دعوة للنقاش : ليه نكره المدرسه أو الجامعه ’

[دلوعة أمها]

http://img144.imageshack.us/img144/4684/b4b7f575c1ak6.gif

السلام عليكم ورحمة الله وبركاته

ليه نكره المدرسه أو الجامعه ؟
ليه تغيبين عن المدرسه أو الجامعه ؟

ليه تتأخرين الصباح ؟

ليه نفسيتك زفت لما تروحين المدرسه أو الجامعه ؟

تساؤلات كثيره كل هذا تصير لي ولأي وحده منكم اتمنى التفاعل والإجابة على الأسئله واضافة اسئله اخرى منكنhttp://forum.hawaaworld.com/images/smilies1/smile12.gif

[•° SuGaR CuP °•]

وعليكم السلام والرحمة ,

أنا عن نفسي ما أكـرة المدرسة , بس اتضايق من قومة الصبح كل يوم ><"
وبالنسبة للنفسيـه , تعتمد على المعلمات وجو المدرسـة نفسة ^^"
يعني لو كان التعليم ممتع بالمدرسة بأنشطة وحركات , البنات رح تكون نفسيتهمـ اوكي ,
لكن اذا كانت مدرسة عسكرية زي مدرستي طبيع الوحدهـ تكون نفسيتها زفت فيهآ !

وشكرا ً

[ريم الفلا]

انا اعتقد ان كره المدرسة و الجامعه بسبب المناهج الي يقدمونها

والي شفته انهم يحفظون الدرس ويجون يسمعونه لا شرح وافي لا

اشياء اضافية ... ... الطلاب والطالبات يحبو الاشياء العملية فلو كانت

الحصص عملية اكثر منها نظرية كانت حبوها .... لانها ترسخ بالذهن

اكثر .... وانظرية لو انها فيها فايده ولوان الطلاب يحسو انهم يستفيدوا

ما كان كرهوها .... .. ايضا احس احيانا اني ادرس مواد ماراح تفيدني

في التخصص الي راح ادخله ... مستقبلا ...

وووووووو واشياء كثيرة ... جلسة الصباح حلوة بس لما تتذكري انك راح

تسمعي وتسمعي لما ترجعي بتكرهينها ... ا يضا وقت الفسحه قليل

ما تحسي اخذت وقت راحه كافي ...

ــــــــــــــــــــــــــــــــــــــــــــــــــ ـــــــــــــــــــــــــــــــــــــــ

حبيت اختي اشارك بالقليل علا وعسى ينفع

شاكره لك طرحك الحلوووو

تقبلي مروري
ريم الفلا

[rasha]

السلام عليكم انا من رأيي انه هذا شي يعتمد على المعلمات في المدرسة وعى نظام المدرسة او الجامعة يعني انا اتفق مع البنات في هذه النقطة لازم يكون فيه نشاطات
تجارب علمية ورحلات ميدانية تخلي الطلاب يتحمسون للمدرسة او حتى الجامعة
وشكرا

[C α t c ħ ŷ]

جوآبي

نقوم مبكر

نلقى صديقات زي الزفت..

نذاكر ونحل وآجبات,,

معلمآت وعع..

وشكرا

[توأم الـروح]

الصلآم ع ـليتكم.. ؛)

موضوع يـ ح ـتآج النقآش ع ـلى ما أظن..

أتوقّع السبب..

إننا نـ ح ـن الطلآب..
نريد الـ ح ـرية في أفـ ع ـآلنــآ و أقوالنــآ..
لكــــــــن..!

نـ ج ـد المدرسهـ تـ ج ـبرنــآ ع ـلى القيام بأشياء مـ ع ـيّنة..
قد يحبها البـ ع ـض و قد يكرههـآـا البـ ع ـض..

و أنـــ رأينـــآـا و وج ـهة نظرنـــآ
أنهم يريدون التـ ح ـكم بنـــآ
لآ غ ـير..

لذلكـ نكرهها و نكره من فيهــــــآ..

و لكنهم يريدوآ إنشــآء ج ـيل وآع ـي..
ربمـــآ تـ خ ـتلف الطرق..
و يكون بـ ع ـضهــآ سيء..
لكن الهدف وآح ـد..
[..و إن الاخ ـتلآف في الرأي لآ يفسد للود قضية..]

دلوع ـهـ..
أشكركـ ع ـلى الموضوع الفنتكـ..
لآ تـ ح ـرمينـــــآ..

