/..\ من يــتــ ح ــمــل الــمــســؤلــيــه؟ /..\

[*غالية الأثمان*]

السلام عليكم ورحمة الله وبركاته




خواتي بقولكم شي يمكن الكلمات ماتعبر ..

قبل امس ودونا رحله مع المدرسه

ودونا الى >> دار الطــفوله << * اللقطه *

اللي هم عيال جابر مثل مايسمونهم


بصراحه اشكالهم تقطع القلب لو تشوفونهم شلون عايشين ؟؟..

انا ما اقولكم ان الكويت مقصره معاهم لا بالعكس لكل لقيط معاش شهري قوي ولما يكبر ياخذ الجنسيه الكويتيه ويطلع له بيت اذا تزوج

بس مع كل هذا المركز ماقدر يوفر لهم شي واحد اللي هو

** النــفـــســـيـــه **

صج محد قدر يعوضهم عن امهم وابوهم

وفي وحده من البنات عمرها تقريباً 4شهور او 5 شهور

هذي البنت قطّعت قلبي

تخيلوا قاعده تبجي حيييل ومحد قدر يسكتها

لين خذتها وحده من رفيجاتي ولمتها حيييييييل جان تسكت وغفت ونامت :017: :017:

شفتواا مو اقولكم فاقدين الحنان

واصغر حاله مرت عليهم وحده عمرها شهر ونص :017:

حسبي الله عليهم

وهناك عندهم اذا شافوا اي وحده تعتبر اهم

وانا لما كنت قاعد امشي وياهم

والا واحد من الصبيان عمره سنه ونص اسمه فهد

يقولي ماما فجي لي الكوره :017: :017:

كانوا مغلفين له الكوره :(

صج بغيت ابجي وانا ماحبيت ابجي جدامهم عشان ما يخافون

وطبعاً هناك سألناهم عن مستقبلهم وعن نفسيتهم

بس ان شاء اكتبها لكم انزلها

وصج لما رحنا هناك عرفنا نعمة الأسره

وكل وحده تدعي لأمها وابوها

بس اللي ابي اوصله

** منو السبب ؟؟

** منو يتحمل هالمسؤليه ؟؟

** منو يعوضهم عن هالحنان اللي ماشافوه بحياتهم ؟؟

يمكن شافوه من المربيات والمشرفات اللي هناك

بس لو شنو كان مايعوضهم عن حنان امهم وابوهم

لا تفكرون ان اللي هناك بس اطفال ..

لا في بنات وصبيان كبرنا ويمكن اكبر منا

ما اقول الا


حسبي الله على اللي كان السبب :017: :017: :017: :017:

وانا كنت بنزل لكم الصور بس خفت انها تكون فضيحه لهم

اختكم :


* غالية الأثمان *

[Nadin the coolest girl 4]

حسبي الله على اللي كان السبب
مشكورة على الموضوع
لكن لا تنزلي الصور
حرام لا ينفضحو
تقبلي تحياتي

[ميســــون]

حسبي الله ونعم الوكيل

من جد شئ يقطع القلب

مره في المدرسه كانوا بيودونا رحله لهم وما رحت معاهم
ما اقدر راح ابكي

اللهـ يعطيكـ العافيهـ على الطرح المميز

[حروف]

تقطع فؤاديـ ..
يالـ ألمي ..

تقطع قلبي ..
كنت أفكر بوضع قصتي عندما ذهبت الى دار المسنين ..
و سأضعها في موةضوع مستقل قريباً ..

.

.

العين الدامعة

[هتون السعد]

معقـولــهـ .. !
كـل هـذآ .. حـرآآمـ ..
أنا وفي مكاني أحس
إني تألمت ..
أجل وشلون لو رحت هنآك ..
يـآآآربـي ..
الله يوفقهمـ ..
ويكـون لـهـمـ مستقبل
يعـوضهمـ عن هذآ كلـهـ .. ):
والله الى اللحين ما قدرت
افهم من يتحمل المسؤليـه
وانتي تقولين الدولـه مي
مقصره معاهم .. !!!!!!!!!؟
ميـن طيـب ..

