شموخ المملكة ..

[noot2006]

السلام عليكم ورحمة الله وبركاته .. هذه اول مشاركة اتمنى ان تنال على رضاكم والجايات اكثر..
000000000000000000000000000000

العيد له فرحة وأنا فرحتي غير
عبيرها ينثر مع الورد ماها
كل عام وأنتي يا هوى القلب في خير
وكل عام نفسي زايدة في غلاها
شوفك هو اللي زود العيد تقدير
وعيدك فخر كل السنين وضياها
بشراك يامن صخر القاف تصخير
لك من شموخ المملكة معتلاها
يااميرة اللي من تقود الغنادير
يا للي تثنى وردها من حلاها
دام إنها نوت الغلا حبها غير
فدوة رضاها واحد مانساها
ودام الحياة بدونها مابها خير
لا عاش راس ما يحقق مناها
ودام الغلا كل الغلا دون تبرير
يا عل عمري فدوةً من خطاها
(طفلة)ولكن دونها ألف تحذير
حتى الهبايب دورت عن رضاها
في ظلها مااذكر حسبت المخاسير
وش عاد عمري لو دفعته وراها
طفلة صغيرة توها بأول السير
( أغليت معها جيلها اللي معاها)
يكفي بها طبع غريب عن الغير
يفرق عن اللي كبرها في دهاها
تفرض عليك انك تعود المسايير
ويجذب حياك سكوتها مع حياها....

[عيون مغليها]

رووووووعه
يسلمو ومرحبا فيك
وننتظر جديدك

[$ تـرانيـم $]

جمييييييلة جدا


ماشاءالله

ننتظر المزيد ..

بالتوفيق ..

[LOVECITY]

بورك بك


وأهلا بك بيننا


ولكن لي تساؤل

هل هي منقوله أم من كتاباتك؟؟

[noot2006]

اشكركم جميعا على المرور وتقبلوا مني تقديري واحترامي ..

ملاحظة // انا لا أعتمد اي مشاركة نقلاً عن غيري اطلاقاً.. وإنما جميع ماأكتب فهو طرح من افكاري أنا ..
وبمجهودي ((بعد الله سبحانه تعالى)) ودراساتي وتجاربي وممارساتي وصناعاتي الفكرية والعلمية والثقافية والخيالية في حياتي ..
** وسوف تلاحظون ذلك من خلال النقاشات والردود والتصرفات المنطقيه ,, والمشاركات مع مرور الايام انشاءالله ..

نواته /جامعة الملك سعود كلية الأداب والعلوم الانسانية -علم النفس الحيوي