تـ ـوومـآـا =)

[الكعبيه]

أناااااااااااااااااا أحب شي أسمه مدرسه ولكني خلصت

بس كنت وايد أشرد ما أحب ادرس وأحب وألأحين عقب ما خلصت

أتندم لأني ما كنت أذاكر

لا تستوون شراتي ترى الدراسه مهمه

[{..Tiffa ~]

اول شئ قبل ما ابدا بالكلام حبيت اشكرك علي طرح هالموضوع هذاا لان من جد البنااااااات يحبووون يتكلموون عن نفسهم كثيررررر : )
اول انا يعني اكره المدرسه تقريبا لان تخيلي سنه كاامله الا شهر يويما اقووم الساعه 6 يعني اوك هذا وقت المدارس بس يعني ما يمديني حتى انا 5 ساعات وراا بعض والله جد يعني انا انام الساعه 1 بالليل وما يمدين اقوم الساعه 6 تخيلوا اقوم الساعه 6:15 و لازم اكون بالمدرسه 6:30 شنو هذا بالله عليكم ؟؟؟ المهم هذا عن التوقيت يعين اشووفه لو سواها زي الجامعه الساعه 8 الداوم مرررة بيكون عدل التوقيت علشان بعد مو انا ارتااح البنات بعد :)
اما نفسيتي طبعا كل وحده نفسيتها تكون رايحه في ام ابوها لمن بس تقولين لها شئ اسمه المدرسه ههههههههههههه او الدرااسه
ليه ؟؟؟لانو يا طويله العمر .. يعني من جد لمن تروحين اول يوم ثاني يوم انقول اسبوع الاول والثاني تقريبا من بدايه الدرااسه تكوني تتحمسي علي الدرااسه خصوصا لمن يكون المنهج غير عن المردسه اللى رحتيها لمن كنت المتوسطه او الابتدااائي يعني والمدرسه ايضا غير والبنات غير بس بعد كم شهر شهرين كذاا يحسين من جد خلاص زهقت مني الدراااسه يعني يوميا درااااسه واختبارات يعني في اليوم الوااااحد عندنا اختبارين او 3 اختبارات باليوم الوااحد << شوفوا هذا كيف مع السنه كلها يعين ام الاشياء الزفت تروحيتن البيت يعني مثلا يكون عليج بكرة مثلا اختبارين اوك مثلا بلاغه وتوحيد مثلا اوك وانتي رجعت من البيت وانتي نمتي الساعه 1 مثلا وما قمت الا 6 الصبح يعني من الطبيعي انو تناااااااااامي نمتي وبعدين انقول انك قمتي الساعه مثلا 8 بالليل تهقيييييييييييين يمديك تخلصييييين التوحيد والبلاغه وعلى فكرة اول ثاانوي التوحيد مثلا مثلا لو فيه اختبار احنا عندنا كل الكتاب الايات اللى فيه حفظ تخيلوووووا يعني من جد صعب ويعني مررة يتكوني نفسيج مررة رايحه فيها : ( وبعدين علي فكرة احنا في المدرسه مثلا انو الحين الحني بعد كم اسبووووع على ما اعتقد اسبوع ما في ولا اختبار وفجاااااه اسبوعين وراح بعض كل يوم اختبارين لانو احنا اول ثانوي وبعدين مو زي ثاني وثالث بس اللى تخصصوه يعني علمي ولا ادبي بس احنا اول ثانوي كله علمي وادبي علشان كذا صار اسبوعين كله يوميا اختبارين في اليةوم الواااحد والله يعين الجميع ومشكورة مرررة حبويه ريحتيني والله .... : )
واسفه ع الطااالعه : ) ومن مشكورررررررررة يعين طلعت كل اللى في قلبي : )

[نبعة الريحانة]

أنا عن نفسي اشوف المدرسة حلوة هوايه صحيح يكون مزاجي مو عالي أقصد(زفت)
الحلو أني أشوف صديقاتي ونسولف هوايه مانشبع أبدا
وبنظري اشوف المدرسة مهمه لان منها تكونت شخصيتي وموهبتي وتفكيري
ول ما حلو ان المعلمه ماتغيب ابدا لزقه، وتعطينا انشطه هوايه وممله



تحياتي"027"

[صمت الشوق]

مشكووووره الغاليه على الموضوع الحلو ....
اللي اكرهه في المدرسه هو التحضير والمذاكره والواجبااات والامتحانات والحلو فيها طبعا نادر وشوي هو انه نقعد ويا الربع انسولف ونضحك ونتمشي .......وبس والدراااااسه حلوه ماعليكم بس اهتموا اشوي وبعدين راح اتخلصوا واتروح الجامعه ....