\

شكراً لك غاليـه
عالموضوع ..

[romanceya]

..
السلام عليكم ورحمة الله وبركاته

لاول مرة .. تحاول حروفى الهروب
فـ ماذا احكى وماذا اقول وماذا افسر و .. و .. و ..
فـ كل شئ وكل نظرة من عيونهم تعبر اعظم من تعابير
اعظم الادباء عنهم ..

تأثرتم .. فقط بـ هؤلاء .. من لهم بيت يأويهم
فما بالكم بمن لا مأوى غير الشارع له ..؟
ماذا عن دمعة لا تجد من يمسحها ؟
ماذا عن كتف يأس الحياة لا يشعر بيد تخفف عنه ؟
ماذا عن تلك العيون التائهة فى بحر عالم اكبر حجماً من استاعبها ؟
ماذا عن جسد .. تململت منه الملابس حتى مزقت روحها فيه ؟
ماذا عن طفل .. فى ركن ..
يحاول التماس الدفئ فى جو قارص البروده ؟
ماذا عن هذا الذى يجرى هرباً ؟
ماذا عن هذا الذى يمسح السيارات بعد توسل
وتحمل اهانة فقط ليأخذ بعض القريشات ؟
و
ماذا .. وماذا .. و الف لماذا قبل ماذا

لماذا كان لهم هذا المكان .. أكان لهؤلاء وجود فى عهد رسول الله ؟
بالله .. كيف سنقابل الله .. أبهذه الجرائم الانسانية فى حياتنا ؟
بالله .. كيف تهنأ اعين بالنوم فى حال بكاء رضيع فوق الرصيف
وهناك .. على بعد بضعة امتار .. اخاه يحاول ايجاد اي لقمة .. مرماه فوق نفس الرصيف ؟

نتكلم عن حنان .. ونسينا ان نتكلم عن انتهاك الحقوق ..
فـ اللقيط اتخذ ابواه حقه .. و اطفال الشوارع اتخذ البقية جميعا حقوقهم
حينما جعلوهم عالم ثانى .. عالم اقذر .. عالم مليئ بالسرقة
و
هل يصمت طفل محتاج الى لقمة وليس الى شاورما او بيتزا شهية
الى ان تأخذ حقه امامه دون ان يأخذه بيداه ..؟
ان كان فى هؤلاء عيب .. فليس منهم .. بل من صنع من حولهم
من صنع كل من حاول تجاهل امرهم ونهب حقوقهم ..

ليس ذنباً حينما ولدوا ليكونوا فى دار ايتام ام فى الشارع
بل هو ذنب اخرون .. غامضون .. وهاربون من عدالة الانسانية
التى باتت هى ايضا غامضة تحت ستار ابهر .. حقوق الاطفال ..

آه ثم آه .. والله يعين كل من فى قلبه هدف فى سبيلهمـ
و
جزيتى خيراً اختى على مجهودكِ .. ليس للمشاركة
ولكن لعطاءكِ لهم .. شئ من حنان .. فـ دمتى بقلب نوره كـ البدر

يثبت
..
نزف الحنين

[ازقرتيه]

** النــفـــســـيـــه **

صج محد قدر يعوضهم عن امهم وابوهم

انا اوافقج يالغلا صحيح لا احد يعوضهم عن حنان الامومه او عطف الابوه

الحمد لله الذي عافانا ممن ابتلاهم فيه و فضلنا على كثير من خلقه
شكرنلعى جهودك و على موضوعك الحساس

دمتي لمن تحبين

[*غالية الأثمان*]

اشكركم يالغاليات على المرور

وان شاء الله يوم الخميس انزل لكم الأسئله

لان بنسوي فيه برنامج حق الطابور

وراح اكتبه لما نسويه بطابور المدرسه ..

