ياصاحبي الدنيا حكايات وعلوم

[ملاـك ونظرـتي هلاك]

ياصاحبي الدنيا حكايات وعلوم..

قصص عجيبه تذهل اللي قراها..

الدنيا لو تضحك معك

دايم الدوم..

خلك فطين ولايهمك رضاها..

كم واحد تبنى له أمال وحلوم..

يفني وغيره يهتني في بناها..

ياما أفرحت قوم وأحزنت

قوم..

وكم أعشقت عين وخانت غلاها..

ياصاحبي شفت أمس شف حالنا اليوم..

دنيا تقلب يكفي الله

بلاها..

اليوم لامنه بغت عيني النوم..

تنكدت روحي وعافت كراها..

ماكل من علا بالأصوات

مفهوم..

وماكل روح تلتقي في مناها..

وماكل من يشكي معذب ومحروم..

وماكل من يضحك همومه نساها..

بحرالحياه إن صرت ماتعرف العوم..

يرميك في غبه بعيده

مداها..

من راح يستسلم من أحزان وهموم..

يموت حي وحاجته ماقضاها..

واجه هبوب الوقت بإيمان

وعزوم..

لابدما‎ ‎ربك يهدي هواها..

وأصبر إذا شمسك حجب

نورها غيوم..

الغيم بتفرق ويشرق سناها...

[هاكذا علمتني الحياة!!]

يسلمووو قلبوووو

[الوردة الباكيه]

ليا الشرف غاليتي ان اكون اول من ترد عليكي
الله على كلماتك الروعة والمعبرة
كلها عبر وحكمة

بارك الله فيكي
وانا دائما اقول شي وارددة
وهو....
لو أراد ان يكتشف الدنيا لبيب...لوجد انها عدو بثوب صديق
فهي تخون وتخلص أليه....وتجعل ايامها يوم له ويوم عليه

ربي يسلمج ياغالية