[غلا الحجازية]

اولا _ اشكرك على هالموضوع السبيشل صراحة 00 وبعدين انا اعتقد انا مانكره المدرسة او الجامعة ))))) عن نفسي لاهذا فقط كره للروتين اليومي 00 وصدقوني انكم لو تعرفتوا فيها على صاحبات حبوبات وكونتوا شلة مثالية ماح تكرهوها ابدا 00 لان اساسا جلسة البيت ملل ويكفي انك اتقابلي ناس وتتفاعلي معاهم وهذا بحد ذاته شي ممـــتاز وينمي شخصيتك بالاتجاه السليم 00 طيب جربوا كل يوم الفطور على وحدة وافتحوا الشبابيك الصباح واذا كانت الماضرة تبدا الساعة 8 حاولي تجي قبل وتتمشي بالجامعة وشوفي شراح تحسين )))))) مو كاني قلبتها فلسفه ههههههههه هذا علم النفس وعمايله هههههههههه دمتي بوووووووووووود

[محبة يابان]

مشكورة حبيبتي على الموضوع بس بنسبة الي انا امووووووووووووووووووووووت على المدرسة

لان بيتي ثانية و معلميها عبارة عن والدي اكيد و لا واحد يقدر ياخذ مكان والدي بابا ماما

اما عن تلاميذ صفي كأننا عبارة عن عائلة واحدة و اخواة

وتسلمي مرة تانية

بس بشرط اذا كنت مع صف الي تعلمت و كبرت فيوووووو

سلملم

[وحيدة الهم]

أنا بعمري ما كرهت المدرسة .. بالعكس كنت احبها حب لا يوصف

لكن من دخلت الثانوية تغيرت نظرتي

أرجع السبب للمناهج اللي يحطوها لنا

ياليت لو تكون مناهج تفتح النفس

كلها معقدة

نحن نحب العلم لكن العلم الهادف مب العلم اللي يطلع من المخ على طول

وبالرغم من ها كله فأنا ما اكرهها ^_^

وما اغيب ابدا الا اذا مرضت

والمشكلة بعد اني كرهت المدرسة بسبب بعض الاشياااء كالظلم والفتن وغيره

شكرا عالطرح الراااااااااائع كروعتك

[*ashley*]

السلام عليكم
انا اكره المدرسه بسبب
الظلم والضرب ((هاذي الظاهره منتشره ))
ومره كنت اتكلم في الطابور مع زميلتي :015:
جت الاستاذه طقتني خيير طقتني تخيلوو طيب ليييش
تطق بنات الناس ؟؟لو حنا اصغر عيالها تطق :030:
ولما استاذه كاتبه واجب بالكتاب
ولما جت قالت انا قلت بالدفتر
يعني اشياء استغفر الله ظلم مب طبيعي
والضرب >والله استاذه صيحت بنت دخلت الابره الخياطه
بيدها :061: ومن القهر البنت تطق الطاوله "026" والله مسكينه
ولا مره استاذه التوحيد يله كل الادله حفظ ويله بكره تعالوا
سمعوا ... كيف نسمع ما يمدي احفظ رياضيات وتوحيد يا ربي
بعكس > لو كانت الاستاذات يعطو فرصه للحفظ وما يضربوا يحترومو الكلام الي انا اكلم صديقتي فيه وتكون فيه نوع من المرح وساعه الصدر مب كتمه نترجى الاستاذه تفتح المكيف تعيي
واسفهلو كنت طولت بس اطلع الي بقلبي من المدرسه الماصله :001:
اختك: ashley

[ازقرتيه]

غاليتي شكرن على هذا النقاش

نكره المدرسه ولا الجامعه لسبب؟؟؟؟؟؟؟
اثنين اهوه قعدة الصبح و الدراسه و الامتحان الي تخرب النفسيه
ولا الجامعه و المدرسه ونااسه
يكفي انج تجوفين رفيجاتج والمه حلوه

[دلوعة أمها]

شكراً لمروركن

[Cuore]

المدرسه حلوه وهي تبنيلنا مستقبلنا

لاكن المشكله فيها اننا نداوم الصباح

ومافي نشاطات حلوه يعطونا اياها

يعني لو تشوفي في امريكا مايداوموا الساعه 6 او 7 لا يداومو الساعه 8 او 9 وعندهم نشاطات حلوه والتعامل هناك بسيط جدا زيي زي غيري

