقول حصوه شخبارها ربيعتج عواش ( عائشة صديقة حصوه كانت تحب حمد قبل لايتزوج )
تسأل عني ولا شي وقلتيلها اني متزوج ولا ماتدري لين الحين قاصة عليها وقلتيلها اني مسافر ومابرجع الا بعد 4 سنين ؟؟
حصوه: حمد قايلتلها انك متزوج علشان ماتقعد تسألني كل يوم عنك بس ماتدري ان مريوم حاامل اكيد اذا عرفت بتنصدم مافيني اقولها .. اخبرك امي وابوي
يعرفون ان مريوم حامل ولاماخبرتهم ؟
حمد: الله يخسج حصوه نسيتيني انا ياي بخبرهم وبروح وخذتني السوالف ..
الحين بسير اقولهم ..
( وسار حمد عند امه وابوه يالسين في الصالة )
حمد: ابووي ، امي عندي لكم خبر بيفرحكم وااايد ..
ابو حمد: بشرنا ياولدي , طول عمرنا نسمع اخبار اتخوف الا قتلى وجرحى .. حمد ليكون بتقولنا خبر سامعنه من الاخبار انا وامك 24 ساعة على قناة الاخبار شو بتقول؟
حمد: ابوووي مب من الاخبار اسمع انت ,, زوجتي مريوم حاااامل !
ام حمد: الله يبشرك بالخير ياولدي مبرووك وشحالها مريوم متقبلة الحمل ولاتعبانة ؟
حمد: الله يبارك فيج امي , هيه الحمدلله متقبلة بس كانت في حالة صدمة يوم خبرتها الدكتورة انها حامل !
ابو حمد: مبرووك ياولدي , اخيراَ حد بيقولي يدي ( يضحكون كلهم )
ام حمد: هيه حتى انا اخيراَ حد بيقولي يدوه .. حمد شو فكرتوا بـ اسم الياهل ؟
حمد: هيه امي خلاص مجهزين الاسامي , اذا بنية بأذن الله بنسميها علايه واذا ولد بنسميه سعود ..
ام حمد: على منو مسميهم علايه و سعود؟؟
حمد: امي بس جذي اخترنا الاسامي , لاعت جبدنا كل اسامي عايلتنا مكررة الا حصوه وحمد وفطوم وماعرف منو ..!
ام حمد: هيه والله صدقك حمد الاسامي كلها مكررة .
حمد: انزين امي وابوي انا رايح بيتي الحين تأمرون على شي ؟
ام حمد: فديتك ياحمد ديربالك من السيارات لاتسرع شوي شوي اعرفك انت مينون ماتصدق تركب السيارة تقعد تسرع واتشخط ..
حمد: هههههههههههه ان شاء الله امي بسرع اقصد بخفف السرعه ..
ابو حمد: بارك حق زوجتك وقوليها تزورنا ..
حمد:ان شاء الله ابوي .. ( قعد يصارخ حمد بصوت عالي حصوه تعالي الصالة ) ..
حصوه: اخووي ما شاء الله صووتك وصل الفريج الثاني شوو فيك ؟
حمد: الله يغربلج الحين صوتي بيسير هههههههه , تأمرين على شي قبل لا اسير ؟
حصوه: هييه , قول حق مريوم مبروووك على حمالج وخلنا نشووفج ..
حمد: ان شاء الله , يلا فمان الله .
( ام حمد , ابو حمد , حصوه ) : حياك الله .

