مـن اللـي قـد وقــف مثـلـي يـواجـه الأقــدار؟!

[*غالية الأثمان*]

السلام عليكم ورحمة الله وبركاته





إلـيـكــمـ

قصيدة ..اثق ان ليس للخيال يداً فيها

يبدو أن واقعا مؤلم جسد آلامه على هيئة ((قصيدة))

إقرؤها بقلوبكم..مرة مرتين .... اكثر

كي تعشقوا الشعر...كعشقي

ادعها بأمان ( لذائقتكم)


:: ::




على ذاك الرصيف أسهر وأنادي بكل الجنـون القـار..
أكـلـم شــارع خـالـي ســواده مــن ســواد الـلـيـل..
تــرى مـاهــو فـلــس ولا بقـلـبـي قـلــت الأشـعــار..
ولـكـن واقـعـي يـفـرض عـلـي أكـتـب بـــلا تـعـديـل..
أنــا راح الـعـقـل مـنــي وعـنــدي للـجـنـون أعـــذار..
معـانـاتـي إذا بـوصــف يـفــوق الـوصــف والتعـلـيـل..
مـن اللـي قـد وقــف مثـلـي يـواجـه الأقــدار؟!
رضى يبقى ويتحمل ...عشر أضعاف همه يشيـل ..
مــن الـلـي ثـبـت أقـدامــه يـقــاوم شـــدة الـتـيـار؟!
ويعـرف ان النخـل وهـو النخـل راح وجـرفـه السـيـل..
من اللي حب له طفله وحلم من يوم كانـوا صغـار..
يـتــوج حــبــه بـفـرحــه وأمــــه تـحـضـنـه بتـهـلـيـل..
يـمــر الـوقــت وسنـيـنـه تــمــر ويـسـتــوون كــبــار..
ويتغـرب لجـل حلمـه يسابـق كــل شـبـاب الجـيـل..
ويـرجـع رافــع راســه بـعــد مـــا صـــار هـــو طـيــار..
وبقـى مـن حلمـه الـوردي زفــاف يـرفـض التأجـيـل..
يجيهـا يقـول حـان الوقـت تعالـي نكشـف الأسـرار..
طفـح كيـل الصبـر ماعـاد فـي صبـري وصبـرك كيـل..
ويـذكـرهـا بـوقــت صـــار مـــع مـــر الـزمــن تـذكــار..
بــأيــام الـطـفـولـه يــــوم يـغـرقـهـا غــــلا وتـدلـيــل..
يمازحـهـا وتــردد لــه (تــرى الـكـذاب يــروح الـنــار)..
يجافيهـا وتهمـس لــه (أعــرف أن الجـفـا تمثـيـل!)..
وتـدمــع عيـنـهـم لثـنـيـن يـهـلـون الـدمــع مـــدرار..
تــرى الـذكـرى ولــو حـلـوه طواريـهـا تـهــد الـحـيـل..
وتسـرح فـي وسـط عينـه ..تفكـر .. ترتجف..تحتـار..
يسألها عسى ماشر؟ ويطيح من ايديهـا المنديـل..
وتنزل عالركب وتقول تسامحنـي علـى اللـي صـار؟
حــشــا والله مـاخـنـتـك ولـكـنــه حــصــل تـبــديــل..
تـراهــا غـيـبـتـك طــالــت وتــــدري وقـتـنــا غــــدار..
كـبــرت وخـفــت تـتـأخـر وخــيــر الــبــر بالتـعـجـيـل..
ويشهـق يلمـح الخاتـم ..يـحـس الـقـاع تحـتـه دار..
ولا يسـتـوعـب الـمـوقـف بـلـيـا شـــرح أو تـحـلـيـل..
يـسـود الصمت..ولاكلـمـه ونـظـره كلـهـا استنـكـار...
شلـل صـاب اللسـان وصـاب كفيـن العتـب تكبـيـل..
دقيقـه تمر..طعمـهـا مر..نهـايـة عمـر..مـوت أزهــار..
خسارة حب ..ضياع فدرب..نار تشب..عذاب و ويل..
ويسـرح لـو بعيـده تهـون ولكـن كـيـف بـنـت الـجـار..
ويكسـر صمتـه بصرخـه تعـدت فـي مداهـا سهيـل..
ويفـقـد وعـيـه ويـنـزل عـلـى قـــاع الـثــرى مـنـهـار..
مصيبـه كيـف يتحمـل؟! تــرى مــا بـالأمـر تسهـيـل..
مابـيـنـه وبـيــن غرفـتـهـا ...مـمــر ونـخـلـه وجـــدار..
وهــــذا الــلــي يـعـذبــه و يــــزود طـيـنــه بتـبـلـيـل..
يشوف اللي سرق عمره سكن وياها نفـس الـدار..
غـدى جــار ولــه حــق نــزل فــي محـكـم التنـزيـل..
ويتخـيـلـه يـغـازلـهـا ويــقــول أنــــه عـلـيـهـا يــغــار..
ويتـردد صـدى همسـه ولمـسـه وضحـكـه وتقبـيـل..
يـنـاظـر دارهـــا وفـكــره ورا ذيـــك الـسـتـايـر حــــار..
وشـبـاك الـهــوى عـتـمـه بـعــد مـــازادوا التظـلـيـل..
يـقـرر زوجـهــا يـبـنـي ويـرفــع مـسـتـوى الأســـوار..
ويـتـصـرف عـلــى كـيـفـه عـنــده مـنـهــم تـوكـيــل..
ومكـسـور الجـنـاح الـلـي بــلا ذنــب يــذوق أمـــرار..
يـصـارع حسـرتـه ويـجـر بـعـد ذيــك الهزيـمـه ذيـــل..
يفـكـر كـيـف طاوعـهـا الضمـيـر تـكـون شــي ضــار..
بعـد مـا كانـت لعمـره عمـر يحـسـب مــداه طـويـل..
خـذت كـل مابقـي منـه ومـن عقلـه خـذت الأفكـار..
وبــرواز الـوعـد مـايــل خـذتــه تـخــاف قـــال وقـيــل..
عطـت بـروازه لغيـره وخلـت فـي الحـشـا مسـمـار..
وآخــــر كـلـمــه قـالـتـهـا رجــــاءا مـاأبـيــك تـعــيــل..
ورد بكل غضب يسـأل تحسبينـي مـن أهـل الثـار؟!
أنـــا وقـتــي غـــدا مـلـكـي ولا يتـحـمـل التعـطـيـل..
وداع الله وإذا بــعــدك مـــــرض ايـمــانــي الـعــطــار..
أنـــا لـــي رب مـــا يـهـمـل بـقــرا كـتـابــه بـتـرتـيـل..
وإذا كـانــت مـسـافــات الـمـنــازل بـيـنـنـا أشــبــار..
لخليـهـا سـفـر أيــام وأســاوي كــل شـبــر بـمـيـل..
وإذا قـالـوا عـلـي مجـنـون أو ملـبـوس أو صـابـه زار..
لناجـي شـارع خالـي لوحـده فــي تـوالـي اللـيـل..
وأعيـش العمـر أرددهـا (تـرى الكـذاب يــروح الـنـار)..
بـــراءة كـانــت الـجـمـلـه ولـكـنــه حــصــل تـبـديــل..
حكايـة عمـري مـن يـوم الطفولـه ليـن صرنـا كـبـار..
في هذي الصفحه شفتوهـا وعايشتوهـا بالتفصيـل
أبـي شخـص ينـورنـي ومــن أبيـاتـي بــس يخـتـار..
حـرف ماشكـى مــن هــم ويبـشـر مـنـي بتعـديـل..
بعـدهـا بعـلـن افـلاسـي وبـتــرك عـالــم الأشـعــار..
لأنـي ماقـدرت أعطـي لحزنـي فـي الشعـر تعليـل..
وبرجـع للسريـر اللـي مـن غيابـي شكـى محـتـار..
واريــح عـيـن شـوهـهـا ســـواد يـشـبـه التكـحـيـل..
وفي آخر بيت بسألكم عرفتوا ليـش أناجـي القـار؟!
قـولـوا للثـريـا مــن تنـاجـي لـــو خـذلـهـا سـهـيـل؟!


