مأساااااااااااااااااااااااااااااااااه مسكين [الأرشيف]

عيون مغليها

23-01-2008, 01:54 PM

هذه قصيدة واحد كان يحب وحده وثلاث سنين وهو يخطط لزواجهم ويبني نفسه وفجأة تقدم لها واحد وأقنعوها ووافقت عليه وطبعا رفضت إلي يبيها
ثلاث سنين وانا أخطط لهذا اليوم يابو سعود
انستر حالي وجاهز أوفي بوعدي في وقته
وفجاه جاتني تتعذروتقول تأخرت الوعود
وأنا مستغرب واسمع كأني بعدها خنته
أحسب انها تمازحني وتتصنع جفا وصدود
ضحكت بوجهها من قلب مع انها بايخه النكته
وقالت أرضى بالواقع قلبي ماهو بالمعهود
تغيركل شي صوبك نصيبي ماأظن انته
كنت بيوم مجنوني ولكن مااظن نعود
وصل قبل ما توصل وأنا ذاك الصبر عفته
ولك تكفى صدقني ويشهد ربي المعبود
ترى ماخنتك بغفله ولا كلمته وشفته
صراحه أهلي قالولي بأنه ولد اصل وزود
وجاتني أمه بصوره وكلمات المدح أخته
سكت وقلتها فرصه مادام الجود في الموجود
وقالوا كل من حولي علامات الرضا سكته
وانا فكرت دام امه واخته ماعليهم زود
اكيد برضيهم اذا وافقت واخترته
وأرضي أهلي وأخواني مادام ان الفرح مقصود
عطيت الناس أنا كلمه ومعهم وقتي حددته
ولا أقدلا أغيرها ترى عند العرب منقود
أوافق واعتذر بكره وأقول الراي غيرته
تبي تشرح لي المنقود تصدق عاد يابو سعود
تبيني اقتنع وارضى بحال عمري ماعشته
انا ماني بقايلها عسى يفرش ثراها ورود
بعد ماحطمت قلبي وطعم الموت جربته
عسى فستانها أشواك وفي ثوبه عقارب سود
ونار تحرق الكوشه وتحرق بيتهم حته
وموت بليلة الدخله قبل حسرتي ياكود
ولا أحس أنها بحضنه يلامس خدها خده
علي أهون اذا ماتوا ولا بنفس السرير رقود
ترى صعبه علي أتخيل الي ماتخيلته
عسى قاع الثرى يقسى ويتحول صخر جلكود
وحفار القبر يرفض يسوي فوق ماقدرته
ترى دفنة عديم الذات تلوع حتى كبد الدود
ومن خان العهود ومات تعافه حتى مقبرته
عسى ربي يجازيهم بحبل مسد ممدود
يعلقهم من أطرافه وفوقه نار وتحته
أنا ماني حقود وشين ولا ني من نسل نمرود
ومن حط نفسه بوضعي يقول ألي أنا قلته
مادام أن الفعل له ردة فعل والله ابشري بردود
ابدعي دامني حي وبغرس بالدعا نبته
بسقيها نزيف القلب ودمع مارحم بخدود
وتكبر والقمر ساري من ألي خانني وخنته
أنا نذر علي أكتب وفجر هالقصيد رعود
وسمع كل بشر صوتي عجبته ولا زعلته
وردد للي يسمعني أذا حبيت حط حدود
أنا حبيت دون حدود وشوف ألي تكبته
ثلاث سنين ثلاث سنين وأنا أبني وجتني صوره بكل برود
خذت مني شقى عمري وحلم قلت حققته
ثلاث سنين وأنا أخطط لهذا اليوم يابوسعود
وتوافق من كلام أخته وصوره 4في 6
انتظر ردودكم