انتظر أرائكمــ .. :blush:

[الــــــــ ع نيده]

PaRT 2

ام حمد: حصوه شو مسوية في الدراسة ان شاء الله اتذكرين وتراجعين دروسج ؟
حصوه: هييه امي مسووية زين في الدراسة بس والله تعبناا متى إنأجز لاعت جبدنا ..
ام حمد: اصبري ماباقي الا شهرين وتخلصون وتفتكين ..
حصوه: عااد ابوي انت كل سنة اتوديناا دولة عربية عااد هاي المرة بنسير باريس ..
( ام حمد , ابو حمد يضحكون بصوت عالي ) ..
ابو حمد: حصووه انتي تعرفيني ماعرف انجليزي وكيف نسافر على دولة اجنبية ونسير اهناك ونضيع ونفشل عمارنا ..
حصوه: انزين ابوي انا اعرف انجليزي انا بمشي الامور بس خلنا نسافر ..
ام حمد: لا حبيبتي حصوه ابوج هاي السنة وعدني نسير الكويت وان شاء الله بنسير ..
حصوه: انزين امي هاي السنة الكويت والسنة الياية وين ؟
ابو حمد: يصير خير لين السنة الياية , الحين سيري ذاكري دروسج ..
( صعدت حصوه وراحت غرفتها تذاكر )
ابو حمد: ام حمد اشرايج نطلع وانغير جوو ونسير نتمشى شوي ..؟
ام حمد: ونخلي حصوه بروحها لا اسمع ابو حمد ان شاء الله باجر يوم حصوه بتسير المدرسة احنا بنطلع انزين ؟
ابو حمد: ان شاء الله .. ( وصعدوا فوق ينامون ابو حمد وام حمد ) .. ( وحصوه بعد ماذاكرت نامت لان عندها مدرسة ) ..!
( اليوم الثاني يوم الثلاثاء .. وقت اذان الفجر ) .. ( قامت ام حمد من نومها ) ..
ام حمد: ابو حمد قوم بسك نووم قوم صل صلاة الفجر ..
ابو حمد: ( مدوخ ) ان شاء الله الحين قايم , قعدتي حصوه حق الصلاة ؟
ام حمد: الحين رايحتلها .. ( وراحت ام حمد لحصووه علشان تقعدها )
ام حمد: حصووه قوومي صلي يلاا ..
حصوه: ان شاء الله امي الحين قايمة اتريي ..
ام حمد: شو اترياا قوومي ( وتسحبها من ريولها ) ..
حصوه: امي هديني بطيح من الفراش .. ( وتطيح حصووه ) ..
ام حمد: ههههههههههه شكلج يضحك يلا قوومي اشوف تحركي جدامي تووضي وصلي والبسي ثياب المدرسة وشوفي ميري جهزت الفطور ( ميري الخدامة ) ..
حصوه: ان شاء الله امي ..
( وطلعت ام حمد وراحت اتصلي واتشوف بو حمد قام صل ) ..
ام حمد: بو حمد صليت ولا شو ماصارت صلاة ولللل ؟
ابو حمد (يضحك ) : هيه صليت , انزين اخبرج اتجهزي بعد ماتسير حصووه بنطلع نتمشى ..
ام حمد: بو حمد وللل بعدها الحين 5 الفجر وحصوه اتسير المدرسة 7 باقي ساعتين وايد ..
ابو حمد: خلاص انزين انا بنزل الصالة وبشوف التلفزيون والساعة 9 بنطلع ..
ام حمد: انزين بو حمد بكون جاهزة .. انطر بنزل معاك الصالة .. ( نزلوا بو حمد و ام حمد الصالة يشوفون التلفزيون ) ..
( في بيت حمد ) ..
حمد : حبيبتي مريوم ان رايح الحين الشغل تأمرين على شي ؟
مريوم: لا حبيبي ابغي سلامتك بس ولاتسرع مثل ماقلت لك ..
حمد: ان شاء الله حبيبتي يلاا فمان الله ..
مريوم: مع السلامة حبيبي .. ( راحت مريوم اتقول حق خدامتها سونيا اتنظف البيت علشان بيون بيتهم صديقاتها ) ..
مريوم: سونيا اخبرج نظفي البيت عدل وجهزي الاكل لان بيون صديقاتي ظبووي و حمدوه و ساروه ..
سونيا: ان شاء الله ماما الحين بيسوي تنظيف وجهز الاكل ..
مريوم: سونيا الحين الساعة 7 الصبح الساعة 11 بيون صديقاتي نظفي اول شي بعدين سووي الاكل اوكي ..
سونيا: اوكي ماما .. ( وراحت سونيا تنظف البيت وبعدها تجهز الاكل ) ..
( مريوم صعدت غرفتها ترتاح ) ..