اما احنا نكره المدرسه لان فيها سوء تعامل و مافيها نشاطات حلوه ونداوم بدري بالصبح وماعندنا تطورات بالتدريس يعني اغلب المدرسات والمدرسين يشرحوا عالصبوره وهذه الوسيله وسيله قديمه ذحين طلع (الداداشوه ) وموكثير الي يستخدموه فاعشين كذه الطلاب ملو خلاص
كل يوم نفس الشي
وبعض المعلمين اسلوبهم برضو قديم ماعندهم اساليب جديده تجذب الطلاب

وبالاخير اقول المفروض الوزاره تسوي دورات للمدراس وللمعلمين

واشكرك ع الموضوع المهم

[.:الريـم:.]

ليه نكره المدرسه أو الجامعه ؟
الأختبــــآـآرآتـ والـوآجبــآـآتـ أخــذت دور

ليه تغيبين عن المدرسه أو الجامعه ؟
الحمدللـهـ نــآدر مـآأغيب..

ليه تتأخرين الصباح ؟
لآنـي فـ بــآص

ليه نفسيتك زفت لما تروحين المدرسه أو الجامعه ؟
لأنـ يكـــونـ فينـي نــومـ ^_^






ويسلمــو على مــوضــوعكـ الأكثــر منـ رآئــع,,

تقبلــي مـروري

[عابرتـ سبيلـ ,]

اما بالنسبه لي المدرسه عندي حلووه >>>>>>>>نصابه هع

بس الي يكرهني فيها قومت الصبح ااااخ

والي يخليني احبها اني كل يوم اشوف رفيجاتي ؛^^

ليه نكره المدرسه أو الجامعه ؟

لانه من الدراسه الي تخرب خلايا العقل اقصد تضبط خلايا العقل هع

ليه تغيبين عن المدرسه أو الجامعه ؟

انا ما اغيب عن مدرستي الا اذا كنت مريضه



ليه تتأخرين الصباح ؟

لانه اكون نعسانه وابي النوووم

ليه نفسيتك زفت لما تروحين المدرسه أو الجامعه ؟

من المدرسات الي نصبح بوجيهم



وشكرا ع الموضوع

[دلوعة أمها]

شكراً للمروووووووور

[روضة الهاشمي]

مــوضوع حلـــــــو =)

انا عن نفسي ..}~~
ما احب المدرسهـ ولا حتى اكرهها ...

يمكن احبهــا .. لاني اشوف ربيعــاتي واقعد معاهمـ وسوالفـ .. وحتــى يمكن استفيـــد واتعلمـ ..

ويمكن ساعات اكرهها او تطفر ب المدرسهـ .. بسبب كثــره الضغوطات اللي علينا وكثــر الامتحانات وغيــر قوانين المدرسهـ اللي ما تخلص انهمـ يحرمونا من اي شي يونسنا ... وعآمل رئيسي اســــلوب المعلماااااااااات صدق ساعات تخيني ما اطيــق المدرسه ...

بس طبعااا دامها داخلييين المدرسهـ نتحمل شو يصير لنا فـ سبيل العلمـــ ...

واللهـ يوفق الكل يآرب }~~


RoRo 81

[الماسه الزرقاء]

بصراحة انا أعشق المدرسة عشق ماله حدود لأن فيها اشياء حلوة بغض النظر عن الأشياء المو حلوة

[Nadin the coolest girl 4]

أولا اشكرك على الموضوع

ثانيا: لا اكره المدرسة ولا الجامعة ,, لاننا نذهب اليها لنتعلم و نتثقف بما هو يفيدنا و نلعب

اذ ان المدرسة هو بيتنا الثاني

تقبلي مروري

[Chocolate Sky]

هلا والله ..

صبآحكمـ / مسآئكمـ

ألوآن :)

صراحة والله .،‘

أنا أحب المدرسة .،‘

بس لو إنها في اليل .،‘

[وناااااسة ] .،‘

بس ـآنــآ أعتقد أنو البنآت ما يحبوونها عشآن قومة الصبآح :017: .،‘

والله اني اعــــآـآـآـآـآني معاهـآآ .،‘

[غريبـه !]

السلام

والله انا عن نفسي ما اشوووفها حلووه والاسباب معروفه
قعده الصبح , الدراااااسه << عقدتي
ولا فيها شي يذكر حلوو
يالله متى انتخرج ونفتك

ثااااااااااااااااااااانكس ع طرحج

[دلوعة أمها]

.~~.مشكوورين للمرور بنوتأأأأتـ.~~.