:)

[لولو وبس]

:020: حسبي الله ونعمة الوكيل عنجد شيء يحزن الله معهم

[*غالية الأثمان*]

مشكوووره يالغلاااا على المرور

واعذروني بنات قاعد احاول قد ما اقدر اني انزل لكم الأسئله :)

[همس السَحر]

وهنا..
تحية إكبار لمن [ كفلوا ] أحد هؤلاء الضحايا..

نعم ضحايا..ليس لهم ذنب !


بودي لو يرتفع منسوب الوعي..

ويعظم احتساب الأجر..

و... ( تكفل ) كل أسرة يتيماً..

.

اجرٌ عظيم.. [ أنا وكافل اليتيم كهاتين ] ..:)



.

[Girls cheque]

يا ربي قطعت قلبي تراني حساسة مرررة

والحين عرفت بس انو انا عايشة في نعمة كبيرة جدا







مع خالص شكري..

تحياتيز...:017:

[حـــزن]

أمس** منو السبب ؟؟
أم وأب >>> أن كآنوا يستاهلون هالقلب عليهم !
** منو يتحمل هالمسؤليه ؟؟
أم .. وأب أخذتهم النشــوه بالمعصيـه والأثم ونسوا ماذا ستخلف ورائها ..!

** منو يعوضهم عن هالحنان اللي ماشافوه بحياتهم ؟؟

الدنيــآ لسى بخير أحياناً ربي يعوضهم في دنياهم بناس تراعيهم وتهتم فيهم

ويبقى العـوض الكبير عند ربي ربي اللي بيوقفهم قدآم أهلهم يوم القيآمه ويقتص لهم

منهم !

أشكرك على الطـرح يالغاليه

وما تقصــرين

أختك

حزن

[تالـ***ين]

نفسي بس اسأل الشاب والشابه <<صراحه مايستحقون لقب ام واب
الي وصل بهم الحال لوجود طفل غير شرعي بينهم ...
ياتــــــرى ضمائركـــــم مستريحه ؟!؟!
وهل انتم قادرين تحطون رؤسكم على المخده وتنامــــون ...
وفيه طفل يتعذب بسببكم ...!!!!!
××××××××××××

لا تقلون اذا فـــــات الفوت ماينفع الصـــــوت...
حقيقي عذر اقبح مـــــن ذنــــــــــــــب.....

تقبالـــــ تحيـــــاتي ــــــــي

[شموع]

هلا والله حبيبتي ..


من أروع المواضيع اللي قريتها وتأثرررج بالمنظر دليل انج حنوونه وقلبج طيب وكبير ..فديتج

بس ياحبي اللي بغيت اقوله ان احنا ماندري ايش السبب اللي خلاهم في الدّار ..


طيب يمكن أهلهم ماتوا في حادث لاسمح الله او في حريق او اي شي ..صح ؟

يعني اللي بغيت اوصله ان يمكن اهلهم مالهم ذنب ..!


بس الله يعينهم في حياتهم ويعوضهم عن هالحنان بألف حنان ويخلي لنا آبائنا ياااارب ..


الف شكر ..وجزاك الجنـــّه يارب ..:kez_09:



^كنت هنـــا^

شموووع

[EkhllAs]

لا حول ولا قوة الا بالله

[arabic princess]

فعلا شي بقطع القلب ...

و السبب الوحيد هو غياب العقل والدين عند والديهم ، والله ما بعرف كيف ممكن لأي أم أو اب إنو بتخلى عن ابنه أو بنته ويتركوهم بين إيدين الناس إلي ممكن يأذوهم ، بس ما دام في مسلمين عاملين الدور الخيرية في لهل الأطفال أمل بالحياة حتى لو كان صغير ....

فلا تزعلي إذا ما إلهم أم و أب إلهم رب ......21.

[romanceya]

..
السلامـ عليكمـ ورحمة الله

انتهت مدة التثبيـت
و يبقى احدى الرمـوز الرائعة هنا

..
نزف الحنين