انتظروا الجزء الثالث ..

[الــــــــ ع نيده]

ggggggيــــــــــنكم ...لهدرجه مب مهــ..؟؟؟:sick0023:

[حورية السراب]

.. ههههههههههههههههههههههههههه..

.. عيبتني ..

.. حركآت بعد مريوم وحمد ^^..

.. اذآ يآبو ولد خآـيهم يسمونه مآيد :give_rose: << بلاها..

.. وبو حمد وام حمد حلييلهم اونه بيتمشون .. الدنيآآ حآــوه

.. تسآـمين يآلع ــنيده ع آلقصه ..

.. والف شكر لج ولاختج ..

.. سلآمي ..

[الــــــــ ع نيده]

هههه..الف الف الف الف شكر لج عالرد ...وبعدها القصــه ...ماخلصتــ...^^..مايد حااضرين بقوول حق اختي

[ريومه الدلوعة]

http://abeermahmoud.jeeran.com/page%205/346-Thanks.gif

[صمت الشوق]

ههههههههه....

حلوووه وايد القصه ....تسلم انامل اختج المبدعه .....

عااد لبسرعه بنتريا البارت الي عقب ..لاتتأخري علينا ..

[الــــــــ ع نيده]

هههههه ....مشكووورين خواتي عالرد الحلووو ...ان شااء الله بخليها ...تحط البارت ال3ــ..

والراا4ــ..والخامس والسادس والسابع ..

[جوجو 92]

روعهـ..
..إن شــاللــه بكملــهــا..
..لا تتأخريــن..
..حركــات أختج..
..سلميلــي عليهــا,,

[الــــــــ ع نيده]

مشكوووورهـ//ـــ....عالرد الحلووو هييه ..اختي حركاات ,,,عنز اقصد حلوووهــ....هههههه

[جوجو1]

حلــٍـوة القصة ^^
تسلمين حبوبة إنتي و إختج على الموضـٍـوع النايــٍـس
.
.
.
=)

[الــــــــ ع نيده]

العفـــوو تسلميــــن ...ع الرد الحلووو ..حبي

[صمت الشوق]

وين القصه عنووده استعيلي اشويه ........

يعطيكم العافيه

[حورية السراب]

يـلأآآآإ دبــووـؤه

نتـريـآأإ البـأآرت آلثـآآني ^^

[الــــــــ ع نيده]

اووووووووووووووووووووووهــ..سووريــ حبيبتي ..^^..الحيـــــــــن بحطهــ..^^..

[صمت الشوق]

العنيييييييييييييييييييييييييييده يلا ملينا من الانتظااار ......

بسرعه ركظي حطييها ...وسلمي ع اختج ^^

[همس الورد]

ههههههههههههه


وايد حلوه...... مشكووووره اختيه ......


تسلم اناملج.....دوم مبدعه

[همس الورد]

العنيييييده ملينا من الانتظار.......


يلا نتريا الابداع ......في الجزء الثالث

[,جميريهـ,]

,, تّسلمــــينـ ,,’’

[مزيونة المزايين]

رووووووووووووووووووووووووووعه
تسلمين ختيه عالقصه الحلووووووووووة
ويالله نزلي البااااااااااقي بسررررعه

[الــــــــ ع نيده]

اللهــ يسلمكمــ..^^..تسلمووووووووووووووون ..ع الرد الحــلووو والكلام الاحلى ,,^^,,

[ام العنااد]

روووعه تسلميين حيااتي ع الطرح

[عالي شموخها]

مشكووووووره عنووووووودهـ القصو رووعه
تسلم الايادي بس بلييييييييييز كملي البارتااااات متحرقصة ابي اكمل قرايه

[روحـ الامل]

هـآآآآآآآآآآآآهـ ويـنكـ ويـن البـارتـ

يـلا نـنـتـظـر{}ْ~

رووووووووووووعـهـ القـصه كمـلـيهـا ~}ْ