[Vanilla Sky]

أنا كنت ما أطيق المدرسة بالمررررررة
نصحى الساعة خمسة وإحنا نايمين 2 ولا 1 من المذاكرة
لا بعد نصبح على وجيه المعلمات((أعووووذ بالله))
ومرة ما أطيق الواجبات والبحوث كلها ترفع الضغط
وكل يو إختبارين ونحفظ كل الأدلة
وفي يوم واحد ((لما كنت صغيرة))إختبرنا كل الكتب((كل المواد))بيوم واحد!!!!!!!!!!!!!
أتصدقون؟؟!
شيء لا يصدقه عقل صراحةً بس هذا الواقع
لكن المدسة راح تطلعنا شيء محترم وكبير ونكون فخراً ومثلاً وقدوة في الـ**((المجال حقتك))
وراح أذكر لك موقف صار لي من زمااااااااان:
كنت نايمة بعز نومي وطآآآآآآيرة بالأحلام ((سابع نومة))
تجي أختي تصحيني بقوة((طاح قلبي بعدها))
وتقول:مدرسة مدرسة((مثل حق العبايات هعهع))
قمت صارخت بوجهها:تبين تجيبي لي سكتة قلبية
تصحيني وتقولين مدرسة؟!
هاهاهاها
وكمان أسلوب المعلمات يرفع الضغط ما يتأدبون
ويتمكيجون ويتحلون إلا إذا جات وحدة من المسؤولات
حيييييييييييييييل أكره هالأسلوب
وأساليب التعليم لبيييييطة وزي وجهم مو حلوة
يعلموننا تدبير منزلي ومدري وشو من قلك بطلع خياطة؟
لا وبعد قراءة من قال لأمك معرف أقرأ؟؟!
وشو ذا؟!من جد غبااااوة!!
لا والبروجيكتر((جهاز العرض أو الداتا شو))ما جابوه إلا
بالجامعة!!!
وهذا الموضوع تناقشنا فيه كثيييييييييراً ولكن لازال متفاعلاً!
سوري ع الإطالة

[دلوعة أمها]

مشكورهـ بالورينا على المرور ..
ولن أنساكـ من الدعاآآااء بأن الله يحببك بالدراسهـ ..
خخخخخ..

[عاشقة الإمارات]

مشكوره على الموضوع
بس أحيانا ماأحب أذاكر

[بحـــ الإحساس ـــر]

أهلا بكـ يا غاليه

صدقتي يوجد الكثير ممن يتذمر من الدراسه
في اعتقادي أن هؤلاء ربما واجهوا موقف عنيف في المدرسة
سبب هذه النظرة السلبيه للدراسه
وأيضاً عدم الوعي المستقبلي
أي أنه لابد من الطلاب أن يعرف لماذا يدرس
أغلب الطلاب يدرس فقط لمجرد التلقي
يجب تبين لهؤلاء ان مستقبله مرتبط بدراسته ..
هذا رأيي

حبيتي أشكرك
مودتي

[الــفــارســة]

دلوعة أمها ,,

الصراحة شي طبيعي أن بعض البنات يكرهون المدرسة ومنهم انا ,,

لكن ؟ أكيد في أسباب ممكن منها الأستاذة تحرج الطالبة اذا ما جاوبت على السؤال ,,

ممكن المعاملة السيئة للطالبات من قبل المعلمات و أحيانا السب ,,

مستحيل تكون الطالبة مهما كان مستواها تكره المدرسة من غير سبب ,,

أختى موضوع غاية في الروعة ,,

تقبلى تحياتى ...

[Vanilla Sky]

مشكورهـ بالورينا على المرور ..
ولن أنساكـ من الدعاآآااء بأن الله يحببك بالدراسهـ ..
خخخخخ..
وما راح أنساكـ بعد يا أحلى صديقة لي بالمنتدى أنت وهجورة البحرين(::040:
ورا أدعيلكم كوووولكم وأدعولي بالنجاح شهاداتي بعد بكرة((لقد كذبت بشأن عمري
أتمنى تسامحوني))ويارب كلنا ننجح:51:

[قطوة الكويت]

ليه نكره المدرسه أو الجامعه ؟
انا عن نفسي احب المدرسه
ليه تغيبين عن المدرسه أو الجامعه ؟
ماغيب الا مره او مرتين اذا كنت مريضه
ليه تتأخرين الصباح ؟
ما اتاخر وايد
ليه نفسيتك زفت لما تروحين المدرسه أو الجامعه ؟
يمكن عشان الامتحانات .. !!