ودمتم بكل الحب



منقوول

[بنت السعوديه]

راااائعه ياقلبي
أتمنى المزيد

[روح الوصال]

رائعه جدا جدا جدا ومشكوررررررة

[*غالية الأثمان*]

مشكووووورين يالغاليات

ونورتوا الموضوع

والرائع تواجدكم بالموضوع :)

[*غالية الأثمان*]

شدعوااا ..

ماكو ردود ؟؟!!

[هدباء]

قبل كل شي رح أقول كلمة وحدة برغم أنها ما تكفي و لا توفي

القصيدة .. روعـــــــــــــــــــــــــــــــــــــــــــــــ ـــــــــــة

و تسلم يد إلي كتبها تراها تنبع من أحساس و الله العالم هلمشاعر لو ما عشتها ما قلت جذي

عن جد القصيدة روعــــــــــــــــــــــة و الله عجبتني من قلب حتى أنها في بعض
الأبيات بجتني من قلب

و الله يعين كل من خسر غالي عليه بهدنيا

يسلمووووووووووووو على النقل

و الله يعطيج العافية يارب

تحياتي
.. هدباء ..

[*غالية الأثمان*]

غ ــاليتي هدباء

اشكركِ على توااااج ــدكِ بين صفحااااتي الـ ح ـــز ينــه


نورتيي

[LOVECITY]

اشكرك على هذ النقل ولكن ياغاليه


سأحذف كلمه لعنه


لان الله القدر ولا تجوز لعنته



لأنني ا اريد حذف الموضوع بارك الله فيك


واشكرك مجددا

[*غالية الأثمان*]

غاليتي LOVECITY

انا كنت حاسه ان هالكلمه غلط

بس عالعموم مشكوووووره

ونورتي الموضوع ..

[C α t c ħ ŷ]

غلووووووووية دوووم مميزة..

موضووووووووعكـ نآيس ..

تسلميييييييين

[**قمرهم كلهم**]

قصيده روعه

شكرا لك على القصيده الرائعه

مشكورة تشاوو

[*غالية الأثمان*]

تسلموووون يالغاليات على المرور الطيب

نورتواا

[فوق الدلع مغروره]

راائعه يا قلبي..


تسلمين..

[*غالية الأثمان*]

مشكووووووووره يالغلااا على المرور الطيب ..

[ازقرتيه]

قصيده رائعه و كلماتها ...اروع

كما عهدناك دوما رائعه بمواضيعك

تسلم يمناج و يعطيج العافيه

دمتي لمن تحبين

[*غالية الأثمان*]

مشكوره ياقلبي

ومرورج هو اللي نور الموضوع :)